Login

Lost password?

New to site ? Create an Account

Register by invitations only

Ask for invitation


Already have an account? Login

Forgot Password


Back toLogin

ازاى تختار SEO course in egypt _blog size

ازاى تختار SEO Course فى مصر؟

ازاى تختار SEO Course فى مصر؟

من اكتر الحاجات اللى استفزتنى انى افهم SEO اول ما دخلت School of marketing هو انه مش ممسوك، يعنى مش عارف اوله من اخره، او بمعنى أصح مش عارف افهم الصورة الكبيرة بتاعته، ولما كنت بدور على أى SEO course ما كنتش بلاقى حاجة تفهمنى كويس، أو حتى course outline ولا details!

بالعكس ساعات كنت بلاقى حاجات قديمة و مش Updated، واحيانا كنت بلاقى حاجات تِضَحك 😀 زى من فترة كده كنت بعمل Search بـ SEO course in Egypt ولقيت فى الـResults الصفحة دى:

seo course in egypt

و اللى اكتشفته بعد كده ان دى شركة متخصصة فى خدمات الـ SEO :3

طب هما ليه مكررين الكلمة بالشكل الـSpammy ده؟

عشان كل ما يكرروا الـKeyword كل ما Google هيخليهم يـRankـوا، بس طبعا ده كان زمان، لأن Google أهم حاجة عنده هى الـUser experience، وعشان كده بيعاقب المواقع اللى بتعمل over optimization اللى من ضمنه الـ Keyword stuffing، و هو انك تكرر الـKWs بشكل spammy كده, بس مش هو ده موضوعنا…

المفروض ان دى شركة بتدى SEO courses فى مصر، وللأسف هتلاقى ناس كتير بتروح تاخد الـ training ده او غيره اللى هو مش updated عشان بس يبقى اسمهم معاهم “SEO certification” 😀 بس اللى مش عارفينه انه غالبا مش بياخدوا معلومات كفاية عن الـ SEO وبعد كده يطلعوا يشتغلوا بطريقة غلط وكمان ممكن يعلموا ناس تانية بنفس الطريقة الغلط وتتوالى السلسلة.

عشان كده الـArticle دى هدفها انها تعرفك الـ outline بتاع الـ SEO Course المفروض يبقى عامل ازاى عشان تسهلّك الطريق و ماتبقاش تايه وكمان عشان محدش يضحك عليك، خصوصاً أن الـ courses فى مصر بتبقى غالية.

ملحوظة: فى حاجات ممكن متفهمهاش وأنت بتقرا، عشان الـArticle دى مش غرضها الأساسى انها تعلمك, غرضها انها تعرّفَك الحاجات اللى المفروض تسأل فيها…

طبعا كلنا عارفين يعنى ايه SEO, بس خلونا نفهم الـAspects بتاعته، لو حبينا نقسم الـSEO هنقدر نقسمه لست حاجات:

1-الـContent creation:

كلنا عارفين ان الـContent هو اساس كل حاجة، واتكلمنا فى ازاى نعمله كتير، بس الـContent فى الـ SEO مختلف شوية عشان أنت بتعمل content المفروض يجاوب على السؤال اللى فى دماغ الراجل اللى بيعمل Search، وعشان تعمل ده محتاج تجاوب على 3 اسئلة:

1- الـUser بيدور على ايه؟

2-بيدور عليه ازاى؟

3-بيدور عليه ليه؟

وده طبعا بتعرف تعمله بعد ما بتفهم الـBuyer persona بتاعتك كويس وكمان بعد ما تعمل KW Research محترم،

بعد كده بتبدأ تعمل competitors analysis عشان تشوف المنافسة عاملة ازاى وايه اللى أنت محتاجه عشان تتغلب عليهم,

محتاج تركز فى 4 حاجات وأنت بتعمل analysis:

1-links profile

2-on-page optimization

3-quality of content

4-social media promotion

دلوقتى أنت معاك معلومات كفاية تخليك تبدأ تكتب الـContent بتاعك، بس لازم تفتكر الـHummingbird Update اللى Google عمله فى 2013 واللى بقى يخليه يفهم الـContext بتاع الكلام (عشان كده لازم الـKW Resaerch بتااعك يبقى Semantic)

طبعا مش محتاجنى اقولك الـContent بتاعك المفروض يبقى comprehensive قد ايه, عشان احنا بنحاول نجاوب السؤال اللى فى دماغ الـSearcher وده اللى الـSearch engine بيحاول يعمله اصلا

2-الـOn-page Optimization:

بعد ما تخلص الـContent بتاعك محتاج تقول لـGoogle الـContent ده بيتكلم عن ايه وده عن طريق:

1-الـTitle tag:

هتحاول تخلى الـKWs بتاعتك فى بداية الـTitle (مش حشر)عشان Google بيديها أهمية أكبر ومتخليهوش يزيد عن 57 حرف عشان مايتقطعش فى الـSERPs

2-الـMeta description:

و ده الإعلان اللى بيخلى الناس تـClick على الـLink بتاعك و طبعا الـCTR بيأثر فى الـRank بتاعك و متخلهوش اكتر من 160 حرف

3-الـURL:

حاول تخليه Descriptive عشان الناس لما تشوفه لوحده تعرف الـLink ده بيتكلم عن ايه و طبعا هتخليه Static مش Dynamic

4-الـHeadings:

استخدم الـKWs فى الـH1, H2, H3 ده غير ان الـHeadings بتريح اللى بيقرا

5-الـContent structure:

طبعا Google بقى يقدر يعرف اذا كان الـContent بتاعك Well structured ولا لأ، وده عن طريق الـBullets، الـHeadings، الـBold highlight

6-الـMeta Keywords:

اوعى تستخدمها.. Google مش بياخدها فى الاعتبار و الـCompetitors بتوعك هيعرفوا أنت مـTarget ايه

7-الـInternal linking:

غير أن هو داخل فى الـAlgorithem بشكل مباشر، الـinternal linking بيفيد الـUser وكمان هيزودلك الـOnsite time

8-الـAlt-tags:

اوعى تنساها عشان Google يعرف الصور دى بتتكلم عن ايه وعشان تحسن الـImages search بتاعك

9-الـMarkup data:

او الـStructured data ودى بنسخدمها عشان نقول لـGoogle الكلام ده بيتكلم عن ايه بالضبط، يعنى مثلا لو أنا كاتب عنوان فى الصفحة، هعَلِمه بـAdress markup عشان google يبقى فاهم أن ده عنوان و ممكن اعمل كده على كل حاجة وده بيخلى Google يطلع الـResults بـRich snippets بالشكل ده فى الـSERPs:

structured data

structured data

و ممكن كمان تزود الـPrice، وكل ده هيزود الـCTR و وهيقوى الـBrand بتاعك،

-الـFacebook open-graph و Twitter cards:

دول برضه نوع من انواع الـMarkups اللى بتدى rich snippets للـContent اللى بتعمله share على Facebook و Twitter

FB open graph

FB open graph

-الـPublisher marker:

وده بيخلى صفحتك على G+ تظهر فى الـSearch results لما حد يعمل Search باسم الـBrand بتاعك

publisher markup

publisher markup

-الـSearch box:

ده من الحاجات اللى فعلا بتقوى الـBranding عشان لما حد بيعمل Search باسم الـBrand بتاعك بيظهر الـSearch box بتاع موقعك جوه الـSearch results

search box

search box

فى 3 طرق عشان تحُط الـMarkups:

  • ممكن manually عن طريق أن أنت تحط الـCode بايدك بس لازم تكون بتفهم فى الـCoding، أو عندك developer
  • وممكن تستخدم Google webmaster tools (بس مش بينفع لكل الـMarkups)
  • و فى plugins ممكن تعملهالك زى Schema Creator

3-الـLink earning:

الـLinks هى البوابات اللى Google بيعرف يتنقل منها بين المواقع عشان يعملهم Indexing وكمان هى جزء كبير من الـAlgorithm بتاع Google عشان كل ما كان فى ناس كتير بتشاور عليك كل ما ده كان معناه انك مهم و الناس بتحبك، وعشان كده اللى كان بيبقى عنده اكبر عدد من الـBanklinks كان هو اكتر حد بيـRank، بس طبعا الـWebmasters كانوا فاهمين ده وابتدوا ينشروا الـLinks بتاعتهم فى كل حتة بشكل Spammy، يعنى يروحوا لاى Forum ملوش اى علاقة بيهم ومفيش مشكلة انه يبقى روسى او صينى ويبتدوا ينزلوا الـLinks فى الـComments,

او يروحوا لأى Directory وينزلوا Articles عبارة عن links بس .. اى مكان موجود على الانترنت ينفع تكتب فيه Text كانوا بينزلوا فيه links وكل الـAnchor text بتاعهم كان بيبقى Exact match يعنى مفيهوش غير الـKWs اللى عايزين يـRankـوا فيها بس، طبعا ده ضرب الـUX بالجزمة عشان كده Google نزل الـPenguin فى 2011 و عاقب كل المواقع اللى بتعمل كده و 3.1% من مواقع الانترنت اتأثرت بالـUpdate ده، و للأسف فى لسه ناس بتعمل و بتعلم ده لحد دلوقتى، ومش عارفين أن الموضوع اتغير وأن بقت الـQuality أهم من الـQuantity، يعنى ممكن Link واحد = 100 Link، كل ما الـLink كان Related ليك ومن موقع ليها Authority عالية كل ماكان تأثيره أكبر عشان الـConcept اتغير من Link Building لـLink Earning .. يعنى أنت لازم تعمل اللى يخليك تكسب الـLinks بتاعتك، طب ده اعمله ازاى؟ فى طرق كتير و كلها معتمدة على الـContent زى:

-الـLinkable assets:

بس مش اى content.. لازم يكون Evergreen يعنى مش بيموت مع الوقت ويكون يبقدم Value عالية جدا عشان تخلى الناس تـLink ليك من نفسها حاجة مثلا زى دى

http://www.quicksprout.com/the-advanced-guide-to-seo/

الـGuide ده Neil Patel صرف عليه 40000 $ عشان يطلع بالشكل ده غير الوقت والمجهود طبعا، بس فى المقابل خد 1400 backlink من 526 domain

-الـGuest posting: يعنى انك تكتب Article فى Website يكون ليه علاقة بالـNiche بتاعك وتستعين بـResource من موقعك تكون Related للـArticle

  • -الـOutreach: بعد ما تخلص الـContent بتاعك بتحاول تخلى الـBloggers أو الـWebsites اللى ممكن تكون مهتمة بالـContent بتاعك يعملوا promotion ليه و طبعا عشان تعمل ده لازم تبنى معاهم Relationship الأول

4-الـCrawling والـAccessibility:

ده الجزء اللى بتقول فيه لـGoogle يتعامل مع الـWebsite بتاعك ازاي يعنى لو عندك pages مش عايز Google يعملها index بتستخدم الـMeta Robots فى انك بتقوله No index وده بتكتبه فى الـ robots.txt file ، و اصلا عشان Google يعمل Crawling كويس للـWebsite بتاعك محتاج تديله الـXML Map بتاعتك

ولو عندك Duplicate Content هيبقى لازم تعمل Canonicalization، وطبعا لو بتصلح حاجة فى صفحة معينة محتاج تستخدم Status code 503، ولو أنت نقلت صفحة معينة من مكانها لازم تعمل Redirect 301 أو 302 على حسب هترجعها تانى مكانها ولا لأ

ده غير أن أنت محتاج تخلى الـURLs بتاعتك Static مش dynamic، ولو عندك Dynamic URLs كتير محتاج تحسب الـROI اللى هييجى من الـRewriting يستاهل الـResources اللى هتضيع عليه ولا لأ، وأهم حاجة لازم تعرف كل الـBroken links اللى عندك و تغيرها

5-الـPage Speed:

طبعا كل ما موقعك كان سريع كل ما الـUser Experience هتبقى أحسن وده هيساعد الـRankings بتاعتك بشكل مباشر لأنه factor جوه الـAlgorithm وكمان هيقلل الـBounce rate، عشان كده محتاج تعرف ايه الـFactors اللى بتأثر على الـPage speed و تحسنها ازاى!

طبعا دى من أكتر الـTechnicalities اللى موجودة فى الـSEO، مش أنت اللى هتعمل الشغل ده بايدك بس لازم تبقى فاهم كويس جدا عشان توجه الـDeveloper اللى معاك، ودى بعض الـFactors اللى لازم تاخد بالك منها:

-الـcritical render path:

الـRender path هو ترتيب الحاجات اللى المفروض الـBrowser يحملها من الـWeb page زى مثلا الـJS files او الـCSS و الصور اللى موجودة فى الصفحة, طب ايه هو الـCritical؟

ده بقى الـFiles اللى المفروض يحملها بس بتاعت الـAbove the fold بس عشان الـbrowser يعمل rendering للصفحة بسرعة

-تقلل الـServer Response Time:

وده غالبا هيكلفك فلوس، بس لو خدت بالك من كل الـFactors التانية هيقل لوحده

-اعمل Leverage browser caching:

وده ببساطة أن أنت بتخلى الـBrowser يفتكر الـFiles بتاعتك اللى هو already حملها ، عشان مطولش عليك ده باقى الـChecklist اللى لازم تاخد بالك منها:

-Render Blocking Javascript

-Prioritize Visible Content

-Content Delivery Networks

-Optimize CSS Delivery

-Enable gzip compression

-Defer Loading Javascript

-Avoid Bad Requests

-Enable Keep Alive

-Avoid CSS @Import

-Minimize Redirects

– combine external javascript

-Mobile page speed

-Minify CSS

-Minimize DNS lookups

-Deferring Images

– use CSS sprites

-Inline small CSS

-Inline small javascript files

-Deferring Videos

-Defer popular javascript

6-الـ Mobile SEO:

فى 22 ابريل اللى فات Google عمل Mobilegeddon) Update) وخلى الـ Mobile SEO يبقى Factor جوه الـAlgorithm، لأن ده طبعا بيحسن الـUX على الموبايلات و دى اكتر حاجة تهم Google,

عشان كده لازم تخلى بالك من الحاجات دى:

الـConfiguration method تبقى Responsive Design عشان بسيطة وGoogle بيـRecommend ده

  • حجم الـTap target و المساحات بينهم تبقى مناسبة للـUser
  • متستخدمش plugins عشان تظهر الـContent بتاعك، زى Adobe flash او microsoft silverlight لأن اغلب الموبايلات مش بتـSupport الـPlugins دى
  • متعملش اى blocking للـJava Script والـCSS لانGoogle لازم يشوفهم عشان يفهم الصفحة دى بتتكلم عن ايه
  • خلى حجم الـContent بتاعك مناسب للـViewport

الخلاصة:

الـSEO من أكتر الحاجات الـDynamic فى الـMarketing ولازم تذاكر وتقرا كل يوم -حرفيا كل يوم- كل الـAspects اللى احنا اتكلمنا فيها دى هى بس الـBasics يعنى مادخلناش فى اى حاجة Advanced أو على الـStrategic level، مش لازم تكون فهمت كل حاجة قولناها فوق لان الـArticle دى مش الغرض منها انها تشرحلك او تعلمك، الهدف الاساسى انك تعرف الـ General Aspects h او الـSyllabus بتاعت الـ SEO واللى المفروض اى SEO Course فى مصر أو أى حتة يكون بيوفرها، الحاجة اللى المفروض تكون طلعت بيها هى انك تكون عرفت ايه اللى أنت مش عارفه و تكون عرفت ايه الأسئلة اللى المفروض تسئلها ..

مستنيين أسئلتكوا 😉

Abdullah Tareq

Reviews

  1. Yallabook

    عبد الله عندي شوية اسئلة
    1- هو ترتيب أليكسا دة ممكن اقيس علية ” ساعات بينط و لااقي الرانك حلو و ساعات بيرجع الاقية وحش قوي و كل دة في يومين ”
    2- ممكن يبقي عندي باك لينك في مواقع ليها authority عالي بس بردة مش ظاهرة عندي في webmaster
    3- أمتي جوجل يبدا يديني 1 من 10
    4 ممكن أطلب من جوجل to indixe الصفحة كمان … بس دة بعد ما اخلص التظبيط بتاع onpage
    5-بحط مقالات كتيرة في المدونة بس مش شايف ان جوجل بيعمل index بحاول اتارجت keyword low competition and hight traffic بس مش عارف هية وصلت فين عل جوجل مفيش اداه تقولي فين الكلمة وصلت علي انهي صفحة في جوجل.

    عندي اسئلة كتيرة قوي بس حكتفي بدول

    عمرو عزت
    Co founder
    http://www.yallabook.com

    Replay
  2. مجنون كمبيوتر

    مقال محترم جدا وهتصدقني لو قلتلك السؤال دة سألته لأكتر حد شغال ف سيو واجابته كانت مبهمة تماما !
    بحمد ربنا ان ف اخر 6 شهور كام واحد اداني كذا نصيحة أبدأ منها وبدأت ابص ف المواقع الاجنبية وبدأت افهم شويتين تلاتة الي انا بقراه بدل ما كنت مبلّم
    لما قريت الكلام دة انبسطت ان اكتر من 70% كنت بطبقه ف اخر فترة لكن مش بشكل واسع بس ف نفس الوقت جاب نتايج كبيرة ف الترافيك وف ترتيب الموقع
    شكرا جدا على الـ Guide المميزة دة ^_^

    Replay

Write your review