EdgeRank تعرف يعني ايه

هنفضل نفهم و نتعلم فى الـEdgeRank لحد ما نغلب Mark 😀

يعنى ايه EdgeRank ؟؟

 

الـEdgeRank هوالاسم الغير رسمي للـFacebook Newsfeed Algorithm اللي على اساسه بيتحدد ايه يظهرلك كـUser فى الـNewsfeed و ايه ميظهرش 🙂 و يظهر امتى و ليه ؟؟ ويعتبر من اهم الحاجات اللي انت لازم تكون عارفها انت شغال على الـ Social Media

 

طيب بيتكون من ايه ؟؟

 

بيتكون من 3 حاجات اساسيه, و كل حاجه متفرع منها حاجات زى ما الصوره موضحه بالزبط .

 

1- Network Reaction

2- Personal interaction

3- Time decay

 

تعالوا نتكلم عن كل حاجه بالتفصيل 🙂

 

1- Network Reaction :

و دى منقسمه لجزئين

الاول : Post weight : يعنى الوزن بتاع الـPost نفسه !

طيب و هو ايه اللى بيتحكم في وزن الـPost  .. حاجتين 😀 “بصوا على الصوره عشان متتلخبطوش 🙂

 

– Type : كل نوع من انواع الـPosts بينزل عندك ليه وزن مختلف عن الباقى … يعنى فى وزن مختلف بين الـText و الـPhotos ؟؟ ايوة طبعا 🙂

 

-Interaction : يعنى الـInteractions اللى بتحصل على اى Post من Comments , likes , Shares

و كل واحده فيهم ليها وزن مختلف بيحدد وزن الـPost 🙂 و كل ما هتزيد الـInteractions عموما كل ما وزن الـPost هيزيد و فرصته فى الظهور لناس اكتر هتقوى 🙂

التانى : Negative Feedback :

كل ما الـNegative feedback هتكون كتيره عندك على الـPage كل ما فرصتك فى الظهور هتكون اقل.. كتير مننا مش بيتابعوا النقطه دى من الـInsights مع انها مؤثره جدا 🙂

2- Personal interaction :

 

و دى مقسومه كمان لنقطتين :

 

الاولى : Author Affinity :

 

مش بتلاحظ ان عاده الحاجات اللى بتظهرلك على الـNews feed بتبقى من صحابك اللى بتتكلم معاهم كتير ؟؟ و لو فى Page انت بتحبها بيظهرلك منها Posts كتيره ؟؟

هى دى بقى الـAuthor Affinity .. يعنى لما بتعمل Interactions كتيره مع اى Page على الـFacebook العلاقه مبينك و بينها بتقوى  و هو ده ال”Affinity”

 

الفكره هنا ان الـPage تخلى نفسها فعلا كويسه عشان الناس يتفاعلوا معاها و كل ما يتفاعلوا معاها اكتر فرصتها فى الظهور هتبقى اقوى 🙂

التانيه : Post type affinity :

 

كل User عاده فى انواع معينه من الـPosts بتشده و بتستفزه انه يعمل معاها Interactions كتيره .. بالتالى انواع الـPosts دى هى اللى غالبا بتظهرله اكتر …

 

يعنى هو لو بيحب يتفرج على الفيديوهات .. يبقى عاده الفيديوهات اللى بينزلها صحابه او Pages هو عاملها Like هى اللى هتظهرله اكتر …

 

لو بيحب الصور .. يبقى عاده هى دى اللى هتظهر ..

 

الفكره هنا انه الـPage نفسها تفهم انهى نوع من انواع الـPosts هى اللى بيحبها الFans بتوعاك و دى اللى تركز عليها 🙂

 

حاول تـAnalyze كل حاجه بتنزل عندك على الـPage عشان توصل للنقطه دى 🙂

3- Time decay :

كل ما الـPost كان Fresh كل ما كان فرصته فى الظهور افضل 🙂

طيب و ده معناه انى انزل Post كل نص ساعه ؟؟ 😀

 

لا طبعا..  كل Post بتنزله عندك على الـPage ليه عمر .. بيكون قوي و مؤثر فيه … يعني لو نزلت اكتر من post في فتره قليله يعني مثلاً ساعتين تلاته واحد فيهم هيموت بدري و في الاغلب التاني..

اللي انا عايزه اقولهلكم ان لازم الـContent بتاعي علي الـFB يكون Fresh بس ده مش معناه اني اكون رغاي و بتكلم كتير حاول توزن الموضوع…

و بكده نبقى فهمنا 3 حاجات اساسيه فى الـEdgeRank لكن خلوا بالكوا ده مش كل حاجه ….

دول ممكن نعتبرهم البدايه بس …

 

دلوقتى قولولى .. تفتكروا ايه كمان ممكن يكون مؤثر فى فرصه ظهور اى Page على الـNewsFeed و تفتكروا ليه Mark معقد الموضوع كده ؟؟ 🙂

 لو عايزين تقروا اكتر عن الـ social media دوسوا هنا

By Fayrouz Al-Qutt

ديسمبر 17, 2015

12 responses on "EdgeRank تعرف يعني ايه"

  1. Thank youfor such great Article. .. It is amazing & u have answered my question about Edge rank. ..

  2. اولاً شكرا لمجهودك ولإسلوبك المبسط في توصيل المعلومة 🙂 ثانياً اعتقد توقيت البوست كمان بيفؤق جداً يعني لو البوست نازل الساعة 2 ص التفاعل معاه هيبقى قليل مقارنة مثلا ببوست نازل الساعة 8 م (ده في حالة ان الfans مصريين(
    وده عن تجربة شخصية 😀

  3. مارك معقد الموضوع ببساطة للسبب الآتي:
    لو اتكلمنا على انسان عادي في بلد مليانة براندز كتيرة زي مصر.. متوسط كدة الشخص بيتعامل مع 50 براند و بيحب حوالي 150 تانيين.. لو الشخص ده عمل لايك لكل دول و كل صفحة عملت بوست واحد في اليوم بقى التايم لاين بتاعة عبارة عن مجلة الوسيط.. فكان لازم من وسيلة تخلي مارك ماسك العصاية من النص.. و كمان في غرض خبيث تاني.. لو كل بوست هيطلع لكل الناس يبقى ايه فايدة ال Boosting منا هجيب كل ال Target Audience و هعملهم بوستس و كل يوم يشوفوها

    • خلينا نتفق يا عمرو ان مارك او الـ Facebook يهمه ان يحسن الـ User Experiences عشان انا و انت نفضل ندخل عليه
      و يهمه الـ premium content او الـ content اللى بـ add value بس هو اللى يظهر
      و ده مايمنعش انه عايز الناس تعلن بس لو انت اصلا جامد مش هتحتاج لده ولا ايه ؟ 😉

      School of Marketing Team

  4. مارك مش معقد الموضوع ده قمة الدلع لأصحاب الpages عشان تبقي شغلهم oriented أكتر للدرجات المختلفة من ال audience

  5. اناا مش فاهمة حاجة اللغخ مش انجليزى ولا عربي

  6. طيب بالنسبة لل
    Negative feedback
    ايه اللي بيمثلها ، يعني عبارة عن ايه ، هل الخوارزمات بتاعة
    Edge rank
    بتميز بين الكومنت الايجابي والسلبي مثلا؟

Leave a Message