Login

Lost password?

New to site ? Create an Account

Register by invitations only

Ask for invitation


Already have an account? Login

Forgot Password


Back toLogin

Mini Guide: Strategic Planning from A to Z

الـ Guide ده لمين ؟!

الـ Guide ده معمول لكل واحد شغال كـ Social media Specialist سواء كان فى Agency أو لـصالح Business معين، عشان يقدر يساعده فى كذا نقطة:

1- الشغل بتاعه يبقى منظم ، محدد و مش عشوائى

2- تقدر من خلاله تبّين للـ Client أنت هتعمل ايه الفترة الجاية بشكل مظبوط

3- تقدر تقّيم شغلك بعد نهاية مدة الـ Strategy اللى أنت اشتغلت عليها و تعرف ايه نقاط القوة و نقاط الضعف عندك بالتفصيل الشديد

ليه الـ Guide ده من أساسه ؟!

بغض النظر أن “على مستوى الأفراد” الـ Social media كـ Marketing tool بتتحول للأسف لأكبر مكان للهرى و الـ Abusing عند المصريين ” و ده طبيعى مع أى علم جديد بيظهر فى بلدنا “، لكن كمان Still فى عدد كبير من الـ Brands & Businesses شغالة Online Marketing بدون أى Strategy واضحة و ده بيوصلهم لأن مفيش نتايج قوية بتطلع من الـ Online Marketing تفيد الـ Business بتاعه و بالتالى بيطلع Feedback قوى أن الـ Online Marketing هو اللي فشل بالرغم أن السبب من عند الأفراد !!

Introduction : ليه Strategic Plan ؟!

من حوالى شهر كنا قاعدين مع واحد من الـ Clients الجداد لـ Ideacloud Agency هنقدمله Managing Services ، و من أول الجمل اللى فوجئنا أنه بيقولها “أنا مش عايزكم تعملولى Strategy أنا عايز Campaigns تطلعلى نتايج !!” .. الكلام كان صادم جداً لحد ما وضحلنا أن اللى كان شغال على الـ Account قبلنا كانت أكبر مشكلة عندهم إنهم دايما كانوا بيوعدوه بـأنهم يعملوا Strategy و الـ Strategy إما أنها ملهاش اى علاقة بالواقع أو مبتتعملش أصلا !

الشاهد من الموضوع أن مش دايماً العيب من عند الـ Client “زى ما معظمنا بيدّعى” ، لأ فى أحيان كتير العيب بيبقى من عندنا احنا و ده لكذا سبب :

* أولهم: أن فى ناس كتير لحد دلوقتى شغالة بدون Strategies واضحة ليها بداية و ليها نهاية، و كل اعتماده بيبقى على مجموعة من الـ Posts أو الـ Campaigns اللى إما تنجح جداً فالـ Client يبقى مبسوط أو تفشل جداً فالـ Client يكدرك

* ثانياً: فى ناس بتتعامل مع الـ Strategy بمبدأ ” إنها زينة فى البترينة” أو بالظبط حاجة كده زى “الـ Vision و الـ Mission فى أى مؤسسة حكومية عندنا .. هى بس معمولة عشان تبهر الـ Client و تبينله اد ايه أن الدنيا و ردى و أن احنا ناس جامدة، فى حين أنها فى الحقيقة مبتبينش أكتر من أن اللى عاملك الـ Design هو شخص جامد!

* ثالثاً: ناس بتعمل Strategies بشكل مظبوط و كامل لكن فى النهاية الـ Execution بتاع الـ Strategies ده مبيكونش فى نفس مستوى الـ Expectations اللى اتبنت عليها، و ده طبيعى أنه يحصل كتير زيه زى أى Strategic Plans فى الدنيا، بس مش الطبيعى أنه يتكرر أكتر من مرة !

الـ Guide ده معمول بشكل رئيسى عشان يساعد النوع التالت من الناس و هيكون ماشى فى 2 Streams رئيسيين هما:

1- عرض الطريقه و أجزاء من الـ Templates اللى شغالين بيها فى IdeaCloud Agency واحنا بنعمل Strategic Plan سواء لـ SOM نفسها أو للـ Accounts التانية اللى شغالين عليها.

2- هنقول شوية Tricks على كل جزئية من الجزئيات ديه عشان تاخدوا بالكم منها لأن هى ديه الحاجات اللى بتلبس فى الحيط أو مبتطلعش نتايج مظبوطة فى الأخر !

و الحقيقة بقى أن الجزء التانى هو الأهم من الجزء الأول .. السبب فى ده أن الـ Templates عمرها ما كانت قرآن، و أكيد هتلاقى ناس شغالين بـ Templates تانية محققين نجاحات برضه، وبالتالى المطلوب منك مش إنك تنقش الـ Template .. لأ المطلوب منك إنك تعرف الـ Concepts و الـ Sense اللى بتتعمل بيه الـ Strategic Plans بعد كده تاخد الـ Templates ديه و تعملها Customization حسب حالة الـ Business اللى أنت شغال عليه!

فى السطور الجاية هنقسم الـ Strategy لـ 3 أجزاء رئيسية هما :

* Part 1 : و ده جواه الـ Business Obj. , Business Impact, KPIs

* Part 2 : هنشرح فيه الـ Buyer Persona , Competitors

* Part 3 : هنتكلم فيها بالتفصيل عن الـ Channel Plan & الـ Editorial Calendar و كل الـمشاكل و الـ Tricks اللى جواهم.

———————————–

Part 1 : و ده جواه الـ Business Obj. , Business Impact, KPIs :

أول جزء من الـ Strategy طبيعى يكون بيوضح بشكل رئيسى موقف الـ Business ده ايه ؟! احنا فين ؟! عايزين نوصل لايه ؟!

Business Objectives

Business Objectives

من وجهة نظرى أن ده يكاد يكون الجزء الأهم فى الـ 3 أجزاء، لأنه فى النهاية ده اللى هتتحاسب عليه أو هيتعرف من خلاله أنت نجحت بنسبة آد ايه بناءً على الأرقام اللى أنت كنت حاطتتها قبل ما تشتغل، بمعنى تانى سواء كنت Freelancer ، أو شغال فى Business ، أو شغال فى Agency .. هو ده الجزء اللى يهم الـ Client بشكل رئيسى!

الجزء ده بيبقى فيه 3 Columns رئيسيين هما:

1- الـ Business Objectives و اللى بيتسجل فيه كل الـ Objectives اللى عايز توصلها سواء أنت مشارك فى إنك تحطها أو جيالك جاهزة .. فى كلا الحالتين فى عامل مهم لازم تاخد بالك منه، و هو أن الـ Objectives ديه معقولة و منطقية مقارنة بالـ Time frame بتاع الـ Strategy. فمينفعش مثلاً أكون مسئول عن الـ Marketing لمطعم لسه فاتح الشهر ده و أنا بعمله Strategy لـ Quarter ” تلات شهور” ، وييجى يقولى أنا الـ Obj. بتاعى إنى أبقى المطعم رقم 1 فى مصر بعد أول 3 شهور! أو مثلاً فندق فى أسوان و أنا بعمل Strategy للـ Quarter التالت فى السنة “اللى هو صيف” وييجى يقولى أنا عايز اعمل Duplication للـ Sales اللى فى أول Quarter !

2- الـ Business Impacts هى الـ Indicator اللى هتقيس عليه نجاح الـ Obj بتاعك، فمثلاً لو واحد من أهداف الـ Business أنه يعمل SEO Ranking يبقى الـ Impact بتاع الـ Obj. ده أن هتقل الـ Marketing Budget بتاعتك.

* أكيد مش هكلمك فى أن لازم يكون الـ Business Impact مناسب للـ Obj. اللى محطوط ، مينفعش مثلاً يكون الـ Obj. بتاعى يكون awareness بالـ Brand بتاعى أو ببنى Community على الـ Fb و يكون الـ Impact بتاعه إنى اعمل SEO Ranking ! “هي مش محتاجه فكاكه !! 😀

3- الـ KPIs .. فى أغلب الأحيان هو ده أهم Column بالنسبة للـ Client و ملهوش دعوة بالباقى 😀 ، هنا أنت بتحدد بالأرقام أنت فعلاً المفروض توصل لايه، و بالتالى هو ده المقياس اللى هيبينلك بالظبط حققت اد ايه من الـ Obj. بتاعك

الـ Tricks اللى هنا :

يُفضل متتفقش على KPIs من أول شهر خصوصاً لو الـ account ده بيشتغل للمرة الأولى بشكل منظم و أنت أول شهر تشتغل عليه .. الفكرة مش تهرُب ع اد ما السبب أن فعلياً أول شهر شغل على Account المفروض يبقى Testing لكل حاجة، و مش معنى أنه Testing أنه ملهوش Strategy ! لأ خاااالص كل الفكرة أن أنت هتروح للـ Client بعد أول شهر بـReport بيقوله احنا جربنا عدد X من التجارب و طلعنا أن التجربة رقم Y هى اللى ناجحة و بالتالى هو ده الطريق اللى هنمشى فيه !

Part 2 : الـ Competitors & الـ Buyer Personas & الـ Brand Voice :

قولنا أن الجزء الأول هو أكتر جزء مهم فى الـ Strategy على الأقل من وجهة نظر الـ Client .. الجزء ده هو أكتر جزء محتاج Analysis ، ومحتاج فعلاً واحد بيعرف يتكلم بالأرقام من ناحية و من الناحية التانية حد بيعشق الـ Search والسرحان فى الـ Data … خلينا نقسم الـجزء ده لـ 3 نقط و نتكلم فى كل نقطة على حدى:

1- الـ Competitors :

Strategic Planning

أكبر خدعة ممكن تلبس فيها هنا إنك -لو فرضاً- كنت هتشتغل على الـ Fb كـ Marketing tool إنك تروح تدورعلى الـ Competitors بتوعك على الـ Fb و غالباً مش هتلاقى حد منهم عامل شغل كويس فتطنش الـ Sheet ده!
هنا لازم تفرق كويس جداً بين الـ Content Competitors و اللى هما بيقدموا Content كويس و شغالين على نفس الـ Channel بتاعتك، و ما بين الـ Business Competitors اللى عندهم Product فعلاً بينافس الـ Product بتاعك .. لأن فى النهاية الـ Marketing مش جزء منفصل عن الـ Business ولا عن الواقع ! الموقف ده حصل معانا بالنص فى كذا Client فى كذا Industry زى مثلاً الـ Real Estate و اللى لو ركزت فيها هتلاقى أن مفيش ولا واحد من الناس اللى ليها Market share كبير جداً فى الـسوق المصرى Active على أى Online Marketing tool!
السبب فى إنك لازم تبص على كل الـ Business Competitors مهما كانت درجة الـ Activation بتاعة الـ Marketing tools بتاعتهم، إن قوة الـ Marketing Strategy بتاعته مش دايماً دليل على قوة الـ Product و العكس صحيح .. بمعنى تانى وجود Competitor قوى حتى لو مش عامل Marketing هو فى الأخر بيأثر عليك بالسلب لأنه بياخد جزء من الـ Market share بتاعك و بالتالى لازم تبقى فاهم هنا ايه أهم مميزاته و مميزات الـ Product بتاعه و ايه سلبياته و تذاكرها كويس عشان تفهم هى ايه المميزات اللى عندك أصلا اللى تفرقك عنهم !

النقطة التانية هنا أن غير الـ Competitors بتوعك واللى هما بياخدوا جزء من الـ Market Share فى الـ Industry بتاعتك فى نوع تانى من الـ Competitors الغير مباشرين اللى لازم تاخد بالك منهم “حتى لو محطتهمش فى Template ” و هما الـ Brands اللى بتنافسك على الـ Buyer Persona بتاعتك .. على سبيل المثال لو أنت Travel Agency و الـ product الرئيسى ليك هو رحلات الـ Honeymooners .. معنى كده أن واحد من الـ Buyer Personas الرئيسيين عندك هو البنات المخطوبين من سنة أو أكتر مثلا و اللى سنهم يتراوح من 22 – 28 سنة ! بالتفكير شوية هتلاقى أن نفس الـ Buyer persona دول معملهم Targeting من كذا Industry تانيين فى نفس الوقت زى مثلاً الـ Make up Artists أو الـ Photographers أو خلافهم .. الـ Brands ديه حتى لو مش هيأثروا عليك فى الـ Market Share بتاعك لكنهم فى النهاية رايحين لنفس الـ Buyer Persona يعني ممكن “تلاحظ” حاجات كتير بيعملوها زى مثلاً الـ Brand Voice ، نوع الـ Content و هكذا ..

2- الـ Buyer Persona :

من أكتر الحاجات اللى اتكلمنا عنها على الـ Blog بتاعنا أو حتى على الـ Fb Page ، الـ Template ديه هى الـ Buyer persona Sheet لـ SOM فى وقت ما ..

Buye Persona sheet

Buye Persona sheet

أول سؤال هييجى فى بالك هو الـ 3 أسماء اللى الـ Highlight بتاعهم أحمر .. الحقيقة أن دول بس الـ 3 Buyer persona اللى شغالين عليهم ، بمعنى أن احنا مقتنعين أن احنا كـ Business Model ممكن نـ Target الـ 5 Buyer persona .. لكن Business wise بقى الـ Product بتاعنا حاليا رايح لـ 3 منهم بس! ، وبالتالى شغلك على الـ 5 مع بعض تضييع وقت و Resources ضخم جداً لأنك actually بترمى كل ده على الأرض!

السؤال التانى و اللى أول مرة نتكلم فيه هى فكرة الـ ( Specific view to Your Industry )، خلينا نطبقها على مثال أوضح شوية ..

لو افترضنا أن الـ Business بتاعنا هو عبارة عن Health Care Website و الـ Buyer personas بتوعه متنوعين بداية من واحد عمره 55 – 60 سنة و رّب أسرة وصولاً لـ Buyer persona تانية هو شاب عنده 20 سنة و لسه طالب فى الكلية .. لو فكرنا فى الـ View بتاعة كل واحد منهم للصحة هتلاقيها مختلفة تماماً، فالأول بيبصلها إنها حاجة أساسية دلوقتى و جزء شبه ثابت من أسبوعه رايح لمتابعة الأدوية و الإشاعات و الدكاترة و خلافه ، فى حين أن الـ Buyer persona التانى بيتعامل معاه على إنها حاجة من الرفاهيات أو مش أولوية فى حياته أنه يتابع صحته عاملة ازاى! ، يبقى فايدة السؤال ده أنه هيوضحلك كل Buyer persona بتبص للـ Product بتاعك ازاى و بالتالى ده هيأثر شكل الـ Strategy بتاعتك المفروض يبقى عامل ازاى بداية من نوع الـ Content & الـ Context وصولاً للـ Frequency لكل BP عندك ! 1

* ملحوظة: المثال اللى فوق أكيد غير كامل فى الـ Data اللى عن الـ Buyer persona لكن القصد منه إنى أوصلك ايه الفرق بين الـ World view بتاعة الـ Buyer persona و الـ Specific view بتاعة نفس الـ BP للـ Product بتاعك ! .

3- الـ Brand Voice:

هنا فى اتجاهين .. الإتجاه الأول أن الـ Brand يبقى محدد Brand Voice معين يخدم الـ Mission و الـ Vision بتاعته و يمشى مع الـ Product بتاع و كمان هو الأنسب للـ BP و ده بالظبط اللى حصل فى SOM ، و الإتجاه التانى هو إنك تفضل تـ Test لحد ما توصل لأنسب Brand Voice مناسب للـ Customers بتوعك لو ده مش هيأثر بشكل مباشر على الـ Mission بتاعتك .. على سبيل المثال لو Business عبارة عن معرض أثاث فهنا غالباً الـ Brand Voice مش هيأثر على الـ Vision و الت Mission لكن هو لازم يحدده حسب الـ BP بتوعه !

هنا مينفعش تقول أن فى اتجاه منهم صح و التانى غلط .. الفكرة أن الإتنين ينفعوا حسب نوع الـ Business بتاعك و تفاصيل تانية كتير.

Part 3 : الـ Channels Plan & الـ Editorial Calendar

1- الـChannel Plans

هنا ممكن يبان أن مفيش فرق ما بينهم، لكن الفرق كبير هنا لأن واحدة منهم بتتكلم فى مستوى Strategic أو Stream كامل و التانية بتشرح التفاصيل اليومية و ايه هينزل امتى بالظبط باليوم و الساعة.

sh 3

بتشرح بشكل Strategic أكتر ايه هى أنواع الـ Content اللى انت هتشتغل عليها و ايه الـ Channels اللى هتستخدمها و بـ Frequency اد ايه كمان ! ، ده مش معناه إنك تستخدم كل الـ Channels الموجودة و لا معناه إنك لازم تعمل كل الـ Types of Content المتاحة لأن الأكيد إنك مش هتحتاجهم كلهم ! ، فى حاجتين رئيسيتين هيحددولك تشتغل فين و بأى Type of Content و هما الـ Buyer persona بتاعتك ، و الحاجة التانية أكيد هى الـ Resources بتاعتك !

2- الـ Editorial Calendar

أكتر Template المفروض تعملها بنفسك و متاخدش حاجة جاهزة ! السبب فى ده إنها معتمدة كلياً على قرار كتير أخدتها فى كل اللى Templates اللى فوق منها مثلاً الـ Channels اللى قررت تشتغل عليها، عدد الـ Buyer personas اللى هتشتغل عليهم، أنواع الـ Content اللى هتعمله و الـ Frequency بتاعك!

الـ Template ديه هى اللى هتعرض فيها كل الـ Execution بتاعك و بالتالى لو مش منظمة و مرتبة بحيث إنك تعرف منها كل حاجة عن كل POC هتنزلها يبقى هى مش جايبة همها .. باختصار لو مش حسيت إنك محتاج كل يوم الصبح تفتحها عشان تساعدك فى الشغل لأنها مسهلة الشغل عليك يبقى الغيها أحسن.

الـFinal Tricks :

1- واحد من أهم أهداف الـ Strategy إنها تساعدك إن فى أخر الشهر تعمل Analytics صح، لو جيت أخر الشهر و لقيت إنك مش عارف راسك من رجليك جوا الـ Template ومش عارف تقيس أى حاجة يبقى الـ Templates فيها مشكلة كبيرة !

2- لو واحد من الـ Obj. بتاعتك هو إن يأثر على الـ Sales ، فواحد من أبجديات الشغل إن يبقى ليك Access على الـ Sales أياً كان نوع الـ Product ..

الـ KPI هنا مش معناه كام واحد اشترى الـ Product لأن ديه مش مسئولية الـ Marketing team خالص ديه مسئولية الـ Sales team ! الـ KPIهنا و اللى دورك فعلاً إنك تحققه إنك توصّله أكبر عدد من الـ Leads سواء كانوا Visitors أو Traffic للـ Website أو خلافه .. عشان كده أرجوك اوعى تحط فى كـ KPI عندك إنى هبيع كذا لأن ده مش مسئوليتك لوحدك ! لكن حط عندك إنى هـ Generate للـ Business عدد كذا من الـ SQL !

3- لا أنت و لا صاحب الـ Brand دايماً الـ Customers! ، و بالتالى لو الـ Strategy بتاعتك ناجحة رغم إن الـ Content اللى جواها مش عاجبك أو مش عاجب صاحب الـ Business ولا تشغل بالك ! .. الفرق اللى المفروض يميزك كـ Marketer هو إنك قادر تلبس طاقية الـ BP و تفهمهم كلهم حتى لو أنت مش واحد منهم.

4- الـ Strategy و الـ Templates مش ملى جداول “اه والله ما ملى جداول” .. و لو أنت ملتها ع الأسا ده عمرها ما هتنفع مهما كان تعبك فيها. و أنت بتملى الـ Templates اتعب فيها بدرجة إتقان أن لو أى Marketer – حتى لو من بره الشركة – جه فتح الـ Strategy هيفهم كل تفصيلة فيها.

5- الـ Designers مش صنايعية Photoshop .. تجربتنا بتقول أن لما الـ Designers بيشاركوا مع الـ Marketers و الـ Strategy بتتحط ” مطبقناش ده لسه بشكل كامل ” ، الـ Quality بتاعة الـ Designs بتزيد بنسبة كبيرة جداً مع تقليل الوقت اللى بيستهلكه الـ Designer فى تنفيذ كل Design. حاول تستغل أكبر قدر من الـ Skills بتاعة الـ Designer باعتباره فنان مش ألة!.

الخَطوه المنطقيه بعد التخطيط، هي التنفيذ،

ممكن تِعرف حكاية الـContent بدأت معانا إزاي ؟، و المشاكل الي قبلتنا، و إزاي وصلنا في الأخر لأول كِتاب  تنفيذي في الـContent Marketing.

قولي حدوتة الكِتاب 

Shehab Gomma

Reviews

  1. Omar Esmail

    مقال جميل واستفدت منه كتير
    شكراً ليك ياشهاب

    Replay
  2. My shsms

    Thank you

    Replay
  3. Manar Sabet

    اولا شكرا جدا علي المقالة في بس جزء وقع مني يعني ايه لو التارجت اني اعمل seo ranking يبقي ال obj انا اقلل ال marketing budget موش فاهمان دي ????دي

    Replay
    • Ahmed Halkim

      يعني لو هو عنده معدل ظهور على على نتائج البحث اللي بتطلع على محركات البحث كده هو خلاص ممكن يقلل المخصصات المالية الخاصة بالتسويق

      Replay
  4. Mohamed Mohiy El-Din

    مقال جميل ولامم ابعاد كتير ، متشكر جدا

    Replay
  5. Abdullah AlBudiry

    مجهود روعة ربنا يكرمك ^_^
    مش فاهمها ممكن تبسطها أكتر 😀 Business Impactsبس جزئية الـ

    Replay
    • shehab gomma

      متشكر جداً يا عبد الله ربنا يخليك 🙂

      الـ Business Impact زى ما قولت أنها المقياس اللى هنعرف من خلاله هل أهداف الـ Business اتحققت و لا لأ .. و ليكن مثلاً لو الـ obj. بتاعك للسنة الجيدة إنك تكون محقق انتشار للـ brand ع مستوى مصر كلها .. فالـ Business Impact بتاعك المفروض اللى هتتاكد منه الـ obj. اتحقق ولا لأ بنهاية السنة هو انك تنجح فى فتح X عدد من الفروع ليك .. لو ليك أى أسئلة تانية يشرفنى طبعا 😉

      Replay

Write your review