Social media marketing – part 4

“يعنى ايه Social Media – الجزء الرابع”

بمناسبه ان النهارده يوم 30-6 وان الموقف فى التحرير بيفكرنا بايام 25 يناير

فى حاجات مهما عدى عليها وقت مش ممكن ننساها .. يوم ما شبكات الاتصالات التلاته قطعوا علينا الاتصالات !! و اعتبرناهم وقفوا ضدنا و كانوا مع النظام !!! او خانونا !! سواء كان بارادتهم او لاء

من اكتر الحاجات المهمه فى ال Social Media و اللى هتستمتعوا بيها اثناء عملكوا الطريقه اللى هتقدروا بيها تحولوا الموقف لصالحكوا تماما … الطريقه اللى هتعرفوا تصالحوا بيها ال Customers لو واخدين من ال Brand موقف !!! حتى لو لسه بيستخدموة !!

-تعالوا احكيلكوا موقف:
حصل قبل كده فى دومينوز بيتزا ان كان فى عاملين فيها اتصوروا فيديو و كانوا بيهزروا مع بعض و كانوا بيعاملوا الاكل بشكل غير لطيف و مقزز … و نزلوا الفيديو على الانترنت و انتشر انتشار غير عادى !!!!!

مجرد فيديو لاتنين موظفين بيهزروا !!! شوفوا الموضوع ده ضر دومينوز بيتزا ازاى !!!

بعديها بايام معدوده طلع ال CEO فى فيديو بسيط كان بيعتذر على الفيديو اللى الناس شافته …. و قال ان الاتنين اللى صوروا الفيديو لا يمثلونا و هيتم محاكمتهم عشان الاساءه اللى سببوها لل Brand …. !!

فيديو الاعتذار انتشر تقريبا زى الفيديو المسىء للأكل

تخيلوا لو كانوا تجاهلوا !! كان منظرهم هيبقى ايه فى عين الناس !!! حتى لو استخدموا المنتج بتاعهم تانى !!

لكن لما نزلوا فيديو اعتذار من اكبر واحد فى الشركه الناس حتى لو منسيتش الفيديو الاولانى فهى احترمتهم و شافت الشركه بشكل مختلف 🙂

بالنسبه بقى لاتصالات و موبينيل و فودافون … لا اتذكر نهائيا اى شركه من الشركات الثلاثه نزلت اعتذار على قطع الاتصالات !!!
او عملوا فيديو بيقولوا فيه انه كان غصب عنهم !!!
حتى اعتذار كتابى لا يكلف شىء !!

افتكر لسه عندهم الفرصه يعملوا ده .. و افتكر الشركه فيهم اللى هتعمل ده هى اكتر واحده هتكسب الناس !!!

تخيلوا بس ان شركه من التلاته طلع ال CEO بتاعها و اعتذر على اللى حصل يوميها و شرح الموقف كان عامل ازاى !!! احنا ازاى هنحترمهم !!!

و ده يخلينا نسال هما تعاملوا مع “الوضع الحالى” ازاى ؟؟!!! و ان فى مظاهرات فى كل انحاء مصر تقريبا !!! 😀

مقارنه سريعه:
Vodafone Egypt :من يوم 26 اللى فات بطلت تنزل اى حاجه على الصفحه بتاعتها !! و مجابتش سيره 😀

Etisalat Misr (community) … مجابتش ولا سيره لاى حاجه بتحصل فى مصر دلوقتى 😀

Mobinil … زيها زى اتصالات !!! 😀

ايه رأيكوا فى موقف الشركات التلاته ؟؟؟ 😀 😀
و ياترى ممكن يعملوا ايه فى موقف زى النهارده ؟؟

By: Fayrouz Mahmoud