GAP ورا

GAP ورا

 

المشهد الاول : الفكرة نورت

Marka Hansen مديرة شركة GAP north america داخلة من باب الشركة الصبح وبتقول لنفسها :

احنا لازم نغير من الـlook بتاعنا شوية , يعنى بعد كل التغيير اللى عملناه فى الـfashion مش عارفين نغير logo ؟! ده حتى قديم و عامل زى بنطلونات الـJeanse التسعيناتي , أنا هعمل meeting دلوقتى (أحمد سيف style)

المشهد الثانى : فى غرفة العمليات

فى أوضة العمليات واقف كلامن Marka Hansen و الـmarketing team بيحاولوا يوصلوا لفكرة جديدة للـlogo والفكرة اللى هيدور حواليها الـRe-branding ,, وقد كان كالآتى :

Marka : كلنا دلوقتى هنفكر فى الـ logo الجديد بتعنا وايه الشكل المناسب ليه بس الأول خلونا نعرف الـRe-branding ؟! هو انك تغير من شكل الـbrand سواء الـlogo أو شكل الـproduct نفسه وبالتالى تغير الـPosition اللى الناس وخداه عنك

* الـteam : طيب وليه هنعمل Re-branding ما احنا كده كويسين والناس بتشترى و عارفين الـbrand كويس و السمعة حلوة والسوق بتاعنا ؟؟؟

Marka بنظرة بتقول (اجري العب بعيد ) : الـlogo بتاعنا ماشين بيه بقالنا 24 سنة ! أكيد الناس اختلفت أذواقها و نظرتها لينا , وفى نفس الوقت كتير جدا شايفين الـlogo ده old fashion اوى , واهو بدل ما هو شبه البنطلونات التسعيناتى كده !

* الـteam : بس أحيانا الناس بتحتاج الـold fashion 🙂

Marka (بنفس نظرة يللا ياض) : طيب تمام كلمولى Larid& Partners (دى شركة للـmarketing والـadvertising موجودة فى أمريكا وليها experience فى الـ branding والـlogo Designs ) عشان نتكلم فى موضوع الـlogo

بعدها بيوم راح العم Larid عشان يشوف موضوع الـlogo وبيتخيل الشكل الجديد الفحيت اللى هيفرقع مع الناس

المشهد الثالث: ياما GAP الغراب لأمه

Marka : جيت فى وقتك 😀 الحقنى بالـlogo الفحيت اللى قولتلى عليه واشرحلى عملته على أساس ايه ؟ أنا شايفه أنه حلو

* Larid : بصى يا ستى الفكرة أن الـlogo القديم كلاسيك اوى احنا عايزين حاجة تواكب العصر وتعبر عن الـbrand بتاعتك ,, ايه رأيك فى ده واهو يبقى حلو على القمصان البيضة 😀 ؟!

Untitled-1

Marka : فكرته حلوة اوى و جديد محدش عمل زيه قبل كده ,, خلاص done يا Larid نفذ وعلى بركة الله

وهنا بعد ما العم Larid نفذ design الـnew logo وأخد الكاش , متعرفش ايه اللى خلى Marka تشك أن الـdesign مش حلو (قال يعنى هى مش عارفة) وقالت قبل ما نبدا نطبع و نغير فى شكل الشركة نوريه للـfans عشان يقولوا رأيهم ,, وهيعجبهم أكيد وهيفرقع , Larid بردو مش بيعمل حاجة وحشة

المشهد الرابع : نصبوا الصوان

Marka فى مكتبها قبل لحظات من الـ launching وكل الناس متوقعة انه يتـviral ويعمل ضجة كبيرة وفعلا فى يوم 6 اكتوبر2010 بدأ الـlogo يظهر على الـwebsite بتاع GAP ومحدش كان متوقع اللى حصل ,,

Marka : ايه اللى حصل ده ؟؟ ازاى الـlogo معجبش الناس كده!!

* الـexecutive manger : ده مدفوع فيه اد كده !! و Larid قال أنه هيليق على القمصان البيضة ( -_- )

Marka : شوفت الـcomments ؟

* لا ورينى !

Gap2

ده على الـfacebook بس , فى حد عمل fake account على twitter باسم الـlogo القديم و مبهدلنا

gaplogo_twitter1

*الـexecutive manager : ايه الـfan ده؟؟ ايه الـfan الاسطورة ده (على twitter) ؟؟ يبقى نسحب الـlogo حالاً ونقول للـfans أننا سمعنا كلامهم و هنشوف هنعمل ايه

Marka : أنا هكلمهم بنفسى كمان

***وفعلا حصل ,, ده كان رد GAP على الـfacebook

gap_facebook_101110

وقبل الـpost ده بسبع دقائق قررت Marka Hansen انها تتكلم مع الـfans بنفسها ونزلت الـarticle دى

eBay

وملخصها أنهم اخدوا قرار تغيير الـlogo واللى فضل معاهم فى رحلة لأكتر من 20 سنة – زى قرار تغيير و تطوير الـproduct والـstyle بتاعهم فأكيد الـlogo جزء من التغيير ده , بس الـfeedback اللى جالهم من الـfans كان صوته عالى و واضح ومنه عرفوا اد ايه هما محبوبين وأن الـrelation بينهم و بين الـfans قوية جداً وفعلا قرروا يشيلوا الـlogo الجديد و يخلوا الـfans هما اصحاب اختيار الـlogo واللى عنده فكرة لـdesign يبعتها , وهنا هتلاقوا samples من الـdesigns دى هنا -هتلاحظوا أن معظم الـdesigns كانت نفس الـtheme بتاع الـdesign القديم وده يأكد ان GAP معملتش research صح https://blog.iso50.com/20224/gap-redesign-contest/

طيب نتعلم ايه من اللى GAP عملته ؟ أقولك أنا

 

1/ انك متعملش Re-branding لو مش محتاجة وتسأل نفسك ميييت مرة ليه هعمل Re-branding وايه المشاكل اللى قدامى ولازم احلها

2/ اعمل Research و Surveys عشان تـ estimate ردود فعل الـfans , ممكن تعمل الموضوع بالتدريج

3/ سرعة الإستجابة للـfans وان الـsocial media تأثيرها كبير و بتسمع بسرعة

4/ الـhandling اللى اتعمل من GAP على الـ facebook وأنهم يخلوا الـfans يشاركوهم فى design الـlogo أنقذهم وده وكمان زود للـfans الـ loyality

5/ الـbrand مهما عملت هتجيب ورا من الـfans بتوعها لو مش راضيين (وأحب اقولكم ان في الBusiness, ده مش عيب تماما)

6/ مش كل حاجة قديمة وحشة , أنت ممكن تكون بتجيب نفس الموضة اللى جدك كان بيجبها بس اسمها اختلف حالياً !

 

قولولنا لو أنتم مكان GAP كنتم هتتصرفوا ازاى ؟!

 

Amr Mansour

ديسمبر 20, 2017

37 responses on "GAP ورا"

  1. فعلا .. عندكم حق ف كل كلمة ..
    انا كان عندي customer ميعرفش كتير ف موضوع الSocial Media Marketing كان مجرد عامل page ع الفيسبوك وخلاص .. ف حبيت اعمله rebranding و عملت تقريبا نفس اللي عملته Gap بس انا بحب اجرب الحاجة ع نفسي و بستخدم اصحابي عشان اجرب عليهم 😀

  2. طلعت على على كلمة Rumors كانت فى
    GAP واتقال ان معناها
    Gay and proud
    هل ده كان brand attack
    وهل الشركة استجابت لده زى ما عملت مع اللوجو ؟

  3. ؟طيب امتي يبقي لازم اعمل rebranding
    ولو في مثال علي شركة عملت rebranding
    ونجحت؟

    • rebranding لازم تعرفى هيفيد بايه الـ
      business وهيفرق فعلا ويكون فى مصلحة الـ
      competitor هتحتاجيه لو عايزة تختلفى فى الشكل عن
      buyer personas ولو هتكلمى فئة تانية غير
      gap او لو عايزة تغير زى
      والموضوع محتاج دراسة كتير لانه مش سهل ولازم تشاركى الناس معاكى بلاش تفاجئيهم
      fedex واحسن مثال على ده

  4. اكيد بعد الهجهوم اللى حصل عليه ده كنت هاخد رأى الفان بس كويس ان هما مخرجوش عن شعورهم بعد الاتاك اللى حصل وفعلا بقت نقطه فى صالحهم

  5. تقريباً مكانش تصرفى هيختلف كتير عن GAP … بس بغض النظر يعنى عايز أقول ان ده يعتبر أحسن article قرأته فى حياتى, عاش بجد. (Y)

  6. المقال بجد تحفة وفكرتة جامدة جداااااااااا وانا فعلا لومكانهم كنت هعمل كدة
    انا بقى عايزة اتعلم ابقى زيكوا كدة فى school-of-marketing
    استمرووووووووووووووووووا

  7. اولا شكرا جدا علي المقاله الرائعه دي
    ثانيا انا شايف اني ممكن اشرك الفانز معايا اني اعمل اكتر من تصميم للوجو واخلي الفانز يختاروا افضل لوجو مناسب وكمان لو في تعديل المفروض يتعمل علي اللوجو المختار اخد برايهم وده هينمي نسبة الولاء للمؤسسه وهيديني اختيارات اكتر وافضل

  8. غالبا هسيب fans هما اللى يختاروا و يقرروا

  9. انا شايف ان احسن طريقة تعمل بيها لوجو جديد انك تعمل مسابقه و احسن لوجو -اللي هياخد اعلى نسبة تصويت و لايكات من الفان – هيكسب مبلغ محترم بكده يبقي عملت دعايه كبيرة و الناس تدخل و تدخل صحابها يصوتولها و كمان وفرت المبالغ الكبيرة اللي بياخدها الديزاينر

  10. مقال رائع بس انا لو مكانهم وشايفه ان تغيير لوجو البراند هيفرق معايا ارد اقولهم ان ساعات التغيير مطلوب لان ف التغيير ده بتشوف حاجات احسن زى لما بتروح شغل جديد بتكتسب مهاره جديده ف مكان ما وده برضو هيفيدكم لاننا بندور لكم دايما ع الافضل

  11. طب انا ليا بقى رأي مخالف تماما ويمكن صادم
    عمر التغيير مابيبقى مقبول .. وتملي الناس بتواجه وتهاجمه في الاول وواحده واحده الناس بتاخد عليه وترتاحله وتتعود عليه وتحبه اكتر من القديم
    والامثله كتييييييير جدا في كل المجالات
    في الموسيقى (شوف مايكل جاكسون اول ما طلع وبعد شويه من ظهوره .. نفي الامر مع حميد الشاعري عندنا مثلا)
    في الفن (سينما الشباب فضلت تتهاجم من الجيل اللي قبلها كتير لغاية ما هما نفسهم بقوا يشاركوا فيها
    في موضوعنا بقى .. بص على لوجو بيبسي مثلا .. لوجو سامسونج .. لوجو كوك .. وشركات كتير جدا
    انا ضد تماما اللي عملته جاب .. كانت لازم تقاوم وتغير وتمشي في اتجاهها … طبعا فيه لوجوهات كتير وحشه وتحس انها معموله ببرنامج الرسام وفيه لوجوهات مش فاهملها فكره ولا هدف .. انما كان فيه كتير احلى من اللوجو القديم
    كان الموضوع حاياخد شهرين تلاته رفض وبعد شويه الناس كانت حاتحبه اكتر من القيدم وتفرح بالتجديد .. كل الموضوع فكرة تعود وحميميه وعشره مع القديم لكن ده بيدي صورة ذهنيه وحشه طبعا لو حطيته جنب جيس وكالفن كلاين مثلا ان حاتحس انهم مواكبين العصر ومتطورين اكتر

    هذا رأيي

    • انا معاك يا حمدى بس ارجع اقولك ان مجالك بيفرض عليك حاجات معينة خصوصا ان راى نا كتير منهم ديزيانرز قالوا ان الجديد مش هاينفعش فى المجال ده وطالما العدد الكبير ده اعترض يبقى اكيد كان فيه حاجة مش مظبوطة
      انت لو مكانهم كنت هتعمل ايه من الاول خالص ؟

      • لا انا لو مكانهم كنت حاتختر لوجو من الموجودين وامشي بيه عادي جدا .. فيه لوجوهات كتير عجبتني جدا لازم كنت حاختار منهم رغم الانتقادات الموجوده
        زي ما قلتلك مافيش حد بيقبل التغيير ولا حد حايقول على حاجه جديده كليا انها حلوه … عارف امتى حايعجبهم اللوجو؟؟؟ لو غيرت جزء صغير فيه وسبت الباقي زي ماهو
        وبعد ماياخدوا ع المعدل ارجع اعدل فيه .. وهكذا وهكذا لغاية مايبقى متغير تماما عن الاول ومع ذلك حاتلاقي الناس اعجبت بيه جدا .. فيه حد عاقل بقى حايفضل يعمل كده؟؟؟
        صدقني اللي بقوله ده عن تجارب كتير اثبت صحته

        بس السؤال بقى .. فين البوست التاني اللي كنت موضع فيه وجهة نظري بامثله على فنانين وعلى اغاني وحاجات زي كده؟؟؟ :@ 😀

  12. التجربه والخبره اثبتت ان الناس في الاول بترفض الحلو والوحش المختلف وبعدين بالتعود بتحبه .. بس الحلو بيعيش والوحش بيموت بسرعه
    راجع اغاني المهرجانات وافلام المخدرات والدعاره ومطربين زي عبدالحليم شخصيا وزي عدويه وزي كتيييييييير
    راجع اعلانات بيريل وفيروز بتاع زمان وقطونيل
    راجع حتى المفردات اللي كنا بنسمعها في الشارع نستغفر ربنا ونجري ونبعد عن المكان والنهارده بحكم التعود بقت تتقال ع الفيس بوك زيها زي اهلا وباي
    زي السباب وزي كلام اعتراضي واوصاف كتير وطبعا مش حاقولهم بس اكيد الناس فهمت قصدي والحمدلله انا عمري ماقلتهم

    آسف اني طولت في الشرح بس كنت لازم اوصل وجهة نظري بشرح وافي

  13. الف شكر ليكم على المعلومات القيمة ديه 🙂

  14. عجبتني الحدوته جداا .. ولو مكان جاب ما كنتش هختار لوجو ذوقه زباله كده 😀
    وكان صح انهم يمشوا ورا راي الفانز لانه غالبا بيكون مخالف لاي توقعات ولازم يحترم

  15. لو أنا مكان GAP كنت هخلى حد مسؤل عن الـdesigns هوا اللى يستلم اللوجو الجديد و يوافق عليه عشان أتأكد إنه حاجه كويسه أو على الأقل هعمل survay فى وسط الـcrew اللى معايا على اللوجو الجديد

  16. التجربه والخبره اثبتت ان الناس في الاول بترفض الحلو والوحش المختلف وبعدين بالتعود بتحبه .. بس الحلو بيعيش والوحش بيموت بسرعه
    راجع اغاني المهرجانات وافلام المخدرات والدعاره ومطربين زي عبدالحليم شخصيا وزي عدويه وزي كتيييييييير
    راجع اعلانات بيريل وفيروز بتاع زمان وقطونيل
    راجع حتى المفردات اللي كنا بنسمعها في الشارع نستغفر ربنا ونجري ونبعد عن المكان والنهارده بحكم التعود بقت تتقال ع الفيس بوك زيها زي اهلا وباي
    زي السباب وزي كلام اعتراضي واوصاف كتير وطبعا مش حاقولهم بس اكيد الناس فهمت قصدي والحمدلله انا عمري ماقلتهم
    آسف اني طولت في الشرح بس كنت لازم اوصل وجهة نظري بشرح وافي

  17. الموضوع فكرنى لما كوكاكولا فكرت تخلى طعم المشروب الغازى أحلى
    الناس معجبهاش الطعم الجديد وعملوا مظاهرات لانهم اعتبروا ان طعم الكولا حتى لو مش الافضل لكنهم اتعودوا عليه وبقى ضمن ثقافتهم
    الشركات محتاجه تعرف قيمة البراند نفسه قبل ما تعمل اى تصرف

  18. هو GAP لو كان جاب Purple cow الـ Fans ساعتنها كان إستجاب / وبعدين أي تغيير بيحتاج لحملة تحفيزية علشان الناس تبقي متلهفة خروج المنتج الجديد ودا ديما بيحصل عندنا فى المحلات الصغيرة .. لما بيعمل تجديدات ” بيحط يافطة كبييييرة . إنتظروا المحل فى ثوبة الجديد ” دا محل صغير اومال بقي لو كان Brand زي Gab .. تقريبا كان جــاب كتييير .
    بس المثال دا برضو بيثبت ان الIdea تبقى جميلة فى ذهن أصحابها . إلى أن يتم التنفيذ وإذا معملتش Test عليها قبل ماتعتمدها هاتقلل من الجمهور بتاعك. واللى بيقرر نجاح الIdea هو الـ Fans نفسهم سواء عملت Test أو معملتش

  19. مقال رائع كالعاده ..

اترك رداً على amr mansour إلغاء الرد