حدوتة الكِتاب

حدوتة الكِتاب

أول ٢٠١٤، لِقيت نَفسي إتحولت لشِريط كاسيت بيشتغل قُدام أي حَد جديد بيدخُل الـTeam بتاعنا، أو قُدام الـCustomers اللي كانوا بياخدوا الـCourses بتاعتنا،

كمان إكتشفت إني كبشري مُستحيل أعرف أطلع Live Content بنَفس كفائة الـContent المكتوب أو المِتسجل، (بالذات في الجزء التنفيذي الي في مجالنا)،

عِرفت ساعتها، إن المَفروض الـContent هو اللي يِشرح الجزء التنفيذي علشان أقدر انا أرد علي الأسئله،

أكتر مُشكله بتقابلنا كـMarketers في بدايه الرِحلة هي

“الـContent Marketing”

The Road Blog-0٢

كُنت بحلَم ساعتها إني ألِم الـContent Marketing في كِتاب ميِبقاش اللي بيقراه مِحتاج لِحاجه،

لكن ده كان وهم في خيالي،

إكتشفت بعدها اني مستحيل اعمل حاجه واحده تِجمّع كل الـContent Marketing ولا حتي تِجمع اللي انا اعرفه (مش من كتر اللي انا اعرفه علي قد ماهي من صعوبه و تفرّع الموضوع نفسه)

ساعتها كُنت عارف ان الـContent Marketing طريقين بيكمّلوا بعض “فِكري و تنفيذي”،

الطريق فِكري بيِتكلم عن سببية إننا نعمل Content اصلاً و مدي تأثيره في الكوكب اللي إحنا عايشين عليه وإيه الطرق اللي تخلينا قادرين نِوصل لِده،

و الجزء تاني إسمه “قولي حاجه عملي” يعني الجزء التنفيذي اللي في الموضوع, اللي كان موال لوحده بسبب طبيعة الـContent Marketing المستفزه جداً في التنفيذ, فكان كُل ما اتكلّم مع حد فِكرياً عن الـContent Marketing ألاقيه وِقع مني،

بَس و إبتديت ألاقي الـTeam بيِصغر واحده واحده، لأن في ناس بتِمشي، و مِنهم الي بيغيّر المجال كله،

لأنهم مكانوش عارفين يِنفّذوا اي حاجه من الكلام الفِكري اللي احنا بنقوله،

لأن أول خَطوه تخليهم ينفذوه كانت دايماً ناقصه

فكانت البِدايه بقرار إني أعمل Internal Knowledge Base للناس اللي شغّالين معايا ومُتعمِقه في التنفيذ،

التنفيذ بس، علشان نِبقي رَبطنا الطريقين الي إتكلمت عليهم ‘ الفِكري و التنفيذي ‘

IMG_1903

نُقطة تحوّل الـInternal Knowledge Base لـProduct يِتباع

… بعد سنتين بقي، اللي صحّا الموضوع تاني الناس اللي شغاله معايا لفَتوا نَظري إن الكتاب ده فات عليه سنتين و لحد دلوقتي بنِستخدمه و إن قيمته مع الوقت بتزيد،

وإنه ساعد مُعظم الـTeam يِبقي عندهم الـBasics في تنفيذ الـContent و كل واحد ليه الـStyle بتاعه بعد كده،

The Road Blog-0٣

الـVision كانت إننا لو قِدرنا نِوسّع التأثير ده علي عدد أكبر من الـAudience بتاعنا هنِبقي لقينا بديل للـCourses، و بِحاجه أكثر تأثيراً بكتير “لو إتقدمت صح” ، هنخَليهم يِعرفوا يِنفّذوا بإيديهم،

و ده طبعاً هيقَربنا للـMission بتاعتنا جداً،

وتاني سبب، إننا كان لازم نلاقي Business Model الي نِبني عليه الكيان و نِخليه مُستقر عشان نِقدر نَستمر في تَقديم الـValue اللي احنا بنقدمها

و بيع الكتاب في إعتقادنا، إنه هيساعدنا مادياً في رِحلتنا (صراحه أزليه غير مُبرره, بس هو ده اللي حصل و هي دي الأسباب اللي خلتنا نفكر نبيع بالـeBook، ده بمنتهي الشفافيه)،

كل اللي فوق ده بقي طلع في كتاب 106 صفحه معمولين بـDesign يخليك فرحان و انت بتقرا (من وجهة نظرنا )،

بيِمشي مَعاك خطوه بخطوه من اول تعريف انواع الـContent لحد الحجات اللي تاخد بالك مِنها كويس في وِسط ما انت بتنفّذ.

دي حكايه الكتاب بكل تفاصيلها , “ليه” قررنا نعمله و إيه الطريقه اللي قررنا نتبعها و احنا بنعمله و طلعنا بأيه في الاخر.

لو جاهز تِشتري الكِتاب و تِبدأ رحلة الـContent بتاعتك .. أُدخل هنا 

أنا عاوز الكتاب

“الـContent” أه King بس مش أوي يعني

“الـContent” أه King بس مش أوي يعني


Content Is not the King

بغض النظر عن الـVisual asset اللي انتشر مؤخراً عن ان اكبر كيانات علي الانترنت مبتعملش content مش هو ده اللي عايز اقوله ,

لأن زي ما الكيانات دي موجوده و مبتعملش Content زي (Facebook, Uber , Trip Advisor ) في كيانات بتعمل Content زي ما الكتاب بيقول و ازيد سنه زي Google , LinkedIn مثلاً 

يبقي نقطه “سلملي علي الـContent ” دي فيها جدال ممكن يستمر 6 شهور  

اللي بنتكلم عليه والي مخلينا نقول Content is not King هو ان اي حاجه بيتقال عليها Content و اي حد و مؤخراً كل حد بيعمل Content و مفيش اللا 1 % بس هما اللي بينجحوا يبقي الفكره هنا مش في الـContent 

لعبة الـContent Marketing (من وجهه نظري) :- 

10% Content

40% Context

50% Engagement  

Engagement انت اللي عامله مش جايلك علي الـContent بتاعك 

يعني ايه Context 

حرفيا: يعني سياق او إطار لشيء معين 

بالبلدي: يعني لو اعتبرنا الـContent هديه يبقي الـContext هو الّلفه و المعاد و الطريقه اللي انت وصلت بيها الهديه لصاحبها و الكلام اللي انت قولته و انت بتسلّمها و تعبيرات وشك ساعتها 

لو طبقنا الكلام ده علي المجال بتاعنا, يبقي الـContent هو فكره عملت عليها Research و جمعت معلومات و احصائيات و نسقت ده مع وجهة نظرك و طلعته للناس 

الـContext بقي هو الطريقه اللي اتكلمت بيها في الـContent ده يعني الـTone of Voice , كنت بتهزر و لا متعصب و لا متحمس

*ايه ده هو الناس بتاخد بالها اصلاً؟؟؟

* الناس مبتعملش حاجه غير انها بتاخد بالها وده مش شطاره منهم, دي حاجه زي السمع كده مبنتحكمش فيها, لو فيه صوت جمبك هتسمعه هتسمعه 

الـType of Content اللي خرجت بيه الـContent

هل الـContent بتاعك خارج في صوره Video ولا عباره عن Articles و لا Visual Asset اياً كان نوعه 

* طب ماهو الجمله اللي هتتقال في Video هي هي اللي هتتكتب في Article !!!

*للأسف لأ, في جمله احسنلها تتقال في Video و في جمل مينفعش تتقال لازم تتكتب و في Content لازم مينزلش عليه كلام اصلاً ” و بناءً عليه صياعتك لما يكون معاك فكره Content محترمه انك تقفش الـType of Content الصح اللي يخلي الفكره فعلاً تأثر في بني أدم “

المعاد اللي طلّعت فيه الـContent

ايوه،  المعاد Context, المعاد بيفرق في تأثير الـContent, يعني تخيل كده ان الـArticle بتاعت الـROI بتاع امك لو كانت نزلت في عيد الام , اظن كده الرساله وصلت 🙂

و أكيد اكيد المكان اللي خرج فيه الـContent 

بص بقي, مفيش حاجه اسمها هاخد Posts الـFB احطها علي Twitter و LinkedIn, الكلام ده بلح 

لأن ده اسمه FB و ده اسمه Twitter, ده الناس مستنيه فيه حاجه و ده الناس مستنيه فيه حاجه تانيه  ، ده ليه قوانين و اسلوب و ده ليه قونين و اسلوب تانين خالص , يبقي نحترم المكان و لما يكون عندنا فكره Content نحددله الـPlatform الصح اللي ينزل فيه

الكلام اللي اتكتب عشان الـPromotion بتاع الـContent ده

حتي ده Context, يعني مثلاً في رمضان اللي قبل اللي فات كنت بعمل تجربه علي Tone of Voice معين اللي هو العصبيه  ، فكتبت Article عنونها أغبي فترات الانسان علي وجه الارض و كان اسلوبها فعلاً يضايق و فيروز هي اللي كانت بتشتغل علي الـPage بأيدها, وقالتلي الـArticle ده هيجبلنا كلام كتير ملوش لازمه و احنا مش ناقصين , قولتلها انتي هتتصرفي

لقتها نزلت link الـArticle و كاتبه عليه  (فيما معناه ) , الـArticle دي علي مسؤليه احمدسيف  و School ملهاش دعوه
طبعاً معنديش ارقام عن الناس اللي كانوا هيشتموا  و مشتموش بسبب Context زي ده بس احساس بيقولي ان الحركه دي شالت عننا كتير أوي

خلاصه الـContext


الـContext هو كل حاجه في الـContent Marketing ماعدا الـContent  
و اظن دلوقتي التفريق بنهم مبقاش صعب, و لوالجمله دي بَرجِلتك اطلع اقرا تاني ايه هوالـContent و اطرحه من اللعبه يطلعلك الـContext و خلي بالك الحاجات اللي قولناها في الـContext مش كل حاجه, يعني علي سبيل التوضيح لا الحصر

يعني ايه Engagement

 (طبعاً مش هتقرا حاجه بالعنوان ده لو لاقتها في اي حته لأنه مستهلك بس هنا انت اكيد عارف انه لأ)

Engagement يعني likes كتير ,shares بالهبل و Views علي الـVideo بتاعك ملهاش اخر ، Engagement يعني ارقام تسد عين الشمس لأن هو ده اللي يفيد الـBusiness بجد

اللي فوق ده هي نظره اي حد لسه مفهمش اللعبه بتتلعب ازاي, لسه مفهمش ان اي حد و كل حد بيجيلوا Engagement علي الـContent بتاعه حتى  لو الـContent ده عباره انه بيشخّر وهو نايم  ، هتلاقي اللي يعمل Like و اللي بيسف في Comment واللي بيـShare عشان بقالوا كتير منزلش حاجه علي الـFB , يا راجل ده انت  لونزلت video سلحفه بتاكل خص هتلاقي اللي يقولك لا يا اخي ده جرجير (علي رأي مكي)

اي حد بمعنى اي حد لو عمل اي حاجه هبله (بس تكون هبله كفايه ) هيلاقي سيول من الـEngagement بس مش هوده اللي اقصد بيه Engagement خالص

 

لو مالكش في الفلسفه و العمق متكملش


Engagement في المعجم يا ساده ليها معنيين

الاول يعني ارتباط, اي التحام, اي التصاق

التاني يعني تفاعل, اي حِراك, اي اتصال

تعالوا بقي نتكلم علي الـEngagement من وجهة نظر المعجم  (تحذير: بتكلم جد و بهزر في نفس الوقت)

الارتباط يا بهوات مبيجيش بالساهل يعني مش دبلتين و السلام

الارتباط يعني مسؤليه و التزام وواجبات و حقوق و كلام كبير كده ملناش دعوه بيه لو احنا باصّين للـEngagement البصّه اللي في اول سطرين في حتة الـEngagement

بس لو عايز تبص صح, الكلام الخنيق المجعلص اللي فوق ده (بتاع التزام وواجبات) هو اللي المفروض يكون جواك و ادامك
طب بذمتك عمرك شفت اتنين مخطوبين امبارح و متكلموش ولا مره بعدها الا بشهر ؟؟
لو انت ماشفتش انا شفت, و مقولّكش بقي بيموتوا في بعض ازي , لسه فاسخين علي دخلتك                    

  اكيد فيه ناس بتتخطب و بتتجوز و مابيعبَروش بعض بس مش لأن ده موجود يبقي صح, لو بصيت علي الناس اللي بتعمل كده هتلاقي علاقتهم زي الزفت ومش طايقين بعض و اقل حاجه بيطلّعوا منها خناقه

تعالي بقي نُسقط الكلام ده عليك انت و الـFans اللي بيستهلكوا الـContent بتاعك هتلاقي انك عمّال تلعب بولاد الناس

الـEngagement مش انك يجيلك 1500 Comment و تفرح بيهم و متعبّرهمش

ولا انك ترد علي 1500 Comment  برد قفيل ميخلهمش يكملوا كلام معاك  عشان معندكش وقت تدخل في نقاش مع حد منهم

الفكره مش في عدد بني أدمين الفكره كام بني أدم من دول انت اتكلمت معاه بجد , من قلبك مش عشان عليك Responding لازم تنجزه يعني من الاخر بنلف ونرجع لنفس الفكره Width vs Depth اللي كانت في الـArticle اللي فاتت 

(والتكرار هنا مش فضا او قله افكار, الفكره دي لوحدها هتبقي منهج Social Media بيتدرس في الجامعات لولادنا كمان 10 سنين)

100 بني أدم بتـEngage معاهم بجد مش بتنحتلهم Engagement عشان ده شغلك, أبرك من 1000 واحد هتـEngage معاهم زي Engagement الافراح اللي بيبقي مصدر المجامله في العالم

خلاصه الـEngagement

متضيعش فرصه تخليك تتعمق مع حد من الـFans بتوعك الا و انت فعلاً لامس الشخص ده و مديله اهتمام من اللي بتديه لصحابك الحقيقين ولو لـ5 دقايق 

طب ليه بقي الـEngagement  بنقول عليه 50% من لعبه الـContent Marketing (من غير رغي)

بما أن ليه Content ؟؟؟ عشان نأثر في ثقافه البني أدمين 

و بما إن مفيش content هيأثر في ثقافتك و انت مش طايق صاحبه لازم يكون بينكوا Relationship حقيقيه

و بما أن الـEngagement هو الطريقه اللي بتبني بيها الـRelationship مش محتاجه فكاكه
أذاً الـContent اللي انت تعبت في فكرته و الـResearch و الكتابه بتاعته و تعديل غلاطاته و Contextــه مش هيأثر في حد طالما الـRelationship مش متظبطه

By :- Ahmed Saif

لعنة الـViral Content

لعنة الـViral Content


التعميم فكرة غلط في كل حاجة، يعني مينفعش تقول الشعب ده كداب او 100% من اللي بيشتغل الشغلانه دي حرامي، لان في الاخراكيد مش 100% من الناس بيعملوا اوعايزين اوبيفكروا في نفس الحاجه، اكيد اكيد في نسبه مش قليله بتخرج عن القاعده،

بس الشيء الوحيد في الدنيا دي اللي التعميم فيه فرض عين، هو الـMarketing مفيش Marketer في الكوكب ده محلمش و اتسحل و خطط و هبّل عشان يوصل للـViral Content اللي بيتجنن لما يشوفه عنده و يلاقي العداد بتاع الـEngagement يخرّف و يقول ارقام غريبه ، الحلم ده فضل و هيفضل مزاولنا بقيه حياتنا كـ Marketers (اللي هيفضل مش واخد باله بس) 

الـViral Content بطبيعته مغري لأن المكسب فيه دايماً بيكون اضعاف التمن، يعني تلاقي Comic عبيط جداً مرسوم بالرصاص في 3 دقايق و جايب 8564 share و 12894 Like ، بصراحه الموضوع من بره كده شكله يستاهل بس للأسف الموضوع وراه شويه مشاكل مش مغريه اطلاقاً و لو اخدت بالك منها هتتصدم في تفكيرك

المشاكل تنقسم لجزئين مشاكل في التمن او المجهود اللي بيتعمل و مشاكل في المكسب اللي بيجي من ورا الـViral Content تعالوا نتكلم علي الجزئين و بعدها هسيبك انت اللي تحكم

تمن الـViral Content

ياما Marketers زيك و أجمد منك ضيعوا حياتهم بيفكروا في Post واحد بحجه اني عايزه viral، كام PoC اترمت في الزباله عشان بعد ما اتعملت لقيناها مش viral (علي اساس اننا بننجم) 

كام فكره جديده اتحرقت عشان و أحنا في الـBrain Storming كل تركيزنا بيكون علي حاجه اتـViral-ـت عشان نجيب حاجه شبهها (بزمتك مطلعتش من بقك و انت بتشرح فكره عندك كلمه  “زي كذا اللي نزل في كذا” )  

بلاش كل ده يا سيدي، كام Strategy و كام Campaign اتعملت عشان تـViral الدنيا و في الاخر تترمي في الدرج  بعد اول PoC او اتنين عشان مفرقعتش من الاول و بعدها تعمل Strategy جديده وبرضه تترمي في الارض 

سحر الـViral Content

طب اقولك علي تمن كمان، المفروض اللي انا اعرفه ، ان الـContent Marketing Strategy بتاعتك بيكون فيها Streams من الـContent يعني مثلاً ممكن campaign ازاي تكون شغاله و جنبها Stream لـCase studies و جنبهم  Stream تاني من الـComics مثلاً

محصلتش معاك مره ان Stream او Sequence انت مخططله جوه الـStrategy بتاعتك يضرب و تلاقي نفسك اتسحلت فيه (لأنه مغري) ونسيت انك عندك Strategy يا باشمهندش و فيها deadlines و objective  و KPIs، بس الـViral Content بيلوح و بينسيك اسمك.

وبصراحه عندك حق، Comments بالهبل لازم يترد عليها (دا لو بترد يعني) و shares برضه بالهبل لازم يتعملها Monitoring و Analysis فطبيعي تنفض للحاجات اللي متخططلها عشان توصلك للي انت عايزه و تتشغل باللي قالب الدنيا، فعلاً الواحد بيكون معاه حق انه يعمل كده بس في الاول والاخر خلاصه الحته دي ان من ضمن التمن اللي بتصرفه علي الـViral Content انك بتنسى تنفذ اي حاجه جنبيه من كتر السحله ” Opportunity Cost يعني ” 

المكاسب بقى 😀

الموضوع بسيط قوي، لما بتعمل Content اياً كان هو ايه او ليه، بتكون عامله Promotion Strategy، يعني عارف ان الـArticles بتاعه الـBlog هتتبعت للـList الفولانيه و انها هيتعملها Campaign للـAudience الفولاني علي الـFB و هكذا…

من ضمن مكاسب الـViral Content اللي بيعملها بقي انه بيريحك من انك تفكر و تتسحل مع الـreach والـImpressions و Engagement و الكلام الفاضي ده، هوبيتكفل بكل حاجه وبـVolume في الاغلب اكبر وببلاش يعني مفيش بعد كده و بصوره اساسيه احنا عندنا مكسبين مباشرين من الـViral Content

1-بيخترلك الـBuyer Persona علي مزاجه (لو متعملش صح)

الحقيقه بقي انه زي ما بيريحك من الحاجات اللي فوق دي زي ما بيريحك من اختيارك للـBuyer Persona هو بيظبطها بمزاجه (اكبر دليل علي كده الـPersonas الغريبه اللي اول مره بتشفها بتتشقلب عندك سواء على الـ Page او Blog بعد PoC مفرقعه ) و الموضوع هنا بيرجع لحفظ الـViral Content مش فهمه

اي حاجه في الدنيا بتضحك او فيها سف علي اي حاجه احتمال كبير تتـViral ، و اي كائن في الكوكب ده معرض انه يضحك، اللي اقصد اوصله ان الـContent اللي معمول عشان يضحك لمجرد الضحك (النوع ده 90% من الـViral Content بالمناسبه  ) الـBuyer Persona بتاعته هي البني أدمين عموما 😀 لو هي دي الـBuyer Persona بتاعتك اعمل كده

خلاصه النقطه دي، اخر عامل تلعب عليه عشان تـViral الـContent بتاعك هو الدم الخفيف،لأن بغض النظر انه موهبه بحته بس هو بيلم اي حد معدي من قدامك  

2-بيريحلك ضميرك

الـMarketer الحق ضميره عمره ما بيموت بس ممكن يتخدر، يعني اديله انت سبب واحد، واحد بس عشان “يصهين” علي اي حاجه و اوعدك انه مش هيتوصي، وبصراحه الـViral  Content سيد من يعمل كده، ما هو لما يكون عندك 20 /25 Comment علي الـPage و متردش عليهم او ترد عليهم كلهم بنفس الـStyle “ازيكم و الف الف مبروك” يبقي انت بتستهبل (وفي اقوال اخرى في الموضوع ده بس مش قصتنا دلوقتي)

لكن بقي لما تلاقي 3480 Comment لازم ترد عليهم (اياً كان اللي بيلزمك, ايمانك باللي انت بتعمله او انهم حفظوهالك كده) يبقي عادي انك تنفض ما انت مش superman يعني، و بكده تبقي لقيت الحجه اللي بيها تنفض للـResponding (عندينا في School بنقول عليه Engagement )

المطلوب

و انت بتفكرفي Content خلي اول حاجه تيجي في دماغك التأثير في الثقافه، يعني هل اللي انا بعمله ده فعلاً هيغير حياة بني أدم و لا الموضوع شويه سف هيضحكوهم و خلاص، انا مبقولكش تبقي مثالي و تعيش عشان تصلح الكوكب اطلاقاً، انا بقولك كده عشان مصلحتك الشخصيه، الـReach اللي بالهبل و likes و shares  اللي متعرفش تعدهم دول شكلهم حلو وبيغروني شخصياً في اوقات كتير بس فعلياً احنا كـMarketers مش هي دي مصلحتنا

Width Vs Depth  

هو انهي احسن يكون عندك 100 الف Fan في الـPage بتاعتك متعرفش عنهم الا عددهم ولا يكون عندك 1000 بني أدم تعرفهم واحد واحد بتقابلهم عي الارض في الشهر مره و بيحبوك لشخصك سواء سفيت و قلشت او كلمتهم بجد و علمتهم حاجه تفيدهم، والله العظيم تلاته الموضوع مش ارقام و حجم الموضوع انت واصل فين شخصياً مع كل Fan او Potential عندك

قولي حاجه عملي 

عشان تطبق اخر حته دي محتاج تحط في دماغك مبدأ في الـEngagement  

وهو انه في Engagement في صوره Conversation بين بني أدمين ، و فيه Engagement Actions عباره عن اظهار اتفاقك مع الحاجه مش اكتر سواء بنشرها او بانك تقول انها عجباك ، يعني الـComment اولي 1000 مره من الـLike و 100 مره من الـShare علي الـFB، الـReply علي Twitter اولي 1000 مره من الـFavorite و 100 مره من الـRetweet  وهكذا في باقي الSocial Networks 

 

اكترطريقه بتخلق و بتطور اي علاقه بين البني أدمين هي الكلام، الكلام الحقيقي اللي مبيسدش خانه ” الكلام اللي عن فعل” 

By :- Ahmed Saif

 

ازاى تسرق الـ Content من الـ Competitors بتوعك ؟!

ازاى تسرق الـ Content من الـ Competitors بتوعك ؟!


ازاى تسرق الـ Content من الـ Competitor بتاعك
– SOM كمثال –

الـ Content .. الـ content . ثم الـ content .. كلنا عارفين أهمية الـ content ، وازاي أغلب الشركات والـ Start-ups بتتجه للـ marketing من خلال الـ Content، جايز الـ Competitor بتاعك يكون سبقك في الـ Marketing من خلال الـ Content وأكل جزء من السوق منك لكن لا تقلق حنعلمك ازاي تستفاد من هذا الأمر وبدل ما يكون نقطة ضعف يتحول لنقطة قوة .. انهارده حنعلمك ازاي تسرق الـ Content بتاع الـ Competitors … ايوة حتسرق ! 😀

حنعلمك ازاي تسرق الـ Content بتاع الـ Competitors بس بشياكة 😉 ، في مبدأ في الـ Marketing أنه النجاح مش شعوذة ولا خلطة سحرية، كل اللي عليك أنك تشوف الأمثلة الناجحة بالفعل وتطلع الـ Factors لنجاحهم .. وتتحرك على هذا الأساس وبالتالى تقدر تكرر قصة النجاح اللي عملوها مره تانية وجايز أفضل منهم!

الفكرة ببساطة اننا حنعرف ايه أفضل الـ Articles اللي نشرها الـ Competitor على الـ Blog بتاعته ونطلع الناجح منها أعتمادًا على عدد مرات مشاركتها علي شبكات التواصل الاجتماعي، وعلى أساس ده نتحرك ونسرق منه الأفكار المُميزة.

حنعمل دا في أربع خطوات :

١- نجمع الـ Content

٢- نجهز ملف الـ Social Ranker

٣- نقيِّم الـ Content

٤- نسرق الـ Content

1- جمع الـ Content بتاع الـ Competitor كله:

أول خطوة حنعملها في مهمة السرقة اللي احنا شغالين عليها اننا نجمع الـ Content بتاع الـ Competitor بتاعنا كله، وعشان نعمل كدا حنستخدم tool اسمها Import.io ، الـ Tool دي بتساعدنا اننا نعمل Scrape [ـ Tool لتجميع الـ Content آلياً] بسهولة وحنخلي الـ Tool دي تدخل تجمعلنا كل الـ Content بتاع الـ Competitor بتاعنا:

1- الخطوة الأولي حتحمل import.io.

image05

2- الخطوة التانية حتسجل Account.

3- الخطوة التالتة حتدخل وتختار New -> Extractor، وتعمل الخطوات اللي في الصورة.

image02

4- كدا أنت دربت الـ Tool على الـ Data اللي حتسحبها من الصفحات اللي حتديهلها، احفظ الـ Scrapper وسميها School Of Marketing Scrapper .. كدا الـ Tool حتسحب لك عنوان الـ Article، و Link الـ Article

image09

 

5- حتدخل تجمع links الـ Pages بتاعة الـ Blog اللي الـ Tool حتتدخل تاخد منها المعلومات، ولو عدد الـ pages كثير ممكن تخلي Freelancer عن طريق خمسات، أو مستقل يعمل لك المُهمة دي.

*هنا حنيجي لـ Trick في الـ Blog بتاعة School Of marketing انهم بيستخدموا الـ InfiniteScroll يعني زي Pinterest كل ما تدوس ع “More Posts” بيحملك Pages جديدة، مش زي الـ Blogs التقليدية اللي بتكون فيها الـ Pages بتاعت الـ Blog موجودة في الآخر ومترقمة

طبب ايه الحل ؟

حتفتح SOM Blog من هنا من خلال Chrome Browser حتدوس Click يمين وتختار Inspect Element ، وحتعمل search ع كلمة “Page” وحتوصل للكود التالي: <link rel=”next” href=”https://school-of-marketing.com/page/2/”>

image00

لما تدوس ع “Read More” حتلاحظ انه بيحمل page اللي بعدها https://school-of-marketing.com/page/3/ ، وهكذا..

طب احنا عايزين نجمع الـ Pages كلها بتاعت الـ Blog اللي فيها المقالات عشان نسحبهم منها .. حنعمل ايه ؟!

حتفتح جوجل دوكس، ملف أكسيل جديد..
*في العمود الأول حتحط: https://school-of-marketing.com/page/

*في العمود التاني حتحط الرقم 1، وتحته حتعمل مجموعة من الأرقام المتسلسلة لحد رقم 11 لانه دا عدد صفحات مدونة سكوول أوف ماركتينج اللي فيها

*في العمود الثالث حتكتب التالي ” (CONCATENATE(A1, B1= ” ، وحتظهر ليك النتيجة أنه جمع الـ Link مع الرقم فتحول أول نتيجة إلى

https://school-of-marketing.com/page/1/ ، حتحدد المربع اللي فيها الرابط كامل، و Click يمين وتبدأ تنزل على باقي المربعات اللي تحته لحد ما توصل لآخر رقم اللي هو ١١

image03

6- بعد ما جمعت كل صفحات SOM اللي فيها articles حتحط اللـ Lnks دي كلها في الـ Scrapper ع Import.io زي الصورة

7- حتسيب الـ tool تسحب لك الـ Content وحتطلع تشربلك سيجارة مع ابليس الـ Marketing 😀

image06

8- بعد ما الـ Tool تطلع لك الملفات حتحفظها، وتدوس “Export” -> “SpreedSheet”

9- ترفع ملف الأكسل دا على جوجل دوكس، وتظبطه وتشيل منه الـ Data اللي مش محتاجها

image07

حنجهز سكربت جوجل دوكس عشان يقولنا عدد المشاركات :

10- حنجهز ٣ عواميد تانية في ملف الأكسل عشان نسحب فيها نتايج الـ Social media أول واحد Twitter ، بعد كدا Fb ، بعد كدا G+ .

image04

11- جوا ملف جوجل دوكس حتختار “Tools” -> “Script Editor”، حنعمل ٣ سكربتات واحد لـ Twitter واحد للـ Fb، وواحد تاني لـ G+ عشان نقييم الـ Content.

image08

دا سكربت فيسبوك:

function fbshares(url) {

var jsondata = UrlFetchApp.fetch(“https://api.facebook.com/restserver.php?method=links.getStats&format=json&urls=”+url);

var object = Utilities.jsonParse(jsondata.getContentText());

return object[0].total_count;

Utilities.sleep(1000)

}

دا سكربت تويتر

function tweets(url) {

var jsondata = UrlFetchApp.fetch(“https://urls.api.twitter.com/1/urls/count.json?url=”+url);

var object = Utilities.jsonParse(jsondata.getContentText());

Utilities.sleep(1000)

return object.count;

}

دا سكربت جوجل بلس

function plusones(url)

{

var options =

{

“method” : “post”,

“contentType” : “application/json”,

“payload” : ‘{“method”:”pos.plusones.get”,”id”:”p”,”params”:{“nolog”:true,”id”:”‘+url+'”,”source”:”widget”,”userId”:”@viewer”,”groupId”:”@self”},”jsonrpc”:”2.0″,”key”:”p”,”apiVersion”:”v1″}’

};

var response = UrlFetchApp.fetch(“https://clients6.google.com/rpc?key=AIzaSyCKSbrvQasunBoV16zDH9R33D88CeLr9gQ”, options);

var results = JSON.parse(response.getContentText());

if (results.result != undefined)

return results.result.metadata.globalCounts.count;

return “Error”;

}

حتلاقي كل السكربتات في الـ file دا، تقدر تاخد نسخة منه على الـ Google Drive بتاعك عن طريق “File” وبعد كدا “Make a Copy” وتحفظه عندك ع الـ Drive بالسكربتات.

2- نقيم المُحتوي ونطلع الأرقام!

تحت كل عمود من عواميد الـ SM حتكتب الـ Function التالية =أسم الـ Script الخاص بيها، مثال عند الفيسبوك حتكتب

(fbshare(B2= ، ـ B2 دا العمود اللي فيها لينك المقالة .. يعني بتقول للملف اسحب لي عدد الـ Shares للرابط دا على الـ Fb .. والمثل على Twitter & +G.

من خلال الملف دا حتعرف أيه أنجح الـ articles اللي أتنشرت على SOM ، وتقدر تطلع الـ Top Ten ونبدأ عملية السرقة.

image01

3- ازاي حنسرق الـ Content ؟

جينا لآخر وأهم نقطة في الـ article ، أنت كدا عارف اكثر الـ articles الناجحة عنده تبعاً لعدد الـ Shares على الـ Social mediaa … حناخد أنجحهم ونسرقهم …. ازاي حنسرق الـ Content بتاع الـ Competitor بس بشياكة ؟ … في أفكار كثيرة تقدر من خلالها أنك تسرق الـ Content بس بشياكة مثلاً :

١- تزود عليهم

كمثال في article بتتكلم عن “26 نوع للـ content غير الـ article” أنت ممكن تكتب article تانية بتككلم عن 30 نوع .. وتزود عليهم حاجات تانية أدوات أفكار وهكذا.

٢- ترد عليهم بـ Article نقدية

مثلاً لو SOM كتبت article عن قد ايه الـ Klout سكور دي حاجة مهمة، وده موضوع في مُجتمع الـ Marketers يختلف عليه .. في عدد من الناس بتقول مهم عشان بيوضح لنا نسبة الـ Interactions علي الـ Account واذا كان في تفاعل ولا لأ .. وميكونوش Followers على الفاضي.

وفي ناس تانية بتقول انه مش مهم لانه حتي حاجة زي كدا ممكن تعملها fake بانك تشتري retweet أو Favorites أو حتى Replies! من ناس بتبيع الكلام دا، بالاضافة أن Klout بيحسب شوية Factors & Social networks اللي ممكن متكونش ليها لازمة زي Foursquare.

Klout سكور امر بيختلف عليه الناس، في تلك الحالة ممكن تكتب مقالة عن ازاي الكلاوت سكور مش مهم وتهاجم فيه سكول اوف ماركتينج، مش شرط بشكل مباشر لكن تناقد المعلومات اللي هما قالوها.

٣- تتكلم تاني وتغطي جوانب متكلموش عليها

ثالث طريقة والأخيرة، انه مثلاً SOM كتبت عن “آخر ألاجا Ads اعمل” في جوانب زي Paid tools زي Qwaya متكلموش عنها بتساعدك تعمل Fb Ads و A/B Testing ممكن تكتب article بتغطي فيها الجوانب دي وتعيد مناقشة الجوانب اللي هما اتكلموا عنها بشكل تاني.

وبكد تكون قدرت تسرق الـ Content من الـ Competitor بنجاح وبشياكة 😉

Andrew Azmi

Growth Hacker مهووس بالـ Content Marketing و انتاج الـ Viral Content ، تابعنى ع : Twitter ، Facebook، Linked in

إزاى تقيس نجاح الـcontent ؟

إزاى تقيس نجاح الـcontent ؟


خلينـا نفترض إنـك، وبعد مجهـود جبار بذلته عشـان تقدر تحدد وتفهـم الـ Personas بتوعك ونـوع الـ Content اللي بيستهدفهـم خلال الـ Journey اللي بيعدّوا فيها قبل ما يقرروا يتعاملوا معـاك، ابتديت أخيراً تنجح إنـك تعمل Content شكله حلو وشيـك، و Designs جميلة النـاس بتحبهـا وبتعملها Share وبقى عندك حجم Fans، منافسينك بيحسدوك عليه و Videos لطيفة بتوضح قد إيه إنت جـامد.

زي ما اتكلمنـا قبل كدة على هدف الـ Content عـامة والـ Strategy بتاعته خاصة.. الهدف بتـاع الـ Content لازماً حتماً ولابد يخدم الهدف اللي هو مكتوب عشـانه.. يبقى السؤال اللي المفروض تسأله لنفسك قبل أي POC بتكتبهـا، هو: إزاي الـلي أنا بكتبـه ده بيخدم الـهدف اللي هو مكتوب عشـانه؟

وعشـان تعرف تجاوب على الموضوع ده لازم تربط كل نـوع Content بالهدف منه، فكـان لازم اتكلم عن أنواع الـ Content اللى خارجة من تحت إيدك وإيـه الهدف منهـا عشـان نحاول ننظم الموضوع على قد ما نقدر،.

الـ Attractive Content

لمـا بنيجي نتكلم عن الـInbound Funnel وازاي المفروض تشتغل على كل الـ Channels بتاعتك عشـان تقدر تـ Attract أكبر عدد ممكن من الـ Target Audience بتاعك.. فإحنــا هنـا وش بنتكلم عن الـ Attractive Content!

الــ Attractive Content هدفـه إنـه يوصل لأكبر عدد ممكن من الـ Target Audience ويقدر يلمس حاجة مهمة عندهـم في حياتهم أو شغلهم وبالتالي المفروض يحللهـم مُشكلة أو يلبى احتياج هما فى أمس الحاجة ليه.

ملحوظة عالمـاشي عن الـ Virals: للي مايعرفش المصطلح فهـو أي Content سواء فيديو أو الـ meme أو hashtag الخ… بينتشر بين النـاس بشكل كبير جداً وبسرعة وليك في الموضوع ده أمثلة كتير قوي.. الـ Viral ده ممكن يبقى مثــال كويس على الـ Attractive Content لو الهدف إنـي أوصل لكل النـاس وده غالباً بيبقى في حالة شركات الـ FMCG من أول معجون الحلاقة بقى مروراً بالـ Cola لـسبراي العرق لزيت الطبخ وهكذا.. لكن هل الموضوع مفيد لو أنا شغـال على Target niche معين؟ لو إجابتك أه يبقى حاجة من الاتنين يا إمـا إنت P&G فهنــا يتلغي الشرط بتـاع الـ target niche 🙂 يـا إمـا إنت لسـه مبتفكرش Inbound ومكـانك مش هنـا خالص.

الهدف من الـ Attractive Content إنـه يوصل لأكبر عدد ممكن من الـ Target Audience، يعنـي مش أي Audience.. الانتشار حلو مفيش كلام.. بس صدقنـي مش في كل الأحوال.. بمعنـى إنـك لو وصلت لعشر بني آدمين مستهدفين تقدر تركز معـاهم وتوفرلهـم الموارد اللي عندك عشـان تخدمهم بشكل أحسن.. ده أفضل بكتير من لما توصل لخميسن بني آدم تصرف عليهـم نفس المجهـود ومش عارف مين منهـم هيخدم أهداف الـ business بتاعك أصلاً. الموضوع ده تقدر تقيسه بسهولة من نـوع الـ traffic اللي حاصل على الـ Content بتاعك.

ويقدر يلمس حاجة مهمة في حياتهم أو شغلهم، الكلام ده ممكن تقيسـه بسهولة في الـ Engagement سواء على تعليقات الـ Blog أو الـ Social Media وتقدر تقيس هل فعلاً الـ Community بتاعك بيستفيد ولا بس معجب بيك وبالكلام اللطيف اللي بتقولهولوا.

وبالتالي المفروض يحللهـم مُشكلة، حجم الاستفادة اللي الـ community بتاعك استفادها لازم تحاول تقيسهـا والموضوع مش سهل قوي إنمـا ممكن عن طريق كذا حاجة.. أولهـم وأكثرهم سذاجة 🙂 هو هل الشخص اللي بيشوف الـ Content بيرجع تاني ولا بيقرا ويمشي؟ الـ Bounce rate إيه أخباره؟ نسبة النـاس اللي بتجيلك من الـ Search Engines عاملة ازاي؟ نسبة الـ Subscribes والـ Unsubscribes أخبارهـا إيه؟

الـ Converting Content

ده نـوع الـ Content اللي بيحـول النـاس اللي متعرفهـاش (واللي بالنسبالك مجرد أرقـام في الـ Analytics) لنـاس تعرف معلومـات عنهـا وأبسط المعلومـات دي هو الإيميل.. النـوع ده من الـ Content بيخلق نـوع من الصداقة المبدئية بينـك وبين الـ Lead وبيخليك تقدر تتواصل معاه تاني مش تستنــاه هو اللي يجيلك.

أمثلة الـ Converting Content كتير أولهـا الـ Subscriptions للبلوج، أو الـ Landing Page اللي شايلة Ebook أو Whitepaper أو الفيديو.. ولو فرضنـا إن أول خطوة إنت مشيت عليهـا صـح يبقى مش محتـاج تقيس هنـا حاجة أكتر من الـ Conversion Rate، واللي بيأثر فيه أكتر من عـامل زي نـوع الـ Content نفسه، والصرف اللي هتصرفه على الـ Content ده عشـان يوصل للنـاس، وطريقة الإستهداف وهكذا..

لو الـ Quality بتاعت الـ Leads اللي جيالك ضعيفة – بمعنـى إن فرصة تحويلها لـ Sales Opportunities ضعيفة – يبقى في غلط حـاصل في الخطوة الأولانيـة.. محتاج ترجع خطوة كمـان. ولو الـ Quality مش ضعيفة وبرضـه مش بتتحول لـ Opportunities يبقى في مشكلة في الخطوة اللي بعد دي.

ملحوظة: الـ Conversion ممكن يحصل في الـ Attractive Content عـادي جداً إنمـا الفرق الأساسي إن الـ Conversion Content بيـ Convert النـاس عند مرحلة أعلى أو بمعنى أصـح Quality أعلى أو بمعنـى أوضح احتمالية إنهم يشتروا أعلى.. والـ Attractive Content هدفـه الرئيسي باين في إسمـه.. الـ Attraction 🙂 !

الـ Closing Content

طبعاً ده الـ Content اللي هدفـه إنـه يخلي الـ buyer يقرر يتعـامل معـاك.. وممكن يتراوح من Case Studies لـ Free Consultations لـ Free Demos أو Coupons..

أنـا مش قاصد أجري في آخر جزء ده، مع إن الصيـام عامل شغل عالي معايا والله وهموت على فنجان قهوة 🙂 إنمـا الفكرة بصراحة بسيطة هنـا جداً.. وجزء كبير منهـا مُعتمد على الـ Sales اللي المفروض يبقى عندهم خلفية عن اللي بيحصل بشكل عـام وعن الـ Inbound Sales بشكل عام برضه وعن الـ Funnel اللي مشي فيهـا الـ Lead قبل ما يجيلو بشكل خـاص جداً.

تقدر تقول على الـ Closing Content نـاجح ببسـاطة لمـا الـ Lead يقرر يتعامل معـاك.. يقرر يديك فرصـة.. “يقرر بس” مش لازم يشتري. مش بهرب من المسئولية والله.. بس صدقنـي قرار الشرا ده مرهـون بحاجات كتير جزء كبير منهـا ليه علاقة بالـ Sales والـ business development والجزء ده بيكبر أكتر لو بنتكلم عن شركات الـ B2B. وموضوع إنـك تقيس نجاح النوع ده من الـ Content على المبيعـات مباشرة فإنت كدة بتعذب نفسك شوية.. هو مش غلط.. إنمـا ده في حالة إنك عندك خلفية عن كل العوامل التانية اللي ممكن تأثر عالموضوع ده.. فاهمني؟

لو الـ Leads مقررش أو حتى أبدى نية إنه يتعـامل معـاك.. يبقى في مشكلة في الـ Closing Content .. الاحتمالات كتير مقدرش أحصرهـا.. إنمـا أهمهـا جودة الـ Content نفسـه.. وهل على نفس مستوى التوقعات اللي إنت بإيدك بتبنيها في دماغه بقالك فترة ولا لأ؟ السبب التـاني المُهـم هو جودة المُنتج أو الخدمـة نفسهـا.

الـ Nurturing Content

الـنوع ده هو أي Content معمول عشـان العلاقة بينك وبين الـ Community بتاعك تفضل موجودة.. سواء عملاء أو لأ.. سواء بيفكروا يبقوا عملاء أو لأ.. طالمـا هم في الـ Target Audience.. يبقى الـ nurturing واجب عليك..

نـوع الـ Content ده جزء كبير منـه شبه الـ Attractive Content .. وممكن كمـان يـ Attract نـاس جديدة عـادي جداً.. الفكرة بس إنـك باستخدام الـ Content ده بتحاول تقول للـ Leads بتوعك.. إنك مش نـاسيهم.. وإنـك مش عشـان مقررتش تتعامل معايا يبقى أنفضلك.. وبتقول للـ Clients بتوعك.. إنك في وسط مانت بتحاول تجيب Clients تانيين إنتو هتفضلوا الـ Center بتاع دايرة اهتمامي ومش معنـى إنكم إشتريتوا خلاص إني أنفضلكوا يعني.. إحنـا بينـا علاقة قايمة على الاهتمام والشراكة المستمرة.. الـ Nurturing Content ناجح طول ما الـ Audience بتاعك بيتكلم عنك كويس وطول ما الـ Word of Mouth في صالحك.. وطول ما أنت بتعرف توصل للـ Circles بتاعت الـ Audience بتاعك اللي إنت مش عارف توصلها من غيرهـم.

لو ده مبيحصلش.. يبقى عندك مشكلة.. وغالباً مش هتبقى مشكلة كبيرة لو إنت مـاشي صح من الأول.. لأن زي ماقلتلك.. نـوع الـ Content ده إنت بتعمله بالفعل إنمـا محتاج بس توجهـه بطريقة صح تخدم هدف المرحلة دي.. وهنـا بييجي دور الـ Personalization والـ Automation والكلام اللطيف ده.

الخلاصة:  كل نوع content ليه KPIs و analytics مختلفة، لو عايز تتدرب على ملاحظة الـanalytics عشان تعرف كل نوع content تبصله ازاى و تقيسله ايه املى الـform دي و احنا هنبعتلك content و الـanalytics بتاعته و تناقشنا فيه عشان تعرف تقيس نجاح الـcontent لما تحققه 😀 😉

 By: Farmawi