ازاى تلبس الـ Page بتاعتك فى الحيط

ازاى تلبس الـ Page بتاعتك فى الحيط

أسهل حاجة في الدنيا على اى حد أنه يلبّس الـ FB Page بتاعته في الحيط , وبعدين في pages كتير لابسة في الحيط أصلاً لوحدها

طب Mark يسيبهم؟َ! لأ طبعاً , بقي مع كل update فى الـ edgerank يلبّسهم في الحيط زيادة 😀 , ما هو مارك قصده من كل ده أنه يحسن الـ user experience , أصل Mark بيحبنا قوى 😀

و عليه قررنا نعلمك ازاي تلبّس الـpage فى الحيط in case يعني انك مكونتش عارف 😀

بص هو احنا جبنالك الحوار كله في 10 خطوات..

بس عشان تركز معانا و متوهش , و نحاول علي قد ما نقدر نساعدك تبوظ الـ page بتاعتك , قسمناهم علي جزئين وكل جزء جواه شويه خطوات .. هنبدأ..اجهز بقي 😀

الجزء الأول: ازاي تعمل content بايظ :

  • ما تتعبش نفسك انك تعمل valuable content

مش انت عندك fans في ايه ممكن يهمك أكتر من كده؟! انت لسه هتعملهم content يفيدهم ويعلمهم و حوارات , يا راجل أنت محتاج للكلام ده !!!

Capturehh

يعني مثلا الراجل ده عنده وقت كتير , شوف فاضي لدرجة انه قعد يعمل search على موضوع معين و عمل كذا article , و عشان يزود ال value اللي يقدمها , قام مجمعهم في post واحد , فراغ بقي نعمل ايه !!

  • اوعي تحط photo posts

اصل بيقولك ال photo دي من اكتر الحاجات اللي بتعمل weight للـ post , بس لسه هتدور علي صورة و تضيع من وقتك علي الفاضي , و يا سلام بقي لو هتعمل premium design يا راجل كبر مخك 😀

Capture1

يعني design زي ده هياخد من الـdesigner وقت ومجهود على ايه ( مكنوش شويه engagement يعني 😀 )

  • متعملش contests

يعني لسه هتدور علي فكرة و تظبطها و الـ fans يسألوا و أنت ترد ؟؟

أكيد أكيد معندكش وقت , فاكس يعني!

Capturehhhhh

  • خلي الـ content بتاعك نوع واحد

اوعي تغير و لا تـ test أنواع جديدة عشان تعرف اللي هيضرب عندك والكلام ده كله , اللي نعرفه احسن من اللي منعرفوش .

Untitled-1

  • شوف ايه اكتر post منتشر على الـ facebook و اعمل زيه

اول ما تشوف post منتشر , خده copy علي الـ page عندك علي طول , اشمعنى اأت يعني , ما أكيد اللى ضرب عند غيرك هيضرب عندك .. هي جت عليك !

10946665_629048240534515_1902293081_nCapture65

و حاول بقي تكون صايع زي صاحبنا اللي فوق ده , و اسرق و ما تكتبش كمان أنت جايب الكلام ده منين 😀

  • اعمل share للـ content أكتر من مرة لو عمل engagement كتير

نزلت post و عجب الـ fans عندك و عمل engagement عالى ؟! نزله تاني بقي عشان اللي ملحقش الـ post live يشوفه في الإعادة

Capture,,Capturejj

الجزء التاني :بوظنا ال content و الحمد لله , نجود بقي

  • اعمل بوست كل دقيقة .

لو عملت زي ما قولنا فوق كده ال content اللي هتعمله مش هياخد منك دقيقة اصلا ً

ايوة بقي عشان تبقي موجود على الـ social media و مالي مركزك كده :D, وبعدين اش ضمنك أن الناس تاخد بالها من أول بوست تعمله .

لا أنت لازم تعمل بوست كل دقيقة عشان اللى ما مشافش يشوف و اللي معملش like يعمل , و اللى معملش comment يعمل .

Capturejjj

يعني اللي يقولك لازم بين كل post و التاني 4: 5 ساعات عشان ياخد حقه في ال reach و الكلام السيس ده فكك منه 😀

  • اكتب hashtags بعدد شعر راسك , و علي #اي #حاجة #اعمل #hashtag

ماهو كل ما تزود ال hashtags كل ما فرص انك تظهر هتبقي اكتر بكتير , بس لما تجرب ماترجعش تشتكي 😀 و بعدين اهو منك تكون عملتلك لونين في البوست بدل ما هو أسود x أسود كده .

Capture99

  • لو حد سأل علي حاجة اوعي ترد , انا بقولك اهو 😀

ما اكيد يعني انت معندكش وقت ترد , انت هتّقطع نفسك , هتكتب hashtags و لا ترد علي الناس يعني

وبعدين الـ comment بيزود الـ weight بتاع الـ post , و الحوار ده هيجيب engagement , و احنا ملناش في الجو ده

Capture55

  • دور على أرخص call to action و اعملها

ليه تتعب نفسك في انك تعمل call to action محترمة و منطقية , لما ممكن تعمل حاجة رخيصة زى انك تطلب like و share من الـ fans

Captureنن

هي ممكن تجيب engagement مفيش كلام , بس ده أرخص engagement ممكن توصله لأنه فى النهاية لما تغيب و لا حد هيسأل عنك و هيعبرك

غير أنه مش ديما ًبلقط مع الناس , و بالدليل اهو كمان..

Capture

P.S : الـ Page دي حوالى مليون و شوية فـ engagement رهيب بالشكل ده اكيد ملفت للنظر 😀

من الأخر كده لو فعلا عايز تلبس الـ page في الحيط امشي ورا كل كلمة فوق بالحرف ..

أما بقي لو عايز تلعبها صح و تغلب الـ edgerank و تلبسه هو في الحيط ….. اعمل عكس كل حاجة قولناها اعمل ال content المتين أنت بس و خلي الباقي على الـ fans

لبّستوا ال page بتاعتكوا قبل كده في الحيط ؟؟؟ بس لو مديرك عندك متعملش Comment عشان متترفدش 😛

By :- Mai Mahmoud

ديسمبر 20, 2017

42 responses on "ازاى تلبس الـ Page بتاعتك فى الحيط"

  1. عندى سؤال بخصوص الشير
    دلوقتى انا بعمل بيدج فالبدايه والجمهور بتاعى كله على الجروبات –جمع جروب– بتاعت القراءه فانا بنزل الفديو من هنا وبروح مشيره على كل الجروبات اللى اعرفها واكتر من مره فاليوم اليتش وصل ل6000والفيوز600والليكس وصلو من 90ل250فيوم بس فانا كده صح ولا غلط ولا اعمل ايه
    .الرد هيوصلنى ازاى بقى https://www.facebook.com/profile.php?id=100001541604303 ده الفيس بوك لو امكن اعرف الاجابه عليه منتهى البواخه بس والله ام عارف المفروض اعمل ايه عشان اعرف الرد يمكن تبعتو عالميل مثلا مش عار
    المهم احسنتم

    • شكرا لرأيك يا هيثم
      الي انت بتعمله ده مش مظبوط
      من وجهه نظر الـinbound marketing
      لو عايز تعرف اكتر ممكن تدخل على الـlink ده
      https://bitly.com/1xolwR0

      • طيب يامى منا عشان الناس تشوف البقره البينك بتاعتى لازم اروح فمكان هما فيه عشان يشوفها اه مش هقلهم بصو بس هحطها فالمكان اللى هما موجدين فيه
        انا بيدج مفهاش ولا حدد الناس هتشوفها ازاى الا لما اروح اورهالهم مش اعلان عنها فكومينت ولا انبوكس لك واحد ولا حتى عملت انفيت للعندى فالفرند انا بس رحت المكان اللى هما موجدين فيه اللى هو الجروب بتاع القرايه وحطيتى الفديو بتاعى زيه زى اى بوست فالجروب فالناس بقى تشوفه وبعدين شيرته ورد الفعل عالفديو انه كويس
        .دلوقتى نرجع للنقطه الرئيسيه ازاى اورى الناس البقره الموف بتاعتى؟لو انا غلط ايه الصوح؟
        عااااااااااااااااا شكلى هشتغل كول سينتر ولا هغير فالعالم ولا اعمل اى حاجه من اللى سيف والقط قالهوم فالانبوند

        • بص يا هيثم اهم حاجة في ال inbound marketing انك تضيف قيمة للناس
          صدقني انت لو استمريت علي المبدأ ده الناس هتجيلك لوحدها
          انت دلوقتي المفروض ت build community حاوليك من الناس اللي مهتمة باللي انت بتقدمه مش أي حد و خلاص
          فكر في شكل الناس اللي انت عايز توصلهم و فكر بطريقتهم و ان شاء الله هتعرف توصلهم صح

          و بعدين لو انت عندك بقرة موف , لو واحد بس عرف انها عندك كل الناس هتيجي عشان تتفرج
          بس لازم تبقي متأكد انها موف فعلا ا 🙂

          • ايوا الله يفتح عليكى لازم اروح للناس المهتمه فعلا ومش اى حد وخلاص ومن المنطلق ده رحت للناس اللى بتحب القرايه بس معملتش انفيت للناس عندى مثلا او دخلى اى بوست وسيبت الفديو فكومنت والحجات دى
            انا ببنى الكميونتى بتاعى من الناس اللى مهتمه فعلا باللى بقدمه ومش بقلهم شير ونبى انا بس بحط الفديو وسط حاجتهم وهما بيشوفو ويمنشنو بعض ويشيرو كده تقريبا متفقين انى مش مشاى غلط؟

          • لأ مش متفقين الحقيقة 😀
            ليه بقي ؟
            عشان اساس الـinbound marketing , انك يكون معاك permission من الناس اللي انت بتقدملهم المحتوي بتاعك
            و انت كده مش معاك permission منهم انت بتروحلهم مكان ما هما موجودين
            و المفروض انهم هما اللي يجولك لما يحسوا انك بتفيدهم
            و الـ permission ده اللي هو زي انهم يعملولك like علي facebook او follow علي twitter
            يعني قدم المحتوي بتاعك للـfans اللي عندك بس
            و متروحش وراهم في كل حتة ممكن يروحوها
            اتمني تكون وجهة نظرنا وصلتك يا هيثم 🙂

  2. مقالة اكثر من رائعة فى الاسلوب و المحتوى و كمان الامثلة
    انتي حد هايل

  3. Great idea (Y)
    عجبتني الفكرة واسلوب العرض جدا وفادتني كتير
    شكرا ليكي 🙂

  4. الف شكر مى على كل النصايح دى
    استمرى ربنا يوفقك 🙂
    انا اول متابعين ليكى 🙂

  5. وبرده من الحاجات المهمة اللى هتساعد فى تلبيس الصفحة فى الحيط ال
    Fake Fans
    ولا إيه ؟؟

  6. نصايح لذيذة .. بس فى نقط نقدتوها والصورة بتقول انها ناجحة !!

    • اولا ازيك يا اسلام
      ثانيا لو انت قصدك علي ال call to action يتاعة ال like , الshare
      فاحنا موضحين في ال article انها بتجيب enagement عالي بس مش دايما و لو جابت المطلوب منها فهي نتيجة رخيصة جدا
      ليه بقي ؟
      عشان ايه الفايدة اللي عادت علي ال fans من post زي ده
      فادتهم بايه , غيرت ايه في حياتهم
      الناس اللي انت طلبت منهم like و share لو انت اختفيت فجاءة تفتكر هيوحشهم النوع ده من ال posts فا هيروحوا هيدورا عليك و يشوفوك اختفيت ليه ؟
      معتقدش , عشان هما موصلهمش أي قيمة من post زي ده
      اتمني تكون وجهة نظرنا وصلتلك 🙂

  7. احلى حاجة فيكم انكم بتتعبوا فى الحاجة اللى بتقدموها .. ايه اسلوب العرض الوهمى دا.. شكرا بالتوفيق :))

  8. مش عارف

    أنا متعود مقالاتكم تعجبني بس دي مش كانت كويسة

    مش عارف العيب عندي ولا إيه!!

    بالتوفيق

  9. انتو بجد جامدين جدا , انا ماتشجعتش وعملت بيدج للشغل بتاعى ودعايه ليها بنفسى ليها غير بنصايحكو وطريقه شغلكوا , ربنا يوفقوا ومستنييين كمااان 😀

  10. عرض رائع جدا
    بصراحة الله ينور
    يوم بعد يوم بنستفيد أكتر

  11. التفكير والدماغ دى الى عندك عاليه اوى ونضيفه اتمنى ان الناس تفهم بقى وتبطل تظيط ع الفاضى انا استفدت اوى منك ومستنيه المزيد والمزيد من المقالات وياريت بتوسع وبساطه والفتره بين كل مقال والتانى متطولش يعنى استمر دايما نحن نريد الافاده والعلم والاستماع للناس الى بتفهم

  12. المقالة رااااااائعة جدااااااا 🙂
    بس انا مش فاهمة النقطة بتاعت ان مينفعش اعمل share للـ content أكتر من مرة لو عمل engagement كتير
    لان أحيانا اناا بشوف صفحات كتتتير جداا وصفحات كبيرة بتنزل البوست يتاعهم اكتر من مرة على مدار كذا يوم ولما سألت عرفت انهم بيعملوا كده عشان احيانا البوست مبيوصلش لكل الناس فينزلوا فى اوقات مختلفة عشان الـ reach …..؟؟؟
    ياريت توضحلولى النقطة دى اكتر 🙂

    • اهلا بيكي يا جهاد 🙂
      اولا ما ينفعش تعملي share لنفس ال content مرتين عشان انتي كده بتكرري نفسك
      و كمان ايه لازمة انك تحطي نفس الحاجة زي ما هي مرتين ؟
      لو عملت engagement حلو مع ال fans الفكرة , ممكن تعمللها recycle و تقديمها بطريقة تانية , او تضيفي عليها حاجة و تزودي ال value فيها
      ياريت اكون قدرت اوضحللك النقطة دي 🙂

  13. تمام .. اسستفدت فعلا الحمد لله ,, جزاكم الله خيرا 🙂

  14. انتوا رائعين – المعلومات التفصيلية الكاملة والرغبة الواضحة للمساعدة -استمروا

  15. كان عندنا page وراحت :v

  16. تحفه تحفه تحفه تحفه

اترك رداً على Mariam إلغاء الرد