يعني ايه e Marketing Course

تعالوا الأول نعرف يعني ايه e Marketing ؟

بكل بساطه الناس طول عمرها بتستخدم Marketing Tools زي التليفزيون و الراديو و الجرايد و حاجات تانيه كتير ،وطبعاً التقيل فيهم هو اللي كان بيستخدم الTools عشان ينفذ بيها علم الMarketing اللي كان من الخمسينات للتسعينات بيتمحور حوالين نظريتين أساسيين هما ال4Ps و STP
“PS :- النظريتين دول مش معمولين للزمن اللي أحنا فيه ، الزمن بتاعنا ليه Concepts  ونظريات تانيه في الMarketing هتعرفها برضه من Link ال Article اللي فوف “

و طبعا الناس في بداية استخدمهم للTools دي كانوا في حالة ارتباك رهيبة و فضلوا فترة كبيرة لحد ما قدروا يوصلوا للطريقة اللي يستخدموا بيها الTools دي، وهنا كانت المشكله لان اللي بص للموضوع علي انه Tools بس ده بالظبط زي اللي راح اتعلم حرفة استخدام الشاكوش 🙂 طبعاً مفيش حاجه اسمها كده الصح انه يتعلم فن النجارة اللي من جواه هيتعلم يستخدم الشاكوش و حاجات تانية بس لهدف

و بس يا سيدي مره واحده الناس صحيت من النوم لقت ان في حاجه اسمها Internet طلعت و بقت موضة بقي، و ابتدى يبقي في Websites جامدة زي Yahoo و Amazon  في نص التسعينيات وساعتها ابتدت كلمة eMarketing في الظهور و كان ساعتها الموضوع يتلخص في كلمتين : مين اللي معاه اكبر eMail List {اكيد مش جايبها بال Permission Marketing }ومين اللي هيقدر يصرف أكتر عشان يظهر أكتر في الWebsites (زي التلفزيون يعني)

و من بعدها ابتدت تظهر Tools جديده زي الSearch Engine و الDigital Advertising بقى حاجة محترمة بعد ما Google علّمت العالم الإعلانات بتتعمل ازاي عن طريق الSystem بتاعها “AdWords”

و فضل الموضوع عباره عن مجموعه من الElectronic Tools ، الMarketers بيحاولوا عن طريقها انهم يطبقوا علم Marketing معمول لزمن تاني مالوش علاقه بالزمن اللي أحنا فيه، و معمول عشان يتطبق بوسائل تانية خالص ملهاش دعوه بالانترنت
لو عايز تشوف مثال حي علي الكلام ده اعمل Search دلوقتي بكلمه e Marketing Course in Egypt

و علي هذا المنوال لحد ما ظهرت الSocial Media الحقيقية اللي هي الFB و Twitter علي سنه 2006/2007 أنا عارف ان الFB مفتحش 2006 و ان كان فيه قبله Social Networks كتير بس اللي اقصده ب”ظهرت الSocial Media ” انها ابتدى يتكون لها شكل و طابع خاص متوغل في ثقافتنا بطريقة كبيرة
أقرأ الـArticle  دي لو عايز تفهم أكتر عن طبيعة ال Social Media  كـ Marketing Tool 

و طبعاً مننساش ان السنه دي هي اللي فتحت فيها Hubspot و ابتدت ترسم خطوت الInbound Marketing في العالم
و برضه السنتين دول كانوا من اوائل النقلات الكبري في الSearch Engine لأن ساعتها Google أعلنت عن عدم اعتبار الMeta KW عامل من العوامل اللي بيستخدمها الSystem بتاعهم (بتوع ال SEO  هيفهموا)

يعني نقدر نقول ان من سنه 2006 ظهرت الملامح كامله لعلم ال Marketing الجديد اللي يتناسب مع العصر ده و في نفس الوقت وضحت طريقتة التنفيذيه اللي بتختلف تماما عن قبل كده ،فبالتالي الطريقة اللي كانت الناس شغاله بيها و بتتعلمها في ما يسمى بالe Marketing Course لم تعد تصلح للإستخدام الأدمي لأن اللي باصص للموضوع علي انه e Marketing هيبقي شايف أن الموضوع شويه Traffic تجيبهم للWebsite بتاعك وخلاص، وال Social Media مش اكتر من عدد الLikes اللي في الPage و ازاي تكبر صفحتك و الكلام العظيم ده

اما نظرته مثلاً علي ال SEO هتكون عباره عن ان بيدخلي من محرك البحث 100000 واحد بس مش مهم يكون الBounce Rate بتاعك 90% (Bounce Rate يعني الناس اللي دخلوا علي الSite بتاعك و خرجوا علي طول من غير Eng )

و اخيراً و ليس اخراً ،مفيش حاجه اسمها Content اصلاً , لأننا مش فاضين للكلام الفاضي ده , احنا عندنا Advertising Campaigns عايزين نركز فيها
يعني خلاصه الكلام اللي فوق أن اللي باصص علي الموضوع علي انه e Marketing كأنه بالظبط شايف فن النجاره علي انه ” ازاي تستخدم الشاكوش و المنشار ! “

النتيجة

طبعاً بسبب الكلام الجميل اللي فوق نقدر نقول ان الIndustry كلها علي شفا حفره, لأن في ناس كتير بتتعلم الموضوع كده عن طريق ما يسمي بال e Marketing Courses والطريقه دي بقت منتشره جداً و بقي هو ده الطبيعي

الحل

solution

1-لو لسه بتبدأ 

ارجوك متفكرش في ال Courses, ابتدي الاول Self Study و بعد ما تتأكد انك عديت الBeginner Level أبتدي دور علي Courses
و عشان تقدر تبدي Self Study  من غير ما تتوه “هتلاقي Educational Process  على الـWebsite بتاعنا خلال أيام بادئه معاك من الأول خالص ” 

2-ابعد عن ال eMarketing Courses

لو هتدور بعد كده علي Marketing Course أكيد احنا متفقين إنك هتبعد عن آي حد عنده الفكر اللي كنا بنتكلم عنه فوق يعني تبعد عن اللي بيعلم الموضوع علي انه e marketing

البديل عن ده انك هتبدأ تدور على اللي يعلّمك Content Marketing الأول
“مش محتاجه أقولك ليه، كده كده بعد الSelf Study هتفهم ان الContent Marketing  هو الأساس لتطبيق علم الـModern Marketing ،وهتعرف انك كده كده مش هتعرف تشتغل على أي Marketing Tool بشكل صح من غيره  “

لو وصلت لمرحلة انك بتقول على نفسك Content Marketer ، ساعتها تقدر تدور على Courses  تعلّمك الElectronic Marketing Tools  ، في الأغلب معظم الCourses هتلاقيها مركزه على 2 Tools اساسين هما الSocial Media و الSEO
سواء قررت انك هتتعلمSocial Media أو SEO أو حتى E-Mail Marketing فأرجوك دور علي الـCourse  اللي بيقدّم كل Tool لوحدها  وبدرجة تخصص وتعمق محترمه  لأن غير كده هيبقى بياخدلك من كل فيلم أغنيه .

ملحوظه .. كده كده وأنت بتتعلم Content Marketing،تلقائيا هتتعلم الأساسيات بتاعة الـChannels زي الSocial Media أو الSEO أو الE-Mail ، مش أنت كده كده هتنزل الـContent  اللي هتتعلمه ده على الـChannels يعني وهتتعامل معاها 😉
لكن في مرحلة تعلّمك للـ Electronic Marketing Tools بشكل متخصص بعد ما تخلص الـContent ،هتكون بتتعلم الChannels  بشكل Advanced  وتجيب أدق تفاصيلها عشان تضاعف الأستفاده بتاعتك منها 😉
اللي أنصحك بيه، انك متقررش تتعلم أي Channel  بشكل Advanced  قبل ما تشوف بعينك ROI  من الContent Marketing  اللي أتعلمته في الأول 😉

3-باب النجار مينفعش يكون مخلع

خد Course  عند حد أنت فخور ومقتنع بفكره في الـMarketing  ، ومتأكد انه طبق اللي هو هيعلمهولك
، وشوف النتيجه اللي وصلها من تطبيقه ده
“ملحوظه :- النتايج مابتكونش أرقام بس بتكون أرقام وتأثير 😉 ”
طبعاً مفيش حد كامل كلنا عندنا غلطات بس الفكره ان في ناس في المجال ده ماشيه صح و بتغلط ساعات و فيه ناس العكس , اللي عايز اوصلهولك “ارجوك ركز و انت بتختار

أخر حاجه

inbound methedology

لو قررت أنك تدخل المجال ده و تعمل فيه انجاز أرجوك وجِّه وقتك و مجهودك للInbound Marketing اللي جواه هتقدر تتعلم Social Media و SEO و حاجات تانيه كتير بطريقةه مختلفة تتناسب مع العصر اللي احنا فيه

الكتاب ده هيساعدك جداً أنك تدخل المجال بتاعنا من الباب الصح هو موجود في ال 101 Link بس اللي مجمعين كل الـContent  بتاعنا .

Ahmed Saif

ديسمبر 20, 2017

12 responses on "يعني ايه e Marketing Course"

  1. مش هتصدقني يا احمد لو قلتلك اني كل شويه بدخل الموقع عشان اشوف الجديد
    انتو فعلا رائعين وتستحقو المتابعه
    يا ياراجل دا انا كل ما ادخل النت لازم ازور الموقع مش قادر افارقه
    ♥♥♥school-of-marketing♥♥♥

  2. شكرا جدا ليكم وفعلا فى استفاده كبيرة اوى من البوستات اللى قدمتوها

  3. ربنا يجازيكم خيـــر

  4. تسلم الايادى على المقال يا احمد
    احيك جدا على المقال وبامناسبة كنت فى حوار انهرضا وبنتكلم عن وضع التسويق الالكترونى فى مصر فقولت ان الشخص المحترف فعلا هو اللى دارس وفاهم علم ومنهج وبيطبق المنهج ده من خلال الادوات لان لو مش عنده منهج وبيعرف يستخدم اداة بس غالبا بيفشل فى تحقيق النتائج لان مش بيبقى عارف الدور الصحيح للاداة وحدودها فين فى عمليه التسويق ومن هنا ساعات بيوعد العملاء بنتائج غلط وعروض وهميه

    وبناءا على ده باكد على كلامك ان اى حد بيفكر فى كورس حتى لو هيتخصص فى سيو او سوشيال لازم الاول يدرس انباوند لان ده هيساعدوا جدا فى ادراك الادوات وتحقيق النتائج ومعرفه حدود كل اداة فين ودورها ايه وامتى يستخدمها وامتى لأ وازاى يجمع كل الادوات فى استراتيجية شامله

  5. بجد شرح مفصل في طبعاَ مصطلحات صعبة فهمها لإني مبتدأ وكمان تاريخ التسويق على الانترت بالنسبة لي يكاد يكون غير معلوم بس عموماَ مجهود رائع

اترك رداً على hashim samy إلغاء الرد