Login

Lost password?

New to site ? Create an Account

Register by invitations only

Ask for invitation


Already have an account? Login

Forgot Password


Back toLogin

ده معمول article بتاعته ، الـ Skills عشان يزود الـ Courses بيدور على Digital Marketing أى حد بيبدأ يتعلم يبدأو ازاى Beginnersعشان يساعد الـ

الـ Digital marketing courses فى مصر

الحقيقة وراء الـ Digital Marketing Courses فى مصر

 

 انا عايز اخد Digital Marketing Course :

كل يوم اللى عايزين يتعلموا digital marketing فى مصر عددهم  بيكبر والأسئلة بتكتر, هو أنا ممكن اتعلمه بـ Online Course ولا الأحسن اتعمله offline عشان أكون فهمته كله وملغبطش نفسي !

للأسف معظم الـ Digital Marketing Courses بتبقى كـ titles وهمية تدخل جوه تلقيك متعلمتش حاجة :\

الـdigital marketing كوسيلة للـMarketing  ابتدي  سنه 1970* بس بقي  أهم حاجة في العالم تقريباً  من 2000 لـ 2010  وكل فترة بيتطور و أهميته بتزيد  و  بيظهرله tools  جديدة ,
تعرف أن الـ online ads اللى اتعملت على الـ digital media كان تمنها 4.5 تريليون فى سنة 2010 بزيادة فى السنة دى بس 48%   فتخيل عدد الأشخاص اللى بيستخدموه بشكل يومى واللي بيزيد بشكل كبير كل يوم .

طيب ليه  في ناس كتير عايزين يتعلموه ومنهم أنت لو بتقرأ الـarticle دى دلوقتى؟! :)

  • ممكن عشان هما متأكدين أن هو دا أهم علم موجود حالياً وكل يوم بيزيد أهميتة أكتر
  • أو عشان كل الشركات بقت معتمدة عليه بشكل كبير وسوق العمل فيه كبير

اختلفت الأسباب والتعليم واحد المهم إنك عايز تتعلم Digital Marketing ودا اللى خلاك تقرأ الـarticle دى دلوقتى

الـ article دى هتوضحلك ايه أهم حاجات أنت المفروض تتعلمها فى أى course للـ digital marketing وأهمية كل حاجة منهم وهتأثر على شغلك ازاى  وأنت هتعرف المفروض تتعلم ايه لما تبتدى أى course , وعشان الـsocial media أهم حاجة فى الـ digital marketing هنتكلم عنها هنا وهنقولك على أهم 4 حاجات فيها و اللى مفروض تتعلمهم فى أى course للـ digital marketing.

رحلة إلى الـ social media :

الـ social media علم كبير اوى وبقى سهل أن أى حد يتعلمه بس مش أى حد يقدر يفهمه ويطبقه صح ,  في فرق بينهم كبيير 😉

فكر في الـ social media على أنها رحلة أنت هتروحها مع ناس متعرفهاش والهدف انكوا تبقوا صحاب وتروحوا كلكوا مبسوطين .. بس كده! 😀

أنت كده هتكون حددت هدفك بس الموضوع مش بالبساطة دى , أنت قبل ما تروح الرحلة لازم تحضرهلها كويس وتعمل plan للحاجات اللى أنت عايز تاخدها معاك وهتستخدمها فى ايه ، وبعدين تتأكد
من العربية أن فيها البنزين الكافي اللى يوصلك ، وبعدين لما تروح هتتعرف هناك على الناس وهتبتدي تصاحبهم . أكيد مش هتيجي الخطوة دى بكتر الرغي على نفسك أكتر من إنك تسمعهم ويحسوا انك آمين و صادق معاهم مش بتمصلح عليهم  وفى أخر اليوم هتشوف أنت وصلت لايه ، واستمتعتوا بالرحلة ولا لأ ،  وايه اللى ممكن كنت تعمله أحسن عشان تبقى الرحلة أحلى المرة الجاية.

لو بتقول لنفسك دلوقتي يا سلام هى دى الـ social media اللى كل الناس بتتكلم عليها لخصتها فى رحلة ! أحب اقولك ايوه هى دى الـ social media الصح انك تعتبرها رحلة حلوة بتقضيها أنت و الـ fans بتوعك عشان تتبسطوا مفيش حد كـ users مبيدخلش الـ social media إلا عشان يقضي وقت حلو أو يتعلم حاجة جديدة أو يشوف صحابه او غيره .  لو دورت على كل الأهداف هتلاقيها بتؤدى فى الأخر أنه عايز يتبسط ، فأنت لو مفكرتش ازاى تحققله ده عن طريق الـvalue اللى أنت بتقدمهاله مش هيقعد عندك كتير وهيشوف غيرك :(

طيب ايه أول خطوة المفروض تتعلمها و تعملها  لو أنت داخل على الـ social media ؟!

أول خطوة أنت لازم تعمل plan بكل حاجة أنت عايز تعملها فى الـ social media وايه اللى أنت عايز توصله من خلالها , يبقى أهم حاجة وأول خطوة تحط رجلك عليها إنك تعمل strategic planning

strategic plan (الخريطة)  :

 

طيب هى ايه فايدة أن يكون عندك strategic plan واضحة ؟!

لو أنت دلوقتي أخدت قرار إنك تتجوز بتبتدى تحسب أنت المفروض تعمل ايه ؟ بتبدأ بالخطوبة ومصاريفها ، وبعدين  الشقة هتبقي ملك ولا ايجار ، بتحدد العفش هتجيبه منين ، والفرح ، وشهر العسل فين وهكذا ..!
لو معملتش plan  لكل دا من الأول ممكن تيجي قبل الفرح متلقيش معاك فلوس لشهر العسل !

دا اللي هيحصل معاك بالظبط لواشتغلت علي الـ social media من غير plan واضحة ، و بالتالى أول خطوة المفروض تعملها لو قررت تشتغل فى الـ Industry ديه هى إنك تتعلم ازاى تعمل strategic planning ، وتبتدي تحدد أهدافك .. هتبدأ بالهدف الأساسي من وجود الـBusiness بتاعك على الـsocial media ، وبعدين حدد الـbuyer persona بتاعتك اللى أنت داخل الـ social media عشان توصلهم  وابتدي قرر هتستخدم أى channels عشان تقدر توصلهم  فتوصل للـ target بتاعك .. بعد الخطوة دى أنت هتكون حددت strategic planning وهتكون خلصت أهم خطوة وحطيت رجلك على بداية الطريق.

لو عايز تتعلم strategic plan ممكن تقرأ الـ Ebook ده  5Inbound Marketing Strategies you should master


social media content ( بنزين العربية ) :

كلنا عارفين أن العربية محتاجة بنزين عشان تدور وتمشى ، بس كمان لازم تختار البنزين المناسب للعربية ، فلو عندك مثلاً عربية مرسيدس وجربت تحطلها بنزين 80 هتلاقى الموتور ابتدي يبوظ ودا هيأثر على العربية والجودة اللى المفروض تدهالك و مع الوقت هتحتاج تغير الموتور ، بس لو حطيتله من الأول 92 عمر الموتور هيطول والعربية هتبقي تمام اووى معاك .

هو دا اللى هيحصل معاك لو أنت معملتش حسابك أن فى حاجة أنت لازم تتعلمها اسمها social content وتكون فاهم أن دا هو البنزين اللى هيدورلك كل حاجة عندك ، وأنه مش نوع واحد ينفع لكل الـchannels أو يكون بشكل واحد (صورة – فيديو – article ) . لازم تحط فى دماغك أنك بتتعامل فى channels مختلقة و Buyer persona مختلفة ، وكل واحد عايز منك احتياج معين ، يعني مينفعش حد يكون منتظر منك value كبيرة زى الـ heavy content و أنت كل شوية تنزله engagement posts ! أنت هنا هتبتدى  تخسر الـ fans دوول! مش معنى كده إنك مش هتنزل نوع الـ content دا خالص ، لا هتنزل كل الأنواع  بس لازم تعمل الـcontent المناسب لكل مرحلة وترضى كل Buyer persona وحاول على طول تعملهم الحاجة اللى هما منتظرينها منك وأكتر كمان ودا هتفهمه أكتر بعد ما تتعلم أنواع الـ content وتحدد الـ buyer persona بتاعتك دا هيسهلك إنك تعمل الحاجة الأهم والأحسن من اللى هما منتظرنها منك.

الـlink دا فيه 13 خطوه محتاج تعرفهم  قبل ما نبدأ تعمل Social content

 

social media channels (طلعنا للنور 😀 ):  

نيجي بقى للنقطة اللى هطلعنا للنور وهنبتدى نقابل فيها الناس اللي عايزين نتعرف عليهم ويبقوا صحابنا :) ، بس قبل ما نعمل كده خلينا نفهم ايه أهمية المرحلة دى وازاى نقدر نحددها ونتحكم فيها صح..

المشهد الأول : تخيل إنك عملت منتج حلو جداً و قررت تنزله امتى وظبطت كل حاجة  ماعدا الـ Promotion  ونزلته ، و بعد أسبوع بتشوف مبيعاتك ملقتش حد اشتراه !

المشهد التاني : أنت دلوقتي عملت منتج و الـ buyer persona بتاعتك هى الشباب اللى أعمارهم من 20 لـ 25 و عملت الـ Promotion بتاعه في الراديو فى اذاعة الشرق الأوسط كام واحد هيوصله الاعلان دا من الـ Targeted audience ؟! وهتعرف تحقق الـ target اللى أنت حطه لنفسك ؟!!

ايه بقي اللي حصل في المشهدين دول ؟!

فى المشهد الأول : حصل معاك كده عشان أنت عملت حاجة حلوة اووي بس معتمدتش علي channels تقدر توصل بيها للناس اللى أنت عايز توصلها  .

في المشهد التاني : أنت استخدمت channel فعلاً بس استخدمت channel مش عليها الـbuyer persona بتاعتك فصرفت فلوس وعملت اعلان فى مكان غلط فبرضه موصلتش للـtarget بتاعك

نفس الموضوع بالظبط ينطبق هنا على الـ social media channels

لازم تبقي عارف أن هو دا المكان اللى الناس هتشوف فيه الـstrategic plan اللى أنت عملتها  و الـ content اللى أنت كتبته وظبطته يعنى أنت كده كأنك خلاص معاك الـ Script مش ناقصلك غير إنك تعرف دا المفروض ينزل على أنهى channel وطبعاً عشان تعمل كده يبقى أنت لازم تعرف ايه هى الـ channels دى وامتى انزل هنا ومنزلش هنا وايه ميزة كل واحدة فيهم عشان كمان أعرف ايه الـcontent المناسب لكل channel  ، دى الطريقة الصح اللى أنت تتعلم بيها وتفكر بيها وأنت بتختار الـ channels دي .

أهم  channels فى الـ social media  :

دلوقتي بقي وصلنا لمرحلة أننا نعرف  ايه هى أهم  الـ channels اللى نبدأ بيها , الـsocial media ليها اكتر من channel زى facebook وtwitter و instagram و pinterest و linked in هنتكلم عليهم حسب أهميتهم وعدد الـ users اللى عليها , فهنبتدي بـ الـ facebook .

الـ facebook (يعني قعدة القهوة 😀 ) :

أنت دلوقتي عايز تاخد Digital Marketing Course فأنت أكيد هتبقي social media marketer  قريب ، يعني لازم تبقى فاهم أن الـfacebook مش عبارة عن شوية posts علي شوية ads بتتعمل ، الـfacebook عالم كبير وحاجات كتير بتتحكم فيه ، يعنى مثلاً فكرت قبل كده الـ newsfeed ليه معظمها فيها صحابك القريبين أو الـpages اللى بتحبها! الـposts اللى بتظهرلك بيتحكم فيها حاجة اسمها edgerank ودى اللى بتحدد ايه اللى يظهرلك ودا بناء على أن الـ facebook عارف عنك كل حاجة  .

twitter(الـ party) :  

twitter عالم مختلف الي حد كبير عن الـfacebook وهو تقريباً قايم على فكرة السهل الممتنع يعني الـ edgerank عبارة عن  time decay بس ، دى الحاجة اللى بتتحكم في ظهور الـ tweets بتاعتك بس في نفس الوقت الـ engagement قليل .. عشان كده أكتر حاجة هتنفعك فيه هى التجربة عشان تعرف الوقت المناسب وعدد الـ tweets المناسبة للـ account  بتاعك ، معظم الـbrands دلوقتي بيستخدموا Twitter كـ  tool جديدة للـ  customer servies عشان هو أضيق من الـ facebook فسهل انك تتابعه وترد علي الـusers  فى أسرع وقت. خليك حاطط فى دماغك وأنت بتتعلم ازاى تشتغل على twitter إنك أكيد هتستفاد منه بشكل كبير – خصوصاً لو الـ Business بتاعك B2C – فى حاجات كتير أبسطها كـ customers services زى ما كل شركات الاتصالات في مصر بتستخدمه حالياً .

instagram و  linkedin و+Google :

أنا هتكلم عنهم باختصار عشان يُفضل لو أنت لسه بادئ فى الـDigital Marketing إنك متفتحش أكتر من 2 channels بس دا مينمنعش أنهم مهمين جداً وبتزيد أهميتهم مع الوقت .

Instagram .. مهم جداً انك تشتغل عليه عشان بقى فى users كتير بيستخدموه لدرجة  أن الـactive user عليه دلوقتي 300 مليون فى حين أن الـ active users علي twitter وصلوا 280 مليون بس ، وعدد الـusers من سن 18-29 بقوا موجودين علي instagram أكتر من twitter ، فلو الـbuyer persona بتاعتك فى الأعمار دي يبقي أكيد يهمك تكون موجود علي instagram .

+Google .. دا هيفيدك جدا فى أنه يعلى الـ rank على الـwebsites بتاعتك وهيعلي رصيدك ومصداقيتك عند google .

الـ Link ده هيقولك ليه تستخدم +G ؟!

أما الـ Link دا هيعرفك  features بتميز +G عن باقي الـSocial networks

linkedin : بيعتبر الـcv اللي بيوصلك لكل اللي شغالين في الشركات اللى أنت عايز توصلها بطريقه professional أكتر وكمان هما بيقدروا يوصلولك من خلاله , وبالتالى يعتبر مهم جداً بالنسبالك لو الـ Business بتاعك يعتبر B2B

كده احنا اتكلمنا عن الـsocial media channels عشان تفهم أنت لازم تمشي ازاى من أول خطوة ، ومتكنش مقتنع إن أول خطوة انك تطلع على المسرح قبل ما تحضر نفسك كويس .. لو أنت عايز تمشي صح اتعلم بالطريقه دى وخدها خطوة خطوة ولما تتعلم كل اللى فات ابتدي حط  strategic planning متحطش الـ plan بتاعتك غير لما تتعلم عشان تكون فاهم كويس اللى أنت بتقرره  .

اعرف نتيجتك بدري من  الـ social analytics 😉 :

لو افترضنا أنت دلوقتي مدرب كرة قدم فأكيد بعد كل ماتش لفرقتك هتعمل analysis للـ team بتاعك عشان تعرف نقاط القوة فتزودها و نقاط الضعف عشان تعالجها 😀

نفس الكلام فى الـ social analysis أنت عندك الفرصة أنك تغير التشكيل وتوصل للخطة الصح اللى تكسبك ، ودي حاجة أساسية لازم تتعلمها عشان تعرف أنت وصلت لحد فين ! مش هتستفاد أى حاجة لو عملت campaigns وصرفت عليها وقت وفلوس واخترت أنك تنزلها على الـ facebook ووصلت للناس بس أنت متابعتش ايه اللي حصل بعد كده و معرفتش أنت استفدت ايه وعملت ايه صح وايه اللى غلطت فيه فمتكررهوش تانى أو تعدله وتنزله بشكل جديد يعني من الأخر أنت مقيمتش شغلك ومتعلمتش واستفدت من أخطائك !

لازم تتعلم ازاى تـ analyse كل حاجة فى شغلك  بعد ما تعملها وحسب الـchannel اللى أنت قررت تنزلها فيها كمان ، يعني لو اخترت الـ facebook و twitter يبقي تتعلم الـ analytics بتاعتهم وتفهمها كويس وبعدين تجرب و تروح تشوف وصلت لإيه وتعدل على شغلك وتجرب تاني لحد ما توصل بنفسك أنت المفروض تمشي ازاى .

الـ Guide ده هيعلمك الـ Facebook Analytics

كده خلصنا أهم 4 حاجات تبتدي بيهم وأنت بتتعلم Digital Marketing بشكل عام  وبشكل خاص  الـ Social Media

Case study حقيقية :  

أنا شخصياً جربت فى تعليم الـ Digital Marketing محاضرات طلعت منها بشوية معلومات ، كنت ممكن اقراها في أى حتة ، فقولت ادخل المرحلة اللى بعد كده وهى الـ Courses لقيته نفس كلام المحاضرات بس كانوا بيطولوا في حاجات مش مهمة اووى عشان يملوا عدد المحاضرات ،، المهم جاتلي فرصه إنى ادخل training فاتكلت على الله ودخلت ،، طريقه التعليم فى الـ training مش عبارة عن شوية محاضرات أو sessions بناخد منها معلومات ، لا  هو بيديك مساحة إنك تجرب وتتعلم بنفسك على هيئه tasks  بـdeadline ، من أول يوم فهمنا أن محدش هيعلمك حاجة أنت اللى هتعلم نفسك أحب اقولك أننا فعلاً اتعلمنا كتير جدا , لانهم ركزوا أنهم يعرفونا ازاى نتعلم وفى نفس الوقت ازاى نعمل Research صح لأن مع كل سؤال كان بيقف قدامنا كانوا بيعرفونا طرق صح ندور بيها على الإجابات مش بيجاوبونا على طول ! ومن هنا كل اللى اتعلمناه ثبت فى دماغنا ، والحاجة اللى بقينا متأكدين منها أن أكتر واحد بيفشل هو أكتر واحد بيتعلم .

لو دخلت Training فعلاً و عايز تعرف أنت فى المكان لصح ولا لأ شوف الـ Check List ديه مطبقة فيه ولا لأ ! 😉

حط فى دماغك إنك طالما قررت تتعلم digital marketing انك داخل على بحر ولازم تكون مخطط لدا كويس وتبتدى تجهز لبسك وبعدين تتعلم العوم وبعدين تبتدى تسابق متخدهاش عافية وتنط مرة واحده أكيد أنت عارف هتبقى ايه النتيجة ؟! 😀

مش بقولك متاخدش Courses خالص لكن على الأقل فكر فى كل course على حدي قبل ما تقرر تاخده ، وشوف أنت هتقدر توصل بيه للكلام اللى قولناه ولا هي عبارة عن شوية نظريات بس ، وحط كمان في دماغك أن باب النجار مينفعش يكون مخلع يعني ادخل على الـ accounts بتاعة الـ Trainer على الـ Social networks المختلفة ، وتشوف هو مطبق الكلام اللي هيعلمهولك فعلاً ولا لأ!هتقدر ساعتها تحكم عليه بشكل أحسن :)

دلوقتي قولنا ايه هى أهم 4 حاجات عايز تبتدى تتعلمهم فى الـ digital marketing بشكل عام  وبشكل خاص  الـ social media ؟!

Ola Tarek

Reviews

  1. Noorhan Nasr

    بجد الله يكرمكو … انا استفدت جدا .. :)

    Replay
    • ola tarek

      شكرا يا Noorhan ^_^ ، قوللنا في حاجه معينة عايزة تتعليمها تاني في الـ social media

      Replay
  2. Ziad

    Bravooooooooooo :)
    Thanks for the nice & informative article

    Replay
    • ola tarek

      thanks ziad ^_^ It’s our pleasure that article was informative for you 😀

      Replay
  3. lahm

    ,, nice shot , ana lw 7bet l field dh hykon bsbbkom ento :d
    I’m a beginner

    Replay
    • ola tarek

      thanks y lahm 😀 law qrrt t7bo w tkml feh 27na m3aak f ay 7aga 3ayz tt3lmha 😉

      Replay
  4. Ahmed Ali

    كلامك جميل بس فيه رغى كتير

    Replay
    • ola tarek

      ممكن يكون عشان انت عديت مرحله الـ beginners وهي مكتوبة عشان للي لسه بادئين في الـ field :)

      Replay
  5. Andrew Azmi

    مقال جميل، وبيلخص نقاط مهمة في اي Training .. تسلم ايديكم … استمروا (Y)

    Replay
    • ola tarek

      شكرا يا Andrew :) لو عايز تتعلم حاجة معينة في الـ digital marketing قُلنا عليها 😉

      Replay
  6. Muhammad Adel

    انتو عايزين بوسه كبيره :) ….. جزاكم الله كل خير بجد

    Replay
    • ola tarek

      شكرا يا محمد :))

      Replay
  7. محمد الشريف

    تحفة!!

    Replay
    • ola tarek

      مبسوطة انه عجبك يا محمد :)

      Replay
  8. Reem Hassan

    Valuable Content Guys :)
    انا بدأت training بالفعل بس عندي مشكلة في موضوع متابعة المنافسين وازاي اصلا اعمل search عليهم
    دي اكتر حاجة واقفة معايا في اللي وصلتله لحد دلوقتي

    Replay
    • ola tarek

      شكرا يا ريم ^_^
      في الأول انتي بتحددي الـ industry بتاعتك و بتشوفي احسن ناس فيها وبعدين بتبدأي تكتبي الكلام دا في competitor sheet دا هتلاقيه في الـ ebook اللي موجود جوه الـ article وكل فترة بتعملي update للـ sheet دا 😉
      لو في حاجه مش وضحالك اسأليني تاني 😀

      Replay
  9. mohamed omar

    حلو المقال شكرا ليكم جدا
    بس دا ادانى فكرة تانية فى تسويق الكورسات الخاصة بمركزى .تسلم ايدكم

    Replay
    • ola tarek

      مبسوطين اننا أفدناك يا محمد :)
      لو في حاجة تانية عايز تعرفها اسألنا 😉

      Replay
  10. Muhammad

    respect

    Replay
  11. Ahmed Mohamed

    حاجة كده عااش 😀

    Replay
    • ola tarek

      شكرا يا احمد :)

      Replay
  12. muhammed ragab

    مقال جميل وفعلا انا بدات بال self study واتعلمت حجات كتير بس بيجى وقت ال بيج مثلا تنام وتحسى وقتها دماغك وقفت

    Replay
    • ola tarek

      ساعتها بقي ابتدي فكر بطريقة تانية ، ممكن لما تتابع اكتر الـbuyer persona تلاقي الـ interested بتاعتهم اتغيرت فساعتها تبتدي تغير في الـcontent بتاعك ، او ممكن في وقت تبقي محتاج تغير الـtarget audience بتوعك 😉

      Replay
  13. Eman

    شكرا استاذة علا انا كايمان استفدت كتييييييييير لانى بقول ياهادى

    Replay
    • ola tarek

      العفو يا ايمان :) لو عايزة تعرفي اكتر عن جزء معين اسألينا 😉

      Replay
  14. muhammed ragab

    احنا شغالين فى الملابس فا التارجت مش بيتغير بنسبه كبيرة يس بتبقى محتاجه تتعرفى للناس اكتر على ارض الواقع

    Replay
    • ola tarek

      تمام فعلا انت لما هتفهمهم اكتر دا هيفيدك في الـ content وكمان هتاخد كلامهم في اعتبارك وانت بتعمل الـ Product ، فدا هيساعدك لما توصل لمرحلة الـ sales
      :) وكمان لما تنوع في الـcontent و دايما تخلي فيه value وترد عليهم بسرعه دا هيخلي في engagement علي طول بينك وبين الـfans 😉

      Replay
  15. Fatma Elsayed

    حلو جدا بجد :)

    Replay
    • ola tarek

      شكرا جدا بجد 😀 😀

      Replay
  16. noha ahmed

    ana f5ora beeky ya olaaa keep on :)

    Replay
    • ola tarek

      Thanks ya nohaa 😉 :)

      Replay
  17. Eman

    Great Job 😉

    Replay
    • ola tarek

      thanks ya eman ^_^

      Replay
  18. Ebtehal

    يعنى إيه b2b، b2c?? وشكراً جداً الموضوع مفيد جداً بالمواضيع اللى فيه

    Replay
    • Osama Salah

      بصى يا ابتهال

      B2B يعنى Business-to-business
      اما B2C يعنى Business To Consumer

      School of Marketing Team

      Replay
  19. mona

    بجد ربنا يباركلك شرحك ممتاز استفدت كتير واكتشفت كتير اخطأ واكيد هحاول اعدلها شكراا استاذه علا

    Replay

Write your review