اتفرجت علي التليفزيون النهارده بالتحديد قررت اتفرج علي الكبير (بغض النظر عن الكبير) الغريب اني قدرت اتمالك نفسي و الArticle ده نتيجه اني مرضتش اعبر عن اللي جوايه
لما اتفرجت علي التليفزيون أكتشفت ان نهايه التليفزيون ابتدت و ده في حد ذاته فرح بالنسبالي و الموضوع علمي بحت، امشي معايا للأخر و هتبتدي تفهم الـCulture Shifts اللي بتحصل حوليك،
تعالوا الأول نفهم احنا فين قبل الجزء العلمي :-
بغض النظر عن اعلان Pepsi حلو ولا لأ و اعلانCoke اختراع ولا موضه نزلتلنا بعد ما أتهرست في 200 دوله قبل كده الموضوع والله.. اكبر بكتير اوي من الهطل ده، احنا فعلاً في زمن المسخ، زمن Pepsi و coke بيدفعوا 15/10 مليون عشان اعلان 30 ثانيه و هما بيبيعوا مياه سوده بسكر ملهاش علاقه اصلاً بالـCola (لو فاكر ان اللي انت بتشربه ده cola متكملش قرايه، مكانك مش هنا خااااالص)
احنا في زمن الجمعيات الخيريه (بعضها) بتعمل فيه Campaigns بعشرات الملاين في شهر، واحنا بمنتهي البراءه اللي في الدنيا نقعد نقول مش الأولي يصرفوا الفلوس دي علي الغلابه، و انت مش عارف اصلاً ان 90% من الموضوع ده بيكون ماشي بنسبه مش بأجر، يعني فلوس حضرتك اللي اتبرعت بيها لجمعيه عشان طلعتلك اب بيأكل ولاده من الزباله اصلاً اكتر من نصها رايح للي ضحك عليك وعملك اعلان يحسسك انك حيوان، عشان تتبرع (انا عارف ان الناس مبتجيش الا كده، بس حسسني اني حيوان لما تكون انت اصلاً بني أدم، منطق مش كده )
و طبعاً الفِكر ده والدمار اللي حل علي الـIndustry كله ميطلعش إلا من شخص عظيم و عبقري و فريد من نوعه، ملك التمانينات زي مبيقوله LOOOOOL
و اخيراً احنا في زمن الشركات فيه لسه مصدقه انها لو ربطت اسمها بأسم ممثل او مغني هتستفيد (اللهم اني صائم اللهم اني صائم )
ملحوظه : احنا جيل في جزء منه أهطل لدرجه ان لو منير طلع قلهم الخمره حلال هيصدقوه، و مع ذلك ظهوره من تلات سنين مع اتصالات مفرقش حاجه وكان معاه اجمد ناس في مصر، و مع العلم برضه ان اللي هما كانوا عاملينه content محترم بس و بعدين هل في حد حياته اتغيرت عشان الاعلان .
هل في حد هيفضل فاكره لحد ما يموت، الموضوع كله اكترمن 15 مليون اترموا في الارض من غير اي نوع من انواع التأثيرفي البشر، اخرك معايه like يعني انت كويس، يعني مش بطّال
احنا بجد في اغبي فترات حياة الانسان علي وجه الارض:-
و الله مش تريقه، احنا اكتر مجموعه بشر دمروا الدنيا في التاريخ ، بس مش هو ده موضعنا، انا هتكلم في الموضوع من الناحية العلميه اللي انا بفهم شويه فيها
بص يا سيدي
اي Media Tool في الدنيا مكونه من حاجتين
1-Content
2-Ads
الـContent
علي اد ماكان الـContent قوي و يستحق علي اد ما هيتجمع الناس عليه (الناس الصح بالطبيعه عشان مفيش حد هيتفرج او يسمع او يقرا حاجه مش مهتم بيها)
و علي اد ما هيتجمع الناس علي اد ما هتكون فرصه الاعلان في المكان ده غاليه و قيمه لأنه في ناس كتير هتتنافس عليها
يعني مثلاً باسم يوسف، من اعلي نسب المشاهده في تارخ التلفزيون و اعلاناته اكيد اغلي من اي اعلان في برنامج تاني. ليه ؟ لأنه في فتره كان هو صاحب اقوي content علي التليفزيون (بغض النظر هو كويس و لا لأ من وجهة نظرك)
بالتالي لما صاحب الـMedia Tool دي يعرف يجيب عنده الـContent الفظيع ده هيلاقي ناس targeted اتجمعوا عنده و ده بالتالي هييجذب المعلنين و يبقي كده وصل للي هو عيزه
بس لو بصيت من بعيد هتشوف الصوره اوضح
90% من الـContent اللي علي القنوات فاشل و رديء و مسف فبالتالي بيجذب شريحة تتناسب مع طبيعته المقرفه، و المفارقه ان الشركات برضه بتعمل اعلانات واكيد مع التغير اللي حصل في الشريحه الاساسيه في الناس اللي بيتفرجوا علي التلفزيون، اكيد تأثيره علي الناس هيكون اضعف وبالتالي عائد الاعلانات هيقل و بالتالي هتيجي نقطه و الطلب علي الاعلان في التليفزيون هيختفي . و النقطه دي قريبه اوي
طب بالنسبه للـ Ads
بص بقي و ارجوك ركز ، احنا شغلتنا كـMarketers اننا نبوظ اي Media Tool قدمنا هي دي الحقيقه، كلنا جوانا الطفل الخنيء اللي مابيسبش الحاجه الا و هي بايظه، يعني احنا بوظنا كل الـMedia Tools من الFlyers للـ Email، بس السؤال هنا بوظناهم ازاي :-
1-بصينا علي المكان اللي فيه ناس كتير و ملناه اعلانات مش مهم بقي مين اللي بيروحله الاعلانات دي و بالتالي النتايج بقت ضعيفه لأن اكتر من ¾ اللي بيشوفوا الاعلان مش مهتمين بالحاجه اللي جواه و بالتالي قيمه الاعلانات عماله تقل
2- نسينا القانون الاول في الـMarketing اللي هو Scarcity Greats Value
لأ دول عملوا عكسه “الزن علي الودان” و بالتالي برضه قيمه الاعلانات بالنسبه للناس عماله تقل لأن مثلاً اعلان التلفزيون بيتعاد 6 مرات في كل مسلسل و صاحب الاعلان بيدفع ست مرات و انت التأثير اللي حصلك في اول مره شفت الاعلان تقريباً 99% من التأثير اللي هيحصلك لما تشوفه 6 مرات ده غير اني احتماليه انك تزهق 150% و ده ممكن يقلب بنتيجه عكسيه بس بصوره عامه برضه الاعلانات قيمتها عماله بتقل .
3-وده الاهم “اتغابينا” كل واحد فينا قعد مع نفسه في يوم يفكر ازاي هيضحك علي الناس، يعني يقلهم ايه عشان يشتروا الحاجه بتاعته او يعملوا اللي هو عايزه من غير ما يخدوا بالهم انه عايز الحاجه دي أصلا
و قال يعني الناس فعلاً مش هتاخد بالها و ده وصلنا اننا برمجنا الناس ان ده كلام اعلانات زي ما اخونا الصحفين الله يكرمهم برمجوا الناس علي انه كلام جرايد، الغباء لا دين له
ملحوظه: لو بتقول لنفسك دلوقتي انا مش من الناس اللي بوظت الـMarketing يبقي انت حاله من اتنين مينفعش تكون غيرهم 1-انك تكون قديم في الـMarketing و يكون ربنا الهمك و خلاك تقرا كتاب Permission Marketing اول ما نزل سنه 98 او All Marketers Are Liars سنه 2006 و لو انت عملت كده فعلاًارجوك ابعتلي رقمك في اسرع وقت .
لو مقرأتش الكتاب ومش عارف يعني ايه Permission Marketing محتاج تقرأ الـArticle دي ، ولما تقتنع بالـConcept اللي فيها هتعرف ليه الـArticle اللي بتقرأها طالعه كده “
2-انك تكون جديد في الـMarketing و يكون ربنا الهمك برضه وخلاك تعرف School of marketing لو انت من النوع ده، عايز اقولك انك امل مصر الوحيد
“ملحوظة : انا كـ احمد سيف كنت بدمر الـ industry قبل ما اعرف school of marketing”
نرجع لموضوعنا ، بسبب الحاجات اللي انا قولتهالكم فوق و اننا ركزنا علي استخدام الـTool سواء تلفزيون او غيره و نسينا العِلم اللي بيحكم الـTool دي، احب اقولكم اننا نجحنا اننا ندمر التليفزيون و ده شيء عظيم و ابتدينا ندمر الانترنت و ده انا مش هسيبوا يحصل انا و ناس كتير
الخلاصه
لو نسيت ان الناس كلها أيدها علي زرار Skip Ads (سواء تليفزيون او youtube او كل حاجه بمعني اصح) يبقي طبيعي انهم ينسوا انك عندك حاجه بتتباع اصلاً
لو معاك 100 جنيه عشان الـMarketing و دول هيقدروا يخلوك تظهر لألف واحد ولا واحد فيهم هيفتكرك بعدها بساعه، احسنلك تستخدمهم في انك تأثر في حياه 10 اشخاص هيفضلوا فاكرينك العمر كله و علي مدار حياتهم هيعملوا word of mouth لألف واحد برضه
ملحوظه : تأثير Word of Mouth موجها لألف واحد من ناس ثقه اوقي 100 مره من ان 100 واحد يشوفوا اعلانك او الـlogo بتاعك
أقرأ الـArticle دي هتفهم ليه
اه بالنسبه لتقيم الاعلانات :- انا عندي الاعلانات 3 انواع
1-Cultural Ads :- و دي اقيم و واحد في التلت انواع لأنه بيلعب علي الـCulture بس في نفس الوقت مش اشتغاله يعني تقدر تقول نفس الـTheme بتاع Think Different Campaign، رقم واحد بلا منازع في المنطقه دي هم Etisalat “تحياتي”
2-Emotional Ads :- و ده اقوي نوع من ناحية الـInstent Actions لأنه زي ما باين من اسمه انه بيلعب علي المشاعر و احسن حد عمل الموضوع ده هم Dubizzle و Pepsi وده في حد ذاته شيء غريب ان مايكنش في المكان ده جمعيه خيريه !
3- و أخيرا الـLogical Ads :- و دي بتخاطب العقل و دي اقل حاجه ممكن تخاطبها في البني أدم و احسن حد عمل النوع ده هم أكيد برسيل و أيريال من غير ما اشوف اعلاناتهم اصلاً، اكيد Physical Evidence، عن طريق اختبار قوه المسحوق قدام الناس، في التلفزيون،OOOOOOO مش قادر كل ما افتكر نوعيه الاعلانات دي افطس علي نفسي من الضحك 🙂
نسيت اقوولكم ان كان في نوع اعلانات رابع بس شالوه من زمان و ده اللي بيخاطب الهطل اللي جوا البني أدم و اكيد اكيد احسن حد في المنطقه دي و بلا منازع للعام التاني علي التوالي العملاق الاقتصادي “بنك مصر” و قبل ما اختم احب اوجهلهم رساله شكر و عرفان للـ Marketing team بتاعهم لأني لما دورت جوا أهراماتي علي مدار السنه اللي فاتت كلها لقيت حاجات كتير منها الـArticle ده
زي ما قولتلك كل ده حصل بسبب اننا ركزنا على استخدام الـTool سواء تلفزيون او غيره و نسينا العِلم اللي بيحكم الـTool دي، والمفترض انك بعد ما قريت كل ده تروح تتعلم العلم قبل ما تتعلم أي Social Media أو Seo
By :- Ahmed Saif
84 responses on "اغبي فترات حياة الانسان علي وجه الارض"
Leave a Message
يجب أنت تكون مسجل الدخول لتضيف تعليقاً.
Users Report Widget
شكرا على المقاله رغم انها طويلة جدا
ولو اني مش عارفه ليه اخترت اتصالات رقم واحد Cultural Ads
شكراً ليكي يا علا بس ممكن تقوللنا من وجة نظرك مين اللي المفروض يتحط في المكان ده
انا من رأي ان اعلان وزاره الصحه اول مكرر
Analysis of wonderful
Glad to hear that Islam
الله عليم يا سيف مبدع دايما 🙂
الله يخليك يا محمود و ان شاء الله افضل عند حسن ظنك
ايون بقى انا اتفقعت من الاعلانات الغبية دى وفعلا التليفزيون بقى ملوش اى لازم وتول ضعيفة جدا
Industryهو ده اللي انا بدور عليه يا شيماء , الناس اللي اتخنقت من الفلم الهندي اللي بيتعمل علينا كل يوم ده , هم دول اللي هيغيروا ال
يعنى يا ريت لما تعمل مقال بعد كده تخاطب الفئة الى هيا لسه عايزة تعرف عن التسويق
نوعدك يا احمد ان يكون فيه حجات للمبتدئين بس المقال ده مبسط جداً
رغم ان النكهه السياسية مؤثرة بشكل كبير علي الميديا بشكل عام الا اني فعلا متفق جدا معاك في ان حالة الهطل الاعلامي وصلت لمستوي عالي جدا
و ده لأننا مسكنا في الاداه و نسينا العلم الحاكم ليها
انا أمل مصر يا احمد سيف
🙂 🙂 🙂 لو احتجتني في اي حاجه انا تحت امرك
انا سعيده بالمقال ده جدا لان الناس فعلا وبدون مبالغه كارهه التليفزيون ونوعيه الاعلانات التافهه المسفه اللي بتتقدم.ن
و انا سعيد اني قدرات اقدملك حاجه تعجبك و ان شاء الله العصر ده هينتهي قريب
عندك حق والله بس انا شايف انهم بدأ يخربوا النت بردو وال spam بقى منتشر قوى عايزين نواجه دة
و المشكله ان مفيش وعي بالموضوع ده
احييك يا احمد رغم اختلافي في بعض النقط لكن انت الوحيد اللي مش بيصقف و هو مش فاهم حاجه .. بيبسي كوكاكولا عملوا هبل للناس و اخيرا لقيت واحد بنا نجاه من الهبل ده…بالتوفيق
شكراً ليك يا جلال و ان شاء الله الموضوع ده مش هيطول 🙂
انا عندى فكرة
طب ما تجوم تتطمن على فلوسك يا احمد يا سيف
انا دورت جوا اهرماتي اتطمن انت علي فلوسك:)
من أول مرة اتقابلنا وانا وجهة نظري فيك متغيرتش ….واحد من اللي هيغيروا شكل ومحتوى ال marketting في العالم 🙂 أنا شخصيا استفدت جدا من كلامك حتى في شغلي كطبيب .
فيما يخص المقال ، تحليل رائع وعميق ومش جديد عليك
بالتوفيق يا سيف وبإذن الله قريبا ألاقي اسمك جنبه 4.0 🙂
شرف ليا يا علاء والله اني افضل محافظ علي الصوره دي للمده دي اشكرك يا صديقي 🙂
شكرا احمد سيف على المقال الرائع ده
:)وكنت عاوز اعرف رايك فى اعلان قطونيل
بجد انا حزين على الى بحصل فى التلفزيون كل يوم ده تحت اسم اعلانات
العفو يا مصطفي و اعلان قطونيل ميستحقش اصلا نتكلم عليه 🙂
متفق معاك بنسبة 100% و كدا كدا عصر التلفزيون من 2007 تحديد ابتدى ينهار تماماً، و لكن دى صناعة كاملة و شوف كام مليون واحد شغال فيها و مهما كان التلفزيون برضوا المنصة الاولى للاعلانات و هيفضل كدا لفترة لحد ما الاتصالات تتحسن و الاعتماد الكلى بيبقى على لاشبكات زى ما موجود فى أمريكا مثلا، و الارقام اللى احنا بنسمعها دى نصفها رايح عائد للضرائب اللى مش بنسمع عهتا حاجة
معاك حق و شكرا علي اهتمامك
اتفاجئت لما شفت اعلان بتاع “اشترى بالفيزا بتاعتنا واكسب كيلومترات مجانية طيران من مصر للطيران” وامى بتتفرج على مسلسل فى وقت ذروة على القاهرة والناس, امى لا بتسافر على الفيزا ولا بتستعمل كروت مصر للطيران !! 🙂 يعنى انت عامل اعلان يشوفه كام مليون عشان 15 نفر بيسافرو عاوزهم يستعملو الفيزا بتاعتك !!
😀 ده ابسط مثال
بصراحة عندك حق يا احمد والواحد اتخنق من اعلانات التليفزيون بصراحة
لانها فعلا بتلعب على العاطفة وتاثر فى ناس كتير بس بصراحة مش بتفضل فترة كبيرة Emotional Ads مع انى كنت عاوز احط كوكاكولا فى
بصراحة مقال رائع جدا
شكرا ليك يا محمود و الوضع ده هييتغير قريب ان شاء الله
المقال جميل جداا وبيعكس اهتمامات المجتمع
من كل شركه واهتمامها
الواحد نفسه يغير اتجاهات الاعلانات لتغير اهتمامات المجتمع
شكرا علي اهتمامك يا معتصمو ان شاء الله هنعمل كده
مقالة رائعة ولوسمحت ممكن توجه كلمة لصاحب إعلان mountain view
عشان انا مش قادرة استوعب هو ازاي فكر في إعلان بالشكل المستفز ده.
ومرة تانية نشكرك على المجهود الرائع.
شكراً ليكي يا راما و انا مش عارف اقول ايه 🙂
كل مرة بقرالكم حاجة بحس اد ايه أنا جاهلة لكنه بيبقى إحساس ممتع معاكم برغم قلقه سبحان الله!
شكراً جداً و ربنا يجازيكم عنا خير.
احنا كلنا بنتعلم من بعض يا فاطمه و في الاخر احنا بنجتهد مش اكترو شكراً جداً علي كلامك الجميل
فعلا انا مقاطعة التلفزيون ومبفكرش اتفرج على اى حد بيتكلم عربى ماعدا احمد مكى وحتى ده باشوفه على اليوتيوب ومنبهرتش باعلان بيبسى هو فكرته حلوة بسل عادى مأثرش فيا اوى وعجبنى اعلان بنك الطعام ( فى ناس الجوع بالنسبالها مش اختيار) فكرة كوكاكولا عبيطة اوى حاساها تنفع للاطفال والمراهقين تفرحهم فعلا غير كدة لا
شكراً لأهتمامك يا دعاء ووجهة نظرك تحترم جداً
طيب وايه رأيك في اعلانات البنك الاهلي
تصنفها تحت انهي بند من الاربعه اللي انت ذكرتها
emotional ads??
وايه رأيك في مدي نجاحها !!!
مستني ردك يا ابو سيف
والله يا أحمد انا شايف انها
Emotional
زي منتي قولت بس للأسف هي مسروقه و متطبقه وحش جداً
عجبانى جداا المعلومات اللى موجوده فى المقال المفيد ده يا ابو حميد وحابب اعرف معلومات اكتر عن الـ school of marketing لانى مسوق جديد الحقيقه 🙂
اهلا بيك يا أحمد نتمنا اننا نفضل نفيدك و لو احتاجت اي معلومات اسألنا علي الصفحه بتاعتنا و هنرد عليك علي طول 🙂
حلو جدا ال analysis لل ads انا متابعة من السنة اللى فاتت تحليلك
لكن انا شايفه ان كوكاكولا رغم انها عملت الفكرة فى اكتر من دوله لكنها نجحت فى مصر مش بس مبيعات لكن بين الناس و خاصة الشباب و نجحت على ال facebook جدا و فكرة ال personalize كويسة جدا
Value انا بقي بتكلم ان الكام مليون اللي اتصرفوا عشان الاعلان ده يطلع علي التلفزيون يتوفر 90% منهم و يتحطوا في
حقيقيه , كده كان هيبقي الموضوع افيد بكتير
اكلام عمومه مظبوط بس مختلف كليا مع التشبيهات و الإسقاطات .. كان أفضل متجبش أسماء شركات ..
بس متفق علي الكونتنت و مشكور علي مجهودك
شكراً علي نقدك البناء يا تامر و اوعدك تلاقي اسقاطات معتدله الفتره اللي جيه 🙂
شكرا للمقال الرائع ده
الدنيا بتتغير والتلفزيون واقف مكانه فى نص الشارع والدنيا زحمة. اقصد الناس مش ناقصة .
العفو يا نرمين و كلامك صح 100%
أولا شكراَ كتير على المقال 🙂
ثاانيا انا بس مختلف معاك في ان النوع ده من الإعلانات هيفقد قيمته بشكل كامل بس هو في الحقيقة قيمته هتقل كتير وده هياخد وقت
وهيكون الإعلان بعده كده تارجيتيت أكتر يعني هيجي الوقت الي نلاقي فيه اعلانات شركات الأدوية على برنامج طبي مش اعلان لمسحوق غسيل زي ما بيحصل دلوقتي 😀
وبالنسبة للمسلسلات فهي اصلا بيئة خصبة للإعلانات الي بتوهم اليوزر بحاجة ما هو اصلا عايش حالة مع مسلسل 30 يوم ومسدقة
فعادي لما يشوف مسلسل 30 ثانيه ويصدقه برضو 🙂
تحياتي ليك يأحمد ولباقي فريق
school of marketing
شكرا لأهتمامك ايا أحمد و رأيك وجه نظر تحترم
المقال جميل ويمكن النقطه اللى اختلفت معاك فيها موضوع الجمعيات الخيريه كدعم الاعلان او انهم بيصرفوا ع الاعلانات بشكل كبير لان فى ناس قالت ان الاعلانات بتطلع اما بتبرع من رجال اعمال او مساهمه بجزء من القناه واتصالات فعلا كانت كويسه فى اخر اعلان رغم اعتراضى برضو على ان اتصالات كل يوم جديد انا كعميل مشلاقى جديد عند اتصالات هى نفس عروض فودافون وموبينيل مع تغيير الاسامى للعرض وافضل اعلان من وجه نظرى هومصر الخير لانى شفته مقارنه بالجمعيات التانيه هو قدر يعرف الناس انهم سر سعاده الناس اللى محدش بيحس بيها على عكس تماما الجمعيات اللى بتطلع تتك اكتر على الوضع الصعب للناس والناس اصلا مش ناقصه مصر الخير حسست الناس الى حد ما ان لهم دور بسيط يمكن يغيروا بيه لكنهم مكئبوش الناس حتى الغنوه بتاعه الاعلان ممكن كلنا نسمعها لما نبقى محبطين ونحس انها لطيفه
Marketing شكرا يا الاء و انا مقصدش اتكلم علي ان الجمعيات وحشه انا بنقد الوضع من وجه نظر ال
مش اكتر
الموضوع حلو اوى و كمان التحليل و الامثله واقعيه جدا ، بس مش شايف ان الاعلانات اللى بتخاطب الهطل جوا البنى ادملها تأثير بدليل ان اعلان ( خد فشار ) هو اكتر اعلان علق مع الناس ف رمضان اللى فات ؟
مش لذيذ ان اسمي يتربط في دماغ الناس بحاجه وحشه 🙂
انت ببساطة بتفتى ..اة والله والكلام اللى فوق دة مالوش اى صلة بعلم الإعلان. .عايز تفهم إعلان إقرأ فى العلم بتاعة لكن كلام كتير وملخبط وانت اصلا سوشيال ميديا لا يجوز
Modern Marketing 😀 شكرا يا ساره بس محتاج اوضحلك حاجه علم الاعلان بيتغير من جيل للتاني و الزمن اللي احنا في ده ليه طريقه و علم يتناسب معاه و الحاجه التانيه احنا اصلاً بتوع
ملحوظتين:
1- لو انت بتتفرج على الـ youtube و عملت skip للاعلان فده دليل على فشل الاعلان اكتر من اللى بتعرض على التليفزيون لان اللى بيتفرج على اليوتيوب اولاً عنده امكانية الـ skip و انت معملتلهوش حاجه تشده انه يكمل الفيديو و تانى حاجه ان اليوتيوب بتبقى متحكم اكتر فى عرض الاعلان بتاعك على انى محتوى فبتختار محتويات مناسبة يعنى مثال كونور فاين فودز عملت اعلان لطيف على المسلسلات التركى اللى على اليوتيوب و الاعلان عبارة شيف من المشهورين بيشرح وصفة اكلة بيستخدم فيها المنتج بتاعة اللى بيعلن ليه بصراحة ما يقارب 85% من الحالات اللى قدامى نجح الفيديو اد ان مايخليش الست اللى بتتفرج تعمل skip ad و طبعاً ديه حاجه كويسه لو انت على اليوتيوب و حصل skip ad ده واضح انه فشل للمعلن فى ان عنده امكانيات اكتر لتحديد المحتوى و الوقت و الناس و معرفش.
2- بالنسبة للتليفزيون على ما اظن Android TV حيوفر للماركتيرز كمية معلومات لطيفة عن اعلاناتهم و متهيئلى ممكن الـ Android TV يوصلنا لمرحلة اننا نقدر نتحكم بصورة اكبر فى الوقت و المحتوى و المكان و الزمان و الليد اللى عايزينه يشوف الاد و ده ممكن يرحمنا و يخرج جيل جديد من الماركتيرز اللى يعرفوا يستخدمه التكنولوجى ديه و يستفيدوا منها.
كلامك و ان كنت مش فاهمه كله الا انه فيه منطق علي حد فهمي
مقالة جميلة بس عايز اقولك ان الموضوع في الاخر business
يعني كله بيكسب اتصالات بتدفع ملايين لمنير ويسرا بس بتكسب اكتر واكتر
بييسي وكوكاكولا انا شايف انهم في اعلانتهم الاخيرة سابو علامة كبيرة عند الناس واكيد كسبوا
كل واحد بيفكر يلعب بالكارت الكسبان ولا شك ان التليفزيون ليه جمهوره الكبير رغم سخافته
فكرتك حلو جدا وممكن تطبيقها ربنا معاك
اخيرا بيني وبينك في اخطاء املائية صغيرة ياريت تراجعها 🙂 🙂
وبالتوفيق واحنا معاك 🙂 🙂
شكرا لأهتمامك يا باسم
و الفكره كلها تتلخص في انهم كده كده بيكسبوا و ان الفلوس دي بتترمي في الارض و ممكن تتعمل بيها حاجات احسان تفيدهم اكتر و تفيد الجمهور بتاعهم اكتر
طول عمري بقول أنت الماركتينج تيم بتاع بنك مصر لازم يضرب بالنار 🙂
بس أنت أستاذ … ربنا يباركلك يا برنس!
شكراً يا محمد و أكيد في أمل 😀
بجد ما شاء الله عليك بتعلم منك التسويق
طريقتك هايله فى التحليل و المعلومات و المتابعه
رينا يخليكي يا رضوه ده شرف لينا
متقـــوم تطـــمن عـــلي فــلوسك 😀
اهو الاعلان ده بقى بتاع قوم اتطمن على فلوسك نفسى اعرف العبقرى اللى عمله … مش لازم يعيش لحد يوم الثلاثاء ولا الاربعاء بصراحه :/
ده اصلاً اعلان متقلد غلط 😀
firstly the article is very good but
you have just said one solution that is “لو معاك 100 جنيه عشان الـMarketing و دول هيقدروا يخلوك تظهر لألف واحد ولا واحد فيهم هيفتكرك بعدها بساعه، احسنلك تستخدمهم في انك تأثر في حياه 10 اشخاص هيفضله فكرينك العمر كله و علي مدار حياتهم هيعمله word of mouth لألف واحد برضه ملحوظه : تأثير Word of Mouth موجها لألف واحد من ناس ثقه اوقي 100 مره من ان 100 واحد يشوفوا اعلانك او الـlogo بتاعك”
and it’s not very clear too as how to make people to don’t wait the skip ads button .
Its all about “Permission”
If you took a real permission from me, I will wait your video, so simple
مش بقولك بتفتى وخلاص يا استاذ انا بعمل دكتوراة فى الاعلان يعنى عارفة العلم وصل لفين الكلام اللى فوق دة غلط بنسبة 90 فى المية
لو عايز اسماء كتب علشان تبتدى تاخد فكرة عن صناعة الاعلان وخصائصة قول مش عيب العيب انى اكتب اى حشو علشان يبقى اسمى كتبت مقال!
مقالك اكثر من رائع يا أحمد سيف …بس تقدر تقول ان المستوى الفكري للمشاهد هو اللي بيتحكم في مستوى الاعلان الموجه ليه
يبقي الفروض يا اسامه نرتقي بالمستوي الفكري ده مش ننزله
شكرا لأهتمامك يا اسامه
بالبلدي يا احمد يسلم فومك 🙂
انا اتفقعت من كل الاعلانات الصراحه .. استخفااف بدرجة امتياز بعقل المشاهد و ملايين الملايين في الارض
و لا اعلان هادف و لا اعلان مؤثر .. اتصالات و يمكن في اعلان عجبتني فكرته بتاع موبينيل ” ابتدي” بس احنا شعب برده مش هيتأثر بالاعلان ده للاسف
تحياتي يا احمد
شكرا ليكي يا نفين و يا رب نقدر نغير الثقافه دي قريب 🙂
7adrtk gamd fsh5 😀
😀 mesh 3aref 2a2olk eh
بمناسبة الهطل، انا لاقيت دراسة محترمة عن محتوى الإعلانات المصرية في شهر رمضان، هي دراسة محترمة جدا بس المقدمة بتاعتها كانت مضحكة جدا، كان مكتوب ” الهكس في الذاذة :هذه هي النظرية المستخدمة في الميديا الدعائية في القطر المصري”
هو انا الصراحة مش عارفة لغويا يعني ايه الهكس في اللذاذة، بس من اسمها كدة تحسها معبرة جدا عن الهطل المذكور في المقال ده 😀 😀
عندك حق يا ريهام الميديا الدعائية فى مصر عايزة تتهد و تتبنى من تانى :/
School of Marketing Team
من كتر الحاجت اللى مش مقنعه والضحك على الدقون تقريبا كدا الواحد بقى قافل تليفونه اغلبيه الوقت وكمان التلفزيون اللى مبقاش بيجيب غير الاعلانات والاكاذيب .احب اقولك انت صح وطبعا فرصه الناس اللى دارسه تسويق اصلا مبقاش لهم اى فرصه فى مجال العمل لازم يكون بنفس المستوى اللى انتوا بتشوفه ياما بيتوصف ان هو اللى مش بيفهم
الـ industry ( مش كلها ) عايزة تهدم و يعاد بنائها من جديد بفكر جديد يا مها
انت عندك حق
School of Marketing Team
فى حته مش فاهمها يعنى ايه لما باسم يوسف يعمل content
قوى وده حاجه حلوه طبعا . يقوم الاعلانات متجمعه عليه تفترسه وتضيع قيمه ال content
زى منتا قولت كده الاعلان بيتشاف كتير وفى نفس الوقت غالى
وده ينقلنا لنقطه تانيه هو المعلنين حيحطوا content جوه الاعلان كمان
content gowa content ?!!
وهل المشاهدين حيستوعبوا كل المحتويات دى فى نفس الوقت
كمان شركه زى بيبسى ممكن تقدم content
يعلم ويفيد الناس ازاى ؟؟
open circle can’t have a clue 😀 😀
بصوت القرموطى “انا دماغى لفت يابا ” 😀
بص يا احمد الفكرة هنا فى غباء المعلنين .. يعنى باسم يوسف بيتفرج على البرنامج بتاعه عدد كبير جدا من الناس لانه الـ Content بتاعه Premium و قوى جدا
فاما المعلنين تتجمع عليه و تفترسه و باالتالى الناس هتزهق و ممكن تقلب على القناة اللى عليها البرنامج … تمام كده اول نقطة ؟
تانى نقطة بقا بدل ما المعلنين يحطوا Content اى كلام ، يبدوا يحطوا Content يعلم الناس حاجة لانه بيتشاف كتير و الناس كده مش هتمل و لا هتزهق بالعكس هيبقوا مستمتعينن بالساعة و نص بتوع البرنامج باعلاناته كمان .. وضحت 😀
تالت نقطة المشاهدين هيستعبوا كل المحتويات دى فى وقت واحد فدى حاجة نسبية من بنى ادم للتانى 🙂
اخر نقطة شركة بيبسى ممكن تقدم content يفيد الناس زى مثلا انهم يتكلموا عن اسباب السعادة
او عن فكرة عدم الخوف ” عبر مين قدك ” او فوايد المياه .. ع العموم اى حاجة ليها علاقة بالـ Brand بتاعهم او الـ Product او الـ Services !
تمام كده ولا لا ؟
School of Marketing Team