ازاي تعمل report للـ Ads

ازاي تعمل Report  لل Ads

الفيديو هنكلمك فيه عن ازاي تـAnalyze  ال Ads  بتاعتك  وتعمل Report  تقدر تطور بيه شغلك بعد كده

وخلي بالك ان ال Report  ده مش بس هتعتمد عليه في انك تطور ال Ads  بتاعتك بعد كده لا انت  بتعتمد عليه في انك تبني ال Strategy  بتاعتك بالكامل

الـtargeting اول لعبة في ماتش الـ Ads

الـtargeting اول لعبة في ماتش الـ Ads

الـ Blog Post  ده بيكلمك انت تحديدا  لو لسه بتقول بسم الله في الـ Facebook Ads  وهتلاقيه متقسم  لنقطتين اساسيتين :-

أولا :- الفكره الاساسيه اللي ورا الـ Ad system  والـ Factors  اللي بتتحكم فيه

ثانيا :- كل الـ Options  اللي موجوده في Targeting الـ Ad system  وتستخدمها امتى 😉

نبدأ بأولا :-

                  “الـ Ad System  ممكن تشبهه بماتش الكوره”

  1. انت فيه بتمثل اللاعب  كل الـلي يهمك انك تجيب جون عشان تكسب الماتش والجون في الـ Ad system  انك  توصل لافضل Results  في الـكون بأقل Cost  ممكنه
  2. وعندك ال facebook  نفسه وده بقى هو حكم الماتش الـلي عايز يتأكد انك ملتزم بقوانين الـلعبة بنسبه 100% عشان يضمن ان مايحصلش اي abusing  للعبة
  3. واخيرا الــAudience  الـلي انت عايز توصلهم ودول ممكن تشبههم بالـجون الـلي انت بتشوط فيه 😀

تعالى دلوقتي نمسك كل واحد من التلاته ونشوف ايه قصته ..

1- الــ FB نفسه “الـحَكم” :- 

الـ Facebook  يهمه جداا انه يحسن ال User Experience  يعني عايز الـ Users ميلاقوش عليه غير الـ Content  اللي يناسب اهتمامتهم ويلمسهم ” اصل غير كده مش هيدخلوا على الـ FB أصلا “

وبناء عليه هتلاقيه موفر في الـ Ad system  كل الـ Options  الـلي تخليك ” كـ Marketer  ” تـtarget الـ Audience باكبر نسبه Accuracy  خلقها ربنا وطبعا هيرخم ويقفش عليك لو فكرت تعمل عكس كده

2- الـ Audience “الجون” :-

والـمشكله هنا بقى ان في Users  كتيير معتبرين الـ FB  ساحر 😀

يعني هما عايزين  يلاقوا الـ Newsfeed  فيه مناسبه لاهتماتهم بالـمللي ومتفصله عليهم وكل حاجه  بس في نفس ذات الوقت   مبيهتموش انهم يكتبوا الـ Data  بتاعتهم بشكل Accurate  وفي بعض الاحيان  مش بيهتموا ان الـ Activities  بتاعتهم تكون بتعكس اهتمامتهم  D:

3- انت كـMarketer  “اللاعب” :-

الـلطيف بقى ان  انت كـ Marketer  باصص للموضوع من وجهه نظر تالـته خاااالـص 😀  كل الـلي يهمك انك توصل لاكبر عدد ممكن من الــAudience مش مهم تكون Specific  ولا الـكلام ده كله، على اعتبار ان كده هتجيب عدد اكبر من الـ Sales !! “خدعوك فقالـوا “

والنتيجه 😀  انك هتوصل لعدد اكبر وكل حاجه زي الفل بس قيمتهم هتكون اقل  وال Conversion rate  منهم هيكون اقل 😉 ‘ وحاليا  Facebook  بيعمل كل الـ Updates  اللي تخلي الـ Cost  تعلى عليك لو فكرت متكونش Specific  ” حقه تمااما طبعا بيحمي الـ Platform  بتاعته  “

يبقى الـلي نطلع بيه من الـرغي ده انك عشان تظبط الـ Ad  وتجيب افضل نتايج باقل Cost  محتاج تكون Specific و توصل لاكتر ناس تناسبك  بالـ Content  اللي يناسبهم طبعا وأحيانا محتاج انك تتقلب ساحر وتحاول توصل للـ Audience  بتوعك وهما الـ Data  بتاعتهم مش accurate   100%.

اتفقنا ان اول حاجه محتاج تعملها انك تكون Specific  وده ياخدنا للنقطه التانيه في الـ Blog Post  ده اللي هي..


ثانياً:-

                 “الـ Options  اللي قدامك في Targeting  الـ FB Ads”

 

أولاً الـ Demographics:

 

 

مبدأيا الـ FB  بيديلك Options  انك تـ target  الـ Audience  بناء على الـ demographics  بتاعتهم زي انك تختار الـناس في دوله او محافظه او منطقه معينه وساعتها بتحدد انت عايز الـناس الـلي في الـمنطقه دي وحوالـيها بكام ميل

وخلي بالك انت عندك 4 options  جداد وانت بتختار الـ Location :-

1) Everyone In This Location

 يعني انت عايز كل الناس اللي في المنطقه دي سواء عايشين فيها او بيزروها 😉

2) People Who Live In This Location

هنا انت عايز توصل للناس اللي ساكنين في المنطقه دي فعلا وطبعا الـ FB بيعرف الموضوع ده من الـ Data  بتاعتك في الـ Personal profile

3) People recently In This Location

ودي معناها انت عايز الناس اللي بتزور المنطقه دي مؤخرا بس مش ساكنه فيها  😀

4)  People Traveling In This Location

ودي تعتبر جزء من  People recently In This Location لانك عايز الناس اللي كانت Recently  في المكان ده بشرط ان المكان ده يكون ابعد عن المنطقه اللي ساكنين فيها ب 100 ميل،

طبعا معنى الكلام ده كله ان  لو انت Brand  ليك  فروع في مناطق معينه فانت قدامك testing  كتييير اويي اعتمادا على ال  Location  بس

 ده غير طبعا ان قدامك Option انك تـinclude  او تـexclude  منطقه

وغير ال Location  عندك  انك تحدد Range  الـسن بتاع الـ Audience  بتوعك

وطبعا الـ Gender  انت عايز الـستات بس ولا الـرجالـه ولا الـاتنين وهكذا،

وفي انك تحدد الـلغه وخلي بالـك الـ FB  هنا بيـ dedicate  الـلغه على اساس الـ user  ده بيستخدم الـ fb  بانهي لغة.

ثانياً ندخل على الــ More demographics:-

 

More demographics on targeting FB Ads

 

وهنا هتلاقي features تخليك تحدد الـ Audience  بتوعك بشكل Specific  اكتر

  • *  ممكن انك تحدد الــ Audience  بتوعك على اساس الـ Relationship status  بتاعتهم  والـ Interstate  سواء Men  ولا women  وهكذا
  • * وعندك الـ Education  ودي بتديلك فرصه انك تختار الـ educational level  بتاعهم هما في ثانوي ولا جامعه ولا اتخرجوا ومجال دراستهم ايه والـمدرسه او الـجامعه الـلي كانوا فيها وممكن تحددها بهما دخلوا الـجامعه واتخرجوا منها سنة كام
  • * وفي الـ Work  ودي بتختار منها هو شغال في انهي مكان وانهي Industry  والـ Job Title  بتاعه
  • مثلا  لو احنا في SOM  عاملين POC  ازاي الـ fast food industry  تعمل  Inbound marketing  فممكن نـtarget  الـناس الـلي شغالـه في McDonald’s و cook door  وهكذا
  • * وفي كمان انك تختار   انك تـ target  الـ Parents  تحديدا وفي جزئيه Specific  اكتر انك ممكن تـ target ـهم بناء على سن اولادهم يعني الابهت والامهات الـلي اطفالـهم اعمهارهم مابين سنه او اتنين وهكذا، وطبعا لو انت حضانه بتقبل الـاطفال لسن معين فالـ feature  دي هتفيدك
  • *واخيرا الـ Life Events  ودي انت ممكن تـ target  الـ Audience  بناء على احداث معينه في حياتهم زي الـناس الـلي عيد جوازهم قرب او عيد ميلادهم او مثلا لسه مخطوبين جديد سواء من سنه او 6 شهور او 3 بس … وهكذا
  • خلي بالـك انت فوق كان عندك Option  انك تختار الـناس الـمخطوبين عموما بناء على الـ Relationship status  لكن هنا انت محدد اكتر وده ممكن يفيدك انك تكون Personalized  اكتر يعني لو انت شركه سياحه ممكن تكتب POC  ليه لازم تفكري في شهر الـعسل من اول شهر في الـخطوبه وتوديها للمخطوبين من اقل من 3 شهور وهكذا

وعندك مثلا لو انت مطعم بتعمل اكل بيتي ممكن جدا تـtarget  الـناس الـلي Away from family  من الـ Life event  وهكذا

ثالثاً الـ Interests:-

interests on FB ads targeting

 

وهنا مثلا لو انت محل ملابس ممكن تـtarget  الـناس الـلي Interested  بالـ fashion.  طب ثواني كده هو الـ FB  بيـ dedicate  الـ Interests  بتاعه الـ Audience  ازاي ؟؟
ده بيكون  بناء على الـ Activities  بتاعتك على الـ FB  والـ Pages  الـلي بتعملها Like  وهكذا ..

و طالـما جينا لل Interests  يبقى لازم نجاوب على الـسؤال الازلي   هو انا ينفع target  الـناس الـلي عاملين Like  لـ Page  تانيه  وانا مش Admin  فيها ؟؟ 😀

الأجابه اه ينفع بس مش في كل الـ Pages ، يعني مثلا هتلاقي انك ينفع تـtarget  الـناس الـلي مهتمين بـ Hubspot لكن مش هيظهرلك انك تـ target  الـناس الـلي عاملين Like  لـ School of marketing طبعا 😀  وده بيكون بناء على حجم الـ Brand  وعلى شويه factors تانيه بيحددها الـ fb
في نقطه تانيه محتاج تاخد بالـك منها في الـجزئيه دي  وهي انك  لو حددت الـ Interests  بتاعتك Marketing  و fashion  فانت كده بتقول للـ FB  هاتلي الـناس اللي مهتمين بالـ Marketing  او الـ fashion !! ” (أو) مش (و) خلي بالـك “*

*لومش واضحة اسأل.

رابعاً الـ Behavior:

Behaviors on FB Ads Targeting

الـ Facebook  بيديلك Option  انك تـtarget  الـ Audience  بناء على الـ behavior  بتاعهم وهنا عندك كذا حاجه ممكن تختارهم بناء على الـ Digital activities  يعني ممكن تختار الـ Early technology adopters  وممكن تختار الـناس الـلي بيستخدموا الـ  FB Payments اخر 90 يوم وممكن تختار الـ Admins  في الـ FB Pages  وهكذا

يعني مثلا لو انت Event Planner  ممكن تختار من الـ digital activities  بتاعة الــ Event Creators لانهم More likely هيكونوا مهتمين بالـ Service  بتاعتك  😉

وعندك انك تـ target  الناس اللي جاية من بلد معينه وعايشه في مكان تاني. وفي انك تـ target  حسب الـ Mobile devices سواء بالـ Brand  او الـ Operating system  او الـ Network connection وده مثلا ممكن يفيدك جداا لو انت بتـMarket  لـ Mobile application

وفي انك تـ target  حسب seasonal events  معينه زي الـ Graduation  او رمضان وهكذا، واخيرا حسب الـ Travel behavior  ممكن تـ target  الـناس الـلي متعودين يسافروا علطوول او بيخططوا لسفريه قريب او لسه راجعين من الـسفر من مده معينه وهكذا 😉

وأخيرا الـ Connections:

connections on FB Ads Targeting

ودي ممكن تختار منها :- انك تـtarget  الـ fans بتوع   اي Page  انت Admin  عليها او الـ Friends of fans

” ودي حاول متستخدمهاش من غير ما تكون محدد من كل الـ Options  الـلي فوق انت عايز مين من الـ Friends  دول تحديدا ” عشان تكون Specific اكتر

وممكن تـ exclude  الـ Fans يعني ممكن تستخدم الـ Option  ده في انك تعمل Ad set  رايح للـ Fans  بس و Ad set  بي Exclude  الـ Fans عشان تفرق ما بين نتايج كل Audience  من الاتنين وهكذا وطبعا نفس الـكلام بتاع الـ Pages  ممكن تطبقه على الـ Events  او الـ Apps بتاعتك

طبعا في جزئيه تانيه في الـ Targeting  اللي هي الـ Custom Audience  ودي هنكلمكم عنها في Article  منفصل انت كده عرفت الـ Options  اللي قدامك في الـ Targeting  ودي اول خطوه لسه قدامك خطوات تانيه زي انك تحدد كل  الـ Audiences  الممكنين اللي ممكن يمثلوا كل Buyer persona  من اللي عندك وبعد كده تقسمهم  لـ Ad sets عشان تـ test  عليهم وتشوف اكتر واحد جابلك نتايج فتشتغل عليها وهكذا 😀

عندك اي مشكلة تانية بتقابلك في الـ targeting؟

عندى بكام؟ Ads الـ Budget اعمِل

عندى بكام؟ Ads الـ Budget اعمِل

اعمل budget الـAds عندى بكام ؟

اجابه على السؤال الأزلى .. هو انا المفروض اعمل Budget الـAds عندى كام ؟ أو هو الـFacebook هيسحب منى فلوس قد ايه ؟؟

بدايه أنت اللى بتحدد الـbudget بتاعة الـAds بتاعتك فى اليوم . لكن الفكرة الـbudget دى هتوصلنى لنتايج قد ايه ؟!! أو فى طريقة المحاسبة هيحاسبنى ازاى سواء بقى بيحاسبك على الـImpressions او الـClicks أو غيره .. فى عوامل كتيره مؤثرة هنتكلم فيها فى النقاط الجاية دى :

حجم المنافسة على نفس الـAudience :

الـAds على الـFacebook عاملة زى المزاد ، بيكون فى مجموعة من الـAdvertisers عاوزين يوصلوا لمجموعات من الناس بصفات أو Interests معينة. و كل ما كان مجموعة معينة من الناس عليها طلب أكتر كل ما كان سعرهم بالنسبة للـFacebook أعلى لأن عليهم منافسة ، و ده يودينا لجزئين:

* إنك تحاول توصل لمجموعة من الناس مناسبين للـbusiness بتاعك و فى نفس الوقت مش عليهم منافسة عالية – و دى هتبقى أنت و شطارتك و خبرتك – طيب و لو معرفتش أوصلهم هعمل ايه ؟؟

*حاول “متسترخصش” فتروح تجيب ناس ميعتبروش Ideal buyer persona  ، لأن دول مع المستقبل هيتحولوا عدد على الفاضى ، و هما نفسهم هيجيبولك ناس تانية برضه مش Targeted ليك! حتى لو عملية الـAttraction ليهم كانت ببلاش !

حته فلسفية: دلوقتى لما اجى اعمل Targeting لمجموعة ناس فى “الإمارات مثلا” طبيعى هتبقى الـPrice بتاعة الـ ads أعلى من إنى اعمل targeting لناس فى “السعودية” .. ليه بقى ؟!
ركزوا ف الحتة دى..

الـAudience فى الإمارات سعرهم أعلى من الـAudience فى مصر . مقصدش هنا أن دول حلوين و دول وحشين لكن اقصد أننا ممكن نقول المستوى المعيشى فى العموم متطور أكتر ، وبالتالى قراراتهم فى الشراء أسهل و محددة أكتر يعنى صعب حد يملى Form لحاجة هو فعلياً مش هيشتريها!
بالتالى هنا الـBehaviour بتاع الـ Customers فى الإمارات يخليهم more targeted من الـ advertisers عن الـ Customers فى مصر  “لأنهم محددين هما عاوزين ايه بالزبط و بياخدوا قرارات شراء حقيقية” وده هيخلق منافسة عليهم أكبر ، و بالتالى سعر الـ ads اللى عاملالهم Targeting أكيد هيبقى أعلى!

2- Quality targeted-Content:

الـContent بتاعك على الـSocial media غير أنه “العربية” اللى بتمشى بيها هو برضه واحد من العوامل الأساسية اللى هتجيبلك الـaudience الصح … الموضوع ببساطة ليه جزئين :

  • هتعمل Content حلو هيبقى الـCTR عالى – الـCTR هو نسبة الناس اللى داسوا على الإعلان إلى نسبة الناس اللى شافته-  و هيكون محاسبتك على الـBid (بسبب أن الــCTR عالى) سواء كانت على الـClicks أو الـImpressions أقل بكتير

  • هتعمل Content حلو و Targeted و بيكلم الـBuyer persona الصح هتقدر تبنى community حقيقى أما لو Content حلو لكن مش بيكلم الـBuyer persona الصح يبقى هيجيبلك الناس الغلط . الناس الغلط هيبقوا كتير و شكلهم حلو لكن مش هيبنولك Business حقيقي يعيش معاك 20-30 سنة قدام.

3- طريقه المحاسبة :

الطريقة اللى الـFacebook بيحاسبك بيها -واللى بيكونلك دور أنت كمان فى اختيارها- بتحددلك أنت بتوفر فلوسك ولا أنت بترميها على الأرض ! يعنى مثلاً لو عامل إعلان على Piece of content بييجي عليها Engagement كتير و قلتله يحاسبك على الـEngagement يبقى أنت الخسران لكن لو اختارت الـ Impressions كنت هتوفر كتير.

هى فى الأخر لعبة و بتلعبها ، و مع التجربة هتفهمها و هتقدر تنفذها بنفسك 😉

النصيحة الأخيرة :

مفيش حد عارف أنت المفروض تدفع كام  فى الـCampaign أو فى الـClick  أو فى الـ Conversion ، لأن الموضوع مبني علي مبدأ “Poke The Box” يعنى نخرب و شوف هيطلعلك ايه و بناء عليه تحدد الخطوة اللى بعديها … ايوه عن الـA/B Testing أتحدث ، اقرا في الموضوع ده كتير و استنى مننا content في الموضوع ده قريب

ايوه برضه معرفتش اصرف كام 😀

بص يا سيدي شوف الـResources اللي معاك قد ايه و شوف كام فى المية منها رايحة للـAds .. وليكن 10,000 جنيه ، خد 10/15% من الـBudget دة و ابتدي اصرفها على الـTesting بتاعك اللي المفروض يعرفك:

*مين اكتر Audience بيجبلك نتايج كويسة

*سعر الـCPM أو الـCPC (طبعا بيكون range عشان ده مزاد يا فندم يعني بيتغير من وقت للتانى)

*أحسن type of content بيجبلك نتايج

*أكتر topic بيشد الTarget Audience بتاعك

*و أخيراً ايه هي الـ Visual Effects اللى بتجذبهم ليك

أخر حاجه بقى صاحب الـFans بتوعك و متحاولش تمصلح من وراهم  ، لأن مش صعبه إنك تجيب Customer يشترى منك و خلاص. اللى فعلاً صعب إنك تخليه يقتنع انك فعلاً صاحبه و ده مش هيحصل إلا لو أنت فعلاً كده ،  و لو ده حصل أنت بعدها مبتبقاش محتاج تعمل Ads كتير .. صحابك هيعملولك Ads ببلاش 🙂

مشاكل الـAds اللى بتقابلك أكيد لسه كتير، قولنا ايه أكتر حاجة بتقف قدامك ؟!

 

Fayrouz Al-Qutt

اعمل Ads أخر الاجا

اعمل Ads أخر الاجا

إزاى تطلع الـAds حاجة آخر ألاجا

قبل ما تبدأ قرايه الـArticle دى عاوزين نقولكوا حاجتين ..

اولاً الـArticle بتشرحلك الـFacebook Ads من اول طأ طأ .. ولحد السلام عليكم

ثانيًا الـArticle دى مناسبه لـيك لو انت معملتش Ads قبل كدة خالص ومتردد إنك تعمل واحد ..

او لو انت بتعمل Ads وحاسس إن فيه حاجة ناقصة أو غلط ..

(يعنى لو انت شايف نفسك تنين فى الـFacebook Ads .. يبقى اقفل الـArticle)

بس متنساش ان الـAds من اولها لاخرها كده هى مش اكتر من 10% بس من الـMarketing ككل !! و احنا كتبنالك الـArticle ده عشان نريحك و نصفيلك دماغك من الـ10% دول هنقولك خطوات عمل الـAd على الـfacebook من اوله لاخره

. يعنى فى اخر الـarticle دى هتبقى من الاخر بتعرف تعمل Ads على الـFacebook بس أخر ألاجا

قبل ما تعمل Ad روح للمكان الصح !!

خلينا قبل ما ندخل الشرح أوضحلك حاجة سريعه كده .. عشان تعمل Ad على

الـFacebook عندك مكانين

اول واحد هو Boost post :

1

What is Boost Post

و بتبقى تحت الـPost كده زى ما هو موضح قدامك .. اوعى تستسهل و تعمل

الـAd منها ، لانها ايوه اسرع .. لكن مش بتظهر لك كل الـOptions اللى ممكن تستخدمها ..

تانى طريقه و اللى بفضّلها هى :

من فوق ع اليمين زى ما فى الصوره >>

2

How to create Facebook ads

أبتدي ازاى بقى ؟؟

دلوقتي تعالى معانا وهنشرحلك الخطوات بالتفصيل (وبالصور وبالمستندات 😀 )

أنت أول ما بتدوس على Create Ads بيظهرلك اللى فى الصوره دلوقتى …

3

How to choose objective Facebook ads

خلى بالك كل شويه عم Mark بيعدل و بيغير فى الـFacebook ads فالفكره انك تبقى فاهم مش حافظ .. و اللى هيكون واضح فى الصور دلوقتى هو شكل الـAds system من جوا فى بدايه 2015

المهم .. فى الجزئيه دى انت بتختار الـObjective بتاع الـAd بتاعك ….

الاختيارات اللى قدامك دي بتختلف على حسب نوع الـObjective بتاعك او هدفك من كل Ad انت بتعمله … بسرعة جداً وباختصار هشرحلك كل واحدة فيهم

  1. لو هدفك الاساسى engagement الافضل تختار رقم واحد
  2. لو الـPage بتاعتك لسه صغيرة ومحتاج تكسب Fans جديدة يبقى الافضل تستخدم الـOption ده
  3. عندك Blog او Website وعاوز Traffic .. يبقى ده اختيارك المناسب
  4. لو بتستخدم Landing page او عاوز Conversions مثلا كتسجيل بيانات او subscribe فده الاختيار الافضل.
  5. لو عندك Application و هدفك الاساسى ان الناس تعملّه Download
  6. من هنا بقى لو انت عاوز تزود الـ Engagement على حاجه متعلقة بالـApplication بتاعك.
  7. الاختيار ده لو عامل Event و عاوزه يوصل لناس اكتر.
  8. الاختيار ده للـOffers.
  9. و اخر اختيار ده عشان تعمل Promotion لفيديو.

لما تصرف فلوس ، اصرفها على حاجة تستاهل !!

بعد ما اخترت الـObjective بتاع الـAd بتاعك بتختار الـpiece of content اللى هتعمل عليها اعلان …

4

How to choose objective for Facebook ads


و من هنا يا اما بتختار post قديم .. يا اما بتعمل واحد جديد من جوا الـAd نفسه بس قبل ما تختار تعمل Post Ad.. ايه الحاجة اللى تستاهل انك تصرف عليها دم قلبك ؟

أكيد الحاجه اللى بتعجب الـTargeted fans بتوعك (مش تعجب اى حد و خلاص) وتقدم value وتزود الـengagement … بس خد بالك من كام حاجه قبل ما تختار post او تكتب post جديد و تعمل عليه اعلان.

-لو عاوز تبيع .. متّبعش : كل ما قدمت Value اكتر فى الـpiece of content بتاعتك كل ما اقتناع اللى بيقراها بيك هيزيد، و كل ما هيبقى سهل يشترى منك الحاجه اللى انت بتقدمها .. طبعا ده بعد اتفاقنا ان محدش بيشترى حاجه هو مش عاوزها …أيّ قرار شراء بييجى لما يكون الشخص عنده رغبه يشترى أو محتاج الحاجه دى دلوقتى …

يعنى حاول و انت بتعمل Ads تعملها على Content بيفيد مش بيبيع بشكل direct !

طب إزاى أعمل Content إبن ناس عشان يجيب نتايج ؟؟ ممكن تقرا سريعاً القواعد الأربعون للـ content


حاسب لا الـFacebook يقفش عليك:

وانت بتعمل Facebook Ad ممكن يترفض من الـFB او ممكن يشتغل حبه صغيرين و بعدين يقف ..مش عشان النت مهنّج لا سمح الله اً… لكن عشان الـAd بتاعك مش عاجب الـfacebook أو مخالف لقوانينه (معلش يا سيدى هو الـFacebook بيحب يتدلع على زباينهُ شوية 😀 )

طب يعنى إيه مخالف ؟

فى الأول وفى الأخر الـFacebook يهمه إنه يحافظ على الـuser experience عنده .. عشان كده من حقه يضمن إن اللى بيعمل الاعلان يعملهُ بشكل أوستيك (شغل فنادق يعنى) خصوصا بقى إن فى منافسة عاليه بين المُعلنين نفسهم. فكان لازم ولابد إن الـFacebook يحط Rules للعبة الـAds عشان مش كل من هبّ ودبّ يدخل يعمل اعلان ويكرّه الناس فى الـFacebook

إيه الحاجات اللى ممكن تخليه مخالف؟

1 -لو الـAd فيه صورة عليها كلام أكتر من 20% .. كدة هيترفض .. وحَلّها انك تقيس صورتك

2- لو فى صوره الأعلان بتاعك نوع من انواع الـDrugs

3 – لو بتـOver promising (يعنى بتبيع كلام انت مش قده) بالبلدى متروحش تقولهم مثلا انك تخس 40 كليو فى شهر واحد، و لو مش مصدقنا جرب و قولنا حصل اية.

إتعب بقى شوية وإقرا الـFacebook Guidelines عشان تعرف تلعبها صح .

كدة احنا اخدنا الخطوة التانية .. شفت الموضوع سهل ازاى !!

هاTarget مين ؟؟

اول سؤال هسئلهولك هنا .. هو انت عارف الـBuyer Persona

لو عارف فا جبنالك هنا sheet ممكن تاخده زى ما هو تملاه دلوقتى عشان تقسّم الناس اللى هتعملّهم targeting ..

5

How to organize buyer personas

الـtargeting بقى من جوا الـFB تعالوا ناخد خطوة خطوة ونعرف هنعمل فيها إيه:

6

targeting for Facebook ads

في الأول كدة أنت تقدر تختار الـaudience اللي هيوصلهم الـAd بالظبط بأنك تستخدم “create a custom audience ” هنا تقدر تدخل emails او حتى أرقام الـناس دي، و الـFacebook هيعملها matching.

خلى بالك البيانات دى مينفعش تبقى شاريها او واخدها من اى مكان . لازم تبقى واخدها من صحابها بـPermission منهم ولازم يكونوا عارفينك … و لو هما مش عارفينك على فكره الفيسبوك هيقفش ده 😀 بس مثلا لو كانت الـData دى واخدها من ناس عملوا Download ليك كان بيتكلم عن الـStrategy و بعدها كتبت piece of content عن الـstrategy الافضل هنا انك تعمل targeting للـناس اللى عملوا download للـe-Book ده لانهم غالبا هيبقوا مهتمين بأى حاجه متعلقه بالـTopic ده .

7

How to create custom audience

و لو مش معايا بيانات عن الـaudience، أعمل اية؟.. نبدأ نحدد مواصفات الـaudience و نختارها.

1- Location: يعني هتختار الناس اللي عايز تـTargetها موجوده في أنهي منطقة ؟؟

ممكن لو أختارنا مدينة نصر هيبقى عندك أختيارين، تختار مثلاً “Madinet El-Nasr” أو “Madinet El-Nasr +20″، هوضحلك الفرق..

8

How to choose locations for Facebook ads

الـ”+20″ الرقم دة معناه 20Km حوالين منطقة مدينة نصر و كل طبعا ما بتزود الـkm كل ما بتبعد عن المنطقة. أحنا مرة كنا عاملين target للناس اللي في مدينة نصر و أختارنا +20 جالنا audience من السيدة زينب و مكناش عايزينهم اصلاً :D.

2- Age: هنفترض إن أنت عندك Service هـتّهم الشباب .. ممكن نعمل السن مابين 18 الى 30 سنه، فكل منتج ليه السن المناسب، و ممكن يكون المنتج مناسب لكل الاعمار.

3- Gender: بتشوف المنتج بتاعك لأنهي نوع، مثلاً لو أنت بتبيع مكنة حلاقة، يبقى ممكن أختار الرجالة.

4- Language: هنا بتحدد أنت عايز تـTarget الناس اللي عندهم معرفة بـلُغات ايه. زي انك تبقى مثلا ممكن بـTarget الناس اللى في الهند اللى بيتكلموا عربى.

5- More Demographic: هنا لما بتكون عايز تعمل target للـaudience بطريقة specific جداً، أنت هتختار هو خاطب ولا متجوز، تعليمهُ مستواه ايه ، بيشتغل في أنهي مجال و هكذا..

9

demographics selection for Facebook ads

6- Interests: هنا بتحدد الـaudience بتوعك أهتمامتهم ايه ، إذ كانوا بيهتموا بالرياضة، أو الأكل و الشرب، الخ..

10

Interests selection for Facebook ads

7- Behaviors: هنا بتشوف هما نشاطتهم إية على النت، هل من الناس اللي بتحب تعمل search كثير ولا بيستخدموا الموبيل كثير، حضروا events معينة بيسافروا أماكن معينة او مهاجرين، الخ.

11

Behaviors selection for Facebook ads

8- Connections: هنا هتختار أنت عايز الأعلان بتاعك يوصل للـFans اللي عندك على الـpage ؟؟ ولا كل الناس ؟؟ ولا تختار Fans بتوع page تانية خالص بس تكون انت admin عليها يعني 😀 .

12

Connections selections Facebook ads

في مشكلتين ممكن تقابلنا و أحنا بنحدد الـTarget Audience، منها:

  • المشكلة الاولى ان الـaudience يكون جواه need بس الـinterest مش موجودة :- و انت مهمتك تُنكشها لحد ما يبقى متأكد من إنهُ عاوز الحاجه دى ، زى الـCareer Shifting مثلاً.

هبسطهالك ، لو انت فاتح شركة E- learning ، وفيه من الـTarget Audience بتوعك ناس حابة تعمل Career Shifting

(طبعا مفيش حاجة إسمها على الFacebook إنك Interest بالCareer Shifting) فـدى ببساطة تقدر تعمل أنت community خاصة بالموضوع وتخلق interest جديدة.

  • المشكلة الثانيه أنك تكون بتـtarget ناس مش موجودة على النت :- فـ هنا هتعمل target للـsub-audience، نفترض أنك بتبع أجهزة منزلية و هنا عايز تعمل target للأمهات و دول مش موجودين كثير على النت، يبقى تعمل target لبناتهم مثلاً ;).

ما تجوم تطمن على فلوسك ؟!

اخر حاجة بتتعمل فى الـAd creation هى الـOptimization , ودى عبارة عن انى بختار طريقة معينة من الطرق اللى الـfacebook بيُنشر على اساسها الـ Ad بتاعى ” و هيحاسبنى بيها برضوا” , وكل طريقة الـ facebook بيحسبلها تسعيرة مختلفة، والمشكلة اللى بتقابل معظم الـsocial media marketers هى إزاى نختار بينهم.

طيب هى ايه الطرق دى اصلاً ؟:

  • Optimize for Post Engagement

    13

    Facebook ads Optimizations


هنا الـ facebook بيركز انه يبعت الـAd بتاعى للناس اللى ممكن تعمل engagement، طب ايه مشكلة الطريقة دى؟

المشكلة بقى ان انا لما بعمل optimization على اساس الـ post engagement الـ Facebook بيبعت الـ Ad بتاعى للـ user اللى بيعمل like على اى حاجة (عشان يتأكد انه هيجيب engagement)، يعنى مش لازم يكون مهتم بيا انا بالذات، يعنى أسوأ segment من الـaudience بتاعى

طب أمتى اختار الطريقة دى؟!

لما اكون عارف ان الـAd بتاعى مش engageable، طب وانا ليه أعمل Ad مش engageable؟

ممكن لما الـclient يبقى عايز ينزّل حاجة معينة وانا عارف انها مش أد كده, ساعتها ممكن اختار الطريقة دي.

اللي جاي دة بقى update جديد عمله الـFacebook.

  • Daily Unique Reach:

    14

    Facebook ads optimizations


وده أجدد update اتعمل للـ optimization و بيخلى الـuser يشوف الــAd بتاعى مرة واحدة فى اليوم، طب ده هفيدنى فى أيه؟

هيفيدنى إن الـuser ميزهقش من الـad بتاعى، و ده ممكن يفيدنى لو أنا بعمل promotion لـproduct مهم أوى, ومش عايز الـuser يزهق منه، ده غير انه لو شافه كتير ممكن يختار “Hide” من الـnewsfeed وده هيضعف الـEdgeRank، بس طبعا فى الحالة دى الـImpression هيقل جداً عشان كده لازم الـtarget audience يبقى ultra specific

  • (Impressions (CPM:

    15

    Facebook ads optimizations

ودى اختصار cost per thousand impressions و ده معناه ان الـFB هيحاسبك لما الـad بتاعك يظهر لـ 1000 شخص ,يعنى الـ Facebook هيخلى أكبر عدد من الـusers يشوف الـAd بتاعى, وهنا ال Facebook بيحاسبنى على الـuser اللى بيشوفوا الـ Ad .. سواء جاب clicks أو مجابش :D.

  • (Clicks (CPC:

    16

    Facebook ads optimizations

  • ودى اختصار Cost per click , وهنا الـFacebook بيبعت الـAd بتاعى للناس الاكثر قابلية انهم يعملوا click على ال ad بتاعى, وبيحاسبنى بالـclick، قطّاعى يعنى 😀 حتى لو داس لكن معملش أي نوع من أنواع الـEngagement 😀

طب أمتى اختار اعمل الـAd بتاعي CPC وأمتى CPM؟

على اعتبار ان فى 2 مننا, واحد مشاويره كتيره جدا, يعنى بيعمل فى اليوم 20 مشوار و واحد لو جالوا مشوار او اتنين فى اليوم يبقى كويس , الراجل اللى بيعمل مشاوير كتير المفروض يروح يركب تاكسي ولا يأجر عربية باليوم؟

لو جيت تفكر هتلاقى مادام بيعمل مشاوير كتير يبقى يأجر عربية باليوم هيبقى ارخصله, لأن التاكسى هيقف عليه غالى جدا, نفس الكلام اللى بيعمل مشوار واحد فى اليوم, يروح يأجر عربية كاملة فى اليوم, ولا ينزل يركب تاكسى؟ ينزل يركب تاكسى عشان تكاليف المشوار الواحد هتبقى أقل من تكاليف تأجير عربية, لكن تكاليف 20 مشوار هتبقى أكتر من تكاليف تأجير عربية فى يوم واحد

طب ايه هو الشخص اللى بيعمل مشاوير كتير وايه هو الشخص اللى بيعمل مشاوير قليلة؟

المشاوير هى الـclicks , يعنى المكان اللى لما يتحط فيه الـAd يجيب clicks كتير هو ده نفس حالة الراجل اللى عنده مشاوير كتير, فا لو انا عارف ان الـ newsfeed بالطبيعة الـclicks فيها كتير, الـ ( CTR (Click through rate فى الـ newsfeed بطبيعته عالى بيعدى 10 و20 % فبالتالى ده معناه ان كل 100 شخص هيظهرلهم هيدوس عليه 20 30 واحد

فلو انا عامل ال Ad بتاعى cpm وليكن هدفع دولار, الدولار ده هييجى فيه 20 click, 20 click ده يعتبر كتير لكل 1000 impression فى نفس الوقت اللى عامل ال ad بتاعه cpc هييروح يدفع تمن ال 20 click واحدة واحدة مش هيدفع دولار زي انا ما دفعت (هيتحاسب بالواحدة) كل واحدة هتقف عليه بحوالى 10 cent , هيلاقى نفسه دفع 2 دولار

مع ان نفس الـclicks دى كان ممكن ياخده بدولار واحد لو كان هو يبتحاسب cpm عشان هو عارف ان الـclicks فى الـnewsfeed كتير يبقى من المنطقى انى اتحاسب بالـimpression اللى هو ايجار عربية كاملة لكن العكس بقى فى الـ right column اللى هو الـ click قليلة جدا, يعنى لو كل 10000 impression جاب 5 10 clicks ممكن يبقى الموضوع ده rate average وده معناه ان مشاويرك قليلة يعنى الـclicks بتاعتك قليلة

مادام الـclicks قليلة وبتحتاج انك تظهر لناس كتير اوى عشان 5 بس هما اللى يدوسوا يبقى تاخد تاكسى تتحاسب بال (cpc) عشان تدفع تمن اللى يجيلك بس

عايز الـAd يظهر فين ؟

بعد ما بتحدد الـBudget بتظهرلك الخطوة الخامسة و هى انك بتختار الأعلان بتاعك يظهر فين، يا ترى عايز الإعلان يظهر فى الـDesktop اللى هو الشخص اللى بيفتح من PC او لاب ولا اللى معاه موبايل ولا انه يظهر على الجنب فى الـRight Colom او 2 او كلهم حتى على حسب ما أنت بتختار.

111

أخر حاجه ( لازم تدفع ) :

20

Facebook ads payment method

بعد ما تعمل content يستاهل وتحدد الـTarget Audienceبتوعك و تـOptmize الـAd بشكل كامل وتخلص كل الخطوات المهمه دي إلي إتكلمنا عليها فوق
هتيجي تـstart الـad ….. لازم قبلها الـfacebook يسألك هو أنت
هتدفع الإعلان إزاي؟؟

وفي أكتر من طريقه زي ما إنت شايف تقدر تدفع بيها الإعلان لو أنت معاك Internet card
ولو أنت مش معاك ؟؟
هات بطاقتك و 20 جنيه وروح لأقرب فرع لبنك CIB و أطلب
“Thomas Cook Card”، مش هتاخد منك وقت وتقدر بعدها تدفع الـbudget الـلي تناسبك …. وتـApprove الـAd بشكل طبيعي..بس كده.

Test قبل ما تلبس

في مفهوم أسمه AB Testing، و دة معناه إن قبل ما تعمل أي حاجة تجرب و تشوف أنهي أحسن طريقة تشتغل بيها لأن الـads كله تجربة!، و بعدين مينفعش تعمل ad بـ 500$، تستخدم method غلط و تبلس صاحب المحل، علشان تفهم ازاي تعمل AB Testing بص على الصورتين اللي تحت هنا

77

أحنا أختارنا الـtarget audience و أختارنا الأعلان بتاعنا يظهر على الـmobile news feed.

66

هنا سبت الـtarget audience زي ما هما مغيرتش أي حاجة فيهم و غيرت بس أن الـAd يظهر على الـDesktop News Feed.

يعني أنا عملت اية؟، انا سبت كل حاجة عملتها في الـAd زي الـTarget Audience والـOptmization Method. و غيرت بس الـAd Placement.

انت كده عملت A/B Testing علي Factor الـPlacement يعني المكان اللي هيظهر فيه الـAd اللي بالطبيعه هيتحكم في شكل ظهوره
طبعاً انت مطلوب منك تعمل A/b Testing علي اكتر من Factor عشلن تتأكد انك ماشي صح و من اهم الحاجات اللي محتاج تبتدي فيها Testing هي

1-الـInterests
اعمل اتنين Campaign ثبت فيهم كل العوامل من اول الLocation لحد الBidding و خلي الـInterest بس هو اللي مختلف و قارن نتايج ال2 و اوعدك انك هتنبهر من الفرق مع انك حاطت 2 Interest قريبين من بعض

2-Relationship Status

 

في بعض الحالات زي انك تكون بتبيع اثاث مثلاً بيبقي الموضوع فارق اوي انك تفصل اللي مخطوبين عن اللي متجوزين مثلاً, اللذيذ في الموضوع انك تقدر توصل لحد انك عامل Ad للي لسه مخطوبين من شهر و واحد تاني للي من تلات شهور و تشوف مين جايب نتايج احسان (طبعاً متنساش تثبت كل العوامل التانيه , يعني متقارنش المخطوبين اللي في مصر بالتجوزين اللي في سوريا )

طبعاً مش هما دول بس , انا عايز افهمك الConcept و انت طبّقه برحتك

Life Example

حبينا نجيبلكم مثال عام على نتايج الكلام ده بتكون خوزعبليه ازاي عشان تعرفوا احنا بنفكر لما نعمل Ads نعملها إزاى وعشان كده جبنالكم مثال من School Of Marketing نفسها.

55

الـScreenshot اللى قدامكم فيها post كنا عاملين لهُ Ad على الـFB ، احنا فى الـpost كان الTarget Audienceبتاعنا هما School Of Marketing Fans ،فى المثال ده الـPiece of content دى كانت engageable بالتالى المنطقى اننا نستخدم طريقة الـCPM “لان الـCTR بتاعها عالى .. يعنى عدد كبير من اللى بيشوفوا بيدوسوا على الـAd طبعا لو عملناها clicks هيتخرب بيتنا 😀 و هيحاسبنا على كل دوسه 😀

اما بقى لو عندنا حاجه الـCTR بتاعها كان قليل يعنى عدد قليل من اللى بيشوفوا بيدوسوا او بيعملوا اى نوع من انواع الـinteractions يبقى الافضل نعملها CPC مثلا عشان الـFB نفسه يجيبلنا Clicks .

ملحوظه :- عارفين ان الـPost ده الكلام في الصوره كان أكتر من 20% ومتسألوناش ازاي الـfb عداها 😀

نهايتو..

الـFB ads مهياش معضله ولا بعبع و عمايلها سهلة جداً . وانت كده سعادتك بقيت بتعرف تعمل FB Ads و لو نخربت شويه هتبقى بتعرف تعمل كل حاجه فى الـAds من اولها لاخرها …

بس خلى بالك كده من كام حاجه على السريع..

1- لما تعمل Ads حاول توجه الجزء الاكبر من الـbudget للـContent اللى بيعمل Engagement و اللى بيفيد مش اللى بيبيع

2- حاول دايما تركز على ان الـAds تروح للـFans بتوعك مش لناس برا , و بالطريقه دى انت هتوفر فلوسك اكتر و هيكون سعرها اقل
بس ده طبعا بعد ما تبني الCommunity بتاعك صح و ده هيحتاج منك شويه تعب في الاول

3- متخليش همك فى عدد الـFans خالص و اهتم اكتر بالـEngagement و ممكن تعرف ليه من هنا اقولك يعنى ايه Like و متزعلش

4- اوعى تبطل تعمل Testing حتى لو ضاع منك شويه فلوس هى كده كده هتعلمك و هتوصلك لنتايج محدش وصلها قبلك فى الـIndustry اللى بتعملها Marketing

5- العلم اسمه Social media marketing مش Social media ads و بالتالى اوعى تدى للـAds اكبر من حجمها لأنها جزء مش الكل 😉

لو عندك أى اسئله متعلقه بالـFB Ads اسال و احنا هنجاوبك و لو بتعمل Ads فعلا و عاوز تتاكد انت شغال صح او فى مشكله معينه بتواجهك فيها فاحنا عاملين Free Consultation لاول 20 واحد موافي للشروط هيسجل معانا من هنا :
ملحوظه : هتعرف معني موافي للشروط لما تدوس

Free Consultation

 

انسف تلفازك القديم

انسف تلفازك القديم

انسف تلفازك القديم

بغض النظـر عن كميـة الاستفزاز اللي موجودة في الإعلانات اليومين دول وبغض النظر عن كرهـي العميق للإعلانــات في مبدئهـا ومضمونـها وإعتبـاري ليها إنهـا غسيل دمـاغ، قررت على غير العـادة إنـي مسيبش الـتليفزيون في الفواصل الإعلانيـة، عشان أكتب حاجة يمكن تساعد الـناس اللي مش شغـالة في الـ Marketing إنهم يحافظوا على سلامـة دمـاغهم من محـاولات الـ Advertisers المستميتة لغسيل الدمـاغ. ويمكن تساعد النـاس اللي شغالة في الـ Marketing إنهم يقدمـوا Value أحسن من كدة للنـاس وللـ Brands اللي شغالين عليهـا.

المُــزة / Change of Perception

001-hardees-katherine

Hardee’s اتعــاقد مع “كاثرين ويب” على بتـاع خمسميت صورة وإعلان ليهـا وهي بتاكل الـ buffalo blue cheeseburger بتـاعها وبتستمتـع أوي بأكله بطريقة خلت الإعلان أقرب لفيلــم Porn. واللي ميعرفش كاثرين ويب – ويا رب متدورش عشان ماخدش ذنبك – فهي بتشتغل موديل، وملكة جمـال Alabama 2012، و رقم 6 على مستوى أمريكـا لعام 2012.. بس كدة..

المطلــوب منك كـ “زبـون” تصدق إن واحدة زي دي، حياتهـا وأكل عيشهـا معتمدين بشكل أساسي على الـ Diet بتاكل زيـك Buffalo Blue Cheeseburger، يحتوى على ما لا يقل عن 1100 سُعـر حراري، ده من غير الـكولا والـبطاطس لسة !

بغض النظر إن الإعلان رخيص، جو مُزز وبـتــاع، إنمـا الفكرة عمـوماً موجودة، يعني هو كريستيانو رونالدو وميسي بياكلو من KFC فعلاً؟! مش هقولك من منطلق الدايت يا سيدي،،، من باب الاستنضاف حتـى.

الحبكــة بقى ببساطة إنك عارف إن الـ Fast Food اللي هو الـ Junk Food أكتر حاجة بتسبب سِمنـة وأمراض.. هارديــز وغيره عارفين إنك عارف.. بس إنت من كتر حُبك في الرمرمـة بتحاول تنسى… وهما بيساعدوك، كاثرين نفسهـا بتســاعدك.

الاستهبــال / Repositioning

أخاف أجيب أمثلة فـأحصر الغبـاء،، لأنه لا حصر له الصراحة. يعني هنتكلم على إعلانات مسحوق الغسيل والاختبـارات الخزعبلية بتاعت عبلة كامل، ولا هنتكلم على المظاهرة بتاعت Harpic ولا نفتـح ونخش فى طارق نور واللي عمله في البنك الأهلى في رمضان ولا إيه ولا إيه؟!

هو يبدو إن الغبــاء مستمـر فـ يا نتعـود عليه، يا نحوّل القنــاة، يا نعمل ثورة ونرفـع عليهم قضية “بره مصر طبعـاً” بحجة الغبـاء التجــاري.. عادي Redbull هتدفع 13 مليون غرامة في القضيـة اللي اترفعت عليهم عشان مفيش جنــاحـات بتطلع لما بتشربهـا.. هيعملــوا ايه مع مليون شــاب مصري استخدم Gillette Vector الجديدة ومعاها AxeChocolate ومعرفش يُظبط معزة حتى؟

للعلم بس: قضية ريدبول كانت بسبب إن كان الـ Redbull في تأثيرهـا الفعلـي عليك – من غير إعلانات يعني- ماتفرقش خالص عن أي Power Drink تاني أو كوباية القهـوة العادية. حتى محـامي الدعوى كان بيتريق وبيقول “كوباية قهوة غالية جداً.”

النصب / Deceptive Slogans

خلينــا نتفـق على تلات حقايق مهمـة، أولاً: مفيش فاكهـة بتقعد شهر من غيــر ما تحمض ولو حتى في التلاجة… ثانياً: كيلـو البرتقال البلدي بـ 3 جنيـه، وبيعمل نص لتر… ثالثاً: البرتقال أصلاً مش بنفس سعر المانجة ولا الجوافة وأكيد مش بنفس سعر الأناناس.

فاللي عايز أوصلهـولك إن لمــا بيور أو لمـار أو غيرهـم يقولولك الصلاحية ست شهــور وفي نفس الوقت العصير طبيعــي 100% والسعر من 9 لـ 10.50.. لأ وكمـان كنوع من الإعجــاز العلمي .. إن كل الفواكه بنفس السعر.. أبوس إيدك متصدقـهومش.

وبرضــه على سبيل المثال Pepsi دفعت دفت بتـاع 9 مليون دولار تعويض بسبب القضيـة اللي اترفعت عليهم عشان قالو إن Naked Juice اللي الشركة بتعملـه “طبيعي 100%”

الحبكـة في الموضوع واللي خفض الفرامـة على Pepsi واللي أنا عايزك تاخد بالك منه بقى إن إن منظمة الغذاء والأدوية العالمية نفسهـا معندهـاش مشكلة إن أي Brand يكتب كلمـة طبيعي 100% على المنتج بتـاعة طالمـا لا يحتوى على ألوان صنـاعية، نكهـات صنـاعية، مواد كيماوية غير مصرح بهـا.. الـ FDA نفسهـا قالت إنهـا صعب تحدد ايه طبيعي وايه مش طبيعي طالما دخل مرحلة التصنيـع.

الفكـرة ببساطة إن في تقريباً على حد علمـي تلات طرق عشان العصير يقعد فترة طويلة في السوق: همـا البسترة، والضغط HPP، والأشعـة فوق البنفسجية.. ومش هعرف أتكلم عن مدى صحتهم أو ضررهم.. أنا بس حابب أتكلم عن مـدى صحة العبارة بتاعت طبيعي 100% .. هل بعد الـ Processing اللي فوق ده ينفـع نقول عالعصير طبيعـي؟ هل بعد الـ Processing ده، العصير بيفضل محتفظ بقيمته الغذائية؟ … شوف هي الـ FDA مبتلزمـش المُصنعين إنهم يقولوا الطريقة اللي قدروا يحافظوا بيهـا عالعصير طالما الطريقـة Approved فـ حسب قوانين الـ FDA ينفع يقولو طبيعي.. إنمـا حسب العصير اللي بنعصره في البيت؟؟؟ 🙂

الاستنصــاح / Legal Disclaimers

وإنت بتتفرج على إعلانات التلفزيون هتلاقي شريط أبيض كدة بيقولوا عليه disclaimer بيتكتب بفونت حجمـه 1Px ولـونه أبيض وغالباً بيبقـى على خلفية بيضــة وبيستمر لمدة ثانيتين بالظبط، شوية أمثلة عالماشـي،، شــوف يا سيدي:

01 dettol

ديتــول في الإعلان بيقولك يساعد في تخفيض الأمراض بنسبـة 75%

الـdisclaimer بقى بيقولك: التهابات الجهاز الهضمي والتنفسي لدي الأطفال تحت خمس سنوات، يعني همـا مش مسئولين عن مدى صحـة الحـملة في حالة إن إبنـك مش في الـ75% دول، ولو اللي عنده أكتر من مجرد إلتهــاب، ولو سنـه أقل من خمس سنين، ولو اللي عنده حاجة غير الجهاز الهضمـي والتنفسي مثلاً.

02 activia

أكتيفيا بتقولك ايه بقـى إن الزبـادي بينشط ويسـاعد عملية الهضم وجايبينلك مرة دُرة وهيا معندهـاش كرش خالص ومستمتعه بمعلقـة الزبادي جنب الشُبـاك، أو علا وهيا برضـه مستمتعـه جداً بنفس المعلقة..

بغض النظر إني مش شايف إيه وجـه الاستمتاع في الزبـادي، الـdisclaimer بقى بيقولك: ضمن نظام غذائي وأسلوب حياة صحيين، يعنـي ماهو أي حد بيعمـل الاتنين هيطلعلوا كرش ليه أساساً؟

للعلـم بس: Activia زيـه زي أي زبـادي عادي جداً، واترفع عليهـم قضية زي بتاعت Redbull كدة برضـه ودافعين بتـاع 45 مليون دولار تعويض.

H&S

هيد أند شولدرز، اللي هو رقــم واحد فعلاً، إنمـا بنــاءاً على احصائيات المبيعـات سنـة 2010، يعنـي من أربــع سنين.. يعنــي بيقولك إن آخر نجـاح حققتـه الشركة في السـوق كان من أربع سنين؟

الـسكيزوفرينيا / Inconsistency

MBC عملت حملتين أه مش في نفس الوقت إنمـا لو فكرت فيهـم دمـاغك بجد هتصدّع.. ركّـز معايا.. 🙂

الحملـة الأولـى: أربع شباب راكبين عربيـة لونهـا فضـي سايقين بسرعـة وبيسمعـو مزيكـا ومولعينــها والدنيـا حلاوة

mbc-aqim-anghamy

الحملة التانية: تلات شبــاب برضـه راكبين عربيـة لونهـا نبيتي سايقين بسرعـة وبيسمعـو مزيكـا بصـوت عالي ومولعينهــا وبرضه الدنيا حــلاوة

mbc-aqim-salatak

أيوا المشكلـة فين؟؟؟ أقولك أنا المشكلــة فين..

الأربع شباب الأولانيين عملوا download للـ Anghami Appغني بأعلى صوتك لا توقف! والدنيـا حلـوة،

التلات شباب التانيين عملوا حادثة وماتوا فجأة ودي كانت حملة أقم صلاتك قبل ممـاتك.

زي بالظبـط إحساس مايجيبلك الأذان وسط So You Think You can Dance؟ عشان تتعدى مرحلة غسيل الدمـاغ لمرحلـة البسترة.

دي نبذة مختصـرة عن ازاي الأكل بيتصور في الإعلانـات

https://www.youtube.com/watch?v=zGj2eVgWI6Q

ودي شوية خـدع كدة عالمـاشي عشان لزوم التصوير وكدة

Commercials tricks we keda

ملحوظـة بس: أنا بشتري ديتـول وبأكل كنتاكي أحيـاناً وبحب لمـار الرمـان ً وبكـره الزبادي الصراحة وبحب الرمرمة عادي جداً .. أنا بس بحاول على قد مأقدر مسلمش دمـاغي لحد كـ Consumer ومغسلش دمـاغ حد لو كـ Marketer. و علي فكره اللي اعلاناته وحشه و بيقدم حاجه محترمه كمنتج بفضل طول عمري اشتري منه و اللي اعلاناته حلوه و هو بيقدم اي كلام , بيتعمل عليه x من اول تعامل و ده معناه ان كل الشقلبه دي ملهاش لزمه

Ahmed AL Faramawi