Login

Lost password?

New to site ? Create an Account

Register by invitations only

Ask for invitation


Already have an account? Login

Forgot Password


Back toLogin

فى 7 ايام بدون معلم SEO تعلم الـ

تعلم الـ SEO فى 7 ايام بدون مُعلم

تعلم الـ SEO فى 7 ايام بدون مُعلم

الجزء الأول

Article Level: Beginners

طبعاً الـTitle ده قلش رخيص, و السبب هو أننا عايزين نوصَّلًك إن الـContent لوحده مش بيعّلِم, وبالذات فى الـ SEO , هو بِيفَهم بس, يعنى مش معنى انك خدت SEO course ان انت هتعرف تشتغل SEO بس الفِهم هو مرحلة مبدأية للتَعَلُم, يعني بِسم الله مش أكتر, أما لو جيت للحاجة اللي فعلاً بِتعلِم, هتلاقيها التجربة و الفشل و الـTest و النخربة
و اللى تقدر تختصرهم في كلمه واحدة (الشقلبة)

من زمان و احنا بنسمع عن الـ SEO , وكل ما نحاول نفهم و نقرا, نلاقى أن الموضوع مش ممسوك, أو فيه حاجة ناقصة, عشان كده خلونا نبدأ من الأول خالص, عشان نفهم و عشان تتعلم أنت هتعمل ايه بعد ما تفهم

هو يعنى ايه SEO ؟ (عارف إنك فى الأغلب عارف )

هو اختصار لـSearch Engine Optimization, يعنى ايه برضه؟

الـSearch engine هو الموقع اللى ممكن تعمل عليه search عن أى حاجة زىGoogle كده أو Bing, والـOptimization يعنى إنك تحسن الـRank بتاعك, يعنى لو حد عمل search عن الـWebsite بتاعك تطلعله فى أول النتايج.

طب ده هيهمنى فى ايه؟!

مش أنت لما بتعوز تدور على أى حاجة, على طول بتجرى على google؟!

اهو 70% من الناس بتعمل كده, طيب ولما بتطلعلك النتايج, مش دايما بتدخل على أول Link أو التانى بالكتير؟ اهو 60% من الناس بتعمل كده برضه !

طب تخيل بقى لو أنت اللى بتطلع فى الـResults أول واحد لأى حد بيعمل search عن حاجة ليها علاقة بالـBusiness بتاعك .. أنت متخيل المكسب اد ايه؟!

عشان كده الـ SEO مهم جداً فى الأيام دى, خصوصاً .. إن كل يوم عدد الناس اللى بتستخدم الـInternet بيزيد عن اللى قبله!

وعشان تعرف تعمل optimization مش لازم تروح تاخد SEO course *اه والله* بس لازم تعرف

الـSearch engine بيشتغل ازاى:

مبدأياً كده الـSearch engine عامل زى المكنة, يعنى لو فهمت بيشتغل ازاى هتعرف تطلع قماش ،(تـRank) يعنى,

أهم search Engine فى مصر و فى العالم عامة هو Google طبعاً, و زى ما أنت عارف أن Google أهميته ان أنت لما تسأله يعمل حاجتين:

1-يجيب النتيجة المرتبطة بسؤالك

2-يرتب النتيجة حَسب الأهمية, يعنى لو حاجة مكتوبة على ويكيبيديا أكيد هتبقى أهم من حاجة مكتوبة على Website تعبان

وده عشان يوفر وقتك و مجهودك, عايز يدلعك يعنى 😀

طب هو بيعمل ده ازاى؟!

الـInternet عامل زى شبكة مترو أنفاق, كلها منَفِدا علي بعض سواء بطريقة مباشرة او بطريقة غير مباشرة , وده عن طريق الـLinks اللى موجودة على كل Website,

Google بقي بيبتدي يستخدم الـLinks دي عشان يِتــنـَقِل من website لـWebsite

عن طريق أنه بيبعت الـCrawlers أو الـSpiders بتوعه لكل Website عشان يقروه و يفهموا بيتكلم عن ايه و يخزنوه فى الـDatabase بتاعتهم, عشان لما أى حد يعمل search يطّلعهاله بسرعة.

الـSpiders و الـCrawlers هُما حاجة واحدة, عُبارة عن Auto Robots, يعنى باختصار, هُما رجالة المعلم (google) اللى بيبعتهم السوق (الـinternet) عشان يجيبوله اخر الأخبار (links)

كده هو جاب الـResults, الخطوة التانية ازاى بقى بيرتبهم؟!

Google عباره عن System معقد جداً متكون من اكتر من 200 factor بيجتمعوا عشان يحددوا مين احق يظهر قبل مين, صعب جداً نحصر الـFactors دى هنا لكن هنتكلم عن اتجاهين (كل اتجاه متكون من Factors كتير) أساسين فى تحديد مين يـRank قبل مين:

A- مدى تطابق الـKeywords اللى أنت عملت بيها Search مع النتايج اللى عنده, يعنى لو (Content(X موجود فيه الـKeywords اللى أنت عملت بيها Search أكتر من(Content (Y و محطوط بصوره طبيعية (من غير تحوير) و فى أماكن ليها تأثير على الUser, فاللى ترتيبه هيبقى الأول هو (Content (X

B- مدى الـPopularity بتاعة الـWebsite, يعنى الـwebsite ده الناس بتحبه اد ايه, عشان كل ما الناس كانت بتحبه أكتر ده معناه أنه مهم وموثوق فيه, وده Google بيقدر يحكم عليه عن طريق كذا حاجة:

1-الـBacklinks:

ودى الـLinks اللى بتكون موجوده على Website معين و بتوجه الـUsers للـWebsite بتاعك,

2-الـSocial Signals:

ودى الإشارات اللى بتيجى من الـEngagement بتاع الـfans بتوعك على الـSocial Media

3-الـuser experience:

يعنى الـUser بيحس بايه لما بييجى الـWebsite بتاعك

كده احنا عرفنا أهم الـFactors اللى على أساسها Google بيرتب الـResults, وعرفنا Google بيشتغل أزاى..

طب ازاى بقى نعمل Optimization؟!

لو حسنت الـFactors دى (A و B) يبقى أنا كده عملت Optimization بصورة مبدأية, يعنى ايه برضه؟!

مش احنا قولنا أن الـSearch engine عامل زى المكنة, يعنى لو فهمت بيشتغل ازاى هتعرف تطلع قماش, تـRank يعنى!

أنت عرفت ايه الحاجات اللى هو بيشتغل على أساسها, يبقى كل اللى هتعمله إنك توفرله الحاجات دى, و هو ده الـOptimization !

A- الـkeywords optimization:

احنا عرفنا ازاى لما حد بيعمل Search على حاجة, Google بيعرف مكانها

عن طريق أنه بيشوف الـKeywords اللى بتبقى موجودة فى الـquery أو السؤال, ويجيب الحاجات اللى فيها (أو بتدور حواليها) نفس الـKeywords من الـdatabase بتاعته,

عشان كده لازم تاخد بالك من اختيارك للـKWs لأنها العامل الرئيسى اللى هيحدد هتـRank فين و بالتالي مين اللي هيدخلك , و أكيد أكيد أكيد انت محتاج اللى يخش عندك الـWebsite يكون هو الشخص المثالي اللى جاهز يشترى منك

عشان توصل لده محتاج تعمل KW Research محترم و معمول بطريقة Professional عشان ميبقاش أول القصيده كفر

لو عايز تعرف ازاى تقدر تحدد الـKeywords دى, ممكن تدخل هنا

http://goo.gl/sVYmw7

أول مايبقى معاك الـKeywords list هتبتدى تستخدمهم في الاماكن اللي هقولهالك دي بس بطريقه منطقيه لما يكون ليهم لزمه مش لما تكون عايز تـRank و خلاص, يعني من الاخر متحشرهمش

 

  • -Pages’ Titles

وده عنوان الصفحة اللي الـ Search Engine بيقراه

optimizing pages' titles

-URLs:

الـAddress بتاع كل page عندك

URL optimizing for seo

-Descriptions:

وده الكلام اللى لما الناس تشوفه لازم يلفت نظرهم عشان يدخلوا عندك

optimizing the description for seo

الـContent:

فى Quote كده بيقول

“when it comes to SEO, content is king” ,

عارفين ليه Google كل شوية بيعمل updates جديدة زى Panda, Penguin و Hummingbird ؟!

طبعاً عارفين, عشان يحسن الـUser experience, حلوين أوى!

يعنى لو أنت يا معلم كاتب Article طويل عريض وحاشر فيه الـKeywords بتاعتك(keywords stuffing), بغرض إن أنت تـRank بيه, أنا كـUser هتقفل و هحس أن فى حاجة غلط, وكمان Google هيقفش ده, و مش هيخليك تـRank, الـTechniques دى خلاص عفى عليها الزمن, يعنى عشان تـRank لازم تكتب Content قوى و مُحترم,

طب ايه الحاجات اللى بتقول لـGoogle أن ده Content مُحترم؟!

  • الـStructure بتاعك: استخدم Headings و Paragraphs, متخليش الكلام سايح على بعضه
  • الـBullets: يعنى تعمل Heading وتحتيه نُقط ورا بعض, زى ما أنا عامل كده
  • تقدم unique value: يعنى لما ادخل على الـArticle, الاقى كلام جديد, مش Copy paste, ساعتها هقعد اقرا و الـBounce rate هيقل
  • الـSemantic keywords: الجديد أن Google بقى يعرف السياق بتاع الكلام, يعنى لو أنا بتكلم عن الـ SEO , و Google لقى فى الـArticle كلمات زى Keywords, backlinks, updates, penguin, كل دى حاجات بتبينله أن أنا كاتب Content مُرتبط ببعضه, مش حاشر كلام و خلاص
  • الـLinks: اللى موجودة فى الـArticle اللى بتوضح بيها أكتر للى بيقرا, وكل ما كانت الـLinks رايحة على Websites ليها authority و related ليك, كل ما بقى أحسن, بس خلى بالك, متزودش اكتر من 100 link فى الـPage الواحدة عشان Google هيعتبر ده مؤشر أن أنت بتـSpam

-فى الـAnchor text:

وده اسم اللينك اللى بيظهر للـusers جوه الـWebsite, بس خلى بالك من الـOver Optimization

anchor text

-فى الـAlt-tags بتاعت كل الصور:

ودى الـdiscription اللى بنقول بيها للـSearch engine أن هنا فى صورة بتتكلم عن كذا, عشان هو مش بيشوف , بيقرأ بس

alt tags for images

يعنى لو أنا حاطط صورة على الـWebsite بتاعى ومكتبتش الـ(ALT TAG)

google مش هيقراها, فبالتالى مش هيطلعها فى الـsearch, زى كده:

optimizing images for seo

مثال توضيحي من الـSEO Beginners Guide بتاع Moz

طبعا هييجى فى دماغك السؤال المشهور, هو أنا عشان اشتغل SEO لازم أبقى Developer؟؟

لأ, مش لازم خالص, الموضوع أبسط من كده, فى حاجة اسمها Content Management system, وده تقريبا 90% من الـWebsites بتستخدمه, وهو بيسمحلك أن أنت تدخل الـAlt tags بسهولة,

entering alt-tags for images in WordPress

بتكتب فى الـAlternative Text الـTitle اللى انت عايز Google يقراه

يعنى مش اختراع, و أشهرها أنواع الـCMS هو الـWordPress ممكن تدخل عليه من هنا

B- الـFactors اللى بتأثر على الـPopularity:

1-الـBacklinks:

ودى بتخلى Google يحبك أوى 😀 عشان من كتر ما الـWebsite بتاعك كويس , الـWebsites التانية بتقول للـusers بتوعهم اطلعوا من عندى دلوقتى, وروحوا عند الراجل ده, عشان عنده كلام زى الفل 😉

طب ازاى تخلى website يحُط الـLink بتاعك عنده؟

فى Techniques كتير وهنتكلم عنها في Article تاني بالتفصيل و لحد ما نعمل كده تقدر تقرا عن الموضوع من الـGuide بتاع MOZ

,

2-الـSocial Signals:

اللى بتيجى من الـEngagement, زى الـLikes أو الـ Shares والـ Comments على الـFacebook, أو retweet و Favorite على Twitter

وطبعا كل الـSocial media platforms بتدخل فى المعادلة, زى Pinterest و tumblr, و أهمهم على الإطلاق +G
كل ما بقى عندك Engagement على الـSocial media channels , كل ما ده زود الـSocial Signals بتاعتك وده هيحسن الـRank بتاعك, والـEngagement مش هييجى غير لما تكون بتقدم Content بيضيف value للـFans بتوعك,

لو عايز تعرف قواعد الـSocial media marketing الأربعون, ادخل هنا

3-الـUser experience:

خلينا نتفق أن أنت عمرك ما هتدخلWebsite ومايعجبكش وهترجع تدخله تانى, يعنى من الأخر لازم الـWebsite يعجبك, طب ايه أول حاجة بتلفت نظرك لما تدخل أى Website؟

صح .. الـdesign بتاعه , الصور اللى فيه , تناسق الألوان وانك تبقى فاهم الدنيا ماشية ازاى جواه (user friendly) يعنى, و انه مش بطئ لأن الدنيا اقصر بكتير من انك تستني Website يـLoad

والأهم من ده كله إنك تلاقى اللى كنت بتدور عليه, يعنى لو كنت بتدور على معلومة, تلاقيها موجودة بشكل مبسط تقدر تفهمه, ولو فهمت, هتحبه أوى وهترجع تتعلم منه تانى , ومش بعيد تخليه فى الـBookmarks, طبعا ده مش هيحصل إلا لو عندك Content مُحترم

و متنساش تاخد بالك من ترتيب الـContent, حاول تخلى اللى يدخل عندك ميبقاش تايه, يعنى تبقى الدنيا مُنظمة, وأعمل content يبقى related لبعضه, عشان تعمل

Internal links Infrastructure محترمة ده برضه من الحاجات الأساسية اللى بتحسن الـRank, بمعنى أن ممكن تعمل article من 3 أجزاء, وتيجى فى تانى جزء تسيب Link لأول جزء, عشان لو محدش شافه يشوفه, وهكذا..(صورة مبسطه للـInternal Linking)

يعنى ببساطة لازم الـWebsite يكون بيقدم user experience بنت ناس!

كده احنا فهمنا يعنى ايه SEO , وايه أهم الـFactors اللى بتأثر فيه, وازاى أحسنها!

خلى بالك من الـ SEO Course:

انت ممكن تروح تاخد course و يضرك مش يفيدك, عشان مُعظم الـSEO courses اللى فى مصر مش Updated, يعنى بتقولك على Techniques مينفعش نستخدمها دلوقتى, عشان Google بيعتبرها Spamming, (مُعظمها مش كلها) ده غير ان المعلومات اللى بتاخدها بتبقى قُليلة جدا بالنسبة لتَمنها, عشان كده انت ممكن قبل ما تاخد اى SEO course تبدأ بالـGuides دى:

the beginners guide for SEO from MOZ ولو خلصتو ممكن تدخل على the advanced guide for SEO ولو عندك اى أسئلة أنت عارف هتعمل ايه 😀

بس عشان الحاجات دى تثبت فى دماغك لازم تشتغلها و تجربها بإيدك, هى دى الطريقة الوحيدة عشان تتعلم صح :)

لو أنت شغال فى الـ SEO , قولنا اتعلمت ازاى و ايه أكتر حاجة كنت شايفها صعبة؟ أو عايز تفهمها أكتر؟!

Abdullah Tareq

Reviews

  1. Trainer Ahmed Refaat

    I really appreciate your efforts in developing people …. good luck :)

    Replay
    • Abdullah Tareq

      thank you Ahmed :)

      Replay
  2. Hakeem Shurrab

    Greaaaat article

    it’s pleasure for my bookmark to have your link…. i’ll follow your topics all the time

    Replay
    • Abdullah Tareq

      pleasure is ours Hakeem, do you have any questions about the article?!

      Replay
  3. Mohammed

    Great, keep going

    Replay
    • Abdullah Tareq

      thanks Mohammed :)

      Replay
  4. Heba Allam

    Wow, I am really happy that I spent my time reading this amazing article…. It really worth… Thank you for being awesome :)

    Replay
    • Abdullah Tareq

      you are welcome Heba :) do you have any special queries about the SEO?!

      Replay
  5. Mohy

    وانا مش عارف اشوف الا ال 10 الي علي اول صفحة بس لا لاقي قدم او الصفحة الي بعد كدا وجالي احباط الصراح ة social-media انا عندي مشكلة كبيرة هي انكوا عاملين 36 مقال في ال

    Replay
    • Abdullah Tareq

      :) هتلاقيهم link بتاعت 101 cover photoممكن يا مُحى تدخل على الـ

      Replay
  6. Mohamed

    Thanks mate. Great article I have been tryin to get proper materials for SEO and I found your website. Please keep ’em coming. Baraka Allaho Feek :)

    Replay
    • Abdullah Tareq

      you are welcome Mohamed :) do you any questions about the article?!

      Replay
  7. Mohamed Samir

    Thank u very much on your efforts :)

    Replay
    • Abdullah Tareq

      you are welcome Mohamed :)

      Replay
  8. Mohammed Ali

    أيه الدلع دا ؟!
    أنا مش عارف أقول بجد أشكرك بيه علي تعبك بس هعمل شير :)
    سؤال صغير عن G+
    هو بيفرق قوى ف ظهور انتايج ف جوجل ودا حاجه الكل عرفها بس أزاي أنا أفرق فيه كشبكه أجتماعيه ؟ وصلت ؟

    Replay
    • Abdullah Tareq

      شكرا يا محمد 
      نزل الـPremium content بتاعك عليه, واعمل لكل post تنزله Title, عى طريق انك تخليه بين نجمتين *title*

      Replay
  9. Yallabook

    بجد أحسن مقال قريتة من زمان بس عايز أسأل سؤال هو امتي جوجل بيبدا يرانك المواقع يعني امتي ابدا أخد واحد من عشرة و كدة يعني … هو في يوم معين في السنة او في شروط معينة
    لية انا بسأل السؤال دة عشان انا حاسس اني عملت شغل كتير بقالي اكتر من 8 شهور و لسة ترتيبي صفر
    http://www.yallabook.om

    شكرا ليك
    عمرو عزت
    Co Founder
    Yallabook.com

    Replay
    • Abdullah Tareq

      شكرا يا عمرو 
      اولا خلينا نعرف ايه هو الـPage rank اصلا, ده واحد من الـRanking factors وظيفته انه يحلل الـBackinks بتاعتك ويشوف مدى ارتباطها بالـWebsite بتاعك, طب ازاى اقدر ازوده؟ عن طريق ان انا اخد links من Websites يكون الـPagerank بتاعها عالى وrelated ليا, ساعتها انا هاخد من الـPR بتاعها, اللى هو الـlink juice
      انا دخلت عملت Analysis على الـWebsite بتاعك, لقيت ان كل الـBacklinks بتاعتك من Websites الـPR بتاعها n/a يعنى اقل من الـzero أصلا زى:
      و apsense, و busbyway و seodirectoryonline
      يعنى عشان تحل المشكلة دى محتاج تعمل Link earning من Websites الـPR بتاعها يكون عالى وتكون Related ليك, بس خلى بالك ان الـPR هو Factor واحد من ضمن أكتر من 200 Factor بيحسبه الـRank بتاعك, لازم تاخد بالك منهم

      Replay
  10. احمد عبد الفتاح

    بصراحة مقال فوق الممتاز بس انا عندي سؤال
    انا لو عندي 5 مواقع نفس المجال ونفس الكلمات البحثية وولكن المحتوي مختلف طبعا وال 5 مواقع على نفس ال الاي بي ونفس السيرفر
    فهل لو انا عملت لل 5 مواقع باك لينكس فى مواقع خارجية فى مقال واحد مع اختلاف المقال كل مره بس هل دا هيعتبر اسبام وهل المفروض اعمل باك لينك لكل موقع على حدى وهل وجودهم على نفس السيرفر ونفس الاي بي بيضرهم فى الرانك فى جوجل وسؤال تانى معلش انا حللت الباك لينكس للمنافسين ولاقيت كله شغل اسبام وكومنتس بس مفيش غير كدا باك لينكس من خلال الكومنتات ومع ذلك قدروا يكون ترتيبهم احسن منى مع انى اعلى منهم فى ال PA و DA وفى وقت اقل من الوقت اللى انا اخدتة مع انى بشتغل على مواقع ذات اثورتي عالية زى ال WEB2
    وجوجل مش بيعاقبهم خالص لما زهقت بقالي سنه مسني يتعاقبوا ومفيش فايدة لدرجة انى فكرت اعمل زيهم وخلاص بس قلت اد رأيك واسف على الاطالة

    Replay
  11. Eslam Refaat

    مقال رائع جدا بالنسبه للناس اللي حابه تبدأ

    من وجهة نظري أصعب حاجه هي الoffpage
    شكرا على المقال

    Replay
    • Abdullah Tareq

      شكرا يا اسلام :) , تحب نكتب فى ايه المرة اللى جاية؟

      Replay
  12. Rema

    ما ينفعش اقراء و امشى من غير ما اقول الف شكر ليكوا على بساطة التعبير بجد
    الف مليون شكر

    Replay
    • Abdullah Tareq

      ?اللى جاية Article الـ SEOالعفو يا ريما :) , تحبى نكتب عن ايه فى الـ

      Replay
  13. ibrahim abdelaziz

    على الرغم انى مش شغال فى ال SEO
    بس استفدت جدا من المقال و شجعنى انى اطبقه فى شغلى بمجال العقارات

    شكرا ليكم على تعبكم معانا

    Replay
    • Abdullah Tareq

      العفو يا ابراهيم :)
      ؟SEOطب فى حاجة عايز تفهمها اكتر فى الـ

      Replay
  14. ossama gomaa

    السلام عليكم
    مقالة رائعة انا مش عارف ليه ماكنتش بتابعكم من الاول
    ممكن ايميل حضرتك علشان اتواصل معاك بخصوص موقعي ؟؟

    Replay
  15. Omnia Rammah

    If I were to rate this article, I’d probably go with about 7 stars :).

    Replay
    • Abdullah Tareq

      thanks Omnia :) do you have any questions about the article or the SEO in general?!

      Replay
  16. zolfa Mohamed

    ma$a allah rbna y7fzk w yjzeek kol 5eer
    A7la m8al ☺

    Replay
    • Abdullah Tareq

      shokran ya Zolfa :)

      Replay
  17. dina essam

    انا قريت المقال واستفدت جدا بس مش قادرة أحكم على البلوج بتاعتي اذا كانت فعلا بتطبق سيو ولا لا ؟؟ اقدر اتواصل معاك ازاي

    Replay
  18. ازاى تختار SEO Course in Egypt

    […] كلنا عارفين يعنى ايه SEO, بس خلونا نفهم الـAspects بتاعته، لو حبينا نقسم الـSEO […]

    Replay
  19. حكيم

    جايزه اوسكر احسن مقال عام 2015

    Replay
    • Abdullah Tareq

      شكرا يا حكيم :)

      Replay

Write your review