هو ايه الROI بتاع لمؤاخذه أمك ؟

سامحني لو اللغه اللي مكتوب بيها عنوان الArticle دي سوقيه شويه انت اكيد عارف ان اهم حاجه عندنا اننا نوصل المعلومه بأسهل طريقه ممكنه

مرة كنت بعمل Meeting مع Potential Client عشان اقنعه بأهمية الـ Social Media بالنسبة له، و كان الـ Client كل همه يخرج مني بكلمة واحدة (لو دفعتلك 10,000جنيه هترجعهم كام بظبط)… يعني قلي الـ Return On Investment على الفلوس اللي هديهالك قد ايه، لأني عندي Budget محددة لازم اوصل بيها لـ Targets محددة. هو كان عايز رقم، مجرد رقم، و كان هيديني الفلوس و انا عارف ان اي رقم هقوله مش هيكون اكتر من انه “زغللة عين” لأن فعلاً محدش يقدر يحسب الـ ROI الحقيقي بتاع الـ Social Media حتى لو حسب الفلوس اللي جت من وراها.

المهم الحمد لله الـ Deal باظ لأني مقدرتش اقنعه ان منظوره للموضوع غلط، و ان في جزء هو مش شايفه من الصورة.

الاسطورة بتقول انك عشان تقدر تقنع حد بحاجة، فـ انت محتاج تلمس Personal Experience عنده و تربطها بالحاجة اللي انت عايز تقنعه بيها (و ده بيتطلب انك يا اما تكون عارف معلومات دقيقة عن الشخص ده، او انك تختار حاجة عامة، و ده بيصعب المهمة) و هو ده اللي كان ناقصني ساعتها.

بعد فترة سمعت واحد من الـ Marketing Experts اسمه (اGary Vaynerchuk) و هو بيحكي نفس قصتي بظبط، بس مع الفارق طبعاً.
الفرق بين الكلام اللي انا قولته و الكلام اللي Gary قاله هو انه قدر يربط الـ Social Media بحاجة من الـ Personal Experience اللي عند الـ Client ده (بكل ذكاء)، و اختار الطريق الاصعب (General Personal Experience).

اللي قاله Gary للـ Client بتاعه، و اللي انا معرفتش اقوله

“تقدر تقولي ايه هو الـ ROI اللي “أمك” اخدته لامؤخذه من تعبها معاك؟” (في ما معناه طبعاً)  .. الموضوع كان صادم بالنسبة للـ Client بس بعد شرح Gary للسؤال ابتدت الصورة توضح اكتر.

الموضوع بكل بساطة ان الحقيقة اللي لازم كلنا نعترف بيها هي ان كل شيء في الدنيا ليه Return on Investment                                       بس الحقيقة الاكتر صحة هي:

ان الـ Investment ممكن يكون فلوس، بس ممكن برضه يكون حاجات تانية كتير (مجهود، مشاعر، تضحيه او صبر).
و الـ Return ممكن يكون فلوس و ممكن برضه يكون (ثقق، حب، تقدير، سمعة، نجاح).

امي هي احسن Marketer في الدنيا

انا بالنسبة لأمي بالظبظ زي Project و هي مهمتها انها تنجحه…
امي فعلاً هي احسن Marketer في الدنيا بالنسبة ليا، لأنها قدرت و بجدارة انها تعمل الحاجة اللي تخليني تحت رجليها بقيت عمري…                      هي عملت حاجات مبتتحسبش (سهر و تضحية وتعب و اهتمام)، و لقيت في المقابل برضه حاجات مبتتحسبش (حب، و ولاء، وعرفان بالجميل، والاهم من كده نجاحي لأنه اهم حاجة بالنسبة ليها لأنه اثبات انها نجحت).

عن الـ Relationships اتحدث:

الـ Business بقى اكبر بكتير اوي من مجرد Investment و Profit و Cost… احنا دلوقتي عايشين في زمن مختلف تماماً عن 20 سنة فاتت. احنا عيشين في زمن اسمه Connection Age، اللي هيقدر يوصّل الناس ببعض و يتواصل معاهم، اللي هيقدر و هيفهم معني كلمة Relationship، واللي هيقرر يفيد قبل ما يفكر هيستفيد ايه، و اللي مش هيبص بس علي الفلوس هو ده بس اللي هيكسب في الزمن ده.

Case Study: School of Marketing

Challenge

اول ما فتحت School of Marketing من اكتر من سنتين كان كل همي فعلاً اني اوصل ان الناس بتثق فيا اني اعلّمهم، مكنتش عايز اكسب فلوس، على أد ما  كان هدفي اني الاقي حد يقولي “شكراً انت فعلاً غيرت حياتي”.

فضلت فترة كبيرة جداً مش قادر اوصل للنتيجة دي، و اكتشفت بعد كده اني لو كنت وصلت للنتيجة دي بسرعة ماكنتش هتبقي حقيقية، لان مفيش 2 بيبقوا صحاب او بيثقوا في بعض بجد في يوم و ليلة.

Solution

Social Media “The Inbound Way”

من اول يوم شغل قررت اني هجمّع شلة صحاب (اللي هو الـ Community) عايزين يتعلموا Marketing، و يثقوا فيا اني اعلمهم.
قررت اني هعلم الناس مباديء الـ Marketing و الـ Social Media ببلاش، و هساعد اي حد اقدر اساعده في المجال بتاعي حتي لو Competitor. قررت اني هعمل Content مافيش حد في مصر بيعمل زيه، و هنقل بيه جزء كبير من خبرتي في المجال.

Results

بغض النظر ان الـ ROI بتاعنا لما نقول احنا عملنا شغل وحش بيكون معدي الـ 1500 % تقريباً (رقم حقيقي)…
الا ان الحاجات اللي هوريها لكم دلوقتي مستحيل تعرف تحسبلها ROI…

يعني مثلا الراجل اللي بيقول تحت “انتم Page عظيمة”… احسبلّي القيمة المادية اللي كسبتها من Review زي ده
مستحيل تقدر تحسبه، لأن الثقة مبتتحسبش (بغض النظر ان كونه قال كده، ده فتحلك باب ان في 200 friend عنده (Average) ممكن يشوفوا اللي هو قاله، و بغض النظر انهم ممكن بسبب كلمة زي دي يخدوا الـ Training بتاعنا “ساعتها ” . مش ده المهم، المهم ان Review زي ده و Ambassador زي ده (يعني حد بيعشق الـ Brand بتاعك ) يعتبر Trust Generator Machine اقرأها تاني لو سمحت و ركز اوي، ايواااه هو ده بظبط اللي بيدور عليه اي Marketer في الدنيا.

reviews

الـ Social Media عبارة عن خروجة

ومع ناس في الاغلب متعرفهمش معرفة شخصية، و الخروجة دي محتاجة منك انك تراعي و تحط في الاعتبار مجموعه قوانين تضمنلك انك تطلع من الخروجة دي بأكبر مكاسب ممكنة (احنا متفقين ان المكاسب مش بس فلوس). اهم حاجه هتخرج بيها من الخروجة دي هي الـ Relationships اللي هتعملها اللي هتكون مبنيه علي الثقة (اللي هي الـ Resource الاكثر نُدرة علي وجه الارض) اقرا قواعد الSocial Media ال40 من هنا

offf Capture modmen

الـ sales اصلاً مش حرام (بس لو هتيجي Inbound)

مش معنى اني بقولك ان الـ social Media اكبر من كونها هتجبلك فلوس و ROI اني بقولك انها مش هتجبهم، اطلاقاً، احنا في School of Marketing قعدنا 5 شهور من غير Sales Department، و بصراحه مكناش محتاجين ساعتها؛ لان الموضوع بكل سهولة تحول بالنسبه للـ Fans بتوعنا الى “اعملوا اي حاجة و احنا هنشتريها منكم “.

تخيل بقى ان الـ Inbound Social Media ممكن توصلك لـ ده في خلال شهور!!!



sales3
sales4
Sales



sales2

الخلاصة


لو هتحاول تحسب الـ Return من الـ Social Media، مش هتوصل لرقم حقيقي؛ لأن لو أُمك حاولت تحسب الحاجات اللي عملتها معاك مش هتعرف، لأن اي حاجة حلوة انت وصلتلها هيكون ليها يد فيها، لأنها هي اللي عملتك و برضه هي مش هتعرف تحسب المكسب اللي خدته قصاد تعبها (اللي كانت بتطلعه من غير ما تستني) حاجه

نفس الكلام في الـ Social Media، مش هتقدر تحسب انت دفعت عليها قد ايه لأن الـSocial Media مش مجرد Ads Budget بتتصرف, الـSocial Media اهتمام حقيقي, relationship انت مصدقها مش مجرد محتجلها عشان تبيع ، , وعلي النحيه التانيه, اياً كان الفلوس اللي كسبتها من الـ Social Media ملهاش قيمه قصاد انها هتكون السبب الاساسي انك تقوّم الـ Business بتاعك بطريقة مباشرة او غير مباشرة.

خلاصه الخلاصه
أعتبر الـSocial Media و الـInbound Marketing عموماً زي بنتك و أديها من غير حساب و هي صغيره عشان تديك من غير حساب لما تكبر.

Update 21/3/2016

 

أحنا دلوقتي في 2016، عصر ما بعد أكتشاف نصبايه الـFake Likes, بعد ما اكتر من نص Pages العالم لبست في كام ميت الف Like ملهمش اي لزمه من اي منظور. و الحمد لله ابتدوا يجمعوا Likes بس من الـAds 🙂 يعني غيرنا المصدر لكن الفكر ثابت 

و ده في حد  ذأته خير, كده معناه اننا قدمنا سنتين بس كمان و نفهم ان اللعبه مش عندك كام Like ولا Follower للشركه بتاعتك ، و ان الموضوع أكبر من ننزل Post كل يوم نهزّر معا الـFans (ده لو مكنش صباح الخير يا فانز)

سنتين ان شاء الله و هتلاقي أغلبيه الشركات فهموا  ان اللعبه لعبه Authenticity قبل حتي ما تكون Value
“ياما ناس ضافت Value عشان هو ده اللي بيمشي و بيشتغل دلوقتي, ياما شركات قدمت Value عشان منظرها يبقي جميل وطيب “

الـAuthenticity يعني انك تبقي صادق مع نفسك ومع الـFan اللي انت بتتكلم معاه، التانيه اعتبرني بقولك متكدبش و متخبيش حاجه و اعترف بغلطك فعلاً مش فض مجالس و كده تبقي صادق مع الـFans،

لكن المشكله انك تكون صادق مع نفسك، هو ده اللي فعلاً صعب .. بص علي نفسك و انت بتشتغل  Social Media, شوف و انت داخل ترد علي الناس بتقول لنفسك ” هدخل اقلب الكام واحد اللي عاملين Comment دول في السريع ” ولا بتقول لنفسك ” في بني أدمين اتكلموا معايا و مينفعش مردش عليهم و اديهم حقهم ”

شوف و انت جي بتعمل  Social Content بتقول لنفسك “انك هتعملك كام Post عشان الأسبوع ميبقاش فاضي علي الـPage ، ولا كل حرف بتمقق عنيك فيه و بتديله كل أهتمامك و انت مقتنع انك فعلاً بتكتب اوبتصور Content عشان تأثر في الدنيا و تخليها أحسن

مثاليه صح, كلها سنتين يا فندم و هتعرف ان ده ملوش علاقه بالمثاليه، و هتعرف ان هي دي الطريقه اللي بتتلعب بيها اللعبه في 2016 

أسأل نفسك بقي انت بتلعب اللعبه بالطريقه بتاعت سنة كام في ناس 2012 و في ناس 2002 و في ناس ليه سنه 75 “يعني معندهمش Internet أصلاً” 

أسأل نفسك و خلي الاجابه تلهمك باللي المفروض تعمله

Ahmed Saif

ديسمبر 20, 2017

104 responses on "هو ايه الROI بتاع لمؤاخذه أمك ؟"

  1. مقال رائع جدا يا احمد 🙂

  2. مع تحفظي على مفهوم “عدم القدرة على قياس ROI” وعلى طريقة سرد المقال ولغته الا ان فكرة المقال جيدة.
    اعتقد انك مع الوقت ستطور طريقة الكتابة . من المفيد ان تتعلم بعض النحو … مهم
    لديك خبرة جيدة واسلوب سردي جيد اجبرني على اكمال المقال، لكن اللغة العربية تحتاج الي تحسين
    بالتوفيق وارجو الا يضايقك تعليقي

  3. مقال فعلاً فظيع، عنوانه يشد فعلاً
    والمحتوى طلع اروع واستفدت فعلاً
    ويكفي ان المقال ده عرفني على كيان جامد ومهم زي
    School of Marketing
    ربنا يباركلكوا اشيخ

  4. well i have to say im impressed by ur page ur blogs and i was asking if you guy provide a course in SEO and social media because im looking for a place were i can learn about those 2 things i start working in SEO from long time but need to learn more about it please provide me with information about the course days and hours material and fees this is my email feel free to send me the data [email protected] and please i would appreciate if you send it soon

  5. بصراحة مقال مميز
    وانا اول مرة اشوف الموقع بتاعكم
    لكن من جودة المقال
    اكيد حتبقي بداية مفيدة لينا وليكم – ان شاء الله

  6. عجبني اسلوب المقال فعلا .. انت لو عاوز تورينا testimonials
    ما كناش قرينا بشغف زي كدا 🙂

  7. كم انتم رائعين ، التسويق بالصدمة (العنوان صادم بجد ) وده اللي هيخلي الناس تدخل تقرأ المقالة الرائعة دي

  8. انا مش عارف بصراحة اقول ايه غير انى مبسوط 🙂

  9. مقال أكثر من رائع ….الله ينور عليك

  10. luv ur work ana lel2saf 3rft 3nko mn kam shahr bs kont fe course 2oryb 3n el social media l2yt nas btetklm 3nko kewis awy w by2olo enohom bystafado keter mnko w bsara7a all ur articles btfed el nas el mawdo3 msh saboba law saboba u’ll never gain ppl’s loyalty u make ur fans feel like they should visit ur page as their life style bcoz they luv to do that, so thanks to you and ur precious team

  11. صراحه مقال جميل جدا وشجعني علي اني يبقي مجالي الماركتنج شكرا بجد و بالتوفيق ان شاء الله

  12. مش عارف اقولك ايه بجد انا لازم اشوفك و اقعد معاك مش عشان اللي بتكتبه وبس لا عشان اغلب الناس اللي علموني سوشيل و دول اساتذه طلعوا اصلا تلاميذك ياريت اقابلك في اقرب فرصة هكون سعيد جدآ وهيبقا شرف ليا الحقيقه يعني

  13. هايل يا احمد بجد انا كنت لسه بتكلم مع عميل فى الموضوع ده امبارح بس تفهم الموضوع الحمد لله

  14. مقال رائع ومميز جداً.
    شكراً لكم..

  15. والله انا اكتر حاجة عجبتني الاسم 😀 و ال Article حلوة جداً

  16. your article is really amazing, i enjoyed reading it as it takes our attention to the importance of the social media and how it became on if the most important channels of the E-Marketing …
    really it’s agood job from your side and pleae if there’s any events will be soon, inform me with its details
    @ facebook.com/mohamed.zoriq

  17. مقالة ممتازة ادتنى دافع كبير انى اكمل فى ال Social Media واقدر اقنع العميل بمدى اهميته ربنا يباركلكم 🙂

  18. انا كنت فاكرة انا لوحدي اللي كده 🙂

  19. El sra7a,ana sm3t 3n el SEO mn 7wali 2 weeks,w 3la el r3’m mn el search el 2olyl ely ana 3mlto 3n el mgal dh,bs ana enbhart beh gedn.
    W isa ana nawy adrs el mgal dh kewis gedn.w mtab3 l mklatk kewis bardo ^_^.

    Thanks For Your Efforts,,,
    :D:D:D

  20. أنا فعلاً إستمتعت بالمقال و إستفدت، شكراً للإفادة و بالتوفيق 🙂

  21. I’m totally attracted since the first word, brilliant thought I believe it wouldn’t came out except from a unique mide like yours, continue.

  22. أول مرة ادخل الموقع وأقرأ بوست رائع بشكل ده عن السوشيال ميديا بجد مقال أكثر من رائع شكرا ليك 🙂

  23. مقال رائع …وانا شخصيا حضرتك لشخصيين بيطبقوا الكلام ده عملي هما
    يحيي رضا عبد القوي ومحمد الفرجاني وكنت ديما بسأل لييه هما بيعملوا كدة مجانا واييه الفايدة…بس المقال ده جواب لي علي جزء من السؤال

  24. الردود على المقال وال interaction معاه أحسن مثال على اللى انت اتكلمت عنه فوق .. نفع الله بكم دوما (Y)

  25. ف البدايه انا دخلت ال field ده علشان كنت بحب ال social media بس مكنش فيه شغف كبير
    انا عن طريقكوا الحمد لله حاسه اني اتطورت كتير وبتعلم حاجات اكتر وبدوس ف اي حاجه وبفهمها كويس 🙂

    بقيت معروفه ف شغلي بسمر بتاع ال contents

    ربنا يخلي ليا school of e-markting

  26. مقال مشكلة
    تسلم ايدك بجد

  27. i really learn a lot from your articles and i want to attend any training .. so i want to connect with you to know more about your activities 🙂

  28. مقال خطييييييييييييييييييييييييييييييييييييير
    بجد ايه الشرح ممتاز والسهل الممتنع ده
    حضرتك اكتر من متميز

    ربنا يوفقك

  29. مقال رائع
    لكن برضه لازم يكون فيه طريقة تعرض بيها معدل العائد من الاستثمار

    اعتقد دي انت تقدر تحددها من الوقت و خبرتك

    و تطلب من الشركات اللي بتشتغلها انها تعمل استفتاء للعملاء اللي جت عن طريق الفيس او السوشيال ميديا

    يعني مستقبلا تقدر تكلمه بامثلة
    اننا اشتغلنا كسوشيال ميديا بمعدل كذا في اليوم لمدة كذا جبنا كذا عميل ليهم ولاء للشركة
    و طبعا عميل له ولاء يعني اكتر من عملية بيع

  30. مقال رائع جداً .. استفدت منه كتير .. هاتابع جديد صفحتكم .. وهاخليها في المفضلة عندي وكل يوم هادخل عالبلوج ده
    شكرا جزيلاً لمجهودكم وعدم بخلكم بالمعلومة اللي فعلاً هاتفيد ناس كتير وانا منهم

  31. شكرً أحمد وجزاك الله خيراً على التدوينة الرائعة دي
    استفدت جداً منها 🙂

  32. school of marketing مقال أقل مايقال عنه أنه أكثر من رائع ، والأفضل فيها هو تطبيقك الجيد والممتاز للرؤية والرسالة الخاصين بــــ
    إن كانت رؤيتك كما أشرت فى المقالة هى تعليم المهتمين بالمجال حتى ولو من بين هؤلاء المتلقين للعلم هم من منافسيك فسوف تعلمهم أيضاً
    بكل صدق أنت صادق جداً فى تطبيق هذه النقطة لذلك أحييك على نشر العلم وعدم كتمه
    أخيراً أسمح لى أنت شخص رائع فى مجالك ولكن كما أشار اليك أحد الاخوة فى التعليقات تحتاج الى التدقيق اللغوى فى اللغة العربيه حقاً سيفيدك كثيراً
    نصيحة أتمنى أن تستقبلها بصدر رحب
    تحياتى لك أخى الكريم

  33. حقيقي مقال مفيد …..شكرا ليك

  34. خلينى اقولك ان اول شئ رجعنى للقراءة تانى هيى مقالاتكم المثمرة ورغم ان
    الاسلوب عامى جدآ الا انى مستمتع فعلآ بالقراء

  35. very nice article 🙂 thanks for sharing the experience

  36. عنوان المقال رائع وطريقه عرض ممتاز بصراحه
    بالتوفيق ومن نجاح ل نجاح

  37. حلو المقال كمعلومات وأحب أشكرك عليه .. لكن طبعاً الأسلوب مش عاجبني. لولا إن المقال مهتم بالمعلومات اللي فيه كنت هقفله زي أغلب المقالات هنا .. ممكن تعتمد على محرر يعمل المقال في لغة عربية مضبوطة واللي عاوز يقرأ بالاسلوب ده يقرأ واللي مبيحبش إلا اللغة العربية الفصيحة يقرأ

  38. علي فكره انا قليل جدا اما بتكتب تعليق علي موضوع
    لكن انا مبسوط جدا اني عرفت الصفحه ده وغالبا هكون من تلاميذها ان شاء الله
    اشكرك علي الموضوع الراااائع واللي افادني كتير

  39. كم انتم مبدعيننننننننننننننننننننننننننننننن جداااا انا اتعلمت منكم الكثير ولسه يوجد الكثير

  40. انتم هايلين جدا واستفدت منكم كتير ربنا يوفقكم

  41. مقال جامد
    وجاوب على افظع سؤال بيسالوا العميل
    لغة المقال عجبتني
    دوس يا ريس

  42. برافو برافو برافو بس كده :]

  43. بجد من أحسن المقالات اللى قراتها معاكم. موفقين

  44. مقال فى غاية الروعة واسلوب عجيب فى توصيل المعلومه رغم ان عنوانه غريب شدنى اقرأ الموضوع كويس وفهمت طبعا قصدكم اتمنى ليكم التوفيق فعلا استمتعت

Leave a Message

top