أهم 11 خطوة في كتابة الـContent

  • 11 حاجة تاخد بالك منهم لو هتعمل Content Marketing

(من كتاب How To Transform Yourself Into Inbound Marketer)

1- لازم تبقي فاهم ومطبق الـ content  اللي هتعلّمه للناس كويس اوي

هي دي الطريقة الوحيدة اللي هتخليك تعرف تستفيد من الContent Marketing بتاعك متفتكرش انك هتنجح لو روحت ترجمت article ولا eBook، الموضوع مش سهل، انت فعلاً محتاج تكون جامد جداً في المجال بتاعك عشان تقدر تعلموا للناس

2-متعملش content لكل الناس اللي بيتبعوك

خليك محدد في ال topics بتاعتك ومحدد في انك تعرف انت بتكتب لمين بالظبط، يعني لازم تكون بتكتب لشخصية اعتبارية واحدة، الشخصية دي بيندرج تحتها Segment من ضمن الAudience بتاعك و ده معناه انك لازم تكون فاهمهم كويس اوي ومقسمهم صح

3-اختار نوع الContent الصح

الContent حلو مفيش كلام بس هيجننك لأنك لو مفهمتوش صح هتعمله ومش هتلاقي منه نتيجة فهيجيلك احباط و هتبطّل، الفكرة انك تدرس كويس اوي ال Resources اللي عندك وتعرف احتياجات ال Audience بتاعك وتختار انسب نوع او انواع من ال Content وتركز مجهودك عليه

المقصود بأنواع الContent يعني Videos ولا Articles والا Presentations والا EBooks ولا Podcasts و انواع تانية كتير

4-متعملش Content عن حاجة لمجرد انك فاهم فيها

الـمفروض الـ Content يتعمل عشان يحل المشاكل اللي بتواجه ال Target Audience بتاعك او يكون بيعلمهم حاجة هيموتوا ويتعلموها او فعلاً هتغير حايتهم للأحسن، هو ده الContent اللي هيلمسهم و في المقابل هتلاقي الحاجة اللي اي Marketer بيدور عليها “الEngagement”

5-قسّم العلم و الـ Experience اللي عندك

لازم تعرف كويس اوي أنهي جزء من علمك هيخرج لمين بالظبط و في انهي وقت وبـ انهي طريقة عرض و مدام انت بتقرا ال eBook ده يبقي انت في الأغلب عرفت او عارف يعني ايه Inbound Marketing وفهمت ان الموضوع عبارة عن Stages، قسم الContent بتاعك صح علي الStage الصح

6-نوع واحد من الـ Content مش كفاية

ال Content Marketing انواع كتير و مش غلط انك تشتغل علي نوع واحد اللي هو في الاغلب هيكون ال Articles بس مش هو ده ال Best Practice, حاول بقدر الامكان يكون عندك اكتر من نوع من ال Content وليكن مثلا Videos, Visuals , podcasts و ده طبعا بالاضافة للArticles (لأنها اسهل نوع)

7-اختار الـ Channel الصح

ال Blog بتاعك ليه طبيعه تختلف تماما عن ال Facebook Page و الاتين ملهمش علاقة بـ Twitter اما Pinterest فهو حاجة تانية خالص، اللي عايز اوصلهولك اني الChannels بتعتك مش زي بعضها، كل وحده ليها طبيعة مختلفه عن التانية و دي يوصلنا اننا لازم نفهم نحط انهي Content (من ناحية ال Type، والTopic) علي انهي Channel

Bonus Tip : اكتر حاجة بتخلي الContent بتاعك يفشل هي انه مش محطوط في المكان الصح، ممكن يكون عظيم من ناحية القيمة و اتصرف عليه مجهود و فلوس كتير بس مثلا روحت نزلت Info graphic من الطوال دول علي ال Facebook، لازم مينجحش حتي لو هو احسن Info graphic في التاريخ

8-Learn Ceaselessly

اتعلم بدون توقف، شيء مستحيل انك تعمل كل الكلام اللي فوق ده وانت واقف مكانك واقصد بالكلمة دي انك مبتتعلمش حاجة جديدة، اصلاً بقا يعني ايه يعدي عليك يوم متتعلمش في هو انت عايش ليه اصلا اليوم اللي مش هتتعلم فيه حاجة جديدة اعتبر انه اتحرق و من غير ال Concept ده مش هتعرف تعمل Content Marketing ولا بعد 100 سنة

اسف علي الأنفعال بس النقطة دي مستفزة جداً بالنسبالي ولازم بردو تكون مستفزة بالنسبالك

9-لازم تتعلم Inbound Marketing Analytics

من غير ال analytics هتبقي اعى، الاعمى بيمشي بس مش عارف هو رايح فين، انت هتبقي كده لو مش عارف تعمل Analysis لل Content Marketing بتاعك

الحتة دي بقي هي الاصعب علي الاطلاق في ال Inbound Marketing و في ال Content و في الSocial Media و في اي حاجة في الMarketing

انا هحاول افهمكوا ال Outline بتعها بأبسط صورة بس بس في Chapterx

10- لازم تـTest، و بعد كدة تـTest و اول ما تخلص Test تـTest تاني

انا مش بقلش انا فعلاً بتكلم جد Testing Is The Whole Idea

و الفكرة هنا ان ال Marketing Science اصلاً وصلنالوا بالTesting ايه ده ؟ يعني انا لو اخدت نتيجه كل التاس اللي عملوا Testing قبلي و نفذته وبعد كده عملت علي Testing ممكن اكتشف او اخترع اجزاء جديدة في العلم ده ؟

لأ “طبعاً مش ممكن، ده اكيييييييييييييييييييييييييييد

11- استمررررررر

لو في شخص فضل يفيدكم و بيهتم بيكم لمدة شهر كامل هتحسه نحيته بـ أيه ؟ عظيم جدا علاقتكم هتقوي و هتقربوا اكتر من بعض و في الأغلب هتحب الشخص ده جدا

السؤال لو الشخص ده مرة واحدة اختفي ايه اللي هيحصل ؟ مش هيحصل حاجة هتفتقدة في الاول و بعد كده هتنساه المشكله مش هنا المشكله انك لو حاولت ترجع هتلقي انك فقدت الثقه اللي مدينهالك اغلب الFans بتوعك و ده هيسببلك احباط و الاحتمال الاكبر انت مش هتعرف تكمّل

الخلاصه:  اوعي تبطّل لأن دي اكتر حاجه هتضرك في الInbound Marketing يعني ممكن تعتبرها الغلطا الوحيده التي لا تغتفر


يناير 20, 2016

11 responses on "أهم 11 خطوة في كتابة الـContent"

  1. جامد جدا الكلام دا
    بس يعنى اية
    Chapterx
    ؟

  2. Very nice article Ahmed …

    I was planning to join your course to get in touch with Idea cloud team but i couldn’t :/
    but am sure that we will have a nice meeting someday 😀
    Keep the good work and please if you can prepare an article about how to form a SM team in details i will be grateful to you 🙂

  3. كعاده كل مقالتكوا هايله جدا
    بس انا سمعت احمد سيف وهو بيتكلم وقريت الكتاب وكمان المقال
    والكل بيأكد علي inbound analysis
    معقول مالهاش توبيك ولا انا اللي لسه تايهة ؟

  4. دائما بلاقى فى مقالاتكم ميزه علشان كده بستناها علطول 😉
    المهم مش ألش انا شايف انكم ساعات فى الكتابة بتقع منكم حروف زيادة او نقص ووانا بقرأ بجى لحدها وببقى اخرس واعمى وبحس انى مش شايف :v ياريت تأخدوا بالكم منها 🙂

اترك رداً على salmagad إلغاء الرد