Twitter مش بس 140 حرف على فكرة

  

Twitter ممكن تنزل عليه اكتر من 200 حرف زي الصوره دي بس تعالي نتكلم عن الموضوع من اوله

فكرة Twitter أصلا كانت قايمة على انك تبعت رسالة SMS لشخص و كل أصحابكم يشوفوها. الرسايل ديه اسمها Tweets , فأنت لما تيجى تبعت رسالة من الموبايل بيسمحلك ب 160 حرف ((ده الـ Standard العالمى)) فهما قرروا أنهم يلتزموا بالـ limit ده عشان الرسالة متتجزئش و توصل على كذا مرحلة زى ما بيحصل فى الموبايل, فخلوها 140 حرف و سابوا الـ 20 حرف للـ Username .. بس كدا 😀

ـــــــــــــــــــــــــــــــــــــــــــــــــــــــــــــــــــــــــــــ

* طب اعمل ايه عشان ازوغ من الـ 140 حرف ؟

فيه طريقتين:

  1. انك تستخدم third-Party tool
  2. تلعب ب الـ URL

 

(1)

الـtools اللى ممكن تستخدمها زى : 

1- Twitlonger: دي Tool بتخليك تكتب كل اللى أنت عايزه بدون Limit و تحطلها العنوان اللى أنت عايزه ((فى حدود الـ 80 حرف)) .. هو بقى بيحط العنوان و تحتيه URL يدخلك على بقيت الكلام بتاعك. و فيه tool زيها اسمها my rich tweet

2- Talltweets : دي tool شبههم بس فيها option زياده يخليك تكتب الـTweet بتاعتك على صورة. ((الصورة بتاخد 23 حرف بس))

3- Long reply : وديه هتساعدك لو انت بتعمل Reply  لحد و هتحتاج أكتر من 140 حرف .. فهى بتكتب جزء من الٌReply و تحط تحتيه الـURL عشان يوديك للـ site تكمل الكلام + أنها بتوريك أى جزء اللى هيبان من الـReply عشان تعرف الطرف التانى هيشوف ايه.

(2)

اما بقى تظبيط الـURL :

فا الـ URL بيتحسب ب 22 حرف أيا كان طوله حتى لو هو أقل من كده بس لما بتـ Tweet الـ URL مش بيظهر كامل .. امال بيظهر ازاى ؟!!

ركز بقى عشان متوهش:

مثلا لو عندنا:

school-of-marketing.com/vodafone-social-media-casestudy/

الـ root domain اللى هو: School-of-marketing.com ده هيظهر كله, لكن اللى بعد اول (/)  بيظهر منه 14 حرف بس.

يعنى لو حطيت اللينك ده هيظهر لك:

School-of-marketing.com/vodafone-…

طبعاً التلت نقط مش محسوبين من ضمن ال 14 حرف بس المهم أنا اتعصبط لما طلعتلي كده , قولت في مخى مش أنا اولي بالتلت نقط دول , المهم بعد الشقلبه اكتشفت إنك لو كاتب 16 حرف بعد أول / هيتشال الحرفين الأخيرين و يتحط التلت نقط

ولو حطيت بعد أول / فى الـDomain ا 15 حرف بس هيظهروا كلهم

و بكده نوصل أن و أنت بتـTweet (طبعاً علي الـBusiness بتاعك) في الأغلب هتكون عايز تحط link , و الـLink بيأكل من الـTweet بتاعتك 22 حرف و بيظهرلك بيهم الـDomain بتاعك و أول 14 حرف بعد أول /  (ده لو الـDomain  طويل أما لو مظبوط على 15 حرف بعد ال/ الاولى هيظهروا كلهم

بناءً عليه.. 

هتلاقي أن لو الـdomain بتاعك طويل شوية زى بتاعنا (21 حرف من غير www ) الـTweet بتاعتك ممكن توصل 154 حرف

أنت زمان كنت بتحط links برضه بس مكنتش بتاخد بالك ان الـlink محسوب عليك ب 22 حرف و عندك القدرة علي اللعب في 15 منهم

و من باب التفاهه هتلاقى أنك ممكن تعمل tweet فيها أكتر من 200 حرف لو حطيت 6 Links و كان الـdomain بتاعهم 23 حرف, بس أكيد ده مش هيفيدك بالطريقة دي المهم أنت عرفت الـtricks اللي تساعدك تتشقلب  .. الشقلبه عليك بقي 😀

بس قبل الشقلبة خد بالك من الـ3 حاجات دول

-استخدم tool بتخليك تعمل Customization للـLink بتاعك , (Google URL Shortener) مش بيخليك تسمى الlink علي مزاجك .. لكن Bit.ly و Tinyurl  بيخلوك تسميه براحتك.

اظبط الـshort link بتاعك أنه ميكونش بعد أول / 15 حرف بالظبط و لو لازم تطول عن 15 اعمل حسابك أن الحرف رقم 14 يكون نهاية كلمة عشان يكون الـurl اللي هيظهر للناس في twitter واضح

الـ14 حرف دول حاول تستخدمهم بذكاء , يعني اكتب حاجة في الـ14 حرف دول تشدني إني أدوس بس من غير ما تعمل جو “حلاوة روح” الله يكرمك 😀

Attractive/Trusted URL Link: لو هتحط لينك للـ Website بتاعك تبدأ تشوف انهى اللى هيبقى Attractive اكتر مع مراعاة الكلام اللى قولناه فوق, يعنى مثلا لو قدامك الـ 3 links ديه, مين فيهم هيشدك اإك تدوس عليه ؟!

ده: https://school-of-marketing.com/blogging…

ولا ده: bit.ly/uDontNeedBlog 

ولا ده:  https://goo.gl/MFl7nA

طبعا الثالث ده مش Attractive بالمرة, الأولانى ده فيه authority لأنه من trusted blog بس مش Attractive اووى. التانى Attractive بس مش Trusted اووى لأنه مش باين الـsource بتاعه, فلو عرفت تعمل Attractive/Trusted URL تبقى برنس البرانيس. 😀

ولو الطريقتين دول  (الthird party و الURL) مش مناسبينك, أنا ممكن اقولك ازاى تستفيد أكبر استفادة ممكنة من الـ140 حرف بتوعك

  1. مبدأيا قول الزتونة على طول: يعنى تحاول تبقى محدد و مختصر فى كلامك, اتكلم فى الموضوع على طول مش لازم مقدمات.
  2. حاول متستخدمش مصطلحات زى ((و كمان, و برضه, ….الخ)) و بدلها بـ ((و)) وخلاص  و طبعا الأرقام متكتبهاش كده ((واحد, اثنين, ثلاثة, …..الخ)).
  3. استخدم صور: الصورة بتاخد 23 حرف ((ممكن تكتب عليها كل اللى انت عايزه فى Design محترم, او تاخد Screenshot من الـ Facebook)) و هيتبقالك 117 حرف تكتب بيهم الـ Description على الصورة, و كمان ممكن تستخدم صور  Animated GIF هيبقى شكلها اصيع.اقولك بقى على حاجة اصيع .. لو عندك فيديو على الـYoutube ممكن تحولوا لـ GIF و ترفعوا على انه صورة .. و ساعتها مش هتضطر انك تحط youtube link و تستنى الناس تفتحوا لأن الصورة هتبقى شغالة لوحدها. بس لازم يكون  مجرد ثواني (متجبليش فيلم تعمله Animated GIF) , وديه سهلة انك تعملها بإنك تزود GIF ل Youtube URL زى كده:
    بدل https://www.youtube.com/watch?v=G6vyILtEMVE خليه https://www.gifyoutube.com/watch?v=G6vyILtEMVE .. و فيه مواقع تانية ممكن تساعدك زى: Imgflip Gifsoup Makeagif                                                                
  4. تقسم التويتة بتاعتك على نصين او أكتر .. بس عشان تضمن انهم يظهروا للـ Followers بتوعك مع بعض او أن الـ Followers عندك يربطوا الموضوع ببعضه:a) حاول تكتب فى اخر الموضوع ((يتبع)) او ((cont’d)) مثلا b) حاول ترقم التويتات بتاعتك c) لازم تبعتهم كلهم ورا بعض مش بعده بفترة عشان يظهروا مرة واحدة.
  5. اعمل Share من الـ Blog  او الـ Website  عندك على Twitter و طبعا متنساش تكتب Description يشد الناس انهم يدوسوا على اللينك.
  6. لو بتكتب English ممكن تستخدم tool زى Thsrs  و ديه هتقولك ايه اقصر كلمة ممكن تستخدمها. و كمان الـEnglish سهل تدمج الكلمات مع بعض زى مثلا ((I am > I’m .. can not >can’t)).

 

الخلاصة

ال 140 حرف بتوع Twitter مش مستحيل انك تعديهم, بس أهم حاجة انك تعرف تستغل ده صح و فى صالحك و قولنا على طريقتين يساعدوك فى كده. و لو الطريقتين مش مناسبينك متضايقش .. عندك كذا نصيحة يساعدوك فى إنك تكتب فى حدود الـ 140 حرف.

شايفين لو الـ Facebook حب يفتكس و يحدد عدد حروف معين, الناس هتحب ده ولا لأ ؟ و هيأثر عليه بالسلب ولا الإيجاب ؟!! 😀