Login

Lost password?

New to site ? Create an Account

Register by invitations only

Ask for invitation


Already have an account? Login

Forgot Password


Back toLogin

“الفصل الأول ” Mailعفريت الـ

عفريت الـMail

“الفصل الأول “

مشهد 1: نهار داخلى

مكتب الـ Prospect

يفتح الـMail اللي باعته الـSales team في شركتك واللي فيه الـOffer الجديد

يُفكّر لثواني ثم يقول في نفسه “بصوت عميق ” : الـOffer ده مش واضح كفاية, بعدين مش ممكن نظبط الـOffer ده بشكل تاني.

فجأة يقطع افكاره صوت رنين الهاتف (رقم الـSalesman اللي باعت الـMail)

الـ Prospect “بصوت مندهش”: الو ايوه , ازيك اخبارك ايه ؟

الـSalesman : الحمد لله  تمام , انا حسيت ان الوقت ممكن يكون مناسب اني اجاوب علي اي اسئلة  بخصوص الـmail اللي بعتوا لحضرتك.

الـProspect: أااااا أااا بصراحه انت جيت في وقتك, الجزء اللي فيه وقت التسليم ده عايز افهمه منك.

الـSalesman:  الجزء ده ممكن نظبطه بالشكل المناسب ليك, لو باقي الـOffer تمام بالنسبة ليك.

الـProspect : لا تمام لو هنظبط دي يبقى مفيش مشاكل.

الـSalesman: تمام, تجب اجي ليك امتى علشان اظبط جزء التسليم ولو تمام نمضي على طول.

الـProspect : خلينا بكرة الصبح الساعة 10.

نهاية القصة الأولى…

 

مشهد  نهار داخلى “الشركة بتاعك”

 

مدير الـSales للـSales Team “بصوت فيه علامات الفرح”

المدير : إحنا ياجماعة انهارده موجودين علشان أهني الـTeam كله على شغله الفترة اللي فاتت, الـDeals اللي حصلها Closing الفترة الفاتت كانت هايلة, وطبعا ده معناه مكافأة للناس كلها.

يطلب واحد جديد في الـTeam أن حد يشرح ليه ايه اللي حصل فيشرح له المدير “بصوت جهوري” :

اهم حاجة ممكن تكون بتفرق اللي شغالين في الـSales عن بعض, قد ايه المعلومات اللي عنده عن الـCustomer بتاعه, لو عندك معلومات صح في وقت صح, هتكسب الـDeal ولو معندكش هتتعب لحد ما توصل لنتيجة ويمكن متوصلش اصلا.

“يحرك الجميع رأسهم موافقين على الكلام “

يكمل المدير كلامه للفرد الجديد :

طيب لو عرفت انه فتح الـmail اللي فيه الـOffer بتاعك دلوقتي, مش هتفرق لو كلمته في الوقت ده وهو لسه فاتح الـmail, لانه اصلاً هو ده الوقت اللي هو مديهولك إنت وشركتك, كأنك طالع من الـmail علشان توضح ليه اللي مش واضح من الـmail. مابالك بقي لو عرفت هو داس علي انهي Link و عمل forward للـmail ولا لأ

اهم حاجة في اللحظة دي انك بتكلمه في وقت هو عايزك فيه, ودي لوحدها عنده هتسوي كتير جدا, لانه من غير وعي هيحس انه اول لما فكر فيك لقاك قدامه,طبعا اللحظة دي وجودك في الغالب بيكون مرغوب فيه جدا.

و مش لازم اول مايفتح الـmail بتاعك تكلمه , دي حاجه من ضمن الحاجات اللي ممكن تتعمل
ممكن مثلاً تكون محضر الـCopy بتاعت الـmail بتاعك علي جزئين و عامل حسابك انك هتبعتله الجزء التاني اول ما يعمل Action معين , المهم ان دي tool فيها خاصية معينة و مطلوب منك تِسخّرها لخدمة الموقف اللي انت فيه بشياكه و من غير تَطَفُل

يسأل الموظف الجديد المدير “بصوت متردد”:

ايه هي بقى الـTool اللي ممكن اعمل بيها ده ؟

“يفتح المدير جهازه ليشرح بشكل عملي”

الـTool اسمها sidekick من Hub spot ده اللينك بتاعها : getsidekick.com

هتدخل عليها وتضفها في google chrome,هتبقى موجودة بعد كده بالشكل ده :

بعد كده لما تبعت اي mail تتأكد إن العلامة دي موجودة وإنت بتبعت :

بعدها لو اللي بعت ليه الـmail فتح هتلاقي هتجيلك notifications  بالشكل ده :

ولو كنت حاطط links في الـmail هتعرف هو دخل على حاجة منهم وله لا بنفس الطريقة, بحيث إنك هتبقى عارف اتعامل مع الـmail بتاعك إزاي.

الـtool دي مجانية لعدد معين من الـnotifications لو لقيت إنك هتحتاج أكتر من 200 كل شهر هتبقى محتاج تشتري Packageمناسبة لشغلك ,مع العلم إن دي طريقة علشان تعرف اشخاص بعينهم فممكن متحتاجش لأكتر من 200 في الشهر.

النهاية

 

دي كانت Tool من ضمن الـTools اللي بنستخدمها في الـInbound Sales, بقيت الـTools هنكلمكم عنها الفترة الجاية إن شاء الله .

إيه الطرق اللي بتستعملها علشان تقفل الـDeals بتاعتك ؟

Amr Nawar

Reviews

  1. Ahmed Mansour

    جزاك الله خيرا على ال اشغل الرائع دا
    لكن انا جربت الموضوع عندي مشكلتين :
    الفاير فوكس هو ال بيفتح كل مرة مش الجوجل كروم في اي notifications بتجيلي مش ال جوجل كروم
    الاهم ان الشخص ال مرسل له الاميل عمل forward ,وماجاليش اي notifications بكده

    ولكم جزيل الشكر

    Replay
    • Amr Nawar

      شكرا ليك يا أحمد ويارب يفضل شغلنا يعجبك على طول

      بالنسبة لموضوع انه بيفتح على browser
      فده حاجة محتاج تظبطها في الـSetting عندك
      منها انك تخلى جوجل كروم هو الـbrowser الاساسي مش الفاير فوكس
      اما بالنسبة لموضوع انه مش بيديك انه عمل Forward
      فهو بيعتبر ان اللي اتبعتله الاميل في الاول هو اللي بيفتح حتى لو كان حد تاني اتبعت ليه عن طريقه

      وشكرا ليك يا احمد وياريت لو تقولنا تجربة حصلت واستفدت من الـToolدي فيها ؟

      Replay
  2. fawzy abou hameed

    الله ينور شغل هايل
    انا شايف ان المستفيد الاول من المقال دي هو hubspot
    كل اللي قراء المقال جري علي هناك مش عليكوا
    فانا شايف ان دي وقت مناسب انكم تتواصلوا معهم وتبقوا الوكيل بتعهم
    وتسعدوهم في تعريب الtool بتاعتهم
    الله ينور مرة كمان

    Replay
    • Amr Nawar

      شكرا ليك يا فواز
      وبالنسب للتواصل مع Hub spot فإن شاء الله يحصل في وقته
      وشكرا ليك كمان مرة على الرد الجميل

      Replay
  3. Ahmed Mansour

    السلام عليكم

    اخ عمرو موضوع رائع وجميل لكن جزء من هذه المميزات موجوده في ال outlook ك معرفة الايميل عند الوصول وعند الفتح
    لكن سؤالي هو لماذا لا يعمل على جوجل كروم يفتح فقط على الفاير فوكس
    كما انه لا يعطيني اي معلومة عن ال Forward اذا تم من قبل مستقبل الايميل
    ارجو الافاده ولكم جزيل الشكر

    Replay
    • Amr Nawar

      عليكم السلام ورحمة الله وبركاته
      اتمنى يا احمد تكون الاجابة اللي جوابتها على الرد الاول تساعدك في حل المشكلة دي إن شاء الله

      وشكرا ليك يا أحمد مرة تانية

      Replay
  4. Shahrazad

    tool جاية فوقتها جدا
    شكراً school of marketing

    Replay
    • Amr Nawar

      طيب الحمد لله 🙂

      شكرا ليك يا Shahrazad

      Replay
  5. abdelrhmn adel

    شرح مميز و توول جميل و مفيد جدا
    لكن اكبر عيب فيه انه ساعات بيجيب ان اللي فتح الميل مش معرووف
    واعتقد ان النسخة المجانية ملهاش سجل للميلات اللي اتفتحت

    سؤال اخير التوول دي بتشتغل ع الاندرويد؟؟

    Replay
    • Amr Nawar

      شكرا يا عبد الرحمن على ردك
      وبالنسبة لكونه ساعات بيقولك إن someone فتح الـmail او غيره فده ممكن يكون لسبب من اتنين :
      انك ممكن تكون بعت الـmail لاكتر من شخص فبيكون صعب عليه انه يعرف اي واحد فيهم هو اللي فتح
      او انك تكون بتبعت اكتر من mail بنفس الـsubjectفده بيصعب عليه انه يعرف مين اللي فتح برضه
      وحل المشكلة دي انك لو هتبعت mail اختار subject مختلف على حسب الشخص علشان تعرف تميزه
      وبالنسبة لموضوع انه بيشتغل على اندرويد فهو ليه علاقة بالـ browser او الـsoftware اللي بتبعت منه الـmailاكتر ما ليه علاقة بالoperating system
      اتمنى تكون الإجابة كانت واضحة يا عبد الرحمن وفي إنتظار اسئلتك في اي وقت

      Replay
  6. Faramawi

    بجد الله ينور 🙂
    مستني باقي الأجزاء!!!
    تسلم ايدك

    Replay
    • Amr Nawar

      الله ينور عليك 🙂
      انا سعيد جدا انها عجبتك يا فرماوي

      Replay
  7. mohamed abdelaal

    حاجو جامدة جدا جدا جدا

    Replay
    • Amr Nawar

      شكرا يامحمد جدا جدا جدا 😀

      Replay
  8. Manar Sabete

    ايه الكلام الهايل ده بجد يعني شكرا شكرا على الوقت و طريقة لاشرح

    Replay
    • Amr Nawar

      شكرا ليكي يا منار وياريت لو شايفة اي حاجة مش مكنتش واضحة تقولي 🙂

      Replay
  9. Mai

    Super Like!! A great tool indeed!! Thanks

    Replay

Write your review