معاك قرش محيرك.. Retargeting Ads الـ

 Retargeting adsالـ

 

المشهـد الأول “إحنــا آسفين يا صلاح”

في يوم من الأيــام السودة اللي في حياتي وتقريباً من سنـة كدة، قررت وأنا مش في كامل قواي العقلية إني أشوف أسعار “ماكنةحلاقة” على موقع E-Commerce بدون ذكر أسماء J .. عـادي كنت لسة متخانق مع الحلاق بتــاعي وكدة.

     المهــم… دخلت على الـ Categories واخترت الـ Health وبعدينMan Products .. عادي يعني زيي زي أي User مثقف وواعــي وعارف هو بيدور على إيه.. مسألتش حد ولا عملت حتى Search .. واتفرجت على الأنواع والأسعار.. وبعدين بكــل وقــاحة منـي .. قررت إني أمشي.

المشهد التــاني “مبتغسلش سنانك ليه”

بعدها بيومين قررت إني أقرا عن الـSmarketing وللي ميعرفش ايه ده؟ ده يا سيدي trend كان جديد وقتـها بيشرح العلاقة الأمثل بين الـ Marketing والـ Sales عشان يحققوا مع بعض أعلى ROI’s.. ولما أعجبت جداً بالـ Blog جبت واحد من الـ Sales وقعدته جنبي وخليته يقراها معايا.. عايز أقولك كميــة “مكــن الحلاقة” اللي كان على الـ Blog كان لا يُحتمــل، يعني أنا لو اتصالحت مع الحلاق ورحتلو.. هلاقي عنده تقريباً عدد أقل من اللي كان على الـ Blog ســاعتها.

المشهد التالت “خــالتي بتغسل”

كـان أخر الشهر وكان مطلوب مني Leads Intelligence Report كان جديد عليا وقتهـا…. مديري “الله يكـرمه” مسابنيش أحتـاس وراح جر كرسي وجـه قعد جمبي وقرر إنه يشرحلي Functions جديدة في الـ CRM System وازاي أقدر أعمل Export للـ Data اللي هنحتاجـها في الـ Analysis.. وقبل مايقوم تفضل مشكوراً إنه يوجهنـي لكـذا Website أقدر من خلالهم أقرأ أكتر عن الموضوع ده.. وفـ Website منهم واحنـا في أمان الله.. لاقينا الـ Page كلها اتقلبت إعلانات Booking.com وازاي لازم ألحق أخر تخفيض في Steigenberger بتاع الغردقة عشان الأوض هتخلص يا فرمــاووييي.

المشهد الرابع 18+”نحن بنـات عائلات محترمات”

واحد صاحبــي كان بيكتب كتـاب عن الـ dating وكان بيفكر يعمل  DatingWebsite قائم على الكتــاب، إنمـا بطريقة مبتكرة ونضيفة وقائمة على علم النفـس والله J.. فقررت إني أساعده وأعمل Search على الـ Competition وأسرق شوية Statements وأعدل فيهـا وأمصـرّها وكدة.. ومش هقدر أحكيلك عن كمية الإعلانات اللي اتفتحت في وشي بعد كدة في خمسين مكان على الـNet من عينة شريط الفيديو الأحمر بتاع “فيلم ثقــافي.”

المشهد الخـامس “اللي ماشفتوش”

اللي مشوفتوش بس أقدر أستنتجه إن صاحبي عرف إني محتـاج ماكنـة حلاقة، أنا عارف إن الموضوع بسيط وكل حاجة.. … إنما يعرف ليه برضك؟ طيب افرض أنا كنت بدور على حاجة تكسف مثلاً، دوا مثلاً….

ومديري أكيداستنتج إني بفكــر أسافر قريب! لأ وبفكر أروح فين؟! يعني مفيش عذر وهمي ينقذلي الأجازةاللي اتضربت.. ولا “خالتي بتغسل” ولا “عمتـي بتولد” ولا الكلام ده.. أصلاً لو كـان ركز شوية في الإعلان كان زمانه عرف المعــاد.

أما بالنسبة لأي حد عـدى من جنبي وشاف الـ Remarketing Ads بتــاعت الـ Dating “من عينة بنــات من مصر أونلاين الآن” و”نحن بنـات عائلات محترمات” والجــو ده.. فمش عارف بصراحة هو شايفني ازاي دلوقتي J… إنما ممكن تديني فرصة تانيـة؟؟ طيب ممكن تقرا Article دي؟ طب أديك نمرة صاحبي بتاع الكتــاب تسأله طيب!!؟

الســؤال بقى.. عُمــرك شوفت غبـاوة أكتر من كدة؟

ازاي اللي عمل الـ Remarketing Campaign في الـ E-Commerce Website خياله المريض صورله إني لما أشوف نفس مكنــة الحلاقة خمسين ألف مرة هشتريها؟! ده على أساس إني عندى زهايمر وبنسى كل خمس دقايق إني محتاج ماكنة حلاقة،، فمحتاج حد يفكرني؟

وليه Booking.com قرر إني بنســى أعمل Reservation؟ ما هو أنا أكيد عندي مشكلة خلتني محجزش وغالباً المشكلة دي أكبر من إني مش عارف الـ URL بتاع Steigenberger فبتطلعهولي كل شوية!! .. إنما هو قرر يفكرني كل يوم إني محجزتش أو بمعنـى أصح بيذلنــي!

وإييييييه كميـة الـ Dating Advertising دي؟ ليه كده ياأخى ليه حرام عليك!!! إنت معندكش إخوات صبيان؟ طيب سيبك مني أنا.. إفرض واحد بيمر بفترة مراهقـة؟ بلاش.. إفرض حد عنده مشكلة طبيـة؟ أجرسلـه وأفضحه ليــه؟! وايه كميـة الفلوس دي كلها!؟

حــابب أوضح إني اشتريت مكنتين حلاقة وكانت لسـه الإعلانات بتطلعلي… وحابب أوضح إني سافرت عن طريق Booking.com إنما مروحتش Steigenberger.. وحابب أقــول لـ Websites الـ dating يمكن لو كنــت جتلي من عشر سنين مثلاً!!إنما هاااااح “أحمد موسى ستايل”.. وبعدين أنــا خاطب يا عم الحاج!! أه والنعمة، واللي عملها مرة، لاممكن يكررها تاني!! أبتــاً أبتـاً.

المشهــد الأخيــر “إيــه رأي حضرتــك في السويييييييييت”

المفاجأة إن بعد التجــارب البشعة دي كلهـا وغيرها، أنا كنت ومازلت شايف إن الـ Remarketing Campaigns تعتبر من أحسن الـ Advertising Tools على وجه الأرض لخدمة الـInbound Marketing .. لو بس استخدمتها صح، إنما إحنا كـبشـر.. فعـادتنا إننا نستهلك أى حاجة لتحقيق Short Term Profits بغض النظرالـ Tool دي ممكن تخدمني إزاي بطريقة أحسن!

الـ Ecommerce Website ببساطة لو عنده أبسط مبادئ الـ Marketing و عنده حاجة اسمها Persona ومش بس جــاي يبيع أي حاجة لأي حد..فكـان طبيعي جداً إنه يتصرف كالتالي: واحد داخل يشوف مكنـة حلاقة ومشي.. ممكن يكون استغلاهـا، فـ تطلعله ماكنة أرخص..وممن يكون مبيحبش الحلاقة بره يبقى غالباً بيكون بيهتم بنظافته فـتطلعله حاجات تانية ليها علاقة، كريم مثلاً، After-Shave مثلاً، وممكن يكون بيحب يعمل الحاجة بنفسـه فـتطلعله عـدّة كهرباء أو عـدّةسباكة مثلاً، وهكـذا.. شغل دماغك شوية أبوس إيدك.. إيه! زن زن زن زن !!! طب والله مانا شاري.

زي ما تدخل محل عشان تشتري حاجة، وييجي واحد سمج جنبك يقولك أمر يا فندم، فيتولد عندك شعور تلقائي لاإرادي إنك مش طايقه وإن الراجل ده جاي يلبّســك في حاجة، باشا أنا لو عايز أسأل على حاجة هتكون أول واحد يعرف متقلقش.

 

Booking.com ولو إني بحبه جداً وشايفه من أنجح الـ Examples،، إنما الإلحـــاح الرهيب بتاع الـ Remarketing.. يضر بسمعه أي حد.. “لا أستثنــي أحد” وكان بكل بساطة ممكن يتصرف كالتالي: يدرس الكذا سبب اللي ممكن يخلي أي بني آدم ميحجزتش، يمكن السعر عالي، إديـلو Offer .. يمكن مش عارف يأخد أجازة بسبب إنه مش عارف ينظم وقته، إديـله حلول في Blog Post لطيفة مثلاً .. يمكن الـ Hotel بعيد شوية، وإنت عندك Transportation Tips، دلّنــا عليها .. طيب إغرينــي بالحاجات اللي عملت عليها Search عندك، زي الـ Best Food مثلاً.. طلعلي أحسن hotel قريب بيعمل أكل! هاتلي آراء ناس شبهي كدة عملوا كام Review مثلاً على حاجة من اهتماماتي..

إنمــا كميــة الإعلانات بتـاعت نفس الـ Hotel اللي شفتها بعد ما سيبت Booking.com فكرتني بالراجل الثقيــل بتـاع فيلم كتكوت “إيــه رأي حضرتك في السويــت؟؟”وفضل لازقله لحد ما أقفش الـ Tips.

الـ Dating Websites مالهاش حل الصراحة (لإن سمعتهــا هنا مش قد كدة) غير الـ Content النضيف ، والـ Content النضيف قوي كمــان، وكان ممكن حاجة تانية خالص تتعمل :Dating tips بقــى، Psychological Tests، وكتب Psychology خفيفة كدة، وإزاي تبقى جامد جداً في أول date وإزاي تعرف تختــار صح وكدة…

أصل وارد اللي دخل Website الـ Dating كــان فعلاً بيدور على عروسة، مش حــاجة تانية.. ماهو على رأي المثل ولا بلاش !


الخلاصه


الـ Retargeting عبارة عن Tool يعني شكوش (If you know What I Mean)
مش مهم تعرف تستخدمه ازاي على اد ما مهم تستخدمه ليه , و خلي بالك كل الكلام اللي فوق (اللي هم كانوا ممكن يعملوه بدل الزن) كان برضه ممكن مينجحش لو مكنش عندك  Frequency Capping يعني بتقدر تتحكم في عدد مرات الظهور لنفس الشخص
لأنك لو معندكش الـOption ده حتي لو شغلت دماغك و عملتلي حاجه فعلاً تأثر فيا , عدم تحكمك في الـFreaquency هيزهقنى منك غير انها اصلاً هتكون فلوس مرميه علي الارض لأن الإعلان بتاعك لو مأثرش فيه من أول مرة او تاني مره يبقي ابقي قابلني انه يأثر و بالتالي الفلوس اللي رايحه علي الأرض دي هترفعلك الـCost Per Conversion و هتوصل في الأخر لمرض اسمه ” هطل الـAds ” أحمد سيف كان بيتكلم عليه فى كتاب How To Be An Inbound Marketer

الـMarketing Tools لازم تكون بتخدم Methodology و إلا الموضوع هيكون عبارة عن شوية فهلوه و الفهلوه في شغلنا مبتعملش انجاز

خلاصه الخلاصه

لو هتعمل Retargeting Campaign ابعد عن حتت انك تطلعله product تاني أو نفس الـproduct فى الـCampaign
ايوه أنا لسه قايل انك ممكن تشغل دماغك و تلاقي الـProduct الـمختلف اللي تطلعهوله في الـAd بس لو نتكلم علي Inbound Sales أحسن حاجة ممكن تعملها في الدنيا (تخدمك Long Term ) هي ان اللي مشي من عندك يلاقيك بتجري وراه , بس مش علشان تبعله, علشان تفيده , يعني اللى يخرج من عندك هاته بالـContent

احكلنا أنت بقى عن الـExperience بتاعتك مع الـRetargeting Ads سواء كانت بتطلعلك او كنت بتعملها في شغلك ؟!

BY :- Ahmed Al Faramawi

أغسطس 8, 2015

26 responses on "معاك قرش محيرك.. Retargeting Ads الـ"

  1. شخصيا عندما ابحث في google عن منتج معين واﻻقي كل المواقغ بعدها بتظهرلي نفس المنتح والويب سايت لدرجة القرف اتوجه لنفس جوجل مرة تانية وابحث عن صور للطبيعة لعل وعسى تتغير ال remarketing اللي هبلوني فيها

  2. انا دخلت مرتين على hostgator.com من اسبوع ولحد دلوقتي يتطلعلي الاعلانات بتاعته في كل حتة youtube – twitter – facebook وأي موقع بدخل عليه في ادسنس هو مصمم انه يفكرني باني كنت عاوز اشتري دومين 🙂
    مقالة رائعة جدا وافكار وحلول بديلة ممتازة شكرا ليك يااحمد

  3. على الرغم انه مقالك طويل بس جذاب و مشجع جدا للقراءة . مع تحياتي

  4. مبفهمش في الماركتينج بس إستمتعت بالكلام جداً وفهمته وعرفت مصطلحات جديدة شكراًً

  5. Gamed gedan el article ya Faramawy! E7na Online agency for tourism services w fe3ln mawdo3 en el user ma3mlsh purchase leh sabab f lazem enni lamma arga3lo tany arga3 b 7aga feha solution lil need beta3to. Konna et3alemnna en enta el mafrood enak t get a solution for his needs not to just sell what you think it’s right.

    Thanks so much 3al nice article dah! Saba7 el foll!

    Eslam

    • قولهـم يا إسلام! قولّهـم 🙂
      نفسي نطبـق الـ Ethics واللي اتعلمنــاه عن طريق الـ Tools المتـاحة، اللي بيحصل دلوقتي إن الـ tool هي اللي بتستخدمنـا بصراحة.
      الـ Inbound أسلوب حياة واي حد بيفكـر بالعقلية بتعاتك فـهو كدة Already بيشتغل Inbound 🙂 حتى لو في Offline
      صبــاح الفُــل

  6. بجد فعلاً مقاله أكثر من رائعه ودايماً كنت بقول لنفسي نفس الجمله دى ان مش معقول يعنى ان الزهايمر عند العميل للدرجه اللى تخلينى اعرضله نفس المنتج بمجرد خروجه من المتجر لكن السؤال هنا إزاى أنا أقدر أعمل إعادة إستهداف بمنتج تانى غير المنتج اللى كان بشوفه العميل أو أنى اقدمله محتوى مفيد مثلاً أو ماشابه إزاى الطريقه يعنى ياريت لو تشرحهلنا فى مقال قادم وبشكرك مره تانيه على المقال الرائع ده

    • الله يكرمك يا رب 🙂
      شوف يـا سيدي خطوات الـ Remarketing Campaign زي ما هي، كل الفكرة إنـك هتعمل remarketing list لكل Traffic ساب Products معينـة عنك عالويبسايت.. وبعدين هتعمـل Ad Group مخصوصة لكل Remarketing List من دول .. كل Ad Group بقى هتعمل فيهـا نوع الإعلانات اللي اتكلمنـا عليه بحيث اللي مشي من عندك لأي سبب تجيبـه تاني بالـ Content بحيث إن اللي سـاب ماكينة الحلاقة ومشترهـاش يطلعله الـ AdGroup بتـاعت الـ Health Care مثلاً سواء Content أو Products إنمـا الأكييييد مش نفس الـ Product.. لو لسـه الكلام عايم شوية يبقى إنت محتـاج تجرب تعمـل Remarketing Campaign عملي وتيجي تقولنـا وتقرا قبلهـا الكلام ده:
      https://support.google.com/adwords/answer/3210317
      https://support.google.com/adwords/answer/2454064
      يا رب أكون أفادتك في أي حــاجة 🙂

  7. أكيد أفدتنى كتير بالطبع ومتشكر جداً على ردك السريع أولاً والمفيد والقيم جداً ثانياً

  8. عجبني المقال و فتح مناطق جديدة في دماغي و الأسلوب كمان لذيذ.. بس مش ده فرماوي اللي كان في الإيفينت خااالص !!

  9. مقال رائع و اسلوم مصرى يوصل المعلومة بسرعة
    انا شخصيا مش متخصص زيكم , انا مبرمج مواقع انترنت لكن استفدت كتير بصراحة , بشكرك يافرماوى على وقتك , مش اى حد بيقعد على بعضه و يكتب اللى عنده زيك

    اخيرا حبيت اضيف حاجة (اتمنى تكون مفيدة ) , اشتغلت على ربنامج بيستخدم عشان تبنى عليه موقعك بسهولة , وفيه امكانيات كتير للماركتينج , ممكن يفيدك , هو اسمه Kentico EMS وده الرابط بتاعه
    https://www.kentico.com/KenticoEMS

    • يا عم الله يكرمك عالكلام الحلو ده 🙂 🙂
      وبالنسبـة للـ kentiko .. حد الله بيني وبين الـ ASP يا عم:) إتعذبت معـاه كتير بس هو عبقـري الصراحة، طبعـاً Edits وكدة عشان الـ Optimization
      إنمـا هو CMS عبقـري للـ ASP غصب 🙂

  10. بجد thanks جدا على المعلومات دى .. اول مرة اقرأ عن الموضوع ده وفهمت حجات مش كنت بفهم داغهم الضيقة كده ليه ولا دى امكانيات ومافيش غيرها عندهم .. طلعت القلقاسة بتاعتهم هى اللى ضيقة 😀 .. عوزة اتعلم اكتر عن الموضوع ده لانى اول مرة اتعلمه منكو ناو
    #انتو_الحضرى_للماركتنج 😀

  11. بص يا أحمد انا عايز اعلق علي نقطتين أولا بوكينج دوت كوم مش فارقه معاه هو معاه يصرف و محدش عارف يجيب 5% عشان ده الكينج زي منير ده بالظبط و متخليش حد يقولك أجودا عشان ده ابن اخو بوكينج دوت كوم من نفس الام و هيه برايس لاين يعني بيلعبوا علي طريقه
    eat your self, before some one eat you

    انا مثلا حاولت انافسه ب يلابوك دوت كوم بس طلعت ساذج بس اتعلمت حاجتين
    1- اوعي تعمل display ad غير مرة في السنة
    2- أشتغل علي نفسك يعني اعمل حاجه مش موجوده او طور حاجه موجودة

    و أخيرا أبني لينكات صح يعني خش علي الكينج شوف هو ملنك مع مين و قلده و اختار الكي ورد الي معليهاش منافسه جامدة
    آسف طولت عليكو بس حبيت زي ما انا استفدت منكوا اقول علي تجربتي

    عمرو عزت
    Co founder
    http://www.yallabook.com

    • عندك مهمـة صعبة! بس بمـا إنك بتفكر كدة يبقى أكيد هتلاقي الـ Edge وتشتغل عليهـا إنشاء الله وتعمـل Niche محترم 🙂
      تسلم يا عمرو على مشاركتنـا تجربـتك، مطلوتش ولا حجة، المرة الجاية طول والنبـي 🙂
      قوللي بس ليه بتقول: اوعي تعمل display ad غير مرة في السنة؟

  12. أصل الناس ساعات بتحب الصور و العروض يعني مثلا الحق و تعال و بص و شوف و الكلام ده … قصدي تبقي متواجد من فتره للتانيه بصوره حتخلي الناس الي داخله تحجز تشوف برده اعلاناتك .. الفكره ان الناس بتخاف تجرب خاصه لو في دفع عن طريق النت بتقولك خلينا في المضمون حتي لو كلماتك البحثيه ظهرت في اول صفحه علي عمتا جوجل برده خايفين.. دي ثقافه الي تعرفوا احسن من الي متعرفوش … فعشان تكبر عايز وقت طويل و تارجت صح و خطه معلمة و شويه فلوس تكون مستغني عنهم عشان متعيطش زيي وتغلفهم باعلان 10 ثواني علي اليوتيوب وشويه اعلانات
    تجربتي مع الاعلانات لما عملتها لقيت البونس ريت بتاعي علي قوي يعني 92 % بيخشوا يخبطوا علي الاعلان و ميخشوش علي الصفحه … تقريبا بياخدوا فلوس علي الكليك وده في مصر بس لما غيرت التارجت ووجهت للآمارات الحياه كانت احسن البونس ريت قل كتير و الانجيجمينت بقي احسن بس محدش لسه بيحجز كله عمال يتفرج بس اهو السايت بيتحرك اما بقي بالنسبه لل كوتنت احب اعرف رايك فيه لما تخش علي صفحه دبي مثلا

    عمرو عزت

  13. الإعلانات دي بتزعجني جدًا وأحيانًا بتفضحني خاصة لما أكون ناوي أعمل مفاجأة لمراتي والأولاد 🙂
    لذلك بعمل حركة لؤيمة شوية .. بتصفح المنتجات اللي أنا عايزها من متصفح غير رئيسي عندي .. يعني أنا بشتغل بمتصفح فايرفوكس .. أخلي الإنترنت إكسبلورير للتصفح عن المنتجات ..
    طب لو الحيلة دي منفعتش أعمل إيه؟
    أتصفح من سايبر بقى أو أعمل فورمات للجهاز كله وأريح نافوخي 😀

    • أعتقد من الحلول السهلة للـ Users العاديين اللي مش محتـاجين Security عالي:
      استخـدم الـ Private Window في الـ Firefox أو Incognito في الـ Chrome
      أو استخدم أي browser تاني من بتـوع الـ privacy زي Duck Duck Go و كدة
      والله الموفق والمستعـان 😀

Leave a Message