Login

Lost password?

New to site ? Create an Account

Register by invitations only

Ask for invitation


Already have an account? Login

Forgot Password


Back toLogin

sales-and-marketing

وجهان لعملة واحدة Sales و Marketing

طبعا كلنا عارفين الخناقة الازلية بين الـ  Marketing team والـ Sales team في معظم الشركات…

ومن امثلة الخناقة دي:

الـ Marketing دايما يقول للـ sales: احنا اللي بنخطط  و احنا الاساس و من غيرنا الشركة تقع، فـ يقوم الـ Sales يرد و يقول لأ بقى ده احنا لولانا كانت الشركة تفلس و احنا اللي بنجيب فلوس للشركة و انتوا قاعدين في مكاتبكم ولا على بالكم. 😀

طيب يا ترى هو ايه الفرق بين الـ Marketing و الـ sales، ويا ترى مين فيهم أهم و احسن؟!

 

 بصوا..  الـ Marketers عاملين زي اللي ماشين جوا نفق ضلمة و معاهم كشاف و بيكتشفوا كل يوم حاجه جديده جوا النفق ده، و معاهم مجموعة تانية اللي هما الـ Sales بيشرحوا الاكتشافات ديه للناس و الناس ديه هم الـ .Customers

يعني الموضوع بيبدأ من عند الـ  Marketing، هما اللي بيدرسوا السوق و بيشوفوا احتياجاته ايه و بيتم وضع Marketing strategy عن طريقهم، و بيوجهوا رسائل معينة للـ customers توضح فيها شخصية الـ Brand و attractive information عن الـProduct  أو الـ service الخاصة بالـ Brand … يعني من الآخر، هما اللي بيعملوا pull للـ customers ناحية الـ brand بتاعتهم.

دور الـ Sales بيكون: 

 

 

و هنا بيدأ دور الـ Sales … انه يكمل على كلام الـ Marketing و يبدأ يدي Information أكتر عن الـProduct  أو الـ Service للـ customers … و هو اللي بيعمل closing للـ Deal مع الـ customers،

و من خلال ده بيجي العائد للشركة و كمان بيعرفوا الـ Feedback بتاع الـ Customers عن ال Brand (اللي هو أهم من العائد المادي) … و بيوضحوها الـ feedback  للـ Marketing team علشان يتم التعديل في الـMarketing Plan بناءا على الData دي.

طيب بعد الكلام ده كله مين اهم Marketing ولا Sales ؟

 

 

بصوا الموضوع بسيط جدا، القصة هي عبارة عن سلسلة لا متناهية … بتبدأ من عند الـ Marketing في انه يحط الـ plan … و بعد كده الـ Sales بيطبق الـ Plan دي على أرض الواقع و يجيب feedback من الواقع ده و ينقله للـ Marketing، و بعد كده يحصل تعديل على الـ Plan الاولى … و تروح تاني للـ sales ، فينفذوها و يجيبوا Feedback  من الـ customers تاني و يوصلوها للـ Marketing تاني فيعدلوا في الـ plan و هكذا …

السلسلة أو الدايرة دي بتدور في اطار الـ customer satisfaction اللي بيتحول بعد كده لـ customer delight و في الاخر لـLong term relationship  و loyalty  بين الـcustomer  والـ Brand.

الـ Marketing و الـ sales بيكملوا بعض 

 

يعني الـ Marketing و الـ sales مهمين و الاتنين بيكملوا بعض و المفاهيم المغلوطة بتاعة اصل الـMarketers  دول نصابين والـsales  بياعين كلام وكده، ده مينفعش في وضع السوق حاليا لأن الـ customers بقوا فاهمين كويس السوق و تفاصيل المنتجات و الخدمات اللي فيه … و ده طبعا بسبب كمية المعلومات المتاحة دلوقتي و مكانتش متاحة زمان … يعني من الاخر مفيش حاجة بتستخبى و ماحدش انصح من حد.

inbound Sales يعني:

 

 

الـSales  دلوقتي مفهومه اتغير عن زمان (عن الـInbound Sales  اتحدث)، يعني بدل ما كان زمان هدفه يطلع من العميل فلوس بأي شكل … دلوقتي بقى Advisor أو Consultant للعميل وبقى فيه حاليا في شركات كتير الـ Title بتاع الـ Sales فيها هو (Sales advisor)أو (Sales consultant) .

والهدف من ده هو ان الشركة تبني Long term relationship مع الـ customer لأن ده أهم من الفلوس اللي هتطلع من جيبه دلوقتي … بس الفلوس دي مش هنلاقيها بعدين بسبب اننا ماقدرناش نحافظ عليه و نرضيه دلوقتي، يعني ده نفس هدف الـ Marketing و هو الحفاظ على الـ customers.

و خلاصة الكلام ان الـ Sales دلوقتي لازم يكون فاهم Marketing كويس أوي، و الـ Marketing team  لازم يكونوا aware بالـ sales activities كويس جدا برده علشان يحصل integration بين الاتنين.

يا ريت تشاركونا برأيكم في الكلام ده، و لو حد ليه خبرة بالـ Sales و الـ Marketing يا ريت نستفيد بيها كلنا.

 لو عايز تقرأ اكتر عن الـ Modern marketing دوس على Continue Reading

 Author : Mohamed Atef

Reviews

  1. Ahmed

    perfect article <3

    Replay
  2. Eslam Ayad

    جميل جدا, كنت فعلا محتاج توضيح بين الsales و ال marketing 😀

    Replay
    • School-of-marketing

      الحمدلله ان احنا قدرنا نفيدك :))

      Replay
  3. Khattab Muhammad

    كلام جميل جداً جزاكم الله خيراً
    بس انا شايف الكلام ده لما يكون شركة متوسطه الحجم أو كبيرة
    لكن لو Small business
    أو student activity
    بيكون فيه ارتباك وبنعاني من صعوبه ف تقسيم المهام لأن ممكن الماركيتينج يكون هو السيلز ف نفس الوقت

    Replay
    • Osama Salah

      بص يا خطاب
      هو غالبا اى Student activity الـ product بتاعه بيكون عبارة عن شوية session بيدهم فى مجال معين
      فهنا تيم الـ marketing هيعمل شغله عادى جدا و الـ moderators هيكونوا بمثابة الـ sales team اللى هيودى
      الـ feedback للـ marketing team و هكذا بقا

      وضحت 😀

      School of Marketing team

      Replay
  4. dalia

    في الشركات الصغيره عادتا بيبقي ال
    marketer
    هو صاحب العمل ) هو ال بيدرس السوق ويحدد الاسعار ويتابع ال
    fedback
    ويعدل ال plans

    Replay
    • Osama Salah

      طب و فى الشركات الكبيرة يا داليا 😀 😀

      School of Marketing Team

      Replay
  5. metwaly taher

    انا اول مرة اقرا المقالات بتاعتكم وعجبانى اوى بش عايز اسال هو بالطريقة دى ممكن او سهل sales يبقى marketers

    Replay
    • Osama Salah

      شكرا ليك يا متولى و يا رب تفضل مقالاتنا عاجباك دايما 😀

      اما ان اى شخص مش شرط sales يتعلم Marketing فاى شخص يقدر بس الموضوع مش سهل اوى كده
      يعنى باختصار ممكن تتعلم و تبىقى عادى بس مش اى حد يعرف يبقى جامد و بالتالى الموضوع مش سهل 🙂

      School of Marketing Team

      Replay

Write your review