ازاى تبقى Super Junior ؟!

؟ Super Junior ازاى تبقى

قبل ما أبدأ فى الـ Article .. غالباً أنت أخدت بالك من كلمة “For Beginners” على الديزاين ، الحقيقة أن ده بداية  تنفيذ لقرار أخدناه فى الـ Content Team لـ School of Marketing مضمونه أن كل Piece Of Content هتنزل على الـ Blog هيتم تصنيفها لـ For Intermediate أو For Beginners حسب هى تهِم مين بالظبط و احنا عاملين Targeting فيها لمين .

القرار ده جه بعد ما لقينا أن فى كذا Bad Comment على الـ Blog Posts  بتاعتنا اللى نزلت فى الـ Quarter اللى فات رغم أن على الجانب التانى الأغلبية بتبقى Positive Comments ! الموضوع ببساطة أن الـ Post مبيبقاش Targeted لواحد من الـ Buyer personas اللى عندنا و ده بيضايقه لكن مناسب لـ Buyer persona تانية ! .. بناءً عليه أخدنا القرار ده عشان تقدر تعرف هل الـ Post ده مناسب ليك و لا لأ قبل ما تضيع من وقتك فى قرايته !

ندخل فى موضوعنا..

“أنا بدأت من فترة أذاكر Marketing ( أو فى قول أخر Social media ) و بقيت جاهز لكن مش لاقى لحد دلوقتى شغل اعمل ايه ؟! ”
الجملة ديه تقريباً من أكتر الأسئلة اللى بتجيلنا فى الـ messages على School of Marketing ، واللى بنتسألها كمان بشكل شخصى .. وهى باختصار مشكلة أن البداية تبقى ازاى!!

ايه السبب فى ده ؟!

المشكلة ديه الحقيقة ترجع لتلت أسباب رئيسية :

*أولاً أن الـ CEO أو المسئول عن التوظيف فى أى Business ” خصوصاً لو كان صغير ” بيتعامل مع الـ Online Marketing أو الـ Social media على إنها كمالة عدد أو مجرد منظر للشركة و بالتالى تتحول الوظيفة لـ Tool للمجاملة للحبايب و القرايب و أى حد مش لاقى شغل “وظيفة مرتاحة بمبلغ مش بطال :3 “، و بالتالى دول بيستهلكوا نسبة كبيرة من سوق العمل فى مصر.

*المشكلة التانية هى أن لحد دلوقتى مفيش شهادة معتمدة تفتحلك كل أبواب الجنة “قصدى أبواب الشغل” ، خصوصاً لو ديه الخطوة الأولى ليك “يعنى معندكش إنجازات سابقة فى Brand معين” ..  فى الحالة ديه دخول الـ Market بيبقى أصعب بكتير ! ليه؟! لأن مهما أخدت من Courses سواء كانت Online أو Offline .. فى الأخر كلها بتنهى إلى أنك بيبقى عندك Knowledge بس و للأسف مش ديه أهم حاجة فى أى Science بتتعلمه مهما كان !

* ثالثاً فى كتير من الأفراد اللى قرروا يشتغلوا فى الـ marketing معندهومش أى Qualifications لده ، بمعنى تانى هما أول ما بيفتحوا عينيهم بيدورا يشتغلوا ازاى قبل ما بيفكروا أصلاً هيتعلموا ازاى !

عايز توصل لإيه ؟!

هنا أنا مش هحاول أقولك Action steps واضحة و صريحة تمشى عليها ، لأن الـ Actions steps ديه هتختلف من بنى أدم لأخر ,, ومن علم لعلم ، وكمان لأننا مؤمنين أن Action steps ” ماشية بالمللى” هى فى الاخر مش بتطلع بنى أدم .. هى بتطلع مكنة فى شكل بنى أدم !

خلينا مبدئياًَ نتفق أن فى عدد كبير – على الأقل من المصريين – بيحاول دلوقتى يشتغل فى الـ Marketing عموماً و فى الـ online Marketing خصوصاً “ده طبيعى بالمناسبة مع أى علم جديد بيظهر” ، وبالتالى المتوقع أن الـ Competition على أى Job Vacancy هتبقى عالية جداً.

ايه الحل ؟!

الحل هنا أكيد إنك تتميز عن كل اللى حواليك فى حاجة .. تبقى عندك فى مقام “الـ Purple Cow” ، عشان لما تقدِّم على شغل فى أى مكان ، أو تدخل Interview متبقاش محتاج أصلاً تستنى عشان تعرف ردهم ,, لأ ده هما اللى هيبقوا مستنيين يعرفوا هتقبل الشغلانة ولا  لأ ! علشان توصل للمستوى ده أكيد مش سهل تماماً بدليل أنه عدد نادر من البشر هما اللى بيقدروا يوصلوله .. من الأخر مطلوب من سعتك تكون Junior بدرجة Super ! 😀

ازاى أبقى Super رغم إنى لسه Junior ؟! 

عشان توصل للدرجة ديه لازم تعرف أى Science فى الدنيا مراحل تعلمه بتتقسم لـ 3 مراحل:

*المرحلة الأولى: Get The Knowledge :

و المفاجأة أن ديه أسهل مرحلة “رغم كل اللى فيها من مجهود” لأن ببساطة لو فى 10 اشخاص هيبدأوا يتعلموا “و ليكن علم الفضاء مثلاً” فالـ 10 بلا استثناء هيروحوا يدوروا على Resources يتعلموا منها هو ايه علم الفضاء ده و يقرأوا للـ thought Leaders فى العلم ده ، و يحضروا تدريبات ليل و نهار و يسهروا و يذاكروا و يعملوا Tasks لكن فى النهاية لو الـ 10 هيبقوا مخلصين أول مرحلة فى نفس المستوى تقريباً .. “اللهم إلا شوية اختلافات فردية بسيطة مش هتفرق حد عن حد بشكل كبير ! ” 

*المرحلة التانية : Noticing  

أهم و أصعب مرحلة .. و هى إنك تبدأ تستغل الـ Science اللى أنت اتعلمته ده فى إنك تلاحظ كل حاجة حواليك ، تراقب فعلاً كل حد حواليك بيعمل ايه ! فلو أنت شايف X من البشر هو Thought Leader فى مجاله ، و بيبدع فى اللى هو بيعمله و معلِم فيه جداً .. أنت مش بس وظيفتك هى إنك تقرا اللى هو بيكتبه و تسمع اللى هو بيقوله و تنفذ نصايحه بالمللى و خلاص على كده !!
لو عملت كده فأنت أخرك فى الحياة هيكون إنك تبقى “زيه” ، بس أنت لو اكتفيت إنك تكون زيه بدون أى إضافات فأنت أخرك هتبقى المركز الأول مكرر “ده بفرض أن هو كان الأول يعنى” ، و الحقيقة أن الأول مكرر مش هيُذكر و مش هيسيب بصمة فى العالم .. إذن هو ملهوش لزمة !

– معلومة جانبية :  “موسوعة جينيس بتضم أول رقم قياسى فى أى حاجة لكن تانى واحد على طول مبيبقاش مهم بالنسبالها!”

عشان كده قلت فى الأول إنها أصعب مرحلة ، لأنك لو قدرت فعلاً متكتفيش بكل اللى فوق و بدأت تلاحظ كل حد أنت شايفه Ideal Criteria بيعمل ايه ، و بيعمله ازاى ، و بيعمله امتى ، و بيعمله ليه ، و بيعمله فين !!  فأنت أكيد هتوصل لحاجات هو/هى نفسهم مقدروش يوصلوا ليها ، أو بمعنى تانى “منورتش عندهم”

واحد من أشهر كتابات Seth Godin  واللى حققت انتشار واسع جداً كان مبنى على موقف حصله ،  الموقف كالتالى ..
Seth Godin  رايح Business Meeting كالمعتاد فى شركة ما ، المهم أن و هو داخل يركن عربيته فى الـ Parking قابله شحات و خبطله ع ازاى العربية و قاله “تاخد أربعة ( 25 cent ) و تجيب دولار ؟! ” فـ Seth Godin فكر شوية فى أنه فعلاً محتاج يبقى معاه فكة دولار عشان يدفع حق الـ Parking و بعدين وافق. و بعد ما أخد الأربع تربع ، الشحات قاله ممكن تدينى 25 cent ؟! فـ Seth  وافق مباشرة .. رغم أنه بيقول إنى أصلا مبيقبلش المتسولين ؟! 😀

 الموقف ده ألهم Seth Godin عشان يكتب الـ article و بعدين يألف أكتر من كتاب عن فكرة الـ permission Marketing & Adding Value ، و اللى قدر الشحات يطبقها بالفطرة لما شاف Seth داخل الـ parking وفهم أنه أكيد هيحتاج فكة  ، فاستخدم الـ Value ديه عشان يكسب ثقة  Seth قبل ما يطلب حاجته الأصلية ، و هى الربع دولار !

الطبيعى هنا لو أنت فى أول مرحلة أنك تقرأ الكتاب  وتفهم كويس جداً يعنى ايه Promise Marketing ، و ازاى تقدر تضيف Value .. أما لو أنت فى المرحلة التانية فالمفروض إن تفكيرك هيبقى أوسع من كده بكتييير لأنك هتبدأ تفكر ازاى أصلا Seth Godin فكر كده ، و ازاى موقف صغير زى ده اداله اهتمام من وقته رغم أنه ممكن يبقى داخل على meeting بملايين وده مجرد متسول قابله فى الشارع ..

الخلاصة: الفكرة ليها تمن 😉

المرحلة التالتة: Practising 

بعد ما وصلت لدرجة كافية من الـ Knowledge و قدرت تعمل Noticing ” وده بالمناسبة محدش هيعملهولك” .. هتبقى وصلت لمستوى يأهلك إنك تجرب بإيدك !
“ايه ده ثوانى و ايه الفرق ؟ طب ما أنا ممكن أجرب بإيدى من الأول خالص ؟! ”
اه فعلاً أنت ممكن تجرب بإيدك فى الأول خالص بس لو اكتفيت بالـ Knowledge من غير أى حاجة تانية هتبقى مجرد ترس فى ألة ، يعنى أنت زيك زى غيرك بتروح الشغل الصبح تمضى و تعمل شوية الشغل اللى عليك و ترّوح عادى ، و فى حالة إنك غبت لأى سبب تانى يوم هيعملوا Hiring لأى حد مكانك و انتهينا طالما شغلك يعرف يعمله أى حد !

لكن لو وصلت للمرحلة اللى احنا بنتكلم عليها فعمرك ما هتكون زيك زى غيرك لأن فى حتة معينة فى الهيكل بتاع الـ Business أنت بس اللى بتقدر تعملها – بمعنى أخر تكون Linchpin – ، و كمان أنت No.1 فيها ” مش أول مكرر 😉 ” .. فى اللحظة ديه الشركات فعلاً هي اللى هتتمنى انك تشتغل عندها مش العكس ، و ساعتها برضه هتقدر تطلب الـ Salary اللى أنت عايزه! عشان توصل لموقف زى ده لا محتاج مليون سنة خبرة و لا محتاجة واحد فى سن جدو ، بس محتاج إن يبقى عندك Passion واضح ليك متتنازلش عنه ..

خد بالك أن النفس البشرية عشان بطبيعتها بتحب الإستقرار و الأنتخة هتجرب تحوِّل الـ Practising اللى بتعمله لمجرد Routine ، و ساعتها يبقى أنت خسرت مع الوقت .. عشان ده ميحصلش لازم المرحلتين الأولنيين يفضلوا ماشيين parallel مع الـ Practising 

ازاى اختار إذا كانت الـ Job Vacancy مناسبة و لا لأ ؟! 

فى كذا قاعدة مختلفة للموضوع ده ، بس أكتر قاعدة مقتنع بيها بتقول أن فى اختيارك للشغل فى 3 عوامل رئيسية لازم يتوافر منهم 2 على الأقل عشان تقدر تدى الشغل ده حقه و تنجح فيه ..

1- إنك بتتعلم حاجة جديدة .. كل يوم أنت بترّوح من الشغل و أنت مستفيد حاجة جديدة ، أخدت Knowledge زيادة ، كسبت Skill مكنتش عندك قبل كده ..

2- الراحة النفسية فى المكان .. و ديه أكيد مش محتاج أتكلم فيها

3- الـ Salary بتاعك كام .. وهل هو مناسب لإحتياجاتك و هتقدر تمشى نفسك بيه و لأ !

خد بالك أن بعد فترة هتلاقى أن هما متداخلين ، وكل واحد منهم ممكن يأثر على التانى سواء سلباً أو إيجاباً

نصيحة أخيرة :

*معظم اللى بيبدأ يشم نفسه فى أول مرحلة “بالذات” بيبص مباشرة لأنه يشتغل و بيبقى عنده نشوة غريبة بكمية الـ Knowledge اللى كانت عنده .. مش بقول كده كـ EGO لكن لأنى شخصياً مريت بنفس المرحلة ديه من أقل من سنة ، لحد ما قدرت أدخل SOM Intern-ship و بعدين اشتغل فيها! .. و ساعتها فهمت إن أنا مكنتش فعلاً عندى كل حاجة قبل ما أدخل المكان ده و بقيت بستغرب ازاى هو أنا كنت ازاى بفكر إنى أدخل شغل مباشرة !
جايز فعلاًَ نقطة إنك توصل لشغل بـ Salary تتأخر للظروف اللى قولناها فوق بس ده مش معناه إنك تقف و تستناه .. الوقت اللى هتستناه ده هيتخصم منك بالسالب مش من أى حد تانى ، و هياخرك كتير عن أى حد تانى جنبك !

*عارف أن الكلام اللى بقوله ده ممكن يكون غير واقعى لناس بس أنا حقيقى لازم أقوله .. إذا كنت لسه فى بداية المشوار فدور على المكان اللى تبدأ فيه صح ، مش لازم يكون هو شغال صح 100% لكن على الأقل اتأكد أن هيبقى فى قابلية لأنك تغير فيه .. لو بدأت فى مكان غلط فغصب عنك هتغرق فى الـ System بتاعه لحد ما تبقى واحد منه ، و ساعتها هتبذل مجهود جبار عشان تشيل الـ Virus اللى اتزرع جواك و ترجع Pure تانى !

* “لو تقدر تستحمل” فأكيد الأفضل إنك تبدأ بـ Interns-hip حقيقية فى مكان محترم ، التجربة ديه هتفرق معاك كتير بعد كده و هتساعدك فى إنك تظهر الـ Skills اللى عندك و تطلع الـ Purple Cow بتاعتك 😉

قولنا ايه أكتر مشكلة دلوقتى بتقابلك و أنت بتدور على شغل فى مجال الـ Marketing ؟

Shehab Gomma

أبريل 28, 2015

18 responses on "ازاى تبقى Super Junior ؟!"

  1. بما انت قولت لازم ابدا فى المكان الصح انا شايف اكتر مكان هستفاد منوا فعلا هو انتوا
    school of marketing
    هتعلم كتير منكوا وهقدر اوصل للمرحلة التانية انى الحظ لما اتاسس صح ياريت ابقى معاكوا وشكرا

  2. أنا أحب أشكر جداً school of e-marketing
    على الإفادة الكبيرة جداً اللي بستفيدها دايماً من المقالات اللي بتكتبها
    وكل مرة فيها بتضيف value لي في التعلم
    شكراً كتير ليكم

  3. ياشباب هاعرفكم على فكره بسيطه جدا وسهله بس محتاجه شويه مجهود بدنى فى الأول :]
    ايوه مجهود بدنى .. بس ياسيدى شباب كتر عايزه تشتغل فى تسويق الأعلانات على الأنترنت واكيد فى اكتر من واحد عنده بيدج مصممها وعايز عملاء يسوقوا منتجاتهم عليها
    ومعظمهم بيتبع الأسلوب التقليدى عشان يحاول يجيب زباين بالبلدى كده :] وغالبا بيفشل ! عارفين ليه؟ لأنه مزى صاحب المقاله قال معندوش فكره مختلفه عشان يكبر شغله والنجاح دائما بيبقى بسبب فكره بسيطه
    بمنتهى البساطه انا عاجبنى موضوع التسويق على الأنترنت ودرست شويه حاجات فيه ومش هاقولك درست كل حاجه فيه وبقيت اعرف التايهه فى التوسيق :]
    لكن درست الموضوع وصبرت عليه وفهمته شويه وحاولت كل ملاقى طرف او خيط يشرحلى فكره جديده لغايه تقريبا مفهمت معظم الحاجات المهمه الخاصه بالتسويق للسوشيال ميديا .
    وبعد مجمعت المعلومات دى كلها عرفين ايه اللى حصل .. نفضت للموضوع نهائيا :] ايوه كبرت دماغى منه واكتفيت انى فهمته وانا كشخص لما بحب اعرف حاجه بعرفها حتى لو قعدت شهور اتعلمها..وبعد فتره كبيره بعد معملت موقع وبيدج واهملتهم .. قولت طيب انا ليه مش مهتم بالموضوع .. ليه ما احاولش اجرب واشوف نفسى هاكسب منه ولا لأ..مع العلم انى مكنش عندى مثلا مكتب او شركه .. وحاولت اعمل دعاية لنفسى وصرفت مبالغ محترمه على الموضوع ده :] وطبعا فشلت :] مطبيعى لازم افشل يعنى واحد معندوش مكتب يستقبل العملاء فيه بالبلدى كده هايثقوا فيك ازاى؟ غير اللى يعرفك وبس :] قفلت فتره من الموضوع فتره كبيره وابتديت انساه :]وفى يوم من الأيام لقيت زميل فتح عياده عيون وكلمته وباركتله وقولتله طيب متعملك كام اعلان تنشط به البيدج عندك وتحاول تعرف الناس بيك :] وبعديها بيومين كلمنى وقالى انا عايز اقابلك وتشوفلى موضوع الأعلان ده .. بصراحة فرحت وقولتله عينيا يازومل :] واتقابلنا

    اتفقنا على مبلغ معين نبتدى به الأعلان وانا كنت متعلم ازاى اصمم بانرات حلوه كده .. وابتديت الشغل معاه وفى اول مره محصلش مكاسب تذكر لمنتاجته بمعنى ان الأعلان محققش مكاسب تقريبا
    طبعا انا قفلنت من الموضوع ده وحسيت انى ضيعت فلوسه على الفاضى .. طيب وبعدين اعلم ايه ؟

    كلمته وقولتله انا هاعملك اعلان وملكش دعوه بالفلوس خالص .. ايوه عملته اعلان ببلاش
    واتفقت معاه ان الأعلان اللى فات عشان مكسبتش منه هاعملك اعلان جديد وملكش دعوه خالص بالفلوس .. وللعلم كان الأعلان الأول هو بيتدخل فى شكل ونوع التيكست الموضوع بالأعلان وشكل بانر الأعلان..وحاجات ملوش دعوه بيها..ومش هاتحجج واقول ان ده سبب فشل الاعلان..المهم عملتله اعلان لمده معينه زى فتره الأعلان اللى فات وظبط شويه حاجات فى الأودينس اللى حسيت ان ده الصح اللى المفروض كنت اعمله فى الأول..وكنت براقب الأعلان من وقت للتانى..المهم بعد ما الأعلان خلص لقيته بيكلمنى وبيشركنى وعايز يعمل اعلانات تانى :] وطبعا انا كنت سعيد بالموضوع ده .. وقولتله هاعملك اعلان تانى بس قولى استفدت ارباح بكام فى الميه .. قالى مبلغ الأعلان سوقت منتجات بأكتر ب6 اضعاف تمن الأعلان..قولتله كويس والله
    وقابلته طبعا وحكيت معاه مين العملاء اللى اتواصلوا معاه عن طريق التليفون ومين العملاء اللى راحلوله مكتبه وهكذا..المهم

    بعد فتره طبعا انا كنت مركز مع صاحبى فى موضوع اعلاناته..ومكنتش بكسب منه مكاسب تذكر يعنى .. طيب انا عايز ازود الدخل .. اعمل ايه بقى ؟

    فتحت مكتب صغير .. بتجهيزات بسيطه .. وفكرت فى فكره من الممكن تقولوا عليها مجنوه او تقليديه او بسيطه ..بس الحمد لله نجحت بشكل معقول بالنسبه لى..والفكره هى الأتى طبعا الشركات الكبيره والبراندات العالميه لو حاولت اتواصل معاهم واسوق لهم اكيد اكيد هما عندهم ناس بيسوقوا لهم .
    وخطر فى بالى الفكره الأتيه ..ليه ملفش على المكاتب والشركات بكافه اختلافاتها سواء كانت سياحيه او صناعيه او حتى مطاعم واحاول افهم معنى التسويق وهو قد ايه مفيد لتزويد الدخل..المهم صممت كام كتيب صغير لشرح انواع الأعلانات فيه..وكنت بقدمه لصاحب المكان اللى بشرحله الموضوع ..والحمد لله حققت نسبه نجاح مش شايفه كبيره حوالى 30 ل 40 % وجبت عملاء عشان اعملهم اعلانات
    والفكره مهما كنت شايفها تافهه او صغيره جرب انك تعملها عشان على الأقل تبقى جربت وعرفت اذا كنت فشلت فيها ولا لأ
    من الأخر الفكره لا تموت
    اتمنى انى مكنش طولت عليكم

  4. اللى شغالين صح قلائل جدا فى مصر والباقى شغال غلط ولو رحت اقولهم
    add value or change culture
    هيكلموك عن ال ROI
    ولو قلت له
    ROI
    بتاع امك يبقى مش هشتغل خالص 😀
    نفسى اعرف بقى فين هو المكان الصح اللى ممكن اطبق فيه اللى اتعلمته او حتى اتعلم معاه كل يوم حاجة جديدة؟

  5. كل الشركات عايزة.حد يمسك كل حاجه، و محدش في الشركه بيعلمك اصلا و سايبينك تايه،،انت اصلا بتروح عندك معلومات بتحاول. تطبقها و تلاقي الامكانيات غير متاحه،، المفروض انك تساعد نفسك و تتعلم،، بس انا محتاجه كمان حد يعلمني،، فين الشركات الكبيره الي عندها فريق يعلم الجداد و يضمهم ليه

  6. انا اصلا شغال في السيلز او زي ما بيقولولى بيزنس ديفولوبر بس الواقع اني سيلز الصعوبة اني عايز ادخل مجال الماركتينج بس الموضوع صعب وفي ناس كتير بتقول اني لازم امر بخطوة السيلز دي فالأول ومن الاخر الماركتينج كل اللى مطلوب فيها مديرين اعمل ايه وادور فين ؟

  7. عاوز اعرف اماكنInterns-ship محترمه 😀
    بس مقال رائع جدااا

  8. مقال رائع الحقيقة احييك 😀

    انا دلوقتي مجال دراستي بعيدة عن الماركتنج مش بس كده انا في اخر سنة في كلية عملية و بعد كده هخش في عجلة الحياة
    بحب المارتنج جدااا و عشان اشتغل في شركة او اتدرب في مكان محترم محتاج ساعات عمل تساوي الشغل بتاعي بعد كده ان شاء الله
    الـ career shift ده يحصل ازاي ؟

  9. هو أنا كنت كاتب Comment هنا راح فين ؟

  10. الله ينور عليك يا احمد انا تقريبا الفكرة دى بتراودنى دايما حلوة بتراودنى دى 😀 فكرة انك تفتح شركه صغيرة متخصه فى التسويق والعلانات للشركات سواء صغيرة ا و كبيرة

اترك رداً على Osama Salah إلغاء الرد