Bidding Strategies

بعد ما حددت الـ Target  مظبوط لازم تعرف الطريقة اللي انت هتزايد بيها
أولا الـ Bidding  بيبقى متوحد على مستوى الـ Ad Group (يعني لو عندك 2 keyword- وقولت هتدفع جنيه على الـ Click ، هيبقى على الأولى هتظهر بجنيه والتانية هتظهر بجنيه)
كذلك الـ Bidding strategy  بتكون موحدة على مستوى الـ Ad Group 

فيه 7 Bidding Strategies متقسمين تحت نوعين بس (مانيوال و أوتوماتيك)

1- Manual CPC

بيضم نوع Bidding Strategy واحد وهو الـ bid عن طريق الـ CPC
وده معناه إنك هتبقى بتعمل كل حاجة بإيدك وليك كل التحكم في أي حاجة بتحصل في الـ Budget بتاعتك

Manual CPC Activity

دلوقتي لو انت بتبيع منتج معين ومحدد الـ CPC لـ Ad Group معينة 2 جنيه
إيه الحالة اللي ممكن فيها تمن الـ Click يوصل لـ 10 جنيه؟

قبل ما تنقل من النقطة دي محتاجك تعرف إن فيه Option مهم جداً جوا الـ Manual CPC وهو الـ Enhanced cpc

Enhanced CPC

وده عبارة عن Option تقدر تفتحه و انت مختال Manual CPC يخليك عندك فرصه تكسب اكتر او توفر اكتر
يعني Manual cpc بس متظبط، يعني انت اللي هتحط الـ Maximum CPC، لكن لما الـSystem يلاقي ان في Click اغلي من اللي انت محدد بس احتمال كبير تـConvert هيدفعه CPC اعلي والعكس صحيح
هنا الـ System هيبقى باصص لـ Conversion أكتر
بس خد بالك مش هيحاسبك عليه (هندخل ف الفلوس لاء مليش فيه ببيع Clicks ، اصحاب وحبايب هحاول اظبطك )

وهنا ال system عامل الـ7 بطرق مختلفة في الـ Ad delivery والـ Budget Spending لمجرد إنك في كل واحد فيهم محدد Bidding Strategy مختلفة

النوع التاني واللي فيه باقي الـ Bidding Strategies وهوا الـAutomatic Bidding

 2- CPA

Cost per Action او Cost per Conversion
وهنا كأنك بتقول للـ System هاتلي Conversion لو عرفت تجيبه بـ 100 جنيه لو معرفتش متجيبش، وبكده انت بتسيب للـ system مساحة بس بتبقى حاطط له سقف معين مش بيعلى عليه.
ملحوظة : هنا في اختيارك لنوع الـ Strategy دي الـ campaign هتتفرمل لو مش بتحقق الهدف بتاعها (بتصرف ومش بييجي Conv).

3- Maximize Conversion

(أكبر عدد Conversion )
كأنك بتقول للـ system ( مش عايز احط لك حدود أنا معايا Budget محددهالك فوق، بس عايزك تصرف الـ Budget دي بأذكى طريقة تجيب بيها عدد Conversions أكتر) وده معناه إنه هيروح ينوب عنك في القرار بانه يزايد على إيه وبكام ) و مش هيبص على الـ Value. يعني مش هيبقي فارق مع الـSystem هو الـConversion اللي جه ده بكام

Maximize Conversion Activity

4- ROAS

يعني Return-on-Ad-Spend
قسم الـ value على الـ CPA، يعني كانك بقولّة (عايزك توصلني لان كل جنيه بدفعه يرجع 7 مثلاً وشوف انت عايز تدفع فين)

ملحوظة: هنا لو الـSystem لقي ان الـconversion اللي هو بيجيبة مابيجبش العائد اللي انت طالبه هيفرمل الـ Campaign.

و فرملة الـ Campaign مش بتحصل من أول مرة، بياخد وقت على ما يتأكد انه مش بيحقق الهدف بتاعك و بعده بيبدأ يققل صرف للـ budget

ROAS Activity

5- Maximize Value

هنا انت بتقول للـ system لو قدامك 2 Conversions واحد على اوردر بـ 1000 جنيه وواحد على اوردر ب 2000، روح على اللي بـ 2000 جنيه حتى لو التكلفة أعلى.

1 Maximize Value Activity

عيادة أسنان بتقدم Service في تجميل الأسنان وهي “هوليود سمايل” وحجز الخدمة دي بيبقى عن طريق 3 حاجات
1- استمارة تسجيل
2- واتساب
3- اتصال تليفون
وانت عارف ان من بين كل 2 بيملوا استمارة بييجي العيادة منهم واحد بيحجز الـ Service دي اللي
بـ 60.000 جنيه
ومن بين كل 10 بيتصلوا بييجي واحد
ومن بين كل 20 بيبعتوا واتساب بييجي واحد للعيادة

ثانياً
بناء على اختيارك لنوع الـ Bidding ده (Maximize Value ) والمعطيات اللي فوق، اختار الطريقة اللي الـ System هيتوجّه ليها في طريقة صرفه للـ Budget باعتبار إن الاختيارين دول على قد الـ Budget المتاحة بالظبط

الـ System بنوع الـ Bidding ده اتوجه لانه يدور على الـ Users اللي عندهم احتمالية أكبر انهم يعملوا الـ Conv اللي الـ Value بتاعته أكبر أياً كان هيدفع كام في الـ Conv ملوش دعوة، عشان كده في الحالة دي هيدور على الـ User اللي يملى الاستمارة لإن الـ Value بتيجي منها 30.000 جنيه
تقريباً على عكس الواتساب اللي الـ Value بتاعته 3.000 جنيه بس، و ده طبعاً بصورة مبسَطة، انما الواقع انه هيبقي بيشوف انهي توليفة من الـ Conversion Actions بتاعتك توصلك لأعلى Value ممكنة

6- impression share

ياخدلك نصيب من سوق معين كأنك بتقوله (اتشقلب وادفع أي Bidding عشان اظهر 500 مرة من الـ1000 مرة المتاحين، يعني 50 % من السوق)

Impression Share Activity

محامي مشهور، تقدر تقول انه من اتقل 3 محامين في البلد ، الاتنين المنافسين التانين ليه قرروا يقلدوه و يـعملوا search Ads و بالتالي من اول ما دخلوا و هو فرصته في الظهور (و بالتحديد أول واحد) قلت للتلت
الـObjective الأساسي عند الـClient ده (المحامي) انه يعمل يبقي اسمه في السوق رقم 1

المشكلة ان الاتنين المنافسين عندهم نفس الـObjective بظبط
شوية معلومات عن التلاته
الـClient بتاعنا (المحامي 1) : الـBudget بتاعته 20000 ج ( Advertiser 1)
الـمنافس الاول الـBudget بتاعته 15000 ( Advertiser 2)
المنافس التاني الـBudget بتاعته 10000 ( Advertiser 3)

و كلهم عايزين 50% من السوق المتاح وكلهم مختارين انهم يظهروا Absolute top يعني يطلعوا في أول نتيجة في الـ Search
الـ Market ده عبارة عن مليون Impression و تكلفة الـ CPM هي 45 جنيه

السؤال بقي

لو كلهم متساوين في الـ Quality ومفيش غير الـ 3 Advertisers دول ومختارين كلهم نفس نوع الـ Bidding، احسب كل واحد فيهم هم التلاتة هياخد Impression Share قد ايه

هنشوف إجاباتك وانت كمان من الصورة اللي تحت هيوضحلك الإجابة الصح و متقسمة على مراحل عشان تبين لك إن في كل مرحلة فيه Advertiser هيخلص الـ Budget بتاعته وهيخرج برا المنافسة

يعني الملخص هو
Advertiser 1 = 222.000 Impression
وبعدها خرج من لإن الـ Budget خلصت وكمل الاتنين التانيين
Advertiser 2 = 222.000+111.000
= 333.000 Impression
وبعدها خرج وكمل الأول لإنه أعلى واحد في التلاتة في الـ Budget
Advertiser 1 = 222.000+111.000+111.000
= 444.000 Impression

لو مستغرب ازاي أكبر واحد فيهم وبردو مخدش الـ 50% من الـ Market ومكملش الـ 500.000 فـ ده طبيعي لأنه كونها أعلى Budget مش معناها إنه هياخد اللي هو عايزه، هو ظهر على حجم الـ Impressions قد الـ Budget اللي معاه

7- Maximize clicks

( هاتلي Clicks على قد ما تقدر بالـ Budget دي )
مش فارقة بكام وعلى منتج بقد ايه ملوش دعوه

Manual Vs Automatic Activity 1

من خلال خبرتك واللي فهمته لحد دلوقتي هل الأحسن تشتغل مانيوال ولا اوتوماتيك ؟

يعني مثلاً لو انت بتسوق وبتحب تتحكم في كل حاجة وتشد وتاخد غرز هتسوق مانيوال
إنما لو بتحب تريح دماغك بتسوق اوتوماتيك

بس هنا الـ مانيوال “CPC”
بيديك أعلى درجة تحكم ممكنة فبتبذل مجهود لكن بتقدر تـ Bid بالشكل اللي انت شايفه على Keyword معينة
بس لو انت مبرمج الـ System صح ومغذيه ب data كتير هيبقى كأنك معاك عربية BMW اوتوماتيك

الـ Bidding Strategy ده نبص عليه من أي اتجاه ؟

لو ف الاول معندكش Conversion Data كافية (انت وال System زي بعض )
الـ System هيعرف لما يحصل Conversion بالفعل عشان تطلع داتا تفهمه

كذلك هتعدي معاك 9 مرات في السيستم وفي المرة العاشرة هتلاقيك صرفت 5000 دولار في الـ3 أيام!! (ده اوحش من المقطورة صح ؟)
ده متاح على حسب درجة استهتارك.

فاحنا في الاول محتاجين انتباه عالي أوي وإعمال عقل لحد ما نفهم كل تفصيلة في الـ Ad Group والـkeyword وال Bidding Strategy
ومع فهمك للـ Conv data هتفهم إيه أنسب طريقة تزايد بيها

في حالات في الاول مش ضروري تزايد بالـ CPC وحالات لازم

هتبقى انت عملت فرضية على اللي ينفعلك في كل طريقة مزايدة (أنهي انسب طريقه تكون مأمناني اطلع لنتايج عالية ) وطالما فرضية لازم AB Tasting يكون على فرضية مدروسة
تجيب داتا ، تحللها، تبني عليها دلائل تقولك هتكمل ازاي
وده معناه اننا ديما هيبقى عندنا Bidding Strategy أساسية بنشتغل بيها والتانيه بنجرب فيها

Manual Vs Automatic Activity 2

قولنا فوق إن مفيش حاجة اسمها اختار Manual ولا Automatic في المطلق، وده ميمنعش إن ممكن يبقى الافضل بالنسبالك تختار Automatic
ايه الحاله اللي هبقى في الاول محتاج اوتوماتيك ؟
هديلك Cases اختار منهم الـ Case اللي انت شايف ان الـ Bid فيها Automatic أفضل (ممكن الاجابتين لو شايف إنهم صح)

الـ Case الأولى اللي الـ Click فيها بـ 3 جنيه (ودي حاجه حلوه في معظم الـ industries ) هتجيب Clicks كتير ووده معناه ان الـ keyword نفسها Click أزيد او اقل مش فارقة ، وفي نفس الوقت الاكونت ده فيه عدد Keywords من 700 لـ 1300 وانت لسه داخل ومتعرفش حاجة

هتقدر كل يوم تمشي على 1300 KW مانيوال عشان تقرر مين يقف ومين يزيد ومين يقل ؟؟
أكيد لاء، هنا خليك اوتوماتيك.
في الحالة التانية اكونت الـ Click عليه ب 450 جنيه وعليه 30 Keyword بس، تسيب الـ System هو اللي يتعامل؟
مستحيل!
انت في كلا الحالتين مش عارف بس الظروف بتخليك تختار الانسب ولازم تفنجل عينيك وتاخد بالاسباب على حسب الحالة.

من بعد ما يحصل فيه Dataالاختيار هيبقى فارق جداً

لو حجم الداتا كبير جداً خليك اوتوماتيك (عربية BMW)
لو داتا قليلة (هيبقى System عاطف فنفسه ) لازم تدخل بشري يقدر يقيس ويقيم ويحدد