من الصفر Lead nurturing الـ

من الصفر Lead nurturing الـ

من الصفر Lead nurturing الـ

لو جينا نفتكر مع بعض الـ inbound methodology والأربع مراحل اللى فيها زى اللى فى الصورة دي :

methodology-highlighted-1-2-3-4

هنلاقي أن كل طريقة ليها هدف أنها تنقل الـClient من مرحلة للى بعدها ، زى مثلا هدف الـAttract Stage أنها تجذب الشخص اللى ميعرفش عنى حاجة “stranger” لـشخص بيزور الـWeb site بتاعك أو الـ Fanpage بتاعتك “Visitor” ، وعشان احول الشخص من مرحلة لمرحلة ، لازم اعمل حاجتين أساسيتن:

  • الـ tactic اللى هعملها عشان اتنقل من مرحلة للى بعدها
  • الـ tools اللى أنا هستخدمها عشان انفذ بيها الTactic ده ..

مثلاً .. فى مرحلة الـ attraction الـ tools اللى هستخدمها الـ social media أو blog … هستخدمها إزاي هو ده الـ tactic .. !

*فى الـblog هعمل Educational Content محترم يفيد الناس وفى نفس الوقت يعلّى Rank الweb site بتاعى فى الـseo.

*الـ social media هعمل viral content يجذب الناس بهدف إنى ابني الـ community بتاعتي.

طب ده ايه علاقته بموضوع الـ(lead nurturing (L.N ؟!

الـ L.N عادة بيظهر في مرحلة الـ closing وبيعتبر هو الـ tactic اللى بستخدمه عشان أبدأ احول الـ leads بتوعى لـcustomers .. الـ tools اللى بستخدمها عشان انفذ الـ tactic ده هو الـ email ، بعد الـ Article ده المفروض تكون عرفت :

  • ايه هو الـ L.N ؟!
  • وليه الـ Email هى أكتر الـ tools اللى فعالة ليه ؟!
  • إيه اللى المفروض اعمله قبل ما أكتب الـcontent أو بمعنى أصح عشان أعرف اكتبه اصلا ؟!
  • شكل الـ content فى الـ email بيكون عامل إزاى وايه الحاجات اللى لازم تبقى فيه .
  • وفي النهاية إيه الـ metrics اللى بقيس بيها نجاح الـ campaign بتاعتى .. كل ده هتكون عارفه بعد ما تقرأ الـ article دى أن شاء الله:)

________________________________________________

يعنى إيه lead nurturing ؟!

عرفنا من شوية أن L.N هو الـ Tactic اللي بستخدمه عشان احول الـlead اللي عندى لـcustomer .. ايه هو الtactic ده بقى؟!
هو أن أنا ببعتله email كهدية فيها معلومات لما يقراها هيستفاد منها .. هتفيده من حيث ايه ؟؟

هتفيده بشكل عام أو هتفيده في وظيفته أو في الشركة بتاعته أو هتحل مشكلة عنده متعلقة بالمجال بتاعك ، بس كل ده هتعمله من غير مايبقى هدفك الأساسى أنك بتبيعله .. أنت هدفك انك تفيده وبس.

البيع هيجي بس مش دلوقتي ، لأن مش كل الـ leads جاهزين يشتروا ، والهدف من الـ L.N إنك تكون على اتصال بيهم وقريب منهم مش إنك تعرض منتجاتك ليهم .. امال إزاى هحولهم لـcustomer طالما مش هعرض عليهم منتجاتى؟!

أنت فى الـL.N بتجهزهم انهم يبقوا qualified ليك وللمنتج بتاعك وبتمهد لهم عملية البيع عشان ميحسوش إنك بتتمصلح عليهم ,, ماهو مهما كانت الشركة كبيرة وبتبيع منتجات بـquality عالية ، لو الـ customer أو الـbuyer حسوا أن أنت أهم حاجة عندك هى الربح مش هييجوا عندك تاني ، رغم أن من حقك تفكر في أرباحك ، بس الفكرة إنك تخليهم هما فى المقام الأول.

اهو المبدأ ده بقى لما بنيجي نطبقه فى الـinbound بيبقى اسمه الـL.N . و الموضوع بيبقى value بتضيفها بتأثر فيه وبتخلي علاقته بيك قوية ، عشان بعد كده يبقى عندك permission انك تبعتله الـsale mail ، وساعتها هياخدوا فى عين الإعتبار و مش هيعتبروا spam. وهنتكلم عن الـ Inbound Sales فيما بعد.

ليه اعمل L.N بالEmail :

بغض النظر عن أن الـemail تعتبر effective tool فى الـmarketing عموماً ، وده لأن فى حوالي 77% من الـConsumer بيفضلوا أن الشركات تسوق ليهم من خلاله. وبالتالي هنلاقي أن الـ ROI بتاع الـ Email marketing حوالي 4,300% لسنة 2013 بس .

يبقى وصلنا لأن الـemail برده يعتبر tool أساسية لما أعوز اعمل L.N للأسباب دي :

1: لأن الناس بتفتح وقت ما هي عايزة وبكده هضمن أن أنا مش هزعجهم أوهيحسوا أن أنا بكلمهم فى وقت مش مناسب ، يعني برده هستنى منهم الـ permission فى أنهم يفتحوا الـ email بتاعي ويقرروا يقروه.

2- تعتبر Archivable يعني لما أبعت سلسلة من الـ Email هيستفادوا ساعتها وممكن يرجعولها فى أى وقت .

3-بيديني مساحة أنى اقدم الـcontent اللى أنا عايزاه أيا كان نوعه article, video, photo.

إزاى أكتب content فى الـL.N ؟!

في ناس بتلاقي صعوبة فى كتابة الـcontent بشكل عام ، وناس تانية فاهمة أن المفروض أكتب عشان أكتب .. وده غلط! الـContent تعتبر رسالة عايز توصلها للناس اللي أنت محددهم عشان تفيدهم لأن ده هيخدم الـ Objective بتاعك ، يعني لو الobjective بتاعك تكون أحسن واحد فى الإقتصاد فالناس هتقرر منين أن أنت أحسن واحد في الإقتصاد غير لما تقدملهم حاجة تفيدهم وتساعدهم في شغلهم !

وعشان توصل الرسالة بتاعتك صح ، يبقى خليها فى سياق مناسب يجذبهم أنهم يستقبلوا الرسالة بتاعتك دى (Context) ، عشان كدة أنا بعتبر الcontent والـ context وجهان لعملة واحدة اتفاقهم مع بعض بيحقق الobjective بتاعي !
لو اخدنا الكلام اللي فوق ده وطبقناه على الـ L.N يبقى لازم ناخد فى اعتبارنا شوية حاجات قبل ما نكتب أى content !

4 حاجات محتاج تعرفهم قبل ماتكتب الL.N content

  • ايه الهدف بتاعك ؟

    أنت لما بتيجى تعمل L.N بتعمله عشان حاجة من الثلاثة :
    1-عشان عندك leads عايز تعمل لهم Rewake
    2- أو إنك عايز تخليهم MQL
    3- هما بالفعل MQL بس محتاجين يبقوا SQL.

    لو اخترت واحد من الثلاتة دول بناءا عليه ـنت هتعرف تكتب ايه ليهم …

  • مين الـ buyer persona ؟

    عشان اعرف أنا هكتب ايه لازم اعرف أنا هكتب لمين ؟ سبق قبل كدة واتكلمنا عن الـbuyer personas وازاى احددهم ، الـ buyer personas مهمة في أى مرحلة لأن ده يعتبر الـideal customer بتاعك ، عشان كدة لازم تبقى اول حاجة هحطها في بالى لما أجي اكتب content .

  • هما في أى مرحلة من الـBuyer Journey ؟!

    الـbuyer journey هي عبارة عن 3 مراحل بيمر بيها الـ customer قبل مايقرر يشتري المنتج منك أو من غيرك .. وطبعاً فى كل مرحلة أنت لازم تكون صديقه بس من غير ما يحس إنك عبأ عليه الـ3 مراحل هما :

    1-awareness : ودي بقى أول مرحلة وهي ان الـbuyer بيحس أن عنده مشكلة بتواجهه بس مش قادر يصنفها أو يلاقي لها اسم .. فهو في البداية اصلا مش عارف مشكلته ، فطبيعي مش مستني حد يعرضله منتج ما ويقوله أن ده هيحللك مشكلتك ! طب هو ايه ضمنه ان ده هيحل المشكلة بتاعتي؟!
    و بالتالى المرحلة ديه محتاجة أننا نكتب educational content بتعرّفه نوع مشكلته وبتديله حلول مبدأيا يطبقها وده عشان يعرف بالظبط هو ايه اللي بيعاني منه ونديله خطوة مبدأية لحل المشكلة بتاعته ,, وبكده هيبقى وصلت لحاجتين أنه بقى مطمن ليك نوعا ما ، وكمان هو عرف ايه مشكلته .. وده بينقلوا في مرحلة الConsideration

    2-الـconsideration: هو خلاص عرف اسم مشكلته وحالياً بيدور عندك وبيدورعند غيرك وبيعمل list بالأماكن اللى معاها الحلول .. وهنا ده بقى دورك أنت فى منافسة مع اللى حواليك. اللي هيفرق بينك وبين غيرك الـ Authority والـ content بتاعك ، أنت المفروض تبدأ تزود الـ value عنده أكتر من كده عن طريق actionable content ، حاجات المفروض يعملها عشان يحسن من حالة المشكلة اللى عنده ، وكل ما كان التواصل معاه مستمر وفى سرعة فى الـ responding كل ماهتكون فى باله اكتر ,, وعلى أول قائمة الـ decisions

    3-الـdecision : ودى أخر مرحلة اللى العميل فيها بيقرر أنه هيشترى منك ، هو عرف مشكلته وعرف حلول ليها ، وهيبدأ فى الخطوات الفعلية لحل مشكلته اللى من ضمنها أنه يشترى المنتج بتاعك. بس عشان تقدر تساعده فى المرحلة دى كل اللى عليك تعمله انك تبعتله product demo أو case study عن ناس اشترت من عندك و نجحت بسببك .

  • تقسيم الـ data اللى معايا لـ segments :

    المفروض أن أنا معايا الـdata base بتاعة الـleads على كل LEAD GENERATION OFFER أنا قدمته ، و المفروض أن كل offer من ده كان لـbuyer persona معين .. اذن ده معناه ان الـdata base اللى معايا هى اسقاطات للـ buyer personas اللى عندى ، بس بشكل تفصيلى ومعلومات واضحة عنهم .
    طيب المفروض بقى الـdata base اللي معايا دي هتشقلب بيها واحولها لكذا segment وكل segment يبقى ليها كذا campaign. بس قبل مانعمل كده نسال نفسنا ليه ؟ عشان إجابة سؤال ليه .. هتخليك تعرف تعمله إزاى ؟

    أنا بعمل الsegmentation لسببين أساسيين :
    1- ازود معدل وصول الـ E-mails :
    المفروض كل سنة تعمل Filtration للناس اللة مش بتفتح ال،Emails بتاعتك و تفصلهم عن بقية الـLeads ومتبعتش ليهم تانى. طيب فيها ايه لو بعتلهم حتى لو مافتحوش ؟! وايه علاقة ده بزيادة الـDelivering Rate بتاعة الـ Email بتاعتى ؟!
    سواء gmail ولا yahoo ولا hotmail لما بيلاحظوا أن الشخص اللي بتبعت ليه مابيفتحش الـ Email بتاعك تلقائيا كده بيحطوك فى Spam folder بتاعه ، وبناء عليه ده بيخليهم يعلّموا عليك وأى Email أنت بتبعته بيتحط فى الـ Spam folder ، وبالتالي بيقلل نسبة وصولك للناس. عشان كدة لازم تعمل filtration وتحط الناس اللي مش بتتفاعل معاك في Segment لوحدها عشان متبعتلهمش تاني .

    2-أزود الـenagagement:
    كل ما كان الـlist بتاعتك specifics لناس معينة وبتمس احتياجاتهم ده معناه أنهم هيفتحوا الـ email بتاعك ، وهيستنوا بقية الـ emails اللى هتبعتها. الشطارة مش أنك تكتب Content يروح لأكبر عدد من الناس ، الفكرة أن أنت تعرف تقسم الناس اللى لو بعت ليهم الـ content ده هيعملوا Engagement معاه لأنه هيمسّهم زى مثلا (أنهم يدخلوا على الـ Links اللى جوه الـ mail ، أو يعملوا Forward ليه ، أو يردوا عليه )

    فة أمثلة كتير لـ Segmentation تقدر تقسم الناس على أساسها وتشوف هتبعت ليهم ايه .. من ضمن الأمثلة دى :

    * demographic list: وده معناه إنك هتقسم الناس على حسب المكان اللي عايشين فيه سواء كان بلد أو كانت منطقة أو مدينة .. ودى هتساعدك طبعاً لما تيجى تكتب الـcontent من حيث اللغة اللى هتكتبها ، لو فى events معينة هتحصل فى البلاد دى ، ثقافة المكان اللى جي منه ممكن من خلاله تعرف الـmentality بتاعتهم عاملة ازاى والـbehavior وده هيخليك تحدد الcontext بتاعك اكثر.

    * firmographic list: ودى معناها إنك هتقسم data اللى عندك على حسب حجم الشركات اللي بيشتغلوا فيها والـindustry بتاعتهم

    * role list: ودى بقى بقسم كل واحد على حسب الوظيفة اللي بيشتغل بيها والـdepartment اللى بيشتغل فيه فى الشركة .

    *behavioural list : ودى بقى الـdata بتتقسم على حسب الـ behaviour بتاع الناس من حيث بيفتحوا الـemail بتاعك كام مرة ، بيردوا وبيتفاعلوا مع اللى أنت بتبعتوا ليهم ولا لأ.

    *customize segment : طبعاً متاح ليك جدا انك تعمل mix ما بين الأربعة دول يعني تحضر Campaign لناس ساكنة في مكان معين ليهم وظيفة معينة بحجم شركة معين وليهم behaviour معين في استخدام الـ Email.


الأربع حاجات دول الـgoals والـbuyer persona’s والـbuyer journey والـ segmentation لو قدرت تحددهم صح .. هتقدر تعرف هتكتب ايه أوازاى؟!طيب لو فرضنا إننا دلوقتى معانا فكرة الـ POC اللى هنكتب فيها وهنقوّم عليها الـCampaign ، المفروض يبقى شكلها ازاى وهتطلع بأى إخراج عشان تحقق الـtarget المطلوب منها .. هنا يجى دور انك تعرف الـcontent اللى هتبعته فى الـemail يبقى شكله إزاى ومحتاج ايه .

شكل الإيميل عامل إزاى ؟! :

  • الـheadline:

    من الضرورى إن الـ Headline يكون Attractive لاحظ أنت بتبعت ايميل لواحد بيجيله في المتوسط 30 email فى اليوم ، وهوبيعمل check للـemails بتاعته فى نص ساعة قول ساعة بالكتير . بس يعني لازم تشد انتباهه بالعنوان اللي بتكتبهوله اللى يحس من خلاله أن لازم ودلوقتي حالاً انه يفتحه .. لازم كمان يكون الـ headline زى ماهو Attractive يكون related بالـ content المكتوب جواه .. لأن لو غير كدة هيبقى SPAM.

    Capture

  • متنساش الـpersonlize:

    الـemail عبارة عن واحد بيكلم واحد والهدف منه إن أديك حقك فى الإهتمام بيك وده يخليني اهتم جدا بحتة الـ personalization فى الآتى :

    -الـemail اللى أنا ببعته يكون شخصي مش بتاع شركة .. لأن في دراسة اتعملت أثبتت أن الـopen rate بتاعة الـpersonal email sender بتزيد بمعدل 3-5% عن email الشركات

    -التحية تبقى personal يعنى يتقال اسم الشخص اللى هبعتله ، لأن ده بيديله إحساس أن أنا عارفك وأن الـemail ده يخصك أنت .

    -الـcontent بتاعك كأني بكلم واحد فى مكتب ، مش بدي خطبة في جامع! .. هتزود الـpersonality ويا سلام بقى لو جبتلوا معلومة عنده وحسسته إنك متابعه زى مثلاً اتمنى أن كتاب “X” اللى أنت نزلته من يومين يكون عجبك والنهاردة أنا بعت لحضرتك form تسجل فيها لـ wibnar ليه علاقة بالكتاب ده.

    -الـpersonal Signature يعنى لازم تكون كاتب تحت اسمك ووظيفتك فى الشركة اللي شغال فيها دي هيحسسه بالثقة أكتر و أن مش ألة اللى بتكلمه .

    1

  • الـ content structure:

    الـcontent structure بتاعي يُفضّل يبقى bullet point أو بمعنى آخر ما يكونش فيها رغي كتير يعني جايب الزتونة من الأخر ، وبتدله على اللى هو عايزه على طول وبأسلوب واضح .. ممكن تبعتله links مقالات أو فيديو مع شرح مختصر عن محتواه ، المهم خد فى اعتبارك أنه مش فاضى ، وكون أن يديلك اربع دقايق من مجموع الوقت اللى بيقضيه على الـ E-mail ده في حد ذاته انجاز.

    فى ناس بتبقى واخدة permission من الناس أنهم يكتبوا emails طويلة ، بس بيكون عباقرة وليهم authority قوية جدا. زى مثلا Ramit Sethi .. أسلوبه الأساسي فى الكتابة هى الـ emails الطويلة ومع ذلك في ناس بتخصص وقت معين عشان تقرأ الـemails بتاعته. وده لأنه عرف يقفش sense الـ personalization ويقدملك الـ value اللى متوقعة منه .. أنا مفيش Email ليه غير لما بحس أنه بعته ليا مخصوص .. فطبيعي إن أنا هقراه ليه .

  • متنساش الـ CTA:

    أهم حاجة فى الـcta اللي أنت هتحطها تكون كالآتي :
    *واضحة من حيث الـtext والمكان اللة محطوطة فيه ، وكمان راعي وأنت بتكتب أن كلامك يبقى فيه action verbs زى اتعلم , اقرا الـ article دى , أو شوف الvideo ده ، وشيء أساسي انها تكون راقية مش share فى الخير.
    *تكون منطقية أن الشخص ده يعملها وفي نفس الوقت أنت تحسها عندك … يعني مش هكتب article عن إزاي تعمل strategy والـ CTA بتاعتك تقوله قوم اعمل Strategy . بس ممكن تكون الـ CTA دى “Download” لـ Template تساعده في الـ Strategy اللى هيعملها… ساعتها هتكون سهلة على الشخص أنه يعمل Download وملموسة ليك لأنك هتعرف بأى Software عندك الشخص اللى قرا استجاب للـ CTA ولا لأ

    *و أخيراً مش هوصيك طبعا أن الـ CTA بتاعتك تبقى ليها علاقة بالـ content اللى بتقدمه.

Bounce tip:

-خد فى اعتبارك انك تحط frequency مناسب ، وده بيتوقف على نوع الـcontent اللى أنت عامله والـbehaviour بتاع الـbuyer persona بتاعك ، ونوع الـtopic اللى بتتكلم فيه ..

-ركز أوى على حتة الـ personalization يعني خد بالك فى الـcontext بتاعك أن أنت بتكلم شخص واحد ومش بس كده .. شخص واحد أنت عارفه معرفة عن ظهر قلب ..

إيه الـmetrics اللي بقيس بيها نجاح الcampaign بتاعتي؟

اهم اربعة metrics أنت المفروض تعرفهم:

  • open Rate
  • delivery rate
  • open internal Url
  • Click through rate

وفى tools كتيرة بتقيس الـ performance بتاع الـ email campaign بتاعتك ممكن تستخدمها زى Mailchimp أو Activecampaign

ماذا بعد الـ lead nurturing ؟!

دلوقتي بعدماعرفنا معلومات أكتر وبشكل تفصيلي على الـ lead nurturing تقدر دلوقتي تعمل content للـ leads بتوعك ..عشان تقوى علاقتك بيهم . وكدة تبقى قطعت شوط كبير في مرحلة الـ Closing بس ناقصلك جزء بسيط عشان توصل لمرحلة إن أنت بتعمل Close Deal للـ Sales qualified leads بتوعك .. و ده عن طريق إنك بتظبط الـ sales mail تبعته في الوقت اللي بيوصل فيه الـ lead لـ Score معين إنت حاطه ليه . والـScore ده بيكون بناءا على اتفاق بينك وبين الـSales team .

الأربع سطور الأخيرة دى هنتكلم عنها بالتفصيل .. في الجزء التانى من الـarticle .

ولو بتستخدموا الEmail marketing ايه الـtools اللى بتستخدموها دلوقتى ؟!

Sara Gad

“2”Student activity ـ7ـ مطبات اوعى تلبسهم لو شغال فى

“2”Student activity ـ7ـ مطبات اوعى تلبسهم لو شغال فى

ـ7ـ حلول لمشاكل هتقابلك لو شغال فى Student activity

تنبيه هام – كلاكيت تانى مرة – : لو عايز تقرأ الـ article ده ياريت تقرأ الـجزء الأول من هنا , بعد ما تقراه  أوعدك إن ده أخر article هنكتبه يخص الـ Student activities بس , وبداية من الـ article اللى جاى – واللى هيكتبه  Ahmed Khaled  – هيبقى الكلام موجه للـ NGOs بكافة أنواعها , و الحقيقة أنا مبسوط جدا أنه هيشاركنى فى الجزء ده لأن ده هيعلى المنافسة بينا بشكل جنونى – اه منافسة جوا team واحد عادى 😛 – فهنحاول نعلى مستوانا على قد ما نقدر والمستفيد الأول من ده فى الأخر هو أنتم كقراء 🙂

فى الـ article الأول اتكلمنا عن الـ 7 مطبات وعارف أن فى ناس اضايقت من الأسلوب لكن احنا كنا متعمدين نتكلم بالطريقة ديه عشان الـ 7 مطبات دول أصلا موجودين بالفعل فى أى Student activity لسه بادئ , كمان أنا كنت متعمد أقولهم بالطريقة ديه – اللى شافها البعض منفرة – عشان أقدر أوصل لأى حد عنده المشاكل ديه بقد ايه المكان اللى شغال فيه فى خطر !

ليه الجزء التانى ؟

الجزء التانى معمول مخصوص عشان لو عندك أى واحدة من المطبات السبعة دول ومعرفتش تعالجها تقدر تعالجها بخطوات عملية لكل مطب من السبعة ..

المطب الأول:الـ Vision & Mission دول القانون و الدستور



قبل ما تبدأ تعمل أى حاجة مهما كانت صغيرة لازم الأول تبقى محدد ايه هما الـ Vision & Mission اللى أنت ناوى تمشى عليهم مش بس “تبستفهم,, فى الورق” لأ أنت المفروض تكون فاهمهم و حافظهم زى اسمك و تسمعهم فى كل وقت و تقِّيم على أساسهم كل event أو activity قبل ما تعمله هل هو فعلا بيخدم الـ Vision&Mission بتوعك ولا لأ ؟!
كمان بعد ما تعملهم لازم تحدد مين هما الـ Buyer Persona بتوعك ؟
عارف أن كل ال buyer Persona أو على الأقل 99% منهم هيكونوا طلبة بس الطلبة دول أكيد ملهمش نفس الـ interests ولا الـ Worldview ولا الـ Challenges . اللي بناءً عليهم هتحدد ازاي هتوصل الMission و الـVision ليهم
لو عايز تقرأ أكتر عن الـ Buyer Persona ممكن تقرأ أول جزء فى الكتاب التانى لينا من هنا



المطب التانى: قوتك بوزن الناس اللى معاك مش بعددهم

فى فرق كورة لما تيجى تقيس حجم الفرقة مش بتقيسها بعدد اللاعيبة اللى فى الفرقة لأن كل فرق العالم ما بين (22-30) لكن بتقيسها بأسعارهم , عشان كده دايما يقولوا ريال مدريد أتقل فرقة فى العالم عشان لما تيجى توزنه هتوزنه بأسعار لاعيبته فهتلاقى أنك بتكلم فى رقم خزعبلى من الملايين مفيش فريق تانى يقدر يكسره!
بلاش مثال الكورة عشان يمكن أكون بفتى.  فى الشركات لما تيجى تقيم حجم فريق عمل فى شركة ما مش بتقيسه بأن عدده كام لأ بتقيسه بعدد الناس الجامدة اللى فيه ( كام واحد عمل دكتوراه , كام واحد عمل ماجيستير , كام واحد سافر بره , كام واحد عمل اختراع , وهكذا) .. الخلاصة من ده كله أن والله العظيم العبرة مش بالعدد ومتفرحش بعددك , افرح بجد لو كل واحد فى الـ team بتاعك عنده ميزة الـ Competitors و الـ Fans بتوعك مندهشين منها .
أريحك ؟ .. لو فى حد فى الـ team بتاعك حاسس إن بِيه أو من غيره الشغل هيمشى ووجوده مش فارق وممكن تجيب أى حد مكانه يعمل شغله اعرف أن ده محسوب عليك مش ليك و لو الأغلبية عندك كده يبقى أنت فى مصيبة !

عشان تقلل الفجوة ديه لازم من الأول تكون فاهم المكان الصح لكل واحد واللى هيخليه يدى أقصى حاجة عنده , وقبل ده كله الناس اللى هتضمهم للـ team بتاعك يبقوا فاهمين كويس الـ Mission & Vision مش داخلين حفلة تعارف .

المطب التالت:أنت مش عايش فى يوتبيا !

وجودك ما بين صحابك و حبايبك عمره ما هيحميك من الفشل بالعكس ممكن يكون السبب الرئيسى لفشلك لأن صحابك والله مش أعلم أهل الأرض حتى لو هما أكتر ناس أنت بتثق فيهم. كل ما هتقدر تزود عدد “العقول” اللى بتفكر بطريقة مختلفة – بشرط يكونوا متفقين على الـ Vision & Mission  – كل ما هتضمن وجودك فى مركز متقدم قدام الـ Competitors بتوعك.

المشكلة اللى ممكن تقابلك لو قدرت تعمل اللى فوق ده هو أنك تعمل Brain storming صح بخطوات محددة و بشكل علمى عشان تقدر تطلع أحسن الأفكار .. لو عايز تعرف ازاى ممكن تعمل Brain storming صح ممكن تعرف من هنا 

نصيحة إضافية: المطب ده ممكن من الأول ميكونش قصدك تقع فيه بس بتوصله تلقائياً, ازاى ؟ فى وقت الزنقات ممكن تلاقى أن اللى أسهلك لو فى tasks إضافية إنك ترميها على صحابك عشان هما اللى يستحملوا , وبيبدأ ده يتحول من مجرد استثناء لحاجة طبيعية أن أى حاجة بترميها على صحابك الأول وبالتالى اللى مش صاحبك يُستبعد بالتدريج من الشغل.

المطب الرابع: أول واحد عمل كورسات فى الجامعة عبقرى لكن الباقى كلهم عادى !!

الحقيقة أن الشخص اللى قرر يعمل  أول كورس فى الجامعة هو أكيد شخص عبقرى (أيا كان اختلافنا على أهمية الكورس فى حد ذاته) بس الحقيقة برضه أن أى حد بيقرر يعمل كورس دلوقتى هو فى النهاية شخص عادى مجبش حاجة جديدة اللهم إلا لو بيعمل حاجة مبهرة مدرستش قبل كده أو محدش غيره بيدرسها .

قيس على ده أى حاجة تانية أنت بتعملها , لو أنت بتعمل حاجة بيعملها غيرك أو بالنسبة للـ Buyer persona بتاعتك هى حاجة عادية أرجوك متعملهاش أو قلل منها على اد ما تقدر إلا لو هتضفلها حاجة فعلاً تبهرهم و تزرع جواهم أنك فعلاً مختلف عن أى حد تانى. عشان طول ما أنت بتقدم الحاجة العادية أنت هتفضل فى نظر الناس عادى وعمرك فى يوم ما هتعمل ambassadors يبقوا ملهوفين على الحاجة اللى هتعملها.

اقرأ تانى الـ Purple Cow 😉

المطب الخامس: الـ Meeting هو أهم ساعتين فى حياة الـ Activity  بتاعك

 

كل  meeting تقدر تقول عليه بدون مبالغة هو أهم وقت فى عمر الـ activity بتاعك , ده طبعاً لو قدرت تستغله صح !
ازاى بقى تستغله صح ؟! .. أول حاجة متعملش meeting إلا لو أنت عارف ايه بالظبط هتناقشه فيه مش بس موضوع عام لأ ده نقط موجودة فى list و متقسم الوقت على النقط ديه ,  والـ list تكون مبعوتة لكل الـ members اللى هيحضروا بلا استثناء .. ده هيوفر عليك وقت كتير فى مقدمات بتهلك نص الـ meeting . ولو أنت member و اتبعتلك ميعاد meeting وأنت متعرفش ايه اللى هيتناقش فيه بالتفصيل صدقنى وفر وقتك و متروحش عشان فى الأخر مش هيطلعوا منه بحاجة!

لو أنت مسئول عن تنظيم الـ meetings ومشيت على ده أوعدك أن درجة الإنجاز فى كل meeting هتزيد على الأقل الضعف

المطب السادس: عايزين فلوس!

أكيد من تجربتك عارف أن الإشتراكات من الـ members مش حل و أنك مهما لميت هتوصل لنقطة أن محدش مستعد يدفع تانى خلاص , وممكن تكون جربت الـ Fundraising وبرضه مجبش نتيجة مش عشان العلم فاشل بس عشان أنت اللى مقدرتش تستخدمه صح !
الموضوع مش طلعة كده و هتسأل فى وسط meeting ” مين يا جماعة هيدورلنا على Sponsors ؟!” فاتنين يرفعوا ايديهم فخلاص دول اللى يمسكوا الموضوع!
الموضوع علم كامل لازم ياخد حقه لو عايزه ينجح فحاول فعلا تدى الفريق بتاعك فيه sessions و بعد كده اللى هيهتم و هيثبت كفائته هو اللى يبقى مسئول !

(من أبرز الناس اللى اتعلمت منهم شخصياً واللى ممكن يفيدوكوا فى الـ Fundraising هى Yasmine Madkour  .. اتشقلبوا و اوصلولها هتفيدكم كتير 😀 )

المطب الأخير: صلح بس متهدش

خلينا نتفق أن أكبر فترة ممكن تقعدها فى الـ Position بتاعك هى سنة أواتنين بحد أقصى .. لو متخيل أنك (لوحدك) ممكن تبدأ من الصفر و تبنى system كامل فى المدة القصيرة دي و يستمر حتى بعد ما تمشى فأسف أنت بتحلم !

قدامك حلين فى أى مكان تمسكه إما إنك  شايف اللى قبلك كان بادئ كويس فهتكمل عليه مع تعديل النقط الغلط من وجهة نظرك , أو إنك هتحط نظام جديد مع الإستعانة بكل الخبرات اللى كانت قابلك .
المهم فى الحالتين إنك متهملش الناس اللى اشتغلت قبلك لأنهم أكيد أكيد عندهم خبرات أكتر منك و معلومات هتسندك و عارفين تجارب أنت أصلا مشفتهاش!

خلاصة الإتنين Articles  دول أنك متمشيش فى أى حاجة بتعملها بالحب حتى لو Student activity لأنك هتتعلم فيها كتير ولأن دي الفرصة الوحيدة اللى فى حياتك اللى هتقدر تـ manage فيها مكان بدون ما يكون قرارك متأثر بضغط مكسب أو خسارة مادية “كبيرة” .

من الـ article الجاى هنبدأ نتكلم عن الـ Social media  للـ NGOs و ايه النقط اللى لازم تاخد بالك منها لو بتـ manage Social media account لـ NGO

استعدادً للـ article الجاى عايزين نعرف هل فى حد منكم اشتغل على NGO’s account على Social network تانية غير الـ Facebook قبل كده “بشكل مستمر” و ايه أكبر مشكلة واجهتكم ؟

Shehab Gomma

أم الـSocial Media

أم الـSocial Media

بقالنا شهور كتير بنشرح المعني الحقيقي للSocial Media لأنه اهم من الـSM نفسها بس دايما كنا بنحس ان فيه ناس برضه مش مستوعبه فقررنا نصدمكوا 🙂 الـ Article ده هو اسهل واحد كتبناه عشان نشرح يعني ايهSM

أم الـsocial media .. اه امها

قبل ما دماغك تروح وتيجى تعالى نتفق ان كل حاجة فى الدنيا ليها أصل و بيطلع منها فروع

احنا كبنى آدمين مثلا اصلنا آدم وحوا

طب الـsocial media مين اصلها ؟ مين امها ؟

الـsocial media  اصلها الـsocial life فا بكده يبقى الـsocial life هى أم الـsocial media 😀

طب احنا ممكن نستفيد ايه لما نعرف  أم الـsocial media  ؟

أكيد أكيد هنستفيد كتير جدا لأن احنا لما نعرف أصل اى حاجة هنعرف نوصل لمعلومات كتير عنها

تعالوا نشوف البنى آدم فى حياته الاجتماعية المفروض يكون عامل ازاى و نربط ده بالـsocial media

تعالوا نتفق ان البنى آدم المفروض يكون عايش عشان هدف معين او رساله معينه فى الحياة و عشان يعرف يحقق الهدف ده لازم يشتغل عليه كويس و يشتغل على نفسه و على الـskills بتاعته و كل شوية يشوف هو ماشى صح فى طريق هدفه ولا لأ و يحاول يستخدم كل الـresources المتاحة ليه و يبقى انسان ذكى يعرف يوصل للى هو عايزه بأحسن الطرق

وكمان اى بنى آدم بيحب يكون محبوب و أكتر واحد الناس بتحب تعتمد عليه و أول واحد بيفكروا فيه لو عندهم مشكلة او عايزين يخدوا رأيه فى موضوع و ده بيحصل من خلال انه يكون انسان بيغير في حياة الناس دايما وبيحب يشاركهم لجظات حياتهم الحلوة و بيقف جنبهم دايما و طبعا يكون انسان كويس مبيكدبش عليهم مش بيحاول يستغلهم .. يكون دمه خفيف ومريح فى التعامل

كل الحاجات دى لو فكرنا هنلاقى اننا بنعملها فى حياتنا الاجتماعية دايما .. بس اللى ممكن ناس كتير متعرفهوش ان الحاجات دى هى أساس الـsocial media!!

و عشان كده  ” أم الـsocial media ” 😀

دلوقتى بعد ما عرفنا البنى آدم بيحب يكون ازاى فى الـsocial life المفروض يكون عامل ازاى فى الـsocial media

مبدأيا انت كـbrand على الـsocial media لازم يكون ليك  goals  و objectives معينة لازم تحققها

مش تبقى عامل fb page  أو twitter account عشان يبقى اسمك موجود و خلاص !!

وده بيحصل من خلال انك تكون عامل strategic plan  واضحة عارف منها انت المفروض هتعمل ايه و هتوصل لإيه

و طبعا لازم تتعب على الـcontent اللى بتنزله لأنك كل ما تتعب و تعمل Research أكتر كل ما هتقدم حاجة valuable أكتر و ده هيحبب الناس فيك أكتر و أكتر .. و طبعا العكس كل ما تستسهل أكتر كل ما هتبقى عادى وفى زيك كتير فى هجيلك انت ليه

الجزء ده فى الـsocial media شبه هدف البنى آدم و رسالته فى الـsocial life .. مش قولتلكوا امها 😀

اى brand على الـsocial media  لازم يكون يستحق يتصاحب و بيساعدنى دايما و بيقدملى  value جديدة و معايا فى كل وقت عشان أحبه و افضل بحبه

ويكون بيتكلم زيى وعايش نفس اللى انا بعيشه عشان يحس بيا

تخيل كده انك فى مشكلة كبيرة و قاعد تحكى لواحد صاحبك و انت متضايق وهو مثلا عمال ياكل و مش مهتم باللى بتقوله!!

بذمتك هتروح تتكلم معاه تانى؟!

أو مثلا انت محتاج معلومة ضروريه من واحد صاحبك فا بتسأله فا ينفضلك ميردش عليك خالص او يرد بعد ما تكون مش محتاج المعلومة دى .. هتفكر تساله فى حاجة تانى؟ أكيد لأ!!

و عشان كده لازم كل  brand يبقى عايش مع الـaudience بتوعهم و يشاركهم كل المناسبات بتاعتهم .. الاعياد مثلا و يقدملهم حاجة valuable أو مفاجآة  فى المناسبات دى

و لازم يرد على الـcomments فى أسرع وقت و يفتح كلام دايما مع الناس اللى بيتابعوه من خلال انه يسألهم اسئلة و يعمل  content يحل بيه مشاكلهم او يجاوب على أسئلتهم

وده بيخليه أول حد بيفكروا فيه لما يحتاجوا اى حاجة او يقعوا فى مشكلة او يبقى عندهم استفسار

أول ما تبقى فى المكان ده فى دماغ الناس اللى بيتابعوك فا انت بتبتدى تتحول لـthought leader

و الـthought leader ده يعني اكتر حد بيفهم في المجال بتاعه .. لو عرفت يبقى ده الـposition بتاعك فى دماغ الناس اللى بيتابعوك فا انت كده أكنك بقيت اكتر واحد فاهم و محبوب فى وسط صحابك في حاجه معينه  .. و دى حاجة حلوة جدا لأن اى فكرة هتقولهالهم  في الجزئيه دي مثلا هيعملوها على طول لأنهم مقتنعين انك اكتر حد فاهم و عارف

و طبعا عشان تبقى أكتر واحد محبوب فى صحابك مينفعش تبقى بتستغلهم او بتكدب عليهم او بتوعدهم بحاجات ومتنفذهاش

فـ انت كـbrand أوعى تعمل الحاجات دى

قولنا قبل كده و هنفضل نقول ان الـsocial media مش مكان معمول عشان البيع

الـsocial media عشان تحبب الناس فيك و عشان تصاحبهم فا تبقى اول مكان يفكروا فيه لما يحبوا يشتروا الحاجة بتاعتك

معظمنا عندنا صاحب شغال فى “كيونت” و مبيكلمناش غير عشان يقنعنا نشترك معاه فا بيبقى عندنا احساس انه عايز يستغلنا وخلاص و دى حاجة بتخلينا نكره الشخص ده و منردش عليه لما يكلمنا

نفس الفكرة لو فى brand طول الوقت عمال يقول انا بقدم احسن منتج انا عندى احسن حاجة تعالوا اشتروا منى .. أكيد هنقول ده عايز يستغلنا وخلاص

و برضه الناس مش بتحب الشخص الكداب أكيد

فا لو  brand كدب و اتكلم عن حاجات مش عنده مثلا صعب اوى يلاقى حد بيثق فيه

و طبعا لو وعدت صحابك بحاجة ومنفذتهاش هتبقى فى نظرهم “بُق” و بتاع كلام  و أى حاجة هتقولها مش هيسمعوها

فا بلاش توعد الـaudience بتوعك بحاجة متعرفش تعملها

لازم لازم لازم الـbrand يكون بيتكلم زى الناس اللى بيتابعوه و بيحس بيهم

تخيل كده لو بتقول لواحد صاحبك ” ازيك يا معلم عامل ايه” و رد عليك قالك ”  I’m fine .. thank you”

طبعا هتحس ان فيه مشكلة!!

او بتقول لواحد hi فا يقولك نهارك سعيد! 😀

من اهم قواعد الSocial Media هي ـspeak their language

لو حد كلمك كلمه عربى كلمه عربى .. لو اتكلم فرانكو كلمه فرانكو ولو اتكلم انجليزى كلمه انجليزى

دى حاجة بديهية فى الـsocial life بس فى كتير مبياخدوش بالهم منها على الـsocial Media
بس خلي بالك احنا بنتكلم علي الرد لاكن لو انت اللي هتتكلم (هتـPost ) يبقي لازم تتكلم بالطريقه اللي تعبر عنك بأحسن طريقه

كمان لازم الـbrand يبقى بيحس بالـaudience بتوعه ميبقوش فى ايام امتحانات مثلا وهو عمال يكلمهم عن الاجازة و السفر 😀 ولا يبقى عيد و هو بيكلمهم عن رمضان مثلا 😀

و مهم انه يكون متابع كل اللى بيحصل حواليه فى الوقت ده

الناس بتحب الشخص اللى عنده معلومات جديدة دايما

بناءً عليه

الSocial Media فيها حجات كتير صح و حجات كتير غلط و عشان يكون معاك بوصله و انت بتشتغل عليها محتاج تسأل نفسك سؤال واحد بس قبل اي Action هتخده علي الSM و هو
“لو انا قاعد معي الشخص x و فيه ناس كتير قاعده معانا , هل لوعملت الAction ده هو و الناس اللي قاعدين معانا هيحبوني اكتر و لا هيكرهوني , بعد ما تخلص الخروجه دي هيكونوا عايزين يكلموني و يقعدوا معايا تاني ولا لأ “

هو ده ميزان الSocial Media اللي يعرفك اي حاجه انت بتعملها صح ولا غلط

و عشان كده الـsocial life هى ” أم الـsocial media  ” 😉