Lean Social Media

Lean Social Media

فى اى كيان ينطبق عليه تعريف الـ Start-ups – بمعنى انهم مجموعة من البشر اجتمعوا عشان ينفذوا فكرة جديدة محدش عملها قبلهم و معندهمش اي عامل من عوامل اليقين أن الحاجة دي هتنجح و قرروا يبنوا مدرسة التجارب اللى تخليهم ينجحوا فى تنفيذ الفكره دى فعليا – بمجرد ما الفكرة بتتحول لواقع و بتثبت نجاحها فى إنها ممكن تعيش، الكيان بتاعك بيتحول لـ Business فِعلى لكن طول ما أنت فى مرحلة التجارب و فى مرحلة عدم اثبات فكرتك بشكل كامل فأنت لسه Start-up.

ممكن توصل لعدد كبير جدا من التجارب عشان توصل للهدف بتاعك و طبعا التجارب دى بتكون مدروسة … بالتالى طلع الـ Lean concept وهو الفكر اللى يخليك توفر أكبر قدر من الـ Resources عشان يكون متاح عندك تعمل اكبر قدر من التجارب.

فكرة الـ Lean concept اصلها طالع للـ Business لكن بطبيعة الحال ممكن تنطبق على اى حاجه جوا الـ Business سواء فى جزئية الـ Marketing او الـ Sales او حتى الـ R&D

هنا بقى هتكلم عن الـLean Social media بكل أجزائها، يعنى ازاى تشتغل على الـ Social media صح بأقل Resources ممكنة، عشان تستخدم الـ Resources في أكبر كميه تجارب توصلك للطريق اللي هتكون أنت اول حد يكتشفه .. من الأخر يعنى هوضحلكوا ازاي تشتغلوا بذكاء بدل ما تشتغلوا كتير  و لنكن متفقين أن أى حاجة هكتبها هنا هى عبارة عن خبرة من شهور فاتت و مش مثبته علمياً فى اى كتاب لكنها مثبته عمليا جوا الكيان اللى أنا شغاله فيه. و هشرحلكوا فى أجزاء تسلسل احداث التجربة عشان تقدروا تستوعبوها و تطبقوها عندكم.

1- أول حاجه هنبتدى بـ Lean content creation:

أهم حاجه عند الـSM team :

-مفيش اختلاف ما بينى و ما بين اى حد أن الـ Content creation هو العامود الفقرى لاى Social media marketing team وكان بطبيعة الحال ولأنه أهم جزء عندنا ولأن بدايته Adding value فكان منطقى أنه يكون الجزء المُشترِك فيه كل افراد الشركة، يمعنى أن كل اللى عايشين جوا الكيان لازم يكونوا مشاركين فى كتابه الـContent.

و دى من أكبر الأخطاء اللى وقعنا فيها اننا قررنا ان كل اللى بيشتغلوا جوا الكيان لازم يكتبوا 😀 خصوصا بعد ايماننا بأن اى بنى ادم يقدر يتكلم اكيد يعرف يكتب.

لكن طبعا اى بنى ادم ممكن يتكلم فى كل حاجة لكن مش بالضرورة يكون فاهمها كويس. و ده ينطبق على الـContent marketing برضه، لو خليت كل اللى موجودين جوا الكيان يكتبوا خصوصا لو ده حصل بشكل اجبارى هينتجوا أسوا content فى الكون … خصوصاً لو content تعليمى مش Content باى اغراض تانية.

فالقاعدة هنا بتقول علم كل الـTeam يكتب لكن متخليش حد يكتب فى اى حاجة من غير ما يكون نفذها بايديه واتعلمها صح وعرف خباياها.

-متحاولش تعمل Content كتير ع الفاضى ..

دى من الدروس اللى اتعلمناها بعد تجارب كتيرة فى SOM !!! اعمل Content قليل بس Quality عالية لأن ده اللى هيفرق مع الـ Fans بتوع و هيأثر فيهم , على عكس لو كنت بتنزل كل يوم Content لكن بـ Quality قليلة !

2- Social Designs:

أكيد الـ Content ده قبل ما ينزل فا هو محتاجله Designs.. وأنت لو لسه بتبتدى فا فى احتمال كبير جدا انك متقدرش تشغل Designer

هنا بقى فى شويه Websites هتساعدك تعمل Editing ف الصور :

1- https://www.picmonkey.com/

2-https://www.befunky.com/

3- https://pixlr.com/

صدقونى الـ 3 مع بعض مع الـ Paint هتعرفوا تطلعوا منهم حاجة على الأقل “كويسة” ، حطوا فى دماغكم بس أن كل ما الـ Design كان simple كل ما هيبقى أفضل .. يعنى حاول تعوض قلة خبرتك ف النقطة دى بالبساطة 🙂

طبعا لو فى حد ف الشركه بيعرف يشتغل على الـ Photoshop فده خير و بركة 😀 استغله على البسيط ^_^

ده مثلا مثال بـ Design كنا مزنوقين فيه و عملته أنا بنفسى، هو الـ quality بتاعته مش عالية لكنه وفّى بالغرض. و استخدمت فيه Paint و PicMonkey بس.

fay

3-  الـ Lean Ads:

الـAds و هى البعبع الأكبر للـ Social media marketer 😀

الموضوع على فكرة مش معقد ولا حاجة زى ما بيبقى واصل لمعظم الناس، الموضوع بسيط .. شوية Options و بتختارها و لو قريت الـ Guides اللى بيعملها الـ FB نفسه هتقدر تشتغل بنفسك

الفكرة أصلا بقى مش فى استخدام الـ Tool نفسها .. الفكرة فى الفن وأنت بتستخدمها ^_^، و دى شوية حاجات هيعرفوك ازاى تعمل Ads بفكر الـLean Social media

* أولا : خلى بالك و انت بتعمل Ads على الـ FB أنت لو لسه فى الأول مش هتصرف كتير عشان الـ Page بتاعتك هيبقى فيها 2000 ولا 3000 يعنى اخرك لما تصرف جامد هيبقوا 5$ ، بالتالى متخافش من الميزانية!

* ثانيا : وأنت بتعمل Ads حاول تعملها على الـ Posts اللى عليها Engagement عالى اصلاً ، أو نسبيا أعلى من اللى حواليه .. ده هيعلى الـ CTR و هيقلل الفلوس اللى بتدفعها جدا 😉

* ثالثا : بعد ما تجمع اول Fan Base حتي لو 2000 متعملش Ads تروح لناس غير الـFans بتوعك 🙂

ليه بقى؟! … لو عندك 1000 واحد و فى منهم 500 بيعملوا Engagement أحسن ، ولا عندك 1000000 واحد و منهم 1000 واحد بس بيعملوا Engagement ؟!

الفكرة فى الـ Facebook انك تعمل Relationship حقيقية مع الـ Fans بتوعك مش انك تكتر عددهم و خلاص … عشان كده ركز ع اللى عندك، غير بقى يا سيدى أن فلوس الـ Ads اللى رايحة للـ Fans هتكون اقل و اوفر بكتير من اللى رايحه للى مش Fans عندك!

طب و هو انا ليه اعملهم  Ads و هم اصلاً Fans عندي ؟! عشان أنت لو بتوصل لـ 5% منهم Organic تبقي عبقري :3

4- الـ Engagement :

الأسطورة بتقول انه كان اسمه Responding لكن مؤخرا بقى غيرنا اسمه لارتفاع مرتبته عندنا و بقى اسمه Engagement 😀 ، و ده أصبح الاسم العلمى ليه جوا School of marketing !

تغيير اسمه عشان حسينا أن كلمة Responding بتقلل جدا من قيمته الفعلية لأن هو العامود الفقرى اللى على أساسه بيتبنى الـ Relationships على الـ Social media و هو التطبيق الفعلى للـ one to one conversation

النظرة ليه على (انك هترد علي الكام comment اللي جم النهارده ) من أكتر الحاجات اللى بتوقع Brands كبيرة، غير انها من اساس تدمير اي Relationships  .. النظره لازم تكون ( أنا داخل اتكلم و اتفاعل مع البني أدمين اللي بيكلموني )

ده اللي نقصده بمعني Engagement و من وجهة نظرنا ان الـ Engagment هو السبب الأول (مكرر)  في أن الـ Social Media تكون بتتعمل صح!

عشان تعمل Engagement بشكل Lean اعمل الي هقولك عليه:

* حاول بقدر الإمكان أن يكون حد أساسى من الـ Content creators هو اللى بيعمل Engagement لأن ده هيديله Insights هايلة و هيربطه و يفهمه دماغ الـFans بشكل كبير.

* لو مضطر يكونوا ناس External حاول تقسم مواعيده على الـ Team بتاعك كله .. بشرط طبعا انه يكون فاهم ازاى يـ Engage صح 😉

* لما تكون مقّسِم الـ Responding علي أكتر من شخص أن المسؤليه برضه تكون علي شخص واحد بصورة اساسيه يعنى هو اللى بيربط ما بينهم و بيتاكد أن كل الدنيا تمام.

*كل واحد بيشتغل فى الـTeam لازم يبقى عارف انه المفروض يبقى قادر يعمل Engagement

كده فى كل اللى فات أنت طبقت مفهوم الـ Lean Social media و دا اللى هيخليك تنتج Content أقل لكن بـ Quality أحسن وتعمل Ads و تعمل Engagement بـ Resources اقل و دا هيزود فرصنا فى التجارب المدروسة فى جزئية الـ Social media ، لكن متنسوش ان ده معمول فى الأساس عشان الـ Business ككل يعنى مش مستحب نطبق ده على الـSocial media بس و نسيب باقى الأجزاء فى الـBusiness بالشكل العادى من غير ما نطبق فيها الـ Lean concept .

دلوقتى بقى عاوزه كل واحد يختار جزء من أجزاء الـBusiness و يفكر ازاى ممكن تبقى Lean 😉

Fayrouz Al-Qutt

ريسيبشن الـ Social Media

ريسيبشن الـ Social Media

فى الأول مش هنختلف على أهميه الـSocial media لأى كيان مهما كان نوع الـBusiness بتاعه ايه ، الـSocial media للـBrands بتبقى عاملة زى ما تكون خارج مع ناس صحابك خروجه حلوة …

أو ممكن عازمهم عندك فى جنينة البيت على BBQ party

طيب لو المقابلة رسمية ، B2B يعنى ؟! برضوا هتستقبلهم فى جنينه البيت ؟!

اكيد لأ .. على الـSocial media برضوا لو المقابلة رسمية و فيها بدل و كرافتات فليها مكانها الصح و هو Linkedin 😉

مبقولكش انك يعنى على Linkedin مش هتبقى Social !! ماهو Social network زيها زى غيرها، لكن هى ريسبشن بيتك مش الجنينة , أو اجتماع مش خروجة

هو أنت لما بيجيلك ضيوف و يقعدوا فى الريسبشن يعنى مبيتكلموش فى حاجة غير الشغل؟! اكيد لأ طبعاً لكن الموضوع بيبقوا واخدينه شكل رسمى أكتر 😉

ليه لازم شركتك يبقالها وجود على Linkedin؟

1- هتقدر تـSochalize مع شركات لنفس مجالك اكتر:

تقريباً Linkedin هى أكتر Social network الناس بتستخدمها فى كل ما يتعلق بالـBusiness سواء لو شركة عاوزه تتعامل مع شركه تانية أو حتى لو شركة عاوزة تعمل hiring لحد، وجودك على Linkedin هيفتح قدام شركتك فرص كتيرة انها تشارك شركات تانية فى Activities متعلقة بمجال الـBusiness

أو حتى تبادل منفعة أو شغل 😉

2- الـbuyer personas على أصولها:

صعب أوى تلاقى حد على Linkedin كاتب اسمه مثلا “الطائر الجريح” ولا “فرعون الغرام” 😀

الـCategories اللى بتستخدم Linkedin غالبا داخله عشان شغل !! عشان تشوف اكل عيشها و تقوى الـNetworking مع الناس اللى فى مجالات تانيه حواليها. بالتالى بيهمهم اوى انهم يبقوا موضحين بياناتهم كأفراد ، و بما انه من اسهل الطرق للـHiring دلوقتى فكل ما الواحد يكون ظابط الـprofile بتاعه كل ما فرصته فى انه يشتغل مع شركه بتدور على حد شبهه بتكون اكبر و الشركات نفس الكلام .

و على الجانب الاخر انت كشركه هتقدر تشارك الناس اللى بيتابعوا بـContent سواء بيعلم او بيبنى Relationships مع الناس اللى بيتابعوك و دا بالتاكيد هيكون ليه تاثير ملموس على الـBusiness بتاعك.

الدنيا ملمومة فى Linkedin . يعنى لو هنقارنه بالـFacebook هنلاقى انه اهدى حبتين تلاتة , لان الناس فى العموم بتقضى وقت على Linkedin اقل بكتير من الـFB مثلا , لكن الـInteraction عليه ليه قيمته 😉

3- Linkedin groups :

هنا أسهل بكتير انك تبنى Community حوالين حاجه Advanced متعلقه بالـField بتاعك و هتقدر توصل لناس جوا بلدك و برا بلدك كمان و تشاركوا مع بعض الخبرات من وجهه نظر الـBusiness

يعنى مش هتلاقى الجو بتاع Groups الـFacebook لأن حتى الـGroups على Linkedin منظمة بشكل يفيد نقاشات الـBusiness 😉

4- الـShowcase محلك على الـSocial media:

الـShowcase هى المكان اللى بتكتب فيه كل تفاصيل الـProducts أو الـServicies اللى بتقدمها ، الموضوع ده مش موجود فى اى Social network تانى و عاده لما بيتكتب فى الـ About مثلاً على الـFB بيبقى حشر ، عشان مش ده مكانه الصح دا غير ان 1% من الناس بس هى اللى ممكن تهتم بيه و تقراه

انما على Linkedin الناس اللى هتفتح الShowcase هتبقى اصلا عارفه ايه الـServicies اللى أنت بتقدمها.

5- أخبار شركتك:

على Linkedin عندك مساحة من الحرية أكتر انك تشارك الناس أخبار شركتك و توسعاتك انما على اى Social network تانية الموضوع بيبقى حشر سنة

اصل مين يعنى على الـFB هيبقى عاوز يعرف أنت توسعت فين ولا فتحت فروع تانية فين ؟ ” إلا نسبة قليلة جداً و أنواع Businesses محددة”

6- الـInvestment فى أبهى صورة:

تكملة للنقطة اللى فوق ، طبعاً اى Investor هيبقى بيفكر يـInvest عندك هيبقى مهتم يعرف تاريخك، رحت منين و جيت منين و ايه اخر مشروعاتك و اتعاملت مع مين و بتتعامل مع مين دلوقتى و كل الدوشة دى بتبقى موجوده بالتفاصيل المملة على Linkedin ، بدل ما ييجى يكلمك direct الأول أكيد هيبقى عاوز ينخرب وراك 😉

خلى بالك..شغلك على Linkedin مش فرض عين عليك ، لو الـResources بتاعتك دلوقتى مش سامحة بده اصبر عليه لكن على الأقل زبط الـAccount بتاعك عليه
أهم حاجة يكون فى خططك و تكون حاطه فى دماغك و تبقى عارف انك فى يوم من الأيام هتقومه بالـFull power 😉

قولى بقى .. تفتكر ايه تانى ممكن نستفيده من Linkedin كـBusiness owners ؟

اعمل Ads أخر الاجا

اعمل Ads أخر الاجا

إزاى تطلع الـAds حاجة آخر ألاجا

قبل ما تبدأ قرايه الـArticle دى عاوزين نقولكوا حاجتين ..

اولاً الـArticle بتشرحلك الـFacebook Ads من اول طأ طأ .. ولحد السلام عليكم

ثانيًا الـArticle دى مناسبه لـيك لو انت معملتش Ads قبل كدة خالص ومتردد إنك تعمل واحد ..

او لو انت بتعمل Ads وحاسس إن فيه حاجة ناقصة أو غلط ..

(يعنى لو انت شايف نفسك تنين فى الـFacebook Ads .. يبقى اقفل الـArticle)

بس متنساش ان الـAds من اولها لاخرها كده هى مش اكتر من 10% بس من الـMarketing ككل !! و احنا كتبنالك الـArticle ده عشان نريحك و نصفيلك دماغك من الـ10% دول هنقولك خطوات عمل الـAd على الـfacebook من اوله لاخره

. يعنى فى اخر الـarticle دى هتبقى من الاخر بتعرف تعمل Ads على الـFacebook بس أخر ألاجا

قبل ما تعمل Ad روح للمكان الصح !!

خلينا قبل ما ندخل الشرح أوضحلك حاجة سريعه كده .. عشان تعمل Ad على

الـFacebook عندك مكانين

اول واحد هو Boost post :

1

What is Boost Post

و بتبقى تحت الـPost كده زى ما هو موضح قدامك .. اوعى تستسهل و تعمل

الـAd منها ، لانها ايوه اسرع .. لكن مش بتظهر لك كل الـOptions اللى ممكن تستخدمها ..

تانى طريقه و اللى بفضّلها هى :

من فوق ع اليمين زى ما فى الصوره >>

2

How to create Facebook ads

أبتدي ازاى بقى ؟؟

دلوقتي تعالى معانا وهنشرحلك الخطوات بالتفصيل (وبالصور وبالمستندات 😀 )

أنت أول ما بتدوس على Create Ads بيظهرلك اللى فى الصوره دلوقتى …

3

How to choose objective Facebook ads

خلى بالك كل شويه عم Mark بيعدل و بيغير فى الـFacebook ads فالفكره انك تبقى فاهم مش حافظ .. و اللى هيكون واضح فى الصور دلوقتى هو شكل الـAds system من جوا فى بدايه 2015

المهم .. فى الجزئيه دى انت بتختار الـObjective بتاع الـAd بتاعك ….

الاختيارات اللى قدامك دي بتختلف على حسب نوع الـObjective بتاعك او هدفك من كل Ad انت بتعمله … بسرعة جداً وباختصار هشرحلك كل واحدة فيهم

  1. لو هدفك الاساسى engagement الافضل تختار رقم واحد
  2. لو الـPage بتاعتك لسه صغيرة ومحتاج تكسب Fans جديدة يبقى الافضل تستخدم الـOption ده
  3. عندك Blog او Website وعاوز Traffic .. يبقى ده اختيارك المناسب
  4. لو بتستخدم Landing page او عاوز Conversions مثلا كتسجيل بيانات او subscribe فده الاختيار الافضل.
  5. لو عندك Application و هدفك الاساسى ان الناس تعملّه Download
  6. من هنا بقى لو انت عاوز تزود الـ Engagement على حاجه متعلقة بالـApplication بتاعك.
  7. الاختيار ده لو عامل Event و عاوزه يوصل لناس اكتر.
  8. الاختيار ده للـOffers.
  9. و اخر اختيار ده عشان تعمل Promotion لفيديو.

لما تصرف فلوس ، اصرفها على حاجة تستاهل !!

بعد ما اخترت الـObjective بتاع الـAd بتاعك بتختار الـpiece of content اللى هتعمل عليها اعلان …

4

How to choose objective for Facebook ads


و من هنا يا اما بتختار post قديم .. يا اما بتعمل واحد جديد من جوا الـAd نفسه بس قبل ما تختار تعمل Post Ad.. ايه الحاجة اللى تستاهل انك تصرف عليها دم قلبك ؟

أكيد الحاجه اللى بتعجب الـTargeted fans بتوعك (مش تعجب اى حد و خلاص) وتقدم value وتزود الـengagement … بس خد بالك من كام حاجه قبل ما تختار post او تكتب post جديد و تعمل عليه اعلان.

-لو عاوز تبيع .. متّبعش : كل ما قدمت Value اكتر فى الـpiece of content بتاعتك كل ما اقتناع اللى بيقراها بيك هيزيد، و كل ما هيبقى سهل يشترى منك الحاجه اللى انت بتقدمها .. طبعا ده بعد اتفاقنا ان محدش بيشترى حاجه هو مش عاوزها …أيّ قرار شراء بييجى لما يكون الشخص عنده رغبه يشترى أو محتاج الحاجه دى دلوقتى …

يعنى حاول و انت بتعمل Ads تعملها على Content بيفيد مش بيبيع بشكل direct !

طب إزاى أعمل Content إبن ناس عشان يجيب نتايج ؟؟ ممكن تقرا سريعاً القواعد الأربعون للـ content


حاسب لا الـFacebook يقفش عليك:

وانت بتعمل Facebook Ad ممكن يترفض من الـFB او ممكن يشتغل حبه صغيرين و بعدين يقف ..مش عشان النت مهنّج لا سمح الله اً… لكن عشان الـAd بتاعك مش عاجب الـfacebook أو مخالف لقوانينه (معلش يا سيدى هو الـFacebook بيحب يتدلع على زباينهُ شوية 😀 )

طب يعنى إيه مخالف ؟

فى الأول وفى الأخر الـFacebook يهمه إنه يحافظ على الـuser experience عنده .. عشان كده من حقه يضمن إن اللى بيعمل الاعلان يعملهُ بشكل أوستيك (شغل فنادق يعنى) خصوصا بقى إن فى منافسة عاليه بين المُعلنين نفسهم. فكان لازم ولابد إن الـFacebook يحط Rules للعبة الـAds عشان مش كل من هبّ ودبّ يدخل يعمل اعلان ويكرّه الناس فى الـFacebook

إيه الحاجات اللى ممكن تخليه مخالف؟

1 -لو الـAd فيه صورة عليها كلام أكتر من 20% .. كدة هيترفض .. وحَلّها انك تقيس صورتك

2- لو فى صوره الأعلان بتاعك نوع من انواع الـDrugs

3 – لو بتـOver promising (يعنى بتبيع كلام انت مش قده) بالبلدى متروحش تقولهم مثلا انك تخس 40 كليو فى شهر واحد، و لو مش مصدقنا جرب و قولنا حصل اية.

إتعب بقى شوية وإقرا الـFacebook Guidelines عشان تعرف تلعبها صح .

كدة احنا اخدنا الخطوة التانية .. شفت الموضوع سهل ازاى !!

هاTarget مين ؟؟

اول سؤال هسئلهولك هنا .. هو انت عارف الـBuyer Persona

لو عارف فا جبنالك هنا sheet ممكن تاخده زى ما هو تملاه دلوقتى عشان تقسّم الناس اللى هتعملّهم targeting ..

5

How to organize buyer personas

الـtargeting بقى من جوا الـFB تعالوا ناخد خطوة خطوة ونعرف هنعمل فيها إيه:

6

targeting for Facebook ads

في الأول كدة أنت تقدر تختار الـaudience اللي هيوصلهم الـAd بالظبط بأنك تستخدم “create a custom audience ” هنا تقدر تدخل emails او حتى أرقام الـناس دي، و الـFacebook هيعملها matching.

خلى بالك البيانات دى مينفعش تبقى شاريها او واخدها من اى مكان . لازم تبقى واخدها من صحابها بـPermission منهم ولازم يكونوا عارفينك … و لو هما مش عارفينك على فكره الفيسبوك هيقفش ده 😀 بس مثلا لو كانت الـData دى واخدها من ناس عملوا Download ليك كان بيتكلم عن الـStrategy و بعدها كتبت piece of content عن الـstrategy الافضل هنا انك تعمل targeting للـناس اللى عملوا download للـe-Book ده لانهم غالبا هيبقوا مهتمين بأى حاجه متعلقه بالـTopic ده .

7

How to create custom audience

و لو مش معايا بيانات عن الـaudience، أعمل اية؟.. نبدأ نحدد مواصفات الـaudience و نختارها.

1- Location: يعني هتختار الناس اللي عايز تـTargetها موجوده في أنهي منطقة ؟؟

ممكن لو أختارنا مدينة نصر هيبقى عندك أختيارين، تختار مثلاً “Madinet El-Nasr” أو “Madinet El-Nasr +20″، هوضحلك الفرق..

8

How to choose locations for Facebook ads

الـ”+20″ الرقم دة معناه 20Km حوالين منطقة مدينة نصر و كل طبعا ما بتزود الـkm كل ما بتبعد عن المنطقة. أحنا مرة كنا عاملين target للناس اللي في مدينة نصر و أختارنا +20 جالنا audience من السيدة زينب و مكناش عايزينهم اصلاً :D.

2- Age: هنفترض إن أنت عندك Service هـتّهم الشباب .. ممكن نعمل السن مابين 18 الى 30 سنه، فكل منتج ليه السن المناسب، و ممكن يكون المنتج مناسب لكل الاعمار.

3- Gender: بتشوف المنتج بتاعك لأنهي نوع، مثلاً لو أنت بتبيع مكنة حلاقة، يبقى ممكن أختار الرجالة.

4- Language: هنا بتحدد أنت عايز تـTarget الناس اللي عندهم معرفة بـلُغات ايه. زي انك تبقى مثلا ممكن بـTarget الناس اللى في الهند اللى بيتكلموا عربى.

5- More Demographic: هنا لما بتكون عايز تعمل target للـaudience بطريقة specific جداً، أنت هتختار هو خاطب ولا متجوز، تعليمهُ مستواه ايه ، بيشتغل في أنهي مجال و هكذا..

9

demographics selection for Facebook ads

6- Interests: هنا بتحدد الـaudience بتوعك أهتمامتهم ايه ، إذ كانوا بيهتموا بالرياضة، أو الأكل و الشرب، الخ..

10

Interests selection for Facebook ads

7- Behaviors: هنا بتشوف هما نشاطتهم إية على النت، هل من الناس اللي بتحب تعمل search كثير ولا بيستخدموا الموبيل كثير، حضروا events معينة بيسافروا أماكن معينة او مهاجرين، الخ.

11

Behaviors selection for Facebook ads

8- Connections: هنا هتختار أنت عايز الأعلان بتاعك يوصل للـFans اللي عندك على الـpage ؟؟ ولا كل الناس ؟؟ ولا تختار Fans بتوع page تانية خالص بس تكون انت admin عليها يعني 😀 .

12

Connections selections Facebook ads

في مشكلتين ممكن تقابلنا و أحنا بنحدد الـTarget Audience، منها:

  • المشكلة الاولى ان الـaudience يكون جواه need بس الـinterest مش موجودة :- و انت مهمتك تُنكشها لحد ما يبقى متأكد من إنهُ عاوز الحاجه دى ، زى الـCareer Shifting مثلاً.

هبسطهالك ، لو انت فاتح شركة E- learning ، وفيه من الـTarget Audience بتوعك ناس حابة تعمل Career Shifting

(طبعا مفيش حاجة إسمها على الFacebook إنك Interest بالCareer Shifting) فـدى ببساطة تقدر تعمل أنت community خاصة بالموضوع وتخلق interest جديدة.

  • المشكلة الثانيه أنك تكون بتـtarget ناس مش موجودة على النت :- فـ هنا هتعمل target للـsub-audience، نفترض أنك بتبع أجهزة منزلية و هنا عايز تعمل target للأمهات و دول مش موجودين كثير على النت، يبقى تعمل target لبناتهم مثلاً ;).

ما تجوم تطمن على فلوسك ؟!

اخر حاجة بتتعمل فى الـAd creation هى الـOptimization , ودى عبارة عن انى بختار طريقة معينة من الطرق اللى الـfacebook بيُنشر على اساسها الـ Ad بتاعى ” و هيحاسبنى بيها برضوا” , وكل طريقة الـ facebook بيحسبلها تسعيرة مختلفة، والمشكلة اللى بتقابل معظم الـsocial media marketers هى إزاى نختار بينهم.

طيب هى ايه الطرق دى اصلاً ؟:

  • Optimize for Post Engagement

    13

    Facebook ads Optimizations


هنا الـ facebook بيركز انه يبعت الـAd بتاعى للناس اللى ممكن تعمل engagement، طب ايه مشكلة الطريقة دى؟

المشكلة بقى ان انا لما بعمل optimization على اساس الـ post engagement الـ Facebook بيبعت الـ Ad بتاعى للـ user اللى بيعمل like على اى حاجة (عشان يتأكد انه هيجيب engagement)، يعنى مش لازم يكون مهتم بيا انا بالذات، يعنى أسوأ segment من الـaudience بتاعى

طب أمتى اختار الطريقة دى؟!

لما اكون عارف ان الـAd بتاعى مش engageable، طب وانا ليه أعمل Ad مش engageable؟

ممكن لما الـclient يبقى عايز ينزّل حاجة معينة وانا عارف انها مش أد كده, ساعتها ممكن اختار الطريقة دي.

اللي جاي دة بقى update جديد عمله الـFacebook.

  • Daily Unique Reach:

    14

    Facebook ads optimizations


وده أجدد update اتعمل للـ optimization و بيخلى الـuser يشوف الــAd بتاعى مرة واحدة فى اليوم، طب ده هفيدنى فى أيه؟

هيفيدنى إن الـuser ميزهقش من الـad بتاعى، و ده ممكن يفيدنى لو أنا بعمل promotion لـproduct مهم أوى, ومش عايز الـuser يزهق منه، ده غير انه لو شافه كتير ممكن يختار “Hide” من الـnewsfeed وده هيضعف الـEdgeRank، بس طبعا فى الحالة دى الـImpression هيقل جداً عشان كده لازم الـtarget audience يبقى ultra specific

  • (Impressions (CPM:

    15

    Facebook ads optimizations

ودى اختصار cost per thousand impressions و ده معناه ان الـFB هيحاسبك لما الـad بتاعك يظهر لـ 1000 شخص ,يعنى الـ Facebook هيخلى أكبر عدد من الـusers يشوف الـAd بتاعى, وهنا ال Facebook بيحاسبنى على الـuser اللى بيشوفوا الـ Ad .. سواء جاب clicks أو مجابش :D.

  • (Clicks (CPC:

    16

    Facebook ads optimizations

  • ودى اختصار Cost per click , وهنا الـFacebook بيبعت الـAd بتاعى للناس الاكثر قابلية انهم يعملوا click على ال ad بتاعى, وبيحاسبنى بالـclick، قطّاعى يعنى 😀 حتى لو داس لكن معملش أي نوع من أنواع الـEngagement 😀

طب أمتى اختار اعمل الـAd بتاعي CPC وأمتى CPM؟

على اعتبار ان فى 2 مننا, واحد مشاويره كتيره جدا, يعنى بيعمل فى اليوم 20 مشوار و واحد لو جالوا مشوار او اتنين فى اليوم يبقى كويس , الراجل اللى بيعمل مشاوير كتير المفروض يروح يركب تاكسي ولا يأجر عربية باليوم؟

لو جيت تفكر هتلاقى مادام بيعمل مشاوير كتير يبقى يأجر عربية باليوم هيبقى ارخصله, لأن التاكسى هيقف عليه غالى جدا, نفس الكلام اللى بيعمل مشوار واحد فى اليوم, يروح يأجر عربية كاملة فى اليوم, ولا ينزل يركب تاكسى؟ ينزل يركب تاكسى عشان تكاليف المشوار الواحد هتبقى أقل من تكاليف تأجير عربية, لكن تكاليف 20 مشوار هتبقى أكتر من تكاليف تأجير عربية فى يوم واحد

طب ايه هو الشخص اللى بيعمل مشاوير كتير وايه هو الشخص اللى بيعمل مشاوير قليلة؟

المشاوير هى الـclicks , يعنى المكان اللى لما يتحط فيه الـAd يجيب clicks كتير هو ده نفس حالة الراجل اللى عنده مشاوير كتير, فا لو انا عارف ان الـ newsfeed بالطبيعة الـclicks فيها كتير, الـ ( CTR (Click through rate فى الـ newsfeed بطبيعته عالى بيعدى 10 و20 % فبالتالى ده معناه ان كل 100 شخص هيظهرلهم هيدوس عليه 20 30 واحد

فلو انا عامل ال Ad بتاعى cpm وليكن هدفع دولار, الدولار ده هييجى فيه 20 click, 20 click ده يعتبر كتير لكل 1000 impression فى نفس الوقت اللى عامل ال ad بتاعه cpc هييروح يدفع تمن ال 20 click واحدة واحدة مش هيدفع دولار زي انا ما دفعت (هيتحاسب بالواحدة) كل واحدة هتقف عليه بحوالى 10 cent , هيلاقى نفسه دفع 2 دولار

مع ان نفس الـclicks دى كان ممكن ياخده بدولار واحد لو كان هو يبتحاسب cpm عشان هو عارف ان الـclicks فى الـnewsfeed كتير يبقى من المنطقى انى اتحاسب بالـimpression اللى هو ايجار عربية كاملة لكن العكس بقى فى الـ right column اللى هو الـ click قليلة جدا, يعنى لو كل 10000 impression جاب 5 10 clicks ممكن يبقى الموضوع ده rate average وده معناه ان مشاويرك قليلة يعنى الـclicks بتاعتك قليلة

مادام الـclicks قليلة وبتحتاج انك تظهر لناس كتير اوى عشان 5 بس هما اللى يدوسوا يبقى تاخد تاكسى تتحاسب بال (cpc) عشان تدفع تمن اللى يجيلك بس

عايز الـAd يظهر فين ؟

بعد ما بتحدد الـBudget بتظهرلك الخطوة الخامسة و هى انك بتختار الأعلان بتاعك يظهر فين، يا ترى عايز الإعلان يظهر فى الـDesktop اللى هو الشخص اللى بيفتح من PC او لاب ولا اللى معاه موبايل ولا انه يظهر على الجنب فى الـRight Colom او 2 او كلهم حتى على حسب ما أنت بتختار.

111

أخر حاجه ( لازم تدفع ) :

20

Facebook ads payment method

بعد ما تعمل content يستاهل وتحدد الـTarget Audienceبتوعك و تـOptmize الـAd بشكل كامل وتخلص كل الخطوات المهمه دي إلي إتكلمنا عليها فوق
هتيجي تـstart الـad ….. لازم قبلها الـfacebook يسألك هو أنت
هتدفع الإعلان إزاي؟؟

وفي أكتر من طريقه زي ما إنت شايف تقدر تدفع بيها الإعلان لو أنت معاك Internet card
ولو أنت مش معاك ؟؟
هات بطاقتك و 20 جنيه وروح لأقرب فرع لبنك CIB و أطلب
“Thomas Cook Card”، مش هتاخد منك وقت وتقدر بعدها تدفع الـbudget الـلي تناسبك …. وتـApprove الـAd بشكل طبيعي..بس كده.

Test قبل ما تلبس

في مفهوم أسمه AB Testing، و دة معناه إن قبل ما تعمل أي حاجة تجرب و تشوف أنهي أحسن طريقة تشتغل بيها لأن الـads كله تجربة!، و بعدين مينفعش تعمل ad بـ 500$، تستخدم method غلط و تبلس صاحب المحل، علشان تفهم ازاي تعمل AB Testing بص على الصورتين اللي تحت هنا

77

أحنا أختارنا الـtarget audience و أختارنا الأعلان بتاعنا يظهر على الـmobile news feed.

66

هنا سبت الـtarget audience زي ما هما مغيرتش أي حاجة فيهم و غيرت بس أن الـAd يظهر على الـDesktop News Feed.

يعني أنا عملت اية؟، انا سبت كل حاجة عملتها في الـAd زي الـTarget Audience والـOptmization Method. و غيرت بس الـAd Placement.

انت كده عملت A/B Testing علي Factor الـPlacement يعني المكان اللي هيظهر فيه الـAd اللي بالطبيعه هيتحكم في شكل ظهوره
طبعاً انت مطلوب منك تعمل A/b Testing علي اكتر من Factor عشلن تتأكد انك ماشي صح و من اهم الحاجات اللي محتاج تبتدي فيها Testing هي

1-الـInterests
اعمل اتنين Campaign ثبت فيهم كل العوامل من اول الLocation لحد الBidding و خلي الـInterest بس هو اللي مختلف و قارن نتايج ال2 و اوعدك انك هتنبهر من الفرق مع انك حاطت 2 Interest قريبين من بعض

2-Relationship Status

 

في بعض الحالات زي انك تكون بتبيع اثاث مثلاً بيبقي الموضوع فارق اوي انك تفصل اللي مخطوبين عن اللي متجوزين مثلاً, اللذيذ في الموضوع انك تقدر توصل لحد انك عامل Ad للي لسه مخطوبين من شهر و واحد تاني للي من تلات شهور و تشوف مين جايب نتايج احسان (طبعاً متنساش تثبت كل العوامل التانيه , يعني متقارنش المخطوبين اللي في مصر بالتجوزين اللي في سوريا )

طبعاً مش هما دول بس , انا عايز افهمك الConcept و انت طبّقه برحتك

Life Example

حبينا نجيبلكم مثال عام على نتايج الكلام ده بتكون خوزعبليه ازاي عشان تعرفوا احنا بنفكر لما نعمل Ads نعملها إزاى وعشان كده جبنالكم مثال من School Of Marketing نفسها.

55

الـScreenshot اللى قدامكم فيها post كنا عاملين لهُ Ad على الـFB ، احنا فى الـpost كان الTarget Audienceبتاعنا هما School Of Marketing Fans ،فى المثال ده الـPiece of content دى كانت engageable بالتالى المنطقى اننا نستخدم طريقة الـCPM “لان الـCTR بتاعها عالى .. يعنى عدد كبير من اللى بيشوفوا بيدوسوا على الـAd طبعا لو عملناها clicks هيتخرب بيتنا 😀 و هيحاسبنا على كل دوسه 😀

اما بقى لو عندنا حاجه الـCTR بتاعها كان قليل يعنى عدد قليل من اللى بيشوفوا بيدوسوا او بيعملوا اى نوع من انواع الـinteractions يبقى الافضل نعملها CPC مثلا عشان الـFB نفسه يجيبلنا Clicks .

ملحوظه :- عارفين ان الـPost ده الكلام في الصوره كان أكتر من 20% ومتسألوناش ازاي الـfb عداها 😀

نهايتو..

الـFB ads مهياش معضله ولا بعبع و عمايلها سهلة جداً . وانت كده سعادتك بقيت بتعرف تعمل FB Ads و لو نخربت شويه هتبقى بتعرف تعمل كل حاجه فى الـAds من اولها لاخرها …

بس خلى بالك كده من كام حاجه على السريع..

1- لما تعمل Ads حاول توجه الجزء الاكبر من الـbudget للـContent اللى بيعمل Engagement و اللى بيفيد مش اللى بيبيع

2- حاول دايما تركز على ان الـAds تروح للـFans بتوعك مش لناس برا , و بالطريقه دى انت هتوفر فلوسك اكتر و هيكون سعرها اقل
بس ده طبعا بعد ما تبني الCommunity بتاعك صح و ده هيحتاج منك شويه تعب في الاول

3- متخليش همك فى عدد الـFans خالص و اهتم اكتر بالـEngagement و ممكن تعرف ليه من هنا اقولك يعنى ايه Like و متزعلش

4- اوعى تبطل تعمل Testing حتى لو ضاع منك شويه فلوس هى كده كده هتعلمك و هتوصلك لنتايج محدش وصلها قبلك فى الـIndustry اللى بتعملها Marketing

5- العلم اسمه Social media marketing مش Social media ads و بالتالى اوعى تدى للـAds اكبر من حجمها لأنها جزء مش الكل 😉

لو عندك أى اسئله متعلقه بالـFB Ads اسال و احنا هنجاوبك و لو بتعمل Ads فعلا و عاوز تتاكد انت شغال صح او فى مشكله معينه بتواجهك فيها فاحنا عاملين Free Consultation لاول 20 واحد موافي للشروط هيسجل معانا من هنا :
ملحوظه : هتعرف معني موافي للشروط لما تدوس

Free Consultation

 

قواعد الـ Social Media Marketing الأربعون

قواعد الـ Social Media Marketing الأربعون

“قواعد الـ Social media marketing الأربعون” مع الشرح

 

دول اربعين قاعدة فى الـ Social media marketing لو فهتمهم، هيتبني عندك اساس كويس اوي فى المجال ده. معظم القواعد دي من الـ experience بتاعتي خلال فترة عملي في المجال ده، و ممكن نقول عليهم الخلاصة 😉

 

و طبعا الاسلوب ده مستوحى من كتاب “قواعد العشق الأربعون لـ إليف شافاق” ..

 

اسيبكوا مع الأربعون قاعدة “مع شرح كل واحدة فيهم” 🙂

 

1- من الافكار الغلط الشائعة ان الـ social media تستخدم في البيع. اوعى تبيع على الـ Social media لانها مش tool تبيع بيها.

هى Tool تحبب الناس في الـ Brand بتاعك، عشان لما حد يحب يشتري حاجة انت بتقدمها تبقى انت اختياره الاول.

امال هنبيع فين؟؟ الـ Website هو المحل بتاعك على الـ Internet و هو اللي بيبيع.

 

2- استخدم الصور.

الصور اثبتت تقريبا في كل الـ Social media networks انها بتجيب Interactions اعلى من كل انواع الـ content التانية. “لكل قاعده شواذ طبعا” .. بالتالى استخدمها عشان تستفيد منها، ده مش معناه انك تستخدمها هي بس و تنفض لباقي انواع الـ Content

التغيير حلو برضه 😉

 

3-  اسأل كتير.

السؤال دايما بيستفز البني ادم انه يرد عليه، يعنى مثلا انت عمرك سألك واحد صاحبك عامل ايه… و قام باصصلك و ماشى من غير ما يرد “الا لو متخاصمين طبعا 😀 “

و بما انه بيستفز البني ادم انه يرد عليه، هتلاقوا انه بيزود الـ Interactions عندك.

 

4- متعملش Share لنفس الـ content مرتين.

ينفع تبقى بتتكلم مع واحد صاحبك و تقوله على حاجة، و بعديها بشوية تقوله على نفس الحاجة تاني ؟؟

و كمان شوية تقوله نفس الحاجة مرة تالتة ؟؟ 😀

اكيد لأ.

هو ده بالظبط تكرار نفس الـ content على الـ Social media.

متكررش نفس الـ Content تاني.

ده غير ان الـ Facebook بيقدر يعمل Detection لـ ده، و بيقلل الـ Reach بتاعه، لانه مش عاوز الـ Fans يشوفوا نفس نوع الـ content مرتين.

 

5-  رد على كل الـ Comments.

ينفع حد من صحابك ييجي يعلق على كلام انت قلته و تقوم سايبه و ماشي ؟؟

اهو انت لو مردتش على الـ comments على الـ Social media هتبقى عملت كده بالظبط !!

 

6- اوعى تنسى ترد على كل الـ Comments.

عشان لو نسيت ترد على الـ Comments هتقلل الـ Interactions ما بينك و ما بين اللى بيتابعوك.

و الـ facebook بيقدر يفهم اذا كان الـ Post ده كويس و يستحق الظهور لناس تانية ولا لأ، لما يبقى عليه Interactions كتيرة.

 

7-  اهم حاجة في كل اللى قلناه فوق ده، انك ترد على كل الـ Comments.

لو مقتنعتش بالسببين اللي فوق ده هيقنعك ..

انت في الاول و الاخر قاعد على الـ Social media عشان تبني Relationship.

لو مبقتش تتكلم مع الـ Fans و بتنفض لكلامهم، يبقى انت دلوقتي مش بتبني Relationship حقيقية، هتبقى كده و كده.

و هما اول ما يكتشفوا ده، هيسيبوك، و انت اللي هتخسر مش هما.

 

8- متشتغلش على كل الـ Social media networks.

ركز على الـ Social media network اللي عليها الـ Audience بتوعك، و بلاش تشتت نفسك.

اختار 2 او 3 تشتغل عليهم و ركز فيهم كل مجهودك و طاقتك.

 

9-  اتكلم عن الـ Trends.

اتكلم عن الـ Trends اللي موجودة فى العالم و فى بلدك بالتحديد. لكن متتكلمش عليها بدون سبب.

حاول تربطها بشكل او باخر بمجال شغلك، بشكل منطقي طبعا.

 

10-  اوعى تنسى تكتب Description تحت الـ Cover photo و الـ Profile picture.

المكانين دول بيتداس عليهم كتير، فـ ليه متستغلهمش بشكل صح و تكتب Description عليهم يوصل فكرة او معلومة مهمة انت عاوز المتابعين ليك يعرفوها ؟؟

 

11- اوعى تستخدم الـ Auto messages.

عشان محدش بيحبها و بتقفل الناس منك.

 

12- استخدم الـ hashtags على twitter.

عشان يزود فرصة ظهورك للناس التانية، و هيزود الـ Interactions على الـ tweets اللي انت بتنزلها.

 

13- بلاش تستخدم الـ Hashtags على الـ Facebook.

لانه مضر مش مفيد، و بيقلل الـ reach، و في دراسات كتيرة بتوضّح ده زى ما فى الصورة:

social media hashtag

 

14- لما تعمل اى Event غطيه على الـSocial media

عشان ده هيزود الـ Interactions عندك على الـ social media networks.

 

15- Add Value

لو بتفيده، هيفضل متابعك على طول.

 

16- Add Value

لو بتفيده، هيفضل متابعك على طول.

 

17- Add value

لو لسه بتفيده تانى، هيحبك، و هيثق فيك، و علاقتكم ببعض هتقوى.

 

18- اقرأ كل يوم على الاقل ساعة فى مجال الـ Social media marketing.

كل يوم في حاجة جديدة في مجال الـ Social media marketing، و لو مفيش حاجة جديدة حصلت، في افكار جديدة بتطلع.

عشان كده مهم جدا انك تبقى على طول متابع و شايف الدنيا من حواليك بتتطور ازاي فى مجالك.

 

19- قبل ما تسأل هي الناس ليه مش بتعمل Share 1000 او 500 Comment

اسأل نفسك هو انا ليه معملتلهمش الحاجة اللي تستحق يحصلها كدا.

 

20-جرب كل شهر فكرة او اتنين من اللى اتعلمتهم من القراءة.

لو اتعلمت من غير ما تجرب بنفسك يبقى ملهاش لازمة، حاول تجرب كل حاجة اتعلمتها و قريت عنها فى شغلك؛ عشان القراءة حاجة، و ارض الواقع حاجة تانية خالص.

ده غير انك طبعا هتكتشف حاجات كتيرة و انت بتشتغل بايديك.

 

21- اخر حاجة تفكر فيها على الـ social media انك تعمل اعلانات.

مش بقول انك مش محتاج تعمل Ads خالص، الفكرة انك مينفعش تعتمد عليها هى بس.

اعتمد على انك تعمل Content يخلي الناس فعلا يتابعوك، و طبعا مفيش احسن من الـ Premium content 😉

 

22- اوعى تخبي غلطة عملتها.

مفيش حاجة بتستخبى على الـ Social media، بالتالى لو حاولت تخبي اي حاجة، العكس هو اللى هيحصل و الناس كلها هتعرف.

 

23- متنقطعش عن الـ Fans بتوعك اي يوم من الايام.

الـشغل على الـ Social media marketing التزام. انت بتنبي علاقة مبتتبنيش بسهولة لانها محتاجة وقت و مجهود.

بالتالي متضيعهاش بانك تنفصل عنهم يوم او حتى اتنين، ده غير انه بيأثر على فرصة ظهورك عند اللى بيتابعوك، خصوصا لو اتكررت كذا مرة.

 

24- شارك الـ Fans لقطات و صور من جوه الشركة بتاعتك.

عرفهم على فريق العمل، و وريهم بتقضوا يومكم فى الشغل ازاي، او لو في مناسبة سعيدة شاركوهم بيها. ده هيخليهم يحسوا انهم عارفينكم اكتر و قابليتهم لحبكم هتكبر.

 

25- متركزش على عدد الـ Fans، ركز على الـ Engagement.

ايه الاهم، يبقى عندك 100 الف واحد و 1000 بس بيتفاعلوا معاك ؟ ولا 5000 و الف منهم بيتفاعلوا معاك ؟؟

 

26- افصل و روح العب من وقت للتاني بأى حاجة ملهاش علاقة بالـ Laptop او الـ social media هتطلعلك افكار غريبة فى اوقات اغرب.

لازم كل فترة تنفذ فكره جديده على الـ social media عندك. و لو فضلت طول اليوم بتشتغل بس، مش هتطلع افكار جديدة … ابعد و افصل و طلع افكار و ارجع نفذ الفكرة.

 

27- متتكلمش فى الدين على الـ Social media.

الدين على الـ Social media معاملة؛ لان المتابعين ليك فى الاول و الاخر بيكونوا من ديانات مختلفة.

 

28-متصبّحش على الـ Followers كل يوم.

متكررش اى حاجة كتير، عشان تكرارها بيقلل من قيمتها.

 

29-لو لازم لازم لازم تصبح عليهم، قولهم صباح الخير مع معلومة مفيدة.

لو مضطر تصبّح عليهم، حاول تفيدهم كل يوم بحاجة جديدة. على الاقل متبقاش بتقول الجملة نفسها نفسها كل يوم.

لكن برضه الافضل متقولش صباح الخير كل يوم 😉

 

30-اتعلم يعني ايهEdgeRank، و استخدمه عشان تحسن شغلك.

الـ EdgeRank هو الاسم الغير رسمي للـ Facebook News Feed Algorithm اللي على اساسه بيتحدد ايه يظهرلك كـUser في الـ Newsfeed و ايه ميظهرش و يظهر امتى و ليه ؟؟ ويعتبر من اهم الحاجات اللي انت لازم تكون عارفها و انت شغال على الـ Social Media.

 

31-تابع الاخبار حواليك، و لو فى حدث مهم اتكلم عليه.

لازم على طول تبقى متابع الاخبار حواليك، و شايف الناس بيتكلموا فى ايه و تتكلم فيه.

يعنى ميبقاش فى حدث مهم فى البلد و انت متجيبش سيرته؛ لان ده هيحسسهم انهم فى وادي و انت فى وادي تاني خالص.

 

32-اعمل Premium content.

الـ Premium content هو اللي هيخلي الناس تتابعك انت مش غيرك. ده غير ان الـ facebook اصلا بيقدر يميز الـ Premium content عن غيره، فبالتالى ده هيكون في صالحك 😉

 

33- هزر من وقت للتاني مع الـ Fans بتوعك، بس اوعى تقلش.

في الاول و الاخر انت انسان و البنى ادمين بيهزروا مع بعض. مش غلط ان Brand يهزر مع الناس، خصوصا ان كتير منهم بيهرب من دوشة اليوم و الشغل لساعتين بالليل على الـ social media عشان يقابل صحابه و يهزر و يضحك معاهم.

لكن خلي بالك، مينفعش الـ Brand يقلش لانها لو فلتت منك هيبقى موقفك صعب اوي.

و طبعا لكل قاعده شواذ.

 

34-علّمهم حاجة انت بتفهم فيها اوي.

علشان تغير في ثقافة حد قدامك، في طريقين: اما تخترعله حاجة جديدة خالص، او تعلّمه حاجة مش المفروض تعلمها له.

ليه بقى متحاولش تغير فى ثقافة اللى بيتابعوك و تعلمهم حاجات جديدة ؟؟

لما تعلمهم، علمهم حاجة انت جربتها بنفسك، و انقل لهم جزء من الـ Experience بتاعتك.

لان هو ده اللي بيفرق.

 

35- اوعى تكدب، عشان اللي بيكدب بيتقفش 😀

فى العصر اللى احنا فيه ده الغبي بس هو اللي يفتكر ان كدبته ممكن تستخبى!!

 لو كدبت هتتقفش يعني هتتقفش، و الامثلة كتيرة اوي على الموضوع ده، بلاش ندخل فى تفاصيل اكتر.

 

36- اوعد بحل اي مشكلة تجيلك، و اوعى توعد بحاجة انت مش هتقدر تنفذها.

لما حد يشتكيلك من حاجة على الـ social media، اوعى تسيبه و تمشى او تمسح المشكلة بتاعته…. بالعكس حلها و طور نفسك عشان المشكلة دى متتكررش تاني مع اي حد تاني.

 

37- الـ Social media مش هتحلي شكلك و مش هتخبى مشاكلك، بالعكس هتفضحها.

كمان لما توعد بحاجة، لازم تبقى عارف انك هتنفذها. متوعدش بحاجة و انت مش قدها او مش ناوي اصلا تنفذها لان الـ Fans مش هينسوا.

 

38- افتح conversations على قد ما تقدر.

الـ Conversations ليها فوائد كتير.

 -هتقوي علاقتكم.

– هتزود الـ Interactions ما بينكم.

– هتفهم الـ facebook ان علاقتكم فعلا قوية، فـ هيخلي الـ Updates بتاعت الـ Brand تظهر للناس اللى بيتكلموا مع الـ Brand اكتر

 

39- اعمل  مسابقات.

من وقت للتاني العب معاهم و اعمل مسابقات و دلعهم، اعمل حاجة جديدة تكسر الملل 😉

 

40- متبتديش شغل النهاردة و تستنى نتايج بكرة، اصبر و اعمل اللي عليك، و هتشوف النتايج كمان فترة.

زي ما قلنا انت بتبني علاقة، و مفيش علاقة بتتبني قى يوم و ليلة، بس بتكون محتاج لها وقت طويل عشان تتبني.

في 6 خطوات Event غطي اي

في 6 خطوات Event غطي اي

! في 6 خطوات Event غطي اي

الـ Social media تعتبر من الـ Powerful tools اللي لازم يستخدمها اي Brand في الـ Business بتاعه، و خصوصا لو عامل Event !!

و هنا هنتكلم عن 5 حاجات تعملهم لو ناوي تنظم Event سواء كبير او صغير و عاوز تغطيه على الـ Social media

 

1- اعمل Hashtag مميز للـ Event

الهاشتاج ده مهم اوي لانه هيساعد الناس تلاقيك. مش بس كده، ماهو اكيد الناس اللي جوا الـ Event برضه حابين يكتبوا هما فين و بيعملوا ايه دلوقتى.

لما يستخدموا الـ Hashtag بتاعك كل صحابهم او الـ Followers عندهم هيشوفوا.

 

2- اعمل Announcement عندك على الـ Social media networks بالـ Event ده

مثلا ايه الحاجات اللي هتحصل فيه، او لو فيه شخصية مهمة، عرف المتابعين بيك عليها.

و طبعا وانت بتكتب اي Announcement على الـ Event ده، دايما استخدم الـ Hashtag اللي انت عملته.

 

3- استخدم YouTube live events

دي Feature الـ youtube عملاها لك عشان تعرض اي حاجة Live

استخدامها سهل بالنسبالك، و فى نفس الوقت مهمة اوي عشان اى حد مقدرش يحضر الـ Event انه يتابعه Live 🙂

 

4- النقطة اللى فاتت قلنا هنوصل لهم كل حاجة عن طريق اليوتيوب!! لكن ده مش كفاية على فكرة …

ممكن جدا وانت جوا الـ Event تعمل Updates على كل الـ Social media networks اللى ليك تواجد عليها، و تشجع الناس انهم يتابعوك. بس طبعا متزنش عليهم.

و مثلا لو في Speech لحد مهم هيبتدي، نزل Post على الـ facebook قولهم انه هيبتدى دلوقتى.

او ممكن tweets لجمل مميزة قالها حد من الـ Speakers اللى موجودين 🙂

خليهم و هما متابعينك على الـ social media يحسوا انهم جوا الـ event نفسه.

 

5-دي من اهم النقاط اللي في ناس كتيرة بتتجاهلها، لكن انت لازم تخلي بالك منها اوي.

و الـ Event شغال، وانت بتنزل الـ Updates لازم تعمل Interactions مع الناس على الـ Social media

يعني رد على الـ Comments بتاعتهم و اسئلتهم .. اوعى تنفضلهم 🙂

 

6-حاول تربط الناس اللي حضرت بالـ social media

مثلا لو حابين يسألوا حد من الـ Speakers سؤال معين، اطلب منهم يسألوه على Twitter و عرفهم انك هتخلي الـ Speaker يرد على الاسئله دى 🙂

و بكده نضمن اننا غطينا الـ event على ارض الواقع و على الـSocial media.

و مش بس كده، ده حتى بعد ما الـ Event يخلص، اللي حضروه لما يروحوا هيشوفوا الـ Updates دي كمان و ده هيزود الـInteractions عندك على الـ Social media.

 

دلوقتي شاركوني بالافكار، و قولولى ممكن نعمل ايه كمان فى الـ Event عشان نربطه بالـ Social media ؟؟

By: Fayrouz AlQutt