Ranking Process
Ranking Process
اسمع الـAudio
Ad Rank = Bid X Quality Score X Extension Impact
المتغير الأول في المعادلة وهو “الـBid”
Bid
المعادلة في الجزء الأساسي بتضرب 3 متغيرات في بعض
أولهم الـBid
و عشان المعادلة دي هيتم تطبيقها على كل اللي داخلين المزاد لازم يكون المتغيرات اللي في المعادلة من نفس الخامة
تخيل كده انك انت عملت Campaign مقرر فيها انك تـBid بالـCPA
(يعني بتقول هدفع في الـConversion الواحد 100 ج مثلا)
و في نفس الوقت الـAdvertiser اللي بنتكلم عليه عمل Campaign مقرر فيها انه يـBid بالـROAS
(هيدفع 20% من الـConversion Value اللي جاياله، يعني لو فيه Conversion الـValue بتاعته 1000 ج، هو مستعد يدفع فيه 200)
في الحالة دي الـSystem بيبدأ يوحد خامة الـBidding و يوصلها في الاخر لما يعادل اللي هيتدفع في الـClick الواحدة
يعني مثلا لو انت قايل انا هدفع 100 في الـConversion، الـSystem هيشوف هو محتاج تقريباً كام Click عشان الـConversion ابو 100 ج ده يحصل
لو لقي انه محتاج 100 Click عشان Conversion واحد يحصل فده معناه انك بتقول ضمنيًا انا هدفع 1 ج في كل Click على اعتبار ان كل 100 Click هتجيبلك 1 Conversion فتبقي دفعت في الـConversion اللي انت حددته في الأول
و هكذا، بيفضل الـSystem يعمل عملية Unification لخامة الـBidding بتاعت كل Advertiser عشان يقدر يكمل حساب المعادلة الأساسية لتحديد الـAdRank
في النقطة الجاية هنعدي على المتغير التاني من المعادلة وهو الـQuality Score
المعطى التاني في المعادلة وهو “الـQuality Score”
المتغير الأول في المعادلة وهو “الـBid”
Quality Score
نبدأ بشرحه بصورة مبسطة
عشان Google تضمن ان الـAd “الأحسن” هو اللي فرصته أكبر في الظهور، كانت محتاجة انها تعمل معيار تقيس بيه كلمة “أحسن”
فعملت معيار مكون من 3 عوامل لما يتم جمعهم بطريقة معينة ينتج الـQuality Score بمدى رقمي من 1 لـ 10
كل عامل من التلاتة (الموجودين في الـChart اللي تحت) هو معيار في حد ذاته بتاخد فيه درجة تقييم
و بجمع درجاتك اللي جبتها في الـ3 عوامل يطلع ناتج المعادلة
بس ثانية واحدة
التلات عوامل وزنهم مش زي بعض في المعادلة، زي ما انت شايف في الـChart الـAd Relevance هو الأقل وزن.
Quality Score Algorithm
تعريفات
Expected CTR
هو معيار بيحدد توقع الـSystem للـCTR اللي هتحققه Campaign معينة على KW معينة جواها
(وده بيتم تحديده عن طريق الـHistorical CTR و أشياء عبثية أخرى)
المقياس: Below Avg. | Avg. | Above Avg.
Landing Page Experience
معيار بيقيس الـLanding Page بتقدم تجربة مثالية للـUser بدرجة قد ايه
المقياس: Below Avg. | Avg. | Above Avg.
Ad Relevance
معيار بيقيس درجة قوة العلاقة بين الـAd Content و الـKeywords اللي محطوطة معاه في نفس الـAdgroup و ده بيتم تقييمه برضه على أساس مقياس الـ3 مستويات
المقياس: Below Avg. | Avg. | Above Avg.
ده كده شرح الـQuality Score نظرياً لكن عملياً بيكون الموضوع مختلف شوية في طريقة حسابه و التعامل معاه
يعني الرقم اللي هتلاقيه ظاهر قدامك في الـAd Account تحت اسم الـQuality Score هو رقم استدلالي لا يدل على حقيقة الـAuction-Time Quality Score اللي بيستخدم في حساب الـAdRank “اللحظي” لحظة حدوث عملية الـSearch.
المهم انت دلوقتي فاهم المبدأ الأساسي، وتقدر تكمّل معايا الحكاية من غير ما تتوه وتتلخبط
و لو عايز شرح عملي أكتر هتلاقيه في الـInteractive Course في آخر الحكاية
8/4