Setup Menus in Admin Panel

Setup Menus in Admin Panel

Bidding Strategies 2

Bidding Activity

الـ Activities  اللي فات كانت بسيطة عارف إنها مخدتش منك وقت، هنا محتاج تركيزك أكتر.
قدامك 4 Cases من خلال المعطيات الموجودة فيهم مطلوب منك حاجتين
1-  اسحب من الـ 7 أنواع الموجودين تحت  للخانة الأولى اللي لونها أخضر أنسب Bidding Strategies تحقق بيها هدف الـ Campaign “خد بالك ممكن تطلع نوع Bidding Strategy  واحد وممكن أكتر “
2- في الخانة التانية المتلونة بـ أحمر اختار الـ Bidding Strategy  اللي غلط تستخدمها في
الـ Case  دي لأنها مش هتحقق الهدف أو هتضيع عليك فرص 

وقبل ما تبدأ تجاوب محتاج أأكد عليك مفيش إجابات صح بشكل مطلق أو غلط بشكل مطلق، إحنا بنحاول نشوف أقرب طريقة مناسبة تحقق الهدف وتحافظ على الـ Budget لكل Case  منهم

Maximize clicks

Manual CPC

CPA

Maximize Value

impression share

ROAS

Maximize Conv

Bidding Activity -Case 1.1

عندك أبلكيشن  e commerce  بيعرض منتجات ليها علاقة بالميكب والتجميل، بتتعامل مع Brands  من كل الشرايح وأكيد بتوصّل منتجات بأسعار مختلفة،.
– هتعمل Campaign توقيتها قبل العيد الصغير  لمدة اسبوعين و معاك Budget مفتوحة.
– عدد الـ KWs  اللي معاك 5000 KW
– بتوصل لكل مناطق القاهرة  بدون مصاريف شحن
– مكسبك من تقديمك للـ Service  دي هو 7% من قيمة كل اوردر بتوصله

K
Q

impression share

ده موسم ف محتاج يظهر لأكبر عدد من الناس قصاد كل المنافسين 
وماقدموش غير اسبوعين فا مينفعش يسيب احتمالية ان حد من الـCompetitors ياخد منه السوق.

Maximize Value

الطريقة دي مناسبة لأنها هتوجه الـ System ناحية الـ Users الأقرب لشراء منتجات غالية. وبما إن المكسب 7 % من قيمة الاوردر فمن مصلحتك تاخد 70 جنيه مكسب من منتج بـ ألف جنيه أحسن من مكسب 7 جنيه من منتج بـ 100 جنيه.

ROAS

الـ Bidding Strategy دي هنا مناسبة لأن الـ Value مش ثابتة، وكده كأنك بتقول للـ system لو جبتلي منتج غالي هدفعلك فلوس كتيرة ، إنما لو منتج رخيص هدفعلك فلوس أقل “نسبة يعني”

Maximize Conv

الطريقة دي مش مناسبة لأن الـ System هيتوجه لإنه يجيب أكبر عدد من الـ Conv بعيداً عن قيمة المنتج بكام؟

وبالتالي ممكن يجيبلك 10 Conv من اللي هيشتروا اودر ب 100 جنيه وتكسب 70 جنيه

( اللي كنت تقدر تكسبهم من Conv واحد على اوردر بـ 1000 جنيه) .

CPA

الطريقة دي هتضيع عليك فرص كتيرة جداً 
لأنك حاطط  قيمة ثابتة للـ Conv (مثلاً 10 جنيه ) 
فلو ده مناسب يجيبلك Conversion  على منتج سعره 100 جنيه ، فمش هيجيبه على منتج بـ 1000 جنيه 
(وانت مكسبك في الاخر نسبة)

Manual CPC

الطريقة دي هنا مش مناسبة خصوصاً مع حجم الـ KWs  الضخم ده 
وفي نفس الوقت مش الصح هنا إنك تـ Optimize  بالـ Clicks لأنها هنا ممكن متجيبلكش نوع الـ Conversion  اللي انت عايزه

Maximize clicks

مفيش سبب يدعو انك تستخدم الـMaximize Clicks في الحاله دي لسببين 
مفيش حاجه تضمنك ان الـClicks اللي هتيجي هتجبلك نوع الـConversion اللي انت عايزه 
السبب التاني ده موسم بالنسبه لكل الللي شغالين في المجال ده و ده معناه competivity اعلي و انت هنا مش هتبقي محدد سقف لسعر الـClick فممكن الموضوع يخرج عن السيطره

Bidding Activity -Case 1.2

في نفس الـ Case اللي فوق لو غيرنا بس طريقة المكسب وخليناها إن كل اوردر بتوصله بتاخد 30 جنيه مكسب ، شوف إيه هيتغير في قرارتك

K
Q

impression share

هتفضل طريقة مناسبة لأنه ببساطة هنا تغيير طريقة المكسب ملهاش علاقة بهدف الـ Impression share اللي هيساعدك توصل لأكبر عدد من الناس في الموسم ده

Maximize Value

طبعاً الـ Maxmaize Value طريقة غلط جداً وهتخسرك فلوس كتير وانت مش كسبان حاجة من ده
لأن الـ System هنا هيدور على الـ User اللي هيشتري منتج غالي حتى لو هيدفعك أكتر

ROAS

استخدامك للـ ROAS هنا مش طريقة صح ولا غلط
هيا بالظبط كأنك بتتفزلك على الـ System وطالب منه CPA بس بطريقة شيك، لكن بالظبط نفس هدف الـ CPA لأنه المكسب خلاص بقى ثابت بالنسبالك “30جنيه على كل اوردر ” ف مفيش نسب متغيرة تخليك تحتاج تقوله ROAS

Maximize Conv

مع تغيير طريقة المكسب الطريقة دي بقت مناسبة جداً لأنه
من مصلحتك تجيب اكبر عدد من الـ Conv ومش هتفرق الـ Value لأن مكسبك كده كده ملوش علاقة بسعر كل منتج

CPA

الـ CPA  هنا بقت مناسبة جداً ومنطقي إنك تحط قيمة ثابته لكل conv  لأن انت كمان مكسبك كده كده ثابت

Manual CPC

هتفضل طريقة مش مناسبة لأن تغير طريقة المكسب ملهاش علاقة بصعوبة التعامل Manual مع وجود 5000 KW

Maximize clicks

نفس السبب في الـ Case الأولي وهو إنه
مفيش سبب يدعو انك تستخدم الـMaximize Clicks في الحاله دي لسببين
مفيش حاجه تضمنك ان الـClicks اللي هتيجي هتجبلك الـConversion اللي انت عايزه

السبب التاني ده موسم بالنسبه لكل الللي شغالين في المجال ده و ده معناه competivity أعلي و انت هنا مش هتبقي محدد سقف لسعر الـClick فممكن الموضوع يخرج عن السيطرة

من الحالتين اللي فاتوا وضحتلك فكرة إن مع متغير واحد ممكن كل الموازين تتغير وكذلك الـ Campaign  في وقت معين ممكن تنفع لها Bidding strategy  معينة وفي وقت معين لاء (موسم مثلا) وهكذا
عشان الـ Cases  دي فيها تفاصيل كتير وهي أقرب حاجة للواقع، هتنقل على Case  تانية لـ Industry  مختلفة تماماً 

Bidding Activity- Case 2

عندك شركة سياحة داخلية، بتقدم رحلات مدتها من يوم لأسبوع في أي مكان في مصر.
وفيه رحلة للأقصر وأسوان (مع العلم انك في الصيف يعني مش موسم للرحلة دي” والمفروض  يطلعها 50 فرد عشان تغطي مصاريفها ومتبقاش تكلفة الرحلة غالية، اللي حجز 13 واحد بس والرحلة بعد اسبوع!
الرحلة سعرها 1200 جنيه مكسبك من كل مسافر 300 جنيه
المطلوب منك تعمل Campaign توصل بيها بسرعة لناس عايزه تسافر عن الطريق Website بتاعك  اللي عليه 3 أنواع Conversions (تسجيل استمارة/ اتصال بالتليفون/ شات واتساب)

ومن خلال الـ Campaigns  اللي فاتت وطبيعة الـ Industry وصلت لحاجة
– إن الـ Transaction الواحد ممكن تحصل نتيجة حاجة من الـ 3.

1- تسجيل 4 أشخاص في الاستمارة  (ده معناه إن قيمة الـ Conv  من النوع ده 200/ 4 = 50 جنيه) 

2- 10 اتصالات بالتليفون (قيمة الـ Conv  20 جنيه ) 

3- 20 whatsApp Message  (قيمة الـ conv 10 جنيه )
هدف الـ Campaign  تحقق أعلى Transactions في فترة صغيرة ومعاك Budget 1000جنيه
عدد الـ KWs 35

 

K
Q

impression share

ده مش موسم ومفيش منافسين فمفيش أي احتياج لإنك تختار النوع ده من الـ Bidding

Maximize Value

بالرغم من انه فيه اكتر من نوع Conversion  لكن الـ Budget  صغيرة ومحدودة  فمش هينفع هنا الاختيار ده لانها ممكن تجيب Conversion من نوع صح لكن بـ 5 أضعاف السعر

ROAS

الـ ROAS  هنا اختيار مناسب لإنك هتقدر تحدد نسبة مكسب معينة تضمنلك إنك مش هتخسر وبأنواع Conversions  مختلفة

Maximize Conv

الاختيار ده مش مناسب لإنه هيروح يجيب أكبر عدد من الـ Conv  أياً كان نوعها وممكن تبقى كلها من الـ Whats App  مثلاً على حساب الـ Form

CPA

الـ CPA هنا اختيار مش مناسب لإنك لما هتوحده وبقيمة متوسطة مثلاً هيعرف يجيبلك الـ Conv للاتصال أو الرسالة و هتخسر فرص كتيرة في انه يجيبلك أهم Conv وهو التسجيل في الاستمارة مثلاً

Manual CPC

مش أنسب اختيار لكن مفيش حاجة تمنع انك تختار النوع ده خصوصاً إن عدد  الـ KWs  مساعدك

Maximize clicks

الاختيار ده مش بيحقق هدف الـ Campaign  ولا هيضمنلك حصول نوع الـ Conversion  اللي انت محتاجه

Bidding Activity – Case 3.1

عندك شركة سياحة داخلية، بتقدم رحلات مدتها من يوم لأسبوع في أي مكان في مصر.
وفيه رحلة للأقصر وأسوان (مع العلم انك في الصيف يعني مش موسم للرحلة دي” والمفروض  يطلعها 50 فرد عشان تغطي مصاريفها ومتبقاش تكلفة الرحلة غالية، اللي حجز 13 واحد بس والرحلة بعد اسبوع!
الرحلة سعرها 1200 جنيه مكسبك من كل مسافر 300 جنيه
المطلوب منك تعمل Campaign توصل بيها بسرعة لناس عايزه تسافر عن الطريق Website بتاعك  اللي عليه 3 أنواع Conversions (تسجيل استمارة/ اتصال بالتليفون/ شات واتساب)

ومن خلال الـ Campaigns  اللي فاتت وطبيعة الـ Industry وصلت لحاجة
– إن الـ Transaction الواحد ممكن تحصل نتيجة حاجة من الـ 3.

1- تسجيل 4 أشخاص في الاستمارة  (ده معناه إن قيمة الـ Conv  من النوع ده 200/ 4 = 50 جنيه) 

2- 10 اتصالات بالتليفون (قيمة الـ Conv  20 جنيه ) 

3- 20 whatsApp Message  (قيمة الـ conv 10 جنيه )
هدف الـ Campaign  تحقق أعلى Transactions في فترة صغيرة ومعاك Budget 1000جنيه
عدد الـ KWs 35

 

K
Q

impression share

ولا هيضمن سعر ولا هيضمنا نوصل لنوع الـ Conversion الأحسن

Maximize Value

Maximize value هنا مش هتنفع  لانه قيمة الـ Impression  ثابتة

ROAS

استخدامك للـ ROAS هنا مش طريقة صح ولا غلط
هيا بالظبط كأنك بتتفزلك على الـ System وطالب منه CPA بس بطريقة شيك، لكن بالظبط نفس هدف الـ CPA لأنه الهدف هو Traffic بنوع Conversion نوع معين
وكده كده قيمة الـ Conversion ثابتة

Maximize Conv

Maximize Conv  هنا مش هتنفع بردو حتى لو من خلالها هيقدر يختاع نوع معين أحسن لكن ده احتمال كبير يضر الـ Budget 
يعني السبب قريب لسبب الـ Maximize clicks 
لأن الـ System هنا هيروح يجيب أكبر عدد بردو حتى لو بسعر أغلى

CPA

مفيهوش مشكلة 
مفيش حاجة تمنع لكنه مش احسن حاجة 
لانه ممكن يركز مع انه يجيبلنا عدد قليل من اللي بتعمل الـ Action اللي احنا طالبينه وبالتالي نخسر فرصه اننا نجيب User من اللي  بيعمل Page view  واحدة

Manual CPC

الهدف بتاعك هو حصول traffic  بس (بسعر معين )
وف نفس الوقت فيه نوع Traffic أحسن عشان كده عملنا الخطوة اللي فاتت (Conversion setup ) 

– بالتالي دلوقتي محتاج نوع Bidding strategy  تخدم الاتنين 
سعر مظبوط ونوع نضيف من الـ Conversion 
والـ Manual CPC  هنا بـ option  الـ Enhanced CPCهيخدم الاتنين 
عن طريق إن فيه limit معين للـ CPC 
وفي نفس الوقت مديله إذن إنه يزود عنالـ CPC أو يقلله لو ده هيخدم الـ Conversion أو هيضره

Maximize clicks

لو مكانتش الـ Budget  مفتوحة ومحكومة بسعر Visitors  معين مينفعش تعديه كان هيبقى ده بالنسبالك اختيار مناسب جداً، لكن مع الوضع اللي حاصل فـ الCase دي هتخسرك فلوس كتيرة لأن الـ System هيبقى بيدور على إنه يجيبلك clicks  بأي سعر

كده انت خلصت الـ Bidding  كله ووصلت لـ 60% من الـ Guide، هانت D:
لو عندك استفسار في الجزئية دي ابعتلنا هنا

لو مفيش يبقى انت جاهز للمرحلة اللي بعدها 

top
Template Design © VibeThemes. All rights reserved.