رمضان campaign

الـ Social Media مش فرح، الـ Social Media حياة كاملة

انتوا متخيلين ان في ناس مقتنعة ان علي قد ما الفرح كان كويس علي اد ما الـRelation بين الاتنين اللي لسه متجوزين هتكون و هتكمل كويسه

ايوه هم دول بظبط نفس الناس اللي بيقعدوا يتعبوا اوي في الـMarketing Campaigns اللي بيعملوها في الايام العادية و بالتحديد في رمضان ، (هموت و اعرف اللي اخترع كلمة Campaign رمضان دي ، هيزعل مني جداً بس المهم) هم بيتعبوا و يصرفوا عليها عشان فاكرين ان لو الفرح طلع حلوا بقيت الـ50 سنة جواز اللي بعديه هيكونوا حلوين و مفيش مانع نعمل فرح كل سنة او كل شهر و نبان قدام الناس اننا مبسوطين و مستريحين
بس الحقيقة بتكون غير كده ، الحقيقة ان الـMarketing Campaigns بتكون منورة اوي بس الـRelationship بين الـBrand و الـCustomers بتوعوا بتكون بايظة

يعني مثلاً عيزكوا تركزوا علي كل شركات الانترنت و شوفوا الـCampaigns بتاعتهم و لا كأن لسه قايم عليهم ثوره من شهرين كذالك سوق و جوميا هتلاقيهم عاملين campaigns جامدة جداً بس الحقيقة ان مفيش Relationship اصلاً

المصيبة ان اغلب الـMarketers بيفكروا في Campaign تطرقع ، اللا من رحم ربي

يعني ايه Marketing Campaign

يعني اي Marketing Effort مكثف هتعمله علي موضوع او theme او فكرة معينة لوقت محدد

ده الـلي هتتعلموا في اي حتة بره (في ما معناه طبعاً)

و كالعادة انكم متعودين تتعلموا هنا حاجه مبتتعلموهاش في اي حته تانيه

الافكار اللي عايز اوصلهالكوا

1-جميل انك تعمل فرح بس الفرح محتاج امكانيات لو ممعكش الجوازه مش هتبوظ كل ما في الامر مش هيبقي عندك زكريات فرح جامد ، بس في الاخر هي مجرد ذكريات (يعني لو الامكانيات محدوده وجها احسن ناحية الـValue )

2-لازم تفهم ان فرح في الـIntercontinental ، و معاملة زي الزفت في البيت يبقي الطلاق هو الحل
(يعني مش عشان عملتلي Campaign فيها عادل امام هغفرك انك بتديني ابطء و أسواء internet في الكون ، لو معاك فلوس محيراك طور بيها نفسك احسن ما تشتري لبس يبينك انك جامد بس انت من جوا فاضي)

3-ده مش معناه ان الـCampaigns اصلاً حرام
الـCampaign اللي انا اصلاً شايف الـTeam بيعملها من بعيد و مش مقتنع بيها اوي (بس كنت لازم اسبهم يجربوا)
عملت النتايج اللي هقولكم عليها اللي انا شخصياً مش مصدقها

ملحوظه : الكلام ده منغير ولا مليم في الـAds 🙂 عشان الـAuthenticity سبعة cent بظبط:)

32% increasing في الـUnique Engaged People

يعني بالتقريب كده الاسبوع اللي فات الي اتصرف فيه Ads بس كلام فاضي خلي تقريباً 4000 بني أدم يعملوا Engagement معي School of Marketing

الاسبوع ده ماكنش في اي حاجة جامدة او ازيد من الطبيعي بالعكس كان في حجات اقل
الفرق اللي عملته Campaign ام بطة خلي 6500 يعملوا Engagement من غير Ads

طبعاً بغض النظر عن الارتفاع اللي حصل في الPage كلها و ده باين من الـScreenshot اللي تحت

engagment rate

الـContent Eng. Rate الطبيعي علي School of Marketing بيكون تقريباً 37%
الـ
Avg . بتاع posts ام بطه 74% و ده بالصدفه 100% زياده بالظبط

و ده انا كا أحمد سيف اعتبره انجاز رقمي يستحق التأمل

و اخر حاجه عن النتايج هنتكلم عليها هي الاحصائيات دي

Positive Comments 109
Negative Comment 12
Confused 19

الـCampaign دي تاني اكتر حاجه جابت Negative Engagement في تاريخ School of Marketing
بعد (هو ايه الـROI بتاع أمك ) في المركز الاول

المهم ان الـCampaign دي خلت 5 يعملوا Unlike
و 4 يعملوا Hide،
و Comment 12 مش ظريف

هي دي الخساره الفعليه اللي خسرناها في مقابل مكاسب فعليه تقريباً عديت 2500 % لو قارنها بالخسائر

بس كل ده ولا ليه اي لزمه، اه والله، لأن كل دي ارقام و هتروح لحلها
اللي اهم من كل الارقام اللي فوق دي هي اننا اتعلمنا حاجه جديده

خلاصه الـCampaign

1-الـValue اولاً (و الـValue تغفرلك اي حاجه حتي لو في ناس زعلت منك هتعرف تصالحهم بسهوله و هيرجعوا يتابعوك عشان الـValue)

2-Campaign من غير Value مش هتستفيد منها اللا صوت الفرقعه (عمرك افتكرت صاروخ و انت رايح تنام، لأنه فرقع واللي كان كان )

3-Campaign بعد Value تقيله و كتيره و مبتتقطعش يعني لو قلشت الناس هتعديهالك و ممكن يدافعوا عنك ولو جت جون هتاخد ضعف الـCredit اللي المفروض تاخده من الناس اللي شافوها
و هيبقي اسمك كسرت الملل اللي هيكون موجود في الـRelationship بتاعتك انت و الـFans

( Value، Value،Value بس مش للدرجه دي انا برضه هزهق لو حد فضل بيفدني علي طول، يعني مافيش مانع من شويه هزار او حتي الش محني صحاب، طب بزمتك مش في ناس صحابك بتحبهم بس عشان الشهم )

4- و ده الاهم و النقطه دي للـTeam بتاعي قبل الـFans
الـMarketing ابو الـاختراع

انتوا اخيراً عملتوا الـلي مش عليكوا، اخيراً عملتوا حاجه مش مطلوب تعملوها و أخيراً جربتوا حاجه لأول مره من فتره طويله
انا بصراحه انا مكنتش طايق الـCampaign بس كان لازم نجرب، لأن مفيش حد اتولد بيعرف يخترع طياره، و اللي اخترعها طلعة عينه تجارب و فشل، بصراحه تاني انا كنت مستني الـCampaign تفشل عشان اقولكم انكم اخيراً اتعلمتوا حاجه جديده بس للأسف في رأيي الشخصي المتواضع الـCampaign نجحت (علي الحركرك)

بس ده ميمنعش اننا اتشتمنا اسواء شتيمه ممكن Marketer يتشتمها و اتقال علينا اننا مأفوارين اوي
بس عامةً يشرفني ان يكون هو ده الـTeam بتاعي، شكراً

تحت هتلاقوا Screenshots من ناس بتشتمنا و ناس كتير بتقول علينا مبدعين و مفيش زينا و ناس قليله مش فاهمه ايه اللي بيحصل
و كل ده مع بعضه اكبر دليل ان الـCampaign دي Purple Cow
لو عايز تقرا اكتر عن الـPurple Cow Concept دوس هنا https://bit.ly/Purple-Cow-Meaning

خلى بالكوا الكلام ده مش معناه انك متستخدمش الـNegative feedback بس خلى بالك ان فى Negative feedback ميبقاش فيه اى لازمه غير انه يرجعك لورا … يعنى من الاخر اختار انهى Negative feedback اللى تسمعله و تستفيد منه

وطبعاً اكبر شكر في الدنيا لأحسن Competitor في الكون شرين بدر اللي ساعدتنا جداً في الـCampaign دي
و شكر خاص لأنها موتتني من الضحك لما قالت
“دا نتوا واكلين شربين مسوقين مع بعض”

شكرا يا شرين

By: A.saif

feedback

feedback

feedback

feedback

feedback

feedback

feedback

feedbackfeedbackfeedback

feedback

ديسمبر 20, 2017

7 responses on "رمضان campaign"

  1. ربنا يكرمكم ويوفقكم 🙂

  2. ربنا يوفقكم باشباب ، في الحقيقه كانت فكره لذيذه وزي مابيقولوا بره الصندوق 🙂
    انا امبارح قعدت افكر في الموضوع لدرجة اني افتكرت شخصية ام بطه دي اتعملت مخصوص من البدايه عشان الحركه دي 🙂

    وفي حاجه اضيفها استفادة من الكومبين ده
    انك ممكن تظبط الكومبين وتعلي ظهوره بكمبين قبله اجمد منه☺
    ازاي انك دلوفتي تفاعل الناس عالي عندك
    فبالتالي معدل ظهورك هيزيد عندهم فانت بعدها لو نزلت بالكومبين بتاعك الي هتبيع فيه مثلا او هتقدم خدمتك من خﻻله هيكون معدل ظهورك اعلى وخاصة الناس الي اتفاعلت معاك
    وفي النهاية موضوع الشتيمه متفكرش فيه كتير
    مش عايز اقولك اني في شغلي القدبم واول شهر ليه الساعه 7 الصبح اتشمت من عميل اسوأ شتايم ممكن تتشتم لانسان

    بس لو كنت ركزت في الشتيمه مكنتش كملت 4 سنين في الشغل ده

  3. الشرف لي يا احمد اني اشارك ولو بجزء صغير في ال
    الـCampaign
    الظريفة دي انا نفسي كنت متبعاها عشان عارفة اني هطلع بأكتر من فايدة وبصراحة ناوية استغلها ك
    case study
    واتكلم عنها في مدونتي عشان كدة كنت باخد سكرين شوت من كل حاجة بتحصل على الصفحة وكومنتات الناس
    يالا اشوفكم بقى في
    Campaign
    جديدة
    بالمناسبة في ناس افتكرت ان انا ام بطة 😀

  4. انت شخص مبدع يعم احكد انت واالى معاكم استمر وفقك الله 🙂

  5. مقال أكثر من رائع وإن شاء الله من نجاح لنجاح وبالتوفيق بإذن الله

Leave a Message

top