Social media marketing – part 16

“Social Media”  الجزء الـ16 :  يعنى ايه

الـ Social Media عامله زى المياه و الهوا .. بمجرد ما دخلت عالم ال Social Media كل حاجه بتتغير
على قد ما هى ممتعه .. على قد ما محتاجه منك متابعه كل يوم سواء لكل حاجه بتعملها فى شغلك او متابعه اخر الاخبار
كل يوم فى حاجه جديده بتظهر
بالتالى محتاج تعرف كويس اوى تنظم وقتك …
تكون مجهز Check list بالحاجات اللى بتراجعها كل يوم .. و مواعيد مراجعتك ليها …
هتسيب وقت للشغل .. و وقت لاكتشاف العالم وصل لايه

تحلل كل حاجه بتحصل فى صفحتك على الفيسبوك
و الاهم من ده … تستغل كل حاجه متاحه ليك الاستغلال الامثل .. حتى لو الامكانيات قليله

او بمعنى اخر كل حاجه ليها Best practice بتتعلمه .. و مع الوقت بتبتدى انت بنفسك تطورة على حسب خبرتك

**مثال بسيط هيوصلكم كلامى بشكل اوضح
الصورة دى .. على الشمال الاعلان اللى ظهرلى على الفيسبوك حالا بتاريخ 23-5-2013
الاعلان “بيسال ايه اخبار شم النسيم”
شم النسيم كان من حوالى اسبوعين …. هل فى ادنى فرصه ان الاعلان يشدك !!! ولا بمجرد النظر اليه هتاخد بالك انه اعلان قديم !!

و على الشمال بيوضح البوست الواصل بالاعلان .. ال Post نفسه بتاريخ 6-5-2013

اللى حصل هنا ممكن احتمال من اتنين
1- لما بتيجى تعمل اعلان بتحددله budget معينه
يصرف منها … و يفضل الاعلان شغال لحد ما ال budget اللى حددتها تخلص … فى الاعلان ده ال budget مخلصتش .. و الاعلان فضل شغال لحد دلوقتى !!!!

2- اتك تكون حابب تنشط المسابقه فا ترجع لنفس البوست و تعمله اعلان عشان يظهر للناس تانى

لكن …….
ايه رايكوا لو كانوا حددوا للاعلان budget اقل او تابعوة و بمجرد انتهاء شم النسيم وقفوه حتى لو كان لسه فى budget !! و الباقى يستغلوة فى عمل اعلان مناسب للاحداث

زى انهم مثلا يعملوا اعلان لنصائح ازاى تحمى طفلك من حر الصيف .. بما اننا فى موجه حر لمده 3 ايام !!

يعنى اعلان او Post جديد !!!

ببساطه .. هتوصل لتكلفه اقل .. و فايده اكبر
لمجرد انك تابعت بشكل يومى اعلاناتك على الفيسبوك

By: Fayrouz