(Mcdonald’s)أكلي لحوم البشر

(Mcdonald’s)أكلي لحوم البشر

عارف أنت الحكمة القديمة اللي بتقول ( الوقاية خيرٌ من العلاج ) لو حبيت تطبق الحكمة دي على الـMarketing هتكتشف أن الوقاية هنا بتتمثل في الـListening اه والله 😀 ولذلك أول خطوة في أي Marketing effort هتعمله في حياتك لازم تكون هي الـ Listening ، عندك بقى Listening للـAudiences والـCompetitors والـField بتاعك عموماً والحاجات الكتير اللي أنتم عارفينها دي, مع العلم أن الخطوة دي مستمرة معاك مبتقفش 😉

الـPost ده بقى عبارة عن Case study عن Brand استخدم الـListening كعلاج مش وقاية …. تعالوا نجيب القصة من أولها وبعد كده نشوف ايه حوار العلاج والوقايه ده ؟؟ 😀

سمعت قبل كده عن Marketing campaign اسمها Your questions our food ؟؟ دي Campaign عملتها Mcdonald’s عشان تعرف أسئله الناس عن الأكل بتاعها وتجاوب عليها

الـCampaign دي اتعملت في استراليا والصين من كام سنة كده وحالياً شغالة في أمريكا وهو ده اللي يهمنا هنا.

طب ايه سبب ظهورها في أمريكا دلوقتي بالذات ؟؟

في موقع ما لطيف كده اسمه Huzlers الموقع ده أصلا معتمد على الـFake news وإنك تعمل خدعة معينة في شكل خبر وطبعاً الخبر ده هينتشر بما إننا بطبيعتنا كبشر بنحب نصدق الحاجات دي

المهم الموقع ده في شهر فبراير اللى فات نزل خبر إنهم اكتشفوا لحوم بشر في مصنع McDonald’s اللي موجود في ولايه Oklahoma الأمريكية وقالوا إن بعد البحث والتفتيش إكتشفوا إن لحوم البشر دي موجوده في 90 % من مصانع ومطاعم McDonald’s اللى في أمريكا ده غير إن لحوم الخيل فى 65 % منها وبالمره بقى اكتشفوا إن فى Pink slime موجود في السندوتشات ودي عباره عن مادة لزجة كده ممكن تسبب السرطان …. من الأخر إنت ميت ميت مافيش مفر 3:)

ممكن نقول إن الخبر ده فضل صغير ومانتشرش اوي ساعتها جايز عشان الـAuthority بتاعة الـ Website مش قوية

وده لحد شهر يوليو أو أغسطس تقريباً لحد ما موقع “dailybuzzlive” فتح الموضوع تاني ونشر نفس الكلام ومن هنا إبتدى الموضوع يتضخم وينشره أكتر من Website و منهم Websites لجرايد عربية

لدرجه أنه بقى عادي إن يظهرلك كده في Google search وده طبعاً من كتر ما في ناس اهتمت بالموضوع وابتدت تـ Search عليه

0

ومش هنتكلم كتير عن اللي حصل فى الـSocial Media بس هنسيبكم تتفرجوا شويه على الـComments دي

1

2

3

ومن هنا كانت بدايه Your questions our food في أمريكا 😀

بداية كده الـCampaign دي ماشية على 3 اتجاهات مع بعض الـOffline Marketing والـWebsite والـSocial media

:- Offline marketingتعالوا نبدأ بالـ

الحقيقه McDonald’s في الـCampaign دي اثبتت أن للـOffline Marketing أوجه اخرى يعني في الوقت اللي معظم الـBrands في مصر بتضيع Resources مهوله في الـ Offline marketing عشان بس تطلع تقولك أنا أجمد وأحسن Brand فى العالم على أساس إنك كده هتصدق يعني !!

Mcdonald’s استخدمت الـoffline marketing عشان تقول للـAudience بتوعها أنا سامعاكم وتخليهم يتكلموا معاها offline وده وجه اخر للـListening ووجه عبقري الصراحه

شوفوا الفيديو ده وتعالوا نكمل

سيبك من ان الـBrand هنا استفاد أنه سمع وعرف الأسئله اللى عند الـAudience بتوعه وماكتفاش بأنه يسمعهم Online بس أو حتى يعملهم offline campaign يقولهم تعالوا اسألوني على Online channels بتاعتي زي المعتاد يعني! لكن تخيل احساسك لما تلاقي Brand عامل إعلان زى ده فى الشارع عشان يعرف أسئلتك فقط لا غير 😀 هو أكيد غير إنك هتحس أن الـBrand ده بيقدر وبيحترم الـcustomers بتوعه لدرجة مش طبيعية فكمان هيجيلك إحساس أنه واثق فى نفسه وعنده إجابه لأي سؤال يخطر على بالك وإلا مكنش عمل كده 😉

بقى Website نجاوب على الـoffline سألناهم

وصلنا أن McDonald’s اهتمت وسمعت لأسئلة الناس ده جميل لكن نيجي للمهم وهو التعامل مع الأسئلة دي !! وهنا تعامل Mcdonald’s من خلال انها عملت Section على الـwebsite باسم الـcampaign اللى هي Your questions our food وقالت فيه الأسئلة اللى جاتلها وجاوبت عليها

هتلاقى أسئلة واجابات كتيير عن Items مختلفه موجوده فى الـMenu بتاعتهم

لكن اللي هيلفت نظرك بقى هو اجابتهم على أسئلة معينة اللي هى الأسئلة اللي تخص الإشاعات اللى اتقالت عليهم وهنا كانت إجابة الـBrand فى الغالب من خلال Videos 😉

تعالوا الأول نتكلم بأختصار عن شويه من الـvideos اللى عملوها

أولا Video بيشرح ايه هو نوع الـBeef اللي بيستخدم فى الـBurger بتاعهم ؟؟ وكانت فكرة الفيديو أنهم جابوا شخص ما اللى هو Graint Mhara بيعرف اجابة السؤال ده من خلال جوله بيعملها جوه المصنع بيشوف فيها المراحل اللي بيمر بيها تصنيع الـBurger و بيقابل الأشخاص المسئولين عن المراحل دي وبيتكلم معاهم وهتلاقوا ان الشخص ده اتكرر معاهم في أكتر من Video بعد كده

وفي فيديو فكرته انهم جابوا مدرس كان بيشكك فى الـProducts بتاعة Mcdonald’s وبينصح الناس مياكلوش منها لأنه شاكك أنها بتتخلط مع اعضاء الانسان المهم عملوا معاه جولة فى المصنع عشان يخلوه يشوف مراحل الانتاج, ممكن تشوفوا الفيديو من هنا

لو جينا بقى نقيم الـVideos اللي عملوها هنلاقي انها كانت أفضل وسيله يستخدموها فى الموقف ده…. ليه ؟؟ 😉

لأن الـBrand عايز يغير فكرتك عن الـProducts بتاعته ومافيش حاجة ممكن توصله لده غير انه يوريك بنفسك و يسيبك أنت تقنع نفسك انك كنت غلطان و ده عشان يطبق كانوا لازم يجيبولهم مراحل تصنيع الـProduct بالصوت والصورة ومن جوه المكان اللى طلع عليه الإشاعة أصلا اللى هو المصانع 😉

وحاجة كمان بسيطة بس أعتقد أن الـBrand كان ذكي جداا فيه وهى أنه على الرغم من ان الـVideos بتحل مشكلة مهمة وبتجاوب على أسئله خطيرة إلا ان الـTone بتاعتها انها Funny و Friendly زي الـBrand voice اللي معتاد من Mcdonald’s وده هيخليك تحس ان الـBrand اللى عملها ماعندووش أى مشكلة أصلا 😉

Social mediaنبتدي في شقلبه الـ

احنا ليه سميناها شقلبه 😀 عشان دي أفضل مكان عرفنا نحكم ونشوف منه تأثير الـCampaign دي على Mcdonald’s 😉 وعشان نفهم التأثير ده تعالوا الأول ناخدكم فى نظرة تاريخية سريعة كده على شغل Mcdonald’s على الـsm زمان 😉

هى مش تاريخية أوي يعنى هى على مدار سنة تقريبا لكن بالنسبة لينا على الـsocial media تعتبر تاريخية طبعا 😉

المهم لو أنت تابعت Mcdonald’s على الـFacebook هتلاقى إن معظم الـPosts كانت بتكلم عن الأكل بتاعهم بصور أو بـ Videos بس كان الكلام بشكل سطحي أوى 😉 وطبعا بتكلم عن أى Event ليه علاقة بالـBrand من الأخر تقدر تقول عليهم كانوا عادي وكعادة أي Brand كبير فالـBad comments على أي Post دي كانت حاجه أساسية لا مفر منها 😀 والجدير بالذكر إن الـResponding من الـBrand عموما بيكون تقريبا على Comment أه و10 لا ده لحد شهر أغسطس تقريبا (خليك فاكر النقطة دي عشان هنرجعهلها تاني 😉 )

طب وقت الـCampaign ؟؟ اكيد الـBrand اللي سمع الناس Offline هيسمعهم Online ويشجعهم أنهم يقولوا أسئلتهم وده حصل فعلا وبرضه أكيد هينزل الـVideos اللى بتجاوب على الأسئلة دي

تعالوا بقى نشوف الفرق فى الـEngagement rate بين الـPosts اللي كان Mcdonalds بيتكلم فيها عن الـProducts بتاعته بشكل عادي وسطحي وبين الـVideos والـPosts اللي بتجاوب على أسئلة الناس وبتقول الـProduct ده اتعمل ازاي وبيتكون من ايه

نبدأ بالـPosts العاديه :-


4

5

طب لما جم جاوبوا على أسئلة الـAudience كانت إيه النتيجة 😉

6 7

خلوا بالكوا طبعا الأرقام دي مش Accurate 100% لأنها متجاهلة كذا حاجه زي الـReach والـSoft engagement لكن ممكن ناخدها كحاجة تقريبية تفهمنا الفرق اللي حصل لما الـBrand عمل Content يجاوب على أسئلة الـFans بنتوعه ولما الـBrand عمل Content يتكلم فيه عن نفسه بشكل عادي 🙂

طب تعالوا نشوف حاجه Accurate أكتر … فاكرين لما قولنالكم أن الـComments اتقل نوع Engagement ممكن يحصل على أي Post 😉 تعالوا بقى نحلل الـComments اللي جت على الـ Videos اللي بتجاوب على أسئلة الناس 😉

لما ركزنا في الـComments اللي جت لـMcdonald’s على الـVideos دي لقينا 3 ملاحظات

1) الأسئله بتجيب أسئله :-

وده كان متوقع طبعا 😀 يعني مثلا لما McDonald’s تعمل Video تقول فيه الـProcess اللي بيمر بيها تصنيع الـBurger بتاعها وهو بيتكون من ايه ؟؟ كان لازم يجيلهم اسئله كتيير انهم يعملوا نفس الـVideo للـMacnuggets وهكذا

وبناء عليه المطلوب في الحاله دي ان الـBrand مش بس يرد على اسئله الناس لا ده كمان بيعملها Analyse ويطلع منها شكل الـContent القادم للـCampaign يعني مثلا ايه اكتر الـProducts اللي الناس سألت عنها ؟؟ طب ايه اللي محتاجين يعرفوه بالتحديد عن الـProducts دي وهكذا

2) مفتاح الـBrand attack في يد الـAmbassadors :-

الحقيقة دي ملاحظة من تجربتنا الخاصه فى SOM نقدر نقول أننا اكتشفنا أن الـAmbassadors ليهم دور مساوي تقريبا لدور الـBrand في حل الـBrand attack .

لما جينا ندور على ده في الـCase بتاعه McDonald’s ملقناهوش أو بمعنى اصح لقينا نسبته قليلة وتأثيره ضعيف جداا (مش بحجم الـ Brand خالص ) والسبب في ده ببساطه أن الـBrand اصلا مستخدمش الـSM من زمان عشان يكسب Ambassadors يعني زى ما قولنا كان الكلام عن الـBrand والـProducts بشكل سطحي جداا مافيش أى Value مضافة ومفيش Responding أصلا فأكيد مافيش Ambassadors !

طب تخيل لو فى Fans الـBrand مصاحباهم لدرجة أنهم فى موقف زى ده يدخلوا يدافعوا عنه من نفسهم كانت هتساهم فى حل المشكلة اد ايه !!

3) الـBrand Attack مش هيختفي في يوم وليله :-

ده بالذات في حاله McDonald’s لأنه Brand كبير والإشاعات اللى طلعت عليه كتيرة وصعبة ده غير انه اصلا مش مصاحب الـFans من الأول 😉 وبناء عليه مش متوقع أن من أول Video هتعمله McDonald’s تجاوب فيه على أسئلة الناس الـBad comments هتختفي

السؤال بقى تعامل McDonald’s مع الـComments دى كان عامل ازاي ؟؟ 😀

فاكرين لما قولنالكم فوق إن الـResponding من Mcdonald’s قبل المشكلة دي كان على Comment أه و 10 لأ لحد شهر أغسطس تقريبا

الـscreenshots دي هتعرفكم الفرق اللى حصل فى الـResponding 😉

8

الصوره دي لـcomment كان في يوليو ومش مردود عليه مع أنه بيتكلم عن نفس الموضوع !!

9

لكن المره دي واضح ان الـBrand بقى بيرد على الـComments وشوية من الـReplies اللى ممكن يوصلوا لزيادة عن 300 Reply على الـcomment الواحد 😀

اللى يشوف الموضوع ده المفروض يقف تعظيم سلام لـResponding team اللي بيرد على كميه الـComments دى اللي ممكن توصل لـ8000 comment على الـPost الواحد وبمعدل 100 replies على بعض الـComments يعني على الأقل بيقروا أكتر من نص مليون comment عشان يفلتروهم و يرودولهم علي 30 -40 الف 🙂

بس الـTeam ده برضه غلط غلطة ممكن تنسف مجهوده اللى فات كله ازاي ؟؟

الـTeam نسي انه ما ينفعش يكون اله !!! وأنهم فى الأول والأخر بنى أدمين وبيردوا على بني أدمين برضه يعني لازم يفهموا السؤال كويس ويردوا الإجابة اللى تناسبه على كل شخص, حتى فى حالة أن السؤال المتكرر برضه ماينفعش اجاباتك تكون Copy – Paste

شوفوا الـ Comment ده و الLikes اللي عليه عشان تعرفوا خطورة الـAnswer Machine فى الـ Responding !! وعشان تتأكدوا أن مفيش بنى أدم بيحب يتعامل مع ألات



10

11

12

من الأخر كده في موقف زي ده لازم يكون في Team عايش حياته عشان الـResponding أيا كان عدد الـTeam ده ولازم الـTeam ده يكون qualified بأعلى درجة ممكنة ويكون متأكد ومقتنع أن دوره أهم حاجة فى الموقف ده لأنه مش بس هيرد على الـFans عشان ينفى المعلومة الغلط لأ ده المفروض يقنعهم بالصح أصلا و يا سلام لو يحول شوية من أصحاب الـBad comments دى لـSupporters ليه هما اللى يدافعوا عنه بعد كده !! ده غير أصلاً أن الـData اللي هتطلع من الـAnalysis للـComments دي هتكون اساس الـContent اللي جاي وهتحدد قرارات ياخدها الـBrand نفسه أصلا بعد كده , من الأخر .. العبرة بـ “كيف ” الـResponding مش بـ “الكم” 😀

 

نرجع تاني للوقاية والعلاج 😀

فاكرين المقدمة اللي بدأنا بيها ان الـBrand هنا استخدم الـListening كعلاج مش وقاية 😉 تعالوا بقى نعرف ازاي كان ممكن يستخدمه كوقاية ؟!

لو الـBrand كان متعود يسمع الـAudience بتوعه ويفهمهم أكيد كان هيقدر يحدد الـProblems والـInterests والـWorldview بتاعهم ودول أصلا لوحدهم كفيلين يخلوه يتوقع الأسئلة ويجاوب عليها من قبل ما تظهر أصلاً 😉

يعني نفترض مثلاً أن Mcdonalds من خلال الـListening لل Audience بتوعه ( بس ) اكتشف أن أكتر حاجة بيهتموا بيها هى المصدر والأصل بتاع الـProduct اللي بياكلوه !!! أكيد ساعتها مكنش هيستنى تظهر الأسئلة دي كلها ولا الإشاعات دي عشان يقدملهم الـContent اللي بيوضح الـProcess بتاعته فى تصنيع الـProducts ويقولهم مصدرها …. بالعكس ده كان الـContent ده هيكون أول حاجة يبدأ بيها بناء على فهمه للـAudience وده مش هيخلى الأسئلة تظهر أصلاً

وده غير بقى ان تطنيش الـListening كمان حرم الـBrand من فرصة أنه يلحق المشكلة من أولها يعني الإشاعة اللى ظهرت فى شهر 2 وكانت صغيرة لو الـBrand كان اهتم بيها وسمعها وجاوب عليها بشكل يتناسب مع حجمها طبعاً ساعتها 😉 , كانت ممكن تمنع كل الأسئلة الكتير اللى ظهرت دلوقتى!

الفكره هنا ان McDonald’s ممكن تكون Brand كبير عندها الـBudget اللي تصرفها على Marketing campaign زي دي عشان تحل المشكله !! لكن لو موقف زي ده حصل لـBrand صغير الله أعلم كان ممكن نلاقيه مكمل أصلا ولا لا 😉 من الأخر الأسطوره بتقول انك مش لازم تستنى المصيبه عشان تشتغل صح وانت عندك فرصه انك تمنع المصيبه أصلا بالـListening 😀

المطلوب بقى حاولو تتابعوا الـFB page بتاعه McDonald’s وشوفوا ايه الـPosts اللي هتنزلها الفتره اللي جايه وشوفوا الـComments بتاعه الـFans عشان نعرف نشوف اخر الـCampaign دي ايه ونتيجتها ايه ؟؟ 😀

وقولولنا بقى تفتكروا لو الموقف ده حصل في MacDonald’s Egypt كان هيكون ايه رد فعل الـFans والـBrand هيتعامل ازاي ؟؟ 😉

By Doaa Badr

 

ديسمبر 20, 2017

24 responses on "(Mcdonald's)أكلي لحوم البشر"

  1. موضوع جميل جدًا، وبيعلم حاجات كتير
    يعنى انا استفدت منه جدًا وخلانى اركز اكتر فى التعامل مع
    الـ Audience
    اللى متابعين الشغل بتاعى والـ Page
    Accurate analysis and wonderful 🙂

  2. بجد برافو على المقال انا اتفاجأت

  3. أنا والى كاتبة المقال ده كنا دفعة واحدة لا وقسم واحد وديسك واحد كمان 😀
    تحية عمييييقة ليكى ي دودو والله

  4. Seriously great job thank u very much for such awesome analysis

  5. أنا انبسطت من المقالة دي الحقيقة و استفدت جدا ♥

  6. المقاله روعه بجد انتى ممتازه يا
    Doaa Badr

  7. معلش كنت عايز أتواصل مع اى حد ضرورى

  8. مجهود رائــــــــــــــــــــــــــــــــع !

اترك رداً على Doaa Badr إلغاء الرد