عن الصدمة  Case study

عن الصدمة Case study

Case Study عن الصدمة

امبارح جالنا أكتر كمية Negative Feedback في تاريخ School Of Marketing
من الـ Article بتاع اعلانات رمضان… انا عايز اقولكم ان في ناس مهمة في الـ team بتاعنا مقدروش اصلاً يكملوه
بدون ذكر اسماء Fayrouz Al-Qutt
Head of Social Media
و Mostafa Younis
Head of Content
و طبعاً ناس كتير تانية مقدرتش تكمل (فاتهم كتير) و في نفس الوقت جالنا Comments ان الـ Article ده مشكلة و ملوش حل.و الجدير بالذكر اننا جالنا Comment عبقري بيقول:”كنت بدأت أمل منكم فى فترة لدرجة انى شيلت البيدج من الـ notification لكن بعد المقال ده خلتونى اقرأه بعمق وحسيت ان فيه حد بيعرض اللى بيعمله اياً اكن اللى بيحصل فيه يعنى مش همه استفادة بس، همه وعى واللى انت بتقوله ده كله حقيقة للأسف الشديد”بس الكلام ده من الـ Human Prescriptive يعني اكتر مرة الناس قالتلنا كلام سلبي.بس من الـ Analytics Perspective اقل مرة في نفس الظروف المشابهه يجيلنا Negative Engagementغريبة جدً!!!تعالوا أقولكم أحنا اتعلّمنا ايه من الArticle ده و الاتنين Articles اللي شبهه، هتلاقوا الـ links بتاعتهم تحت

هو أيه الـ ROI بتاع لمؤاخذة أمك

أقولك يعني أيه Like و متزعلش

و التشابه هنا مش في نوع الكتابة، التشابه في وجود شيء او كلام او طريقة خارجة عن المألوف، و الفكرة كلها ان الموضوع تجربة.

اولاً : الهدف من التجربة

1- Strategic Goal صعب نتكلم فيه هنا

2-Content Strategic Testing
(يعني Testing على الـ Content بس علي Strategic Level مش الـ Testing الطبيعي اللي بيوضحلك الـ Timing و الـ Frequency و الحاجات دي)

ثانياً : الافكار اللي تحت الاختبار

1-استخدام كلام و أسلوب غير مألوف في الـ Titles
2-أستخدام كلام و أسلوب غير مألوف في الـ Body
3-أختبار حجم الـ Permission اللي الـ Fans بتوعنا مدينهولنا

ثالثاً: النتائج من الـ Human Perspective

1-استخدام كلام و أسلوب غير مألوف في الـ Titles

أثبتنا لنفسنا بالتجربة ان اسلوب الـ Titles ده مفيد لدرجة خيالية… الموضوع بسيط الـ Titles اللي فيها كلام صادم او إيماءات،
بس مش مستخدمة بطريقة مُسفة (لأن لما قولت “أقولك يعني أيه Like و متزعلش” كنت فعلاً اقصد معناها الكويس و ده هتعرفه لو قرأتها) المهم ان النوع ده وصلنا لزيادة في الـ Traffic اللي بيقرأ الـ Articles دي من 200% الي 300% مقارنةً بأجمد Articles نزلت على الـ Blog بتاعنا (قواعد الـ 40 social media و modern marketing حالة خاصة).

طب نفهم ايه من الـ 300% دول
A-بدل ما كنا بنفيد واحد بقينا نفيد 3، يعني ناس بتستفيد اكتر

B- احنا مبنكسبش فلوس لما تدخلوا على الـ Blog بتاعنا لأننا عمرنا ماحطينا و لا هنحط اعلانات، بس المفارقة ان احنا كمان فايدتنا ان ناس اكتر تستفيد لأن ده بيخدم الـ Mission بتاعتنا
اللي هي اننا نغير الطريقة اللي المصرين بيعملوا بيها marketing و نرتقي بالـ Industry كلها.

C-أستيعاب الناس للفكرة العلمية المطروحة في الـ Article كان اكبر بكتير و ده واضح من الـ Comments.

2-أستخدام كلام و أسلوب غير مألوف في الـ Body

في النقطة دي فهمنا تأثير الاسلوب الحاد على الـ Fans بتوعنا و عرفنا ان تأثير الكلم الغريب او الغير لائق مقارنةً بتأثير
الاسلوب المتطرف الحاد هو 14:1
ملحوظة: النسبة دي طلعت بطريقة كروكي جداً بس فيها منطق و منطقها انه عدد الـ Negative Comments في الـ Article اللي فيها كلام غريب كان 1 و في الArticle اللي كان اسلوبها مش ظريف كان 14 (ممكن تقولي المقياس ده ضعيف جداً عندي تفسير لصحته بس محتاج Article كامل)

3-أختبار حجم الPermission اللي الFans بتوعنا مدينهولنا

و ده ظهر من الComments بتاعت اخرArticle , الاسلوب اللي كانوا بيتكلوا في أسلوب عتاب زي ما واحد صاحبك بظبط يزعل منك مع العلم ان الNegative Feedback كان في الArticle دي اقل واحد و في الEng. Rate اعلي واحد

A-أقولك يعني ايه Like و متزعلش جاب 60 Unlike يعني 60 واحد قرروا ميتبعوناش بسبب الArticle ده
وكان الEng. Rate بتاعه 3.3%

B-الROI بتاع أمك عمل 25 Unlike و Eng. Rate كان 8.5%

C-أعلانات رمضان 6 Unlike بس والEng. Rate كان 37% تقريباً

ملحوظه: تاني أكبر مره يحصلنا فيها Unlike كانت المسرحيه بيتاعت أم بطه 30 Unlike

عرفنا من كل اللي فوق ان كل ما كان الموضوع مثير للجدل وصادم كل ما هيجذب ناس عشان تقراه اكتر فا هيستفيدوا و نبقي احنا وصلنا لهدفنا الخبيث
و عرفنا اننا الحمد لله وصلنا لدرجه من الPermission تقيله اوي بس محتاجين نتعامل معاها بحذر شديد

بالمناسبه كنت عارف كويس أوي ان الArticles ده لازم تنزل علي الAccount الشخصي بتاعي و مينفعش تماماً ينزل بأسم الBrand , بس لو كنت نفذت الكلام ده مكنتش وصلت لأي حاجه من اللي فوق مع العلم ان ده بس الكلام اللي خرجلكم اللي هو مش كل حاجه و بتبسيط كبير .

انا أخدت الRisk علي الBrand و الPersonal Brand بتوعي عشان اتعلم و أتعلمت و هفضل انا و كل الTeam بتاع School of Marketing ماشين بنفس الMentality
بنتعلم فيكوا عشان نعلمكوا , لحد ما نوصل للMission بتاعتنا

مش مطلوب منك تعمل اي حاجه دلوقتي غير انك “تستوعب”

Ahmed Saif

وعلم عليهم Buyer Personas اعرف

وعلم عليهم Buyer Personas اعرف

وعلم عليهم Buyer Persona اعرف

في يوم من الايام كان في مدير لشركة سياحة كبيرة بيحب الـmarketing  اوي …. المدير ده صحي من  النوم  في يوم  وأصدر فرمان ان في صورة معينة لازم تتطبع النهارده وتتحط على كل مكتب من مكاتب الشركة في كل الاقسام والصوره ده متتشالش لأي سبب من الاسباب …..

 وبعد شويه الموظفين “مع التحفظ على كلمه موظفين” بيبصوا لاقوا الصوره ده عباره عن وشوش مرسومه لشخصيات  وكل وش مكتوب تحته اسم معين !!!!

و من هنا ابتدى الحوار التالي بين الموظفين والمدير….

الموظفين :- هما مين دول يافندم ؟؟

المدير :- دول الـbuyer personas بتوعنا ؟؟

الموظفين :- يعني ايه ؟؟

المدير :- يعني الـ ideal customers  اللي احنا عايزين نوصلهم بس قسمناهم لمجموعات تبع اهتمامتهم، كل  وش من دول بيشير لمجموعة من الـ customers  ليهم interests  واحده .

يعني مثلا الصوره الاولى لعروسة وده معناه ان من ضمن الـ customers بتوعنا العروسة اللى نفسها تقضى شهر العسل فى مكان برا مصر، والصوره التانيه لراجل ومكتوب تحته محمد وده بيشير لنوع تاني من الـcustomers اللي عايزين نوصلهم اللي هما  الأبهات اللى عاوزين يسافروا مع اسرهم فى الاجازة فى مكان هادى ينفع للكبار و للصغيرين كمان ….. وهكذا كل صوره بتشير لمجموعة customers عايزين نوصلهم.

الموظفين :-  وهي الـbuyer personas دول مجموعة صور واسماء كده وذبس ؟؟

المدير :- لا طبعا في حاجات ومعلومات كتير بنجمعها على كل شخصية من دول زي :-

1- Demographics

يعنى تعرف الحاجات الاساسيه عن الشخص اللى هما (Gender – age – location)

2- Pain points

احنا اصلا موجودين عشان نحل مشكله ما في المجتمع . عشان كده لازم نعرف إيه اكتر المشاكل بتواجه كل شخصية من دول ليها علاقه بالـfield بتاعنا اللي هو السياحه عشان نقدر نحلها .. و ممكن نطلع لهم Content يعلمهم كمان ازاى يحلوها او يتجنبوها..

3- Goals

ايه الـgoals اللي كل شخصية من دول عايزه توصلها …. وكل ما قدرنا نساعدهم يوصلوا للـgoals ده كل ما هيثقوا فينا اكتر ونبقى بالنسبه لهم thought leader

4- Behavior

ياترى كل شخصية من دول بتقضي وقتها online ازاي ؟؟ ايه اكتر الـsocial networks اللي بيستخدموها ؟؟ ايه اكتر نوع content بيحبوه ؟؟وايه اكتر مواضيع بيعملوا search عليها ليها علاقه بالسياحه ؟؟

الموظفين :- بس الكلام ده يخص الـmarketing team احنا مالنا به ؟؟

المدير :- الـmarketing team هو اللي بيحدد الـbuyer personas وبيجمع كل الـdata اللي فوق دى “و ممكن ناس من الشركة فى اقسام مختلفه كمان يساعدوهم” … لكن بعد كده لازم كل واحد في الشركة يعرفهم كويس عشان يعرف بالظبط احنا بنكلم مين والمفروض نكلمه ازاي 😉

الموظفين :- طيب و ايه هى الطرق اللى بنجمع بيها المعلومات عن الـBuyer persona

المدير:- فى طرق كتيره ممكن نجمع بيها المعلومات عن الـBuyer persona

1- اسئله على الـ Social media :

ممكن من فتره للتانيه نسالهم اسئله على الـSocial media نعرف بيها اكتر ايه هى اهتماماتهم و ايه المشاكل اللى بيواجهوها و نسال كمان اسئله ذكيه تفهمنا حاجات عن الـBehavior بتاعهم

ممكن كمان تسألوا اسئله مرتبطه ببعضها و يبقى الفرق ما بينهم صغير فغالبا هنلاقي نفس الـFans هما اللى بيردوا.. و هنعرف معلومات عنهم ممكن هما نفسهم مكانوش يعرفوها 😀 “صوره من School”

2- نعمل Survey :

افضل حد نخليه يجاوب على الـSurvey بتاعنا هو الـCustomers

لكن ده ميمنعش ان Users عاديين كمان يجاوبوا عليه.. فى الاول و الاخر المعلومات دى هتفيدنا لانها هتعرفنا الناس محتاجين ايه بالزبط و بالتالى هنفيدهم اكتر..

3- Ask your employees

انتوا كموظفين فى الشركة اكيد اتعاملتوا مع انواع كتيره من الـBuyer personas

ممكن نعمل  Meeting كلنا و نبتدى نجمع معلومات عن الناس اللى بتقابلوهم .. ايه المشاكل المشتركة .. الاهتمامات ..

نعرف ايه هى الـServices اللى نوعيات معينه من الناس غالبا بتتجه لها ..

يعنى مثلا هتلاقوا العروسة بتتجه لنوع معين من الرحلات غير اللى اسره بتحاول تروحلها

4- اسألوا الـ Customers :

مش غلط ان حد ييجى يشترى منكوا حاجه و تسالوه اسئله تفيدنا عشان نقدر نساعد الـCustomers اللى شبهه بعد كده ؟؟ او نساعده هو شخصيا ؟؟ 😀

جمعوا من الـCustomers شخصيا معلومات تفيدكم 🙂 وممكن  تقروا اكتر عن الـ customers

و فى طرق تانيه كتيره 🙂

الخلاصة .. فى طرق كتيرة تقدر بيها تجمع معلومات دقيقه عن الـBuyer personas بتوعك … ممكن جدا تخترع طريقة جديده تناسب الـBusiness بتاعك …

و مفيش اى نوع من انواع الـBusiness مينفعش يتعمله Buyer personas

بالعكس ده هيسهل عليك تفهم الـCustomers و هيطور تعاملك معاهم 🙂

دلوقتى قولولنا .. ايه اهم حاجه المفروض تبقى عارفها عن الـBuyer personas بتوعك ؟؟

by: Doaa Badr &  Fayrouz Al-Qutt

Thought Leader سبع خطوات وتكون

Thought Leader سبع خطوات وتكون

Thought Leader سبع خطوات وتكون

مبدئياً كده، أى selling process فيها كذا مرحلة الـprospect buyers بيمروا بيها وبيتعرفوا على الـbrand والـvalue إللى بتقدمها كويس جداً من قبل ما يحصل تعامل بينهم وبين الـSeller، علشان بقى يوصلوا للمرحلة دى، لازم الـbrand أو الشخص (إللى الـbuyers بيقرروا يعملوا معاه business) يكون thought leader عندهم.

يعني إيه Thought leader ؟

“thought leader” يعني أكتر حد فاهم في مجال محدد علشان الناس بتقول عنه كده (أياً كانوا clients/prospects أو competitors حتى) مش هو إللي بيقول، وساعتها بيكون الشخص أو الـBrand ده هو الإختيار الأول في دماغ الناس لما هم يعوزوا يشتروا.

علشان توصل للمكانة دى وتبقى thought leader، فى 7 حاجات أساسية لازم تعملهم،

1- إعمل brand وvoice خاص بيك

متفكرش إنك محتاج بس تكون brand، لأ لازم تبقى معلم فى دماغ الناس بحاجة valuable تميزك عن باقى المنافسين، وكمان يبقى ليك voice خاص بيك، بمعنى إنك تبقى عارف انت عايز تقول ” إيه”؟ ولـ”مين”و أزاي؟ علشان تقدر تحدد الـBrand voice إللى هتتكلم بيه،

Brands

2- محتاج تعمل Blog خاص بيك

بتتكلم فيه عن topics كتير ليها علاقة بالمجال بتاعك، لو إستخدمت الـblogging صح، ده مش بس هيزود الـauthority بتاعتك، ده كمان هيفيد الـbusiness جداً زى مثلاً انه هيساعدك فى الـlead generation وإنك تظهر أحسن فى search engine optimization(لو عايز تقرأ عن الـSEO، ممكن تدوس هنا

blog

3- الـblog لوحده مش كفاية

انت محتاج تقدم نوع تانى من content زى(webinars,infographics,etc) تساعدك تبين قد إيه انت تستحق تبقى thought leader على نطاق أوسع وتوصل لناس أكثر.

pic_webinars

4- إستخدم الـsocial media

زى (Facebook,Pinterest,Twitter,Linkedn,etc) علشان هتساعدك تعرف إنت واصل لناس قد إيه وإيه رأيهم فى إللى بتقدمه، فا تقدر تحدد هتغير إيه وتحسن إيه فى الـcontent بتاعك.

Social Media

5- جاوب على أسئلة وإستفسارات الصحفيين

إللى ممكن يساعدوك بنشر أجزاء منقولة من Article من الـContent بتاعك.

article

6- إكتب guest content

بمعنى إنك تكتب content زى(articles) على blog أو website مش بتاعك، ده هيساعدك تزود عدد الـvisibility والـAuthority بتاعتك، والأهم هيساعدك تبنى relationships قوية مع bloggers تانيين

بس أهم حاجة تحافظ على نفس quality شغلك حتى لو هيتنشر فى مكان مش بتاعك.

guest-blogging

7- إتكلم فى events و conferences

إستغل أى فرصة توصلك إنك تتكلم فى events/conferences متعلقة بالـbusiness بتاعك،إبتدى فى events صغيرة وإعمل إللى عليك عشان توصل إنك تتكلم فى events أهم وأكبر، بس أهم حاجة خلى الـpresentation بتاعتك educational ومتحاولش تبيع خدماتك، علشان تزود الـcredibility بتاعتك.

نصيحة: متربطش نفسك بـgeographical limits، استخدم الـInternet زى (webinars,podcasts) إللى تساعدك تتواصل مع أى حد فى العالم فى أى وقت.

Social media conference

الخلاصة: لو أنت متأكد وعندك الحاجة اللى تخليك تبقى thought leader من خبرة وإلتزام بنشر معرفة جديدة تفيد وتساعد الناس،

لوقدرت تحقق الخطوات إللى فوق دى، إمكانية إنك تأخد لقب thought leader فى الـمجال بتاعك هتبقى عالية قوى.

و دلوقتى بعد ما خلصنا كلام فى موضوع الـthought leadership، قولنا هتطبق الخطوات دى فى المجال بتاعك إزاى؟

By: Toka Hesham

الأربعون Training قواعد الـ

الأربعون Training قواعد الـ

قواعد الـ Training الاربعون:


الـ Mission بتاعتنا  في School of Marketing ان احنا نغير في ثقافة الـ Marketing عند الناس، واحد الطرق اللي ممكن تغير بيها ثقافة حد انك تعلمه …. ولاننا اتعلمنا كتير في مدارسنا و كليتنا و حتى في courses …. عرفنا ان حتى التعليم ليه طريقة عشان تخلي الاستفادة الى اقصاها … والطريقة ديه انه بدل ما نبقى بندي مجموعة lectures احنا بقينا بندرب الناس عملي و نعلمهم من شغلهم بأديهم و من اخطأنا و اخطائهم … دول اربعين قاعدة فى الـ Training لو فهتمهم هيبقى عندك قدرة تحكم على اي Training اذا كان كويس ولا لأ … ولوطبقتهم ،هيبقى عندك القدرة انك تفيد الناس فعلا بالعلم اللي عندك. معظم القواعد دي من الـ experience بتاعتي خلال فترة عملي في المجال ده، ومن شغلنا في school of marketing مع الـ Trainees خلال الفترة اللي فاتت.

و طبعا الاسلوب ده مستوحى من كتاب “قواعد العشق الأربعون لـ إليف شافاق” .. اما بقى القواعد الاربعون هى كالتالي


1. انت المسئول … انت المسئول

انت المسئول انك توضح ليهم اي حاجه مش فاهمناها و انهم يستفيدوا فعلاً من الـ Training وان الـ Training يكون مناسب لاحتياجتهم وعن حل المشاكل اللي بتواجهم (اي مشكله سواء في الـ Training او التنظيم او logistics )


2. في التدريب انت بتساعد الناس تتعلم مش بتعلم الناس

الناس اللي جايه التدريب ناس كبيرة و فاهمه و عارفه انها محتاجه انها تتعلم و تتدرب على موضوع معين استفيد من ده و ساعدهم ازاي يتعلموا عشان حتى بعد الـTraining يفضلوا بيتعلموا…. انت ممكن تكون اصلا معندكش الخبرة اللي عندهم في مجالات شغلهم. حاول تصاحبهم ومتعملش نفسك instructor عليهم لان ده بيبني حواجز مش بيكسرها.


3. حدد اهداف للتدريب، والهدف الكويس لازم يبقى S.M.A.R.T

الهدف يكون S.M.A.R.T مش معناها ذكي يعني لكن SMART ديه اختصار لـخمس صفات اولها انه يكون محدد Specific وMeasurableاقدر اقيسة عشان اقدر اعرف هو اتحقق ولا لأ و لو لأ اقدر اعرف الاسباب، ِAchievable مش حقوللهم هنطلع القمر…. بس حاجات فعلا معقوله ان احنا نتعلمها ونكتسبها من الـ Training ، وكمان الهدف لازم يكون Relevant للموضوع اللي بتعلمه … مش هكون بتعلم Social Media واقوللهم هنتعلم اضرار حرق قش الأرز على البيئة، و اخيرا الـهدف لازم يكون Timed يعني اعرف انا هوصله في وقت اد ايه.


4. اعمل expectation management في اول الـ Training

اسمع منهم هما متوقعين يتعلموا ايه في البدايه وناقش معاهم كل نقطه باختصار و وضح ليهم ايه اللي جوا الـ scope بتاع الـ training و ايه اللي براه ويا حبذا لو تقترح عليهم المكان اللي يلاقوا فيه الحاجات اللي برا الـ .scope


5. لازم اهداف الـ training تبقى معلنة من البداية

يعني الـ Trainee يقدر يعرف الـ Training ده هيفيده في ايه، وبالتالي يقرر اذا كان هياخده ولا لأ.


6. لازم جدول الـ training يبقى واضح ومفصل ومعلن

عشان الوقت من ذهب والناس تظبط وقتها و مواعيدها ويساعدهم على الالتزام اكتر.


7. ظبط الـsettings بتاعت الـ Training Room بشكل يسهل تفاعل الـTrainees معاك و مع بعض

من الاشكال المفضله للـ Training Room انها تبقى على شكل حرف U و الـ Trainer يكون واقف على طرف حرف الـ المفتوح، ومينفعش الـ Settings تبقى عامله زي الـ Class لان التدريب جزء كبير منه بيعتمد ان الـ Trainees يشتغلوا مع بعض و يشاركوا خبراتهم مع بعض.


8. اتاكد بنفسك من كل الـ logistics الخاصة بالـ Training

مثلا الاضائة بتاعت القاعات ونظافتها و واماكن الـ Break وجودته واماكن الصلاة، حتى الـ toilets. انت المسئول الاول و الاخير قدام الـ Trainees بتوعك.


9. في اول session في الـ Training لازم انت تبقى اول واحد موجود في الـ training room عشان تستقبل الـ Trainees كانهم ضيوف عندك

ده بيدهم انطباع عن مدي التزامك و احترامك ليهم و لمواعيدك وكمان عشان اول مره بيبقوا محتاجين guidance فلازم تبقى موجود قدامهم عشان لو حبوا يسألوا عن حاجه قبل الـ Training، يبقى جميل ان ده يستمر في كل الsessions .


10. قبل ما تبدا في اي حاجه عرفهم على نفسك و اتعرف عليهم وخليهم يتعرفوا على بعض

اكسر الجواجز ما بينهم وخليهم يتعرفوا على الحاجات المشتركه ما بينهم، و يا ريت لو معاك CVs بتاعتهم و تكون مذاكرها قبل الـ Training عشان تقدر تسألهم الاسئله المناسبة اللي هتخليهم يتعرفوا على الحاجات المشتركه ما بينهم وانت بتسمعهم حاول انت بينك و بين نفسك تتكتشف الاختلافات اللي بينهم، ده هيساعدك كتير وانت بتتعامل معاهم وانك تعرف تحتوي المشاكل اللي ممكن تظهر بعد كده.


11. اللي اوله شرط اخره نور …اتفق معاهم على ground rules من البدايه

المواعيد ، break ، استخدام الموبيل ، نسبة الحضور وبعدين خليهم يقترحوا هما كمان Rules و بعدين اسألهم انهم يقترحوا penalty لاي حد مش هيلتزم.


12. خليهم focused وانت كمان معاهم على موضوع الـ training

متخليش الاسئله تسحبكم لحته بره خالص لان ده هيضيع الوقت. ممكن عشان تعمل كده تستخدم لعبه الكارت الاحمر …. ادي لواحد فيهم كارت احمر يرفعه لو حس ان الكلام خرج بره المووضوع الاساسي ولما يرفعه لازم الكل يحترم ده والكلام الخاجي ده بيتوقف تماما وترجوا للموضوع الاساسي تاني …. بس خلى بالك خليك ناصح وانت بتختار الشخص ده 


13. التزم بالمواعيد … التزم بالمواعيد …. التزم بالمواعيد …. المواعيد في التدريب حاجه مقدســـة ….

والالتزام ده معناه مواعيد بدايه الـ Training و مواعيد بدايه Sessions و بتخلصوا امتى و مواعيد ال Break و مواعيد تسليم الـ tasks ومناقشتها و كمان مواعيد و مدة الـ Activities التانية في الـ Training


14. اعمل design للـ Training بتاعك على شكل مجموعة من الـ activities

قلل خالص من الـlecturing وحط في دماغك ان اطول مده مسموح ليك انك تكلم فيها كلام متواصل 15 دقيقة و ده مثلا علشان شرح نظريه او تاريخ موضوع معين.


15. خلى دايما عندك Plan B

الـ Flash Memory باظت تبقى عندك نسخه من الـ Training على الـemail، الـ Data show باظ يبقى محضر سبورة او flipchart …. النور قطع !! تبقى محضر في دماغك activity ممكن تتعمل على ضوء الشموع.


16. عشان تبقى Trainer شاطر

في جزء معين في مجالك لازم تكون عارف معلومات عن الموضوع ده معلومات اكتر 5 مرات على الاقل من المعلومات اللي ناوي تشرحها


17. عشان تبقى Trainer شاطر لازم تقرأ شوية في علم الـ Training

يعني ازي تعرف الناس محتاجه تتعلم ايه و ايه مصادر المعلومات ديه و ازي تعمل design للـ Training Materials و ايه الاساليب المختلفة اللي ممكن تستخدمها في التدريب.


18. وكمن اقرأ شوية عن الـgroup dynamics

لانك هتواجه مشاكل مع الـ Trainees لازم تبقى عارف امتى تتدخل و امتى تسيبهم يحلوا الـ Conflict اللي حاصل ما بينهم و بين بعض وامتى تبدا تقول ان الموضوع شكله هيخرج عن السيطرة.


19. وزود عليهم انك تقرأ شوية عن اساليب الـadult learning

وانت بتتعامل مع Adult طرق التعليم بتختلف تماما عن الاطفال ، الـ Adults ليهم احتياجات معينه و اسلوب تعامل مخصوص مبني على المشاركه و الاحترام و الـFeedback المستمر و التحفير والتعلم من الاخطاء و بالتجربة.


20. طلع كل حاجه الـ Trainees عارفنها عن النقطة اللي بتشرحها قبل ما انت تشرحهالهم

وافتكر ان وظيفتك الأساسية انك facilitator ، لما المعلومات بتطلع منهم سواء نتيجه تجاربهم او خبراتهم او حتى عن طريق التخمين بتثبت اكتر في دماغهم …. حتى لو اللي هما قالوه في حاجه غلط و انت صححتهالهم هتثبت اكتر من لو اديتهم المعلومة جاهزة.


21. الـ Training Materials

لازم تبقى مناسبة للحاجه اللي الناس محتاجه تتعلمها وتعرفها و تبقى حديثة و فعلا مفيده ليهم في مجالهم و تميزهم عن اي حد تاني.


22. استخدم الـ Brainstorming

عشان تطلع من الـ Trainees الافكار الجديدة او افكار و نقاط مهمه في موضوع لسه مش يعرفواعنه حاجه


23. ادي فرصة لكل واحد انه يشتغل لوحده

ان حد يشتغل لوحده على Task معينة ده بيخليه يفكر لوحده عشان محدش يفرض عليه رأي و فعلا يطلق العنان لقدراته ويعرف قيمة نفسه.


24. خليهم يشتغلوا في groups

وحاول بقدر الامكان تكونgroups مختلفة مع كل task ده بيخليهم يتعرفوا على بعض اكتر، ويسمح لكل واحد انه يمسارس ادوار مختلفة جوا الـ group. وقبل ما تقسمهم groups لازم تتأكد ان الـ Task واضحة سواء الهدف منها او وقتها و بعدين قسمهم عشان بين ما انت شرحت الـ task و بين التقسيم انت سبت لكل واحد فرصه انه يفكر في الـ task فلما ينضم للـgroup هيبقى ليه دور بناء مش مجرد تابع.


25. وهما شغالين في groups

اكد عليهم ان لازم يكونوا موزعين على نفسهم الشغل وكل واحد معروف هو بيعمل ايه.


26. لازم تتابع بنفسك و هما شغالين في groups انهم على الـ track الصح ….

مسئوليتك انك ترجعهم على الـ Track الصح وده توفير للوقت و عشان محدش يحس انه تعب على الفاضي.


27. العب على العقل و المشاعر

ده بيخليهم Involved لاقصى درجه في عمليه الـ Training وبيخليهم يتعلمو اسرع و اكتر.


28. وفر ليهمsafe environment

مسئوليتك انك تحميهم من اي حاجه ممكن تأثر عليهم جوه الـ Training room


29. احميهم من بعض.

اتفق معاهم على اداب التعليق و النقد و انه يكون بناء و في صورة اقتراحات مش يصطادوا لبعض الاخطاء. وده مهم عشان لو في Trainee اصلا انطوائي وفي مره و هو بيتكلم حد مش عاجبه الكلام وانتقده ممكن يصمت لاخر الـ Training !!! مش تسمح ان ده يحصل.


30. وصل للـtrainees بتوعك Knowledge و skillsو positive attitude

مش مهمتك انك توصلهم Knowledge بس … لازم يبقى في Knowledge وده بيتعلق بالنظريات و الاساسيات وبالاضافة الى Skills وده بيتعلق بالتطبيق وطالما في تطبيق بيقى لازم احس اني بعمل حاجات بنفسي وبجرب و بتعلم من أخطائي وفيFeedback بيحصل كل فترة على مدى صحه اللي بعمله بالاضافة لكل ده لازم كمان الـTraining يكون قادر يغيرلي في طريقة تفكيري بشكل غير مباشر يكون قادرعلى تقليل اي negative attitude عندي و ينمي الـ positive attitude


31. استخدم اساليب الـ training المختلفة

واختيارك للاسلوب بيبقى معتمد على نوع الـ content اللي عاوز توصله.اساليب التدريب تفرق جدا في مدى استيعابي للمعلومه كـ Trainee او توصيلي للمعلومة كـ Trainerأغلب اساليب التدريب تعتمد على مدى مشاركة trainee من اشهرها مثلا Brainstorming, Workshops , .Role play , Discussion, Case study , Story telling


32. لازم تحمسهم و تحفزهم طول الوقت و مش بالكلام بس

في نظرية في الـ psychology بتقول ان الحافز اربع انواع، نوع negative external وده اللي فيه الواحد بيشتغلعشان خايف المدير يرفده او بيذاكر عشان الدكتور هيسقطة و النوع التاني negative internal وده معناه اني بشتغل عشان شكلى ميبقاش وحش قدام الناس او بذاكر عشان احس اني مش مقصر و دول اضف نوعين من انواع الحافز ونادرا ما نشتغل عليهم في الـ . Training النوع الثالث بقى positive external اني بشتغل عشان في ترقيه قريب ولو اشتغلت كويس هيبقى ليا اولويه اني اخدها والنوع الرابع والاخير من الحافز وده اللي وده اللي لازم نشتغل عليه اكتر في الـ training الحافز الـ internal positive وده ان الناس عاوزه تشتغل عشان تحس بذاتها و عشان التعليم و الشغل بيخدم الـ Mission بتاعتها في الحياه…. لو عرفت اعمل maximization للحافز ده و اعرف كل واحد ازاي الـ Training هيخدمه انه يحقق حلمه واهدافة … هبقى بدي الـ training وانا سايب اديا.


33. من وقت للتاني اعمل feedback

وده بشكل مش مباشرعلى مستوى ادائهم قول الايجابيات الاول و بعدين قول السلبيات بشكل مش يقفل اللي قدامك.


34. خلى كل حاجه في التدريب واضحه و معلنه و في شفافيه في طرق الـ Evaluations بتاعتك ليهم.

ده بيقلل من الاختلافات بينك و بينهم و بيخليهم عارفين هما بيحصل ليهم evaluation على اساس فيعرفوا يطورا نفسهم ازاي و يبقى ادائهم احسن. و لما ده بيبقى معلن بيخلق روح منافسه بنهم بتصب في مصلحتهم و مصلحه الـ training

ؤ


35. راعي الـ learning styles المختلفة وانت بتجهز الـ Training Materials

كل واحد ليه الاسلوب اللي بيتعلم به اسرع و بيبقى مستمتع بيه اكتر. في الناس اللي بتحب تسمع كويس و ممكن مش تكتب اي حاجه فحاول تغير من اسلوب ملامك و نبرة صوتك و اعمل stress على الاجزاء المهمه . و في ناس تانية visual فحاول تمثلهم الـ Content في شكل graphs و smart shapes وكمان تعملهم mind map للـ training كله.


36. الـ Personalization

لازم كل Trainee عندك يحس انك بتعمله حاجه مخصوص عشانه … سواء انك من وقت للتاني توجه له الاسئلة اللي بيحب يجاوب عليها او لو كان بيحب انه يتحمل المسئوليه … خليه مسئول عن حاجه معينه او انك حتى تستخدم معاه الـ learning styleاللي يناسبه.


37. في اخر الـ Training لازم تاخد منهم feedback عن content وعن ادائك في الـ training

ولازم تاخد رائيهم بعين الاعتبار و تطور من نفسك و من الـ training. وده يا ريت يكون بشكل formal و يكون في form للـ feedback عشان تبقى Documented ويا ريت لو حد غيرك هو اللي يحلل الكلام ده و يطلع منه بـ Action steps و افكار للتطوير


38. متديش Training بنفس الاسلوب مرتين حتى لو نجح في المرة الاولى

طور من نفسك و من الـ Training وغير و مفيش مشكله انك تجرب حاجات جديدة، وده مهم عشان مش تحس بالممل ومش تزهق و تستمر عندك نفس الحماس والـ Passion .


39. اخر يوم في Training مهم جدا زي اول يوم

اعملهم حفله صغيرة و خليهم يحكوا ايه التغير اللي حصلهم من الـ Training و ايه اللي اتعلموه و فرق معاهم في ايه و ناويين يعملو ايه.


40. اديهم contact info بتاعتك كلها عشان يعرفوا يتواصلوا معاك بعد ما الـ Training يخلص و شجعهم على كده

ده مكن يديك indication قد ايه الـ Training بتاعك فداهم قد ايه وكمان ممكن يقولو ليك على حاجات جديده بقوا محتاجين يتعلموها و تكون بذرة ليك انك تطور الـ Training بتاعك او انك تعمل Training Programme جديد خالص ليهم.



لو لسا مقرتش  قواعد الـ Marking الأربعون دوس هنا واقراهم


وبعد كدا..

اقرا قواعد الـ Social media الأربعون


 ومتنساش تقفل قبل ما تقرا..

قواعد الـ  Content Marketing الأربعون



By: Mirvat Al-Qutt

إزاي تكتب Content  الـBusiness  بتاعك يحبه ؟؟ [40 قاعده]

إزاي تكتب Content الـBusiness بتاعك يحبه ؟؟ [40 قاعده]

updated on :- 28/2/2016

خلينا نتفق ان  ماينفعش تقرأ حاجه بتتكلم عن قواعد الـContent اللي يخدّم الـBusiness ، من غير ما تكون عارف ايه الـContent Marketing  ده وايه لازمته .

لو عارف ..  نبدأ بقى :-

الـBusiness بتاعك هيحب الـContent لما يحققله الأهداف اللي هو محتاجها علشان يكمّل 😉  .                                                                     سواء الأهداف دي ترتبط بالـ Marketing زي الـBranding والـ Thought Leadership أو ترتبط بالـ Sales والـ Targets 

هنا هتلاقي 40 قاعده يساعدوك تكتب الـContent  بالشكل ده ، وهتلاقي القواعد دي متقسمه لـ4 مراحل ، بيمشوا معاك من وانت بتفكر في الـContent، لحد ما تعرف تنزّله ازاي بالشكل اللي يخدّم الBusiness  بتاعك   :-  

1) برّمج دماغك على الـContent Marketing   “من قبل ما تبدأ “

2) مترميش Content  على الارض    ” خططله “

3) أمشي على الوصفه  وجوّد     “وأنت بتـCreate “

4) قواعد من كتاب Content Marketing 101    “ما بعد الـContent  ” 

 

أولا :- برّمج دماغك على الـContent Marketing

الكام قاعده اللي في المرحله دي  تقدر تعتبرهم دستور الـContent Marketing ” لا ولم ولن يتغيروا بأختلاف الزمن 😀 ” ثبّتهم في دماغك قبل ما تبدأ ..

giphy

1) أهم حاجه في الـContent ، الـContent Mission statement  :-

مافيش أكتر من الـBrands  اللي بتعتمد على الـContent Marketing  في شغلها ،وفي نفس الوقت مافيش أقل من الـBrands  اللي بتعرف تستفيد فعلا  من الـContent  ده .

الفرق ما بينهم ان التانيين عارفين هما بيعملوا Content  ليه، عارفين الـكلام ده هيوصل الـAudience  بتاعهم لايه ، مقتنعين ان في حاجه حقيقيه الـAudience  هيخسروها لو الـContent  ده وقف . من الاخر “عندهم Content Mission Statement  حقيقيه “

2) لو مش مصدق Content.. متكتبوش :-

في 3 علاماتتعرف منهم انك مش مصدق اللي أنت بتكتبه ده :-

    1) تكون مش واصل لمرحلة انك فاهمه كويس ” لدرجه تخليك تعرف تشرحه ”    

  2) يكون ماعندكش وجهة نظر تضيفها في الـTopic  اللي بتتكلم فيه      

        3) مبتطبقوش على نفسك

لو فيك أي علامه من الـ3 دول ، يبقى أعرف انك لسه مش هتشوف التأثير الحقيقي “للـContent Marketing ” على الـBrand  بتاعك . 

3) حوّل الـBrand  بتاعك لحدوته :-

 عقلنا متبرمج أنه مايحتفظش بالمعلومات ، بس بيعرف يحتفظ بالقصص كويس أويي ، عشان كده ” كـMarketer  ” كل وظيفتك انك تحول الـBrand  بتاعك لقصه ، وتعرف ازاي تحكيها للناس

” ملحوظه :-  لو مش مصدق القصه وعايشها .. متحكيهاش “

4) الـContent  مبيخلصش ” ولو خلص يبقى المشكله من عندك ”  :-

دماغ الـContent Marketers  بتبدع انها تقنعهم ان الـContent  خلص ، وعلى أد ما الأحساس ده بيتكمن منك على أد ما ” بتخسر” هو أينعم  الـContent عمره ما بيخلص ، بس في سببين بيخلوه يخلص من دماغك:-                                                                                                                                                                                                                    

                          1) لو مافيش سبب حقيقي بتكتب عشانه Content ” أرجع للقاعده الأولي “

                                                                                      2) لو مش متعود تـTest أكتر ما بتشتغل   

      من الاخر جرب كل حاجه وأي حاجه .. جرب Types Of Content  مختلفه ، أفكار Topics غريبه ، Tones  مختلفه، كلم Audience  جداد وهكذا “

5) لازم تقرأ ;عشان تعرف تكتب “هي كده ” :- 

على اعتبار انك مش من الشخصيات اللي طول ما هي عايشه بتفضل تقرا وتتعلم حاجات جديده .. فيادوب تبدأ تعود نفسك من دلوقتي على ده  “لو ناوي تبدأ في الـContent Marketing  يعني “

6) الـContent  الوحش بيعلّم “أكتر من الحلو”  :-

لو فضلت قلقان من النتايج عمرك ما هتعمل Content ” ليه لازمه ” ، متخافش تطلع Content  وحش لأن اللي  هتتعلمه من الـContent  ده أكتر من اللي هتتعلمه من أعظم Guide  في الـContent Marketing

7) فَضّي دماغك للـContent Marketing :-

جرب تكتب POC  وانت فايق ومركز 100% ، و POC  تانيه في النص اليوم وانت دماغك مشغوله ومش في قمه تركيزك ولاحظ الفرق 

ساعتها هتقتنع ان ماينفعش تكتب Content  من غير ما تكون في قمه تركيزك .. ومتنساش ان علميا بقى دماغنا بتكون في قمه تركيزها وقت الفجر او الصبح بدري “خلقه ربنا 😀 “

8) متبطلّش تسمع عشان متبطلّش تكتب :- 

الـContent Marketers  بيتكلموا أضعاف البني أدمين العاديين ” من خلال الـContent  اللي بيطلعوه للناس  ” وعشان الكلام بتاعهم يكون ليه لازمه محتاجين يكونوا  برضه بيسمعوا أضعاف البني أدمين العاديين ( خلقة ربنا برضه لينا ودانين وبوق واحد 😀 )  

يعني على أد ما تقدر أسمع :-  اسمع الـBuyer Personas بتوعك ، الـCompetitors ، الـInfluncers ، أي حاجه وكل حاجه تخص الـ Field  بتاعك .

ثانيا :- مترميش Content  على الارض “خططله

أكتب مهما تكتب وأتعب في الكتابه زي ما انت عايز ، بس خليك متصالح نفسيا مع فكرة ان من غير الكام نقطه اللي تحت دول  هتكون بترمي تعبك ومجهودك ده على الارض  ..

 eee

9) أدرس الـBuyer Personas ;أحسن ما تدن في مالطا !! :-  

انت عامل Content عشان  يأثر في بني أدمين ، يبقى المنطق بيقول ان قبل ما تحط قلم في الـContent  بتاعك تحدد البني أدمين دول وتدرسهم كويس .    

        ملحوظه انك تحدد سنهم ونوعهم وساكنين فين ووظايفهم وشكرا على كده ، ده مالوش أي علاقه بالتحديد اللي نقصده 😉 “

10) الـContent  مش هيعرف الـObjectives  بتاعتك “أكتر منك “

أصل بالعقل كده 😀  هو اسمه Content Marketing  يعني موجود عشان يخدم Marketing Objectives  معينه  .

والله لو انت مش محدد الـ Objectives دي من الاول ، فساعتها الـContent  بتاعك هيبقى طالع لخدمة البشريه  . ” ده أكيد  مش عيب .. بس مش هيستمر لانك ببساطه مش هتكمل في خدمه البشريه والـBusiness  بتاعك بيخسر “

11) تابع الـCompetitors .. وكملهم 

أكتر حاجه مبيتفهمش ايه لازمتها في “الـContent Strategy ” هو الجدول بتاع  الـCompetitive Analysis  بمرور الوقت بيتحول لجدول معمول وبيتـUpdate  في الاعياد والمناسبات  .

الصدمه بقى .. ان الجدول ده هيفضل مالوش لازمه لحد ما يبقى عندك Content Mission واضحه ، لأن ساعتها هتلاقي انك محتاج تشوف الـCompetitors  بتوعك عملوا ايه في الـContent عشان تكمل عليهم وتروح تعمل حاجات معملوهاش ، لان ده هيوصلك أسرع للـContent Mission  بتاعتك .

12) شَخصّن الـBrand  بتاعك   :-

ربنا خالقنا بنعرف نتفاعل ونتكلم مع بني أدمين زينا مش مع جماد 😀

يعني عشان الـBuyer Personas  يتفاعلوا مع الـContent  بتاعك ويتأثروا بيه ، محتاج تحوّل الـBrand  بتاعك لبني ادم وترسمله شخصيه كامله من أول اللغه بتاعته  ، لحد الـTones  اللي هيتكلم بيها ، “طبعا الشخصيه دي هي اللي هتُحكم كل الـContent  اللي خارج منك “

 13) أعمل Content  على مقاس الـPlatform  بتاعتك :-

عشان نكون متفقين انت مابتكتبش Content  وبعد كده زي ما تيجي بقى ، تروح تشوفه مناسب اكتر لايه “Facebook ولا Twitter  ولا Blog  ” !! وتروح تنزله عليه ، واكيد ما بتروحش تحط نفس الـPOC  في كل الـPlatforms    

بمعنى ان ..كل Platform  وليها الـContent  بتاعها ، عشان كده قبل ما تبدأ تنفذ Content  لازم تكون محدد الـPlatforms  اللي هتشتغل عليها عشان تعمل Content  على مقاسها

14) كل Audience  وليه الـTypes   بتاعته :-

مافيش أكتر من الـTypes Of Content  اللي ممكن تعتمد عليها ، وخلي بالك الشطاره هنا مش انك تعتمد على أكبر عدد منهم ، لكن انك تقدر تكتشف أكتر  Types  تناسب الـAudience  بتوعك ، وبعد كده تطلّع الـContent  بتاعك فيها . 

15) الـContent  ما بينزلش أول ما يخلص  :-

احنا بطبيعتنا متعودين نمشيها بالحب ،  بس الحب ده لا ينطبق على الـContent Marketing  اطلاقا  ، عندك Editorial Calendar  بتقولك  يوم كذا هينزل Content  ايه وليه ؟؟ وعلى انهي Platform ؟؟ يبقى أعمل Content ، لو ماعندكش يبقى برضه مش هتشوف التأثير الحقيقي للـContent Marketing

“ملحوظه الـCalendar  دي من غير كل الخطوات اللي فوق برضه مالهاش لازمه   “

16 ) أسمع الكل ، بس أعمل اللي في دماغك في الاخر   :-

الكلام ده بجد مش قلش 😀  

دماغ واحده مش كفايه  عشان تطلع أفكار للـContent  ، انت محتاج تستعين بأدمغه كل الـTeam عشان تطلِع بالأفكار دي . والله عملت Brainstorming  وسمعت كل الافكار وكل حاجه تمااام ، متنساش بقى وانت بتفلتر  الافكار دي تتقمص شخصيه “محمد صبحي” في كارمن  ” أنا ليا وجهه نظر تانيه خاالص في الموضوع ده “

(ده بجد على فكره  ، عشان انت مبتروحش تنفذ كل الافكار دي كده زي ما هي  ، لا ده انت بتفلترها بناء على كل الخطوات اللي فوق دي )

ثالثا:- أمشي على الوصفه وجوّد

بعد الدستور اللي قولناه فوق  والقواعد الStrategic ، انت دلوقتي جاهز ندخل على قواعد التنفيذ .. الكام نقطه اللي تحت دول هتلاقي فيهم الوصفه اللي تمشي عليها وانت بتـCreate Content “وانت وشطارتك في التجويد “

writer-moments19

17) الـText  حرام ، طالما الـVisuals  تنفع  :-

مافيش أكتر من الـStatics  اللي بتتكلم على ان الـEngagement  على الـVisuals  أكتر من الـEngagement  على الـText  في الـSocial Networks  المختلفه 

ده مش معناه انك تروح تقلب كل الـContent  بتاعك لـVisuals ، لكن معناه ان لو الفكره بتاعتك ممكن توصل بـVisual  والـVisuals مناسبه للـAudience  بتوعك ” بناء على نتيجه الـTesting  بتاعك يعني  ” يبقى حرام توصلها بـText  “

Bounce Tip :- حتى لو عندك POC  الأساس فيها الـText ، ضيف ليها صوره عشان تكون Attractive Element  في الـContent  “

18) الـResearch  ثم الـResearch  ثم الـResearch :-

بما اننا قلشنا في الـTitle  وخليناه بالشكل ده فتعالى اقولك “بجد ”  3 أسباب تعمل عشانهم Research محترم :-

                                                               1) تعرف كل المعلومات والحقائق اللي تهمك  حوالين الـTopic  اللي هتتكلم فيه

                                                               2) تشوف وجهات النظر المختلفه اللي اتناولت الـTopic  ده “وتكوّن وجهه نظر خاصه بيك “

                                                               3)   تلاحظ الطريقه “الـContext” اللي كل Resource  عرض بيها الـTopic  ده أو Topics  قريبه منه 

19) الأهم من الأفكار .. ترتيب الأفكار :-

لو عملت الـResearch  بتاعك صح هيطلعلك بحر أفكار ومعلومات تستعين بيهم  في  الـContent  بتاعك . متفرحش بيهم أويييي ،  عشان دول  لو مترتبوش صح  ،  ماحدش هيفهم حاجه من اللي أنت كاتبه 😀

20) الـHeadline قبل أي سطر في الـContent :-  

“وبعد كِده بيتعدّل عادي “

الـ headline هو الحاجة اللي انت عاوز تقولها في الـ content بتاعك، فـلو انت مش عارفها من الاول، امال انت بتكتب ايه!  ، و اكيد طبعا تقدر تغيره في الاخر، بس الفكره انه هيعتبر Guide ليك وانت بتكتب.

21)  الـUser  ماعندوش وقت غير لأول جمله    :-

أول جملة في أي Article، او اول 20 ثانية في أي Video هما اللي بيحددوا مصير الـ Piece of Content دي ، لو دول مخلّوش الـUser  بتاعك يقف ويقرا للأخر ، فولا كأنك عملت حاجه

22) رتب دماغ اللي داخل يقرأ :-

احنا بطبيعتنا “كبشر” بنتوه أكتر ما بنركز  ، وطبعا احتمال التوهان بيبقى أعلى في الـContent الطويل ، عشان كده فرض عليك لو الـPOC  بتاعتك طويله انك تستخدم Sub Headlines عشان تساعد اللي بيقرأ يرتب دماغه ،و يعرف النقط اللي بتتكلم فيها بالظبط .

23)  متخلّصش الـPOC  وتطلع تجري :-

مهما كانت الـPOC بتاعتك  مالهاش زي  ، فبرضه اللي بيقرأ مش هيثبت في دماغه حاجه  أد أخر كام سطر ” طبيعه بشريه ” ، عشان كده حاول دايما تنهي الـPOC  بتاعتك بـSummary يلخص كل اللي كنت بتقوله فوق

24) متسيبش الـReader  يجري بعد ما يخلص الـPOC :-

احنا متفقين في المرحله اللي قبل دي ان كل POC هتكون طالعه لهدف معين  ، وهيكون ليها تأثير محدد على Audience  معينين  ، عشان كده انهي دايما الـPOC  بـCTA  يساعدك تحقق التأثير ده ، او يساعدك تعرف التأثير ده حصل ولا لا                                                                                                                             ده مالوش اي علاقه “بإعمل Like أو Share :D”

25)  Editing  الـContent أهم من الـContent  نفسه :-

الـEditing  هي المرحله الأخيره قبل ما الـContent  بتاعك يظهر للنور ، عشان كده تركيزك فيها لازم يبقى أكتر من تركيزك وانت بتكتب الـContent أصلا

وفي المرحله دي  بتراجع 3 حاجات أساسين :- الـKnowledge ، ترتيب الأفكار ، الأخطاء الاملائيه                                                                                                ” و بعد ما تخلصهم، اقرأ الـ Article تاني و شوف اللي انت عاوز تقوله للناس وصل ولا لأ”

26) اعمل Approval Process غِلسه بس منطقيه :

 خلي الـContent اللي يطلع من عندك يكون عدي علي مراحل تكرير كتير , عشان تضمن ان المعلومات وترتيب الافكار و الـContext  و الDesign مظبوطين. ، وتضمن ان مافيش أخطاء املائيه 

27 ) إرمي Content  وانت الكسبان  :-

بعد تطبيق الخطوه اللي فوق دي على نفسنا ، وصلنا لمرحله ان عدد الـContent  اللي اترمى اضعاف اللي طلع  ” ويمكن دي أكتر حاجه فديتنا دلوقتي  

 ”  اللي عايزه أوصلهولك انك لو عامل Approval Process  صح متخفش تـDisapprove Content ايا كان عدده   ، حتى لو ده هيكسر الـEditorial Calendar.                                                                                                                                                                    ملحوظه :- الـApproval Process  مبتتعارضش مع الـCreativity ووجهه النظر اطلااقا لو معموله صح  😉 

28) نزل Content  ما ينفعش ينزل :-

النقطه دي ما ينفعش تتشرح لازم توضح بـCase Study  😉 

29) الـContent  موتور ، بس محتاج عربيه نضيفه  :-

متعملش Email Campaign  وتروح تبعتها لـEmail List  مشتريها ، متعملش  Social Content  وتروح تـPost  على الـFacebook  كل ربع ساعه

المطلوب :- أفهم طبيعه الـPlatform  اللي هينزل عليها الـContent  بتاعك وأساسيتها قبل ما تبدأ  . 

30) متستهونش بالـDesigns :- 

أعمل حسابك في Designer  معاك حتى لو Part time ، هتحس بقيمه القاعده دي لما تجرب تشتغل مع Designer  ومن غير Designer  . 

31) الـContent مابيموتش :- 

لو عامل Content  ليه لازمه عمره ما هيموت ، بس انت وذكائك في الـTechnique  اللي هتستخدمه عشان تعيد الحياه لـContent  قديم .                               “بالمناسبه اللي بتقراه دلوقتي ده عاد الحياه لـPOC  نزلت من اكتر من سنه”

32)  الـViral Content  حلو بس متخليهوش يسّطلك  😀 :-

الـTitle  ده مش قلش ،  لأن فعلا الـViral Content  عامل زي الادمان .. لو ظبط معاك مره ، هتلاقي نفسك سبت كل حاجه في حياتك وسبت الـStrategy  وكل القواعد اللي كانت في المرحله اللي فوق دي  ، وجريت على الافكار اللي بتِتـViral                                                                       “ده هيكسبك شويه حاجات بس هيخسّرك قدامه حاجات أكتر ، ممكن تعرف قصة الـViral Content بالكامل من هنا .. عشان تحاول تتجنب الخساير دي ”             

33) 50 %  Content 10% – Context 40 %-  Engagement:-

الContent أساس اللعبه يعني من غيره مافيش لعبه أصلا ،بس برضه مافيش عماره بتكون أساس بس من غير أدوار ومن غير شقق 😀    

 أهو لو فهمت الأساس كويس من كل القواعد اللي فوق دي ، يبقى متنساش تطلع بالادوار عشان يبقى فيه عماره أصلا 

رابعا :- قواعد من كتاب Content Marketing 101 

كل القواعد اللي فوق دي كانت قواعد تفيدك قبل ما تبدأ تكتب Content أو وانت  بتكتب ، بس الكام قاعده اللي في المرحله دي هيفرقوا معاك بعد ما تدوس في الـContent ،  يعني ابدأ اكتب Content ودوس فيه شويه ،  وارجع بصلهم تاني ساعتها هتعرف تستفاد منهم صح وتعرف ازاي تظبّط الـContent  بالشكل اللي يفيد الـBusiness  بتاعك . 

القواعد دي متاخده من كتاب Content Marketing 101 ، هو طبعا معظم القواعد اللي فوق دول موجودين في الكتاب بس موجودين هناك  بشرح تعمقي أكتر وبدخول  في الـHow To  بتاعتهم ، لكن القواعد الجايين دول متاخدين بالنص من “أجزاء” من أخر فصل في الكتاب                                                                                

 ” 10 حاجات تاخد بالك منها وانت بتعمل Content “

10312592_624975754309637_7477227361175183974_n

34) متعملش Content  عن حاجه لمجرد انك فاهم فيها :-

خلي الـContent  بتاعك مفيد وكل حاجه وخليك مؤمن انك بتغير حاجه في العالم، واتأكد ان ده مالوش اي تعارض مع انك توجه الـValue  دي  انها ترجعلك بالـConversion  بالعكس ده ممكن يكون شرط لاستمرارها .

و ده علي أرض الواقع مثلاً هيكون انك عندك 10 مواضيع ممكن تتكلم فيهم بس فيه 3 بس هم اللي ليهم علاقة مباشرة باللي انت بتبيعه مش عيب انك تركز عليهم.

35) متنساش تقفل الـContent Loop :-

متعملش Attraction  Content وتقف ، لكن راجع الـContent  اللي بتعمله وشوف اذا كان بيخدم كل اجزاء الـInbound Methodology  ولا لا 

36) قسم العلم والـExperience  اللي عندك :- 

بعد ما اخترت الـTopics  اللي تفيد الـBusiness  بتاعك ، واتأكدت انك هتـMatch  الـContent  بتاعك مع الـInbound Methodology ، محتاج تحدد درجه التعمق في كل Stage  
يعني طبيعي ان الـAttraction Content  درجه التعمق اللي بتخرجها فيه تكون أقل من الـConverting Content  وده يكون أقل من الـClosing Content.

37)  لازم تتعلم الـInbound Marketing Analytics :- 

الـContent و الـAnalytics  موجودين في كل الـInbound Stages وخلي بالك لان الطريقه اللي بيتعمل بيها Analytics للـContent بتاعك بتختلف من Stage للتاني . 

38) إستمررررررر

أوعي تبطّل لأن دي أكتر حاجة هتضرك في الـ Inbound Marketing يعني ممكن تعتبرها الغلطة الوحيدة التي لا تغتفر.

39) متخليش الـ Writer’s Block يوقفك :-

موضوع الـWriter’s Block  (هو موجود) بس مش هيجي الا للي هيعتبر بس انه بيكتب

  • – أمال المفروض أعتبر الموضوع ايه بالظبط !!

المفروض انك مبتكتبش انت بتتكلم و مفيش حاجه اسمها Talker’s Block 😉

الـArticle  دي مالهاش اي لازمه :-

 لو عايز دليل على الكلام ده اخرج من هنا واستنى 10 دقايق لو لقيت نفسك فاكر قاعده واحده ابقى قابلني   ” يبقى بذمتك دي Article  ليها لازمه 😉 “

 الا لو .. خدت كل القواعد دي وطبقتها على Content الـBrand  بتاعك، و بدأت تِحقق بيه عائد علي الـBusiness (أو ROI)  

 بمناسبة التطبيق :- كِتاب Content Marketing 101 معمول علشان يكون زي Handbook معاك خطوه بخطوه في التنفيذ و تِوصل إنك بتقدر تِعمل  Content لأي Brand و في أي Industry .

عاوز أشتري الكتاب  

بالمناسبه لو عديت دول هتلاقيهم 39 قاعده بس .. لأن القاعده الـ40 بتاعتك انت 😉  اكتبلنا في Comment أكتر قاعده مقتنع بيها وماشي عليها في الـContent Marketing  ، وهنجمع القواعد اللي هتقولوها وهنزلها في Blog Post  منفصل

Created By :- Mostafa younis

Updated By :- Doaa Badr