ازاي تكسب الـMass Audience   بخطوه واحده ؟ “طنشهم “

ازاي تكسب الـMass Audience بخطوه واحده ؟ “طنشهم “

14/8/2016 Updated on

مبدأيا أرجع بذاكرتك لورا شويه  “أيام ابتدائي تحديدا”  فاكر سؤال وصل ؟                                                                                                                      لو عندك استعداد تحله تاني وأنت في السن ده بس في الـMarketing  كمل الـArticle  دي

انت  أدامك صوره على اليمين فيها 4 أنواع من الـCustomers اللي هما “Innovators – Early Adopters – Majority – laggards”                         وصوره على الشمال فيها 3 أنواع من  الكيانات اللي هما “Startup – Business – وكيان أخير هنسميه مجازا مصلحه 😀 “،                                              ومطلوب منك كـMarketer  انك توصل كل كيان بنوع الـCustomers  اللي هيفيدوه ويتأثروا بيه

 

Untitled design (3)

Types of Customers

 

 

 

 

 

 

وبما انك مش هتعرف توصل من غير ما تكون عارف كل حاجه من الـ7 مقصود بيها ايه بالظبط وايه قصتها  .. فتعالى نبدأ نشرحهم الأول وهنبدأ من الـشمال

    Businesses Vs Startups Vs مصلحة

أولا الفرق بين الـStartup  والـBusiness  ممكن تعرفه بالتفصيل من الـVideo  ده

 

أما الكيان التالت اللي سمناه مجازا “المصلحه ” فصاحبه بيكون فاكره Business  بس الحقيقه هو لا يمت للـBusiness  بصله ، تعرفه ازاي ؟  هتعرفه لما تلاقي واحد فتح Business ، لمجرد أنه لقى حاجه معينه بتكسب وعرف هي بتتعمل ازاي فراح عمل زيها بالظبط ، بدون ما يكون فاهم هو بيعمل كده ليه ؟ ولا محدد هو عايز يوصل لايه ؟ ولا  عنده Value  جديده هيضيفها تفرقه عن اللي حواليه؟  

مثال لما تروح تفتح Marketing Agency  وفي 7000 Marketing Agencies  موجودين حواليك  ، بس أنت فاهم انت فاتح Marketing Agency  ليه وعندك Value  جديده بتضيفها وبتفرقك عن الـ7000  فأنت كده Business
، لكن لما تروح تفتح Marketing Agency لمجرد انك لاقيت ان الـMarketing Agencies  بتكسب وعرفت الشغل فيها بيمشي ازاي ، من غير ما تكون فاهم أنت بتعمل كده ليه ؟  ولا عايز توصل لايه  ؟ ولا عندك حاجه تفرقك عن الـ7000  فدي مصلحه أو أي حاجه غير Business  😀 

 

من الـInnovators  الى الـLaggards


idea diffusion curveكده فهمت الصوره اللي على الشمال وعرفت الفرق بين الـ3 كيانات  ، تعالى بقى ننقل على اليمين ونتكلم عن  الـ4 أنواع من الـ Customers   اللي هما ، عشان نبدأ بعد ده مرحلة التوصيل  

مبدأيا الأربع انواع دول طالعين من curve  أسمه Idea Diffusion Curve  ،الـCurve أو النظريه دي طلعت عشان توضح  :- ازاي الأفكار الجديده والأختراعات  بتتنقل   من نوعيه Customers  لنوعيه تانيه ،لحد ما في الأخر بتوصل لكل الناس وتأثر فيهم ، 

هنبدأ نتكلم عن كل نوع من الـ4 ونشوف ازاي بيتأثر ويؤثر في أي فكره جديده 

أولا الـInnovators :-

ودول أفضل وصف ليهم هو الجمله اللي اتقالت في اعلان Think Different                                                                                                      اPeople Who are crazy enough to think They can change the world  

مبدأيا لو انت بتخترع أو بتضيف حاجه جديده ، فأنت كده من ضمن الـInnovators  ،   وهتلاقي في دايرتك  Innovators  تانيين في نواحي مختلفه من الحياه ،  وهما دول أول ناس هتجرب الأختراع أو الفكره الجديده بتاعتك من قبل ما تبدأ تتكلم عنها ، وحتى لو الفكره أو الأختراع ده  مش في دايرة اهتمامتهم فمجرد كونه جديد ده بالنسبه لهم سبب كافي جداا عشان يجربوه 😉  .

وهتلاقي عندهم استعداد عجيب انهم يدولك من وقتهم ومجهودهم وفلوسهم عشان يجربوا فكرتك ، اللي أنت نفسك لسه مش واثق بنسبة 10% اذا كانت هتنجح ولا لا .

ثانيا الـEarly Adopters :-

فبأختصار شديد .. الـ14 % دول الـMarketers  الحقيقين ليك ،  هتلاقيهم واخدين من الـInnovators  جزئية “أنهم عندها الجرأه والأستعداد انهم يجربوا حاجه جديده وغريبه ومش منتشره    ده في حالة ان الحاجه دي من ضمن دايرة اهتمامتهم 

وفي نفس الوقت هتلاقي اللي حواليهم بيتأثروا بيهم وبالـWord of Mouth بشكل كبير جدا . عشان كده قولتلك في الأول هما الـMarketers   الحقيقين ليك . 

ثالثا الـEarly-Late Majority”

ودول بقى الأغلبيه اللي ماشيه مع التيار ، اللي اول ما يلاقوا الناس اللي بيثقوا في رأيهم وتجاربهم –“الEarly Adopters”بيتكلموا عن حاجه جديده،  وبيتكلموا انها عجبتهم أو فرقت معاهم بياخدوا قرار انهم يشتروا الحاجه دي لو سعرها ومواصفاتها مناسبه ليهم ، “لكن هما من نفسهم يجربوا حاجه جديده او مش منتشره دي مش سهله” 

ومتستغربش لما تعرف ان الـMajority  السبب اللي ملّبس كيانات كتير في الحيط ، لأن :- مافيش كيان هيقدر يـSustain نفسه  من غير ما يوصل ويأثر على قرارات  نسبه معينه من الـMajority “تحديدا الـBuyer Personas  بتوعه -” أصل اكيد الـ14% الـEarly adapters  دول مش هيقوموا شركه 😀 

وفي نفس الوقت، الـMajority أصلا مبيقتنعوش ومبيثقوش في كلام الـBrands  عن نفسها الكلام ده كان موجود زمان لكن في الزمن ده هما اتحولوا بشكل كلي  للثقه في كلام وتجارب الناس اللي حواليهم  “الـEarly Adopters ”                                                                                                                              “بمعنى انهم  ماعندهمش استعداد يغيروا اللي هما متعودين عليه او يقتنعوا باي حاجه مختلفه غير لما يسمعوا من اللي حواليهم انهم جربوا الحاجه دي بنفسهم ولقوها حلوه”

ممكن تعرف ايه السبب في تحول الثقه بالتفصيل والحدوته اللي وراه  من الـArticle  دي                                                                                                      “لو ما تعرفش الحدوته متطنش الـLink  لأنه هيفرق معاك كتير في نظرتك للـMarketing  ”

المهم زي ما قلنا ان عدم ثقة الـMajority  هو اللي بيلبس الـBrands كتير في الحيط  لأنها بتصرف Budget  لا حصر لها في الوصول للـMajority “لأن الـكيان بتاعهم مش هيقوم غير ده “، وهما كده كده في الأخر مبيتأثرش بكلامهم  أصلا  دول بيتأثر بكلام وتجارب الـEarly Adopters  -“اللهم الا اللي عندهم Instant Need “-

رابعا الـLaggards  :-

دول الناس اللي بيحاربوا الفكر الجديد وينتقدوه من اول ما يبدأ ينتشر  ، وبيكونوا مقتنعين تمااما  ان الـInnovators  والـEarly Adopters مجانين ومش عارفين مصلحتهم  ، لحد ما يلاقوا خلاص الفكر ده فرّض نفسه والناس كلها متبنياه ومقتنعه بيه ومافيش بديل غيره فبيضطروا يمشوا وراه هما كمان 

فهمنا السبعه .. نوصل بقى 😉

أظن التوصيل دلوقتي بقى بديهي لأقصى درجه     أصل احنا اتفقنا ان الكيان اللي بيصرف فلوسه عشان يوصل للـMajority يبقى بيلبّس نفسه في الحيط لأن الـMajority  أصلا بيتأثروا بكلام الـEarly Adopters مش بكلام الـBrands  عن نفسها  

فبالمنطق كده انت كـ startup أو Modern Business بيضيف Value  جديده ، محتاج توجه كل طاقتك لانك تأثر في الـEarly Adopters  اللي في الـField  بتاعك ،   وتقنعهم بالأختراع الجديد اللي بتعمله أو بالـValue  المختلفه اللي بتميز كـBusiness  وسيب عليهم هما مهمة التأثير في الـMajority “هما عارفين هيعملوا ايه كويس  ” 

ولا عزاء للكيان الثالث 🙁 

الخلاصه .. في الزمن ده مابقاش عندك رفاهيه التأثير في الـMajority ،                                                                                                                 فالحل الوحيد اللي ادامك كـBusiness  ، انك تخلّق قيمه أو فكر جديد ، تأثر بيهم في حياة  الـEarly Adopters “اللي مؤمنين بالتغيير ” ، وتسيبلهم هما بعد كده مهمة توصيل الفكر بتاعك للباقي  ، أما انك تعمل Business أو “مصلحه”عشان تجيب بيها شوية فلوس وبس من غير ما تكون بتضيف حاجه مختلفه، فالموضوع مش هيطول معاك لأن أقصى حاجه هتقدر تعملها انك تلعب على اللي عندهم Instant Need 

أما كـMarketer ، فخلّيك عارف ، ان أول خطوه في تدمير الـBusiness  بتاعك “هي انك تبص  للحجم وللعدد ”                                                                اللعبه ما بقتش انك توصل لأكبر عدد ممكن بأقل سعر ، اللعبه بقت انك توصل لأكبر تأثير ممكن في حياة أكثر بني أدمين “مؤثرين ” في الـBusiness  بتاعك بأقل سعر

وطبعا خطوتك الأولى لو قررت انك تتخلى عن النظرة العدديه ، هي انك تحدد أكتر بني أدمين مؤثرين في الـBusiness  بتاعك وبعد كده تدرسهم وتحللهم كويس اويي عشان تشوف ازاي تأثر فيهم وفي قرارتهم وده اللي ينقلنا لخطوة .. ازاي تحدد الـBuyer Personas  بتوعك ..

 

Created By :- May Achraf

Updated By :- Doaa Badr

 

 

اسلوب حياة   Marketing الـ

اسلوب حياة Marketing الـ

الزمان : كنت لسة عيل أوزعة في تالتة ابتدائي.

المكان : كنت قاعد في أوضتي قال يعني بذاكر.

الحدث: المفروض يعني ان فاضل اسبوع على امتحانات اخر السنة و على كلامهم وقتها انها شهادة يعني و كلام من ده.

الصراع : بفكر ازاي اقنع ابويا يجبلي العجلة ام جرس زي بتاعة صاحبي

الشخصيات : ابويا، أمي، الواد حسام الدحيح (ابن الجيران)، ميس سلوى بتاعة الرياضة، جمعة حارس العمارة، وانا طبعا ( اللي هنّم على كل دول دلوقتي)

الحكاية:

في يوم من الايام، كنت قاعد في اوضتي بحل مسائل الحساب بتوع الواجب اللي كنت بعمله لـ ميس سلوى (اللي ماكنتش بفهم منها حاجة وكان ليها الفضل الاكبر اني اكره الرياضة )، وساعتها فكرت: هو انا ليه مايبقاش عندي العجلة ام جرس زي بتاعة جمعة ؟!!، بدل منا كل شوية قارفه و اخد منه لفة من ورا ابويا، طيب ما يبقى عندي واحدة انا كمان، حتى نخش سبق مع بعض و هو رايح يجيب الطلبات بتاعة العمارة.

و طبعا لو قولت لأبويا انا عاوز اجيب عجلة، هاخد سيل من اللوم، بداية من:  يابني انا خايف عليك تتعور، لحد وانت في ايه ولا في ايه، ما تركز في مذاكرتك يابني انت في شهادة دلوقتي، نهاية بقى بمعايرتي بمجموع تانية ابتدائي الي هو كان 90%.

ساعتها افتكرت ان ابويا بيحب الفك و التركيب زي عنيه و مفيش لمبة او جهاز بايظ في البيت الا و كان بيفضل وراه لحد ما يصلحه او يبوظ منه فـ يطلع اللي جواه و يجبله قطع غيار و كان بيبقى مصيرها بتاع الروبابيكيا، و بناء على كده روحت طلبت منه يجبلي لعبة الميكانوا، ساعتها فرح بيا اوي و جابلي اكبر ميكانوا وقتها.

ازاي الـ Marketing اسلوب حياة

قولت هعمله شكل عجلة بالميكانوا ده، و طبعا لاني لا افقه شئ عن هذا الاختراع، روحت للواد حسام ابن الجيران وهو مايتوصاش في الحاجات الملعبكة ديه وعمل ليا عجلة جامدة جدا.

وروحت لأبويا وريته العجلة وقالي انت اللي عامل ديه؟ قولتله طبعا و من غير ما حد يساعدني، فرح بيا اوي و قعد يقول لأمي شفتي الواد طالعلي اهو ازاي . فقولت بس هي ديه اللحظة المناسبة، فطلبت منه على بلاطة كده .. بابا انا عاوز اجيب عجلة زي اللي عملتها بالميكانو ديه، و ساعتها من غير تردد وافق على طلبي و جابهالي اول ما خلصت امتحاناتي، و كنت ساعتها فرحان و حاسس بانتصار غير طبيعي، زي كده فرحة حزلئوم و هو مسافر اليونان.

ازاي اقنع ابويا اني ادرس Marketing

و بعدين عدت الايام والسنين و دخلت الكلية اللي بحبها -الحمد لله- و عدت أول سنتين و في سنة تالتة كل واحد بيختار التخصص المفصل بالنسبة له. أنا كنت مقرر اني هدخل Marketing major من أول يوم في الكلية لأني مختار الكلية ديه علشان فيها الـ Major اللي بحبه، و بكل سعادة روحت البيت و قولت لأبويا انا اخترت قسم تسويق في ورقة الرغبات، و إذ بالمفاجأة الاقي ابويا بيقولي تسويق ايه و كلام فاضي ايه، ادخل محاسبة وانا اشغلك تاني يوم من تخرجك، و تبقى قاعد على مكتب و ليك قيمتك، مش تسويق بقى و تبقى مندوب مبيعات و بعدين التسويق ده حبة ناس نصابين.

فبدأت اقنعه بالتخصص بتاعي، وان اد ايه انا بحب المجال ده، و اني طموحاتي فيه كذا و كذا، و اني مش بحب المحاسبة، و من زمان و انا نفسي ادخل القسم ده، و في النهاية رفض و مقتنعش بردوا بكلامي، و بغض النظر اني دخلتMarketing في الاخر و فضل ابويا متجاهلني تماما لفترة ما، لكن سألت نفسي بعدها بفترة هو انا ازاي مقدرتش اقنع ابويا بأكتر حاجة بحبها في الدنيا، بالرغم ان تخصصي Marketing، و ابويا يعتبر أول Customer اتعامل معاه و للأسف فشلت اني أقنعه، و الموضوع ده حسسني بفشل و احباط كبير.

تطبيق علم الـ Marketing في الحياة الطبيعية

طيب تفتكروا ابويا وافق ليه يجبلي العجلة بالسهولة ديه ورفض اني ادخل التخصص اللي بحبه؟!!

علشان لما حبيت اقنعه بموضوع العجلة فكرت من ناحية اهتماماته هو، اكيد طبعا مكنتش مخطط لكده بشكل ناضج و ان ده تم بكل تلقائية لكن ده يعتبر اهم حاجة في الـ Marketing، و هو انك تفكر من الـ customer Perspective مش من اهتماماتك انت. و بالمناسبة اقوى Marketers هما الاطفال لأنهم بيركزوا معانا في كل تفصيلة و نتيجة ده عارفين الناس اللي حوليهم بشكل دقيق جدا، و ديه وظيفة الـ Marketers وهو انهم يركزوا مع الـcustomer بتوعهم و يعرفوا الـ needs و الـ wants بتاعتهم بدقة.

انما لما حاولت اقنعه بموضوع التخصص بتاعي، كنت بكلمه من ناحيتي انا، و ايه هي اهتماماتي و أحلامي واني هبقى جامد جدا في المجال ده، و مركزتش تماما في اللي هو بيحبه، و مربطش بين اهتماماتي و اهتماماته في نقطة واحدة تخليه يقتنع بفكرتي. و ده للاسف اللي بتعمله شركات كتير في مصر و هو انها بتتكلم عن نفسها كتير و ان منتجها ده احسن منتج و نسيوا خالص انهم يركزوا في كلامهم على احتياجات العميل و اهتماماته.

و في النهاية اكتشفت ان و انا صغير كنت Marketer اشطر بكتير من و انا كبير.

قولولنا انتوا كنتوا ازاي بتسخدموا الـ Marketing وانتوا صغيرين

لو عايز تقرأ اكتر عن الـ Marketing دوس هنا Click Here

محمد عاطف

خمس مشاكل هتقابلك لو هتشتغل Inbound Marketing

خمس مشاكل هتقابلك لو هتشتغل Inbound Marketing

5 مشاكل هتقابلك لو انت عايز تشتغل Inbound Marketing

الاول لو متعرفش يعني ايه Inbound Marketing ادخل علي الLink ده
https://bit.ly/WhatIsInbound

1- الـInbound لوحده مش كفايه لازم اشتغل Outbound كمان
2-الـInbound محتاج Content Marketing صح و ده صعب جدا
3-الـInbound تأثيره ضعيف علي الثقافه بتاعتنا
4-الـInbound محتاج Tools كتير اوي و غالين جداً
5-الـInbound نتايجه هتظهر علي الLong Term

المشكله الاولى : الـInbound لوحده مش كفايه لازم اشتغل Outbound كمان

الحل:

حالات معينه بس هي اللي ممكن تحتاج فيها تعمل Integration

بين الـInbound و الـOutbound و هي انك تكون Mass Brand يعني الـTarget بتاعك هو كل الناس (مش مستحب خالص في الزمن ده)

و ساعتها هتكون محتاج تطور الـOutbound Marketing بتاعك عشان يناسب الـMain Strategy بتاعتك (علي اعتبار ان الاساس عندك انك Inbound)

بمعني انك مثلاً مش هينفع تعمل Billboards بتقول للـfans بتوعك تعالوا اشتروا، علي العكس تماماً انت هتعمل الـbillboards عشان تقولهم تعالوا اتعلموا

او مثلاً تعمل billboards مفيهاش غير Keyword واحده بس من غير اي حاجه تانيه خالص عشان تُثير فضول الناس تدور ورا الكلمه دي وساعتها هتكون عملت احلى Integration في الدنيا.

المشكله رقم 2 : الـInbound محتاج Content Marketing صح و ده صعب جدا

الحل:

مشكله الـInbound Marketing انه معتمد بشكل اساسي علي الـContent Marketing اللي هو اصعب حاجه في الـMarketing دلوقتي واللي هو الوسيله المتاحه الوحيده اللي هتمكنك انك تأثر في ثقافه الـAudience بتاعك

هو ليه اصلا المفروض اكون مؤثر في ثقافتهم؟؟

حالياً احنا في تالت اجيال الـMarketing واللي لو عايزين نعرفه في جمله واحده هتكون
The Art Of Influencing Cultures يعني فن التأثير في الثقافه

و الـGeneration ده من الMarketing معمول مخصوص عشان يجيب نتيجة مع الجيل بتاعنا اللي هو مش هينفع تقنعه بالـ Logic ولا انك تلعب علب الـEmotions بتاعته لازم تشتغل علي Level اعلي من كده (اللي هي الثقافه ) و عشان تعمل كده قدامك حلين
1-تخترعلهم حاجه تغير حياتهم (Steve Jobs Style )
2- تعلمهم حاجه انت مش المفروض تعلمها لهم

الأولى صعبه جدا و مكلفه اما التانيه صعبه جدا بس مش مكلف, كل المطلوب منك انك تكون فعلاً Expert في المجال بتاعك يعني تكون فاهمه كويس اوي و متمكن منه و تبتدي تطلع جزء محدد من العلم اللي عندك في صوره Content

اللي هو ازاي يعني ؟

الـContent ليه اشكال كتير يعني الـArticle اللي بتقراها دلوقتي Content و الـeBook اللي هنزله قريب Content و اللي هتلاقي فيه كميه كبيره من العلم و هيكون اسمه How to transform yourself into inbound marketer
الـVideo اللي بيعلم ازاي تحسب الEngagement Rate نوع تاني من انواع الـContent و تقدر تتفرج عليه من هنا https://bit.ly/EngRateLink

المهم اني مش عايزك تقلق من الـContent كل المطلوب منك في الاول انك فعلا تكون جامد في المجال بتاعك و واخد المسأله علي انها علم مش “سبوبه” 🙂 و بالنسبه لـ “ازاي اعمل Content Marketing صح” متقلقش برضه لأن هو ده اكتر حاجه هيركز عليها الeBook.

inbound-marketing-problems

المشكله رقم 3 “الـInbound تأثيره ضعيف علي الثقافه بتاعتنا”.

الحل:

صح هو فعلاً تأثيره ضعيف علي ثقافتنا لأننا مش متعودين علي الاسلوب الي الـInbound بيعامل بيه الناس
و مش متعودين ان في Brands بتعلمنا او بتهتم بينا اهتمام حقيقي

بس الفكره هنا , هو انت كا Marketer ايه هي شغلتك الاساسيه في 2014 ؟

شغلتك الاساسيه هي انك تأثر و تغير في ثقافه الناس و المجتمع اللي حواليك و ده يتعارض تماما مع فكره “اصل الـInbound تأثيره ضعيف ” انت اصلا شغلتك انك تخلي تأثيره قوي و الموضوع مش هيحصل بين يوم وليله

لازم تبقي مقتنع و انت بتشتغل Inbound Marketing انك اخدت عهد علي نفسك انت تغير الدنيا, لازم تلتزم بالعهد ده و تتعب و تشتغل علي نفسك كويس جدا عشان تقدر تنفذه

3 حاجات لازم تعملهم عشان تقدر تستفيد من الـInbound

1-لازم تكون Professional جدا في المجال بتاعك
2-لازم توفر الـResources اللي تخليك تستحمل اول 3 شهور علي الاقل
3-لازم تعمل Content يلمس و يحل مشاكل الـAudience بتاعك.

inbound-marketing

المشكله رقم 4 : “الـInbound محتاج Tools كتير اوي و غاليين جداً”

الحل:

ده مش صح ,في Tools رخيصه و tools غاليه و ممكن تستخدم Software واحد بس او عشره مع بعض المهم انك محتاج تعرف انت عايز ايه بظبط عشان تعرف تختار الـtool الصح المناسبه ليك..

اي حد محتاج Software يعمله حاجه معينه ليها علاق بالـInbound Marketing يسألنا !

لو عايز عرف المشكلة الخامسة ممكن تقراها من هنا 

 

@AhmedSaif_


 


Modern Marketing – Part 6 – Strategic Action steps

Modern Marketing – Part 6 – Strategic Action steps

 

“الجزء السادس” Modern Marketing يعنى ايه

اتكلمنا قبل كده عن الـModern Marketing و عرفنا هو ازاى يعتبر علم حياه..
تمام و كلام جميل اوى .. طيب نيجى ننفذ بقى اللى اتعلمناه هنلاقى ان كله كلام نظرى ميتطبقش ” يعني عباره عن Concept محتاج Strategic Action steps عشان تقدر نطبقه فعليا”

ممكن تقروه من هنا : Modern Marketing

دى سلسله من الـArticles هتشرح فيهم الـ5 Action steps
اللى هما :

1- Be Remarkable
2-Smart Segmentation
3- Smart Targeting
4- Tell a Story
5- Collect a tribe

1- اول خطوة في الـ modern marketing هي Be remarkable

يعنى خليك مدهش .. بمعنى.. ان اللى يشوفك ميقدرش يمسك نفسه من انه يقف و يشوف ايه حكايتك ..

انت دى ممكن تكون انت شخصياً او الـBrand بتاعك او الـProduct اللى انت بتعمله ..

تعالوا اقولكوا حدوته صغيره توصلكوا الفكره بشكل اوضح .. بس خليك مستعد انك تتخيل معايا..

تخيل انك راكب عربيه و ماشى فى طريق و على اليمين و الشمال ارض زراعيه.. و قابلتك بقره..
هيحصل ايه ؟؟
ولا حاجه 😀 “طبعا الا اذا ان يبقى عندك 5 سنين و بقره دى بالنسبالك شىء مدهش 😀 ”
طيب دلوقتى انت ماشى على الطريق و لقيت قدامك “بقره موڤ” هتعمل ايه ؟؟ 😀
اكيد هتنزل من العربيه.. و تقرب منها براحه كده لحسن تطلع بتعض ولا حاجه
و واحده واحده تبتدى تتفحصها
ازاى بقره موڤ يعنى 😀 ماهو مش كل يوم الواحد بيشوف بقر موڤ
اول فكره هتيجى فى دماغك دلوقتى مادام هى Purple cow يبقى اكيد بتنزل purple milk

تخيلوا انها بتنزل لبن موڤ !!! عارفين ازاى ثقافتنا عن الأكل هتتغير
النسكافيه هيبقى لونه عامل ازاى ؟؟ 😀 طيب الرز بلبن ؟؟ 😀
الأطفال نفسهم هيبقى ايه رد فعلهم تجاه اللبن
عارفين فى كام اكله ممكن تتغير عشان استخدمنا فيها لبن موڤ .. Experience تانيه جديده تماما.. 😀

طيب دلوقتى انت شفت البقره الموڤ و لقيت انها بتنزل لبن موڤ .. مش هتفضل بقى طول اليوم عندها
بس اكيد هتصورها .. و اول ما توصل البلد اللى انت رايحها هتقوم مورى الصور لصحابك
دا انت حتى ممكن فى ساعتها تكتب Status على الـFacebook تقول فيها “انا شفت بقره موڤ” ممكن ميصدقوش !! هيطلبوا منك صور يشوفوها !! هيشوفوا الصور هتبقى “مدهشه” بالنسبالهم و فى لحظات الفكره ممكن تتـViral

صحابك اللى شافوا الصوره هيبقوا عاوزين يشوفوا الحقيقه ..
حتى لو 10 بس اللى جالهم فضول يروحوا يشوفوا البقره الموڤ .. هيروحوا و يشوفوها و يرجع كل واحد فيهم يقول لأصحابه
طيب لو كل واحد فيهم قال لـ 10 من اصحابه بقوا 100 و الـ100 هيروحوا يشوفوا البقره الموڤ و يرجعوا تانى يقولوا لـ1000
و هكذا
كل ده و الراجل صاحب البقره الموڤ قاعد فى مكانه و متحركش 😀
عشان هو عنده حاجه “مدهشة”..

للأسف انا مش هقدر اقولكوا ازاى تعملوا Purple cow او تعملوا حاجه Remarkable
لكن هقدر اقولكوا ازاى تحافظوا عليها و كمان ازاى تستفيدوا منها اكبر استفاده ممكنه..

و ده هيكون فى الـArticle التانى اللى هيتكلم عن The magic cycle of the purple cow

Fayrouz Al-Qutt

Modern Marketing – Part 5 ” Time & Quality”

Modern Marketing – Part 5 ” Time & Quality”

time and quality for modern marketing

“الجزء الخامس” Modern Marketing يعني ايه

احنا اتكلمنا علي حاجات كتير في الـ modern marketing قبل كده .. اتكلمنا عن الـ interruption والـ permission marketing وعن الـ humanization والـ personalization بس انت ممكن تعمل كل اللي احنا قلناه ومتلاقيش النتائج الكبيره اللي انت سمعت عنها ..
الفكره انكم لو طبقتوا الكلام اللي فوق ده من غير ما تهتموا بال Time & Quality ممكن تتسببوا في ان الـ customers يسحبوا منكم الـ permission

1- Time
هنتكلم عن حاجه مهمة اوي، و تخص كل حاجه في حياتنا مش الـ marketing بس وهي الوقت، مين فينا مش عارف اد ايه الوقت ده مهم . نقدر نقول ال الوقت ده اغلي حاجه العميل ممكن يديها للـ brand لأن الوقت ده حاجه متتعوضش،
واكيد العميل عارف ان وقته ده مهم، وانه ممكن يعمل حاجات تانيه كتيير غير انه يقعد يتفرج عليك و علي اعلاناتك وعروضك ..
احنا قولنا تعمل اعلانات موجه و personalization بس متخنوقوش برضه . لما هو يقرر انو يسمعك هيسمعك..
المهم لازم تستغل الوقت الي هو بيديهولك ده صح اوووي، و تحسسه انك مقدر اهميه الوقت ده، و في نفس الوقت علي قد متقدر تخليه يستفيد في الوقت الي هيقضيه معاك.
مثلاً لو انت مطعم، الراجل اللي بيطلب order بالتليفون متفضلش ترص سبعين نوع اكل جديد عندك، و اصلاً تلاقي الراجل مش فاهم الي انت بتقوله .. ببساطه ابعتلوا الـmenu بتاعتك، او علي الاقل استأذن قبل ما ترص الmenu ومش كلها ..
مش هتكلم عن اعلانات التلفزيون لاني اصلا ضدها، لان هو ده ال interruption بعينة!! .. بس عندي طلب لو مصصمين علي ال interruption ارجوكوو خلو الاعلان قصير و واضح وبسيط يعني
Make it to the point
مش لازم ناس بترقص و تغني عشان السمنه فلاحي اصلي …… خير الكلام ماقل و دل …..
نرجع لاهميه الوقت ..
لو انت شركه اتصالات بدل ماتخلي يسمع موسيقي وهو مستني حد يرد عليه، ما تخليه يسمع اخبار مثلا او نصايح مهمه او يسمع قصه بتتكلم عنك او عن اي حد من الـ customers بتوعك
الوقت هو أهم ما في الكون . حتي لو العميل مكناش حاسس بقيمه الوقت، خليك انت سبب انه يعرف قيمته .. عشان هو اكيد في يوم من الايام هيعرف قيمه الوقت، بيك او من غيرك . الانسان هيعرف ايه هو الوقت … فيده حتي لو هو مش عارف، عشان وقت ما هيعرف مش ممكن هينساك .. و اكيد هو ده هدف اي brand بيفكر صح ..
Long term profit

ثانياً الـ Qualit
بعد لما اتكلمنا في موضوع ال time نيجي بقي لمشكله الـ quality
و هي مرتبطه بالوقت برده .. ليه بقي مرتبطه بيه ؟؟
في الزمن اللي احنا فيه دلوقتي بقي في مليوووووون brand بيعمل نفس الـ product فالعملاء نسيوا شويه فكره ارجع لل brand عشان اصلحله و بيستسهلوا و يروحوا يشتروا المنتج من حته تانيه و خلاص ..
طب ايه رايك لو خليتهم يرجعولك تاني حتي لو انت مش احسن quality في السوق .. انا مش بقول تهمل ال quality انا بقول ان انت ممتاز بس اكيد في الاحسن منك ..
لو انت طبقت كل الكلام الي احنا قولنا عليه قبل كده، ال customers بتوعك هيكونو اصلا بقوا اصحابك مش بس customers عندك، اكيد انت لو في مشكله و ليك صاحب متخصص في المشكله دي، هتروح لصاحبك .. مش للغريب . صح ؟؟
ممكن متكونش احسن واحد في المجال ده بس انت مريح الـcustomer او زي ما قولنا مصاحبه . و برضه بتطور نفسك، مهو لو انت صاحب كسلان صحابك هيسيبوك، او مش هيجولك غير لو خلاااص مفيش امل ليهم في اي حته تانيه ..
لما عميل يجي يصلح حاجه اشتراها منك، صلحهاله كويس . مش تلصمها عشان تبوظ يقوم يجيلك بعد شهر .. صلحااا كويس اوووووي، زي متكون لسه جديده ..
ايه دخل ده بالـmarketing بالكلام ده ؟ هو ده الـmarketing بعينه
” How to create positive word of mouth about your brand”

احنا متفقين علي كام مبدأ من البدايه
اولا : دول اصحابك و لازم تفيدهم
ثانيا: مفيش حاجه تخليهم يفضلوا معاك لو هما قرروا يمشوا
ثالثا: هدفك ال long term profit
رابعا: انت عايزهم يتكلموا عنك لأن ده احسن marketing ممكن تعمله في الدنيا
انت لو صلحتهاله كويس ممكن متبوظش فمش هيصلحها، بس ممكن بردو يجي يشتري حاجه تانيه او يقول لحد من معرفه عليك، و ده غالبا الي حيحصل . لانو هايثق فيك .. و دي اكتر حاجه اي brand بيفهم نفسه فيها .. و حاجه كمان لو فرضنا انو مش هيجيلك تاني، فانت متاكد انو مش هيروح لحد تاني، لانك احسن واحد بيعمل الحاجه دي، انت احسن واحد صلحله الـ product بتاعه، فمن غير المنطقي انه يروح لحد تاني .. و كده هتكون و ضمنت ان معاك عملاء loyal ليك انت ….
و في جميع الاحوااال هتلاقي نفسك كسبان ..
و بكده نبقي خلصنا ال permission marketing بس لسه كتييييير علي ما نخلص ال modern marketing …. soon more & more

مستنين رأيكم هل نقدر نطبق الـModern Marketing في مصر ؟؟

By: May Ashraf
Ahmed Saif

3 نظارات تقدر  تشوف بيهم الـAudience  “ألبس النظاره اللي متلّبسكش”

3 نظارات تقدر تشوف بيهم الـAudience “ألبس النظاره اللي متلّبسكش”

Updated on :- 15/8/2016

كونك Marketer  فأنت أكيد باصص للـAudience   بتوعك بنظاره من 3  مالهمش رابع، كل نظاره منهم  طالعه من مدرسه قكريه معينه في الـMarketing، وكل نظاره هتخليك تتعامل مع الـMarket بتاعك  بطريقه مختلفه عن طريقة النظاره التانيه  .

ايه هي النظارات دي؟ وايه المدرسه الفكريه اللي ورا كل واحده فيهم  ؟ وازاي كل احده منهم هتخليك تتعامل مع الـMarket  بطريقه مختلفه؟ والاهم ايه النتايج اللي هتوصلها بعد ما تلبس كل نظاره من دول ،وتتعامل بالطريقه بتاعتها  ؟
ده هتلاقيه متوضح في  الجدول ده ،  وبعد كده هنتكلم عن  ايه هي النظاره اللي متلّبسكش ؟ 😉

[table id=7 /]

ظبعا باين من الجول اللي فوق                                                                                                                                                                ان النظاره الأولى والتانيه ينفعوا وصح جداا “بس مش في الزمن ده ” وان النظاره الأصح اللي تخلي الـBusiness  بتاعك ميلبسش في الزمن ده النظاره التالته ، النظاره اللي بتقول    ان اللي بتكلمهم  Whole Human Beings  ليهم عقل ومشاعر وروح  ، وبياخدوا قرارتهم بناء المنطق والمشاعر والـBeliefs مع بعض

لما تلبس النظاره دي هتلاقي ان الأستراتيجيه اللي تنفع معاها هي الـPersonalized Marketing أو الـPermission Marketing  هنفترض انهم واحد جزافيا

مبدأيا لو قعدت أكلمك عن الـTechniques  اللي ممكن تعملها عشان تخلي الـMarketing  بتاعك Personalized  هنلاقي نفسنا محتاجين E-Book  مش Article  خالص .ومن وجهة نظري في حاجه أهم دلوقتي من اننا نتكلم عن شوية Techniques  متفرقه ، اللي هي اننا نبدأ بالـMethodology   ، المنهجيه اللي لما  تمشي عليها هتوصل  لمرحلة ان الـ Personalization  بالنسبه لك شئ بديهي

طبعا في Techniques  تانيه كتيير هتساعدك وتوصلك لدرجة Personalization   أعمق  ، بس من قبلهم  انت عندك منهجيه بتخليك فاهم الـTechnique  ده تستخدمه فين وامتى وليه ؟                                                                                                                                                                  لو مش عارف الـInbound Marketing Methodology  شوف الـArticle  دي

 

Created By :- May Achraf & Ahmed Saif

Updated By :- Doaa Badr