بـ 6 افكار Brand Humanization اعمل

6 افكار عشان تعمل Brand Humanization

 

كل شركة في البداية، بتكون فكرة بسيطة في دماغ الـ founder بتاعها. بعد كده الفكرة دي بتفضل تكبر في دماغه لحد ما يقرر فعلا ان الفكرة دي (اللي هي الشركة) تنزل لارض الواقع، و يبني الشركة دي. و الفكرة دي اصلا بتطلع للـ founder  بتاعها، لانه شايف ان الحاجة اللي الشركة بتاعته هتعملها، هتفيد الناس بحاجة (حتى لو كانت بسيطة).

يعني اصلا أي شركة هي في الاساس فكرة، و الفكرة طالعة من جوا بني أدم حاسس ان الـبني ادمين التانيين عندهم مشكلة ما، و هو قرر انه يحل المشكلة دي.

علشان كده كل شركة و هي بتتكلم مع الناس، لازم تنسى انها شركة! و تحاول ترجع لاصلها الأول، اللي هو بني ادم.

6 حاجات ممكن تعملهم علشان متكونش مجرد شركة في نظر الناس، لكن كمان تبقى بني ادم:

1)      اخترع character يمثل الشركة بتاعتك قدام الناس.

زي مثلا الراجل بتاع KFC ، هو اه مش مخترعينه، بس شوف نفسك كده اول لما بتسمع حد بيقولك انا رايح KFC، اول حاجة هتيجي في دماغك هتكون الراجل ابو دقن لونها ابيض ده 😀

ده بيخلي الناس تحس انها بتتعامل مع بني آدمين،

2)      اختار brand voice  ينسابك، و يناسب الـ target audience بتوعك، علشان ميحسوش انهم بيتكلموا مع شخص مش عايش وسطهم، و مش حاسس بيهم.

3)      احكي قصص عن الشركة بتاعتك ازاي اتعملت، و كل الحاجات (الكويسة و الوحشة) اللي عدت عليها، و احكي انت اتصرفت فيها ازاي.

4)      احكي عن الناس اللي شغالين في الشركة، احكي كل حاجة عنهم، علشان الـ customers تحس بالناس اللي بيقدمولهم الـ service بتاعت الشركة، و خلى اللي شغالين هما كمان يحكوا عن نفسهم و عن الشركة.

5)      خليك متابع اخبار البلد اللي انت موجود فيها، علشان ميبقاش الناس كلها في وادي، و انت في وادي تاني.

يعني مثلا مينفعش يكون في ناس بتموت في البلد، و انت تعمل post تقول فيه ان الحياة حلوة و بلدنا أمان جدا و كل حاجة كويسة!

و ده هيخلي الناس تحس بانك فعلا عايش معاهم، مش مجرد عندك content عاوز تكتبه وخلاص.

6)      الـ content بتاعك لازم يكون up to date، و خلي بالك من الاعياد و المناسبات، لانك اصلا بني أدم و عاوز تعيد على بانب أدمين زيك.

في brands كتير لما بتيجي تتعامل معاهم، سواء على الـ social media او في الـ customer service، بتحس انك بتتعامل اشخاص حافظة الكلام اللي هي بتقوله و بتسمعه وخلاص. يعني مثلا ممكن تكتب comment على fan page، و واحد تاني تلاقيه كاتب  comment برضه، ممكن يكون مشابه للـ  comment بتاعك، و تلاقي الـ admin رادد عليكم انتم الاتنين نفس الرد، و كل التعب اللي هو تعبه انه عمل copy + paste للكلام و خلاص، تقضية واجب يعني.

لازم تخلي بالك و انت بترد على الناس، حاول ترد على كل واحد بالطريقة اللي تريحه و تبسطه (طبعا من غير ما تخرج عن الـ brand voice بتاعك)، يعني لو واحد رادد بالعربي، رد بالعربي، لو English رد English، سهلة و بسيطة اهيه 😀 بس فعلا بتفرق مع الـ customers و نظرتهم للـ brand بتاعك.

و في النهاية، ايه اكتر character لاي brand معلق معاك و مش عارف تنساه؟

و تفتكر ليه صلا معلق معاك 😀

 

 

نوفمبر 3, 2015

8 responses on "بـ 6 افكار Brand Humanization اعمل"

  1. مقالة خفيفة ولذيذة، وانا كنت دايما بحاول اقنع الناس اللى بعملهم شغل بفكرة الشخصية دى، بس ناس كتير بتحس انها مبالغة او انها هتضطرهم انهم يصرفوا كتير، ومش مقدرين حجم المكاسب اللى هتعود عليهم ، دا غير بقى ان اصلا فى ناس بتحسب ان البراند عبارة عن اللوجو وLetter head وBusiness Card … الخ. للاسف، لسة ثقافة البراند منتشرتش اوى على صعيد الشركات، وصعيد المسوقين والمصممين … الا من رحم ربى.

  2. Character 7up ya Lazeez ya raye2 😀

  3. البلوج دا فى حاجات فيه انتو مش بتطبقوها ع فكرة ^_^ زى مثلا رقم 5 و 6

  4. حباية الشيكولاتة بتاعت M&MS

اترك رداً على Ahmed Saif إلغاء الرد