ازاي الـ cover photo تفرق مع الـ brand بتاعتك؟!

زمان … لو كنت عاوز تعلن عن حاجة جديدة عندك على الـ FB، كنت بتنزل مجرد Post … و لما تكون عاوز الناس تهتم بيه شوية، كان ممكن تعمل له Share كل فترة أو كان ممكن تغير الـ Profile Picture بتاعت الـ Fan page.

 

لكن تخيل لو أنا فتحت الـ Fan page  بتاعتك و بصيت على الـ profile picture (اللي هي بتبقى صغيرة أصلا!) .. ممكن أصلا ماخدش بالي من الاعلان لاني في الغالب هكسل افتح الصورة. (يعني كلفت نفسك و عملت Design و محدش شافه اصلا :/ )

 

في 15 ديسمبر 2011 بقى … الـ FB عمل اختراع اسمه الـ Cover photo .. علشان يساعدك ان الحاجة اللي انت عاوز الناس تاخد بالها منها تكون موجودة قدامهم طول الوقت و هما فاتحين الـ Fan page و كمان حجمها كبير علشان الواحد ميبقاش مضطر يفتحها حتى …

 

و علشان الـ Cover photo حاليا من اكتر الحاجات اللي بتؤثر في الناس و هي متابعة أي Fan page …

في 9 حاجات ممكن تستخدم الـ Cover photo فيهم علشان تفرق مع الناس أكترعلى  …

 

1)      اعلن فيها عن منتج عندك بطريقة تشد الناس ليه …

مثلا لو عندك مطعم … تخيل لو واحد فتح الـ Fan page و لقى قدامه طبق أكل يجري ريقه عليه 😀

 

2)      ممكن تحط فيه حاجة جديدة انت لسه عاملها علشان تخلي الناس ياخدوا بالهم منها و يشتروها.

 

3)      لو عامل عرض على أي حاجة انت بتبيعها … او أي حاجة من الحاجات اللي بيكون في آخر الجملة بتاعتها “…. لفترة محدودة”

 

مش لازم تستخدم الـ Cover photo في انك تبيع أي حاجة و بس … لكن ممكن كمان تـــ ..

 

4)      تقول في الـ Cover photo عن الـ Social Network بتوعك كلهم

5)      لو عندك hashtag ممكن تعمل علشانه Cover photo (اكيد الناس بعد كده هتستخدم الـ hashtag) ده.

6)      استخدم الـ Cover photo علشان الناس تحفظ الـ Slogan بتاعك و يا سلام لو الـ Design فعلا بيوصل فكرة الـ Slogan لان ده أكيد هيزرع جوا الناس الفكرة أو الحاجة اللي انت اصلا موجود علشانها.

7)      احتفل في الـ Cover photo بعيد ميلاد الـ brand  بتاعتك … أو بـ event جديد انت منظمه و حقق نجاح

8)      عيّد على الناس في المناسبات او المواسم او الاعياد (مفيش اكتر منهم عندنا في مصر:D )

9)      يا سلام بقى لو في الـ cover photo … احتفلت بعيد ميلاد Customer مهم عندك او لو عامل مسابقة حطيت صور الفائزين 😀

 

بعد ما عرفت ممكن تستخدم الـ Cover photo في ايه …

حاول تخلي بالك من الـ 4 حاجات دول …

 

1)      الـ Design  بيفرق جدا مع الشخص اللي بيشوفه … علشان كده حاول يكون الـ Design  بتاعك Perfect…. لان هو ده أول حاجة بتتشاف لما حد يفتح أي fan page.

2)      غير الـ Cover photo كل فترة علشان الناس متزهش منها.

3)      الـ Cover photo و الـ profile picture لازم يكون ليهم علاقة ببعض و الوانهم متناسقة مع بعضها.

4)      اكتب description للـ Cover photo … عشلان مثلا لو في link عاوز الناس تدوس عليه على طول.

الـ web site ده (www.picmonkey.com) ممكن يساعدك 🙂

تفتكروا ايه امثلة لـ cover photos فرقت مع أي brand و أثرت في الـ Fans بتوعها فعلا ؟؟

لو عايز تقرأ اكتر في الـ social media   دوس على Continue Reading

 

By: Mostafa Younis