ازاى تعمل Social Analytics

كلمة analytics في المطلق ملهاش اي معنى غير لو جت وراها كلمة توضح انت هتـ Analize ايه بالتحديد, في مجال الـ Marketing أنت محتاج تعمل Analysis على كل خطوة بتمشيها في الـ strategy بتاعتك,وكل Channel انت شغال عليه. عشان تتأكد أنت ماشي على الطريق الصح ولا محتاج تعدّل الطريق . وطبعا كل ده عشان تطلع شغل مظبوط ومجهودك مايروحش على الفاضي .

في أنواع Analytics كتير بس اللي يهمنا دلوقتي هم :

1-website Analytics

ودي شاملة الـ traffic والـ Seo والـ Conversion rate وخلافه .

2-social media Analytics

ودي شاملة أي channel على الـ social media من FB ، Twitter أو G+

التصنيف ده بشكل عام جدا .. في الـ Article دي هنتكلم بشكل تفصيلي عن الـ Facebook Analytics و ازاي نستخدم الـ insights بتاعتها ، ونشوف احنا محتاجين نعرف منها ايه ؟ ونستفيد منها ازاي ؟

احنا شرحنا ايه هي أهم المعادلات اللي أنت محتاجها عشان تقيس بيها مدى نجاحك في الـ strategy بتاعتك على الـ social media وخاصة في الـ content stage. تقدر تشوفها في الـ ده

بس المعادلات مش كل حاجة، في خطوات تانية أنت محتاج تعملها عشان توصلك لنتايج منظمة تقدر تطلع منها recommendation تحسن الـ performance بتاعك على الـ Accounts اللي أنت ماسكها.

في الـ Article دى هنتكلم عن الخطوات اللي أنت هتعملها من حيث تجميع الـ data اللي أنت محتاجها عشان تقدر تعرف بيها نتيجة الشغل بتاعك عاملة ازاي .

هات ورقة وقلم عشان هنقعد نشخبط على الأقل في رقم واحد وأتنين اللي جايين.

1-أحدد الـObjectives

تحديد الـ objective هى بتبقى حاجة في الـ Strategy بتاعتك من الأساس، لو مش أنت اللى بتحطها على الأقل لازم تكون عارفها وعلى علم بيها، لأنه معروف أن مدى نجاحك بيتقاس بناءاً على مدى تحقيقك قد ايه من الـ objectives اللي أنت والـ Team بتاعك حاطينها بنفسكم .

الـ social media عموماً والـ Facebook خصوصاً ليهم استخدامات عامة في الـ business، من خلال معرفتك للإستخدامات دي، ونوع الـ business بتاعك والمنهج اللي أنت ماشي بيه .. بتقدر من خلاله تحدد الـ objectives بتاعتك.

طيب عشان نسهل على بعض السطرين اللي فوق أنا هقولك الـ objectives العامة للـ Facebook اللي هما :

1- Branding :

يعني عايز الناس اللي في الـ Social media يعرفوا أنك موجود وليك اسم في السوق، وده دلوقتي بقى الـ main objectives الرئيسي لأي business ليه ظهور على الـ social media، سواء كان Multinational أو كان startup صغير.

2-Community:

وده بيبقي أغلبه في شغل الـ Nonprofit و الـ NGO أو لو أنت بتعمل Project هيقوم فيما بعد على الـ community ده.

زي مثلا لو هتعمل Content Project فيما يتعلق بالعربيات، وتجمع أكبر عدد من الناس اللي مهتمة بالمجال ده، وبناءا على قوة الـ community ده هيجيلك فرص أرباح وتمويل من الـ Brands اللي شغالة في مجال العربيات . عشان تـ Market لها شغلها.

3-الـ Customer Service:

وده بقى لو بتستقبل شكاوي أو استفسارات من العملا بتوعك زي شركات الأتصالات

4-الـ Ecommerce:

وده لو أنت بتبيع من خلال الـ Social media, ولو أن أنا مش بؤيد الإستخدام ده، بس هو موجود ومتداول لكن في Industries معينة، وفي حالات خاصة يعني لو أنت Business بتاعك صغير ولسة معندكش website ودي الـ channels الوحيد اللي تقدر تبيع منتجاتك من خلاله. لكن نصيجة مني متخليش الـ Promotional والبيع على الـ social media هو الـ objectives الأساسي. لأن الهدف الرئيسي من الـ Platforms دي أن أنت تركز مع الـ users مش مع منتجاتك .

الـ Objective دي ممكن يتجمعوا مع بعض وممكن كل واحدة تبقى لوحدها على حسب طبيعة الـ industry بتاعتك والـ resources الموجودة عندك.

وممكن تبقى برنس أكتر ويبقى عندك Specific objective مندرج تحت واحد من الـ objective الرئيسية فوق. دي بقى منطقتك ومساحنك تقدر تفن فيها باللي يجي في دماغك .

*عرفت أيه فايدة الورقة والقلم دلوقتي 😉 *

2-حدد الـKPI

بعد معرفتك للـ objectives بتاعتك , نيجي بقى للخطوة اللي بعدها , هتعرف منين أذا كان الهدف اللي أنت حاطه أتحقق ولا لأ , كلنا عارفين أن الـ objectives حاجة conceptual , يعني أنت نفسك الـ quarter ده تعمل Branding للـ Business بتاعك , طيب أيه الحاجة اللي لما توصلها تعرف أنك عملت Branding فعلاً .

هي دي فكرة الـ KPI بتاعتك .لو انت مش خبرة أوي في تحديدك للـ KPI , أو شايف أنها حاجة معقدة اني احدد metrics لنفسي أقيس بيها نجاحي , ففي طريقة ممكن نعملها تساعدك شوية في تحديدك للـ KPI .

أيه هي الطريقة اللي ممكن تساعدك في تحديد الـ KPI ؟! :

اعمل Break down للـ objectives .. ازاي ؟

• حدد الـ Tasks list اللي أنت شايف نفسك لو عملتها هتحقق الـ Objectives بتاعتك .
  وده معناه ان أنت لو حابب تبني Community محتاج تسأل نفسك أنت محتاج تعمل ايه بصوره تفصيلية، مثلاً :
  1-valuable content
  2-Freindly & Helpful Responding
  3-Specific target audience

• طيب بعد ماعملت الـ Tasks list أعمل Break down ليها , وهي هتشوف ايه الخطوات المطلوبة عشان تعمل كل Task فيهم على حدا. وتشوف هتنفذها ازاي بشكل يحقق الـ objective بتاعتك .
  طلعت Action steps كل Task وعرفت هتنفذها أزاي ؟

• يبقى شوف ايه الـdesirable Action اللي أنت عايزه يكون نتيجة الـtask دي، يعني لو بتعمل content وهتنزله عندك , فأنت متوقع أن الـ Viral Factor فيه يكون قد ايه

خد بالك وأنت بتحدد الـ Desirable Actions اللي أنت عايزها راعي أنها تكون واقعية ومنطقية , متبقاش هينة أوي فتحققها بسهولة وتفرح بنجاحك , ومتبقاش صعبة أوي وتتعب نفسك بيها على الفاضي , خليها منطقية ومدروسة بأكبر قدر ممكن , وده ممكن تعمله عن طريق أنك تـ Search في الـ industry بتاعتك أو وأنت بتعمل Analysis للـ competitor بتوعك.

• أخر خطوة بقى شوف كل الـ Desirable actions اللي أنت حددتها . لو في أكتر من حاجة تقدر يطلع منها Theme مجمل، أو تقدر تحددها metrics أكبر. فده الـ KPI بتاعتك .
  لو أنت كل Content بتعمله , بيكون على أساس أنه يعدي 2000 shares , يبقى ممكن تكون الـ KPI بتاعتك Heavy Engagement Rate بتاعتك تكون على الأقل %20 .

تحديد الـ Objectives والـ KPI يستحسن طبعا تحطها وأنت بتعمل الـ Strategy من الأول , لكن في حالة أن الـ Strategy جاهز فحاول تتأكد أن الحاجات دي موجودة بشكل واضح ومنطقي في التنفيذ والوصل إليه. عشان الشغل بتاعكم مايبقاش حبر على ورق .

3-اعمل الـ Template

دلوقتي تقدر تشيل الورقة والقلم اللي بتشخبط فيهم . وندخل بقى لمرحلة التنفيذ الرسمية، وتجهيز الـTemplate اللي هنشتغل بيها مبدأيا، قبل مااقولك أيه الـ Template الرئيسية اللي بنشتغل بيها وبنملاها ليه وعلى أي أساس. خلينا نتفق الأول على نقطتين .

• متعقدهاااش
  وده مش معناه أنك هتعمل حاجة ناقصة، بس الفكرة كلها متصعبهاش على نفسك وبالذات لو كانت البداية . ايه الحاجات العامة اللي هتخلي شغلك مظبوط وابدأ بيها, وأنت كدة كدة مع الوقت هتلاقي نفسك بتضيف حاجات More specific وفي نفس الوقت انت عارف أنت محتاجها ليه .

• متحشرش أرقام وخلاص

أنا هقولك الحاجات الأساسية، لكن في حالة أن أنت شوفت ان الحاجات دي أنت مش محتاج تعملها دلوقتي شيلها . هو مش قاعدة لازم تتحفظ , في النهاية كل شيء متوقف عليك وعلى نظرتك للأمور.
بعد ما اتفقنا على النقطيتن اللي فوق تعالوا نتكلم على الأربعة Template الرئيسيين اللي أنت محتاجهم، متتعبش نفسك وتعملهم تقدر تنزلهم في اخر الـArticle بس أنا دلوقتي هشرحهم عشان تعرف تستخدمهم أزاي؟

• Objectives
  الكلام اللي قولناه فوق من حيث تحديد الـobjectives والـKPI ده كله هيتنظم في Sheet بالمنظر ده .

• 

• Content Stage
  الـ Content يعتبر هو أدق مستوى تقدر تقيس بيه الشغل بتاعك , لأن الـ Page level مش دقيقة ومش بتبين ليك هل السبب في الـ interact على صفحتك الـ content بتاعك ولا في factors تانية أثرت عليه.
  لكن لو قيسته على الـpost level هتعرف تحدد الـquality بتاعة الـ content بتاعك، وده بشكل بديهي هينعكس على Engagement Rate بتاع صفحتك .

الـtemplate بتاعة الـcontent Stage شكلها ازاى؟

الـTemplate بتاعة الـcontent stage بتتقسم لجزئين:

1-collecting table : وده اللي بجمع فيهم الـ data اللي أنا محتاجها سواء من الـ insights او من الـ Ads account أو حتى من على الـ Page.

2-configuration table:وده بقى اللي بستخدم فيه الـ data اللي أنا جبتها عشان اعمل المعادلات اللي أنا قلتلك عليها فوق .

1-collecting table :

الـ Post والـ Link والـ time. أنت محتاج تعرفهم كـ dimension أساسية ليك، عشان لو عايز ترجع لحاجة تقدر ترجعلها بسهولة…

-الـ Total Heavy Engagement :وده الـ Likes والـ comments والـ Shares اللي بنجيبهم من الـ insights بشكل عام .

-الـ Total Soft Engagement :وده الـ Post clicks برده بتجيهم من الـ insights بشكل عام

-الـ Paid Heavy Engagement:ودي هتجيبها من Report الـads بتاعك, بتجمع الـ Like والـ Comments والـ shares. اللي جت عن طريق الـ Ads

-الـ Paid Soft Engagement :ودي نفس الحكاية هي الـ clicks من الـ Ads Report

-الـ organic سواء كان للـ Heavy Engagement أو الـ soft Engagement :هتطرح الـ total Engagement -Paid Engagement هتجيب منها الـ organic

طيب هو أنا ايه هيفيدني لما أعرف الـ organic والـ paid في الـ engagement ؟!

الـ value بتاعة الـ organic Engagement أقوي , لأن ده معناها إن الـناس اللي بتـ engage عندك هم الـ Fans بتوعك , وده indicate ان الـ audience عندك صح , غير أن انت عندك حضور عند الـ fans بتوعك فهم مش مستنين توصلهم بـ ads انت اصلا واصلهم organic.

طب لو كنت عامل ads ومتـTarget الـ fans بس ؟!

لو النتايج الـ paid Engagement rate كويسة فدي إشارة على أن الـ content بتاعك remarkable خلى الناس تـ Interact معاه .

حوار انك تفرق بين الـ paid والـ organic ممكن تستخدمه في أكتر من حاجة انت ودماغك ,لو في دماغك أفكار تانية لأستخادمهم قلنا عليها في comment.

2-configuration table

في سؤال هنا يطرح نفسه طيب مادام الـ data اللي أنا مجمعها فوق كلها موجودة في الـ insights ايه لزوم أن أنا أجمعها تاني في sheet واحط جنبها الـ Table ده , طيب ماأحسبه من الـ insights ووفر وقت , فعلا أنت هتوفر وقت بس دماغك هتلف وهتتعب عشان تحسب معادلة واحدة بس لكن ممكن تتعب في collecting الـ data وتستريح في الـ Configration.لأن الـ features بتاعة الـ excel sheet هتساعدك أنك تحسب المعادلات بسهولة جدا.

• Page Stage
  زي ماقولتلك الـ page stage مش accurate والأفضل أنك تحسب على الـ content stage بس لكل قاعدة استثناء واستثناء القاعدة دي هي في أك تحسب الـ unique Engagement rate ازاي. وده ليه معادلة مخصوص اتكلمنا عليها فوق , وهي سهلة جدا . حتى الـ template بتاعتها سهلة.خد بالك

  

  الـ metrics دي عشان تحسبها بشكل دقيق لازم تكون ملتزم بيوم معين في الأسبوع بتدخل فيها على الـ insights عشان الـ Facebook بيحسبها كل يوم على معدل اسبوع فات من اليوم ده
  مثلا : لو النهاردة 4/7 فهتلاقي الـ unique engaged people ، والـ unique reach بتوع الأسبوع اللي هو من 28/6-4/7 فده عشان تبقى النتايج بتاعتك مظبوطة ومتسقطش أيام كانت ممكن تفرق معاك في تقييمك للوضع .

• Sentimental Analytics
  وده الجزء اللي بيكمل الصورة كل اللي فات ده أرقام, والأرقام دقيقة جدا مفيش شك، لكن برده أنت محتاج تتلمس الـ behavior بتاع الـ Audience بتوعك وطريقتهم في عرض أرائهم سواء كان بالتأييد أو الإعتراض، بتعرف من خلاله تحدد الـ context اللي هتكلمهم بيه عشان تبقى More connected بيهم، ودي حاجة مهمة جدا نفس أهمية الأرقام .
  طيب في الـ Facebook هتقيس الـ Senimental ازاي .عن طريق :
  *Comments
  *Reviews
  *Messages
  *Mentions
  كل الحاجات دي محتاج تعرف الناس بتقول عنك أيه , ودي هيبقى أعتمادها الأساسي على الـ Responders عندك، لأنه أكتر واحد هتلاقي أيده في الموضوع.
  شكل الـ template هتكون أزاي ؟

  

• URL Tagging

  ودي في حالة لو أنت بتـ promote لحاجة في الـ website عندك سواء كان Blog او offers فأنت محتاج تعمل Tag للـ Link بتاعك عشان تشوف حجم الـ Conversion Rate اللي جاي من الـ Facebook على الـ Website قد أيه, و محتاجه اكتر كمان لو هتعمل Ads Campaign فأنت عايز تشوف صرفت كام عشان تحول الناس من الـ Facebook للـ Websites.
  طيب هو أنا ليه هعمل الـ template دي ؟!
  هتعملها عشان تجمع فيها كل الـ Links اللي أنت عاملها URL Tagوتكون كاتب فيها هي جت من فين وأيه كانت نتايجها ؟ عشان لو أنت عندك الـ Links كتير متتلخبطتش وتنسى ويبقى سهل الرجوع اليها , ولو حد هيجي يكمل على شغلك يعرف أنت كنت ماشي أزاي وعملت أيه .
  شكل الـ template ازاي؟!

  

   

  P.S: لو أنت مش عارف ازاي تعمل Building للـ links بتاعتك، فالـ guide ده هيساعدك أنك تعرف أساسيات الموضوع.

  4-هنقيسها ازاي

هو القياس دي المرحلة الأخيرة في الـ article دي، بس مش المرحلة الأخيرة في الـ Analytics، أنت محتاج تقيس شغلك بناءً على تلات حاجات:

على اللي وصلتله والـ KPI اللي أنت كنت حاطتها لنفسك

• على الـ historical Context بمعنى تشوف شغلك الشهر ده مقارنة بالشهر اللي فات .
• لو متاح ليك أنك تقارن شغلك بال Industry trend أو الـ competitors بتوعك

مبدأيا كدة وأنت بتقيس الحاجة هتلاقي عندك حاجة من التلاتة :

• عندك مشكلة لأن اللي وصلتله أقل من اللي كان مفروض توصله .
• عندك زيادة .. اللي وصلتله كان زيادة عن المتوقع، وده ساعتها لازم تشوف ليه تفسير عشان تعرف أنت عملت ايه خلاك توصل لده، وممكن تطلع الزيادة دى سببها مشكلة عندك زي مثلا أن أنت مش عارف تقدر الـ KPI صح فبيتهيألك أن أنت ناجح ومعدي .أو ممكن تكون مركز علي الجزء ده فعلي عندك لكن ضيع منك حاجة في المقابل . فلازم تتأكد من الحوار ده وتبص على النتايج بنظرة شمولية اكتر.
• حاجتك مظبوطة زي ماكنت متوقع، وده بيحصل في حالات نادرة جدا بس لو حصل بتبدأ بقى تشوف هتعلي ازاي على الشغل بتاعك , وتعلي سقف الطموح بتاعك في اللي أنت عايزه .

Tibs

• ماتعملش Collecting للـ data مرة واحدة، ظبطها بشكل دوري . عشان تبقى النتايج Accurate. وعشان متسحلش وقتك .

• الـ Collecting Data لو تقدر تـassign الموضوع ده لأكتر من واحد، فده هيكون عظيم جدا، وبالذات لو شغال على الـ Data أكتر منك, زي الـ Responder هو اللي ممكن يملا الـ sentimental sheet وهكذا

• لو أنت اللي هتلبس في الـ collecting يبقى أفصل شوية وبعد كدة بص فيها تاني عشان تقدر تفسر المشاكل بالتحديد وتدي Recommendation مظبوطة .

دلوقتي اللي هتعمله هتنزل الـ Social Analytics Template ، بعديها تبدأ فعلا تـ Analyse شغلك وتملى الـ Template وتبعتهولنا تاني .. الأسبوع اللى بعد العيد هنعمل Real Hangout عن الـ Analytics هنتناقش فيه في نتايج الـ Reports اللي انتوا بعتوها ونشوف ازاي تستغل النتايج دي في تطوير شغلك ، لو حابب تحضر الـ Real Hangout ابعتلنا الـ Report بتاعك في الـ Form دي و هنكلمك 😉 !

Sarah Gad