ازاى تختار SEO Course فى مصر؟

ازاى تختار SEO Course فى مصر؟

ازاى تختار SEO Course فى مصر؟

بما إنك بتدور على SEO Course  فانت مدرك أهمية الشغلانة وعارف قد إيه هي مطلوبة اليومين دول فمش هطول عليك واتكلم في النقطة دي
بس قبل ما ابدأ عايز أأكد عليك انك مش هتلاقينا بنستخدم لفظ ” سيو ” او ” سيو بالعربي ” زي ما مكتوب كده
و ده لان الـBrand Voice بتاعنا مبني علي استخدام المصطلحات العلمية بلغتها الاساسيه (الانجليزي) و غير الـBrand Voice، تعريبك لمطلح زي سيو ممكن يكون ليه شوية اضرار زي مثلا انك لو كاتب انك متخصص سيو او واخد كورس سيو في الـCV بتاعك دي هتبقي علامة مش كويسه عند شركات كتير

بس طبعا إنك تقول كده فده مش أكبر مشاكلنا في المجال
المشكلة (المستمرة حتي وقتنا هذة 2012) هي إنك لو قررت تاخد SEO Course هتلاقي أماكن كتير تساعدك تعرف معلومات (معظمها موجود علي الانترنت) عن الـ SEO  مش تتعلم  SEO

و المعلومات حلوة مفيش كلام، بس مش عشان تشتغل في المجال لا،
هي حلوة عشان تعرف “تتكلم حلو عن المجال” وتحس انك فاهم وعارف بس على الجانب العملي وإيه التطور اللي حصل في شغلك أو لو انت لسه بتبدأ ايه الإنجاز اللي حققته ؟.. لسه ولا حاجة 🙃


في ال Article  دي هنعرفك جزء من أساسيات الـ SEO عشان متقعش في الحالة الأولى “ال Course يضرك” وتبقى فاهم ال Outline  بتاع ال Course  والمجال عموماً و عشان تبقي فاهم معاني المصطلحات اللي هتدور وراها بعد كده في مصادر تانية

وفي الاخر هنقولك لما تيجي تعمل search بـSEO Course in Egypt و يظهرلك شركات كتير ازاي تختار منهم “

هو يعنى إيه SEO ؟ 

 

هو اختصار لـSearch Engine Optimization, يعنى ايه برضه؟

الـSearch engine هو الموقع اللى ممكن تعمل عليه search عن أى حاجة زىGoogle كده أو Bing, والـOptimization يعنى إنك تحسن الـRank بتاعك, يعنى لو حد عمل search عن الـWebsite بتاعك تطلعله فى أول النتايج.

أهميته؟

مش أنت لما بتعوز تدور على أى حاجة, على طول بتجرى على google؟!

اهو 70% من الناس بتعمل كده, طيب ولما بتطلعلك النتايج, مش دايما بتدخل على اختيار من اول صفحه قدامك ؟ اهو 60% من الناس بتعمل كده برضه !

طب تخيل بقى لو أنت اللى بتطلع فى الـResults أول واحد لأى حد بيعمل search عن حاجة ليها علاقة بالـBusiness بتاعك .. أنت متخيل المكسب اد ايه؟!

عشان كده الـ SEO مهم جداً فى الأيام دى, خصوصاً .. إن كل يوم عدد الناس اللى بتستخدم الـInternet بيزيد عن اللى قبله!

وعشان تعرف تعمل optimization مش لازم تروح تاخد SEO Course *اه والله* بس لازم تعرف

 

الـSearch engine بيشتغل ازاى:

مبدأياً كده الـSearch engine عامل زى المكنة, يعنى لو فهمت بيشتغل ازاى هتعرف تطلع قماش ،(تـRank) يعنى,

أهم search Engine فى مصر و فى العالم عامة هو Google طبعاً, و زى ما أنت عارف أن Google أهميته ان أنت لما تسأله يعمل حاجتين:

1-يجيب النتيجة المرتبطة بسؤالك

2-يرتب النتيجة حَسب الأهمية, يعنى لو حاجة مكتوبة على ويكيبيديا أكيد هتبقى أهم من حاجة مكتوبة على Website تعبان

وده عشان يوفر وقتك و مجهودك, عايز يدلعك يعنى 😀

طب هو بيعمل ده ازاى؟!

الـInternet عامل زى شبكة مترو أنفاق, كلها منَفِدا علي بعض سواء بطريقة مباشرة او بطريقة غير مباشرة , وده عن طريق الـLinks اللى موجودة على كل Website,

Google بقي بيبتدي يستخدم الـLinks دي عشان يِتــنـَقِل من website لـWebsite

عن طريق أنه بيبعت الـCrawlers أو الـSpiders بتوعه لكل Website عشان يقروه و يفهموا بيتكلم عن ايه و يخزنوه فى الـDatabase بتاعتهم, عشان لما أى حد يعمل search يطّلعهاله بسرعة.

الـSpiders و الـCrawlers هُما حاجة واحدة, عُبارة عن Auto Robots, يعنى باختصار, هُما رجالة المعلم (google) اللى بيبعتهم السوق (الـinternet) عشان يجيبوله اخر الأخبار (links)

كده هو جاب الـResults, الخطوة التانية ازاى بقى بيرتبهم؟!

Google عباره عن System معقد جداً متكون من اكتر من 200 factor بيجتمعوا عشان يحددوا مين احق يظهر قبل مين, صعب جداً نحصر الـFactors دى هنا لكن هنتكلم عن اتجاهين (كل اتجاه متكون من Factors كتير) أساسين فى تحديد مين يـRank قبل مين:

A- مدى الـRelevance (قوة العلاقه ) بين  الـKeywords اللى أنت عملت بيها Search مع الـContent  اللى موجود في النتايج اللي عنده, يعنى لو (Content(X اتقيم علي انه Relevant اكتر للـKeywords اللى أنت عملت بيها Search أكتر من(Content (Y و محطوط بصوره طبيعية (من غير تحوير) و فى أماكن ليها تأثير على الUser, فاللى ترتيبه هيبقى الأول هو (Content (X

B- سُمعة الـWebsite علي الانترنت, يعنى الـwebsite ده الناس بتقول عليه ايه , عشان كل ما الناس كانت بتقول علية كلام احسن ده معناه أنه مهم وموثوق فيه, و ده طبعا الشرح الاستدلالي المبسط لكن Google بيقدر يحكم عليه بصورة دقيقة عن طريق كذا حاجة:

 

1-الـLink-Profile

ودى الـLinks اللى بتكون موجوده على Website معين و وموجهه ناحية الـWebsite بتاعك “هنشرحها تحت بالتفصيل”

2-الـContent Quality

ودى المعايير اللي بيها Google بيقيم بيها الـContent و قد ايه هو متوقع ان الـContent ده هيفيد الـUser

3-الـUser Experience

يعنى الـUser بيحس بايه لما بييجى الـWebsite بتاعك و بيتصرف ازاي و تصرفه ده بيدل علي ايه، هل انه اتعرّض لتجربة غنية و مفيدة و وصل للي هو عايزه ولا الأ

كده احنا عرفنا أهم الـFactors اللى على أساسها Google بيرتب الـResults, وعرفنا Google بيشتغل ازاى..

طب ازاى بقى نعمل Optimization؟!

لو حسنت الـFactors دى (A و B) يبقى أنا كده عملت Optimization بصورة مبدأية, يعنى ايه برضه؟!

مش احنا قولنا أن الـSearch engine عامل زى المكنة, يعنى لو فهمت بيشتغل ازاى هتعرف تطلع قماش, تـRank يعنى!

أنت عرفت ايه الحاجات اللى هو بيشتغل على أساسها, يبقى كل اللى هتعمله إنك توفرله الحاجات دى, و هو ده الـOptimization !

A- الـkeywords optimization:

احنا عرفنا ازاى لما حد بيعمل Search على حاجة, Google بيعرف مكانها

عن طريق أنه بيشوف الـKeywords اللى بتبقى موجودة فى الـquery أو السؤال, ويجيب الحاجات اللى فيها (أو بتدور حواليها) نفس الـKeywords من الـdatabase بتاعته,

عشان كده لازم تاخد بالك من اختيارك للـKWs لأنها العامل الرئيسى اللى هيحدد هتـRank فين و بالتالي مين اللي هيدخلك , و أكيد أكيد أكيد انت محتاج اللى يخش عندك الـWebsite يكون هو الشخص المثالي اللى جاهز يشترى منك

عشان توصل لده محتاج تعمل keyword research محترم و معمول بطريقة Professional عشان ميبقاش أول القصيده كفر

لو عايز تعرف ازاى تقدر تحدد الـKeywords دى, ممكن تدخل هنا

https://goo.gl/sVYmw7

أول مايبقى معاك الـKeywords list هتبتدى تستخدمهم في الاماكن اللي هقولهالك دي بس بطريقه منطقيه لما يكون ليهم لزمه مش لما تكون عايز تـRank و خلاص, يعني من الاخر متحشرهمش

Pages’ Titles:

وده عنوان الصفحة اللي الـ Search Engine بيقراه

URLs:

الـAddress بتاع كل page عندك

Descriptions:

وده الكلام اللى لما الناس تشوفه لازم يلفت نظرهم عشان يدخلوا عندك

الـContent:

فى Quote كده بيقول

“when it comes to SEO, content is king” ,

عارفين ليه Google كل شوية بيعمل updates جديدة زى Panda, Penguin و Hummingbird ؟!

طبعاً عارفين, عشان يحسن الـUser experience
“دانت تيجي تشرح الـ Course  بقى”!

يعنى لو أنت يا معلم كاتب Article طويل عريض وحاشر فيه الـKeywords بتاعتك(keywords stuffing), بغرض إن أنت تـRank بيه, أنا كـUser هتقفل و هحس أن فى حاجة غلط, وكمان Google هيقفش ده, و مش هيخليك تـRank, الـTechniques دى خلاص عفى عليها الزمن, يعنى عشان تـRank لازم تكتب Content قوى و مُحترم.

طب ايه الحاجات اللى بتقول لـGoogle أن ده Content مُحترم؟!

الـStructure بتاعك: استخدم Headings و Paragraphs, متخليش الكلام سايح على بعضه

الـBullets: يعنى تعمل Heading وتحتيه نُقط ورا بعض, زى ما أنا عامل كده

تقدم unique value: يعنى لما ادخل على الـArticle, الاقى كلام جديد, مش Copy paste, ساعتها هقعد اقرا و الـBounce rate هيقل

الـSemantic keywords: الجديد أن Google بقى يعرف السياق بتاع الكلام, يعنى لو أنا بتكلم عن الـ SEO , و Google لقى فى الـArticle كلمات زى Keywords, backlinks, updates, penguin, كل دى حاجات بتبينله أن أنا كاتب Content مُرتبط ببعضه, مش حاشر كلام و خلاص

الـLinks: اللى موجودة فى الـArticle اللى بتوضح بيها أكتر للى بيقرا, وكل ما كانت الـLinks رايحة على Websites ليها authority و related ليك, كل ما بقى أحسن, بس خلى بالك, 

فى الـAnchor text:

وده اسم اللينك اللى بيظهر للـusers جوه الـWebsite, بس خلى بالك من الـOver Optimization

فى الـAlt-tags بتاعت كل الصور:

ودى الـdiscription اللى بنقول بيها للـSearch engine أن هنا فى صورة بتتكلم عن كذا, عشان هو مش بيشوف , بيقرأ بس

يعنى لو أنا حاطط صورة على الـWebsite بتاعى ومكتبتش الـ(ALT TAG)

google مش هيقراها, فبالتالى مش هيطلعها فى الـsearch, زى كده:

مثال توضيحي من الـSEO Beginners Guide بتاع Moz

طبعا هييجى فى دماغك السؤال المشهور, هو أنا عشان اشتغل SEO لازم أبقى Developer؟؟

لأ, مش لازم خالص, الموضوع أبسط من كده, فى حاجة اسمها Content Management system, وده تقريبا 90% من الـWebsites بتستخدمه, وهو بيسمحلك أن أنت تدخل الـAlt tags بسهولة,

بتكتب فى الـAlternative Text الـTitle اللى انت عايز Google يقراه

يعنى مش اختراع, و أشهرها أنواع الـCMS هو الـWordPress ممكن تدخل عليه من هنا

B- الـFactors اللى بتأثر على الـReputation:

Pages’ Titles:

ودى بتخلى Google يحبك أوى 😀 عشان من كتر ما الـWebsite بتاعك كويس , الـWebsites التانية بتقول للـusers بتوعهم اطلعوا من عندى دلوقتى, وروحوا عند الراجل ده, عشان عنده كلام زى الفل 😉

طب ازاى تخلى website يحُط الـLink بتاعك عنده؟

فى Techniques كتير وهنتكلم عنها في Article تاني بالتفصيل و لحد ما نعمل كده تقدر تقرا عن الموضوع من الـGuide بتاع MOZ

,

الـContent:

هدف Google الرئيسي انه يوصل الـUser بتاعه للي هو بيدور علي، و عشان ده يحصل بيبدأ Google يركز مع مدي تعمق الـContent اللي موجود في Page معينة عشان يبقي ضامن انه شامل كفاية انه يبقي مغطي اي تسائل هيجي في دماغ الـUser ليه علاقه بالموضوع الاساسي، 

عوامل كتير بيستخدمها Google عشان يحدد الـContent Quality زي حجم الـContent و الـSubtopics اللي هو مغطيها و الوقت المستغرق في استهلاك الـContent ده 

طيب المطلوب هنا ايه؟ 

المطلوب اننا نشوف الـKWs اللي احنا عايزين نـRank فيها و نقيم الـContent اللي مـRank بالفعل , و نروح نعمل اضعاف الـQuality الموجودة

لو بس حققت الشرط ده انت هتبقي 

الـUser experience:

خلينا نتفق أن أنت عمرك ما هتدخل Website ومايعجبكش وهترجع تدخله تانى, يعنى من الأخر لازم الـWebsite يعجبك, طب ايه أول حاجة بتلفت نظرك لما تدخل أى Website؟

صح .. الـ design بتاعه , الصور اللى فيه , تناسق الألوان وانك تبقى فاهم الدنيا ماشية ازاى جواه (user friendly) يعنى, و انه مش بطئ لأن الدنيا اقصر بكتير من انك تستني Website يـLoad

والأهم من ده كله إنك تلاقى اللى كنت بتدور عليه, يعنى لو كنت بتدور على معلومة, تلاقيها موجودة بشكل مبسط تقدر تفهمه, ولو فهمت, هتحبه أوى وهترجع تتعلم منه تانى , ومش بعيد تخليه فى الـBookmarks, طبعا ده مش هيحصل إلا لو عندك Content مُحترم

و متنساش تاخد بالك من ترتيب الـContent, حاول تخلى اللى يدخل عندك ميبقاش تايه, يعنى تبقى الدنيا مُنظمة, وأعمل content يبقى related لبعضه, عشان تعمل

Internal linking Map ما بينهم لان ده برضه من الحاجات الأساسية اللى بتحسن الـRank, بمعنى أن ممكن تعمل article من 3 أجزاء, وتيجى فى تانى جزء تسيب Link لأول جزء, عشان لو محدش شافه يشوفه, وهكذا..(صورة مبسطه للـInternal Linking)

يعنى ببساطة لازم الـWebsite يكون بيقدم user experience بنت ناس!

كده احنا فهمنا يعنى ايه SEO , وايه أهم الـFactors اللى بتأثر فيه, وازاى أحسنها!

6 أجزاء مهمة تاخد بالك منهم في الـ SEO

1-الـContent creation:

كلنا عارفين ان الـContent هو اساس كل حاجة، واتكلمنا فى ازاى نعمله كتير، بس الـContent فى الـ SEO مختلف شوية عشان أنت بتعمل content المفروض يجاوب على السؤال اللى فى دماغ الراجل اللى بيعمل Search، وعشان تعمل ده محتاج تجاوب على 3 اسئلة:

1- الـUser بيدور على ايه؟

2-بيدور عليه ازاى؟

3-بيدور عليه ليه؟

وده طبعا بتعرف تعمله بعد ما بتفهم الـBuyer persona بتاعتك كويس وكمان بعد ما تعمل KW Research محترم،

بعد كده بتبدأ تعمل competitors analysis عشان تشوف المنافسة عاملة ازاى وايه اللى أنت محتاجه عشان تتغلب عليهم,

محتاج تركز فى 4 حاجات وأنت بتعمل analysis:

1-links profile

2-on-page optimization

3-quality of content

4-social media promotion

دلوقتى أنت معاك معلومات كفاية تخليك تبدأ تكتب الـContent بتاعك، بس لازم تفتكر الـHummingbird Update اللى Google عمله فى 2013 واللى بقى يخليه يفهم الـContext بتاع الكلام (عشان كده لازم الـKW Resaerch بتااعك يبقى Semantic)

طبعا مش محتاجنى اقولك الـContent بتاعك المفروض يبقى comprehensive قد ايه, عشان احنا بنحاول نجاوب السؤال اللى فى دماغ الـSearcher وده اللى الـSearch engine بيحاول يعمله اصلا

2-الـOn-page Optimization:

بعد ما تخلص الـContent بتاعك محتاج تقول لـGoogle الـContent ده بيتكلم عن ايه وده عن طريق:

 

1-الـTitle tag:

هتحاول تخلى الـKWs بتاعتك فى بداية الـTitle (مش حشر)عشان Google بيديها أهمية أكبر ومتخليهوش يزيد عن 57 حرف عشان مايتقطعش فى الـSERPs

2-الـMeta description:

و ده الإعلان اللى بيخلى الناس تـClick على الـLink بتاعك و طبعا الـCTR بيأثر فى الـRank بتاعك و متخلهوش اكتر من 160 حرف

3-الـURL:

حاول تخليه Descriptive عشان الناس لما تشوفه لوحده تعرف الـLink ده بيتكلم عن ايه و طبعا هتخليه Static مش Dynamic

4-الـHeadings:

استخدم الـKWs فى الـH1, H2, H3 ده غير ان الـHeadings بتريح اللى بيقرا

5-الـContent structure:

طبعا Google بقى يقدر يعرف اذا كان الـContent بتاعك Well structured ولا لأ، وده عن طريق الـBullets، الـHeadings، الـBold highlight

6-الـMeta Keywords:

اوعى تستخدمها.. Google مش بياخدها فى الاعتبار و الـCompetitors بتوعك هيعرفوا أنت مـTarget ايه

7-الـInternal linking:

غير أن هو داخل فى الـAlgorithem بشكل مباشر، الـinternal linking بيفيد الـUser وكمان هيزودلك الـSession Duration

8-الـAlt-tags:

اوعى تنساها عشان Google يعرف الصور دى بتتكلم عن ايه وعشان تحسن الـImages search بتاعك

9-الـMarkup data:

او الـStructured data ودى بنسخدمها عشان نقول لـGoogle الكلام ده بيتكلم عن ايه بالضبط، يعنى مثلا لو أنا كاتب عنوان فى الصفحة، هعَلِمه بـAdress markup عشان google يبقى فاهم أن ده عنوان و ممكن اعمل كده على كل حاجة وده بيخلى Google يطلع الـResults بـRich snippets بالشكل ده فى الـSERPs:

 

 structured data

و ممكن كمان تزود الـPrice، وكل ده هيزود الـCTR و وهيقوى الـBrand بتاعك،

-الـFacebook open-graph و Twitter cards:

دول برضه نوع من انواع الـMarkups اللى بتدى rich snippets للـContent اللى بتعمله share على Facebook و Twitter

FB open graph

-الـPublisher marker:

وده بيخلى صفحتك على G+ تظهر فى الـSearch results لما حد يعمل Search باسم الـBrand بتاعك


-الـSearch box:

ده من الحاجات اللى فعلا بتقوى الـBranding عشان لما حد بيعمل Search باسم الـBrand بتاعك بيظهر الـSearch box بتاع موقعك جوه الـSearch results

search box

فى 3 طرق عشان تحُط الـMarkups:

ممكن manually عن طريق أن أنت تحط الـCode بايدك بس لازم تكون بتفهم فى الـCoding، أو عندك -developer

وممكن تستخدم Google webmaster tools (بس مش بينفع لكل الـMarkups)-

-و فى plugins ممكن تعملهالك زى Schema Creator

3-الـLink earning:

الـLinks هى البوابات اللى Google بيعرف يتنقل منها بين المواقع عشان يعملهم Indexing وكمان هى جزء كبير من الـAlgorithm بتاع Google عشان كل ما كان فى ناس كتير بتشاور عليك كل ما ده كان معناه انك مهم و الناس بتحبك، وعشان كده اللى كان بيبقى عنده اكبر عدد من الـBanklinks كان هو اكتر حد بيـRank، بس طبعا الـWebmasters كانوا فاهمين ده وابتدوا ينشروا الـLinks بتاعتهم فى كل حتة بشكل Spammy، يعنى يروحوا لاى Forum ملوش اى علاقة بيهم ومفيش مشكلة انه يبقى روسى او صينى ويبتدوا ينزلوا الـLinks فى الـComments,

او يروحوا لأى Directory وينزلوا Articles عبارة عن links بس .. اى مكان موجود على الانترنت ينفع تكتب فيه Text كانوا بينزلوا فيه links وكل الـAnchor text بتاعهم كان بيبقى Exact match يعنى مفيهوش غير الـKWs اللى عايزين يـRankـوا فيها بس، طبعا ده ضرب الـUX بالجزمة عشان كده Google نزل الـPenguin فى 2011 و عاقب كل المواقع اللى بتعمل كده و 3.1% من مواقع الانترنت اتأثرت بالـUpdate ده، و للأسف فى لسه ناس بتعمل و بتعلم ده لحد دلوقتى، ومش عارفين أن الموضوع اتغير وأن بقت الـQuality أهم من الـQuantity، يعنى ممكن Link واحد = 100 Link، كل ما الـLink كان Related ليك ومن موقع ليها Authority عالية كل ماكان تأثيره أكبر عشان الـConcept اتغير من Link Building لـLink Earning .. يعنى أنت لازم تعمل اللى يخليك تكسب الـLinks بتاعتك، طب ده اعمله ازاى؟ فى طرق كتير و كلها معتمدة على الـContent زى:

-الـLinkable assets:

بس مش اى content.. لازم يكون Evergreen يعنى مش بيموت مع الوقت ويكون يبقدم Value عالية جدا عشان تخلى الناس تـLink ليك من نفسها حاجة مثلا زى دى

https://www.quicksprout.com/the-advanced-guide-to-seo/

الـGuide ده Neil Patel بيقول انه صرف عليه 40000 $ عشان يطلع بالشكل ده غير الوقت والمجهود طبعا، بس فى المقابل خد 1400 backlink من 526 domain

-الـGuest posting: يعنى انك تكتب Article فى Website يكون ليه علاقة بالـNiche بتاعك وتستعين بـResource من موقعك تكون Related للـArticle

  • -الـOutreach: بعد ما تخلص الـContent بتاعك بتحاول تخلى الـBloggers أو الـWebsites اللى ممكن تكون مهتمة بالـContent بتاعك يعملوا promotion ليه و طبعا عشان تعمل ده لازم تبنى معاهم Relationship الأول

4-الـCrawling والـAccessibility:

ده الجزء اللى بتقول فيه لـGoogle يتعامل مع الـWebsite بتاعك ازاي يعنى لو عندك pages مش عايز Google يعملها index بتستخدم الـMeta Robots فى انك بتقوله No index وده بتكتبه فى الـ robots.txt file ، و اصلا عشان Google يعمل Crawling كويس للـWebsite بتاعك محتاج تديله الـXML Map بتاعتك

ولو عندك Duplicate Content هيبقى لازم تعمل Canonicalization، وطبعا لو بتصلح حاجة فى صفحة معينة محتاج تستخدم Status code 503، ولو أنت نقلت صفحة معينة من مكانها لازم تعمل Redirect 301 أو 302 على حسب هترجعها تانى مكانها ولا لأ

ده غير أن أنت محتاج تخلى الـURLs بتاعتك Static مش dynamic، ولو عندك Dynamic URLs كتير محتاج تحسب الـROI اللى هييجى من الـRewriting يستاهل الـResources اللى هتضيع عليه ولا لأ، وأهم حاجة لازم تعرف كل الـBroken links اللى عندك و تغيرها

5-الـPage Speed:

طبعا كل ما موقعك كان سريع كل ما الـUser Experience هتبقى أحسن وده هيساعد الـRankings بتاعتك بشكل مباشر لأنه factor جوه الـAlgorithm وكمان هيقلل الـBounce rate، عشان كده محتاج تعرف ايه الـFactors اللى بتأثر على الـPage speed و تحسنها ازاى!

طبعا دى من أكتر الـTechnicalities اللى موجودة فى الـSEO، مش أنت اللى هتعمل الشغل ده بايدك بس لازم تبقى فاهم كويس جدا عشان توجه الـDeveloper اللى معاك، ودى بعض الـFactors اللى لازم تاخد بالك منها:

-الـcritical render path:

الـRender path هو ترتيب الحاجات اللى المفروض الـBrowser يحملها من الـWeb page زى مثلا الـJS files او الـCSS و الصور اللى موجودة فى الصفحة, طب ايه هو الـCritical؟

ده بقى الـFiles اللى المفروض يحملها بس بتاعت الـAbove the fold بس عشان الـbrowser يعمل rendering للصفحة بسرعة

-تقلل الـServer Response Time:

وده غالبا هيكلفك فلوس، بس لو خدت بالك من كل الـFactors التانية هيقل لوحده

-اعمل Leverage browser caching:

وده ببساطة أن أنت بتخلى الـBrowser يفتكر الـFiles بتاعتك اللى هو already حملها ، عشان مطولش عليك ده باقى الـChecklist اللى لازم تاخد بالك منها:

-Render Blocking Javascript

-Prioritize Visible Content

-Content Delivery Networks

-Optimize CSS Delivery

-Enable gzip compression

-Defer Loading Javascript

-Avoid Bad Requests

-Enable Keep Alive

-Avoid CSS @Import

-Minimize Redirects

– combine external javascript

-Mobile page speed

-Minify CSS

-Minimize DNS lookups

-Deferring Images

– use CSS sprites

-Inline small CSS

-Inline small javascript files

-Deferring Videos

-Defer popular javascript

6-الـ Mobile SEO:

فى 22 ابريل 2014 Google عمل Mobilegeddon) Update) وخلى الـ Mobile SEO يبقى Factor جوه الـAlgorithm، لأن ده طبعا بيحسن الـUX على الموبايلات و دى اكتر حاجة تهم Google,

عشان كده لازم تخلى بالك من الحاجات دى:

الـConfiguration method تبقى Responsive Design عشان بسيطة وGoogle بيـRecommend ده

حجم الـTap target و المساحات بينهم تبقى مناسبة للـUser

متستخدمش plugins عشان تظهر الـContent بتاعك، زى Adobe flash او microsoft silverlight لأن اغلب الموبايلات مش بتـSupport الـPlugins دى

متعملش اى blocking للـJava Script والـCSS لانGoogle لازم يشوفهم عشان يفهم الصفحة دى بتتكلم عن ايه

خلى حجم الـContent بتاعك مناسب للـViewport

كده انت خلصت هدف ال Article  الأول وهوا انك تعرف معلومات عن المجال

دلوقتي انت محتاج اجابة سؤال ازاي تختار SEO Course  في مصر
معظم المحتوى النظري زي ال Article  دي وغيرها كتير موجود  Free 

في مئات المواقع العربيه و الاجنبية 

المشكله بس ان المعلومات مبتعلمش (ده لو كانت Updated ما بالك لو لاً )
و بما ان المعلومات مبتعلمش يبقي انت محتاج حاجتين
1-Workflow

يعني تعرف ازاي الشغلانه بتتعمل في الحقيقة 

2-Mentorship 

يعني توجية عملي و انت بتنفذ اللي انت عرفته في الخطوة الاولي
دوّر على اللي ينفذ معاك  الخطوات دي عملي ويساعدك تحقق نتايج لأن الـ SEO مش صح يتعرف عنه معلومات وبس .. ، المعلومات مفيدة جداً إنها تحطك على أول الطريق، تفتحلك دماغك، تسهل عليك بحر خطوات الـ Optmization
لكن التنفيذ العملي هو الأهم وتطبيقه في البداية بمنهجية تنفيذ واضحة او مع متخصص هيسهل عليك خطوات كتير وهتطلع منه بخلاصة سنين خبرة كتير يقدر منها يخليك تستفيد بتجارب غير مباشرة، ده غير إن التطبيق العملي هيساعدك تفتكر كل الخطوات دايماً مهما زادت … بخلاف النظري طبعاً 

الخلاصة:

الـSEO من أكتر الحاجات الـDynamic فى الـMarketing ولازم تذاكر وتقرا كل يوم -حرفيا كل يوم- كل الجوانب اللى احنا اتكلمنا فيها دى هى بس الـBasics يعنى مادخلناش فى اى حاجة Advanced أو على الـStrategic level،

مش لازم تكون فهمت كل حاجة قولناها فوق لان الـArticle دى مش الغرض منها انها تشرحلك او تعلمك، الهدف الاساسى انك تعرف الاقسام و الاطار العام للـ SEO واللى المفروض اى SEO Course فى مصر أو أى حتة يكون بيوفرها وزي ما اتفقنا “يوفرها بشكل عملي” ،

 الحاجة اللى المفروض تكون طلعت بيها هى انك تكون عرفت ايه اللى انت محتاج تدور عليه و تتعمق فيه و تكون عرفت ايه الأسئلة اللى المفروض تسئلها وإيه الحاجات اللي محتاج تطبقها عملي في ال WORKSHOP مرة واتنين وأكتر لانك بالفعل قريت عنها و حاولت اكتر من مره مع نفسك و معرفتش هنا يجي وقت التدوير علي ـWorkshop…
لو عندك أي سؤال اكتبلنا Comment 
(عاملين Workshop  عملي عن الـ SEO  في School Of Marketing ؟ ) 

اسئلة شائعة لازم تركز فيها عشان تتأكد إنك فهمت الجزء اللي فوق 

1- ازاي جوجل بيرتب الـ Results؟

عن طريق حاجتين اساسيتين (و دي الاجابة المختصرة جداً جداً)

A- مدى الـRelevance (قوة العلاقه ) بين  الـKeywords اللى أنت عملت بيها Search مع الـContent  اللى موجود في النتايج اللي عنده,
B- سُمعة الـWebsite علي الانترنت, يعنى الـwebsite ده الناس بتقول عليه ايه , عشان كل ما الناس كانت بتقول علية كلام احسن ده معناه أنه مهم وموثوق فيه.

2-ايه الحاجات اللى بتقول لـGoogle أن ده Content مُحترم؟!

 

مدي تعمق الـContent

مدي تنوع الـContent 

الـStructure بتاعك: استخدم Headings و Paragraphs, متخليش الكلام سايح على بعضه

الـBullets: يعنى تعمل Heading وتحتيه نُقط ورا بعض, زى ما أنا عامل كده

تقدم unique value

الـSemantic keywords

الـLinks: اللى موجودة فى الـArticle اللى بتوضح بيها أكتر للى بيقرا, وكل ما كانت الـLinks رايحة على Websites ليها authority و related ليك, كل ما بقى أحسن

3-ايه أهم العوامل اللي اختار عليها كورس SEO ؟

عشان تختار كورس SEO اعمل search بـ SEO Course in Egypt 

و ادخل علي كل النتايج اللي في الصفحه الاولة و دور على حاجتين

-Workflow

يعني تعرف ازاي الشغلانه بتتعمل في الحقيقة 

2-Mentorship 

يعني توجية عملي و انت بتنفذ اللي انت عرفته في الخطوة الاولي
دوّر على اللي ينفذ معاك  الخطوات دي عملي ويساعدك تحقق نتايج لأن الـ SEO مش صح يتعرف عنه معلومات وبس .
لو لاقيت الحجتين دول في Course او Workshop اعرف انك احتمال كبير تلاقي فايده كبيرة هناك


اسئلة شائعة متركزش فيها

 هي معمولة عشان في ناس بتدور على موضوع ال Article  دي بطريقة مختلفة عن الـ Brand voice  بتاعنا عملنا الـ Section  ده عشان نجاوب اسئلتهم بنفس الطريقة اللي بيسألوا بيها عشان يبقي عندهم فرصه يتعرضوا للـContent  اللي هنا هم كمان

1- ما هو السيو ؟

السيو اللي هو الـ SEO هو اختصار لـSearch Engine Optimization, 

الـSearch engine هو الموقع اللى ممكن تعمل عليه search عن أى حاجة زىGoogle كده أو Bing, والـOptimization يعنى إنك تحسن الـRank بتاعك, يعنى لو حد عمل search عن الـWebsite بتاعك تطلعله فى أول النتايج. وزي ما اتفقنا هنقلل استخدامنا للفظ سيو بالعربي وهنقول SEO  

2- ازاي اختار كورس سيو ؟

لازم تدور على كورس سيو يساعدك تطبق عملي وتشتغل بإيدك أكتر  لإن تعلم السيو بشكل نظري ومعلومات موجود ومجانا .

3- كيف تتصدر نتائج البحث؟

تتصدر نتائج البحث عن طريق تحسين محركات البحث 
باستخدام كلمات مفتاحية keywords بشكل مناسب
وتحسين العوامل المؤثرة على  الـ Reputation

 

الـContent Marketing بطعم الـInbound

الـContent Marketing بطعم الـInbound


“اكتب..علشان  تتفهم، إتكلم .. علشان تتسمع”

في العصر الحديث للـ Digital Marketing وخصوصاً فترة إنتشار الـInbound Marketing بدأ التركيز يزيد على واحد من أهم مكونات الـinbound marketing وهو بالنسبالي فن ومش مجرد جزء عادي،

الفن ده هو الـContent Marketing. من أكثر الحاجات اللي ممكن تأثر على الـBusiness بتاعك بشكل إيجابي لو إستخدمته صح، تعالوا  نقول الموضوع ده بدأ إزاي؟

تعالوا  نقول الموضوع ده بدأ إزاي؟

من سنين مش كتيرة،  الـInbound Marketing بدأ يقدم Methods جديدة و Strategies مختلفة تماماً تقِدر من خلالها تـعمل Marketing  للـBrand بتاعك في الـ”Digital era”،

الـOutbound Marketing كان بيوصل الرسالة بطريقة عشوائية عن طريق إنه بيعملها Pushing out لعدد كبير من الـ masses،

أما الـInbound Marketing بدل ما يكرر نفس اللي كان بيعمله الـOutbound، بدأ يركز على تلبية إحتياجات الجماهير والعملاء المحتملين وكان لازم يبقي فيه شئ يخلي الـBrands  تتواصل مع الـTarget Audience، ويقدروا من خلاله يعملوا Pitching للأفكار بتاعتهم على الـPlatforms المختلفة،

الحاجة دي هي الـContent Marketing، الفن اللي قدر في فترة قصيرة يغير شكل الـOnline Marketing والـInbound Marketing وقِدر يِوصل رسائل الـBrands  ويفيد الجمهور ويعلّمهم Value حقيقة في شكل أسرع وأسهل وبتكلُفه أقل.

قبل ما نبدأ نتعمق شوية في موضوع الـContent Marketing وأهدافه وإزاي تقدر تِقدمه أو تِنتجه في أبسط شكل، لازم نِفرق بين 3 مصطلحات فيهم لبس كتير جداً ، وهما Content Marketing Vs Content Vs Copywriting

المصطلحات الثلاثة اللي فاتت دي، مرتبطين ببعض بشكل كبير لكن هما بالتأكيد مش مصطلح واحد، خلينا نبدأ نتعرف عليهم واحد واحد.

نبدأ بالـContent :

هو المحتوى أو الـContent بشكل عام، أي Content بتنتجه سواء Videos أو Article الخ.. ده إسمه Content  وفي بعض الأحيان بيطلق على عملية كتابة المحتوى نفسه، وكلنا بنعمل Content بشكل دائم ومستمر حتى لو الـContent ده في صور مختلفة وبيختلف من شخص لشخص تاني ومن تفكير لتفكير تاني.  وأكيد الـContent هو الـBase بتاع الـContent Marketing.

الـCopy writing:

فيه مبادئ كثير ممكن تتماشى مع الـCopy writing والـContent Marketing زي مثلاً إنك تكتب Headlines وتكون فيها ال4U’s على سبيل المثال واللي هما ( urgent, Unique, useful. ultra-specific)

الـCopy writing  ده هو الجزء الأهم من فن الكتابة بشكل عام، هو من وجهة نظري فن إستخدام الكلمات، إنك تكتب Copies الغرض الأساسي منها إنك تـPromote الـproduct بتاعك ،  زي الـCopies بتاع الـWebsites والـLanding Pages الخ.. كل ده بيعتمد على الـCopy writing في كتابته، كمان الـ  Copy writing من الحاجات اللي مهمة جداً في تجربة المستخدم (UX) وده لأن الـWords ليها تأثير كبير على الـReaders او الـUsers بشكل عام.

بالنسبة للموضوع الأساسي بتاع الـArticle ده واللي هو الـContent Marketing  

فهو ليه أكثر من تعريف، من أهم التعريفات دي هو التعريف بتاع Neil Patel في الـContent Marketing Guide :

– It is a strategy of producing and publishing information that builds trust and authority among your ideal customers.

– It is a way to build relationships and community, so people feel loyal to you and your brand.

– It is a strategy for becoming recognized as a thought leader in your industry.

– It is a way to drive sales without traditional “hard sell” tactics

التعريف ده بيقول إن الـContent Marketing هو الـStrategy بتاع إنتاج ونَشر Content و Information تقدر من خلاله تـEngage مع الـIdeal Customers ، وهو الـMethod الأفضل لبناء الـRelations بينك وبين الـCustomers أو الـAudience ، كمان هو  الـStrategy الواضحة اللي بتنظملك وبترسملك الطريق اللي هتقدر تبقي من خلاله Thought leader في مجالك.

الـContent Marketing هو علم كبير وفن في نفس الوقت، مفيش حد يقدر يلخصهولك في مقال واحد، ولا حتى كتاب يكفيك شرح في العلم الممتع ده.

أهم جزء في الـContent Marketing هو الـStrategy اللي هتبدأ على أساسها تعمل الـContent. الـStartegy دي هي الأساس والكل في الكل. الـArticle دي هتكلم فيها بشكل ملخص شوية عن:

  • ليه لازم تعمل Content Marketing صح؟
  • أهم مميزات الـContent Marketing لأى Business
  • وكمان إزاي تبقي Super في الـContent Marketing؟

تقدر دلوقتي تجيب جردل الـNescafe وتيجي. جيت ؟ يالا بينا.

ليه الـContent Marketing مهم أوي كدا ؟

أقدر أرد على السؤال ده في 3 نُقط بسيطة كالتالي:

Content Marketing Targets an Interested Audience-1

الـContent Marketing هو أكثر وسيلة Effective تقدر من خلالها توصل لـلـTarget Audince، لأنك ببساطة لما بتعمل Content صح (وده هو المقياس) الـInbound Content Marketing هيبدأ بشكل مباشر في تحقيق التوقعات بتاعتك، ممكن في Flowchart بسيط كدا أوضح لكم إزاي الـInbound Marketing بيوصل أو بيـReach الـ Target Audince بتوعك:

شخص عنده مشكلة أو قضية معينة أو عايز يعرف Information أكثر عن topic معين

                                                            ↓

شخص قدر يلاقي الـWebsite بتاعك ودخل عليه

                                                            ↓

بدأ يتعلم من الـContent اللي موجود في الـWebsite عندك (واللي تم إنتاجه بناءاً على الـContent Marketing Startegy) إزاي يقدر يحل المشكلة دي أو يعرف أكثر عن الـTopic اللي هو مهتم بيه.

                                                            ↓

الشخص ده هيرجعلك تاني، لأنك قدمتله Value حقيقة وحولته من مجرد شخص Stranger لـVisitor،  وهيبدأ يـIntreact ويـEngage معاك وياخد أكبر قدر من الـKnowledge اللي عندك For Free، زي إنه مثلاً يـSign up في الـNewsletter ويبدء يـinteract مع الـE-mails اللي بتوصله منك، وفي الحالة دي الRelations بتاعتك بالشخص ده، بتبدأ تزيد بشكل مستمر لحد ما يتحول من Visitor عادي لشخص Lead ومهتم بيك جداً أو بالـBrand بتاعتك، وعايز يتعلم منك أكثر ويبدأ يشوفك إنك أفضل حد في مجالك (Thought Leadership)

                                                           ↓

الشخص ده بيبدء يتحول من Lead لـCustomer،  ويبدء يكسر حاجز المخاطرة ويشتري منك فعلاً .

ولحد كدا إنت بتبقي فعلاً حققت واحد من أهداف الـBusiness بتاعك. وده بسبب إنك قدرت تفيد الشخص ده وتقدمله Value حقيقة وFor Free وساعتها لما يبدأ يهتم بيك أكثر ويحب يعرف عنك أكثر، ويحصل ده بالفعل، هتبقي إنت وصلت لمرحلة الـThought leadership وإنه بقي شايف إنك The Best  في مجالك، وبالتالي هتكون أنت الـChoice الأفضل لما يجي يشتري خدمة إنت بتقدمها.

لو جينا نبص للـFlowchart اللي فوق ده، هنلاقي إن الـContent Marketing كان جزء رئيسي من كل خطوة، من بداية ما الشخص بدأ يـSearch في الـEngines المختلفة لحد ما يوصل للـContent اللي موجود في موقعك واللي بالطبع Related بالـTopic اللي هو بيـSerach عنه، لحد ما يبدأ يقرأ الـContent ده ويبقي Interested أكثر بالمحتوى اللي إنت بتقدمه والـValue اللي إنت بتضيفها لحياته الخ… كل العملية دي بتعتمد في المقام الأول على الـContent Marketing.

Content Marketing Costs Less over Time-2

في أغلب الحالات الـContent Marketing تكلفته بتقل بمرور الزمن، الـContent Marketing في البداية ممكن يبقي من أكثر الأساليب والأجزاء المكلفة في الـInbound Marketing بشكل كامل، لكن مع مرور الوقت، بتبقي الماكينة بتاعتك “Content Machine” شغالة بالفعل والـStrategy محطوطة وعارف إزاي هتقدر تشغل الـMachine دي، كل اللي عليك بقا إنك بتحط الـOil في الـMachine  علشان تشتغل وتطلعلك Content إبن ناس.

الـContent مش بيموت تقدر بشوية فن وإبداع تعمله Recycling ترجعه أفضل من الأول بمراحل، كمان الـContent دائماً بيزود من رصيدك اللي قدمته للناس والـValue الحقيقة اللي ضفتها لحياته.

Content Marketing Cost-Effective-3

كل جنيه هتصرفه على الـContent Marketing هيرجعلك أعلى بكتير، علشان كدا الـContent Marketing الـCost بتاعته Effective جداً، وبتقدر على المدى البعيد تحقق ROI عالي، وتشوف فيه ثمرة مجهودك الحقيقة، الناس دايماً بيحبوا اللي بيفيدهم ويقدملهم Knowledge حقيقية، وبيقدروا العلم والـExperince  جداً.

حاول دائماً تشوف الـAudience بتوعك عايزين إيه وإستلهم أفكار الـContent بتاعك من طلباتهم، وتابع الـFeedback بتاعهم عن قرب أوي ، علشان تقدر تشوف إنت ماشي صح ولا غلط وكمان تحدد هل اللي إنت بتقدمه ده ليه قيمة ولا لا.

إزاي تبقى Super Content Marketer ؟

أوعى تكون مستنى مني الوصفة السحرية، والكام كلمة اللي هتقرأهم وبعد كدا تبقي Super بجد؟ الموضوع مش كدا خالص، وأنا بصراحة مش عايزك تلتزم بحاجة معينة، شوف الصح وإعمله ! الكام سطر الجايين دول، فيه كام نصيحة بسيطة حاول تاخد بالك منهم وإنت بتعمل الـContent Marketing Strategy علشان تقدر تعمل Content Marketing في أجمد شكل ممكن !

1-Explain Why

قبل ما تعمل أي حاجة إسال نفسك، إنت بتعملها ليه؟ إيه الـGoals اللي عاوز تحققه من الحاجة دي، متعملش Content لمجرد إنك تعمل Content أو لمجرد إنك عندك Knowledge وفاهم. حاول تخلي أكثر سؤال بتسأله لنفسك وإنت بتعمل Content هو “ليه” ليه أنا إخترت الـTopic ده بالذات؟ وليه الـType ده هو الأنسب؟ وليه الـChannel دي هي الأفضل ؟ ليه الـAudience المفروض يقرأ الـContent ده ويبقى مهتم بيه ؟ كل ده هيساعدك “تبدع” في الـContent اللي انت بتعمله.

2-ركز على الTarget Audience اللي عاوز تعملهم Atrraction

لما بتيجي تعمل Content Marketing بيكون من أهدافك إنك توسع الـBase بتاع الـCustomer اللي عندك وكمان تجيب عملاء جدد، لازم تعرف إزاي هتقدر تـConnect مع الجمهور بتاعك ومن الآخر الجزئية دي هي أساس الـContent Marketing Strategy

إعرف كل حاجة ممكنة عن الجمهور بتاعك، وحاول تعمل Zoom-in على قد ما تقدر، هما بيحبوا إيه ؟ عايزين يعرفوا إيه ؟ إيه المشاكل اللي بتقابلهم؟ إجابتك على الأسئلة اللي زي دي هي أول خطوات النجاح.

3-ركز على الـContent Integrity

أكيد الـConsumer بتاعك ذكي، وهيعرف يفرق بين الـContent الصح والـ “أي كلام” ، الـContent اللي هدفه إنه يضيف Value حقيقي ويفيده، وبين المعلومات الغير مرتبة والـSpam. ما تحاولش تتكلم عن نفسك كثير وتستغل المحتوى في إنك توصف في مميزاتك وحركاتك وتكاتك لأنك كدا بتدمر الـBusiness بتاعك، الـContent Quality من غيرها مفيش حاجة إسمها Content Marketing. لأن تظبيط الشغل أهم من الشغل نفسه 😀

4-حدد الـTone بتاع الـContent

وإنت بتعمل الـ Strategy بتاع الـContent Marketing لازم تبقي محدد الـTone اللي هتتكلم بيها مع الـAudince كويس أوي. الـTone دي هي اللي هتتكلم بيها في كل الـChannels حتى لو بتعمل إعلان أو Blog post الخ..

كل الـpieces of content لازم تبقي بالـTone اللي إنت محددها دي، لو هتتكلم Formal يبقي كل الـContent لازم يبقي formal لو هتتكلم Friendly يبقي الـContent لازم يبقي Friendly وده بتحدده بناءاً على الـTarget Audince بتوعك، يعني مينفعش تبقي بتـTarget العرب، وتكتب English والعكس صحيح.

Be Concise-5

أنا أقصد بالنقطة دي إنك متبقاش ممل، حاول تخلي الـContent بتاعك Actionable ومنظم جداً علشان الـAudience بتوعك يوصلوا لأكثر إستفادة ممكنة، الـAudience بتوعك مش هيعبروك لو شايفين إنك بتضيع لهم وقتهم على الفاضي بدون Value حقيقة تستاهل ده، الوقت هو أغلى حاجة في الدنيا، كل حاجة بتروح وتيجي إلا الوقت،  وإنت بتكتب Content خليك مباشر قوله إعمل كذا ومتعملش كذا، وفيه حاجات كثيرة ممكن تساعدك تحقق النقطة دي زي مثلاً إنك تستخدم الـLists والـBullet Points. وخليك فاكر كمان إن الـParagraphs القصيرة بتخلي المحتوى ممتع أكثر، متحاولش تكتب Pargraph كبير قوي طالما مش محتاج لكدا.

6-Be Consistent

لو إنت ناوي تعمل Content Marketing شهر وبعدين توقف، فأنا أنصحك من دلوقتي تريح نفسك ومتعملش Content Marketing خالص، لأنه وببساطة بمجرد ما الـAudience بتوعك يبقوا مرتبطين بيك هتلاقيهم دائماً مستنيين الجديد بتاعك.

ومش منطقى أصلاً إنك تلاقي شخص بيفيدك وبيقدملك Value بإستمرار لمدة شهر مثلاً وتلاقيه مرة واحدة إختفى؟ هيكون إيه شعورك طيب ؟!

وإنت بتعمل الـContent Marketing Strategy إتاكد إنك حددت الـ  frequency of your content والفترة الزمنية بين كل Pieces of content والثانية. أول ما تبدأ تـEnage مع الـAudince بتوعك، هتلاقيهم خلاص مستنين تعلمهم حاجة جديدة أو تضيفلهم معلومات جديد و value جديدة ولو ما أقدرتش تعملهم ده هتبدأ الـEngagement ده يتفك بسرعة جداً وكأنك معملتش حاجة وهتفقد الـAuthority بتاعتك.

7-اختار الـChannel الصح

طبيعي جداً إنك تبقي عامل Content من الآخر وإبن ناس قوي، وتلاقيه فشل ومحققش اللي إنت عايزه منه، وده لأنك ما إختارتش الـChannel الصح اللي تحط الـContent عليها، لأن كل Channel ليها نوع معين من الContent ينفع تحطه عليه، وإلا لو كانوا كلهم زي بعض مكناش إستخدمنا اكثر من Channel يعني مثلاً مينفعش تبقى عامل Heavy Content وتروح تحطه على Facebook ومش من الأفضل تبقى عامل Post مش معدي الـ300 كلمة وتحطه على الBlog. لازم تختار الـChannel الصح بناءاً على الـType بتاع الـContent والـTopic نفسه كمان.

8-إستخدم أكثر من Type للـContent

فيه types كتيرة ممكن تساعدك في تقديم Content بشكل أفضل، مش لازم كل الـContent بتاعك يبقي Article ومش منطقى إن كله يبقى Infographics، التنويع مطلوب برضة، لما تختار الـTopic بتاع الـContent شوف أنسب Type تقدر تقدم بيه الـContent ده علشان تحقق أفضل Results ممكنة.  الـInfographic هتخليك توصل رسالة أطول في وقت أسرع وبشكل أبسط، والـVideos هتخليك تتواصل بوضوح وبسهولة مع الـAudience وتقدر توصل الكلام اللي متقدرش توصله بالـText. والملخص بتاع الكلام ده “Always use the right tool for the job to communicate clearly” .

9-ركز على الـAnalysis  

مفيش Marketing بدون Measurement لأن ببساطة متناهية ” if you can’t measure it you can’t manage it”  لو إنت مش بتـAnalyse وتـMeasure كل كبيرة وصغيرة، هتبقي عامل زي اللي ماشي ومش عارف هو رايح فين، الData هي اللي هتقولك إنت فين وإيه اللي صح وإيه اللي خطأ، والـAnalysis بشكل عام هو أهم جزء في الـInbound Marketing ويمكن هو الأصعب كمان.

كمان الـAnalysis هيساعدك تعرف أكثر عن الـAudince بتوعك وتجمع Data أكثر عنهم وعن الـBehavior بتاعهم، وده طبعاً عن طريق إستخدم الTools المختلفة زي Google Analytics وغيرها.

10-من غير Test إنت ولا حاجة

يمكن الـpoint دي مرتبطة بالـAnalysis شوية برضة، لازم تعمل Test وTest وTest لحد ما الـTest نفسه يزهق منك! ما إنت لو معملتش Test لكل Content بتعمله مش هتبقي عارف إيه الصح من الغلط، متبطلش تختبر كل حاجة، ليه مثلاً ما تغيرش الـHeadline وتعمله A/B Testing ؟ جرب تعمل Test لكل حاجة ممكنة وشوف النتائج علشان تقدر بعد كدا تعتمد على النتائج وتطلع حاجة WOW ومحصلتش.

خليك عارف دايماً إن الـContent Marketing كل لما تديله بيديك مقابل، يمكن المقابل ده غالباً بيكون على المدى بعيد، لكنه بيكون مبهر لو قدرت تشتغل Content Marketing صح .. الArticle ده مكنش أكثر منه مجرد OverView للـContent Marketing وإزاي هو مهم أوي وكمان شوية Tips هيساعدوك تبقى Super Content Marketer.

عملنا كِتاب Content Marketing 101 علشان يبقي الـHandbook الي يساعدك و يمشي مِعاك خطوه بخطوه في تنفيذ Professional Content يِوصل للـAudience بتوعك و يحققَلك الـBusiness Objectives سواء بالنسبه  للـMarketing أو الـSales.

إيه حكاية الكِتاب؟

By: Ahmed Ragab

Article هتغير حياتك

Article هتغير حياتك


“فيديو هيغير حياتك “

وقع قدامى اسم الـفيديو ده و انا قاعد عالــYoutube .. أول ما قريت الــHeadline ده فكرت هو ممكن يكون بيتكلم عن إيه، يا ترى هيقولى إنى أغير حياتى عن طريق ان أنا الـلى بتحكم فيها و أخرج طاقتك الـكامنة و الـجو الـرخيص ده، ولا هلاقى واحد بيكلمنى ازاى اتحول و ابقى غنى فى 7 أيام ، و لا هغير حياتى إزاى مش فاهم .. طبعاً الــHeadline ده ميشدش أى حد انه يدخل على الـفيديو، لكن انا شدني من باب الـفضول انى اعرف إيه علاقة الــHeadline بـContent الـفيديو نفسه.

قبل ما ادخل لقيت كل الــViews الـلى عالـفيديو 203 بس أصلا :D، الـمهم دخلت على الـفيديو و اتصدمت فعلا، الـفيديو ده من أفضل الــMotivational Videos الـموجودة عالـنت، بيتكلم عن أننا ليه بنفشل و مش كلنا بننجح فى الـحياة.

123

طبعا أنا كنت متاكد أن الـHeadline الـغريب ده هو الـسبب فى أن محدش يتدخل يتفرج، الـمهم أخدت الـعنوان الـلى اتكتب فى أول الـفيديو نفسه و قلت اعمل بيه Search و أشوف، دخلت عملت Search على الـYoutube بس بدل “فيديو سيغير حياتك” كتبت “لماذا نفشل” ، طلعلى أول فيديو و دخلت عليه،و اتصدمت للمرة الـتانية.

الـنتيجة كانت مبهرة بطريقة مش عادية، هو هو نفس الـفيديو، بس الـفيديو الأولانى كان 203 Views، بالــheadline الـتانى لقيت الـفيديو واخد Views بأكتر من 400 ألف.

1234

طيب ايه الـلى عمل كده ؟

طبعا بغض الـنظر عن أن الـ2 اصلا واخدين الـفيديو من قناته الأصلية الـلى عاملة الـفيديو نفسه و نزلوه تانى عن طريق الـChannel بتاعتهم 😀 ، بس مجرد أن واحد استخدم headline يشد الـناس و الـتانى كتب اى كلام، هو الـسبب فى الـفرق الـكبير ده.

ده معناه ان الـواحد ممكن يعمل content قوى جدا و يتعب فيه، بس عشان اختار Headline ضعيف ممكن يضيع الـمجهود الـكبير ده، و عشان كده أنا كتبت الـArticle دى، و الـلى بعد ما تقراها هتعرف إزاى تكتب Headline يشد الـناس، و ايه هى الـعوامل الـلى ممكن اقيس عليها الـHeadline ده قوى ولا عادى ولا ضعيف، و كمان هديلكم Tips تساعدكم وانتوا بتعملوا الـHeadline للـArticle الـجاى الـلى هتكتبوه.

هو الـHeadline مفيد فى كده بس ؟

الـفرق الـلى عمله الـHeadline فى عدد الـviews هو سبب من ضمن أسباب كتير عشان اهتم بالـHeadline، هقولك دلوقتى على بعض الـأسباب الـلى تخليك تهتم بالـheadline :

1- عشان تشده يقرأ أول سطر، خلى بالـك ان الـهدف الـرئيسى من الـHeadline اصلا هو انى اخلى الـشخص الـلى قراه انه يكمل، يعنى لو أنا كاتب headline لArticle مثلاً ، أكيد أنا مهتم انى أكتب Headline قوى عشان الـشخص يكمل قراءة الـArticle نفسها، فالـهدف من الـHeadline هو انى اشده يقرأ أول جزء منها الـلى هى الـintroduction و منها يكمل الـArticle كلها.

2- عشان ميروحش مكان تانى، أى شخص لو بيدور على حاجة معينة فى الـغالـب هيلاقى resources كتير غيرك، فأنت لو مشدتهوش من الـHeadline هو مش هيدخل أصلا لانك مأثرتش فضوله من الـHeadline، فطبيعى جدا انه هيكمل Scroll وهيشوف حاجة تشده عشان يدخل عليها.

3- عشان تـConvert، خلى بالـك انت لو بتكتب mail الـهدف منه انك تـ convert الـناس، يعنى Leads عندك و أنت شايف انهم مؤهلين انهم يشتروا الـproduct او الـService بتاعتك و بتبعتلهم Selling mail، لو الـناس متشدتش من الـHeadline مش هتكمل الـmail اصلا، و الـconversion rate بتاعك هيقل.

4- عشان تـrank، الـheadline هو حاجة قوية جدا ممكن تستخدمها فى انك تrank فى الـSearch، لما تستخدم فى الـHeadline بتاعك keywords فى الـindustry بتاعتك ده هيساعدك فى انك تظهر فى الـصفحات الـاولى فى الـ Search Results

طيب ايه هى الـعوامل الـلى بقدر اقيس عليها الـHeadline ده كويس ولا لأ ؟

عشان تكتب Headline قوى فى عوامل كتير محتاج تاخد بالـك منها، أنا هقولك على أهم عوامل تاخد بالـك منها و تستخدمها، سواء وأنت بتكتب الـHeadline، او عشان لما تقرأ Headline حد تانى كاتبه تقدر تقول ده قوى ولا عادى.

1) انه يكون useful

لازم الـHeadline يكون مفيد، يعنى لو حد قرأه و محسش انه هيستفيد من الـArticle بحاجة أكيد مش هيدخل، لانه أكيد مش هيكون حابب يضيع وقته.

مثالـ على كده Article كان الـHeadline بتاعها ” غطى أى Event فى 6 خطوات” ، الـHeadline بيعرفك ان الـArticle هتفيدك انك هتعرف ازاى تغطى اى Event فى 6 خطوات بس.

2) لازم يكون Ultra-specific

الـعامل ده بالـذات من أهم الـعوامل الـلى محتاج تركز عليه وأنت بتكتب الـHeadline، لما بتخلى الـHaedline بتاعك Specific بتخلى الـBuyer Persona الـلى انت كاتبله الـArticle يحس ان الـحاجة دى مكتوبالـه هو، على عكس الـheadline لو عايم، محدش هيحس أن الـكلام ده ليه هو بالـذات.

يعنى على سبيل الـمثالـ Article ” اعمل Brand Humanization ب 6 أفكار “، الـHeadline ده Specific جدا، هو محددلك يتكلم فى ايه بالـظبط، يعنى مقالـش هكلمك فى الـModern Marketing مثلا ، لا ده قالـك انا هكلمك فى الـ Brand Humanization ،و فى 6 خطوات بس!

3) خليك Unique

حاول تخلى الـHeadline بتاعك مختلف، محدش كتب حاجة بالـشكل ده قبل كده، يعنى أول واحد استخدم Headline ” إزاى تبقى فاشل ؟” ده كان شخص Unique ، هو استخدم حاجة مكانتش لسه موجودة، لكن دلوقتى لو كتب Article بنفس الـHeadline ده معتقدش حد هيقراه لانه اتهرس فى 300 Article قبل كده.

4) Urgent

خلى الـشخص الـلى قدامك يحس ان الـArticle دى لازم يقراها دلوقتى، انها مهمة جدا لدرجة انه مينفعش ياجلها لوقت تانى، لو حسسته بكده هتضمن أكيد انه هيفتحها دلوقتى و ممكن ياجل اى حاجة كان بيعملها عشان يقرا الـArticle بتاعتك.

يعنى لما انا شفت Article كان الـHeadline بتاعها ” اوعى تعمل 5 حاجات فى الـSEO ” ، هو حسسنى فى الـعنوان ان فى حاجات بعملها غلط و انا بشتغل فى الـSEO ، و انى لازم ادخل عشان اعرف ايه الـحاجات دى.

5) يحس انه Culture Touching

لو الـHeadline مرتبط بحاجة فى ثقافتنا هيشد الـناس جدا، يمكن الـعامل ده من أخطر الـعوامل الـلى ممكن تستخدمه فى الـHeadline، الـسبب فى كده هو انه ممكن الـناس تعتبره Aggressive و متتقبلوش.

فى امثلة كتير على الـعامل ده بالـذات، يعنى Article “الـtesting أدب مش هز كتاف” كانت culture touching جدا بالـنسبالـنا 😀 ، لأنها لمست حاجة فى حياتنا و ثقافتنا و بصورة Sarcastic.

ما بعد الـcommunity

الـعوامل الـلى فوق دى كلها هتفرق كتير جدا معاك، بس أنت كمان ممكن تيجى فى وقت و تكسر الـقواعد كلها، و تضرب بيها عرض الـحائط 😀

يعنى لما أنت تكون اصلا بقالـك فترة بتبنى فى الـcommunity بتاعك، و الـناس بتعتبرك Thought Leader فى مجالـك ده ، ممكن جدا انك تكتب Article بـ headline مش محقق ولا عامل من الـعوامل الـلى قلت عليها فوق، لانك ساعتها هتكون بتعتمد على الـAuthority بتاعتك.

يعنى لو خدنا مثلا Article نزلها أحمد سيف كان الـHeadline بتاعها “هو ايه الـROI بتاع لمؤاخذة أمك“، الـHeadline ده مفيهوش ولا عامل، وحتى لو اعتبرناه انه Culture touching فهو Aggressive جدا ، لكن الـarticle دي كان هدفها ان School of Marketing تقيس الـauthority بتاعتها، و ده اللي يخلى الناس بمجرد ما تشوف أى Article من School هتقراها، والــInteraction الـلى على الـArticle بيثبت الـكلام ده.

و نفس الـكلام على Article كان الـHeadline بتاعها “أقولك يعنى ايه Like و متزعلش”، برضو الـHeadline مش محقق اى عامل ، لكن سيف كان بيلعب على الـAuthority و ان الـناس بتعتبره Thought Leader فى مجالـه ده.

دُرر فى الــHeadlines 😀

و من خلال خبرة عميقة شوية فى الـHeadline :D، هقولك على شوية Tips تستخدمها فى الـHeadline، عشان تساعدك تحقق الـعوامل الـلى قولتهالـك فوق فى الـHeadline بتاعك.

1- خلى الـheadline بتاعك Catchy

لما تكتب الـheadline خليه سلس و سهل انه يعلق مع الـناس، كل ما الـheadline كان catchy، هتزيد فرصة انه يدخل يقرا الـArticle، و عشان كده حاول تخليه قصير على قد ما تقدر ، لان كل ما كان قصير كل ما علق مع الـناس بسهولة أكتر، الـناس بتمل بسرعة خلى بالـك، يعنى لو قلنا Range مثلا ، ممكن نقول انه ميزيدش عن 65 حرف تقريبا، و يكون فى حدود 6 كلمات مثلا.

2- استخدم الأرقام

الـأرقام و خصوصا الـارقام الـفردية بتشد الـقارئ جدا، يعنى ممكن بدل ما تقوله “ازاى تطبخ فيل على الـغدا”، ممكن تقوله ” 5 خطوات عشان تطبخ فيل”، ملاحظ الـفرق بين الـ2 ، الـارقام بتخلى الـناس حاسة كمان انها هتلاقى الـزتونة فى عدد خطوات معين، مش الـلى هو هيدخل يقرا و ميعرفش هيخلص امتى.

3- فك الـشفرة ( حل الـلغز )

ممكن فى الـHeadline انك تحسسهم بلغز، انك تخلى الـHeadline نفسه لغز، عشان تشدهم انهم يدخلوا يقروا الـArticle عشان يعرفوا ايه الـكلام ده أصلا، يعنى ممكن مثلا تكتب ” ليه خطيبتى بتكره الـEmail marketing ” ، أنت بتشد الـناس انهم يدخلوا عشان يعرفوا الـسبب، و الـTip دى من أحسن الـTips الـلى ممكن تستخدمها، و هتلاقيها حتى منتشرة جدا لما تقرا اسماء الـكتب :D.

4- ابعد عن الـقافية

أكيد طبعا بتشوف Headlines كتير بتكون على وزن، يعنلا مثلا زى “إنزالـ الـصواعق على من أكل بالـملاعق” 😀 ، “الـقول الـبتة فى كيفية ربط الـكرفتة” – بهزر طبعا – ، الـلى اقصده نظام أن أنت تكتب Headline على وزن ده حاجة مش قوية خالـص زى ما أنت فاكر، بالـعكس دى بتبين أن أسلوب كتابتك أسلوب ركيك ، فحاول تبعد عنها خالـص، لانها مش هتشد الـناس تكمل خالـص.

5- إزاى

من أكتر الــHeadlines الـلى بتشد هو الـلى بيكون فيه إزاى، أكيد مش قصدى انك تحط كلمة إزاى فى الـنص و خلاص 😀 ، الـلى أقصده انك تخلى الـHeadline بيشرحلهم إزاى يعملوا حاجة معينة، يعنى مثلا ” إزاى تعمل website فى 15 دقيقة” ، الـHeadline ده هيشد أى حد هيكون مهتم انه يبتدى website لانك قلتله انه هيخلص الـArticle دى و بعدها هيتعلم حاجة معينة.

6- اكتب 3 Headlines لكل Piece of Content

و انت بتفكر في اي headline لـarticle ، بدل ما تفكر في headline واحد فكر في 3، عشان تفتح دماغك لافكار مختلفة و بعد كده تبقى تاخد أفضلهم، لان عمرك ما هتطلع الـheadline المظبوط غير لما تجرب بإيدك headlines مختلفة

نهاية الـمطاف 😀

على فكرة مش لازم بعد الـArticle دى انك تكون خلاص بقيت برنس فى الـHeadlines 😀 ، لا الـحكاية مش سحر ولا مكنة هتدخل من هنا و تخرج برنس من الـناحية الـتانية، الـموضوع زيه زى اى حاجة بتاخد وقتها، بس على الأقل دلوقتى انت بقى عندك معلومات كويسة تقدر على الأقل تكتب بيها Headline كويس لحد ما ايدك تاخد عليه، و طبعا عمرك ما هتكتب Headline ضعيف.

خلى بالـك أن الـheadline ده مش مجرد كلمتين بنوصف بيهم الـProduct بتاعك،لان مش لازم يكون الـContent الـلى بتكتبله الـHeadline هو selling mail، ممكن يكون زى ما قلنا فوق Article عشان تفيد بيه الـناس، الـ Headline ده أهم حاجة فيه انك توصل الـفايدة الـلى الـناس هتستفيدها لما تقرأ الــArticle بتاعك.

أنا كده خلصت، يا ترى لو انت الـلى كنت كاتب الـArticle دى كنت هتخلى الـHeadline بتاعها ايه 😀 ؟

By: Ahmed Gad

الزحمة تِحلى Crowdsourcingفى الـ

الزحمة تِحلى Crowdsourcingفى الـ

الزحمة وحشة مفيش كلام … بس مش في الـ Crowdsourcing

لما تكون عايش وسط مجتمع مؤمن بيك و بالـvision بتاعتك بيبقي الـcommunity ده مش مجرد ناس معجبه بالـ Products أو الـ Service اللى أنت بتقدمهم ، الموضوع بيبقي أكبر من كده بكتير، بيوصل لدرجة انهم بيعتبروا نفسهم جزء من الـVision دى و بيبتدوا يسعدوك انك تحققها ، بغض النظر عن طريقة المساعدة اللى ليها أشكال كتير, هنتكلم عن جزء منها فى الـArticle دى .

تعالوا نبتدي بالنوع الأصعب و الأكثر تأثيراً (لأنه بيقوَِم Startups) .. الـCrowdfunding :

الموضوع عبارة عن تجميع fund من الـcrowd اللي هما الـ community بتاعك. الـcrowdfunding مش اتجاه واحد، مش مجرد بطلب fund من الـcommunity و هما هيساعدوني، ده لازم أكون موضح الـfund ده هعمل بيه ايه و في المقابل هما هيستفيدو ازاى. نتكلم بتفصيل أكتر على الـexample بتاع Qafeer labs لما عملت crowdfunding ..

ايه هى Qafeer Labs و عملت ايه ؟

Qafeer Labs أساساً عبارة co-working space يعني مكان الناس بيتجمعوا فيه عشان يشتغلو سوا، ناس بيعملو project وتانيين ياخدو courses و هكذا .. بس Qafeer Labs لقت أن مجرد مكان يتجمعو فيه مش كفاية لانهم لقوا أن فى مجتمع كامل من الشباب عنده مشاريع و أفكار عايزين يحولوها لمنتجات ، فكانت الفكرة إنهم يعملو ورشة عمل مفتوحة يجيبوا الأجهزة الأساسية اللى أكيد هيحتاجها أى مشروع بيبدأ عشان يعمل prototype (شكل أولى للمشروع بتاعه)، بس طبعا دى أجهزة كبيرة و تكلفتها كبيرة هتجيب ده منين؟!

عملوا Campaign للـ crowdfunding ، حددوا مبلغ معين “اللي هو 6000 $ ” عشان يحققوا goals معينة “اللى هى الـtools اللي هتشتريها ” اللى هتفيد الـcommunity بتاعها و بدأ الدعم يجي من الـcommunity نفسه

Goals crowd

طب و اللى هيعمل Funding ده ليه و هياخد ايه في المقابل ؟!

نزلوا List بالـ rewards لو هتحط Funding و Rewards تانية على كبير لو هتعمل Sponsoring 😉

rewards & Sponsoshipsهتلاقي العمود اللي علي الشمال بيتكلم عن الـrewards لما تعمل funding عادي، و على اليمين الـbenefits لو عملتلهم sponsorship 😉

و ممكن تدخل تقرأ الباقي هنا

…………………………………………………………………………………..

الـcrowd funding ده جزء من الـcrowdsourcing في العموم، والـcrowdsourcing ده فكرته قائمة على استخدام الـcrowd اللى هو الـcommunity اللى مؤمنين بالـvision بتاعتك عشان يساعدوك فى أى source أنت محتاجه .

الـcrowdsourcing ده مش concept مستحدث، ده موجود من زمان اوى ، يعني كمثال سنة 1714 في بريطانيا كان عندهم أزمة فى معرفة الطريق وسط البحر، و ده كان عامل مشكلة في اكتشاف ما ورا البحار ! و الحل ؟! قام البرلمان البريطاني عمل مسابقة بجايزة مالية للي هيحل المشكلة دى ، و ساعتها John Harrison اخترع الـchronomoter “جهاز عامل زى الساعة ليه مقياس زمني دقيق يخليهم يقدرو يقيسو بيه الخطوط الجغرافية الطول و العرض”. نقدر نترجم ده من وجهة نظر الـcrowdsourcing انك لما يكون عندك مشكلة و تعرضها للـcommunity بتاعك و يساعدك في حلها، ده جزء من الـcrowdsourcing بس ده مش السبب الوحيد.

ايه الأسباب اللي تخلي حد يعمل crowdsourcing؟ حد مثلا زيك و زينا شغال في الـMarketing يعمل Crowdsourcing لايه ؟!

1- ممكن يكون عندى مشكلة زى ما حصل مع البرلمان البريطاني و أعرضها عالـcommunity و هو يحاول يحلهالى ، بس هتقابلك مشكلة .. ازاى اطلع أسرار الشغل بره ؟!

ما هو أنت و ذكاءك بقى، مش لازم تقولهم أن دى مشكلة شغلك لكن ممكن تعملهم مسابقة و تعرض فيها المشكلة و تطلب فيها الحل بشروط معينة، و الـcommunity في المسابقات بيستمتع جدا :)) غير اصلا انك هتكون حاطط جايزة للشخص الكسبان و ده برضه شئ محفز جدا، و ده بيسموه Open Innovation

2- أو لوعندك مشروع كبير و مش قادر تخلصه لوحدك، و ده بيتحل بطريقة Collaborative Community ، ممكن تعرض عالناس الـproject و تكون مقسمه tasks صغيرة و تشوف مين من الـcommunity بتاعك هيشارك معاك 😉 .. طبعا هيجي في بالك و دول هدفعلم كلهم ازاي O.o ؟!

سؤال مهم جدا، بس أنت فى الـcrowdsourcing مش بتدفعلهم لكن بتقدملهم خدمة في المقابل لأن أصلا الدافع اللى بيخلى حد يشتغل فى crowdsourcing مش بيكون الفلوس لكن بيكون شخص مؤمن بفكرة أو كيان و عايز يساعده ينجح . مثال للموضوع ده قاموس Oxford ، ده كان مشروع تخرج طلاب قرروا يجمعو كل المصطلحات الـEnglish فى قاموس، بس لقو الموضوع كبير عليهم اوى فطلبوا مساعدة عن طريق توزيع tasks صغيرة على كل واحد من الـcommunity بتاعتهم لحد ما عملو القاموس .

و اصلا انت مهما هتبدع و كل اللي معاك في الشركة هيبدعو هتبقو كام واحد؟ 50 شخص مبدع مثلا ! لكن لو معاك community بالالاف و قدرت تخليهم يفكروا ويبدعوا معاك هتجيبلك افكار كتيرة جدااا ، و هو ده الهدف الكبير من ورا الـcrowdsourcing، انك تستغل الـCrowd اللي معاك صح .. بطريقة تفيدك و تفيدهم 😉

طب ده هيفيدهم منين ؟ انا اصلا كده الوحيد المستفيد !!

ما هي مش كل الافادة بتبقي افادة صريحة، ايه الاسباب اللي يخلي حد من الـcommunity يشارك ؟؟

1- أولاً الشخص اللى مؤمن بالـvision اوي – شخص علطول متحمس من جواه نفسه يساعد الناس اللي في الإتجاه ده لسبب او لأخر- ده شخص بيساعدك لله و في الوطن 😀

2- لما بتكون عامل مسابقة ده بيخلق روح تنافس و الروح التنافسية دي بتشجع الناس تنتج، و فى الأخر هو كسبان الجايزة 😉

3- الشخص اللي عايز يتعلم و بيحب يتعلم ، لما يشارك معاك في حاجة كبيرة زي كتابة content اكيد هيستفيد بالعلم اللى وصله و بالخبرة اللي استمتع بيها

أنت Inbound Marketer يعني انت بتعمل Content، يبقي انت عايز تخلى الناس تساعدك في تقديم الـContent .. ازاي ممكن الـcrowdsourcing يساعد الـcontent ؟

  • الـGuest Post نوع من أنواع الـcrowdsourcing ، يعني content جايلك لحد عندك بيخدم الـvision بتاعتك ، الفكرة إنك تختار الـcontent الصح اللى فعلاً يفيد الـcommunity بتاعك ، و طبعاً الموضوع مش بالسهولة دى ، أنا بس بعرض فكرة لكن فى زوايا تانية للموضوع من وجهة نظر الـ Content والـSEO وحاجات تانية كتير
  • الـcontest crowdfunding انك تعمل مسابقة هدفها User Generated Content، زي فكرة ميرندا لما قالت كمل الاعلان و ابعتلنا احنا هنزله و ننشره – مع تحفظنا طبعا على الاعلانات 😀 – بس خلينا نشوف فكرة تجميع الـcontent بالمسابقة ممكن يبقي ازاى ؟

ايه اللي عملته ميرندا ؟؟

ميرندا نزلت اعلان لحد نصه و سابت الباقي لإبداع الناس 😀 .. ممكن تشوف الاعلان من هنا ،و حطت فيه الـCall to action دي: “النهاية اللي هتاخد أعلى اصوات هتنزل في التلفزيون”

youtube - contest

و المسابقة طبعا كانت بتتبعت على الـsocial media channels ، و جمعوا في البوم على الـfacebook page كل الحاجات اللي بتتبعتلهم

contest - facebook

و كمية الردود اللي بعتت تجاوب المسابقة كانت رهيبة، ممكن تدخل من على الـ Link ده تتفرج عليهم شوية 😀 ، هي الفكرة مش مسابقة و خلاص ، هي الفكرة في الـcontent المتشارك بين الـbrand و الـcommunity. نروح نبص بقى على الـengagement

engagement

و فى الأخر فعلا في حد كسب و نزل اعلان مخصوص ليه

winner

ممكن تتفرجو على الإعلان من هنا

طب ركزت في الاتنين screenshots بتوع الإعلانين ، اعلان المسابقة و اعلان الفايز، بصيت على الـviews ؟!

الـviews بتاعت المسابقة واخده فوق الـ900.000 في مقابل views الإعلان الكسبان كانت يدوب 3000 !!

ليه مطلعتش النتيجة كويسة زى ما كنا متوقعين من الـcrowdsourcing يعنى أقل حاجة تبقى الـviews على اد الناس اللى شاركت في المسابقة o.O !

في المسابقة دى فكرة الـcrowdsourcing الأساسية انك بتجمع content اتحققت .. بس فكرته الأعمق والأكبر زي ان علاقتك تبقى أقوى مع الـcommunity بتاعك ” لأنه بقي واحد مشارك فيه مش مجرد مستقبل للـ content اللي أنت بتقدمهوله ” متحققتش :/

ليه ؟

الـ”ليه” لسه مش موصلنالها ، بس مش معناها انها مش موجودة .. الـcrowd sourcing فكرة رائعة و مينفعش تكون نهايته كده .. لو عرفنا سبب عدم نجاح الـcrowdsourcing بتاع ميرندا هنعرف نتجنبه و نعمل crowdsourcing ناجح و effective فعلا ، بس السبب هنعرفه ازاى ؟! أكيد لو عدد أكبر من الناس دور و حلل الموضوع هنوصل للسبب! فكر كده و دعبس ورا السبب و ابعتلنا content تحليلي “ليه” 😉 عشان انت مش مجرد responder أنت جزء من الـcommunity 😉

Eman Rezq