أنواع الـ KWs

في نوعين أساسيين للـKWs

KWs محددة جدًا و واضح اتجاهها فين، زي “ أفضل شركة تنظيم معارض في الرياض ” ودي اسمها “Long-Tail KWs”

والنوع التاني يُعتبر العكس، KWs عامة وأقل تحديد لكنها بتظهر لعدد أكتر زي “تنظيم معارض“ وبنقول عليها “Head KWs”

واضح جدًا أنهي فيهم Generic وأنهي فيهم محدد أكتر، بمعنى تاني واضح إن الفرق بينهم هو درجة الدقة، واستخدامك ليهم هيكون على حسب “الـCase اللي شغّال عليها محتاجة إيه؟” ساعتها هتقدر تحدد هتعتمد على الـHead KWs ولا الـLong-Tail. بس عمومًا لو معندكش حاجة تَتطلّب انك تكون عام فأكيد أنك تستخدم Long-Tail KWs ده هيكون في صالح الـCase اللي شغال عليها.

الجزء ده المفروض يكون في دماغك وانت داخل في المرحلة الجاية، فتأكيداً عليه، مش معنى إن الـ Long Tail KW دقيقة أكتر إنك وانت داخل على المرحلة الجاية وهي تجميع الـ KWS إنك هتستغنى عن الـ Head KWs، لأنك لازم تشوف الحالة اللي انت فيها تستدعي إيه وتشتغل على أساسها.

في نفس الوقت لازم تاخد بالك من إن كل نوع في الاتنين ليه خواص محجوزاله هو بس زي إن الـHead KW دايمًا وأبدا من خواصها إنها "High Quantity Traffic" وده لأنها عامة أكتر وعدد الناس اللي بيـSearch بيها أكبر فالبالتالي الـQuantity Traffic هيبقى عالي وهكذا، لما تخلص الـActivity الجي هتعرف منه "إيه من الخواص مرتبط ب كل نوع فيهم وليه؟".

KWs Types Activity 1

الـ Acivity ده عبارة عن Drag & Drop. ودي طريقة الحل:
1- هتسحب الإجابة وتضيفها في المكان الصح.
2-هتدوس تصحيح الاجابة وتعرف تصحيح إجاباتك.
3- لو في غلطات دوس حاول تاني لو عايز تجرب مرة تانية قبل ما تشوف الإجابات الصحيحة أو دوس (show solution) لو عايز تعرف الإجابات الصح.
4- خد بالك أوقات بيطلعلك جملة بعد ما تدوس تصحيح الإجابة فيها تفسير للحل فلازم تقرأها كويس وتتأكد من إجابتك لو صح. وتعرف الصح ده بناء على إيه لو مجاوب غلط
ملحوظة : متركزش أوي مع النتيجة اللي بيديهالك في الاخر طالما مجاوب كل إجابة صح اعتبر نفسك واخد 10/10 حتى لو كاتبلك 3 /49 D:

الاجابة

1-High Quantity Traffic
الخاصية دي مناسبة للـ Head KWs لأن من معناها واضح إنها بتجيب حجم Traffic عالي وده نتيجة متوقعة لأن حجم أو عدد الناس اللي هتدور على حاجة عامة زي تنظيم المعارض بشكل عام أكيد عددهم كبير.
والعكس صحيح مع الـ Low Quantity Traffic والـ Long-Tail KWs

2-High Quality Traffic
الخاصية دي مناسبة للـ Long-Tail KWs اللي من معناها واضح إنها هتوصلك لناس Targeted أكتر ومحددة هي عايزه إيه
والعكس صحيح مع الـ Low Quality Traffic والـ Head KWs

3- High Conversion Rate
الخاصية دي مناسبة للـ Long-Tail KWs لأن زي ما قولتلك الـ Long-Tail KWs بتجيب ناس محددة وبتدور على حاجة معينة فبالتالي فرصة إنهم يعملوا Conversion بتبقى أعلى.
والعكس صحيح مع الـ Low Conversion Rate مع الــ Head KWs.