!! و متزعلش Like أقولك يعنى ايه

بص يا سيدي الـlike (أقصد عدد الـLikes) هي أكبر كدبة كدبها الـMarketers علي نفسهم وصدقوها يعني الموضوع مش أكتر من وهم (تقدر تقول لي لازمتها إيه page فيها 2 مليون بس صحراء ) يعني إللي عايز أواجهك بيه إنك ضيعت تعبك وتركيزك وفلوسك علي وهم كبييير وعشان كده قلتلك إني هقولك يعني إيه like بس متزعلش (علي إللي فات يعني 😉 )

ملحوظة : الـArticle دي مش هزار ويمكن تكون أتقل Article كتبتها لحد دلوقتي (كملها للأخر).

القصة دي مع واحده صديقتي (Marketing Manager)

مره كانت قاعده مع client (عكس بتاع الـROI تماماً) ده بقي كان كل همه إنه يوصل الـPage بتاعته لعدد ضخم، مش مهم أي حاجة تانية (لإن الـCompetitor بتاعه عنده نفس الرقم الضخم ده، وكنت كل ما أحاول أقنعة إن الموضوع أكبر من مجرد رقم، يقولي ” إنت لما بتدخلي علي Page فيها 200 fan بتحسي إنها مهجورة أما لو دخلتي علي نفس الـPage بظبط وعندها 200,000 هتحسي إن الناس دي فعلاً كبيرة وبتشتغل شغل كويس “

هي: أنا بجد مش عارفه أقوله إيه

وكان ردي عليها كالتالي:

الأنطباعات الأولي لا تدوم

و هي دي الحقيقة المره، إنت كلامك صح إللي هيدخل علي page فيها 200,000 واحد هيحس إن الـpage دي كبيرة والـbusiness ده قوي (لوهلة) بس أول حاجة هيعملها إيه ؟…….. بظبط هينزل يبص علي الـpage نفسها،

سلملي بقي علي الإنطباعات الأوله و إنت عندك 200,000 fan و3 منهم بس هم إللي بيعبروك (طبعاً ده إللي كان نفسى اقوله بس طلع بطريقة اشيك شويه 🙂 )

طيب قولي هتحس بأيه لو دخلت علي page فيها 1000 fan بس، ونزلت تتفرج علي الـpage ولقيت فيها Interactions أكتر من الـpage إللي فيها 200,000 ؟؟؟

أقولك إنت هتحس بـ أيه ؟

مش هتحس إنهم كبار ومعروفين بس الإحتمال الأكبر إنك إنت نفسك هتكون عايز تـEngage معاهم (أكيد مدام عندهم 1000 Fan في 500 واحد منهم بيـEngage يبقي عندهم Content محترم )، ساعتها هتتولد Relationship بينك وبينهم ولو قدروا إنهم يعملوا الحاجة إللي تخليك تـEngage معاهم كذا مره هتلاقي بعد فتره إنهم أول حد بتدخل عنده لما تكون علي الـFB

بعد كده

من كتر الـ Engagement إللي إنت بتعمله معاهم، ناس كتير من صحابك إبتدوا يشوفوا ده (في الأغلب هيكون في من صحابك أكتر من 20 % مهتمين بالموضوع ده ) وهيلاحظوا إن الـPage دي إبتدت تظهر قدامهم بس وإنت موصي عليها، وأكيد ده هيكون أحسن من إنها تظهر وخلاص، ده هيخليهم يندمجوا مع الـpage أكتر ويعملوا نفس إللي حصل معاك (Engagement مرة في التانية لحد ما تلاقي نفسك حبيتهم من غير ما تاخد بالك)

تعالى نرجع بقي للمقارنة بعد شهر من السيناريو إللي فوق ده

الـpage إللي فيها 200,000 لسه زي ما هي خاويةً علي عروشها (إلا لو بتعمل Ads وساعتها رقم الـLikes بس هو إللي هيفرق)

الـpage إللي فيها 1000 True Fan بقي فيها 2000، و بدل ما الـpost كان بيجي عليه 20/30 share و100/150 like بقي يجي الضعف، وده معناه إن إحتماليه إن الـ2000 يبقوا 4000 في وقت أقل من شهر وارد جداً.

إنت بقي كـMarketing Manager تختار تكون صاحب الـPage الأولى ولا التانية؟
(لو قولت الأوله يبقي مكانك مش هنا)

Like vs Engagement

like: يعني حد شافك وقال عليك كويس (بس)
Engagement: يعني حد بعد ما شافك وقال عليك كويس إبتدي يكلمك كل يوم يتطمن عليك ومن فترة للتانية بيزورك،
وبناءً عليه هيعرفك أكتر وده هيخليه يتكلم عنك أكتر (Word Of Mouth).

إنت في الأغلب Marketing Manager، و فوقك يا إما CEO يا إما Managing Director،
والمضحك في الموضوع إنهم في الأغلب رابطين شغلك بالـ Sales، والمطلوب منك إنك تقنعهم إنك هتطبق الفكر ده
(إن يبقي أهم حاجة عندك انك تصاحب الناس المهتمه بالحاجة بتاعتك اياً كان عددهم واياً كان حجم الـSales إللي جايه عن طريقهم).

قبل ما تروح تقول للـCEO بتاعك الفكر الجديد إللي هتمشي بيه لازم تحط نفسك مكانه،

تخيل إنك إنت الـCEO وواحد تحتك جاي يقولك

1-انا هعمل حاجة جديدة

2-مش عارف هتنجح ولا لأ

3-لو نجحت الفضل هيرجعلي وأنا إللي هترقي

4-لو فشلت إنت إللي هتشيل الليلة

قوللي إحساسك؟

اكيد هتقوله كلام مش لطيف خالص،

إرجع بقي لأنك Marketing Manager وإتصرف بناءً علي السيناريو إللي فوق ده،

إنت محتاج تفكر بدماغه والحاجة الوحيدة إللي هتدخل دماغه هي،

(أنا هطبق فكر جديد في الـMarketing لمدة سنة علي مسؤليتي الكاملة حتي لو ممكن أخسر شغلي، ولو نجح، الشركه هتبقي حققت “X” إللي كلنا بنشتغل عشانه )

إنت ممكن تحس إن الجملة إللي فاتت عادية جداً وممكن تقول عليها هبلة كمان بس والله إن تأثيرها سحري.

1- إنت لو نجحت، هو والشركة كلها هتكون عارفه إنك إنت السبب.

2- لو فشلت يبقي الموضوع جه من عند ربنا، سيب الشركه دي وروح لشركة تقدّر إنك عايز تخترع،
والموضوع مش هيكون صعب إنك تعمل كده.

اخر نقطه (لو إقتنعت بالكلام ده )

إيه هي الـKPIs بتاعت الـSocial Media؟

هقولك دلوقتي إيه الـMetrics إللي المفروض تاخد بالك منها عشان تعرف إنت ماشي صح ولا لأ،
و طبعاً الكلام ده علي الـSocial Media وبالتحديد الـFacebook، لو محتاج نفس الموضوع في Channels تانية قولي.

1-Engaged People

ودي metric بتحددلك كام Unique Fan عملوا معاك Engagement
وبتكون موجودة في الـOverview tab في الـPage Insights

الـMetric دي بتختلف من Industry للتانية بس حط قدامك Average متقلّش عنه 20 %

like on social media

2-Engagement Per Person

و الـMetric دي بتحددلك الـUnique Fans الواحد بيـEngage معاك كام مرة في الأسبوع،
و طبعاً دي مش بتكون جاهزة و مطلوب منك إنك تحسبها (سهلة جداً).
الـMetric دي بتختلف من Industry للتانية بس حط قدامك Average متقلش عنه +7/Person

content Eng rate Equation

Content Engagement Rate

3-Content Engagement Rate

الـMetric دي هتعرفك قوة الـContent بتاعك وإذا كان فيه مشكلة،

وعشان تحسبه، محتاج تستخدم الـEquation اللي تحت دي، و تتفرج علي الـ Video إللي بيشرح تستخدم الـEquation إزاي.

برضه الـMetric دي بتختلف من Industry للتانية بس حط قدامك Average متقلش عنه 35%

content Eng rate Equation

برضه الـMetric دي بتختلف من Industry للتانية بس حط قدامك Average متقلش عنه 35%

الخلاصة:

إنت دلوقتي فهمت الموضوع Conceptually المفروض تكون باصصله إزاي، وبعد كده عرفت إزاي تقدر تقنع بيه الـ CEO أو MD بتاعك، وإتعلمت إزاي تقيس نجاح الطريقة الجديدة إللي هطبقها في شغلك علي الـSocial Media،

مطلوب منك دلوقتي إنك تاخد قرار إنك هتبص للـSocial Media بصّه جديدة أو لو كنت باصص أصلاً يبقي هتبتدي تنفذ علي مسؤليتك،

لو إنت Marketing Manager في تلت حاجات مهمه تحت

1)الكتاب ده تاني كتاب لـSchool of Marketing معمولك مخصوص ، هو عن الـInbound Marketing Strategic Planning

إزاي تخطط للـInbound Marketing بتاعك صح من أول الـSocial Media لحد الـInbound Ads.

2)إحنا عاملين group للـMarketing Managers بس هتلاقوا فيه Content بينزل مخصوص عشانكوا، وهيترد علي كل أسألتكم فيه،

ولو انت مش Marketing Manager الـ group دا معمول عشانك مخصوص

P.S. الـGroup ده ميقدرش يدخله إلا الـMarketing Managers , Marketing Directors ,CMOs

3) لو إنت مهتم بالـSocial Media ROI الـ Article دي هتفيدك جداً.

by: A.saif