6 Steps for Linkedin Showcase Best Practice

LinkedIn Showcase ست خطوات عشان تعمل

خلينا نتفق مبدئيا ان LinkedIn لازم يكون من اهم الـ Platforms اللي بتستخدمها طول ما انت بتشتغل فى الـ Business، و ده لانك من خلاله تقدر توصل لـ Target Audience صعب تلاقيه في اي مكان تاني، و كمان تقدر تحدد الـ Industry اللى انت محتاج تتواصل معاها.

 

دلوقتى هنعرف ازاى نستخدم الـ Showcase Page، علشان نعرّف الـ Audience بينا اكثر، و كمان نقدر نحقق Sales من خلاله.

طبعا علشان تقدر تستخدم الـ Showcase، لازم يكون عندك Company Page اصلا على LinkedIn و بعدها  تقدر تعمل Pages فرعية  اللي هي الـ ShowCase.

-لو عندك Background عن الـ Company Page عامة، ممكن تفوت الـ 2 Paragraphs اللي جايين-

هى ايه اصلا فكرة الCompany Page؟

الـ Company Page باختصار هتلاقيها بالضبط نفس فكرة الـ Facebook Page، بتنزل Posts عن مواضيع مختلفة مرتبطة فى الاخر بالـ Services/Products بتوعك، او بالـ Content بتاعك،  او اخبار عن الـ Industry بتاعتك.

و طبعا ليها الـ Cover Photo بتاعها اللى ممكن مثلا يكون بيتكلم عن الـ Mission بتاعتك، أو انك تخلى اللي يشوفها يـ Visualize الـ Slogan بتاع شركتك.

Linkedin قبل ما يعمل الـ Showcase Page كان مقدم حاجة تانية شبهها، أو نقدر نقول نفس الفكرة، اسمها Services, Products Tab، بس انا من وجهة نظري هي ماكانتش Effective قوي، بعكس الـ Showcase Page تماما، لانك لو استخدمتها صح هتقدر توصل لعدد أكبر من الناس المهتمين بالـ Services/Products بتاعتك، و طبعا هتقدر تـ Generate Leads اكتر.

 

نيجي بقى للـ Showcase Page نفسها، كل حاجة هتنزلها هى مرتبطة بـ Service/Product معينة. الـ Cover Photo و الـ Description هيبقى مخصوص لـ ده بس.

 

استخدمات الـShowcase Page

الـ Showcase Page ليها اكتر من استخدام زى:

 

• Service

• Product

• Campaign

• Subsidiaries (يعني شركة كبيرة او Holding تحتها شركات تانية).

الـContent اللى المفروض ينزل فى الShowcase Page

الـ Showcase Page بيكون ليها طبيعة Content  معين المفروض ينزل فيها

مبدئيا، هتبدأ بالـ Cover Photo و الـ Description.

لو افترضنا ان الـ Showcase كانت لـ Service معينة، يبقى اي Content هتنزله لازم يكون فيه Added Value عن الـ Service دي بالتحديد. ده ممكن يكون فى شكل Article أو حتى صورة، لان ده فى الاول الاخر Social Platform، يعنى لازم توصل الـ Audience انهم يحبوا يقرأوا الـ Updates بتاعتك، و كمان يسألوك، و ده معناه ان بقى عندك Engagement، و ده اللى كل Social Marketer عايز يوصله.

ما تنساش اننا اصلا في Platform اهتمامه الاساسى الـ Business فـ عندنا فرصة اننا نستخدم Sales Posts، لان معظم الـ Connections أو الـ Followers بتوعك هما Prospect Leads.

يعني ببساطة، الـ Showcase page دي فرصة هايلة انك تكبر الـ Connections بتاعتك و تقدر تبيع.

خلينا دلوقتى نلخص الخطوات كلها اللى احنا محتاجينها علشان نوصل للـ Best Practice:

1. لو لسه معملتش Company Page، يبقى لازم تبدأ بيها.

2. اعرف بالضبط ايه اكثر الـ Services/Products اللى محتاج تظهرها و تتكلم عنها بشكل مكثف.

3. بعد ما حددت الـ Services، اشتغل لكل واحدة منهم على الـ Cover Photo و الـ Description لان دول اهم حاجة تبدأ بيها.

4. ابدأ اشتغل على افكار للـ Content اللي هتنزله لكل Service لواحدها، بما فيها الـ Sales Posts.

خلاص جمعت افكارك، نبدأ ننفذ بقى:

5. . ايه الـ Content اللى هينزل فى شكل Article، و ايه ممكن يبقى صورة، و الـ Sales Posts هتنزلها امتى؟

6. دلوقتي تقدر تعمل اول Showcase Page، (و ممكن تبدأ بـ 2 Showcase (Pages، بس نصيحة بلاش تبدأ باكتر من كده علشان ما تتوهش اولا، و طبعا علشان تبقى ضامن الـ Quality بتاعت الـ Content.

Bonus Tip

اقصى عدد من الـ Showcase Pages هو 10.

و انا فى رأيي انك بلاش تستخدمهم كلهم، اعرف الاول ايه اللي في الـ Business بتاعك يستحق انك تظهره فى Page منفصلة، و حضر الـ Content بتاعك اللي هتستخدمه في كل Page، و ده هيخليك تقدر تحدد أنت محتاج تستخدم عدد قد ايه من Showcase Pages.

قولولنا بقى ممكن تستخدموا الـ Showcase Page فى ايه تانى؟

by: Nermine Helmy