قبل ما يفور Edge Rank الحق الـ

الحق الـedgerank قبل ما يفور

أنت بتعمل القهوة .. سادة ولا سكر زيادة ولا مظبوطة؟! كل نوع و ليه ناسهُ، بس خلينا نتفق أن القهوة مزاج أياً كان هتشربها ازاى مش كدة؟ هو ده الـedgerank، مش كل واحد و ليه مزاج؟ يعني كل واحد هيحب يقرأ حاجة مختلفة عن الثانى، و أكيد لو ملقتش اللى أنت بتحبهُ على الـFacebook مش هتقعد عليه كثير , و هما هدفهم أنهم يخلوا الناس تقضى أكثر وقت ممكن عليه، عشان كدة هو بيظبط الـnews feed لـكل user على حسب هو بيحب ايه و فى الأخر أهم حاجة انه يطلعها مظبوطة على حسب مزاجه.

طب ازاي يعرف الـnewsfeed دة مناسبة ليك ولا لاء؟! عن طريق الـAfinity و الـWeight و الـTime Decayكل واحد فيهم بيأثر على الـEdgeRank بمقدار معين لو وقع أى واحد فيهم هيقع الـEdgeRank! و ده هيوقعلك الـ post reach!!

مع العلم أن الـorganic post reach دلوقتي وصل تقريباً 1.5%.

الـمصدر من Business Insider و The Financial Brand

1- “Affinity” هو قوة العلاقة بين أي اثنين على الـFacebook اللى هو فى حالتنا دى الشخص و الـpage

, قوة العلاقة دى بتتأثر بــ Rate of engagement بتاعك مع الـ page على الـ posts اللى بتنزل

و الـRate of engagement بتاعك مع type of content معين (Video / Photos / Status) وهكذا..

2-“Weight” هو وزن الـpost و كل ما وزنه يتقل كل ما يكون أحسن، الوزن بيتحدد بنوع الـpost و على حسب الفعل اللي بياخده الـfan تجاهك، ايه اللى ممكن يأثر فى الـweight؟

  • type of content: الـphoto albums أكثر حاجة بتزود الـengagement بعدين الـphotos بعدين الـvideos و أقل حاجة الـarticles
  • Type of engagement: نوع التفاعل، أنت عارف أن الناس بتكون فاكرة الـshare هو أقوى حاجة في التفاعل فى حين لأ، الأقوى فى التفاعل هو الـcomments بعدين يجى وراها الـshare تخيل!! , ده ميمنعش أن الـShare ليه ميزة مباشرة فى الـReach أكتر من الـComments بكتير.
  • Type of engaged person: Chad Wittman مؤسس الـEdgerank checker كتب أن “الـuser authority بتأثر على الـ Edge rank لدرجة أن الأمر وصل لأن نوع الشخص اللى هيتفاعل معاك” , يعنى لو تفاعل معاك Seth Godin مثلا فأنت حد جامد جداً!، و لو اللى تفاعل معاك شخص تفاعلاته على الـFacebook قليل، يبقى أنت أكيد حد جامد برضه علشان أنت قدرت تاخد من وقته، و لو تفاعل معاك واحد استايل “حمادة الرومانسي” اللى مع كل نَفس بيعمل like ده مش هيدى أى تقل للـcontent بتاعك , نقدر نقول “Different content..Different Actions..Different weight”

3-“Time Decay” كل ما يعدي على الـpost وقت كل ما نسبة ظهوره هتقل.

أقولك بقى ازاي تطبق EdgeRank الصح و تبقى ” Edgy Marketer” تزود الـ affinity و الـweight و تظبط الـtime decay ؟


1)ايه اللي بيزود الـ Affinity؟

 

  • مبتعملش buyer persona يبقى مش هتحصّل أنك تبقى marketer حتى ، علشان تحقق Affinity لازم تحدد نوعية الـfans و بيحبوا ايه و أعرف اية المعلومات اللى عايزنها و امتى و ازاي، يعني أكون عقل الـ costumer بتاعي.
  • زود الـengagments بتاعتك بأنك تنزل posts يومياً بـ Frequency تقريباً ثابت و فى أوقات ثابتة “طبعاً بعد ما تتأكد أن عدد الـ Posts و مواعيدها هى أكتر حاجة مناسبة للـ Fans بتوعك”.
  • لازم تبقى عارف الـtarget customers بتاعك ، استخدامه للموبايل أكثر ولا الـ Laptop هيفرق معاك و أنت بتحدد الـtype of content و أن مثلاً على الموبيل الـarticles بيظهر أكثر من الـvideos .


2)ازاى تزود الـWeight ؟

 

أولاً الـWeight و الـ Affinity مرتبطين جداً ببعض، علاقة طردية يعنى كل ما الـweight يزيد طبيعى جداً الـAffinity يزيد!

  • فى مقولة قالها Cox المدير المسئول عن الـEdgeRank فى الـ Facebook قال : “We’re in the business of giving our users the most interesting possible experience every time they visit ” فبالتالى الـmost valued content هو بس اللى هيحقق Reach عالى، ببساطة كدة عندك purple cow يعنى عندك valuable content، اوعي تفتكر إنك هتكون “average” بس فهلوى فهتعرف تقدم valuable content .. زمن الفهلوة انتهى خلاص! و لو حاولت تقدم average content علشان تخلى الـinteraction عندك يزيد و تعجب كله هتلاقى نفسك بتخسر كله، لأنك بقيت “عادي” .

متنساش الـbuyer persona هاا

  • نوع بين الـtype of content يعنى ..videos، photos، articles، e-books، etc
  • دايما اسأل الـfans عندك، اسئلة تكون بسيطة و سهلة، يعني سهل عليهم المشاركة بأنك مثلاً بدل ما تسألهم ” ايه اللى مش فاهمينه فى الـInbound marketing ؟! ” لا أسألهم نتكلم عن” Facebook ولا Twitter ؟ “

الأهم من كدة أنك تخلي الأسئلة مش بس بسيطة على الـ Fans لأ تكون فى نفس الوقت conversational، يعني لو سألت الناس “ايه اخر مشكلة قابلتك في شغلك و حليتها ازاى” ده هيكسلوا يردوا عليه اوى، لكن لو سألت ” حليت أخر مشكلة قابلتك فى الشغل ازاى؟” طبيعي هو هيقولك ايه المشكلة و حلها ازاي.

أخدت بالك ان الإثنين أصلاً نفس السؤال بس طريقة صياغتهُ؟ 😉

  • في بحث أثبت أن من الحاجات اللي بتأثر على الـinteractions هى لما الـcontent يكون emotionally expressive ، بمعنى أن لو الـtarget بتاعى ناس من سن 18 لـ 29 مثلاً لفت نظرهم أنهم بيتفاعلوا مع الـ content اللى بيكون surprising، amazing و interesting، و دى دايماً بتكون متمثلة فى الـvaluable content اللى متقدم بطريقة بسيطة و سهلة و مضحكة.
  • أما أى سن فوق الـ40 بيلفت نظرهم انهم يتأثروا بالـ content اللي بيعكس الـ Anger، Awe و الـ anxiety، اللى هى دايما بتكون الـContent اللى أخباره جد.
  • استخدم الـHashtag، بيزود احتمالية أنك تظهر لأى حد متابع الـHashtag حتى لو مش Fan .
  • استخدم الـ call to action اللي بيهتم بأراء الـcoustomers.

عرفت ازاي تزود الـweight و الـAffinity ، طب دول لو عملتهم صح و صح جداً الـEdgeRank مش هيزيد بالنتايج اللى أنت موقعها !!!، بسبب الـtime decay !!

 

3)ازاى تغلب الـ Time Decay ؟

يعني بعد ما يطلع عينك تنزل الـposts بتاعتك فى الـ Time الغلط تلاقى الـEngagements نامت، ازاى تعرف الـtime الصح اللى تنزل فيه الـposts بتاعتك ؟!

1- اختار الوقت الصح اللى الـfans بتوعك بيكونوا قاعدين على النت فيه، طب دة تعمله ازاي ؟! بأنك تعمل Analysis تنزل فى الأول posts بتاعتك فى أوقات مختلفة علشان تشوف أحسن engagement بيكون امتى، واستخدم الـpost planner هيسهل عليك إنك تنزل الـposts فى الوقت اللى يناسب الـ Fans مش اللى يناسبك.

2- الـ post لما يعدي عليه 24 ساعة بتكون فرصة ظهوره أقل بكثير، في حين أن في marketers كثير بيقولوا أن فى خلال 3 ساعات لو الـpost مبقاش viral يبقى “move on” لأن تقريبا أكثر من 75% من الـengagements بيحصل فى الـ 3 ساعات الأولى .

3- لما الـpost يموت..اعمل pumping للـpost دة لو عايزهُ يظهر تانى للناس. بس بلاش pumping رخيص الل هو تخلى حد من الـTeam بتاعك يعمل share مثلاً أو comment ، يعنى لو مثلاً الـ Post كنت بتعلمهم فيه حاجة وواحد سألك سؤال فى Comment سؤال ممكن تسأله بعد فترة هو طبق الحل و استفاد ولا لأ ؟! 😉 inbound بصياعة 😀

فكرت ازاى نحسن الـSales بتاعتنا و نستغل الـEdgeRank؟!

الـinbound sale بيخلينا نستنى الـcustomer يجى و يكون عايز يشتري المنتج، طب هيجى ازاى لوالشخص ده lead بس الـaffinity قليل فاحتمالية ظهور الـposts بتاعتك عنده قليلة جداً؟

هقولك على طريقتين هتخليك تعمل viral content.

  • أول طريقة بأنك تعمل حدوتة

– بيع بحدوتة!

*ازاي يعني؟!

– ورا اي product لازم يكون في حدوته,

ركز في الـcontent بتاعك أنك تعرض للـlead حدوتك خاصةً لو كانت حدوتة مميزة، مثلا school of marketing كانت فى الأول marketing agency اسمها Idea Cloud، بعدين فشلت و قفلنا الشركة ، كنا فيها بنقدم inbound marketing للشركات و المفهوم دة لسة غريب على الـmarketers نفسهم، فعملنا school of marketing و قولنا احنا لازم نعلم الـinbound marketing للناس أصلاً و نغير فكرهم ! بس كده احنا هننجح؟! ، هتاخد وقت اه بس فى الأخر هنوصل!.

أنت بقى عندك حكاية أكيد! أحكيها بفشلها و نجاحها, كل ما هتبقى صادق أكتر مع الـ Customer بتاعك كل ما هيؤمن بيك ويحبك أكتر و هيشترى وهو مطمن لأنه واثق أنك مش بتبعله الوهم !

 

  • ثاني حاجة اعرض فشلك قبل نجاحك

– لو حصل و كان عندك مشكلة في المنتج بتاعك أعتذر!

– ايه!! أعتذر؟!

– ايوه أعتذر ده هيبنّيلك مصداقية أكبر و أنت عارف أنك كدة هتضرب 3 عصافير بحجر!

– ازاي؟!

– أولا: في احتمالية 95% ان أى شخص اشترى منك المنتج و أعتذرتلهُ أقل حاجة هيعمل Like يا أما هيتفاعل معاك بالـcomment، و ممكن جداً يتضامن معاك و يعمل share! , ثانياً: أنت هتعمل marketing بأسلوب word of mouth! و دة هيأثر على EdgeRank ، ازاي ؟ افرض مثلاً أنت أكلت فى محل أكل معروف و الأكل كان سيء جداً و الموضوع دة اتكرر أكثر من مرة مع كذا عميل عندهم، لحد ما المطعم اعتذر و غير الأكل بتاعهُ، بعدين الناس جربت الأكل تانى بعد الإعتذار، فبدأت الناس تلقائياً تقول دة المطعم “X” أكله اتحسن جداً بعد الإعتذار، فالناس تبدأ ترجع ثاني تجرب أكله.. ثالثا بقى: هتلاقي و أنت بتعتذر الناس بتعترض على حاجات ثانية و بتشتكي من مشاكل عندوكوا فى الـbrand فهتاخد feedbacks من الناس , أكيد هتساعدك أنك توصل للـ Best practise !!

بصوا الـCases دي:

1- Delvento Cafe and Restaurant :

اللى حصل هنا ان فيروز (Co-Founder at school of marketing)، كانت فى الـresturant قالولها أن في minimum charge و هي رفضت الموضوع دة، لأنها كانت قرأت ان دة مش قانوني، و حصل مشكلة هناك و مدفعتش إلا ثمن الحاجات اللى هى طالباها و قدمولها فى الأخر اعتذار، ممكن تشوفوا تفاصيل المشكلة من هنا، هتلاقوا ان الـengagment على الـpost بتاع الإعتذار أكثر اصلاً من الـ posts العادية اللي بينزلوها 😀

1

2- “Brand New”

اعتذروا عن مشكلة اللى هى عملتها بصوا الـEngagments عالية جداً ازاى؟! ده هيفرق جداً فى الـEdgeRank

2

3- “Pinterest”

نفس النظام عملت اعتذار و حققت engagements و EdgeRank عالي جدا!

3

الإعتذار قوى جداً و مفيد و بيخلي الناس اللى فقدت الثقة فيك ترجع ثانى تجربك و تشوفك أنت قد كلامك ولا لاء، بس خلي بالك لو أنت بتقول كلام و فى الحقيقة مغيرتش حاجة يبقى الإعتذار دة مالوش لازمة!

 

خلينا نشوف بقى Case studies و نشوف ازاى الـ EdgeRank على و وصلوا ليه ازاي؟

“Case study 1”

لو بصينا على الـ Screen shot دى , ده Post موقع Business insider قال أنه حصله viral marketing ليه؟!!

page اسمها Radio Station Nu92 عملت analyse للـbuyer persona بتاعة الـ Fans عندها و لقت أن الـ range بتاع الـ Fans age تقريبا من 19- 28 سنة و هنا أستغلت الـcontent emotionally expressive للسن ده، و طبعاً ده حقق EdgeRank عالى جداً، خاصةً انه استخدم صورة.

4

Case Study 2 “Cottonil”

صفحة Cottonil على الـFacebook عندها أكثر من 80.000 fans و الـengagements عندهم مبيوصلش حتى لربع الـfans !! لكن بصوا للـpost ده عمل عندهم طفرة فى الـengagement لأنهم استخدموا image و بناءً على الـbuyer persona بتاعتهم الـ sarcastic image عملت marketing كويس جداً و كمان استخدموا emotional expressive content.

5

Case Study 3 “Oreo”

ده video لـOreo ، الـ engagements عليه عالية جدا و بالتالي الـ EdgeRank , طيب أولا هما استخدموا الـvideo اللى بيتقل الـweight، و الـ content بتاع الـvideo مميز جداً و كمان سهل و خفيف.

6

Case Study 4 ” School of marketing 1″

شايف الـ two posts دول، اتطبق فيهم نفس الـtheme و نفس الـcontent type و الـ posting time متقارب جداً لكن الـEdgeRank فى فرق رهيب جداً بينهم!

أنا شايفة أن اللى حصل هنا خطأ أن الـdesigns مشابههَ جداً لبعض! و دة خلى اهتمام الناس بيها مختلف، لأن أغلبية الناس بتهتم باللي نزل الأول أكثر.

شايف أنت سبب ثاني؟

8

7

Case Study 5 ” School of marketing 2″

و دى أسوأ طريقة للـEdgeRank

يعني عايز تخرب الـEdgeRank يبقى تعمل كدة، دة text و المفروض انه حلو عشان real time marketing طب ليه الـengagment بتاعته قليله؟، عشان الـCTA، لأنه مقولهمش مثلا قلولنا المشاكل اللي بتقابلك عشان نساعدك. وكمان أنا شايفة انه لو كان فكرة الـpost اتقدمت في blog post عن ازاى تعمل campaign للعيد ناجحة، كان الـengagment عليها هيكون أحسن بكتير.

9

لكن شوفوا الـpost دة رغم انه text إلا انه الـcomments عليه أعلى بكثير، علشان كانت الـvalue فيه أنه يساعد الناس

9.1

يعنى من الأخر ايه الزتونة؟!

10

اظبط الثلاثة دول و الـEdgeRank هيتظبط معاك!

و علشان تظبط الثلاثة دول اتقل!

الـقهوة بتاخد وقت على النار و بتتعمل على نار هادية مش كده؟! ، والـ Post المتكلف برضه بيحتاج وقت، متستسهلش ولا تتسرّع، حضر الـcontent بتاعك قبليها بفترة و متتسرعش و أنت بتعمله , اعمل search كويس جداًً عن أى topic هتكتب فيه لحسن يكون حد كتب فيه قبلك علشان لو كده على الأقل تقدمة بطريقة مختلفة و جديدة،

اعمل test و test و test مش هتعمل القهوة بوش من غير ما تفور منك أكثر من مرة، و الـ test دايما هيعلمك وكل ما تفشل كل ما تتعلم 😉

احنا شايفين أن الـEdgeRank مش حاجز بالعكس ده فى مصلحتنا علشان المتميز بس اللى هيعرف يوصل، أنت ايه رأيك؟

Raneem Montaser

ديسمبر 20, 2017

7 responses on "قبل ما يفور Edge Rank الحق الـ"

  1. كلام جميل ومفيد لكن عايز أتأكد من موضوع ال أorganic post reach وأنه وصل ل 1.6% , هو فعلاً وصل لكده ؟؟ ولا النسبة دي بتختلف على حسب عدد ال fans ؟

  2. أنا أسفة جدا النسبة المظبوطة .5%1 و هتلاقيني عدلتها فوق و زودت المصدر، ممكن حضرتك ترجعلهُ، والنسب دي كلها تقريبية و average ، و أه عددFans بيأثر و الغريب ان العدد لما بزيد الـ organic reach بيقل، في احصائيات بتقول ان الـ pages اللي فوق الـ25 M الـorganic reach بتاعها 1-2%، لكن الـ pages المتوسطة الـ organic reach بيكون من 5-7%.
    بس دي كلها احصائيات، لكن وقت الشغل عشان تزود الـorganic reach الاحصائيات مش هتفيدك، لأنه في الاخر بيعتمد على الـ3 حاجات اللي قولناهم في الـarticle.
    لو في أسئلة عندك تاني، أتفضل..

اترك رداً على Raneem إلغاء الرد