5 حاجات متعملهمش في الSEO لحسن تـRank
هذا موضوع ساخر هزلي غير موضوعي
برغم كل الكلام اللي بيقولوه الناس المتخصصة في الـ SEO عشان تعلى الـ Rank بتاعك، موضوع الـ SEO ده بسيط جدا , مش محتاج كل اللي بيعمله الناس ده, ويفضلوا يذاكروا ويتابعوا , ليه ده كله , في الـ Article دي هتلاقي خلاصة الخلاصة ” الزتونة يعني” , غير كده ان اي حد ممكن يعمله ولا خبرة ولا اي حاجة .
1- content مخصوص ليه يعني !
يعني تأخد من وقتك ومجهودك علشان تقول للناس انك مختلف, علشان ايه تعمل content من عندك وتتعب وانت بتكتبه وتحط فيه عصارة افكارك , ليه يعني ما انت ممكن تجيب من اي Site تاني وتحط عندك مش محتاج غير شوية “سنجفة ” حلوة ويبقى بتاعك ولا تعب ولا حاجة .
2-يعني ايه يبقى High quality Content
مش ضروري قوي يعني يكون content قوي يعني المهم نحط فيه االكام “keywords” الحلوين واقلب, انا يهمني ايه غير ان اجيب رجل الsearch engines ويحط موقعي في العالي , يعني اختار Keyword مطلوبة وحطها في الـ Title , بعد كده حط في الـ content الكلمة دي كتير, بس ياسيدي .
3- قالك Buyer Persona يا عم صليّ
يعني ايه تعمل content مخصوص لناس معينة اكون عارف ايه اهتمامتهم وايه اللي عايزينه , وهما اصلا يهموني في ايه ؟ انا كل اللي يهمني الـsearch engines وبس , يعني اللي ينفع واحد مينفعش التاني ليه يعني ؟, و أنا مالي هو مين وله الـ world View بتاعه عامل ازاي, هو انا هصاحبه.
4-حط Contents قد ما تقدر
خلى موقع كده مليان ” بهاريز ” احشر اللي تقدر عليه كله خير , يعني عايز الناس تقول على الـ Site ايه فاضي, ليه معنديش حاجة اقولها يعني , بعدين الموضوع زي ما قلنا بسيط بالموس اللذيذ من اي موقع Copy وعلى الموقع بتاعك هوبه Past , وحط بقى قد ما تقدر ميهمكش .
5-بلا User Experience بلا كلام فارغ
انا لسه هقعد احط كل حاجة في مكانها وارتبها , وكل ده ليه علشان اخلى حركة الـvisitor عندي سهلة , ما هو لو عايز حاجة يدور ويدخل في الPages من واحدة لتانية يدور على اللي هو عايزه , ولو قلبه ابيض هيلاقي اللي بيدور عليه على طول , ولو موصلش لحاجة اعمله ايه يعني “نصيبه” .
شوفت الموضوع سهل ازاي مش محتاج منك تعب, ولا تقعد تقولي خرج من الـ Site بتجربة حلوة وله وحشة ولا الكلام الفارغ ده , خرج زي ما خرج انا مالي مش المهم جالي مرة ,تمام كده
ايه النقطة اللي في الموضوع ده عايزين معلومات بجد عليها
,و ايه تاني ممكن تعمله عشان تبوظ الSEO بتاعك
22 responses on "SEO اوعى تعمل 5 حاجات في الـ"
اترك رداً على School-of-marketing إلغاء الرد
يجب أنت تكون مسجل الدخول لتضيف تعليقاً.
المقالة بجد رائعة تسلم ايدين اللي كتباها بس خلوني اعقب تعقيب صغنطوط كدة على قدي من واقع الخبرة البسيطة يعني الكلام اللي قولته مهم جدا ولكن في عوامل اخرى مهمة بردو زي مثلا الروابط الداخلية لموقعك ، وزي استخدام الكيوردز بطريقة معينه في المقالة اللي هتكتبها وشكل الكيوردز دي وطريقة استخدامها مش حشو وخلاص كمان دور السوشيال سيجنالز خاصة جوجل بلس في الرانكينج مهم جدا بالاضافة للشغل الاون بيدج لموقعك وده بردو شيء مهم وزي ما ذكرت كدة في المقالة بسرعة انك تسهل الموضوع على اليوزر وده بيكون من حيث البرمجة والتصميم يكون سهل الموقع سريع مش بطيء كمان استخدام التحليلات وانك تطلع نتايج تحسن بيها موقعك وشغلك من خلال النتايج دي وطبعا في ادوات كتير تساعدك زي جوجل اناليتكس مثلا
يعني انا قولت ادلي بدلوي انا كمان اشمعنى انتوا يعني بجد شكرا ليكم بستفاد منكم كتير
شكراً يا شيرين على الكلام الجميل دا، وشكراً اكتر على الملحوظات الأضافة اللي انتي كتبتيها لينا 🙂
Great Article !
Thanks for your great words 🙂
انت برنس يا هشام 😀 عليا الطلاق أسيادنا راضيين عليك .. مقال ممتاز جداً جداًً
اولاً شكراً عشان “برنس يا هشام” 😀
بس مش انا اللي كاتبه عمرو نوار هو اللي كاتبه 🙂
عمرو باشا دي مش
piece of content
دي حتة بسبوسة بالمكسرات:) تسلم إديك بجد حلوه ،،وده مايمنعش إنك برنس برضه ياهشام ،،أنا متابع فقرة مايطلبه المستمعون بتاعتك يوم الجمعه ع البيدج
حسام شكراً على متابعتك لينا بأستمرار وكلامك دا بيدينا power اننا نطلع احسن ما عندنا
وبالنسبة لفقرة يوم الجمعة انا مبسووط ان انت متابعها 🙂
Buyer Persona & User Experience
عاوزة اعرفهم عنهم والمقال تحفه
شكرا ليكي يا شروق و ان شاء الله نتكم في ال
Buyer Persona
بس موعدكيش بموضوع ال
User Exp. 🙂
لا لا أنتو جامدين بجد
برنساااات 🙂
ربنا يخيك يا تامر على كلامك اجميل دا
عجبتنى بصراحة تحس كدا نك مقفول من بتوع السيو … بس حلو جدا
لا احنا مش مقفولين ولا حاجة من اللي شغالين SEO 🙂
وشكراً على كلامك الحلو :))
very useful and waiting more about SEO , thanks guys keep it up 😉
you’re welcome Omar 🙂
على فكرة محتاج خبرة كبيرة
الموضوع فيه كلام كبير مش بس كده 🙁
لو احنا عندنا موقع ومش عملنله SEO كويس
هيجى حد يخده كوبى ويعمله SEO
ويظهر قبل منك فى الترتيب ويروح تعبك على هدر
يبقى فى موضوع لازم نفكر فيه قبل ما نبدأ نفكر احنا بنعمل SEo
ليه ؟
شكرا مقال مميز ده الطبيعي بتاعكم
بصراحه نفسي في مقال يلم كل جوانب السيو سواء داخل الموقع او خارجه بشكل عملي عشان الواحد بيتوه من كتر المقالات اللي في المنتديات
بانتظاااااار هذا المقال العملاق
طلبك اهو يا عمرو 😀
https://school-of-marketing.com/blog/seo-course-for-beginners/
School of Marketing Team
مقالة رائعة وفعلا اهم حاجة في الموضوع كله الاهتمام بالcustomer
لان وجوده وتعلقه المحتوي موقعك هو الاساس
وهو اللي مفروض نستغل عشانه
شغلنا كله للsearch engine
هو تفهمه او معرفته بالمجال اللي بيتكلم عليه الموقع بتاعك
صح جدا يا رنا 😉
School of Marketing Team