الـ SEO مطلّعش Search Engine Optimization !

الـ SEO مطلّعش Search Engine Optimization !

_  مبدئياً خد بالك الـ title ده مش محطوط عشان يشدك او يكبر الموضوع انا فعلاً مش جاي اقولكم انهاردة كلام technical عن الـ SEO او اقول انه يعني Search Engine Optimization  و انه مقسوم لـ On-site و Off-site ، الـ SEO بقا من اكتر الاجزاء الغامضة  بالنسبالنا في الـ Online Marketing و من اكتر الاجزاء الي  بنيأس منها بسرعة و مبنعرفش نستوعبها ( او مبنحاولوش فيها اصلاً ) ده  الحقيقة ليه اسباب كتير، بس من وجهة نظري ان السبب الأساسي هو ان معظم الناس  لما بتعرف عنه مبتعرفش غير معناه الحرفي !

فالسؤال البديهي الي مفروض يتسئل دلوقتي، ايه هو الـ SEO اصلاً؟

لو فاكر انك عارفه ايه هو؟  فانا و اثق انك مسمعتش الصح “كله” عن الجزء ده

” حتي مننا احنا قبل كده “

ده الي احنا دايماً بنسمعه  :

دايماً كل الي بنعرفه عن الي SEO ينحصر في قصة بتبدأ بان في حاجة اسمها Search engines زي Google و Bing و ان  كلنا بنروح ندور فيهم علي اي حاجة محتاجينها ، و لما بندور بيظهرلنا ألاف و يمكن ملايين من النتايج بس احنا مبنحطش في بالنا و مبنفتحش غير اول كام Link يظهرولنا 

What is SEO

 

و الـ SEO بقا هو  تظبيطات بتتعمل  للـ websites بطرق معينة عشان تظهر في اول result page في  الـ  search engines زي الي في الـ screenshoot كده، و طبعاً ده نتيجته ان  الـ Website بتاعك هيظهر ” ببلاش “  و بشكل مستمر!! قدام الاف و يمكن ملايين من البشر الي بيدوروا في  Google  او اي Search Engine  تاني و ده الي بنسميه Organic traffic، و تقريباً دي اكتر حاجة ممكن تكسبك فلوس في الـ online marketing …. ازاي ؟

اولاً : تخيل لو بتبيع حاجة او بتقدم  خدمة معينة  فانت ضمنت انها هتتحط قدام الناس الي بيدوروا عليها 24 ساعة كل يوم ” ببلاش ” زي ما قلت

P.s : الشركات بتعمل اعلانات ع التلفزيون و ع الـ billboards عشان نفس السبب بس  بتدفع ” ملايين ”

ثانياً :  انت لو مجرد بتكتب بس علي الـ blog  و مش بتقدم product معين،  فانت تقدر تستغل ده في انك تفتح مكان للإعلانات عندك عالـ website مثلا او تستخدم  ads-tool زي Google adsense

Tip : ا google adsense هو platform عاملاه Google بتقدر من خلاله تحط اعلانات ع الـ website بتاعك  و بتاخد فلوس علي كل click تيجي ع الاعلانات دي.      

الكلام ده هو باختصار الـ worldview  الي احنا في الوطن العربي  شايفين بيها الـ SEO  دلوقتي  و هي بصراحة   تطبيق عملي  للـ  Marketing 0.1 و Marketing 0.2  مش اكتر،  تقدر تعرف عنهم  من هنا

حقيقة الـ SEO  :

مبدئياً وقبل اي حاجة، احنا ميهمناش اصلاً تعريف الـ SEO الحرفي الي فوق ده  .. احنا دلوقت هنتكلم عن ايه هو  و دوره الحقيقي في الـ Online marketing ، الـ SEO ببساطة زيه زي  الـ Social Media   و الـ Email Marketing  يعني  Marketing channel ، اما بقا  ليه وازاي  بنستخدمه بيتحددوا علي اساس الطريقة الي انت بتعمل بيها الـ marketing ، فمثلا لما كنا مش عارفين نشوفه الا من جهة نظر الـ marketing .0.1 و Marketing 0.2   لاحظنا انه محصور  في جزئين بس

  1. انه  Sales channel
  2. او ads channel

لكن كل ده هيختلف تماماً دلوقت  لما نيجي نبصله من Worldview  الـ Modern marketing عموماً  و الــ Inbound marketing خصوصاً ، الـ SEO هنا Marketing channel كاملة تقدر  تستخدمه عشان تحقق objectives اكتر  و اعمق بكتير في الـ business  هنعرفها دلوقت ،

الـ Objectives الي ممكن تحققها من الـ SEO ( غير الـ Sales ) :

1 . الـ Building Community :

ده من اولي الخطوات عشان تعرف تشتغل Inbound Marketing  صح، و اول خطوة في الـ objective ده هو انك تـعمل attraction للناس الي انت عايز تبني بيهم الـ community ، والـ search engines انسب مكان اصلاً  تـ attract من خلاله الـ buyer personas بتوعك . ( لان مش انت الي بتدور عليهم، هما الي بيدورا عليك )

2.  ألـ Branding :  

تخيل  الـ buyer personas  بتوعك كل ما يدوروا علي حاجة في مجالك  يلاقوك انت من اول الناس الي بتظهرلهم بالي هما عايزينه بالظبط ، تخيل انت ازاي هتعلّم في دماغهم و تلاقيهم بعد كدة بيخشوا عاندك  الاول قبل ما يدوروا في اي مكان تاني .. اعتقد مفيش احسن من كدة Branding

3. الـ Thought Leadership :

ده من اتقل واصعب  الـ objectives الي ممكن تشوفها،  الـ thought leadership هو نوع خاص من انواع الـ branding،

هو  الـ branding بشكل عام يعني انه يبقا معروف ان الـ brand الفلاني ده بتاع كذا دا،  لكن لا دا بقا هو انك  تبقا مصدر موثوق للمعلومات حتي للناس الي شغالين معاك في الـ industry  لانك مش بتكتب معلومات  و خلاص دانت بيبقا ليك وجهة نظر عميقة و Unique في كل جزئية بتتكلم عنها … ده بيتحقق بالـ content الي بتكتبه طبعاً لكن الـ SE هتكون Channel ممتازة تعرض من خلالها وجهة نظرك وتنشرها علي نطاق اوسع بكتير ..

وده كدة كان اخر Objective عام هتكلم عنه، لكن اكيد الـ objectives مينفعش يتحطلها حدود لان دي Marketing  channel   مفروض  تُستخدم  في عدد لا يحصي من الـ objS علي حسب بقا الـ business عبارة عن ايه و في انهي industry وايه الـ mission بتاعته !

مثال : احنا عندنا في School Of Marketing كـ Educational brand في الـ Marketing industry  جزء من الـ Mission بتاعتنا اننا ننقذ الناس الي عايزة تدخل الـ Field  من المصادر التعليمية الغير موثوقة،  و الي هتبقا بنسبة كبيرة بتقدملهم معلومات غلط و انتهي عصرها  او بتدّفعهم فلوس كتير عالفاضي، و بنعمل كدة  عن طريق اننا نقدملهم Content يعرفهم حقيقة المجال و اجزاءه المختلفة عشان يقرروا صح باكبر قدر ممكن.

فالـجزء التنفيذي بتاع الـ mission دي من خلال الـ Seo channel هو اننا نظهر للناس الي بتحاول تدور علي Courses مثلاً و نقولهم معلومات متخليهمش يضّحك عليهم  فمثلاً  الـ E marketing courses من ضمن الحجات الي بتتعمل بمبداءأ التعبّية، يلا تعالي خد course في  الـ E-Marketing كله كدة علي بعض Social Media بقا علي SEO علي  Email ده غير انهم بيستخدموا  ا tactics و techniques مش Authentic اصلاً و عفي عليها الزمن …

فـالـ Team  ساعتها قرر انه يظهر في Google  للناس الي بيدوروا علي الـ Emarketing courses في مصر  ويقولهم حقيقة الـ e-marketing واجزاءه المختلفة عن طريق الـ article دي

Don’t take e marketing course in egypt

Dont take emarketing cource in egypt

 

ولو فضلنا نعمل كدة علي نطاق اوسع فاحنا هنبقا حققنا واحد من اهم الـ marketing objectives بتاعتنا من خلال الـ SEO ده كان مثال بسيط عشان اوضح ان الـ objectives  الي ممكن تتحقق من الـ SEO كـ Marketing channel  ملهاش حدود وبتبقا علي حسب الـ business  و الـ mission ………

نيجي بقا للمعتقد الاكبر والاصعب وهو ان الـ SEO معظمه technical  .. هعرضلكم اهم اجزاء الـ SEO اصلاً وانتو احكموا بنفسكم نسبة الـ Technical  !

اجزاء الـ SEO الاساسية :

الـ SEO بعيداً عن ان في حجات بديهية  زي ان الـ search engines تكون قادرة تشوف  الـ website بتاعك عشان يقدروا يوصلو للـ content  الي فيه اصلاً ..  و دي هنتكلم عنها بعدين، لكن في اجزاء تانيه بقا اللعبة كلها تبوظ من غيرهم لانهم البنزين

  • الـ Content Marketing :

انا عارف ان دا اكتر جزء احنا اتكلمنا عنه في التاريخ 😀 بس مش بمزاجنا هو كدة طالعلنا في كل حاجة  بس خدوا بالكم هو King اه بس مش قوي ، المهم ان اول حاجة مفروض تفكر فيها و انت بتسمي كدة للـ SEO هي الـ Content strategy ،  و انا بتكلم هنا عن  strategy هتتعمل مخصوص لـ channel  الـ SEO وهي طبعا هتكون جزء من الـ strategy العامة بتاعتك  

مبدئيا الـ search engine كـ channel الـ users فيه ليهم شروط مختلفة تماماً عن الـ social channels  مثلاً احنا علي الـ social media بنتخيل هما ممكن يكونوا مهتمين بايه؟ ايه المواضيع الي ممكن تشدهم في الاول  وبنسبة كبيرة انت الي بتقرر و تجرب ..

لكن عالـ search engine الـ buyer personas هما الي بيقرروا  هما هيدورا علي ايه في الـ industry بتاعتك  و انت مهمتك تكتشف الـ topics  الي هما بيدروا عليها دي  وحجم الناس الي بيدوروا في كل Topic عن طريق Toolsو Sources  زي مثلا Google adwords

Tip : ا google adwords هي Tool عملاها google تقدر من خلالها مثلاً  تعرف عدد الناس الي بيدوروا بكلمة معينة علي google شهرياً  و مش بس كده اكيد ، دانت بتستخدمها كـ tool اساسية عشان  تعمل research عنالـ industry  بتاعتك علي Google وحجمها والـ topics الي بيديورا الي الـ buyer personas بتوعك بيدورا فيها

ده مثلا متوسط عدد الناس الي بيدوروا علي كلمة SEO في مصر كل شهر 

SEO on Keyword planner

 

و بعد كدة بتبدأ تعمل Content Strategy تغطي بيها كل الـ topics دي  و طبعا هتكتب برده في باقي الـ topics الي هتفيدهم  وهتكمل الـ funnelsحتي لو مبيدوروش عليها، وتوصلهلهم عن طريق الـ internal  links او الـ CTA

ثانياً : الـ Keyword Research و دا  تاني اهم حاجة بيتعمل حسابها في الـ content strategy  الـ Keywords هي الكلمات الي احنا بنكتبها في الـ search box واحنا بندور عن الي احنا عايزينه زي المثال الي فوق كدة … و الـ keyword research بقا هو الي بيخليك تكتشف الـ Keywords الي بيدور بيها الـ buyer personas و دي  طبعا من اهم العوامل الي هتخليك تظهر في الـ result pages الصح

و بعدها يجي دورك كـ marketer انك تكتشتف توقعات  الـ buyer persona  و هو بيكتب Keyword معينة عشان تبداء تكتب content يناسب التوقعات دي ، بعيداً طبعاً عن ان الـ content نفسه لازم يكون بـ  criteria فممكن تعرف باقي المعلومات عن الـ content من هنا

  1. الـ user experience :

ده تاني اهم جزء في الـ SEO و هو باختصار حجات بتعملها عشان تخلي الـ buyer persona بتاعك مستريح  و هو عاندك ,وهو مرتبط برضه بالـ content  ( الـ content quality جزء منه اصلاً )  بس في حجات تاني كتير

  1. الالوان و الـDesigns  بتاعت  الـ website والي لازم تكون مناسبة للي بتقدمه وللـusers  
  2. الـ information architecture  و ده علم كامل بس باختصار شديد مهمته انه يخلي الـ user يقدر  يوصل لاجزاء مختلفة من الـ content بتاعك بسهولة سواء من خلال الـ main menu بتاعت الـ website او  من خلال الـ Internal  links

ا Tip : الـ Internal links هي الـ links الي بتبقا موجودة في الـ articles عشان توصلك باجزاء تانية من الـ content  موجودة علي نفس الـ website ودي احسن طريقة  تربط بيها الـ content بتاعك ببعض و تخلي الـ Users يستفادوا باكبر شكل ممكن

وده جزء من الـ information architecture الي عملته Bianat  للـ website  بتاعنا 

Information archeticture

     3. الـ website performance  و هي سرعة تحميل الـ pages علي الـ website عاندك، اكيد  لو الـ website بتاعك بطئ دي اكتر حاجة هتخليني اتخنق واخرج اصلاً …

  1. الـ devices optimization   وهو ان الـ website بتاعك لما يتفتح من اي device زي الـ mobiles والـ tablets يتظبط علي حجمهم  ..

دي اهم العوامل تقريباً في الـ user experience انا عارف ان معظمهم تقريباً  تنفيذهم  Technical ، بس انا كاتبهم عشان تتأكد انهم معمولين بالشكل المناسب لكن مش معني كده ان لازم تكون بتعرف تعملهم بنفسك،

بكدة هتبقا بتضمن بنسبة اكتر  ان الـبني ادم الي هيجيليك من الـ search engine او من اي مكان تاني هيقعد عاندك وقت واطول بالتالي هيستفاد اكتر بالتالي هيرتبط بالـ brand بتاعك . ده غير طبعاً ان بتفضل تقيس نفسك في الـ user experience  من خلال الـ analysis tools الي بتخليك  تعرف هما الناس الي جولك قعدوا اد ايه بالظبط ؟ و هل دخلو علي صفحات تانيه ولا لا ، و لو دخلو دخلوا علي ايه بالبظبط. وتبداء تعمل ab testing،

  1. الـ social media :

ده الجزء التالت والاخير الي هتكلم عنه في الـ SEO،  بس ايه علاقة الـ social media بالموضوع؟


اولاً  خلينا نعترف ان الـ engagement الي هيجيلك علي الـ website رغم انه تقيل جداً و بيدل علي علاقة قوية، لكنه قليل و مش كفاية ابداً انك تتفاعل مع الناس وتبني community  للـ brand بتاعك ، بالتالي هنا  يجي دور الـ social media والي بتكمل الرحلة مع الناس الي جولك من خلال الـ search engines بالتالي شئ بديهي انك تكون موفرلهم  في الـ Website بكل الطرق انهم يوصلوا للـ social channels بتاعك او يـعملوا share للـ content من عليه

 ثانياً  انك تعمل العكس و تـ share انت Content الـ website بتاعك بشكل مستمر عشان تعمق العلاقة   مع الـ buyer personas بتوعك الي عالـ social media.

الـ 3 حجات دول ( Optimized Content, User experience, Social Media )  زي ما هما من اهم العوامل الي  بيأثروا في الـ Buyer persona و الـ  positioning  بتاعك عنده و علاقتك بيه .. فهما برده من اهم الحجات الي ليها تأثير مباشر و قوي علي الـ search engines و بيخليهم غصب عنهم يدو الـ website بتاعك  authority  و بالتالي انتشار اوسع في الـ results بتاعتهم.

الـخُلاصة :

الـ SEO من اتقل الـ Marketing channels  و اعمقهم تأثيراً سواء علي علاقة الـ brand بالـ buyer personas او علي الـ business  و زي ما شوفنا نقدر نحقق منه objectives كتير جداً غير  الـ sales  لو عرفنا نستخدمه كـ Marketing channel، ده غير ان اجزاءه الرئيسية و الاكثر تأثيراً مطلعتش Technical، لانك في الاخر بـتـ optimize الـ website للـ buyer personas بتوعك الي  عـالـ search engine مش بتظبّطه للـ search engines نفسهم ..

يا ترا بقا ايه الحاجة الي لسه مش عارف تستوعبها في دور الـ SEO او اجزاءه المختلفه؟

_

ا Ps : الـ Article دي نازلة مخصوص عشان تكون  مُكملة لـ Session الـ closed-loop Content، و ملهاش علاقة بـ Content Strategy الـ SEO الجديدة علي الـ BLog و الي اكيد لما يجي وقتها هنقولكم عليها 😉 ، لو متعرفش حاجه عن الـ Session دي اصلاً ادخل علي الـ Link دا من هنا

 

By: Mahmoud Ahmad

حدوتة الكِتاب

حدوتة الكِتاب


أول ٢٠١٤، لِقيت نَفسي إتحولت لشِريط كاسيت بيشتغل قُدام أي حَد جديد بيدخُل الـTeam بتاعنا، أو قُدام الـCustomers اللي كانوا بياخدوا الـCourses بتاعتنا،

كمان إكتشفت إني كبشري مُستحيل أعرف أطلع Live Content بنَفس كفائة الـContent المكتوب أو المِتسجل، (بالذات في الجزء التنفيذي الي في مجالنا)،

عِرفت ساعتها، إن المَفروض الـContent هو اللي يِشرح الجزء التنفيذي علشان أقدر انا أرد علي الأسئله،

أكتر مُشكله بتقابلنا كـMarketers في بدايه الرِحلة هي

“الـContent Marketing”

The Road Blog-0٢

كُنت بحلَم ساعتها إني ألِم الـContent Marketing في كِتاب ميِبقاش اللي بيقراه مِحتاج لِحاجه،

لكن ده كان وهم في خيالي،

إكتشفت بعدها اني مستحيل اعمل حاجه واحده تِجمّع كل الـContent Marketing ولا حتي تِجمع اللي انا اعرفه (مش من كتر اللي انا اعرفه علي قد ماهي من صعوبه و تفرّع الموضوع نفسه)

ساعتها كُنت عارف ان الـContent Marketing طريقين بيكمّلوا بعض “فِكري و تنفيذي”،

الطريق فِكري بيِتكلم عن سببية إننا نعمل Content اصلاً و مدي تأثيره في الكوكب اللي إحنا عايشين عليه وإيه الطرق اللي تخلينا قادرين نِوصل لِده،

و الجزء تاني إسمه “قولي حاجه عملي” يعني الجزء التنفيذي اللي في الموضوع, اللي كان موال لوحده بسبب طبيعة الـContent Marketing المستفزه جداً في التنفيذ, فكان كُل ما اتكلّم مع حد فِكرياً عن الـContent Marketing ألاقيه وِقع مني،

بَس و إبتديت ألاقي الـTeam بيِصغر واحده واحده، لأن في ناس بتِمشي، و مِنهم الي بيغيّر المجال كله،

لأنهم مكانوش عارفين يِنفّذوا اي حاجه من الكلام الفِكري اللي احنا بنقوله،

لأن أول خَطوه تخليهم ينفذوه كانت دايماً ناقصه

فكانت البِدايه بقرار إني أعمل Internal Knowledge Base للناس اللي شغّالين معايا ومُتعمِقه في التنفيذ،

التنفيذ بس، علشان نِبقي رَبطنا الطريقين الي إتكلمت عليهم ‘ الفِكري و التنفيذي ‘

IMG_1903

نُقطة تحوّل الـInternal Knowledge Base لـProduct يِتباع

… بعد سنتين بقي، اللي صحّا الموضوع تاني الناس اللي شغاله معايا لفَتوا نَظري إن الكتاب ده فات عليه سنتين و لحد دلوقتي بنِستخدمه و إن قيمته مع الوقت بتزيد،

وإنه ساعد مُعظم الـTeam يِبقي عندهم الـBasics في تنفيذ الـContent و كل واحد ليه الـStyle بتاعه بعد كده،

The Road Blog-0٣

الـVision كانت إننا لو قِدرنا نِوسّع التأثير ده علي عدد أكبر من الـAudience بتاعنا هنِبقي لقينا بديل للـCourses، و بِحاجه أكثر تأثيراً بكتير “لو إتقدمت صح” ، هنخَليهم يِعرفوا يِنفّذوا بإيديهم،

و ده طبعاً هيقَربنا للـMission بتاعتنا جداً،

وتاني سبب، إننا كان لازم نلاقي Business Model الي نِبني عليه الكيان و نِخليه مُستقر عشان نِقدر نَستمر في تَقديم الـValue اللي احنا بنقدمها

و بيع الكتاب في إعتقادنا، إنه هيساعدنا مادياً في رِحلتنا (صراحه أزليه غير مُبرره, بس هو ده اللي حصل و هي دي الأسباب اللي خلتنا نفكر نبيع بالـeBook، ده بمنتهي الشفافيه)،

كل اللي فوق ده بقي طلع في كتاب 106 صفحه معمولين بـDesign يخليك فرحان و انت بتقرا (من وجهة نظرنا )،

بيِمشي مَعاك خطوه بخطوه من اول تعريف انواع الـContent لحد الحجات اللي تاخد بالك مِنها كويس في وِسط ما انت بتنفّذ.

دي حكايه الكتاب بكل تفاصيلها , “ليه” قررنا نعمله و إيه الطريقه اللي قررنا نتبعها و احنا بنعمله و طلعنا بأيه في الاخر.

لو جاهز تِشتري الكِتاب و تِبدأ رحلة الـContent بتاعتك .. أُدخل هنا 

أنا عاوز الكتاب

حدوتة الكِتاب

حدوتة الكِتاب

أول ٢٠١٤، لِقيت نَفسي إتحولت لشِريط كاسيت بيشتغل قُدام أي حَد جديد بيدخُل الـTeam بتاعنا، أو قُدام الـCustomers اللي كانوا بياخدوا الـCourses بتاعتنا،

كمان إكتشفت إني كبشري مُستحيل أعرف أطلع Live Content بنَفس كفائة الـContent المكتوب أو المِتسجل، (بالذات في الجزء التنفيذي الي في مجالنا)،

عِرفت ساعتها، إن المَفروض الـContent هو اللي يِشرح الجزء التنفيذي علشان أقدر انا أرد علي الأسئله،

أكتر مُشكله بتقابلنا كـMarketers في بدايه الرِحلة هي

“الـContent Marketing”

The Road Blog-0٢

كُنت بحلَم ساعتها إني ألِم الـContent Marketing في كِتاب ميِبقاش اللي بيقراه مِحتاج لِحاجه،

لكن ده كان وهم في خيالي،

إكتشفت بعدها اني مستحيل اعمل حاجه واحده تِجمّع كل الـContent Marketing ولا حتي تِجمع اللي انا اعرفه (مش من كتر اللي انا اعرفه علي قد ماهي من صعوبه و تفرّع الموضوع نفسه)

ساعتها كُنت عارف ان الـContent Marketing طريقين بيكمّلوا بعض “فِكري و تنفيذي”،

الطريق فِكري بيِتكلم عن سببية إننا نعمل Content اصلاً و مدي تأثيره في الكوكب اللي إحنا عايشين عليه وإيه الطرق اللي تخلينا قادرين نِوصل لِده،

و الجزء تاني إسمه “قولي حاجه عملي” يعني الجزء التنفيذي اللي في الموضوع, اللي كان موال لوحده بسبب طبيعة الـContent Marketing المستفزه جداً في التنفيذ, فكان كُل ما اتكلّم مع حد فِكرياً عن الـContent Marketing ألاقيه وِقع مني،

بَس و إبتديت ألاقي الـTeam بيِصغر واحده واحده، لأن في ناس بتِمشي، و مِنهم الي بيغيّر المجال كله،

لأنهم مكانوش عارفين يِنفّذوا اي حاجه من الكلام الفِكري اللي احنا بنقوله،

لأن أول خَطوه تخليهم ينفذوه كانت دايماً ناقصه

فكانت البِدايه بقرار إني أعمل Internal Knowledge Base للناس اللي شغّالين معايا ومُتعمِقه في التنفيذ،

التنفيذ بس، علشان نِبقي رَبطنا الطريقين الي إتكلمت عليهم ‘ الفِكري و التنفيذي ‘

IMG_1903

نُقطة تحوّل الـInternal Knowledge Base لـProduct يِتباع

… بعد سنتين بقي، اللي صحّا الموضوع تاني الناس اللي شغاله معايا لفَتوا نَظري إن الكتاب ده فات عليه سنتين و لحد دلوقتي بنِستخدمه و إن قيمته مع الوقت بتزيد،

وإنه ساعد مُعظم الـTeam يِبقي عندهم الـBasics في تنفيذ الـContent و كل واحد ليه الـStyle بتاعه بعد كده،

The Road Blog-0٣

الـVision كانت إننا لو قِدرنا نِوسّع التأثير ده علي عدد أكبر من الـAudience بتاعنا هنِبقي لقينا بديل للـCourses، و بِحاجه أكثر تأثيراً بكتير “لو إتقدمت صح” ، هنخَليهم يِعرفوا يِنفّذوا بإيديهم،

و ده طبعاً هيقَربنا للـMission بتاعتنا جداً،

وتاني سبب، إننا كان لازم نلاقي Business Model الي نِبني عليه الكيان و نِخليه مُستقر عشان نِقدر نَستمر في تَقديم الـValue اللي احنا بنقدمها

و بيع الكتاب في إعتقادنا، إنه هيساعدنا مادياً في رِحلتنا (صراحه أزليه غير مُبرره, بس هو ده اللي حصل و هي دي الأسباب اللي خلتنا نفكر نبيع بالـeBook، ده بمنتهي الشفافيه)،

كل اللي فوق ده بقي طلع في كتاب 106 صفحه معمولين بـDesign يخليك فرحان و انت بتقرا (من وجهة نظرنا )،

بيِمشي مَعاك خطوه بخطوه من اول تعريف انواع الـContent لحد الحجات اللي تاخد بالك مِنها كويس في وِسط ما انت بتنفّذ.

دي حكايه الكتاب بكل تفاصيلها , “ليه” قررنا نعمله و إيه الطريقه اللي قررنا نتبعها و احنا بنعمله و طلعنا بأيه في الاخر.

لو جاهز تِشتري الكِتاب و تِبدأ رحلة الـContent بتاعتك .. أُدخل هنا 

أنا عاوز الكتاب

“الـContent” أه King بس مش أوي يعني

“الـContent” أه King بس مش أوي يعني


Content Is not the King

بغض النظر عن الـVisual asset اللي انتشر مؤخراً عن ان اكبر كيانات علي الانترنت مبتعملش content مش هو ده اللي عايز اقوله ,

لأن زي ما الكيانات دي موجوده و مبتعملش Content زي (Facebook, Uber , Trip Advisor ) في كيانات بتعمل Content زي ما الكتاب بيقول و ازيد سنه زي Google , LinkedIn مثلاً 

يبقي نقطه “سلملي علي الـContent ” دي فيها جدال ممكن يستمر 6 شهور  

اللي بنتكلم عليه والي مخلينا نقول Content is not King هو ان اي حاجه بيتقال عليها Content و اي حد و مؤخراً كل حد بيعمل Content و مفيش اللا 1 % بس هما اللي بينجحوا يبقي الفكره هنا مش في الـContent 

لعبة الـContent Marketing (من وجهه نظري) :- 

10% Content

40% Context

50% Engagement  

Engagement انت اللي عامله مش جايلك علي الـContent بتاعك 

يعني ايه Context 

حرفيا: يعني سياق او إطار لشيء معين 

بالبلدي: يعني لو اعتبرنا الـContent هديه يبقي الـContext هو الّلفه و المعاد و الطريقه اللي انت وصلت بيها الهديه لصاحبها و الكلام اللي انت قولته و انت بتسلّمها و تعبيرات وشك ساعتها 

لو طبقنا الكلام ده علي المجال بتاعنا, يبقي الـContent هو فكره عملت عليها Research و جمعت معلومات و احصائيات و نسقت ده مع وجهة نظرك و طلعته للناس 

الـContext بقي هو الطريقه اللي اتكلمت بيها في الـContent ده يعني الـTone of Voice , كنت بتهزر و لا متعصب و لا متحمس

*ايه ده هو الناس بتاخد بالها اصلاً؟؟؟

* الناس مبتعملش حاجه غير انها بتاخد بالها وده مش شطاره منهم, دي حاجه زي السمع كده مبنتحكمش فيها, لو فيه صوت جمبك هتسمعه هتسمعه 

الـType of Content اللي خرجت بيه الـContent

هل الـContent بتاعك خارج في صوره Video ولا عباره عن Articles و لا Visual Asset اياً كان نوعه 

* طب ماهو الجمله اللي هتتقال في Video هي هي اللي هتتكتب في Article !!!

*للأسف لأ, في جمله احسنلها تتقال في Video و في جمل مينفعش تتقال لازم تتكتب و في Content لازم مينزلش عليه كلام اصلاً ” و بناءً عليه صياعتك لما يكون معاك فكره Content محترمه انك تقفش الـType of Content الصح اللي يخلي الفكره فعلاً تأثر في بني أدم “

المعاد اللي طلّعت فيه الـContent

ايوه،  المعاد Context, المعاد بيفرق في تأثير الـContent, يعني تخيل كده ان الـArticle بتاعت الـROI بتاع امك لو كانت نزلت في عيد الام , اظن كده الرساله وصلت 🙂

و أكيد اكيد المكان اللي خرج فيه الـContent 

بص بقي, مفيش حاجه اسمها هاخد Posts الـFB احطها علي Twitter و LinkedIn, الكلام ده بلح 

لأن ده اسمه FB و ده اسمه Twitter, ده الناس مستنيه فيه حاجه و ده الناس مستنيه فيه حاجه تانيه  ، ده ليه قوانين و اسلوب و ده ليه قونين و اسلوب تانين خالص , يبقي نحترم المكان و لما يكون عندنا فكره Content نحددله الـPlatform الصح اللي ينزل فيه

الكلام اللي اتكتب عشان الـPromotion بتاع الـContent ده

حتي ده Context, يعني مثلاً في رمضان اللي قبل اللي فات كنت بعمل تجربه علي Tone of Voice معين اللي هو العصبيه  ، فكتبت Article عنونها أغبي فترات الانسان علي وجه الارض و كان اسلوبها فعلاً يضايق و فيروز هي اللي كانت بتشتغل علي الـPage بأيدها, وقالتلي الـArticle ده هيجبلنا كلام كتير ملوش لازمه و احنا مش ناقصين , قولتلها انتي هتتصرفي

لقتها نزلت link الـArticle و كاتبه عليه  (فيما معناه ) , الـArticle دي علي مسؤليه احمدسيف  و School ملهاش دعوه
طبعاً معنديش ارقام عن الناس اللي كانوا هيشتموا  و مشتموش بسبب Context زي ده بس احساس بيقولي ان الحركه دي شالت عننا كتير أوي

خلاصه الـContext


الـContext هو كل حاجه في الـContent Marketing ماعدا الـContent  
و اظن دلوقتي التفريق بنهم مبقاش صعب, و لوالجمله دي بَرجِلتك اطلع اقرا تاني ايه هوالـContent و اطرحه من اللعبه يطلعلك الـContext و خلي بالك الحاجات اللي قولناها في الـContext مش كل حاجه, يعني علي سبيل التوضيح لا الحصر

يعني ايه Engagement

 (طبعاً مش هتقرا حاجه بالعنوان ده لو لاقتها في اي حته لأنه مستهلك بس هنا انت اكيد عارف انه لأ)

Engagement يعني likes كتير ,shares بالهبل و Views علي الـVideo بتاعك ملهاش اخر ، Engagement يعني ارقام تسد عين الشمس لأن هو ده اللي يفيد الـBusiness بجد

اللي فوق ده هي نظره اي حد لسه مفهمش اللعبه بتتلعب ازاي, لسه مفهمش ان اي حد و كل حد بيجيلوا Engagement علي الـContent بتاعه حتى  لو الـContent ده عباره انه بيشخّر وهو نايم  ، هتلاقي اللي يعمل Like و اللي بيسف في Comment واللي بيـShare عشان بقالوا كتير منزلش حاجه علي الـFB , يا راجل ده انت  لونزلت video سلحفه بتاكل خص هتلاقي اللي يقولك لا يا اخي ده جرجير (علي رأي مكي)

اي حد بمعنى اي حد لو عمل اي حاجه هبله (بس تكون هبله كفايه ) هيلاقي سيول من الـEngagement بس مش هوده اللي اقصد بيه Engagement خالص

 

لو مالكش في الفلسفه و العمق متكملش


Engagement في المعجم يا ساده ليها معنيين

الاول يعني ارتباط, اي التحام, اي التصاق

التاني يعني تفاعل, اي حِراك, اي اتصال

تعالوا بقي نتكلم علي الـEngagement من وجهة نظر المعجم  (تحذير: بتكلم جد و بهزر في نفس الوقت)

الارتباط يا بهوات مبيجيش بالساهل يعني مش دبلتين و السلام

الارتباط يعني مسؤليه و التزام وواجبات و حقوق و كلام كبير كده ملناش دعوه بيه لو احنا باصّين للـEngagement البصّه اللي في اول سطرين في حتة الـEngagement

بس لو عايز تبص صح, الكلام الخنيق المجعلص اللي فوق ده (بتاع التزام وواجبات) هو اللي المفروض يكون جواك و ادامك
طب بذمتك عمرك شفت اتنين مخطوبين امبارح و متكلموش ولا مره بعدها الا بشهر ؟؟
لو انت ماشفتش انا شفت, و مقولّكش بقي بيموتوا في بعض ازي , لسه فاسخين علي دخلتك                    

  اكيد فيه ناس بتتخطب و بتتجوز و مابيعبَروش بعض بس مش لأن ده موجود يبقي صح, لو بصيت علي الناس اللي بتعمل كده هتلاقي علاقتهم زي الزفت ومش طايقين بعض و اقل حاجه بيطلّعوا منها خناقه

تعالي بقي نُسقط الكلام ده عليك انت و الـFans اللي بيستهلكوا الـContent بتاعك هتلاقي انك عمّال تلعب بولاد الناس

الـEngagement مش انك يجيلك 1500 Comment و تفرح بيهم و متعبّرهمش

ولا انك ترد علي 1500 Comment  برد قفيل ميخلهمش يكملوا كلام معاك  عشان معندكش وقت تدخل في نقاش مع حد منهم

الفكره مش في عدد بني أدمين الفكره كام بني أدم من دول انت اتكلمت معاه بجد , من قلبك مش عشان عليك Responding لازم تنجزه يعني من الاخر بنلف ونرجع لنفس الفكره Width vs Depth اللي كانت في الـArticle اللي فاتت 

(والتكرار هنا مش فضا او قله افكار, الفكره دي لوحدها هتبقي منهج Social Media بيتدرس في الجامعات لولادنا كمان 10 سنين)

100 بني أدم بتـEngage معاهم بجد مش بتنحتلهم Engagement عشان ده شغلك, أبرك من 1000 واحد هتـEngage معاهم زي Engagement الافراح اللي بيبقي مصدر المجامله في العالم

خلاصه الـEngagement

متضيعش فرصه تخليك تتعمق مع حد من الـFans بتوعك الا و انت فعلاً لامس الشخص ده و مديله اهتمام من اللي بتديه لصحابك الحقيقين ولو لـ5 دقايق 

طب ليه بقي الـEngagement  بنقول عليه 50% من لعبه الـContent Marketing (من غير رغي)

بما أن ليه Content ؟؟؟ عشان نأثر في ثقافه البني أدمين 

و بما إن مفيش content هيأثر في ثقافتك و انت مش طايق صاحبه لازم يكون بينكوا Relationship حقيقيه

و بما أن الـEngagement هو الطريقه اللي بتبني بيها الـRelationship مش محتاجه فكاكه
أذاً الـContent اللي انت تعبت في فكرته و الـResearch و الكتابه بتاعته و تعديل غلاطاته و Contextــه مش هيأثر في حد طالما الـRelationship مش متظبطه

By :- Ahmed Saif

لعنة الـViral Content

لعنة الـViral Content


التعميم فكرة غلط في كل حاجة، يعني مينفعش تقول الشعب ده كداب او 100% من اللي بيشتغل الشغلانه دي حرامي، لان في الاخراكيد مش 100% من الناس بيعملوا اوعايزين اوبيفكروا في نفس الحاجه، اكيد اكيد في نسبه مش قليله بتخرج عن القاعده،

بس الشيء الوحيد في الدنيا دي اللي التعميم فيه فرض عين، هو الـMarketing مفيش Marketer في الكوكب ده محلمش و اتسحل و خطط و هبّل عشان يوصل للـViral Content اللي بيتجنن لما يشوفه عنده و يلاقي العداد بتاع الـEngagement يخرّف و يقول ارقام غريبه ، الحلم ده فضل و هيفضل مزاولنا بقيه حياتنا كـ Marketers (اللي هيفضل مش واخد باله بس) 

الـViral Content بطبيعته مغري لأن المكسب فيه دايماً بيكون اضعاف التمن، يعني تلاقي Comic عبيط جداً مرسوم بالرصاص في 3 دقايق و جايب 8564 share و 12894 Like ، بصراحه الموضوع من بره كده شكله يستاهل بس للأسف الموضوع وراه شويه مشاكل مش مغريه اطلاقاً و لو اخدت بالك منها هتتصدم في تفكيرك

المشاكل تنقسم لجزئين مشاكل في التمن او المجهود اللي بيتعمل و مشاكل في المكسب اللي بيجي من ورا الـViral Content تعالوا نتكلم علي الجزئين و بعدها هسيبك انت اللي تحكم

تمن الـViral Content

ياما Marketers زيك و أجمد منك ضيعوا حياتهم بيفكروا في Post واحد بحجه اني عايزه viral، كام PoC اترمت في الزباله عشان بعد ما اتعملت لقيناها مش viral (علي اساس اننا بننجم) 

كام فكره جديده اتحرقت عشان و أحنا في الـBrain Storming كل تركيزنا بيكون علي حاجه اتـViral-ـت عشان نجيب حاجه شبهها (بزمتك مطلعتش من بقك و انت بتشرح فكره عندك كلمه  “زي كذا اللي نزل في كذا” )  

بلاش كل ده يا سيدي، كام Strategy و كام Campaign اتعملت عشان تـViral الدنيا و في الاخر تترمي في الدرج  بعد اول PoC او اتنين عشان مفرقعتش من الاول و بعدها تعمل Strategy جديده وبرضه تترمي في الارض 

سحر الـViral Content

طب اقولك علي تمن كمان، المفروض اللي انا اعرفه ، ان الـContent Marketing Strategy بتاعتك بيكون فيها Streams من الـContent يعني مثلاً ممكن campaign ازاي تكون شغاله و جنبها Stream لـCase studies و جنبهم  Stream تاني من الـComics مثلاً

محصلتش معاك مره ان Stream او Sequence انت مخططله جوه الـStrategy بتاعتك يضرب و تلاقي نفسك اتسحلت فيه (لأنه مغري) ونسيت انك عندك Strategy يا باشمهندش و فيها deadlines و objective  و KPIs، بس الـViral Content بيلوح و بينسيك اسمك.

وبصراحه عندك حق، Comments بالهبل لازم يترد عليها (دا لو بترد يعني) و shares برضه بالهبل لازم يتعملها Monitoring و Analysis فطبيعي تنفض للحاجات اللي متخططلها عشان توصلك للي انت عايزه و تتشغل باللي قالب الدنيا، فعلاً الواحد بيكون معاه حق انه يعمل كده بس في الاول والاخر خلاصه الحته دي ان من ضمن التمن اللي بتصرفه علي الـViral Content انك بتنسى تنفذ اي حاجه جنبيه من كتر السحله ” Opportunity Cost يعني ” 

المكاسب بقى 😀

الموضوع بسيط قوي، لما بتعمل Content اياً كان هو ايه او ليه، بتكون عامله Promotion Strategy، يعني عارف ان الـArticles بتاعه الـBlog هتتبعت للـList الفولانيه و انها هيتعملها Campaign للـAudience الفولاني علي الـFB و هكذا…

من ضمن مكاسب الـViral Content اللي بيعملها بقي انه بيريحك من انك تفكر و تتسحل مع الـreach والـImpressions و Engagement و الكلام الفاضي ده، هوبيتكفل بكل حاجه وبـVolume في الاغلب اكبر وببلاش يعني مفيش بعد كده و بصوره اساسيه احنا عندنا مكسبين مباشرين من الـViral Content

1-بيخترلك الـBuyer Persona علي مزاجه (لو متعملش صح)

الحقيقه بقي انه زي ما بيريحك من الحاجات اللي فوق دي زي ما بيريحك من اختيارك للـBuyer Persona هو بيظبطها بمزاجه (اكبر دليل علي كده الـPersonas الغريبه اللي اول مره بتشفها بتتشقلب عندك سواء على الـ Page او Blog بعد PoC مفرقعه ) و الموضوع هنا بيرجع لحفظ الـViral Content مش فهمه

اي حاجه في الدنيا بتضحك او فيها سف علي اي حاجه احتمال كبير تتـViral ، و اي كائن في الكوكب ده معرض انه يضحك، اللي اقصد اوصله ان الـContent اللي معمول عشان يضحك لمجرد الضحك (النوع ده 90% من الـViral Content بالمناسبه  ) الـBuyer Persona بتاعته هي البني أدمين عموما 😀 لو هي دي الـBuyer Persona بتاعتك اعمل كده

خلاصه النقطه دي، اخر عامل تلعب عليه عشان تـViral الـContent بتاعك هو الدم الخفيف،لأن بغض النظر انه موهبه بحته بس هو بيلم اي حد معدي من قدامك  

2-بيريحلك ضميرك

الـMarketer الحق ضميره عمره ما بيموت بس ممكن يتخدر، يعني اديله انت سبب واحد، واحد بس عشان “يصهين” علي اي حاجه و اوعدك انه مش هيتوصي، وبصراحه الـViral  Content سيد من يعمل كده، ما هو لما يكون عندك 20 /25 Comment علي الـPage و متردش عليهم او ترد عليهم كلهم بنفس الـStyle “ازيكم و الف الف مبروك” يبقي انت بتستهبل (وفي اقوال اخرى في الموضوع ده بس مش قصتنا دلوقتي)

لكن بقي لما تلاقي 3480 Comment لازم ترد عليهم (اياً كان اللي بيلزمك, ايمانك باللي انت بتعمله او انهم حفظوهالك كده) يبقي عادي انك تنفض ما انت مش superman يعني، و بكده تبقي لقيت الحجه اللي بيها تنفض للـResponding (عندينا في School بنقول عليه Engagement )

المطلوب

و انت بتفكرفي Content خلي اول حاجه تيجي في دماغك التأثير في الثقافه، يعني هل اللي انا بعمله ده فعلاً هيغير حياة بني أدم و لا الموضوع شويه سف هيضحكوهم و خلاص، انا مبقولكش تبقي مثالي و تعيش عشان تصلح الكوكب اطلاقاً، انا بقولك كده عشان مصلحتك الشخصيه، الـReach اللي بالهبل و likes و shares  اللي متعرفش تعدهم دول شكلهم حلو وبيغروني شخصياً في اوقات كتير بس فعلياً احنا كـMarketers مش هي دي مصلحتنا

Width Vs Depth  

هو انهي احسن يكون عندك 100 الف Fan في الـPage بتاعتك متعرفش عنهم الا عددهم ولا يكون عندك 1000 بني أدم تعرفهم واحد واحد بتقابلهم عي الارض في الشهر مره و بيحبوك لشخصك سواء سفيت و قلشت او كلمتهم بجد و علمتهم حاجه تفيدهم، والله العظيم تلاته الموضوع مش ارقام و حجم الموضوع انت واصل فين شخصياً مع كل Fan او Potential عندك

قولي حاجه عملي 

عشان تطبق اخر حته دي محتاج تحط في دماغك مبدأ في الـEngagement  

وهو انه في Engagement في صوره Conversation بين بني أدمين ، و فيه Engagement Actions عباره عن اظهار اتفاقك مع الحاجه مش اكتر سواء بنشرها او بانك تقول انها عجباك ، يعني الـComment اولي 1000 مره من الـLike و 100 مره من الـShare علي الـFB، الـReply علي Twitter اولي 1000 مره من الـFavorite و 100 مره من الـRetweet  وهكذا في باقي الSocial Networks 

 

اكترطريقه بتخلق و بتطور اي علاقه بين البني أدمين هي الكلام، الكلام الحقيقي اللي مبيسدش خانه ” الكلام اللي عن فعل” 

By :- Ahmed Saif