Infographic : الـ Thought leadership فى 7 خطوات

Infographic : الـ Thought leadership فى 7 خطوات

“Infographic” فى 7 خطوات Thought leadershipالـ

 الـ Thought Leadership هى أعلى Level ممكن توصله فى مجالك أياً كان ، و مش هتوصلها غير لو فعلاً قدرت تحقق حاجة مختلفة أو تتميز فى حاجة معينة عن كل الـ Competitors بتوعك سواء من بره أو جوه شركتك ، فى الـ Infographic ده هنشرح أكتر يعنى ايه Thought Leader ، والخطوات اللى المفروض تعملها عشان توصل للـ Thought Leadership

 how to be a thought leader in 7 steps-01 (1)

 انتو شايفين الـ Thought Leadership ازاى ؟!

 

Shehab Gomma

الـSocial Content فى 13 خطوة

الـSocial Content فى 13 خطوة


كلنا عارفين أهمية الـsocial media و اتكلمنا عنها كتير قوى ، و عارفين برضه إن الـcontent marketing عامل زى الأكل لأنك لو مأكلتش مش هتعرف تشتغل ولا تنتج أى حاجة.

الـsocial content بقى هو الأكل اللى بتاكله و أنت مع صُحابك على الـsocial media 😉 تخيل كده شِلة صُحاب رايحين مع بعض Spectra و واحد منهُم طلب Happy meal مثلاً! O.o .. أول حاجة هتِتقالُه “انت جاي هنا غلط حضرتك” 😀

يعنى لازم تبقى عارف أن كل social network بيتقال فيها كلام و بطريقة مختلفة عن التانية ، فاللي هتقوله على الـfacebook مش هتقوله على +google.

الـsocial content ببساطة هو الـcontent الخفيف اللطيف اللي بيقرأه الواحد و هو رايق و مأنتخ على السرير بعد يوم طويل شُغل.
و أنت علشان صاحبهُم المفروض تلاقي الكلام اللي بيتناسب مع الجو بتاعهم فى المكان ده و تقول الكلام ده علشان توصلّهُم فيه أكبر value ممكن تفيدهُم فعلاً و من غير ما تبقى fake ؛ لأن ده اللى هيحقق الحلم الكبير اللى هو الـcustomer relationship اللى احنا تعبانين كل ده علشانه 😉

تعمل ده ازاي بقى؟ هما دول الـ 13 خطوة اللى هنتكلم عنهم فى الـ Article ده.. 

1- إعرف عايز ايه بالظبط

حُط قدامك اللى أنت عايزه بالظبط من الـsocial content اللى هتكتبه ، حدد ايه نوع الـInteraction اللى أنت محتاجه ، شوف لو في حاجة مُعينة عايز تعرف رد فعل الـcommunity بتاعك فيها ..
“Failure comes only when we forget our ideals and objectives”
Jawaharlal Nehru
فلازم تبقى عارف الـobjective من الـcontent علشان ماتتوهش في النُص 😉

2- إعرفهُم

هما مين دول؟ الـbuyer persona يا عمي ، ده احنا اتنبح صوتنا فيهم 😀

اعرفهم كويس و اسمعهُم ، اقرا comments و reviews و كل حاجة تقدر تعرفها عنهم مريحاهم أو مزعلاهُم علشان تعرف تتكلم معاهُم.

3- خليكِ Trendy 😉

اعرف دايماً آخر الأخبار ايه و ما تعيش فى زمن غير الزمن علشان الـsocial networks مكانها دايماً الجديد النــــــــــــــــــوفي 😀

4- إستغل شغُلك:

لو ليك شغل على الـyoutube او أى social network تانية مش بتوصل للـbuyer persona دول ، اعمل للـcontent ده recycling و قدمهلهم في صورة أحسن

5-القرار 🙂

دلوقتى أنت شوفت 3 حاجات:–اللي بيشِد الـbuyer persona بتوعَك بعد ما تابعتهُم فى رقم “2”

-اللي بيحصل في الدنيا حواليك و ايه الـtrends اللي موجودة

-شغلك القديم و اللي ممكن تعمل منُه recycling لـcontent جديد

لازم تبقى عارف ان أهم حاجة إنك تقرر هتشتغل على ايه بالظبط و تحدد الـTopic اللي هتتكلم فيه  و لازم تبقى مقتنع بيه جداً لأن ده اللى هتقنع بيه الناس.

6- فَتّح عِينيك  😀

على الـcompetitors أكيد 😉 ، لازم تعرف قالوا ايه فى الـTopic اللى قررت انك تتكلم فيه علشان لو ماعملتش كده ممكن تلاقي نفسك كررته و هيبقى شكلك زبـــــــالة -لامؤاخذة يعنى ^_^ –

7- إختار الـType of content

اعرف ايه احسن طريقة توصل بيها المعلومة و الرسالة بتاعتك للـaudience بتوعَك ، ماينفعش تبقى عامل video لناس بتحب القراية مثلاً.

 

 8- خليك Human

متبقاش آلة ، اتكلم معاهم على إنك شخص مش شركة. بص الناس دى من الأخر بتقعد على الـsocial networks علشان تنبسط وأنت داخل اصلاً المكان ده علشان ترضيهم و تقرب منهم ، فمتخنقهمش و تحسسهم إنهم قاعدين مع مكنة.


9- إتكلم زيهُم.

مهم اوي يبقى كلامك نفس طريقة كلام الـbuyer persona ، يعني ماينفعش تبقى بتكلم دكتور جامعة و بتقوله “فاكس و بلح” 😀 .. اتكلم بالهجايص “سعيد صالح ستايل” و ده لو الـbuyer persona (سُلطان) في مسرحية العيال كبرِت لكن لو الـbuyer persona بتاعك تشخيص احمد ذكي خليك فى تذكرتين 😀
المهم لازم تفهَم ان الكلام اللي هتقوله هتقوله بالطريقة الي يفهموها!

10- بلاش شيزوفرنيا

الـbrand voice يا اخونا ، يعني طريقة كلامك واحدة مش شوية English و شوية فُصحى و شوية عامي و شوية سورى ، هى لغة واحدة و اثبت بعدها على وضعك.

11- Interactional

بص يا ابنى اللي يتقالك فى الحوار ده كلمتين. اكسر المراية اللي قدامك دى علشان تبطل تشوف نفسك و الـBusiness بتاعك و خليك عارف أن الكلام اللي انت بتكتبه بتكتبه علشان اللى قدامك يرد عليك و تتناقشوا ، مش علشان يقولك واو ده أنت فظيع ، عمره ما هيقولها وأنت باصص في المراية 😉

 

12- كلنا فينا حتة لسه بتحن للطفولة 😀

الصور و الحواديت ليها تأثير سحرى في الـsocial content .. الـstory telling بيدي للـcontent بتاعك قيمة عالية جداً لانه بيبقى emotional و صعب يتنسي ، أما الصور بقى فتبقى من أكتر الحاجات اللي بتجيب engagement لأنها بتلفت الانتباه قوي.
تبقى كداب لو قولت أن القصص و الصور مابيلفتوش انتباهك على أى social network بتدخُلها ، علشان كده كُلنا babies ولا استثني منا احداً 😀

13- ماتوحشهمش

ماتقطعش معاهم فجأة ، لو الناس خدت عليك و على الـcontent بتاعك و بقت كل فترة بتـshare ماتقطعش عنهم فجأة. بُص في الحتة دي بالذات انت لازم تقرأ زتونة الـpermission marketing علشان تفهم و تطبق الحتة ديه صح .  بعد كده لازم تعرف تحدد  الوقت اللي ماينفعش تتأخر فيه ابداً ، و الوقت اللي تقدر تختفي فيه و تشوف هيسألوا عليك ولا لأ ، و تشوف برضه الوقت اللي ترجع فيه تاني. .

كده عرفنا الـ13 خطوة اللي تمشي عليهم و أنت بتعمل social content ، دلوقتي هنعرف علاقتها بالـshares بقى .. احنا كلنا عارفين ان الـsocial networks قيمتها في سهولة الـsharing و hubspot أولنا طبعاً.

فعلشان تعرف ايه اكتر الحاجات اللي بيحصلها Sharing على الـsocial networks قسِمت الـtype of content كلهم -heavy & soft- لخمس أنواع و عملت دراسة كل نوع بيتـshare قد ايه في الوقت الفلاني من السنة.

  • Capture

الـHow to دي اللي بتبيّن مشكلة معينة و حلها في خطوات.

الـLists باين من اسمها الـcontent اللي بيكون مترتبلك كذا نقطة ورا بعض زي اللي انت بتقرأها دي ^_^

الـwhat posts بيقولك معلومات عن موضوع مُعين و مواضيع تتقارن بيه علشان تعرف الفرق.

الـwhy posts شرحُه ، يعني بيعرفَك الحاجة الفُلانية بتحصل ليه أو المفروض تعمله ليه .

الـvideos و دي مش محتاجة 🙂

الحِنكة فين؟

الحِنكة مش فى انك تعرف أهمية الـsocial networks بس ، لأ الحِنكة فى انك تعرف تستغلها صح و فى كل حاجة. تقدر تعتبرها كده “الشارع” بس online 😉 يعني المكان اللى فيه كل الناس بأشكالها و تصرفاتها المختلفة ، فلَك ان تتخيل بقى مكان واسع كده ممكن تِجمّع فيه الناس اللي انت عايز تكلمهم كلهم و في نفس الوقت!!!

لو بتكتب social content قولِنا بتعمل ايه غير الحاجات دي؟

Eman Shaikoun

   

من الصفر Lead nurturing الـ

من الصفر Lead nurturing الـ

من الصفر Lead nurturing الـ

لو جينا نفتكر مع بعض الـ inbound methodology والأربع مراحل اللى فيها زى اللى فى الصورة دي :

methodology-highlighted-1-2-3-4

هنلاقي أن كل طريقة ليها هدف أنها تنقل الـClient من مرحلة للى بعدها ، زى مثلا هدف الـAttract Stage أنها تجذب الشخص اللى ميعرفش عنى حاجة “stranger” لـشخص بيزور الـWeb site بتاعك أو الـ Fanpage بتاعتك “Visitor” ، وعشان احول الشخص من مرحلة لمرحلة ، لازم اعمل حاجتين أساسيتن:

  • الـ tactic اللى هعملها عشان اتنقل من مرحلة للى بعدها
  • الـ tools اللى أنا هستخدمها عشان انفذ بيها الTactic ده ..

مثلاً .. فى مرحلة الـ attraction الـ tools اللى هستخدمها الـ social media أو blog … هستخدمها إزاي هو ده الـ tactic .. !

*فى الـblog هعمل Educational Content محترم يفيد الناس وفى نفس الوقت يعلّى Rank الweb site بتاعى فى الـseo.

*الـ social media هعمل viral content يجذب الناس بهدف إنى ابني الـ community بتاعتي.

طب ده ايه علاقته بموضوع الـ(lead nurturing (L.N ؟!

الـ L.N عادة بيظهر في مرحلة الـ closing وبيعتبر هو الـ tactic اللى بستخدمه عشان أبدأ احول الـ leads بتوعى لـcustomers .. الـ tools اللى بستخدمها عشان انفذ الـ tactic ده هو الـ email ، بعد الـ Article ده المفروض تكون عرفت :

  • ايه هو الـ L.N ؟!
  • وليه الـ Email هى أكتر الـ tools اللى فعالة ليه ؟!
  • إيه اللى المفروض اعمله قبل ما أكتب الـcontent أو بمعنى أصح عشان أعرف اكتبه اصلا ؟!
  • شكل الـ content فى الـ email بيكون عامل إزاى وايه الحاجات اللى لازم تبقى فيه .
  • وفي النهاية إيه الـ metrics اللى بقيس بيها نجاح الـ campaign بتاعتى .. كل ده هتكون عارفه بعد ما تقرأ الـ article دى أن شاء الله:)

________________________________________________

يعنى إيه lead nurturing ؟!

عرفنا من شوية أن L.N هو الـ Tactic اللي بستخدمه عشان احول الـlead اللي عندى لـcustomer .. ايه هو الtactic ده بقى؟!
هو أن أنا ببعتله email كهدية فيها معلومات لما يقراها هيستفاد منها .. هتفيده من حيث ايه ؟؟

هتفيده بشكل عام أو هتفيده في وظيفته أو في الشركة بتاعته أو هتحل مشكلة عنده متعلقة بالمجال بتاعك ، بس كل ده هتعمله من غير مايبقى هدفك الأساسى أنك بتبيعله .. أنت هدفك انك تفيده وبس.

البيع هيجي بس مش دلوقتي ، لأن مش كل الـ leads جاهزين يشتروا ، والهدف من الـ L.N إنك تكون على اتصال بيهم وقريب منهم مش إنك تعرض منتجاتك ليهم .. امال إزاى هحولهم لـcustomer طالما مش هعرض عليهم منتجاتى؟!

أنت فى الـL.N بتجهزهم انهم يبقوا qualified ليك وللمنتج بتاعك وبتمهد لهم عملية البيع عشان ميحسوش إنك بتتمصلح عليهم ,, ماهو مهما كانت الشركة كبيرة وبتبيع منتجات بـquality عالية ، لو الـ customer أو الـbuyer حسوا أن أنت أهم حاجة عندك هى الربح مش هييجوا عندك تاني ، رغم أن من حقك تفكر في أرباحك ، بس الفكرة إنك تخليهم هما فى المقام الأول.

اهو المبدأ ده بقى لما بنيجي نطبقه فى الـinbound بيبقى اسمه الـL.N . و الموضوع بيبقى value بتضيفها بتأثر فيه وبتخلي علاقته بيك قوية ، عشان بعد كده يبقى عندك permission انك تبعتله الـsale mail ، وساعتها هياخدوا فى عين الإعتبار و مش هيعتبروا spam. وهنتكلم عن الـ Inbound Sales فيما بعد.

ليه اعمل L.N بالEmail :

بغض النظر عن أن الـemail تعتبر effective tool فى الـmarketing عموماً ، وده لأن فى حوالي 77% من الـConsumer بيفضلوا أن الشركات تسوق ليهم من خلاله. وبالتالي هنلاقي أن الـ ROI بتاع الـ Email marketing حوالي 4,300% لسنة 2013 بس .

يبقى وصلنا لأن الـemail برده يعتبر tool أساسية لما أعوز اعمل L.N للأسباب دي :

1: لأن الناس بتفتح وقت ما هي عايزة وبكده هضمن أن أنا مش هزعجهم أوهيحسوا أن أنا بكلمهم فى وقت مش مناسب ، يعني برده هستنى منهم الـ permission فى أنهم يفتحوا الـ email بتاعي ويقرروا يقروه.

2- تعتبر Archivable يعني لما أبعت سلسلة من الـ Email هيستفادوا ساعتها وممكن يرجعولها فى أى وقت .

3-بيديني مساحة أنى اقدم الـcontent اللى أنا عايزاه أيا كان نوعه article, video, photo.

إزاى أكتب content فى الـL.N ؟!

في ناس بتلاقي صعوبة فى كتابة الـcontent بشكل عام ، وناس تانية فاهمة أن المفروض أكتب عشان أكتب .. وده غلط! الـContent تعتبر رسالة عايز توصلها للناس اللي أنت محددهم عشان تفيدهم لأن ده هيخدم الـ Objective بتاعك ، يعني لو الobjective بتاعك تكون أحسن واحد فى الإقتصاد فالناس هتقرر منين أن أنت أحسن واحد في الإقتصاد غير لما تقدملهم حاجة تفيدهم وتساعدهم في شغلهم !

وعشان توصل الرسالة بتاعتك صح ، يبقى خليها فى سياق مناسب يجذبهم أنهم يستقبلوا الرسالة بتاعتك دى (Context) ، عشان كدة أنا بعتبر الcontent والـ context وجهان لعملة واحدة اتفاقهم مع بعض بيحقق الobjective بتاعي !
لو اخدنا الكلام اللي فوق ده وطبقناه على الـ L.N يبقى لازم ناخد فى اعتبارنا شوية حاجات قبل ما نكتب أى content !

4 حاجات محتاج تعرفهم قبل ماتكتب الL.N content

  • ايه الهدف بتاعك ؟

    أنت لما بتيجى تعمل L.N بتعمله عشان حاجة من الثلاثة :
    1-عشان عندك leads عايز تعمل لهم Rewake
    2- أو إنك عايز تخليهم MQL
    3- هما بالفعل MQL بس محتاجين يبقوا SQL.

    لو اخترت واحد من الثلاتة دول بناءا عليه ـنت هتعرف تكتب ايه ليهم …

  • مين الـ buyer persona ؟

    عشان اعرف أنا هكتب ايه لازم اعرف أنا هكتب لمين ؟ سبق قبل كدة واتكلمنا عن الـbuyer personas وازاى احددهم ، الـ buyer personas مهمة في أى مرحلة لأن ده يعتبر الـideal customer بتاعك ، عشان كدة لازم تبقى اول حاجة هحطها في بالى لما أجي اكتب content .

  • هما في أى مرحلة من الـBuyer Journey ؟!

    الـbuyer journey هي عبارة عن 3 مراحل بيمر بيها الـ customer قبل مايقرر يشتري المنتج منك أو من غيرك .. وطبعاً فى كل مرحلة أنت لازم تكون صديقه بس من غير ما يحس إنك عبأ عليه الـ3 مراحل هما :

    1-awareness : ودي بقى أول مرحلة وهي ان الـbuyer بيحس أن عنده مشكلة بتواجهه بس مش قادر يصنفها أو يلاقي لها اسم .. فهو في البداية اصلا مش عارف مشكلته ، فطبيعي مش مستني حد يعرضله منتج ما ويقوله أن ده هيحللك مشكلتك ! طب هو ايه ضمنه ان ده هيحل المشكلة بتاعتي؟!
    و بالتالى المرحلة ديه محتاجة أننا نكتب educational content بتعرّفه نوع مشكلته وبتديله حلول مبدأيا يطبقها وده عشان يعرف بالظبط هو ايه اللي بيعاني منه ونديله خطوة مبدأية لحل المشكلة بتاعته ,, وبكده هيبقى وصلت لحاجتين أنه بقى مطمن ليك نوعا ما ، وكمان هو عرف ايه مشكلته .. وده بينقلوا في مرحلة الConsideration

    2-الـconsideration: هو خلاص عرف اسم مشكلته وحالياً بيدور عندك وبيدورعند غيرك وبيعمل list بالأماكن اللى معاها الحلول .. وهنا ده بقى دورك أنت فى منافسة مع اللى حواليك. اللي هيفرق بينك وبين غيرك الـ Authority والـ content بتاعك ، أنت المفروض تبدأ تزود الـ value عنده أكتر من كده عن طريق actionable content ، حاجات المفروض يعملها عشان يحسن من حالة المشكلة اللى عنده ، وكل ما كان التواصل معاه مستمر وفى سرعة فى الـ responding كل ماهتكون فى باله اكتر ,, وعلى أول قائمة الـ decisions

    3-الـdecision : ودى أخر مرحلة اللى العميل فيها بيقرر أنه هيشترى منك ، هو عرف مشكلته وعرف حلول ليها ، وهيبدأ فى الخطوات الفعلية لحل مشكلته اللى من ضمنها أنه يشترى المنتج بتاعك. بس عشان تقدر تساعده فى المرحلة دى كل اللى عليك تعمله انك تبعتله product demo أو case study عن ناس اشترت من عندك و نجحت بسببك .

  • تقسيم الـ data اللى معايا لـ segments :

    المفروض أن أنا معايا الـdata base بتاعة الـleads على كل LEAD GENERATION OFFER أنا قدمته ، و المفروض أن كل offer من ده كان لـbuyer persona معين .. اذن ده معناه ان الـdata base اللى معايا هى اسقاطات للـ buyer personas اللى عندى ، بس بشكل تفصيلى ومعلومات واضحة عنهم .
    طيب المفروض بقى الـdata base اللي معايا دي هتشقلب بيها واحولها لكذا segment وكل segment يبقى ليها كذا campaign. بس قبل مانعمل كده نسال نفسنا ليه ؟ عشان إجابة سؤال ليه .. هتخليك تعرف تعمله إزاى ؟

    أنا بعمل الsegmentation لسببين أساسيين :
    1- ازود معدل وصول الـ E-mails :
    المفروض كل سنة تعمل Filtration للناس اللة مش بتفتح ال،Emails بتاعتك و تفصلهم عن بقية الـLeads ومتبعتش ليهم تانى. طيب فيها ايه لو بعتلهم حتى لو مافتحوش ؟! وايه علاقة ده بزيادة الـDelivering Rate بتاعة الـ Email بتاعتى ؟!
    سواء gmail ولا yahoo ولا hotmail لما بيلاحظوا أن الشخص اللي بتبعت ليه مابيفتحش الـ Email بتاعك تلقائيا كده بيحطوك فى Spam folder بتاعه ، وبناء عليه ده بيخليهم يعلّموا عليك وأى Email أنت بتبعته بيتحط فى الـ Spam folder ، وبالتالي بيقلل نسبة وصولك للناس. عشان كدة لازم تعمل filtration وتحط الناس اللي مش بتتفاعل معاك في Segment لوحدها عشان متبعتلهمش تاني .

    2-أزود الـenagagement:
    كل ما كان الـlist بتاعتك specifics لناس معينة وبتمس احتياجاتهم ده معناه أنهم هيفتحوا الـ email بتاعك ، وهيستنوا بقية الـ emails اللى هتبعتها. الشطارة مش أنك تكتب Content يروح لأكبر عدد من الناس ، الفكرة أن أنت تعرف تقسم الناس اللى لو بعت ليهم الـ content ده هيعملوا Engagement معاه لأنه هيمسّهم زى مثلا (أنهم يدخلوا على الـ Links اللى جوه الـ mail ، أو يعملوا Forward ليه ، أو يردوا عليه )

    فة أمثلة كتير لـ Segmentation تقدر تقسم الناس على أساسها وتشوف هتبعت ليهم ايه .. من ضمن الأمثلة دى :

    * demographic list: وده معناه إنك هتقسم الناس على حسب المكان اللي عايشين فيه سواء كان بلد أو كانت منطقة أو مدينة .. ودى هتساعدك طبعاً لما تيجى تكتب الـcontent من حيث اللغة اللى هتكتبها ، لو فى events معينة هتحصل فى البلاد دى ، ثقافة المكان اللى جي منه ممكن من خلاله تعرف الـmentality بتاعتهم عاملة ازاى والـbehavior وده هيخليك تحدد الcontext بتاعك اكثر.

    * firmographic list: ودى معناها إنك هتقسم data اللى عندك على حسب حجم الشركات اللي بيشتغلوا فيها والـindustry بتاعتهم

    * role list: ودى بقى بقسم كل واحد على حسب الوظيفة اللي بيشتغل بيها والـdepartment اللى بيشتغل فيه فى الشركة .

    *behavioural list : ودى بقى الـdata بتتقسم على حسب الـ behaviour بتاع الناس من حيث بيفتحوا الـemail بتاعك كام مرة ، بيردوا وبيتفاعلوا مع اللى أنت بتبعتوا ليهم ولا لأ.

    *customize segment : طبعاً متاح ليك جدا انك تعمل mix ما بين الأربعة دول يعني تحضر Campaign لناس ساكنة في مكان معين ليهم وظيفة معينة بحجم شركة معين وليهم behaviour معين في استخدام الـ Email.


الأربع حاجات دول الـgoals والـbuyer persona’s والـbuyer journey والـ segmentation لو قدرت تحددهم صح .. هتقدر تعرف هتكتب ايه أوازاى؟!طيب لو فرضنا إننا دلوقتى معانا فكرة الـ POC اللى هنكتب فيها وهنقوّم عليها الـCampaign ، المفروض يبقى شكلها ازاى وهتطلع بأى إخراج عشان تحقق الـtarget المطلوب منها .. هنا يجى دور انك تعرف الـcontent اللى هتبعته فى الـemail يبقى شكله إزاى ومحتاج ايه .

شكل الإيميل عامل إزاى ؟! :

  • الـheadline:

    من الضرورى إن الـ Headline يكون Attractive لاحظ أنت بتبعت ايميل لواحد بيجيله في المتوسط 30 email فى اليوم ، وهوبيعمل check للـemails بتاعته فى نص ساعة قول ساعة بالكتير . بس يعني لازم تشد انتباهه بالعنوان اللي بتكتبهوله اللى يحس من خلاله أن لازم ودلوقتي حالاً انه يفتحه .. لازم كمان يكون الـ headline زى ماهو Attractive يكون related بالـ content المكتوب جواه .. لأن لو غير كدة هيبقى SPAM.

    Capture

  • متنساش الـpersonlize:

    الـemail عبارة عن واحد بيكلم واحد والهدف منه إن أديك حقك فى الإهتمام بيك وده يخليني اهتم جدا بحتة الـ personalization فى الآتى :

    -الـemail اللى أنا ببعته يكون شخصي مش بتاع شركة .. لأن في دراسة اتعملت أثبتت أن الـopen rate بتاعة الـpersonal email sender بتزيد بمعدل 3-5% عن email الشركات

    -التحية تبقى personal يعنى يتقال اسم الشخص اللى هبعتله ، لأن ده بيديله إحساس أن أنا عارفك وأن الـemail ده يخصك أنت .

    -الـcontent بتاعك كأني بكلم واحد فى مكتب ، مش بدي خطبة في جامع! .. هتزود الـpersonality ويا سلام بقى لو جبتلوا معلومة عنده وحسسته إنك متابعه زى مثلاً اتمنى أن كتاب “X” اللى أنت نزلته من يومين يكون عجبك والنهاردة أنا بعت لحضرتك form تسجل فيها لـ wibnar ليه علاقة بالكتاب ده.

    -الـpersonal Signature يعنى لازم تكون كاتب تحت اسمك ووظيفتك فى الشركة اللي شغال فيها دي هيحسسه بالثقة أكتر و أن مش ألة اللى بتكلمه .

    1

  • الـ content structure:

    الـcontent structure بتاعي يُفضّل يبقى bullet point أو بمعنى آخر ما يكونش فيها رغي كتير يعني جايب الزتونة من الأخر ، وبتدله على اللى هو عايزه على طول وبأسلوب واضح .. ممكن تبعتله links مقالات أو فيديو مع شرح مختصر عن محتواه ، المهم خد فى اعتبارك أنه مش فاضى ، وكون أن يديلك اربع دقايق من مجموع الوقت اللى بيقضيه على الـ E-mail ده في حد ذاته انجاز.

    فى ناس بتبقى واخدة permission من الناس أنهم يكتبوا emails طويلة ، بس بيكون عباقرة وليهم authority قوية جدا. زى مثلا Ramit Sethi .. أسلوبه الأساسي فى الكتابة هى الـ emails الطويلة ومع ذلك في ناس بتخصص وقت معين عشان تقرأ الـemails بتاعته. وده لأنه عرف يقفش sense الـ personalization ويقدملك الـ value اللى متوقعة منه .. أنا مفيش Email ليه غير لما بحس أنه بعته ليا مخصوص .. فطبيعي إن أنا هقراه ليه .

  • متنساش الـ CTA:

    أهم حاجة فى الـcta اللي أنت هتحطها تكون كالآتي :
    *واضحة من حيث الـtext والمكان اللة محطوطة فيه ، وكمان راعي وأنت بتكتب أن كلامك يبقى فيه action verbs زى اتعلم , اقرا الـ article دى , أو شوف الvideo ده ، وشيء أساسي انها تكون راقية مش share فى الخير.
    *تكون منطقية أن الشخص ده يعملها وفي نفس الوقت أنت تحسها عندك … يعني مش هكتب article عن إزاي تعمل strategy والـ CTA بتاعتك تقوله قوم اعمل Strategy . بس ممكن تكون الـ CTA دى “Download” لـ Template تساعده في الـ Strategy اللى هيعملها… ساعتها هتكون سهلة على الشخص أنه يعمل Download وملموسة ليك لأنك هتعرف بأى Software عندك الشخص اللى قرا استجاب للـ CTA ولا لأ

    *و أخيراً مش هوصيك طبعا أن الـ CTA بتاعتك تبقى ليها علاقة بالـ content اللى بتقدمه.

Bounce tip:

-خد فى اعتبارك انك تحط frequency مناسب ، وده بيتوقف على نوع الـcontent اللى أنت عامله والـbehaviour بتاع الـbuyer persona بتاعك ، ونوع الـtopic اللى بتتكلم فيه ..

-ركز أوى على حتة الـ personalization يعني خد بالك فى الـcontext بتاعك أن أنت بتكلم شخص واحد ومش بس كده .. شخص واحد أنت عارفه معرفة عن ظهر قلب ..

إيه الـmetrics اللي بقيس بيها نجاح الcampaign بتاعتي؟

اهم اربعة metrics أنت المفروض تعرفهم:

  • open Rate
  • delivery rate
  • open internal Url
  • Click through rate

وفى tools كتيرة بتقيس الـ performance بتاع الـ email campaign بتاعتك ممكن تستخدمها زى Mailchimp أو Activecampaign

ماذا بعد الـ lead nurturing ؟!

دلوقتي بعدماعرفنا معلومات أكتر وبشكل تفصيلي على الـ lead nurturing تقدر دلوقتي تعمل content للـ leads بتوعك ..عشان تقوى علاقتك بيهم . وكدة تبقى قطعت شوط كبير في مرحلة الـ Closing بس ناقصلك جزء بسيط عشان توصل لمرحلة إن أنت بتعمل Close Deal للـ Sales qualified leads بتوعك .. و ده عن طريق إنك بتظبط الـ sales mail تبعته في الوقت اللي بيوصل فيه الـ lead لـ Score معين إنت حاطه ليه . والـScore ده بيكون بناءا على اتفاق بينك وبين الـSales team .

الأربع سطور الأخيرة دى هنتكلم عنها بالتفصيل .. في الجزء التانى من الـarticle .

ولو بتستخدموا الEmail marketing ايه الـtools اللى بتستخدموها دلوقتى ؟!

Sara Gad

عندى بكام؟ Ads الـ Budget اعمِل

عندى بكام؟ Ads الـ Budget اعمِل

اعمل budget الـAds عندى بكام ؟

اجابه على السؤال الأزلى .. هو انا المفروض اعمل Budget الـAds عندى كام ؟ أو هو الـFacebook هيسحب منى فلوس قد ايه ؟؟

بدايه أنت اللى بتحدد الـbudget بتاعة الـAds بتاعتك فى اليوم . لكن الفكرة الـbudget دى هتوصلنى لنتايج قد ايه ؟!! أو فى طريقة المحاسبة هيحاسبنى ازاى سواء بقى بيحاسبك على الـImpressions او الـClicks أو غيره .. فى عوامل كتيره مؤثرة هنتكلم فيها فى النقاط الجاية دى :

حجم المنافسة على نفس الـAudience :

الـAds على الـFacebook عاملة زى المزاد ، بيكون فى مجموعة من الـAdvertisers عاوزين يوصلوا لمجموعات من الناس بصفات أو Interests معينة. و كل ما كان مجموعة معينة من الناس عليها طلب أكتر كل ما كان سعرهم بالنسبة للـFacebook أعلى لأن عليهم منافسة ، و ده يودينا لجزئين:

* إنك تحاول توصل لمجموعة من الناس مناسبين للـbusiness بتاعك و فى نفس الوقت مش عليهم منافسة عالية – و دى هتبقى أنت و شطارتك و خبرتك – طيب و لو معرفتش أوصلهم هعمل ايه ؟؟

*حاول “متسترخصش” فتروح تجيب ناس ميعتبروش Ideal buyer persona  ، لأن دول مع المستقبل هيتحولوا عدد على الفاضى ، و هما نفسهم هيجيبولك ناس تانية برضه مش Targeted ليك! حتى لو عملية الـAttraction ليهم كانت ببلاش !

حته فلسفية: دلوقتى لما اجى اعمل Targeting لمجموعة ناس فى “الإمارات مثلا” طبيعى هتبقى الـPrice بتاعة الـ ads أعلى من إنى اعمل targeting لناس فى “السعودية” .. ليه بقى ؟!
ركزوا ف الحتة دى..

الـAudience فى الإمارات سعرهم أعلى من الـAudience فى مصر . مقصدش هنا أن دول حلوين و دول وحشين لكن اقصد أننا ممكن نقول المستوى المعيشى فى العموم متطور أكتر ، وبالتالى قراراتهم فى الشراء أسهل و محددة أكتر يعنى صعب حد يملى Form لحاجة هو فعلياً مش هيشتريها!
بالتالى هنا الـBehaviour بتاع الـ Customers فى الإمارات يخليهم more targeted من الـ advertisers عن الـ Customers فى مصر  “لأنهم محددين هما عاوزين ايه بالزبط و بياخدوا قرارات شراء حقيقية” وده هيخلق منافسة عليهم أكبر ، و بالتالى سعر الـ ads اللى عاملالهم Targeting أكيد هيبقى أعلى!

2- Quality targeted-Content:

الـContent بتاعك على الـSocial media غير أنه “العربية” اللى بتمشى بيها هو برضه واحد من العوامل الأساسية اللى هتجيبلك الـaudience الصح … الموضوع ببساطة ليه جزئين :

  • هتعمل Content حلو هيبقى الـCTR عالى – الـCTR هو نسبة الناس اللى داسوا على الإعلان إلى نسبة الناس اللى شافته-  و هيكون محاسبتك على الـBid (بسبب أن الــCTR عالى) سواء كانت على الـClicks أو الـImpressions أقل بكتير

  • هتعمل Content حلو و Targeted و بيكلم الـBuyer persona الصح هتقدر تبنى community حقيقى أما لو Content حلو لكن مش بيكلم الـBuyer persona الصح يبقى هيجيبلك الناس الغلط . الناس الغلط هيبقوا كتير و شكلهم حلو لكن مش هيبنولك Business حقيقي يعيش معاك 20-30 سنة قدام.

3- طريقه المحاسبة :

الطريقة اللى الـFacebook بيحاسبك بيها -واللى بيكونلك دور أنت كمان فى اختيارها- بتحددلك أنت بتوفر فلوسك ولا أنت بترميها على الأرض ! يعنى مثلاً لو عامل إعلان على Piece of content بييجي عليها Engagement كتير و قلتله يحاسبك على الـEngagement يبقى أنت الخسران لكن لو اختارت الـ Impressions كنت هتوفر كتير.

هى فى الأخر لعبة و بتلعبها ، و مع التجربة هتفهمها و هتقدر تنفذها بنفسك 😉

النصيحة الأخيرة :

مفيش حد عارف أنت المفروض تدفع كام  فى الـCampaign أو فى الـClick  أو فى الـ Conversion ، لأن الموضوع مبني علي مبدأ “Poke The Box” يعنى نخرب و شوف هيطلعلك ايه و بناء عليه تحدد الخطوة اللى بعديها … ايوه عن الـA/B Testing أتحدث ، اقرا في الموضوع ده كتير و استنى مننا content في الموضوع ده قريب

ايوه برضه معرفتش اصرف كام 😀

بص يا سيدي شوف الـResources اللي معاك قد ايه و شوف كام فى المية منها رايحة للـAds .. وليكن 10,000 جنيه ، خد 10/15% من الـBudget دة و ابتدي اصرفها على الـTesting بتاعك اللي المفروض يعرفك:

*مين اكتر Audience بيجبلك نتايج كويسة

*سعر الـCPM أو الـCPC (طبعا بيكون range عشان ده مزاد يا فندم يعني بيتغير من وقت للتانى)

*أحسن type of content بيجبلك نتايج

*أكتر topic بيشد الTarget Audience بتاعك

*و أخيراً ايه هي الـ Visual Effects اللى بتجذبهم ليك

أخر حاجه بقى صاحب الـFans بتوعك و متحاولش تمصلح من وراهم  ، لأن مش صعبه إنك تجيب Customer يشترى منك و خلاص. اللى فعلاً صعب إنك تخليه يقتنع انك فعلاً صاحبه و ده مش هيحصل إلا لو أنت فعلاً كده ،  و لو ده حصل أنت بعدها مبتبقاش محتاج تعمل Ads كتير .. صحابك هيعملولك Ads ببلاش 🙂

مشاكل الـAds اللى بتقابلك أكيد لسه كتير، قولنا ايه أكتر حاجة بتقف قدامك ؟!

 

Fayrouz Al-Qutt

كريزة شغلك Brand Identityالـ

كريزة شغلك Brand Identityالـ

ازاى احافظ علي الـ brand identity على الـ social media

جربت مرة تخرج مع صحابك و تروحوا كافيه وتطلب Cup cake و بعد ما تخلصها حد يسألك رأيك ايه ؟! فتقوله و الله حلوة جداً بس ناقصها الكريزاية اللى فوق فنص حلاوتها ضايعة 😀 ، هو ده بالظبط اللى بيحصل لما تكون شغال فى Business و الـ Content بتاعك حلو جداً بس ناقصه الـ Touch الأخير و أنت بتقدمه للناس ! .. اللى هو ايه ؟!
أكيد طبعاً الـ Design ، وعشان الـ Design ده يبقى مش مجرد رسمة و خلاص بتنزلها على كل Piece of content لازم يبقى ضمن Brand identityواضحة عشان تديلك Value أعلى!

ايه هى الـ Brand Identity ؟!

فى حياة كل واحد مننا مجموعة من الأشخاص مرتبطين فى عقله الباطن بمجموعة من التصرفات و الـ Emotions اللى بتميزه عن غيره. بمعنى أن أكيد كل واحد تعرفه أنت بتقدر تميزه من شكله ، من طريقة كلامه ، من طريقة لبسه ، حتى ممكن من نوع الـ Perfume بتاعه .. نفس الكلام بالظبط ينطبق على الـ Brand Identity ، كل Brand بنتعامل معاها أكيد مرتبطة فى عقلنا الباطن بشوية حاجات بمجرد ما تشوفها تلقائيا هتفتكر فى الـ Brand حتى لو مشوفتش الإسم أو الـ Logo

طيب لو شوفنا اعلان Mercedes ده

mercedes-a-class

ايه أول احساس وصلك ؟

اكيد من الحاجات اللى حسيت بيها أن الـ brand دى بتبيع عربيات بتمتاز بالفخامة و الرفاهية و ده لأن mercedes بتشتغل على أنها توصل الـ message و الـ vision بتاعتها بطريقة واضحة ، و ده ابتداءً من اللوجو لللإعلانات حتى تصميم العربية نفسه .

يعني لو تخيلنا الـ brand كشخص فممكن نقول أن مثلاً الـ logo هو وجه بتاع الشخص ، و الـ brand identity هي الـ traits بتاعته بمعنى مثلا ازاي بيلبس ، وايه الألوان اللى بيحبها و بتعبر عنه ، كمان ايه الطريقة اللي بيكلم بيها و يا تري بيتكلم بلهجة ابن بلد أو مثلاً نص كلامه English والنص عربي أو كلامه أغلبه مصطلحات علمية ، كمان ايه الصفات اللى بتميزه عن أى شخص تاني مثلاً .. friendly , خدوم , طفولى أو classic , مطرقع أو عملى .. فالبالتالي أول لما تيجي أى صفة من الصفات دى في بالك بتفكر فى الشخص ده أول حاجة ، ده بالظبط اللي بتقدموا الـ brand identity للـ brand بتاعتك!

فعلى سبيل المثال أكيد لو حد سألك ايه أجمل mobile أو Laptop ممكن أشتريه أكيد هتجاوبه من غير ما تفكر .. Apple !

apple

ده جه منين ؟!
الحقيقة أن ده مجاش بالصدفة و لا عشان هما دافعنلك فلوس 😀 بس ده لأن حتى لو أنت عمرك ما استخدمت Product من بتوع Apple إلا أنهم نجحوا انهم يوصلولك الـ message بتاعتهم و هى أن الـ Products بتاعتهم جميلة “بالفطرة” ، كفاية لونها الأبيض و الـ Logo والإنسيابية اللى فيها ^_^

يبقي الـ brand identity هي الصورة بتاعة الـ Brand اللي بتقدر ترسمها فى دماغ الـ Fans بتوعها واللى بتظهر فى الـ logo ، الـ business card ، الـ brand voice , الموسيقي و الألوان , وحتى الـ Uniform


طيب ازاى اطبق الكلام ده على الـ Social networks بتاعة الـ brand ؟

ممكن نتكلم في كل جزئيه علي حدي :

* الألوان :

الألوان هى واحدة من أهم العوامل اللي بتحافظ على الـ brand identity و بتساعد ال customer انه يفتكر الـ brand بتاعتي بسهولة .. عشان كده لازم اختياري للألوان بتاعة الـ brand تكون معبرة اوى و متوافقة مع الـ message بتاعتى . يعني لو حبينا نتكلم عن ألوان MC Donald’s ، أكيد أنت أول لما بتشوف اللونين الأحمر و الأصفر للوجو بتعرف ن ده ماكندونالدز و تربطه دايماً بالسعادة أو بالـ happy meal ، ده سببه أن ماكدونالدز لما حط الـ color choices ليه اختار أكتر لونين بيدوا بهجة و سعادة و فى نفس الوقت بيفتحوا الشهية و بيحسسوك أن هو بيكلم دايماً الـ youth وبالتالى مع الوقت الناس فعلاً ربطت الألون دى بالـ brand بتاعته زى ما حصل معاك!

mc

>الخلاصة:

حاول تستخدم palette ألوان واحدة فيها ألوان الـ logo ، اللى أنت اكيد اخترتها عشان شايف انها بتكمل الـ message بتاعتك. كمان ممكن تثبت من 2 لـ 3 ألوان تكميلية – على حسب ما أنت شايف انه يخدم الـ brand – بس خلى بالك عشان الموضوع ما يتحولش لفرح العمدة 😀
لو قدرت تثبت الألوان بحيث أن يكون ليهم نفس الـ Hex – نفس درجة اللون – فى كل التصميمات بتاعتك ، ده هيساعد الـ fans بتوعك أنهم يتعرفوا عليك بسهولة مع الوقت.

الـ fonts :

مهم جدا أن قبل لما استخدم font احاول أشوف الـ font بيقولى ايه ؟! بمعنى أن كل font فى الدنيا ليه شخصية مختلفة عن غيره و بالتالي لازم اخد بالي أن استخدم كل font فى محله. ايه معني الكلام ده ؟!

لو جيت اتكلم عن brand زى Gillette ، فبما أنها تعتبر Brand for males فأكيد لازم يكون فى حاجات معينة تميزها عشان تبقى attractive للـ Males خصوصاً ، من ضمن الحاجات دى أنه استخدم Font عريض و سمك واحد عشان يدى إحساس بالثقة و القوة ، كمان هنا الـ Font معمول Italic عشان يدى إحساس بالسرعة .

على العكس لو بصينا لـ brand زى Dove اللي بيستهدف الـ females هتلاقى أن الـlogo عكس Gillette .. هتلاقيه مدى ايحاء أنه مكتوب بخط ايد سلس و مرن و راقى ، خط متدلع يعني عشان يجذب ال females ليه 😀

dove vs gillette

تخيل معايا بقى لو كانوا بدلو الـ fonts كانوا هيدو نفس الإحساس ؟!!

dove vs gillette 2

” طبعا ده مش الـ Fonts الأصليه للـ Brands بس حاولت اجيب حاجه تبعت نفس الـMessage 🙂 “

معني الكلام ده أنى أنا محتاج احافظ على font معين للـ brand بتاعى فى التصميمات بشكل يخدم الـ vision بتاعتي .. أنا من تجربتي الشخصيه شايفة أن أنت ممكن تثبت font للـ body بتاعك و واحد للـ sub title وممكن لو حابب تثبت Font تالت للـ titles ، أو تعمل حاجة customized شوية بس تبعت نفس الـ message 😉

الـ template :

على الـ social media لازم أحاول أكوِن لنفسي style معين اعمل بيه كل الـ Designs بتاعتي بحيث أن الناس تعرف أن التصميم ده بتاعى من غير حتي ما تحتاج تبص على الـ Logo .
ممكن أحقق ده طبعاً بأن اثبت أكتر من template على حسب نوع الـ contents اللى بقدمها ، يعني لو بقدم tips ممكن أحاول اعملها template معينة خاص بها ، بس خلى بالك عشان الـ fans على الـ social media بتزهق بسرعة حتى لو هتعمل تصميم ثابت لكل نوع من الـ content عندك .. حاول تغير فيه حاجة بسيطة زى مثلاً توزيعة الالوان عشان الناس متزهقش!

unnamed (2)

على الرغم من بساطة التصميم الجاى ده بس قدر يحتفظ ب template ثابتة للنوع ده من الـ Content

> فى حاجة مهمة لازم تكون واخد بالك منها ، تصميمات الـ Sm مشابهة شوية لتصميمات الـ outdoors banners ، بمعني ايه ؟! أن الـ post بتاعك بيتشاف من وسط الـ newsfeed فبالتالي حاول أن الـ design يكون simple وفي نفس الوقت ملفت للنظر عشان يستفز الـ fans أنهم يقروا الـ post . قبل ما نخلص الجزء ده لازم تاخد بالك من كذا حاجة من كذا فى الـ Design تخدم الـ Brand Identity :

*حاول تقسيمه التصميمات (Design Layout) بتاعتك تكون متقاربه عشان ده برضو بيساعد ان fans تميزك اكتر و استخدم ال official sizes لل posts المختلفه.

*ادي الLogo بتاعك حقه بس ده مش معناه انك تكبره و تخليه واخد نص التصميم و لكن اهتم بيه شويه يعني ممكن تثبت مكان لل logo في التصميم عشان الناس تتعود عليه , ممكن أنك تستخدم الـLogo بمقاس ثابت اللي هو اصغر مقاس ممكن يتحط و يكون واضح.

*مينفعش اللوجو يكون لازق في كلمه او object حاول ان يكون واضح للعين و حواليه safe space عشان ال fans تميزه .

المثال الجاى ده توضيحاً لـ 3 Design ليهم نفس الـ Template و مكان ثابت للوجو

Beanos

الصور :

لو بتستخدم صور في التصيمات بتاعتك حاول أنها تكون مميزة بمعنى إنك ممكن تثبت effect معين للصور بتاعتك أو لو بتعرض Product ممكن تثبت طريقة معينة لعرضه ، ده هيخلى الـ Fans بتوعك يتعرفوا عليك بسهولة أكتر ” حتي من غير أستخدام الـ Logo ” ، على سبيل المثال انتو بنفسكم أكيد عارفين الإعلانات ديه لـBrand ايه ؟!

unnamed (1)

نفس الكلام بالنسبة لـ nescafe لما حبت أنها توصّل للـ Fans أن Nescafe معاهم فى كل مكان ، فاستخدموا صور للمج اللى عليه الـ Logo فى أكتر من موقف فى الحياة اليومية زة ” المكتب – البيت – على الـبلاج ….الخ ” مع الإحتفاظ بتفس الـ Theme .

unnamed

أخيراً عايزة أقول نقطتين :

*النقطة الأولى أن الـ Brand identity مش هتقدر تثبتها فى دماغ الـ Fans من يوم و ليلة أكيد هتاخد وقت لحد ما فعلاً تثبتلهم أن الـ message اللى جوا الـلى فى الـ Designs بتاعتك حقيقية مش بس كلام !

*لو سألت احنا فى School of marketing بنعمل ايه ؟! احنا زى ما مبدأ عام عندنا أننا بنـ test فأكيد حتى الـ Design department مش بعيد عن الـ Concept ده ! 😀
اه عرفنا نوصل لقدر كبير من الثبات فى الـ Brand identity بتاعتنا لكن لسه بنـ test كتير وخصوصاً فى الـ Colors و أظن ده انتو ملاحظينه 😉

قولولنا بقى انتو ايه أكتر حاجة حابينها تتعدل فى الـ Brand identity بتاعنا ؟

 

Basma Maysara