Login

Lost password?

New to site ? Create an Account

Register by invitations only

Ask for invitation


Already have an account? Login

Forgot Password


Back toLogin

في زمن الكوليراEntrepreneurshipال

فى زمن الكوليرا Entrepreneurship الـ

9 حاجات يحموك من العدوي 

 

كوليرا الـ Entrepreneurship هو مرض انتشر في الفترة الأخيرة، بالتحديد في العالم العربي، و هو باختصار ان حد يطلع فكرة (جديدة، و ده شيء بديهي ،) و يبتدي ينفذها (Entrepreneur حقيقي)، و اول ما يبان عليها اعراض النجاح، العدوى تنتشر و الناس تسيب كل اللي بتفكر فيه و يبقوا عايزين يعملوا زيها (Entrepreneur مزيف،)  و لما العدوى دي تنتشر بيكون باين عليها من بره كده انها مضرة لصاحب الفكرة الأصلي، لكن الخبر الحلو ان دي احسن حاجة بتحصل لأي Entrepreneur حقيقي في حياته (لو استخدمها صح).

هنتكلم في الـArticle ده عن اهم 9 حاجات تعملهم عشان تستخدم المرض ده لصالحك…

1-The Lean Approach (Entrepreneurship  Cornerstone)I

ابتدي بأقل تكاليف ممكنة، و بأقل صورة للـ Product  بتاعك،  بشرط انه يكون ليه لازمة، حتي لو معاك فلوس.
انت بتعمل حاجة جديدة لسه متعرفش ازاي هتنجح (ده اللي الـ Startup بتاعتك هتعلمهولك)، فـ بتبقي محتاج تعمل مجموعة تجارب احياناً بتكون مدروسهة، و احياناً مش مدروسة، و التجارب دي محتاجة Resources عشان كده انت محتاج تبتدي بأقل التكاليف.

2-The love Approach

اوعى تفتكر ان هدفك في الـ Startup  بتاعتك انك تبيع اول product ليك، لأ، انت هدفك المفروض يكون ازاي تعمل Community فعلاً بيحبك و بيعتبرك اختياره الأول، لأن ده اللي هيفضلك و هيقومك لو وقعت، و في نفس الوقت، لو قدرت توصل للـ Community ده هتبيع بسهولة جدا.

3-اهم حاجة الـTeam بتاعك

أهم حاجة في الـ Startup بتاعتك هو الـ Team ، هو ده اللي المفروض يتصرف عليه اكبر كم من المجهود.

اتعب جدا مع الـ Team و اديله الـ Training اللي يخليه جاهز يخترع، و سيبله المساحة عشان يبدع  عشان هو ده اللي هيسندك.

4- العِلم هو الحل

.هو الحاجة الوحيدة اللي فعلاً هتفرقك عن اللي بيقلدوك، اصرف نص فلوسك علي التجارب و النص التاني علي العلم

و اعرف ان اللى بيقلد عمر دماغه ما هتروح لـ اللي بيدرس الموضوع علمياً، فـ دي هتبقى نقطة قوة بالنسبالك لو ركزت فيها، و فى الاغلب اللى هيبقى بيقلدك مش هيبقى باصص على الحتة دى

5-Don’t Race To The Bottom

اوعي تفتكر انك هتغلب الـ Competitors بتوعك بأنك تكون ارخص واحد في السوق، لأن بكل سهولة هيجي واحد و يبقي ارخص منك بـ 10 % ، و ساعتها مش هيكون ليك لازمة، المشكلة مش هنا، المشكلة انك ممكن تنجح انك تكون ارخص واحد و ساعتها هتكون دمرت الـ Startup بتاعتك، لأنك عشان تكون ارخص واحد هتيجي علي الـQuality ، شكراً.

حاول دايماً تكون احسن Quality حتى لو اسعارك هتكون غالية

6-Tell a Persuasive Story

بتكلم علي الـ Storytelling اللي هو حاجة من اهم اساسيات الـ Modern Marketing ، و اللي هو مش فضا، او حركة حلوة ممكن اي Marketer يعملها، الفكرة انك تعمل القصة اللي تبقي مفتخر و انت بتحكيها.
طب ايه دخل ده بالـ Entrepreneurship؟ السؤال اللي دماغك هتجاوبك عليه حالاً لو انت Entrepreneur.

7-Market To The Weird

كونك  Entrepreneur ده معناه انك بتعمل حاجة جديدة محدش عملها قبلك، و علشان انت بتعمل حاجة جديدة هتلاقي مقاومة من اغلبية الناس (البني آدم بطبيعته بيرفض الحاجات الجديدة )، و عشان كده انت محتاج تعمل Marketing للـ Startup بتاعتك للناس المجانين بس، اللي بيحبوا يجربوا اي حاجة جديدة، حتى لو مش منطقية بالنسبالهم، الناس دي اسمهم Early Adopters و بيكونوا عادهً نسبة لا تتعدي الـ 10% من الـ Target Audience بتاعك.

وجه الـ Resources بتاعتك للـ 10% دول لانك هتقنعهم احسن و هيدعموك و هيتكلموا عنك كتير، لأنهم مجانين زيك ،و اول ما يبتدوا يستفيدوا من اللي انت بتعمله تلقائياً هتلاقي الـ 90% التانين عايزين يعملوا زيهم (ثقافة القطيع).

8-Remove The Noise

اول ما تعمل الفكرة بتاعتك و تبتدي تنجح، هيبقي نفسك تزود 10,000 Feature جديدة مرة واحدة، و الاحساس ده هيكون عند الناس اللي بتقلدك و فاكرين انهم كده هيكونوا احسن.

الفكرة ان الحاجة الأبسط هي الحاجة اللي الـ Marketing بتاعها هيكون اسهل و فعال اكتر، متحاولش تشوشهم، حاول تسهل عليهم و تشيل اي Feature او Product ملهوش لازمة حتى لو بيتباع، لأن ده مش وقته (لو انت في الأول) و سيب اللي بيقلدوك يقعوا في الغلطة دي.

9-Long Live “Long Term”

دايما اللي بيبص لقدام هو اللي بيكسب. اوعي تدور علي المكسب من اول يوم، دايما اعمل الحاجة اللي تجبلك مكسب السنة اللي جايه، حتى لو ده مش هيجبلك فلوس دلوقتي، و الفكرة هنا انك تستحمل الفترة الاولى و بعد كده هم هيقعوا و انت هتكمل.

خلاصة الخلاصة:

سر الخلطة مش في الخلطة، سر الخلطة في دماغ اللي عمل الخلطة..

يعني متخفش علي فكرتك لأنك احسن واحد  ممكن ينفذها، حتي لو مش معاك امكانيات، انت برضه صاحب الحظ الاوفر في انك تنجح الفكرة بتاعتك، وخليك دايما عارف ان اي حد بيقلد، مع احترامي، هو فقير فنياً، و هو ده الفرق ما بينك و ما بينه. اهم حاجة تاخد بالك من الـ9 حاجات اللي فوق كويس و تبذل مجهود كبير عشان تحققهم (الكلام ده يبان سهل بس تنفيذه معضلة).

لو انت Entrepreneur (عندك فكرة جديدة بدأت تنفذها) قولنا قصتك مع التقليد و سرقة الافكار…

@AhmedSaif_

 

Reviews

  1. Randa Agha

    البوست ده خلاني أتحمس أكتر أعمل مشروعي، صحيح هو مش حاجة أون لاين بس أنا جبانة مش قادرة آخد الخطوة من كتر خوفي من الفشل… بس الكلام ده حمسني وحسسني إني هانجح بنسبة كبيرة إن شاء الله 🙂

    Replay
    • Hesham Ibraheem

      ان شاء الله هتنجحي يا راندا في مشروعك، لو عوزتي اي حاجة تسألي فيها، اوعي تترددي انك تسألينا 🙂

      Replay
    • Hasan Yusuf

      ممكن نتواصل علي
      [email protected]
      وممكن نساعد بعض في مشارعنا
      fb.com/infosyseg

      Replay
  2. Ahmed mohamed

    عجبنى جداً المقال بجد أداء رائع منكم و شرح ممتع جداً

    Replay
    • Hesham Ibraheem

      ِشكراً على كلامك الجميل دا يا احمد 🙂

      Replay
  3. ZIZO MAN

    بارك الله فيك , نريد المزيد من هذا المحتوى الفريد

    Replay
  4. sozy

    bgd eslobkm fe 3ard el mwdo3 7elw gedn we 3gbny aweeeeee.. thx lkol wa7ed fe el team 🙂

    Replay
    • Hesham Ibraheem

      shokran 3la klamk elgamel da ya Sozy, we 3ayzk t2ole lena 3ayzana nkteb fe eh kaman mn elmawde3 elle bt7beha 🙂

      Replay
  5. Bassant Ghonaim

    Thanks a lot !!! I got inspired kteeer 😀 the success for me : Following Your Dreams

    Replay
    • Hesham Ibraheem

      Thanks Passant for you words 🙂

      Replay
  6. Ahmed Adel Taher

    أنا فعلاً فكرت فى كل الكلام ده 🙂 بس حالياً أنا لسه فى الدراسة وفى أيدى أعمل ده ولكن فى حاجات نقصانى كمعرفة .. ف لازم أتعلم الحاجات الى هتقدر تساعدنى أعمل مشروعى بعد كدة

    Replay
    • Hesham Ibraheem

      ممكن تشتغل وتدرس في نفس الوقت، لانك مع الشغل هتاخد خبرة هائلة يا أحمد

      Replay
  7. Dina

    So what’s ur opinion about Picasso’s saying “good artists copy; great artists steal” ?? U know Steve Jobs belibed in it too.

    Replay
    • Ahmed Saif

      Great Comment

      Picasso want to say that when you copy something, its not yours so you cant to change it, so u have to make it the same way

      but what he want to say by “Steeling” is there is no idea comes from nothing, it must be “inspired by” and in the same time
      steeling something means that its yours so you can and must to change it, flip it upside down

      here is the innovation role, here is where the creativity come from 🙂

      Replay
  8. Wessam

    عندي الفكره الجديده و ابتديت فيها و عملت النموذج فعلا .. لكن الي موقفني حاجتين الفكره تتسوق ازاي و خوف من سرقة الفكره لأنها سهلة جدا تقليدها
    محتاج استشاره اتواصل ازاي مع حضرتك
    وشكرا على المقال مفيد جدا 🙂

    Replay
    • Ahmed Saif

      مهمتك يا وسام انك تخليها مش سهله و تلعب علي اقتناع الناس بيك قبل اقتنعهم بفكرتك
      ده الميل بتاعي لو احتجت اي حاجه [email protected]

      Replay
  9. Yehya Hafez

    مقال رائع .. تحياتي من الغردقة

    Replay
    • Ahmed Saif

      شكرا جداً يا يحيي

      Replay
  10. Hasan Yusuf

    كده لازم أكون صاحب فكرة عشان اكون رائد اعمال

    في نقطة محيراني شوية
    هي

    ان في رواد أعمال كتير بيبيعوا منتج موجود بالفعل عشان يكون دخل ليهم
    عشان يقدروا يقفوا علي رجليهم ويجربوا براحتهم في افكارهم
    القصد ان مش شرط اكون صاحب فكرة مبدعة في البداية

    لكن الشرط ان يكون عندي حلم اوصل ليه في النهاية
    واللي هيفرق بينك وبين اي واحد تاني
    ان مين هيستحمل الطريق عشان يوصل

    Replay
    • Ahmed Saif

      ماهو الحلم اللي انت بتتكلم عيه ده هو الفكره , مفيش مانع تعمل حاجه جنبه عشان الدخل لكن لازم الفكره

      Replay
  11. reham hamdy

    bgd makal ra2eee3 gedaaan we ana ba7b el gnan gedan we ta3’ier

    Replay
    • Osama Salah

      shokern ya reham 😀

      School of Marketing Team

      Replay

Write your review