Login

Lost password?

New to site ? Create an Account

Register by invitations only

Ask for invitation


Already have an account? Login

Forgot Password


Back toLogin

أدفع وأستقبل بالـPaypal

الطبيعى ف الحالات دى إنى اكلمكم عن إهميه إنه يبقى معاكInternet card و إن الـOnline payments مهمه و استخدامها أسهل و  اسرع و بتنجز وقت كبير و الجو الرخيص ده … 😀

بس الفكره بقى إنه عيب إنى اقول الكلمتين اللى فوق دول .. لأن اللى بيقرأ دلوقتى 90% منه شغال فى مجال الـOnline marketing أو على الأقل شغله ليه علاقه أساسية بالإنترنت .

فأكيد هتبقوا فاهمين كويس أوى أهمية إن يبقى ليك Access على Online payment method واحده على الأقل و تكونوا جربتوها كمان ..

المهم لو مجربتوهاش تعالوا نمشيها خطوه بخطوه عشان بكرة الصبح تنزلوا تجربوها 😀 من الآخر هنتكلم فى ” How to “

1- اعمل Pre-paid card

إزاى بقى ؟ هتنزل أى بنك الصبح و معاك 60 LE فى جيبك و هتروحلهم و تقولهم عاوز اعمل Pre-paid card و على حسب البنك اللى هتروحله يعنى فى بنوك بتطلع ف يومها و فى بنوك بتطلع بعدها بيومين تلاتة لكن الأفضل و اللى كتير من الـMarketers بيفضلوا التعامل معاه فالـOnline payments “بنك كريدى اجريكول ” بس هو بيحتاج شوية حاجات كده زى البطاقة و HR letter

لكن بنك CIB بتطلعها و انت واقف ب 30LE و مبتحتاجش ان يبقالك أكاونت فى البنك بس بيحتاج صوره من البطاقه بس و طبعا إنك تكون عديت الـ18 سنه، لو لسه هتحتاج بابا يروح معاك 😀

هتستخدمها إزاى ؟

أى حاجة بتشترى منها أونلاين هتبقى محتاجة منك تدخل بس بيانات الكارت .

زى كده :

card data

2- إزاى اتعامل مع Paypal ؟؟ 

مبدئيا تعالوا نفهم..

ايه هو الـ Paypal  ؟؟ 

هو المحفظه بتاعتك بس Online 😀

يعنى المكان اللى بتحط فيه فلوسك بس اونلاين و لما تيجى تشترى أى حاجه من على الإنترنت بتقوم مدخل أكاونت الـPaypal بتاعك علطول، الفكرة إن الـPaypal هيكون مسجلّك كل مليم صرفته فين و امتى و قد إيه . يعنى “محفظة” و بتكتبلك Notes كمان بكل تعاملاتك Online . 

و عشان تدخل بيانات الـCard بتاعك هتدوس على Add a card زى ما فى الصوره . و هتقدر بقى تستخدمه بعد ما Paypal يتأكد منك بس ان الـCard ده بتاعك فعلا مش مقلبه من حد 😀

paypal card

و هى دى الطريقة اللى بتدفع فيها فلوس عن طريق الـPaypal ..

ازاى تدفع عن طريق الـPaypal من غير متعمل Account؟؟

وانت بتعمل Account بيطلب منك verification و حاجات تانيه كتيره لو عاوز تختصر الوقت اكتر و اكتر هتجرب الـPayPal Express Checkout , و ده Option بيبقى موجود ف أماكن كتيرة و انت بتدفع  مبتحتاجش تعمل Account لانك بس بتدخل بيانات الـInternet card اللى معاك .

و اصلا الـPayPal express checkout ده طريقه الـPayPal اخترعها عشان يزود الـConversion  , لأن الـUser كل ما بيلاقى سهولة فى التعامل و الدفع كل ما بتكون الـActions بتاعته اسرع . يعنى من الاخر هو Option كل مهمته يسهل علي الـUsers الدنيا عشان الـBusinesses كمان تستفيد 😉

” و ده اللى هنعمله للكتاب اللى بنبيعه دلوقتى فى School of marketing “

* نرجع تانى للطريقه العاديه .. الطويلة شوية ” اللي هو انك تعمل Account ” 

** خلى بالك , وانت بتعمل Account:

انت ممكن تعمل Personal account و تربط بيه Business account ، ده عشان تفرق حسابات شغلك عن حسابات الحاجات الشخصية، من الاخر بيرتبلك الدنيا يعنى .زى ما فى المحفظة بالظبظ، بتبقى فارق فلوس الشغل عن الفلوس الشخصية 😉

إزاى استقبل فلوس من الـPaypal ؟؟ 

مبدئيا هتـSetup business account و هيطلب منك شويه data و هتدخلها عادى، و لو حتى لو Freelancer اختار الـData اللى تناسب وصفك  و مجالك.

هيقوم قايلك على فكره يا فندم انت ممكن تدفع فلوس بس بالاكاونت اللى انت عامله ! أمال هستقبل فلوس ازاى ؟؟ هتدوس هنا :- 

paypal

و ببساطه هتقوم مدخل بيانات Visa بتاعه Bank Account فى مصر هنا و هو هيحولك فلوسك عليها كل أول شهر .

و بس كده ده الموضوع كله من اوله لاخره ، المهم ياريت تسألوا عشان ارجع اجاوب على الاسئلة فى الـBlog article ده و اخليه دسم اكتر 😉

Write your review