Login

Lost password?

New to site ? Create an Account

Register by invitations only

Ask for invitation


Already have an account? Login

Forgot Password


Back toLogin

6
Rank: 6 Points: 40

اول سؤال للديزاينرز هارى ومحمود سعدون دلوقتى انا عارف إن إنتوا مخليين سكول مميزة بالتصميمات وده بيخدم اهداف كتير جدا أنا سؤالى عام شوية بس محتاج اجابة تطمنى .. إزاى اقدر اتميز ك-تصميمات عن باقى الناس مش بتكلم عن جودة الشغل والاحتراف كنواحى فنية لا بتكلم ايه الفكر اللى اشتغلتوا عليه عشان تبقى تصميماتكم كلها شبه بعض او نحس ان نفس الشخص اللى عاملها دى حاجة تانى حاجة دى تصميمات لاول حملة اعلانية لسه مش عارف هطلقها امتى وانا شغال فى مجال الطاقة الشمسية وشايف ان طلاما شغال على السوشيل ميديايبقى التصميمات فيها كارتون عادى وفنفس الوقت لقيت انى طاقة شمسية وبستهدف يا

read more

اول سؤال للديزاينرز هارى ومحمود سعدون دلوقتى انا عارف إن إنتوا مخليين سكول مميزة بالتصميمات وده بيخدم اهداف كتير جدا أنا سؤالى عام شوية بس محتاج اجابة تطمنى .. إزاى اقدر اتميز ك-تصميمات عن باقى الناس مش بتكلم عن جودة الشغل والاحتراف كنواحى فنية لا بتكلم ايه الفكر اللى اشتغلتوا عليه عشان تبقى تصميماتكم كلها شبه بعض او نحس ان نفس الشخص اللى عاملها دى حاجة تانى حاجة دى تصميمات لاول حملة اعلانية لسه مش عارف هطلقها امتى وانا شغال فى مجال الطاقة الشمسية وشايف ان طلاما شغال على السوشيل ميديايبقى التصميمات فيها كارتون عادى وفنفس الوقت لقيت انى طاقة شمسية وبستهدف يا ناس كبيرة يا كلاس 1 من الناس ففكرت ففكرة ان التصميمات دايما تبقى خليط بين صور حقيقية وجرافيك هل ده اختيار سليم يخلينى اتميز وابقى طبيعى على السوشيل ميديا؟؟ ولو لا طب اعمل ايه

Comments (13)

mahmoud-sadon

2015-11-15 20:29:49

أهلا بعمر صديق البرنامج :D ..
بص يسيدى الموضوع الاولانى اللى انت سألت فية الخاص ب " انك ازاى تعمل تصميمات موحدة و فكر موحد لصفحتك :)
بص يسيدى او

read more

أهلا بعمر صديق البرنامج :D ..
بص يسيدى الموضوع الاولانى اللى انت سألت فية الخاص ب " انك ازاى تعمل تصميمات موحدة و فكر موحد لصفحتك :)
بص يسيدى اول حاجة انت بتعمل حاجة اسمها Color Identity
و دي قايم فكرتها انك بتختار مجموعة الوان تتراوح من لونين ل 4 الوان مبتطلعش تصميماتك براهم و ممكن فى الاربع الوان دول تغمق او تفتح اللون لكن لازم تكون محافظ علية
طبعا لمجرد انت بتختار اللون من برنامج التصميم بيطلعلك لية كود الكود دة لازم تكتبة و تحافظ علية ان اى حاجة بتخرج من عندك ان كان صفحتك او الموقع او حتى مطبوعات فانت محافظ على ان كود
الالوان دة يكون هو المكون الاساسى لتصميمك ..
دة موقع عملاه شركة Adobe مخصوص لاختيار ال Color Identity .. هتدخل تسجل فية و هناك فى اختيار اسمة Explorer هتدخل تكتب فية مجال عملك هيطلعلك مقترحات لالوان تمشى مع المجال دة (جربها ممتعة جدا )https://color.adobe.com/explore/newest/
دى اول خطوة يريس
تانى حاجة بقى
انك بتختار مود رسم معين بتمشى علية و بتطلع بية تصميماتك
كل نشاط او صفحة و ليها مود بشكل معين بيوصل لناس معينة و كلة حسب ال Buyer Persona
اللى انت متارجتهم
مثلا لو شغل الصفحة على شباب و بتديهم معلومات او كدة بتشتغل بمود كارتون و كومكس و هكذا
اما لو رجال اعمال او كده فالافضل يبقى صور طبيعية و متصورة
لكن علشان ال Sources قليلة فى الاتجاة دة
فانت ممكن يناسب لشغلك ال Flat Designs و شغال Info Graphics و دة لنك لستايل التصميمات
http://www.vandelaydesign.com/wp-content/uploads/01-website-flat-design-examples.jpg
دة من وجهة نظري ينفعك جدا
بس متنساش اهم حاجة ال Color Identity بتاعك لاااااااااااازم تحافظ عليهم
نيجى للنقطة التالتة
Fonts :D
بص يسيدى بتختار مجموعة Fonts انت شايفها نافعة لشغلك طبعا بالبصر كدة فى Fonts بتديك انطباع كوميكس او كارتون و فى لا بيديك انطباع بيزنس
التصميم هيكتفك عامة لانك بتكلم فئة معينة
فهتكون حريص جدا انك تطلع التصميم بيكلم الناس دول ^_^
و اخيرا حاول تخافظ على مكان للوجو الخاص بيك و يريت يكون لون واحد فى البوست لو ابيض مثلا و قلل حضروة قدر المستطاع علشان رسالتك توصل اكتر
الا لو كنت بتعلن عن اللوجو اصلا لوحدة :)
تعالى نراجع سريعا قولنا اية فوق
اولا : Color Identity
ثانيا : موود الرسم و التصميم ان كان طبيعي او كومكس و كارتون او Flat . بالمعيار اللى شرحنا بية :)
ثالثا : تختار مجموعة Fonts متخرجش براها بين 4 ل 6 Fonts بالكتير و يريت يبقوا من مدرسة واحد مثلا زى Arial , Arial Bold . Arial Rounded و هكذا
و اخيرا اللوجو الجميل بتاعك
يكون مكان موحد نوعا ما و بلون واحد دة افضل كتير :)
اجابة باقى السؤال
يتبع فى الكومنت التانى ^_^

7
Reply

kareem-esam

2015-11-15 20:32:58

الكومنت ده هيفيد ناس كتير اوووي انا لسه كنت داخل اسأل نفس السؤال كنت بشوف في اسكول واعلانجي والماركتيرز بحس اني لو مشوفتش اللوجو هعرف ان ده ش

read more

الكومنت ده هيفيد ناس كتير اوووي انا لسه كنت داخل اسأل نفس السؤال كنت بشوف في اسكول واعلانجي والماركتيرز بحس اني لو مشوفتش اللوجو هعرف ان ده شغلهم باجي عندي لو مشوفتش اللوجو مش هعرف ان ده شغلي :D

2

nouran

2015-11-15 22:09:58

Chapeau بجد

1

omar-el-karkeet

2015-11-15 20:42:04

ههههههه اهلا بيكم <3 الاجابة كافية كدة و اخدتها copy خلاص وياترى الكومنت التانى هيكون فيه ايه بس عندى سؤوال مينفع تبقى خليط بين الالوان والصور

read more

ههههههه اهلا بيكم <3 الاجابة كافية كدة و اخدتها copy خلاص وياترى الكومنت التانى هيكون فيه ايه بس عندى سؤوال مينفع تبقى خليط بين الالوان والصور الطبيعية لان صور طبيعية لوحدها مش حلوة وكمان اختيار اربع الوان طيب لو صورة طبيعية هيبقى فيها ميليارات الالوان

0
Reply

mahmoud-sadon

2015-11-15 20:45:19

اقرا الكومنت التانى هتفهمنى ;)

1

mahmoud-sadon

2015-11-15 20:44:17

نيجى بقى للسؤال التانى .. اختيارك و ظنك فعلا صح ان Buyer Persona بتاعك دة انسب ليهم لكن نوضح سنتوفة صغنتتة كدة :D بص يسيدى جو الجرافيك على الصور الطبي

read more

نيجى بقى للسؤال التانى .. اختيارك و ظنك فعلا صح ان Buyer Persona بتاعك دة انسب ليهم لكن نوضح سنتوفة صغنتتة كدة :D بص يسيدى جو الجرافيك على الصور الطبيعية ممكن قدم شوية و الافضل انك تظبط المود بتاعك على حاجة واحد وسط زى ال Flat Designs اللى اتفقنا عليها الكومنت اللى فات
و دة اقل فى ال Risk لسببين اولا قلة ال Sources للصور الطبيعية برضة و الحاجة التانية ان المود اللى انت مختارة
فى الجرافيك يكون مناسب للصور
فالافضل للحفاظ على هويتك البصرية انك تلتزم بمود واحد و مفيش مانع كل فترة تكسر دة بحذر و يكون لية داعى انك كسرت دة كمان :)
و لو فى اى حاجة اقدر اساعدك بيها تانى انا تحت امرك يا صديقي ^_^

1
Reply