بتوعك Audience فصص الـ

فصص الـaudience بتوعك

الـFacebook قرر يبقى المصباح السحرى للـmarketers و يحللنا أكبر تحدي بيواجهنا و احنا بنشتغل على أى project و هي الـbuyer persona. أنك تحدد buyer persona مش مشكلة و لكن أنك تكون متأكد منها 100% هو ده التحدى ، لأن الموضوع بيعتمد على التخيل و تبدأ تسرح مع نفسك، ايه فكرهم وايه الـbehaviour بتاعهم و هكذا..

عمل ايه بقى الـFacebook عشان يواجه المشكلة دى و يحلها ممكن نقول بنسبة 85%، بيسيبلك بس أنك تحط الـhuman touch بتاعك. عمل الـAudience Insights ، دى tool هتقدر تعرف منها عدد الناس اللى مهتمة بمجالك على الـFacebook وتعرف كل التفاصيل عنهم ..
(ركز معايا بس و هاتلك حاجة سخنة تشربها، عشان الموضوع محتاج شوية تركيز 😀 )

الـAudince insights هتساعدك فى 3 حاجات:

  1. Build: هتقدر تبني منه community جديد وأنت بتعمل page جديدة و عايز لسة تحدد الـcommunity بتاعها استخدمها عشان يديك معلومات مفصلة قبل ما تعمل الـbuyer persona. المشكلة ان مينفعش تستخدم الـ tool دى إلا و أنت عندك page و عندك ads account، و لازم تكون عامل اعلان كمان (رخم اوي -_-)
  2. Compare: لو أنت عامل الـbuyerpersona ممكن تشوف انت صح بنسبة كام، فتقدر تدخل الـcharactersticsبتاعتهم و تبدأ تقارن بينها و بين الـsheet بتاعك في الأغلب هتلاقيه مديلك معلومات أكتر وبتافصيل أنت موصلتلهاش.

  3. Target: بعد ما بتقعد تظبط من الـ bar اللي على الشمال كل حاجة تقدر تعمل save للـaudience

تعالى نعرف ازاي بقى نستخدمه..

ادخل على Manage Adverts

1

بعدين منها على Audience Insights هتلاقيها على الشمال.



2

هتلاقي ظهرلك الـwindow اللي في الصورة ده.

facebook-audience-insights-create-new

1- Everyone on Facebook:

لو مش معاك mails لـaudience معين أنت عارفه ، يبقى تستخدم الـoption دة عشان تبدأ تعمل targeting بالتفصيل للـaudience و تشوف الـpotential reach بتاعك ايه و تبدأ بقى تشوف الـbehaviour بتاع الناس اللى اخترتهم.

2– People connected to you page:

هنا هيطلعلك الـinsights للـfans بتوع الـ Page بس ، يستحسن تستخدمهُ لو أنت داخل تعمل compare ، عشان تشوف لو أنت الـstartegy بتاعتك صح وإذا كانت مناسبة للـfans.

3- A custom Audience :

فى option على الـFB وأانت بتعمل ad مش لازم بقى تقوله وديلي الـad ده للناس اللي سنها من كذا و كذا و بيحبوا كذا و الكلام ده ، أنت ممكن تودى الـad لأشخاص معينين أنت عارفهم بس بشرط واحد و هو يكون معاك الـemails بتاعتهم ، فتقدر تدخل الـemails بتاعة الاشخاص المعينين دول عن طريق كذا حاجة يا اما ترفع file فيه الـemails دى أو انك تعملهم copy او لو انت بتستخدم Mail Chimp .. و لو حابب تعرف أكتر عن الـcustom audience ممكن تدخل هنا

 

المفروض أن أنت دلوقتي دخلت على الـaudience insights ، بص بقى على الصورة اللي ظاهرة تحت دي (ده اللي المفروض تلاقيه قدامك) تعالى نعرف بقى بالتفصيل كل حاجة قدمنا دي ايه هي و هتفيدنا ازاي:

3

1- Create Audience: هنا هتقدر تختار الـcharacteristics اللى أنت محددها للـbuyer persona بتوعك،عادي جداً زي ما بتـtarget الناس و انت بتعمل ads و لو مش عارف تستخدمهم ازاي تقدر تدخل على ads اخر الاجا احنا كنا متكلمين فيه بالتفصيل عنهم تحت section “هـ Target مين“.

2- الـinsights: دي هيديلك فيها معلومات عن الـ..

  • Demographics.
  • Page likes.
  • Location.
  • Activity.

* Demographics

خلونا الأول نفهم الألوان دي و هنلاقي نفسنا تلقائي فهمنا الـdemographics

اللون ده بيمثل الـaverage بتوع الـناس كلها اللي موجودة على الـFacebook، النسب هنا بتتأثر بالـlocation بس، يعني انا اخترت مصر فكانت النتايج زي اللي في الصورة، average الـبنات اللي سنهم من 18-24 على الـFacebook في مصر 49.5% بالنسبة لبقية الأعمار.

4

اما اللون دة للرجالة بقى، و نفس النظام دة نسبة الرجالة اللي موجودة في مصر على حسب الـcharacterstics اللي انت مختارها.

xx

بص على الصورة عشان تفهم أكتر، انا حددت الـlocation :Egypt، و الـInterests: Business and Industry

فطلعلي في الـWomen : عدد اللي مهتمين بالمجال دة و عايشين في مصر و سنهم 18-24 هى 47% من مجوع الـ Females , و نفس النظام للـMen نسبة اللي مهتم بالمجال دة و عنده من 18-24 سنة 39% بالنسبة لبقية الأعمار.

الـDemographic بتتقسم لكذا حاجة:

– Age and Gender:

5

امال ايه النسب دي؟!

6

الـ36% Women : دي نسبة الـ Females اللي في مصر و مهتمين بالمجال اللي أنا محدداه بالنسبة للرجالة.

الـ34% All Facebook: دي نسبة الـ Females اللي على الـFacebook و موجودة في مصربالنسبة للـ Males.

يعني نسبة الـ Females اللي في مصر 36% من المصريين و الباقي Males اللي هم نسبة 64%.

يعني الـdemographics دايما بتورينا الاحصائيات و النسب للـaudience اللي انت اخترته و يقسمهم على حسب السن و النوع.

– Relationship:

ببيقولك الـaudience بتوعك فيهم قد ايه single و قد ايه مرتبط، و واضح ان اللي مهتم مجال الـbusiness and industry ، معندهمش وقت يتجوزوا اوي 😀

على سبيل المثال School of marketing مثلاً عندها ناس قاعدة مع المروحة كتير ( 😀 single) ، عشان كدة بننزل comics عن الموضوع دة زي الـpost دة و هنا كنا بنشجع الـsingles يتجوزوا 😀

عشان كدة لما تعرف تفاصيل اكتر عن الـfans بتوعك زي الـrelation بتاعتهم ايه هتساعدك انك تـgenerate افكار معينة من الـcontent. 😉

– Education Level:

8

يابن أن فى الـbusiness industry فيه كتير شباب لسه في الكلية، دة طبيعي عشان دة السن اللي واحد بيبدأ يدور فيه على نفسهُ، الـinsights دي أكيد هتوجهك انك تعمل content يساعد الطلبة غلى انهم ينظموا وقتهم و ممكن عن الـstudent activity و ممكن انت تكلمهم عن الـcareer shifting!، معلومة بسيطة زي دي خلت عندك أفكار للـcontent اللي بتجنن و احنا بنعمل content strategy عشان نجيبها.

– Job Title:

9

هنا بقى بيقولك الناس اللي مهتمة بمجال الـbusiness industry شغالين في ايه. ده طبعا هيساعدني و انا بعمل الـbuyer persona
ابعد بقى عن الصورة اللي فوق دي و خليني اديك مثالين:

– اولا: افرض مثلا ان طلع من الـaudience بتوعك في حوالي 65% شغالين دكاترة، مش دة يخليني اعمل buyer persona يكون دكتور و مهتم الـbusiness و حابب يعرف ازاي يبتدي من الصفر؟
يعني مش ممكن تعمله content ليه علاقة بالصيدلة او العيادات و ازاي يقدريعمل مشاريع زي دي.

– ثانيا: في SOM مثلاً عندنا ناس شغالة في sales كتير، دة أكيد هديني alert كدة أني لازم أتكلم عن الـinbound marketing و علاقته بالـsales.

زى ما كتبنا عن الـ Social Selling

* Page Likes :

10

أنا بحب الـsection دة اوي عشان مش بس بيوضحلي الحاجات التانية اللي مهتم بيها الـaudience بتاعي بس، لأ ده كمان بيساعدني اعرف الـcompetitors بتوعي 😀

بصوا، قالي في كل مجال الaudience مهتمين بايه فيه و عاملينله like، دة بيرسملك تخيل أحسن للـbuyer personas بتوعك و عارف اهتمامتهم ايه في بقية المجالات، اللي هيساعدك و أنت بتعمل الـ “world overview” فى الـbuyer persona sheet.

بصوا هنا بقى..

11

هنا بقى بيقولي اكتر pages الـaudience بتوعي عاملينلهم likes و اهتمامهم بنوع الـpage دي قد ايه. خلينا ناخد حاجة تانية عشان نفهم أكتر فايدة الـsection دة.

احنا متفقين اننا محددين الـlocation: Egypt ، و الـInterests: Business and Industry، هحدد حاجة زيادة و هي People connected to و هعملهم connected لـpage معينة بتبيع لبس، فهتطلعلي النتايج دي..

12

بصوا هو هنا جابلي الـpages اللي الـaudience بتوعي عاملينلها like ، بعدينن بيقولي معلومات مهمة جدا تغليني اعرف فكر الـaudience بتاعي ايه..

باين من الصورة ان اغلبية الـناس اللي Connected للـpage المعينة اللي اخترناها بيِميلوا اكتر لـLady Fashion أكتر من 99 LE، دة هيفدني انا باية ؟
بكذة حاجة، منهم..
– أولن دة هيخليني ادخل اشوف ايه المميز في Lady Fashion و أحلل الـpage دى، و لو لقيت أن هم اصلا في نفس مجالي يبقى أنا محتاج تحليل محترم للـpage دي. خلي بالك أن أصلا الفرق بين الـ 2 pages مش كبير اوي كدة! عشان كدة المفروض نحلل كمان معانا 99LE .. فهمت الفكرة؟
خلة بالك ـن الفكرة من الـaudience insights مش ـننا نقرا المعلومات بس، لا ـننا نفكر فى اللى ورا المعلومات دي 😉

* Location:

بيحددلك الـfans بتوعك موجدين فين، فمثلا تلاقيهم في مدينة نصر، فلما تيجي تعمل اي event أو hangout تاخد بالك من حاجة زي دي و تعمله قريب منهم.

و لو أنت ماسك worldwide page ، هتحتاج تعرف اغلبية الـfans عندك في انهي بلد، عشان تتابع اخبار البلد دي، عشان الـrealtime marketing 😉 أو عشان لو هفتح فرع جديد يبقى عندى ترجيح لإحتمال عن التانى عن طريق ده

13

* Activity

14

أنت عارف ان كل type of content بتنزلهُ بيكون ليه type of engagement متوقع، و كل buyer persona بتـengage بأسلوب مختلف عن التاني، فهو بقى بيقولك الناس اللي انت محددها دي بتـengage ازاي على الـFacebook. و دة هيساعدك بس بطريقة مش direct انك تعرف ايه نوع content يفضل تستخدمه.

انا بشوف انها كمان بتديني alert لو انا عندي حاجة غلط، عشان لو الـfans عندك بتعمل share و like عادي بس مش بتـcomment كثيرعلى الـcontent بتاعك و الـinsights بتقولي انهم بيـengageـوا بـcommentsفي العادي، يبقى أكيد أنت عندك مشاكل في call to action،و دة طبعا هينورلك لمبة كدة تخليك تعرف أنك المفروض تعمل a/b testing على الـcall to action، و لو الـbehavior بتاعة الـfans بتوعك انهم بيـengageـوا ، و انت الدنيا عندك بلح يبقى انت كدة عندك مشاكل كتير محتاجة تتحل 😀

15

هتلاقيه مبينلك الـaudienceدول بيستخدموا ايه اكتر الموبيل ولا الـlaptopعشان دة هيفرق معاك جدا في الـtype of content، لأن مش معقولة يكون الـaudience بتوعك بيستخدموا اكترحاجة الموبيل و يبقى الـmain content بتاعك blog articles .

أكيد احسن حاجة ليهم انك تستخدم صور او social posts

كدة انت المفروض انك عرفت الـaudience بتوعك و عرفت اهتمامتهم ايه و بقى عندك فكرة كاملة عن انت هـtarget مين، تقدر تختار كل حاجة من الـbar اللي على الشمال و بعدين تعمل save audience.

الـtool دي هتساعد الـmarketers في انهم يبنوا وجهة نظر كاملة عن الـbuyer persona و يتأكدوا إذا كانوا ماشيين صح ولا لاء، لكن مش هتغنى أبدا عن الإنسان و دماغه على الأقل فى الوقت ده وبالـoptions اللي فيها ، لكن أنا شايفة أن هيكون ليها تأثير كبير على الـmarketers .. إذ كان ده أول version ليها امال لما يطوروها هتكون ايه؟! ، تفتكروا فعلا ممكن كمان 3 أو 4 سنين يبقى كل اللى بنعمله في الـbuyer persona أننا ندّخل أقصى حاجة معلومتين و هو يقوم بالباقى ولا مستحيل التكنولوجيا تغلب عقل الانسان في الابداع؟

Raneem Montaser

ديسمبر 20, 2017

21 responses on "بتوعك Audience فصص الـ"

  1. مقالة رائعه وبالفعل أنا بستخدم الأداة دى بس بصراحة كنت محتاج أعرف أكتر عنها والمقال شرح كل حاجه بالتفصيل شكراً ليكم

  2. التوبيك دا رهيب بجد
    انت ناس محترمين فعلا
    وفي انتظار كل جديد منك
    واتمني اشوف توبيكات لعمل استراتجيات تسويقيه علي السويشيال ميديا

  3. المقال جميله اوووووووى اوووووووى .. من نجاح لنجاح دايماا ^_^

  4. you are a good persons , try to help , learn and corporate to spread your ideas
    explain with simple way , thank you very much for your efforts 🙂

  5. انا مش بيظهر عندى custom audience

  6. مش بيظهر عندى غير امريكا بس

  7. مجهود رائع, مشكروين على محاولتكم التوعية

  8. الله ينور . حلو جدا الAricle
    Go Ahead 😉

  9. رائع , رائع , رائع , رائع ..

اترك رداً على omar mohamed إلغاء الرد