مصلحتك مش أولاMailالـ

الـMail مصلحتك مش أولا

اغلب الـMarketers اللي بيشتغلوا Email Marketing بتكون كل محاولتهم انهم يأخدوا الـmailعلشان يبدأوا يبعتوا الـOffers بتاعتهم, وطبيعي يبقى النتيجه مع الطريقة دي إنهم يلاقوا مع الوقت إن الـOpen Rate بيحصله هبوط حاد,ولو في Links في الـMail الـClick Rate عليها بيبقى زي اعلانات مصراوي و اليوم السابع , لأن لما اللي بيقرا معندوش ادني سبب او حتي وقت يضيعه عشان يسمعك بتتكلم عن نفسك

تخيل معايا كده اتنين اتفقوا يتجوزا, كل لما يقعدوا مع بعض البنت تلاقي الولد عمال يتكلم, بيحكلها عن شغله عن إنجازاته, عن طفولته عن لما كان بيلعب في الشارع والعربية خبطته, ولما هي تفكر تفتح موضوع تلاقيه بيقولها بكل سماجه بعد اول جملة: تصدقي فكرتيني أنا زمان برضه كنت بعمل كذا وكذا …

النهاية الطبيعية للعلاقة دي حاجتين مش مهم نتكلم عليهم في الـArticle دي 🙂

الموضوع في الـMarketing اصلا اصعب من كده, علشان اللي بيسمعك متوقع منك انك عايز تبيعله, فلو لقى إن من بعد ما إدالك الـMail” اللي هو للعلم حاجة خاصة بالنسبة ليه”,إنك إستغليت الموضوع ده علشان تحاول تزن عليه بأي شكل أكيد هيقفل منك, وممكن يحاول يشيل نفسه من الـlist عندك, ولو انت مشلتوش مش هيبص للـMails بتاعتك تاني.

الـLead اللي إدالك الـMail بتاعه متوقع انك هتفيده بحاجة,(و لو مش متوقع هيستغرب و ينبهر ) إنك هتستغل إنه إداك إتصال شخصي بيه في حاجة اكبر من اخر Offer عندك, محتاج إنك تكسب ثقته و تفيده و انت فعلاً مش عايز منه حاجه و ساعتها مش هيكون عيب انك بعد عدد من الـmails المفيده تبعتله mail بيتكلم عن حاجه بتقدمها

عن الـLead Nurturing أتحدث !!!

الـLead Nurturing هو إنك تقرب من الـLead بتاعك كل يوم اكتر, يعني مش بس تكون بتبعت ليه اللي يهمك لازم كمان تبعت اللي يهمه ويخليه يقرب ليك اكتر, وتكسبه اكتر, خليه يكون مستنى الـmail بتاعك عايز يعرف هتقوله ايه إنهارده, لو وصلته لإحساس زي ده هيكون بيدور على الـmail بتاعك اكتر ما انت بتدور عليه.

ليه إنت محتاج تعمل Lead Nurturing اصلا ؟

1- علشان الـcustomer دلوقتي بقى يحتاج وقت اطول علشان يقرر انه يشتري منك.

2- لان المنافسة بقت شديدة بين اللي بيبيعوا, وبقت الناس بتشتري بس من اللي يعرفوه واللي بيثقوا فيه, مع content كويس انت تقدر تكون الشخص الموثوق فيه وساعتها هتتميز بين المنافسين بتوعك.

3- لان كل lead عايز يطمن انه قراره انه يشتري منك هو القرار الصح, لما هياخد منك Value قبل ما يشتري ده هيأثر معه ويحفزه انه يكون معاك, وغير كده انت بمتابعتك للـL.N وازاي بيتفاعل معها الـprospect بتعرف ايه اللي المفروض تبعته بعد كده .

لو قدرت توصل انه مش بس بيفتح الـmail اللي بعته, وبيفتح الـlinks اللي فيه لو في links, ده كمان بيرد عليك لانه بيحس انك بتكلمه وبتفيده هو يبقى هيرد عليك زي الردود دي :

2

1

3


دي mails الـleads بتوعنا ردوا فيها, لما حسوا انهم استفادوا من الـmails اللي وصلتلهم,شيء يفرحك جدا “سواء بشكل شخصي او كـBrand” إنكم تلاقي في الوقت اللي الناس مش بتفتح الـmails اللي بتوصلهم الإ في النادر, ولو قرا يبقى حصل إنجاز, ان الـmail يترد عليه ردود زي دي

الفكرة من الـLead Nurturing انك توصل إن بقى بينك وبين الـLeads بتوعك Relationship, وكل ما هتقدر تخلى الـRelationship اقوى كل ما هيرمي في صالحك وهيوصّلك لأن يكون عندك Marketing Qualified Leads او اختصاراً MQL

MQL يعني lead وصل لدرجه عاليه من الاقتناع بالـBrand بغض النظر الـBrand ده بيبيع ايه
و لو انت تنّين و التعريف ده ضعيف بالنسبالك يبقي التعريف الصح

lead عدي الـMarketing Score اللي يخليه Qualified انه يتنقل للـSales Team

الـMarketing Score ده هو المعيار اللي انت بتحطه علي حسب الحاله بتاعتك و ده ما يسمي بالـLead Scoring
و لو انت متعمق في الInbound بدرجه كبيره و الInbound Funnel بتاعتك ماشيه صح هتكون محتاج تعمل Scoring للـMQL و الـSQL اللي هم الـSales Qualified Leads
والـSQL دول يا سيدي عباره عن MQLs وصلو عن طريق الـInbound Sales Team بتاعك انهم عارفين كل المعلومات اللي محتاجنها عن الـProduct اللي انت بتقدمه و بقيوا عايزين الـProduct ده و يقدروا يدفعوا فلوسه

في حاجه هنا انت في الاغلب مخدتش بالك منهم

-ان الSQL اصلاً كان MQL انك مينفعش تقول علي Lead انه Sales Qualified اللا لو كان Marketing Qualified

يعني لو جالي Lead علي الـSales علي طول و عايز يشتري, برضه ميبقاش qualified ؟؟؟
ايوه, و ده موضوع محتاج Article لوحده عشان تعرف اضرار النوع ده من الـCustomers

الكلام اللي فوق ده مش مكتوب عشان تلم شويه تعريفات و لا عشان نتمنظر بالـReplys اللي مبعوتالنا علي الـMails
الـarticle دي مكتوبه عشان تخليك تلاحظ ان في تفاصيل كتير جوه الـInbound ملهاش علاقه بالـSocial Media و الـSEO و عشان تاخد خطوه دلوقتي و تعمل حاجه جديده في الـMarketing بتاع شركتك

المفروض بعد ما تقرا الكلام اللي فوق ده تبتدي تستوعب حجم الفرصه اللي ممكن تجيلك لو Strategy الـLead Nurturing بقت اساس الـMarketing Strategy بتاعتك

عشان الـArticle دي كلها بقي عباره عن تجربه جديده تماماً لنظريه احتمال 0.00001 % انها تغير العالم

الـCall to Action بتاعها هيكون غريب

لوعندك Mail List صح (يعني Inbound Leads ) اتواصل معانا و احنا هنعملك اول Campaign بنفسنا

ولو اصلاً ده اساس شغلك هنفضل نعملك الCampaigns بتاعتك بدون مقابل لحد ما نوصلك لـ علي الاقل 50% زياده في النتايج بتاعتك

احنا كده نبقي عملنا اللي علينا الباقي عليك

Ahmed Saif
Amr Nawar

ديسمبر 20, 2017

16 responses on "مصلحتك مش أولاMailالـ"

  1. مقالة أكثر من رائعة,بجد فى وقتها المناسب جداً …صباح التفاؤل عليكم
    بخصوص القائمة البريدية إزاى اتواصل معاكم علشان أبعتها خاصة وإنى إن شاء الله هطلق مشروعى لية رأس السنة
    أخيراً أرسلت إليكم رسالة عبر صفحة الفيس بوك ياريت تشوفوها ومنتظر الفيد باك بتاعكم عليها

    • مساءك تفاؤل ياإسلام
      لو القائمة البريدية بتاعتك يا إسلام وصلت ليها Inbound
      بمعنى أن الناس اللي معاك الايميلات بتاعتهم عارفين إنك ممكن تبعتلهم , ومعندهمش مشكلة في ده
      يبقى ياريت تكلمنا على ارقامنا الموجودة على الـfacebook page
      علشان نتكلم في التفاصيل إن شاء الله

  2. اعمل فى شركه تصدير مواد طبييه وتصديرنا الاساسى لشركات تصنيع وعندى قائمه بريدة لشركات تعمل فى هذا المجال كيف استفيد من هذا الموضوع

    • عماد علشان تستفيد من القائمة البريدية اللي عندك لازم تكون الشركات دي هي اللي إدتهالك بطريقة Inbound
      علشان لو غير كده هما مش هيكونوا مستنين منك اي ايميلات لانهم ببساطة مش عارفينك

  3. انا لست صىاحب شركه ولامدير مبيعات انا صاحب محمصه تسالى صغيره بجد شكرا ليكم انا بتعلم منكم كل يوما جديد فى التسويق الحديث وخاصه الانبوند ماركتنج
    وخاصه من المبدع احمد سيف وان شاء الله انا بقرا كتير فى الديجتال ماركتنج واول ما فكر اخد كورس ان شاء الله عندكم………..بجد شكرا لكم

  4. جزاكم الله خيرا على المقالات الأكثر من رائعه
    بخصوص القايمه البريديه بتاعتى انا كشركه ببيع منتج ما ازاى هاخد الايميلات بتاع العملاء ؟ مهو انا فى البدايه لازم بدور على ايملات العملاء المستهدفين بتوعى وابتدى ابعتلهم وبيختاروا انهم يستمروا معايا او يخرجوا من القايمه بتاعتى
    يبقى انا ازاى فى الاول هايكون معايا الايملات بتاع العملاء وهم اللى مدينهالى ؟؟؟

    • ياسمين إزيك
      في الاول عايز اعرف هل العملاء دول هما اللي مدينك الايميلات بتاعتهم وله انت وصلتي ليها بطريقة تانية؟

      • لا مش العملاء الى ادونى ايميلاتهم لان ببساطه انا لسه شركه جديده فلسه معنديش عملاء بتوعى اتعاملوا معايا فانا دورت فى ادله المواقع واليلو بيدج عن ايميلات وابتديت ابعت .
        عشان كدا انا بسأل وانا فى بدايتى ومعنديش ايميلات اعمل ايه ؟؟
        جزاكم الله خيرا على الاهتمام والرد

  5. بجد تسلم اديكم وكلامكم صح الصح اووووي
    انا عندي اميلات لناس هما الي سجلوها معايا هما مش الكتير بس سعيده بيهم ونغسي فعلا افيدهم

  6. مقالة جميلة و على فكرة اى واحد عاوز يكسب اى حد سواء صاحبة او زميلة ف الشغل لازم يعمل ال حضرتك قولت علية لازم يشوف هو بيحب اية و يبنلة ان ممكن يقدمولوا ال هو عازة و دا اول طريق التسويق الصح التسويق بينفع ف كل حاجة تسويق للشخص نفسة قبل ما يكون لمنتج و انا بعمل كدة يعنى صاحبى ف الشغل بيحب الاغانى القديمة جدا و بيحب يسمعها ف الشغل لما الكمبيوتر باظ عملت اية عشان اكسب محبتة و خصوصا انى اجاى جديد ف الشغل دة نزلت ع موبيلى شوية اغانى قديمة بشغلها و اسمعها معاة يبقى انا كدة بشاركة اهتمامة و دا يخلية يبلعنى و يحبنى اكتر انا وصلت كمان انى بديلة الموبيل ينقى هو الاغنية الى هو عاوز يسمعها يعنى بخلى يعتبر الموبيل دا بتاعة هو دا التسويق الصح اظن كدة

  7. السلام عليكم
    انا بجد سعيدة انی اتعرفت عليكم من اصدقائی عالفيس بوك وبتمنی انه يكون فی تواصل مستمر بيننا لأنه بجد باتمنی انی اتعلم الديحيتال ماركتينج واحترفه
    وبالمناسبة دی بطلب منكم انه يكون فی ارشادات نبدأ ازای؟
    وربنا يوفقنا جميعا ومن تقدم لتقدم بإذن الله

  8. السلام عليكم ورحمة الله وبركاته
    اولا ربنا يكرمكم جميعا على المجهود الرهيب ..
    دلوقتى انا عامل استبيان ومعايا اميلات لناس وعايزهم يملوا الاستبيان دا ..
    اعمل ايه ..وهل ابعته عربى ولانجلش .

    • و عليكم السلام و رحمة الله و بركاته
      ربنا يكرمك يا دكتور
      بص لو شايف ان الاستبيان ده هيفيدهم فى حاجة اتكل على الله ، او لو معاك permission قوى و فيه بينكم relation قوية دوس
      و عربى ولا انجلش دى حسب الـ Buyer personas بتوعك و الـ Brand Voice بتاعك

      واضحة 😀 ?

      School of Marketing Team

اترك رداً على Amr Nawar إلغاء الرد